المساعد الشخصي الرقمي

مشاهدة النسخة كاملة : الموضوع الثالث في الاقتراح (يوم العرس والزفة )


ضوى
15-11-2007, 07:13 AM
تمت الخطبة وصار القبول وعقد القران وبدأت التحضيرات للعرس الليلة الكبيرة بتعبير إخواننا

المصريين ، العروس تجهزت بأحلى جهاز من لبس ومجوهرات وغيره والزوج اعد بيت

الزوجية وأثثه حسب ما أرادت عروسه وهذا بالطبع حقها أليست هي من ستكون الملكة

المتوجة في هذا العش ؟ أصبح كل شئ جاهزا لإشهار هذا الزواج ودعوة جميع الأهل

والأصحاب لهذا العرس ، أهل الزوج وأهل الزوجة كل منهم اعد نفسه لهذه الليلة الجميلة ،

العائلتين كل منهم تريد أن تظهر بمظهر أفضل من الأخرى إن كان من حيث الترتيبات أو من

حيث اللبس والمظاهر الكثيرة في عرفنا ، الكثير من حفلات الزفاف صار بها اللغط والمشاكل

والشجار بأسباب تافهة جدا لعل أتفهها على نوع العود ،نعم لا تستغربون رايتها بعيني ولم يقل

لي احد ، شجار على أتفه الأشياء هذه الطاولة محجوزة لفلانة من أهل العروس أو فلانة من

أهل العريس وهلم جراً ، ومن النادر أن نرى حفلة الزفاف قد مرت بسلام من كلا الطرفين أهل

الزوج وأهل الزوجة ، التسلط واضح في بعض الحالات ، وفي بعض الحالات الامتعاض

والاستنكار من بعيد لبعيد ( شوفوها يابت أهلها ورزتهم جدام ، شوفوهم خذوا الأماكن السنعة

حق ربعهم ، وغيره وغيره .


الآن في هذه اللحظة الزوج والزوجة كل منهم مشغول بالتحضيرات النهائية للعرس ولا يدري

أي منهم ما يحدث في قاعة الزفاف ، يصدمون فيما بعد هذا يسمع من هنا وهذه تسمع من هنا

وبالطبع الزوج والزوجة كل منهما أصبح ملكا للأخر ولا يتم مناقشة هذه الأمور التافهة

السطحية وان كان إلحاح الأهل شديدا فلقد بدءوا للتو حياة جديدة جل ما ينشدوه منها الأمان

والاستقرار والفرح والسعادة .


إخواني أخواتي نريد في هذا الجزء من الموضوع أن يذكر كل عضو أو عضوه ممن لهم تجارب

في قاعة العرس ذكرها كيف كان العرس وكيف كانت الاستعدادات ، كيف تم التغلب على توافه

الأمور والخلافات السطحية ، كيف هي اللحظة الحاسمة بدخول العروس للقاعة ، كيف كان

استقبال الناس لها ، ما الذي سمعتموه دار خلف الكواليس عن العريس وعن العروس ؟ عن

التحضيرات عن التجهيزات ، كيف كانت الليلة الأولى ، هل كنت خائفة ، هل كنت متوتراً ،

بالطبع فهذه أشياء عادية جدا تحدث لكل من يقدم على خطوة الزواج فهي تجربة ومغامرة مثيرة

لا يعلم نهايتها إلا الله .


ونبدأ من جديد في استقبال تجاربكم وأرائكم في هذه الجزئية من الحياة الأسرية ، وليست

بالضرورة أن تكون تجربة شخصية ، تجارب الأخريين والأقارب مطلوبة أيضا للنفع العام .

