اه ............. يالريان (يوجد صور )

[دلة الرسلان]

حياكم الله جميعا

لمدينة الريان مكان كبير في قلبي وروحي رغم انني لم اسكن فيها الأ خمس سنوات ولكن بحكم

دراستي في مدارسها المختلفة من الريان الجديد الى الريان القديم الثانوية وبحكم دوارتنا

بالباص العنابي في فرجان ودواعيس الريان حتى دليناها دعوس داعوس وفي كل داعوس

صديقة عزيزة حتى انه ينتابني شعور ان الريان كان اهلي وقبيلتي التي افخر بها ولم نشعر فيها

بالعنصرية التي تظهر هنا وهناك ، الفريج الواحد خليط جميل يشعرك بالحب والانتماء ....

حتى في الغربة اذا تذكرت قطر يطرى علي الريان فكأن الريان احتوت قطر كلها .

ولطالما اخذت اولادي ورحنا نشوف الريان ولكن في فترات متباعدة فالريان في الخاطر دائما .

وفي الأمس قمنا بزيارتنا وتفاجأت بالتغيير الذي طرأ على المنطقة فالبيوت هدمت واذا كانت

باقية فهي سكن للعمال وحتى البيوت الجديدة تم اخلائها لمشروع المدينة التعليمية الجديدة،

المهم رجعت وفي قلبي حزن وحنين للريان اللي كان واترككم مع بعض الصور لريان اليوم
http://www.doha1971.org/upload/dohahost_49708001.jpg

http://www.doha1971.org/upload/dohahost_69223514.jpg

http://www.doha1971.org/upload/dohahost_27525999.jpg

http://www.doha1971.org/upload/dohahost_56132327.jpg

http://www.doha1971.org/upload/dohahost_17114938.jpg

[ابوالجازي]

الله يعطيج الف عافيه اختي

واعتتذر لاني خلتيج تتعبين وتنزلين الموضوع مره ثانيه :p

جهد تشكرين عليه اختي

[المجروح81]

سبق واطرحته اختي ام حمد بنفس العنوان ونفس المقال


http://qatarshares.com/vb/showthread.php?t=145145

[ترتر]

ااااه يالقهر على الريان اذا انتي عشتي فيها 5 سنين انا ولدت وعشت فيها 18 سنه :no:

وفعلا كانت من اجمل المدن يمكن لان بيوت شيوخنا في هالمنطقة :pioneer:

اليوم المدينة صارت انقاض واطلال :(

[ابوالجازي]

سبق واطرحته اختي ام حمد بنفس العنوان ونفس المقال


http://qatarshares.com/vb/showthread.php?t=145145

الموضوع اللى تم طرحه كان لاختي دلة رسلان وتم دمج الصور اللى حاطتها اختي ام حمد بالغلط وصار الموضوع كانه لام حمد وعليه تم حذف الموضوع بالكامل .

[دلة الرسلان]

الله يعطيج الف عافيه اختي

واعتتذر لاني خلتيج تتعبين وتنزلين الموضوع مره ثانيه :p

جهد تشكرين عليه اختي

العفو اخوي والشكر موصول لك تعبتك معاي .
سبق واطرحته اختي ام حمد بنفس العنوان ونفس المقال


http://qatarshares.com/vb/showthread.php?t=145145

صحيح اخوي وزين انك منتبهه واعتقد رد اخوي ابوالجازي يوضح اللبس ومشكور عنيناك مرة

ثانية :thumbup1:

ااااه يالقهر على الريان اذا انتي عشتي فيها 5 سنين انا ولدت وعشت فيها 18 سنه :no:

وفعلا كانت من اجمل المدن يمكن لان بيوت شيوخنا في هالمنطقة :pioneer:

اليوم المدينة صارت انقاض واطلال :(

اخوي ترتر المدارس والصداقة اربطتنا بأهل الريان فوق 18 سنة وين ما رحنا يشدنا الحنين

للريان :weeping:

الموضوع اللى تم طرحه كان لاختي دلة رسلان وتم دمج الصور اللى حاطتها اختي ام حمد بالغلط وصار الموضوع كانه لام حمد وعليه تم حذف الموضوع بالكامل .