تحياتي لكم بصباح مشرق وجميل
desert hunter
15-11-2007, 08:25 AM
موضوع رائع

ومتابع
ضوى
15-11-2007, 12:19 PM
موضوع رائع

ومتابع



تابعنا وفالك طيب :thumbup1:

شاكرة مرورك ولو اني كنت احبذ مشاركتك :p
الدوحي7
15-11-2007, 12:32 PM
السلام عليكم ورحمه الله وبركاته

مساء الخير للكل،،
عندي تعليق والله ماكنت متوقع في مشاكل بخصوص امكان الجلوس في الصاله،، واحسن حل عن المشاكل يكون يمين القاعه لاهل المعرس ويسار القاعه لاهل العروس او الكعس افضل عن المشاكل،،وتجربه صراحه لين الحين ماجربت،، بتوفيق،،
ضوى
15-11-2007, 12:53 PM
السلام عليكم ورحمه الله وبركاته

مساء الخير للكل،،
عندي تعليق والله ماكنت متوقع في مشاكل بخصوص امكان الجلوس في الصاله،، واحسن حل عن المشاكل يكون يمين القاعه لاهل المعرس ويسار القاعه لاهل العروس او الكعس افضل عن المشاكل،،وتجربه صراحه لين الحين ماجربت،، بتوفيق،،


وعليكم السلام ورحمة الله بوركاته
مساءك مسك وعنبر يارب

اخوي الدوحي مشاكل اكبر من هاي تستوي بعد في القاعات ، بس تعتقد الحل اللي قلته قابل للتطبيق ؟؟ ولو تطبق الكل بيتهاوش عاليمين اشمعنى هم اليمين واحنا اليسار ، سبحان الله كانهم متسلطين ويبون يحرقون الفرحة في قلوب العروسين :no:

تحياتي لمشاركتك اخوي الفاضل
الخيميائي
15-11-2007, 01:02 PM
السلام عليكم ورحمه الله وبركاته

مساء الخير للكل،،
عندي تعليق والله ماكنت متوقع في مشاكل بخصوص امكان الجلوس في الصاله،، واحسن حل عن المشاكل يكون يمين القاعه لاهل المعرس ويسار القاعه لاهل العروس او الكعس افضل عن المشاكل،،وتجربه صراحه لين الحين ماجربت،، بتوفيق،،

افرض اهل اليسار زعلوا

قالوا احنا من يومنا اهل اليمين

على اخر عمرنا نقعد يسار وش بيقولون الناس عنا

وتطور الموقف والكل مصمم على اليمين :p

انا اقول الكل ينتشر بالقاعة ومن سبق لبق :)

نسيت اقول انا متابع مؤقتا :thumbup1:
AL_MUTAEM
15-11-2007, 01:08 PM
متابع جيد للموضوع ..

:)
PoBox
15-11-2007, 07:38 PM
افرض اهل اليسار زعلوا

قالوا احنا من يومنا اهل اليمين

على اخر عمرنا نقعد يسار وش بيقولون الناس عنا

وتطور الموقف والكل مصمم على اليمين :p

انا اقول الكل ينتشر بالقاعة ومن سبق لبق :)

نسيت اقول انا متابع مؤقتا :thumbup1:

خلهم من اهل الأعراف omenomen


الصراحة اول مرة اسمع منج اختي ضوى عن الهواش
على طاولات وبخور وحلويات ،، معقولة :looking::looking:

ماقد صادفت هالحالة او سمعت عنها
يمكن لانا ما ناخذ من برع الا ناااااااااادرا
فاهل العروس والمعرس عيال عم وخال اصلا


لكن دام شفتيه واليوم سالت عنه في الشغل وحده
قالت اووووووووووه قتال مب هواش بس
:tomato:

الحمد لله على نعمة الأمن والأمان :yes:


بخصوص ليلة العرس
بتكلم عن تجربة اكثر من شخص
واعتقد الغالبيه هذا وضعهم كرجال
واكيد تختلف من شخص لشخص
اختلافات بسيطة


بالنسبة للرجال تكون من الظهر
يتجمع المعرس
مع عيال عمه وربعه المقربين جدا
في غرفة الفندق
لو كان العرس بفندق

او بالمجلس
لو كان العرس في خيمة

ويبداون في ازعاج المعرس والزن على اذنه
والمزح معه ومضايقته :eek2::thumbup: مزح طبعا
وباقي الحركات الأرررررعة تخفيفا عليه من التوتر والشد العصبي