شكراا اخوي للتوضيح :shy:

[فارس 2007]

آآآآآآآآآه ............. يالريان

[قطري شايب]

ساكن الريان محبوبي وعند بابه انقطع ثوبي

فديت انا الريان واهلها عمار ياريان سيتي دوت كوم مابرحتوا وماابثقتوا ومازلتوا فيها

بس مادري ليش احس الغرافه غير للعلم انا هب هل الغرافه بس هل الغرافه غيرررررررررررررر وماعليهم زود باقي المناطق الاخرى

[ANONYMOUS]

5 سنين
و 18 سنه

انا خذت فيها مؤبد 27 سنه

والباقي في مدن اخرى

[بو فهد]

ياهل الريان لي معكم وليف كامل الاوصاف ياويلي علية .
ولو اني الحين ماأسكن الريان..هوى الريان بي ساكن طول العمر
تذكرت الفيحاني رحمة الله يوم قال

عمن ترحل سالي الدار يا عين استعلميها و انشدي يا حزينه
..............قولي هلك يا دار منك غدوا وين من بك وقف ينشدك ما تخبرينه
هل نرتجيهم هم على الأرض حيين لو هم مع من في المقابر دفينه
............قالت حشا ما هم تحت الأرض فانين أمس الضحى عني غدوا بالضعينه
مدوا على شبه القنا و العراجين هجن جليلات المرافق متينه
............................يومك تراهم يا محمد مقفين عنك و لا ما عشرتك زاهدينه
راحوا و هم يا ولد قاسم معيفين ما أظنهم لك بالوصل منتوينه
....................حيث انهم منك حماسى و زعلين نياتهم راحت و هي مستشينه
قلت اسكتي من ذا الخبر بس تكفين يا دار نقضتي جروح دفينه
..........................هذا الخبر يا عين خلي نظيرين بالك لدمعك عقبهم تذخرينه
ابكي على لاماه حتى تذوبين يمكن تروف قلوبهم يا فطينه


شكرا على الموضوووووووووووع

[السديم]

اختي دلة رسلان .. جبتيها على العوق ..

لي مع الريان قصه وحنين وشوق طفولي ..

رحلتنا الاسبوعيه كانت للريان .. للمزرعة .. كنا ننتظر يوم الجمعه مثل العيد وندل الطريق عدل ونعرف البيوت ونعرف الدكاكين .. لكن بقاء الحال من المحال وجاء زحف العمران وتقرر مشروع المدينة التعليمية وتغيرت ملامح الريان 100% ..

ولكن صورة الريان القديمة وذكراها ستظل راسخه في القلب :thumbup1:

[امـ حمد]

يعطيج العافيه اختي علي الصور

[قطرية بيزنس]

فديت هل الرياان:playball:


ريــحـة الغاليييييييييين:rolleyes:

[دلة الرسلان]

آآآآآآآآآه ............. يالريان

اه + اه الشكوى لله :weeping:

ساكن الريان محبوبي وعند بابه انقطع ثوبي

فديت انا الريان واهلها عمار ياريان سيتي دوت كوم مابرحتوا وماابثقتوا ومازلتوا فيها

بس مادري ليش احس الغرافه غير للعلم انا هب هل الغرافه بس هل الغرافه غيرررررررررررررر وماعليهم زود باقي المناطق الاخرى

:anger3: لا اخوي الريان واهل الريان صدقني غير بس انتا مش واخد بالك ولا يهونون اهل

الغرافة :thumbup:

5 سنين
و 18 سنه

انا خذت فيها مؤبد 27 سنه

والباقي في مدن اخرى

اشوفك ما جريت الصوت اخوي على الريان

[BODYGUARD]

ياسلااااااااااااااااااااااام على الريان

منطقتي الريان .. وناديه القديم له ذكريات حلووووه

الصراحه من اكون في الدوحه واروح صوب الريان اول ماادخل منطقة الريان قلبي يرتاح واستانس ..

شكراً يا دلة الرسلان

[بو نايف]

يابعدي يالريان.....


راحت الريان .......

[ضوى]

دلة

يعطيك الف عافية عالصور التراثية المريحة للنظر بالنسبة لي

بس ما لي ذكريات بالريان

[Breakaway]

يازينك يالي حذفت تعليقي!