واكيد لايخلو الموضوع من التشجيع
والتطمين من الكبار او المتزوجين
على صلاة المغرب ينزل ( او يروح المعرس ) لمكان العرس
ويبدا في استقبال المعازيم
ويسلم عليهم
فردا:looking:
فردا :looking:
نفرا:looking:
نفرا:looking:
الى أن

تتشقق خدوده :yes:
وينهري خشمه:yes:
وتلتهب ايده :no:
وتذبل غترته
ويصيده دسك مؤقت من كثر الوقفه :no:

(( والعروس مستانسه كانها ورده خاشينها فووق ))omen:anger3:


بعد الزيطة والزمبليطة
والعشاء والمعرس يكون راح بدل ملابسه
وخذ له دش سريع بعد العذاب اللي تعذبه في السلامات
( لو كان في مجال )

ينتقل المعرس الى مكان العروس
بالمسيرة طبعا
واذية خلق الله وتكسير السيارات:looking:
ويوصل باب قاعة الحريم

بعضهم يدخلون على الحريم
وبعضهم يدخلون الغرفة الداخلية
والعروس تطلع للرجال ومايدخل وسط الحريم

يعتمد على الشخص طبعا اولا واخيرا

عقبها شيصير ؟؟
ماعرف :con2::con2:

اهل الخبرة يكملون :spider:

وراجع لاحقا ان جد جديد او طرا تعقيب .
وشكرا على الموضوع مرة اخرى
التيما
16-11-2007, 12:28 AM
ياما صارت قصص ومشاكل تافهه من قلب اختي ضوى .. اذكر ناس من الاهل تهاوشو مع ام العروس على فلوس مكياج وتسريحه العروس ومن بيدفعها مع انها خذت مبلغ وقدره وام العروس تردح حق خوات المعرس .. لين ادفعت اخت المعرس ..

واذكر مره صارت هوشه رياييل في العرس لمن فكروا خوات العروس يخلون اخوان العروس يرزفون ويعصب اخوان العريس ويرفضون ويتهاوشون عيني عينك جدام المعازيم ..

ومره تهاوش المعرس مع اهل اخوان العروس عند الباب وتم ساعه يحاول يدخل عرس الحريم مب قادر لان خوات العروس ما خلصو رقص حق اختهم ..

ولي عوده ..
ضوى
16-11-2007, 02:06 AM
افرض اهل اليسار زعلوا

قالوا احنا من يومنا اهل اليمين

على اخر عمرنا نقعد يسار وش بيقولون الناس عنا

وتطور الموقف والكل مصمم على اليمين :p

انا اقول الكل ينتشر بالقاعة ومن سبق لبق :)

نسيت اقول انا متابع مؤقتا :thumbup1:

:thumbup::thumbup:تابعنا وفالك طيب:strong2::strong2:
desert hunter
16-11-2007, 10:23 AM
الحمدلله والشكر

احين بدل مايوفقون بين الراس

يفرقونهم

والله ترتره :anger3:
بوحارب
16-11-2007, 02:21 PM
ياما صارت قصص ومشاكل تافهه من قلب اختي ضوى .. اذكر ناس من الاهل تهاوشو مع ام العروس على فلوس مكياج وتسريحه العروس ومن بيدفعها

ما تسوى السالفة كلها 2500 مكياج أسبشل

عند خبيرة المكياج المعروفة 00000
مع انها خذت مبلغ وقدره وام العروس تردح حق خوات المعرس .. لين ادفعت اخت المعرس ..


واذكر مره صارت هوشه رياييل في العرس لمن فكروا خوات العروس يخلون اخوان العروس يرزفون ويعصب اخوان العريس ويرفضون ويتهاوشون عيني عينك جدام المعازيم ..

ما كفاهم الرزيف قدام الرجال

ليش بعد عند الحريم

حركة بايخة
ومره تهاوش المعرس مع اهل اخوان العروس عند الباب وتم ساعه يحاول يدخل عرس الحريم مب قادر لان خوات العروس ما خلصو رقص حق اختهم ..

عادي يرقصون قدامة تصير وايد

نسأل الله السلامةولي عوده ..