[مشروع هاموور]

اااااااه يـــ الريان

احلى مرحلة في عمري كانت في الريان سواء الجديد او القديم

اخبر الحريم والأطفال يتمشون في الفريج

والأكل رايح جاي من بيت لبيت

وكل واحد يعرف الثاني كان اهل الفريج عائلة واحدة كبيرة

واخبر

جمعتنا انا والشباب في المعاصر والمطاعم

طبعا ً قبل ماكان في كنتاكي او ماكدونلز او هارديز:nono:

وكانت جمعتنا دايما عند اشهر مطعم كرك وكيما ولحم ناشف :thumbup: " السفير "
او كما هو شائع كوستا كوفي الريان:p

هذا غير مصلى العيد اللي كنا يوميا نلعب فيه كورة

وغير وغير وغير .........

ايام جميلة وعمر من المستحيل انه يرجع او يتعوض

[BODYGUARD]

اااااااه يـــ الريان

احلى مرحلة في عمري كانت في الريان سواء الجديد او القديم

اخبر الحريم والأطفال يتمشون في الفريج

والأكل رايح جاي من بيت لبيت

وكل واحد يعرف الثاني كان اهل الفريج عائلة واحدة كبيرة

واخبر

جمعتنا انا والشباب في المعاصر والمطاعم

طبعا ً قبل ماكان في كنتاكي او ماكدونلز او هارديز:nono:

وكانت جمعتنا دايما عند اشهر مطعم كرك وكيما ولحم ناشف :thumbup: " السفير "
او كما هو شائع كوستا كوفي الريان:p

هذا غير مصلى العيد اللي كنا يوميا نلعب فيه كورة

وغير وغير وغير .........

ايام جميلة وعمر من المستحيل انه يرجع او يتعوض


السفير :eek2: لين الحين موجود ها اطلبلك .. شباتي لحم مايونيز ..:thumbup1:

[OTOsan]

دكـــتـــور عـــوقــي عنــدكــم يـاهــل .. الـــريـــان !!

ما اجمل رائحة الطفولة ... وما اجمل ذكريات الريان ،،

يعطيج العافيه ،،

[مشروع هاموور]

السفير :eek2: لين الحين موجود ها اطلبلك .. شباتي لحم مايونيز ..:thumbup1:

:rolleyes::rolleyes::rolleyes:

شباتي لحم مايونيز مع فلفل احمر, اخضر, اسود + 7 اب :thumbup:

[دلة الرسلان]

يازينك يالي حذفت تعليقي!

مرحبا اخوي Breakaway ترى انا اللي حذفت الموضوع وعدت كتابته مرة ثانية لأن الصور

اللي حاطتهم كبيره وخربت الصفحة وبس ابو الجازي حاول يرتب الموضوع على طلبي ونحط

الصور بعد ماصغرتها ام حمد فتلخبط الموضوع كله ( حشى موضوع انشاء ):looking:

المهم - تقدر تعيد تعليقك بس ترى بنجي للموضوع اللي بالي بالك عقب اهل الريان ما

يفضفضون لاتحاتي:thumbup1:

[Breakaway]

مرحبا اخوي Breakaway ترى انا اللي حذفت الموضوع وعدت كتابته مرة ثانية لأن الصور

اللي حاطتهم كبيره وخربت الصفحة وبس ابو الجازي حاول يرتب الموضوع على طلبي ونحط

الصور بعد ماصغرتها ام حمد فتلخبط الموضوع كله ( حشى موضوع انشاء ):looking:

المهم - تقدر تعيد تعليقك بس ترى بنجي للموضوع اللي بالي بالك عقب اهل الريان ما

يفضفضون لاتحاتي:thumbup1:

مشكورة أختي على التوضيح، ترى عندي حساسية من المشرفين من كثر ما يعتدون على كتاباتي http://www.hawamer.com/vb/images/smilies/13.gif

[المخباط]

ااااااااااااااة هيضتي المواجع يازين البيوت الحمر ومن سكنها عليهم خفه دم :victory:

[المجروح81]

والله تبون الصج يخرع مب شااارع اتقول ملاهي ديزني لاند

مشكووور ع الصوور

[دلة الرسلان]

ياهل الريان لي معكم وليف كامل الاوصاف ياويلي علية .
ولو اني الحين ماأسكن الريان..هوى الريان بي ساكن طول العمر
تذكرت الفيحاني رحمة الله يوم قال

عمن ترحل سالي الدار يا عين استعلميها و انشدي يا حزينه
..............قولي هلك يا دار منك غدوا وين من بك وقف ينشدك ما تخبرينه
هل نرتجيهم هم على الأرض حيين لو هم مع من في المقابر دفينه
............قالت حشا ما هم تحت الأرض فانين أمس الضحى عني غدوا بالضعينه
مدوا على شبه القنا و العراجين هجن جليلات المرافق متينه
............................يومك تراهم يا محمد مقفين عنك و لا ما عشرتك زاهدينه
راحوا و هم يا ولد قاسم معيفين ما أظنهم لك بالوصل منتوينه
....................حيث انهم منك حماسى و زعلين نياتهم راحت و هي مستشينه
قلت اسكتي من ذا الخبر بس تكفين يا دار نقضتي جروح دفينه
..........................هذا الخبر يا عين خلي نظيرين بالك لدمعك عقبهم تذخرينه
ابكي على لاماه حتى تذوبين يمكن تروف قلوبهم يا فطينه


شكرا على الموضوووووووووووع

اضافة جميلة يابوفهد هيضتنا وحركت اللواعج :cry2: الله يذكرهم بالخير تصدقون ابغي

اصور الريان الجديد ما حصلت الأ دناكر وشاحنات البتان فوق اطلال بيت صديقة عمري .

[milan]

ولو ما أسكن الريان هوى الريان بي ساكن

شكرا على هالصور الحلوه لمدينة الريان

[دلة الرسلان]

اختي دلة رسلان .. جبتيها على العوق ..

لي مع الريان قصه وحنين وشوق طفولي ..

رحلتنا الاسبوعيه كانت للريان .. للمزرعة .. كنا ننتظر يوم الجمعه مثل العيد وندل الطريق عدل ونعرف البيوت ونعرف الدكاكين .. لكن بقاء الحال من المحال وجاء زحف العمران وتقرر مشروع المدينة التعليمية وتغيرت ملامح الريان 100% ..

ولكن صورة الريان القديمة وذكراها ستظل راسخه في القلب :thumbup1:

ياهلا يا السديم منورة اختي اخبر مزرعتين في الريان وحدة في الجديد وحدة في القديم اي وحدة

تروحون ؟:eek2:

[دلة الرسلان]

يعطيج العافيه اختي علي الصور

الشكر لج يام حمد تراج ما انتي بهينه :thumbup:


فديت هل الرياان:playball:


ريــحـة الغاليييييييييين:rolleyes:


يالله احنا قاعدين نحسب اهل الريان :thumbup:

[سهم المراقيب]

من فيكم درس في الإمام الشافعي على ايام المزروعي omenomen ,,

[دلة الرسلان]

ياسلااااااااااااااااااااااام على الريان

منطقتي الريان .. وناديه القديم له ذكريات حلووووه

الصراحه من اكون في الدوحه واروح صوب الريان اول ماادخل منطقة الريان قلبي يرتاح واستانس ..

شكراً يا دلة الرسلان

من طيب اصلك اخوي ،الريان تمد فيها النظر والله حتى بيوتها القديمة المهملة احسن يسون

لها صيانة ويحافظون على طابع المنطقة ، اللي يحس بالضيقة انصحة بالريان:deal:


يابعدي يالريان.....


راحت الريان .......

انشاء الله ما تروح شدعوة اشكبر المدينه التعليمية بتأخذ الريان كله ....... ما يصير :nono:

[دلة الرسلان]

دلة

يعطيك الف عافية عالصور التراثية المريحة للنظر بالنسبة لي

بس ما لي ذكريات بالريان

اكتشفت ذلك ياضوى لأن كل الريان مثل الصور اللي شفتيها يعني عادي تشوفون فيلا حديثة

وجنبها بيت تراثي ( ع قولتج ):thumbup1:

ومن هنا اوجه لكي الدعوة لمشاهدة الريان وبسرعة قبل الأزالة :anger3:

[دلة الرسلان]