الله يعطيكم العافية
ضوى
16-11-2007, 05:21 PM
خلهم من اهل الأعراف omenomen


الصراحة اول مرة اسمع منج اختي ضوى عن الهواش
على طاولات وبخور وحلويات ،، معقولة :looking::looking:

ماقد صادفت هالحالة او سمعت عنها
يمكن لانا ما ناخذ من برع الا ناااااااااادرا
فاهل العروس والمعرس عيال عم وخال اصلا


لكن دام شفتيه واليوم سالت عنه في الشغل وحده
قالت اووووووووووه قتال مب هواش بس
:tomato:

الحمد لله على نعمة الأمن والأمان :yes:


بخصوص ليلة العرس
بتكلم عن تجربة اكثر من شخص
واعتقد الغالبيه هذا وضعهم كرجال
واكيد تختلف من شخص لشخص
اختلافات بسيطة


بالنسبة للرجال تكون من الظهر
يتجمع المعرس
مع عيال عمه وربعه المقربين جدا
في غرفة الفندق
لو كان العرس بفندق

او بالمجلس
لو كان العرس في خيمة

ويبداون في ازعاج المعرس والزن على اذنه
والمزح معه ومضايقته :eek2::thumbup: مزح طبعا
وباقي الحركات الأرررررعة تخفيفا عليه من التوتر والشد العصبي

واكيد لايخلو الموضوع من التشجيع
والتطمين من الكبار او المتزوجين
على صلاة المغرب ينزل ( او يروح المعرس ) لمكان العرس
ويبدا في استقبال المعازيم
ويسلم عليهم
فردا:looking:
فردا :looking:
نفرا:looking:
نفرا:looking:
الى أن

تتشقق خدوده :yes:
وينهري خشمه:yes:
وتلتهب ايده :no:
وتذبل غترته
ويصيده دسك مؤقت من كثر الوقفه :no:

(( والعروس مستانسه كانها ورده خاشينها فووق ))omen:anger3:


بعد الزيطة والزمبليطة
والعشاء والمعرس يكون راح بدل ملابسه
وخذ له دش سريع بعد العذاب اللي تعذبه في السلامات
( لو كان في مجال )

ينتقل المعرس الى مكان العروس
بالمسيرة طبعا
واذية خلق الله وتكسير السيارات:looking:
ويوصل باب قاعة الحريم

بعضهم يدخلون على الحريم
وبعضهم يدخلون الغرفة الداخلية
والعروس تطلع للرجال ومايدخل وسط الحريم

يعتمد على الشخص طبعا اولا واخيرا

عقبها شيصير ؟؟
ماعرف :con2::con2:

اهل الخبرة يكملون :spider:

وراجع لاحقا ان جد جديد او طرا تعقيب .
وشكرا على الموضوع مرة اخرى




تجربة حلوة والله ، اول مرة ادري انه الشباب يقعدون مع المعرس من الظهر :con2:يشجعونه ويشدون من ازره :pardon:

صج الرجال سالفتهم تهوون جنب سالفة الحريم وان شاء الله راجعة لكم بتجربتي الشخصية بس بعد ما نشوف مشاركات حلوة من الاعضاء

تحياتي لك يا بوكسينج :wizard:
ورقــة أمــل
16-11-2007, 05:49 PM
واحد من اهلي كان متوفي توه

والللي بيتزوج ولد خالي

قال مب حاط اغاني لان المتوفي عزيز على قلبه

وكانو متفقين على هالشي مع العروس واهلها

ويوم العرس اخت العروس " توها مراهقة ياهل"شطت عمرها وكلمت مسؤل المحل اللي مجهز لهم القاعه من كوشة وطاولات

وطلبت منه يحط اغاني ديجي وهي اللي بتدفع..