اااااااه يـــ الريان

احلى مرحلة في عمري كانت في الريان سواء الجديد او القديم

اخبر الحريم والأطفال يتمشون في الفريج

والأكل رايح جاي من بيت لبيت

وكل واحد يعرف الثاني كان اهل الفريج عائلة واحدة كبيرة

واخبر

جمعتنا انا والشباب في المعاصر والمطاعم

طبعا ً قبل ماكان في كنتاكي او ماكدونلز او هارديز:nono:

وكانت جمعتنا دايما عند اشهر مطعم كرك وكيما ولحم ناشف :thumbup: " السفير "
او كما هو شائع كوستا كوفي الريان:p

هذا غير مصلى العيد اللي كنا يوميا نلعب فيه كورة

وغير وغير وغير .........

ايام جميلة وعمر من المستحيل انه يرجع او يتعوض

وين السفير لايكون اللي مشاهد نادي الريان القديم :unsure:

[BODYGUARD]

وين السفير لايكون اللي مشاهد نادي الريان القديم :unsure:

لا لا السفير عند دوار ال شافي

[دلة الرسلان]

دكـــتـــور عـــوقــي عنــدكــم يـاهــل .. الـــريـــان !!

ما اجمل رائحة الطفولة ... وما اجمل ذكريات الريان ،،

يعطيج العافيه ،،

طلع الشعر ....طلع OTOsan


ااااااااااااااة هيضتي المواجع يازين البيوت الحمر ومن سكنها عليهم خفه دم :victory:

ايه عليهم البيوت الحمر والبيوت البيض وفريج عمر و....و....::strong

[دلة الرسلان]

لا لا السفير عند دوار ال شافي

:no: مشكور ع سرعة الرد زين الكيما وعرفناها ايش اللحم الناشف يحطونه في سندوتش ؟

[BODYGUARD]

:no: مشكور ع سرعة الرد زين الكيما وعرفناها ايش اللحم الناشف يحطونه في سندوتش ؟

:yes::yes::yes:

شباتي ومايونيز ولحم

[دلة الرسلان]

:yes::yes::yes:

شباتي ومايونيز ولحم

اوة:rolleyes2: جباتي ومايونيز !!!!!!!! عليكم جبوووووود

[فيوليت]

الله يسامحج دله الرسلان

جاتني العبره من شفت العنوان بالرئيسيه

انا من اهل الريان وكل الريان هلي

وفديت الريان وترابها اللي لعبنا عليه

انا صورت قبل الازاله كذا مكان بالريان

لاني متأثره بازالتها وكنت متابعه لكل تغيير

بس حسافه اذا راحت البيوت ..!!

اشلون نتكلم عن ذكريات منطقه امسحت كامله

اشلون انقول لعيالنا هذا فريجنا وهذا المكان انولدنا فيه ..!!

خساره على بيوت تعتبر من كنوز واثار لدولتنا تروح بسرعه

و...............آه............آه .............آه

يالريان

وشكرا لج يالغلا على الصور كأني عرفت من بيوته ;)

[سهم طايش]

آآآآآآآآآآآه على الريان

------------------------------------

جسمي نحل والكبد عافت لذيذ القوت
يا حالي اللي قام يبدي به النقصان
يقولوا العواذل راح تعالج على بيروت
دكتور عوقـي عندكم يا هل الريــان
انا من اول جاني والحين اخاف اموت
سبب علتي من جادلاً قايد الغزلان
انا ما بلاي الا غزال سكن البيوت
قريب من الشارع على بيتهم نيشان
شفته تعداني وسلم وحنا سكوت
سلاماً برمش العين من طرفه النعسان
بدا بالاشارة خايف لا يجيني الصوت
يقول الحذر منهم ترا كلهم عدوان
ذبحني بعين كنها الدر والياقوت
ساعة نظرني فز له قلبي الحيران
حبيبي حكم باعدام نفسي بدون ثبوت
هذا خطا منكم على عاشق ولهان
جسمي نحل والكبد عافت لذيذ القوت
دكتور عوقي عندكم ياهل الريان

راحوا الطيبين

[السديم]

ياهلا يا السديم منورة اختي اخبر مزرعتين في الريان وحدة في الجديد وحدة في القديم اي وحدة

تروحون ؟:eek2:


وحده منهم مزرعتنا :whistling::whistling:

تعالي الخاص بقولج :thumbup1:

[الجوكر]

آآآآآآآآآآآه على الريان

------------------------------------

جسمي نحل والكبد عافت لذيذ القوت
يا حالي اللي قام يبدي به النقصان
يقولوا العواذل راح تعالج على بيروت
دكتور عوقـي عندكم يا هل الريــان
انا من اول جاني والحين اخاف اموت
سبب علتي من جادلاً قايد الغزلان
انا ما بلاي الا غزال سكن البيوت
قريب من الشارع على بيتهم نيشان
شفته تعداني وسلم وحنا سكوت
سلاماً برمش العين من طرفه النعسان
بدا بالاشارة خايف لا يجيني الصوت
يقول الحذر منهم ترا كلهم عدوان
ذبحني بعين كنها الدر والياقوت
ساعة نظرني فز له قلبي الحيران
حبيبي حكم باعدام نفسي بدون ثبوت
هذا خطا منكم على عاشق ولهان
جسمي نحل والكبد عافت لذيذ القوت
دكتور عوقي عندكم ياهل الريان
:nice::nice::nice:

[مشروع هاموور]

اوة:rolleyes2: جباتي ومايونيز !!!!!!!! عليكم جبوووووود

جربيه تراى عجيييييييييب

:thumbup::thumbup::thumbup:

[مشروع هاموور]

:yes::yes::yes:

شباتي ومايونيز ولحم

فضحتنا يـــ بودي

هذا سر الصنعة

:no::no:

[قطر501]

لا تذكروني بالريان بيتي ومكاني عشت فيه اكثر من 30 سنة بعدين احكموا علينا بالاعدام يوم قالوا بيت ازاله

[دلة الرسلان]

والله تبون الصج يخرع مب شااارع اتقول ملاهي ديزني لاند

مشكووور ع الصوور

اي شارع اخوي والله ما اخبر فيه شيء يوحي بدزني لاند في الريان :spider:

ولو ما أسكن الريان هوى الريان بي ساكن

شكرا على هالصور الحلوه لمدينة الريان

ايش اقول لكم والله الريان غيـــــــــــــــــــــــــــــــــــر:ok2:

[AL_MUTAEM]

اتوقع هالصور لمنطقه سوف تتم ازالتها بالقريب العاجل ..

اخوي بوفهد توقيعك عجيب بس اللوحات من ذيك الايام مشيوله ..!

[دلة الرسلان]

من فيكم درس في الإمام الشافعي على ايام المزروعي omenomen ,,



:telephone: ردواااااا عليه يمكن يطلع بينكم خويه فلان ولا علان
الله يسامحج دله الرسلان

جاتني العبره من شفت العنوان بالرئيسيه

انا من اهل الريان وكل الريان هلي

وفديت الريان وترابها اللي لعبنا عليهانا صورت قبل الازاله كذا مكان بالريان

لاني متأثره بازالتها وكنت متابعه لكل تغيير

بس حسافه اذا راحت البيوت ..!!

اشلون نتكلم عن ذكريات منطقه امسحت كامله

اشلون انقول لعيالنا هذا فريجنا وهذا المكان انولدنا فيه ..!!

خساره على بيوت تعتبر من كنوز واثار لدولتنا تروح بسرعه

و...............آه............آه .............آه

يالريان

وشكرا لج يالغلا على الصور كأني عرفت من بيوته ;)

مرحبا فيوليت تدرين انج صادقة ترابها غير، ناعم وخاصة خاصية خلطة مع الماي ( خبرة )

مش منطقتنا اللي شدينا لها كلها حصى وزرعها يالله يالله يطلع

وزين تكلمتي الحين مهتمين بسوق واقف ويبنون فيه ... زين الريان ابدااا ،ع الاقل اهلها فيها

وذكرياتهم والله منحفره حفار في الارض ليش ما عدلتوها كمشروع حضاري للبلد نفسه مش

للأجانب والسياح :no2:

وياليت قدرت اصور بيتنا يافيوليت راااااااااااح هدموه :cry2:

[الطيب انا]

جزاك الله خير ترى وحده من الصور لبيتنا اللي تربيت فيه سنين