اخت المعرس عصبت وقالت مافي اغاني يعني مافي اغاني احنا متفقين على هالشي

وتتصل لها اخت العروس وتتهاوش معاها ومع ام المعرس وياريت على جذي وبس الا تقولها اذا ماتبون اغاني

اطلعوا انتو من العرس؟؟؟؟؟؟؟؟؟؟؟؟؟؟؟؟ ذبحتني من القهرررر يعني المعرس هو دافع دم قلبه على

تجهيزات العرس واهله مختارين كلشي ومرتبينه واخر شي اهله ينطردون عشان اخت العروس تبي اغاني؟؟

والمشكلة ان امها طمطامة ولا قالت كلمة وحده لبنتها.. وجات تعتذر لاخت المعرس على حركة بنتها

بس بعد العرس تم و بالاغاني والرقص! اضطرت اخت المعرس انها تسكت ولا الهواش بيكبر والحضور كانو موجودين..

وصارت خلافات بين اخت العروس واخت المعرس لمدة طويلة لين ماعتذرت لها بس للحين النفوس شايله

بسبت ذاك اليوم...
ذربة ألكلام
16-11-2007, 06:24 PM
انا أقول بلا عرس بلا عوار راس

يسون عشى عائلي وخلاص .....


احسن لهم واوفر واجمل وأهدئ .....

وتكون العروس بين اهلها بكل هدوء


لا ناس اغراب ولا هوشات ......http://www.ansaralhusain.net/mysmiles/3dsmiles/36_5_8.gif

وعرسي انشالله بيكون عائلي وبس ......


بل ما يسوى علينا هالهوشات ......http://www.ansaralhusain.net/mysmiles/3dsmiles/36_5_7.gif

والله فشيله .......

...................

هذي وجهة نظري ..... شكرا على الموضوع .......
ضوى
16-11-2007, 07:40 PM
الحمدلله والشكر

احين بدل مايوفقون بين الراس

يفرقونهم

والله ترتره :anger3:

:happy::happy::happy::happy:

شاكرة مشاركتك اخوي
بوعبدالله - قطر
16-11-2007, 08:04 PM
الحمد والشكر لله وحده...
والتوفيق من رب العالمين...

الزواج راحة البال ونصف الدين...
والمشاكل لابد منها...
والحياة حلوه والمره...

الخطوبة
انا عن نفسي تزوجت كانت خلافات بسيطة
في الصالات الحمدلله تغلبت عليها
تدرون سوالف الحريم (الله يحفظهم)
اختها تبي مكان الفلاني وبنت خالتها
تقول مكان ثاني (مادري متزوج اختها وبنت خالتها؟؟)
قلت حق اختي الله يرحم والديج اتصلي حق زوجتي دايركت وكلميها
هل انتي تبين مكان الفلاني؟؟؟
وشو كلام إللي وصل لنا من اختج وبنت خالتج؟؟
قالت لنا ما عندي علم بالكلام إللي حصل
ماعليكم منهم ونا إللي بتزوج مب هم...
وتمت الحفلة في قاعة صغيرة لعدم اتساع المعازيم في بيت العروس...

ولي عودة...
امل الحب
16-11-2007, 10:23 PM
اممممم

اقولج عن تجربة وحدة من هلي ماصار لها شهر من تزوجت

قالوا لها اهل المعرس انتي اخذي المهر وقدره ... وجهزي نفسج

واحنا علينا العرس كامل

وماقصروا

احجزوا القاعة والكوشة والبطاقات على ذوقهم ومحد تكلم وكانوا يشاورونها في كل صغيرة وكبيرة

والحمدلله مرت بهدوء وسهالة

والله يوفقهم

ويزوج الي للحين عالبر:nice:
ضوى
17-11-2007, 12:40 AM
ياما صارت قصص ومشاكل تافهه من قلب اختي ضوى .. اذكر ناس من الاهل تهاوشو مع ام العروس على فلوس مكياج وتسريحه العروس ومن بيدفعها مع انها خذت مبلغ وقدره وام العروس تردح حق خوات المعرس .. لين ادفعت اخت المعرس ..

واذكر مره صارت هوشه رياييل في العرس لمن فكروا خوات العروس يخلون اخوان العروس يرزفون ويعصب اخوان العريس ويرفضون ويتهاوشون عيني عينك جدام المعازيم ..

ومره تهاوش المعرس مع اهل اخوان العروس عند الباب وتم ساعه يحاول يدخل عرس الحريم مب قادر لان خوات العروس ما خلصو رقص حق اختهم ..

ولي عوده ..



الصراحة يالتيما اللي يعيش ياما بيشوف العجب

ناطرة عودتج التيما وباحداث جديدة

تحياتي يالغلا
السديم
17-11-2007, 03:44 AM
ضوى وايد بهذر عادي حبيبتي ولا ممنوع :nono::nono:
الخيميائي
17-11-2007, 12:03 PM
ضوى وايد بهذر عادي حبيبتي ولا ممنوع :nono::nono:

:eek2::eek2:

ممنوع تقدرين تهذرين بحدود 150 كلمة فقط في كل رد :p
ضوى
17-11-2007, 05:20 PM
الله يعطيكم العافية

شاكرة مشاركتك اخوي الفاضل وننتظر تجارب حية :p
ضوى
17-11-2007, 05:37 PM
واحد من اهلي كان متوفي توه

والللي بيتزوج ولد خالي

قال مب حاط اغاني لان المتوفي عزيز على قلبه

وكانو متفقين على هالشي مع العروس واهلها

ويوم العرس اخت العروس " توها مراهقة ياهل"شطت عمرها وكلمت مسؤل المحل اللي مجهز لهم القاعه من كوشة وطاولات

وطلبت منه يحط اغاني ديجي وهي اللي بتدفع..

اخت المعرس عصبت وقالت مافي اغاني يعني مافي اغاني احنا متفقين على هالشي

وتتصل لها اخت العروس وتتهاوش معاها ومع ام المعرس وياريت على جذي وبس الا تقولها اذا ماتبون اغاني

اطلعوا انتو من العرس؟؟؟؟؟؟؟؟؟؟؟؟؟؟؟؟ ذبحتني من القهرررر يعني المعرس هو دافع دم قلبه على

تجهيزات العرس واهله مختارين كلشي ومرتبينه واخر شي اهله ينطردون عشان اخت العروس تبي اغاني؟؟

والمشكلة ان امها طمطامة ولا قالت كلمة وحده لبنتها.. وجات تعتذر لاخت المعرس على حركة بنتها

بس بعد العرس تم و بالاغاني والرقص! اضطرت اخت المعرس انها تسكت ولا الهواش بيكبر والحضور كانو موجودين..

وصارت خلافات بين اخت العروس واخت المعرس لمدة طويلة لين ماعتذرت لها بس للحين النفوس شايله

بسبت ذاك اليوم...

تجربة غريبة ومقل ما قلتي الاخت صغيرة ومطيورة والمشكلة انه هالموقف بيتم بين الزوج وزوجته وكل واحد فيهم يعاير الثاني :no2:للاسف بداية لحياة زوجية تكون بهالطريقة

شاكرة مشاركتج
ضوى
17-11-2007, 05:40 PM
انا أقول بلا عرس بلا عوار راس

يسون عشى عائلي وخلاص .....


احسن لهم واوفر واجمل وأهدئ .....

وتكون العروس بين اهلها بكل هدوء


لا ناس اغراب ولا هوشات ......http://www.ansaralhusain.net/mysmiles/3dsmiles/36_5_8.gif

وعرسي انشالله بيكون عائلي وبس ......


بل ما يسوى علينا هالهوشات ......http://www.ansaralhusain.net/mysmiles/3dsmiles/36_5_7.gif

والله فشيله .......

...................

هذي وجهة نظري ..... شكرا على الموضوع .......



اختي الغالية

الفرح حلو ، بس اذا كان بيجيب مشاكل وهوشات ما له داعي omen
ووجهة نظرج احترمها جدا

تحياتي لج ولمشاركتج الحلوة
jajassim
17-11-2007, 06:28 PM
مثل ماتفضل بوعبدالله


الحمد والشكر لله وحده...
والتوفيق من رب العالمين...

الزواج راحة البال ونصف الدين...
والمشاكل لابد منها...
والحياة حلوه والمره

زواجي تم على خير ،، وبدون مشاكل ،، الحمد لله ،، بسبب :con2:























































طبقت عليهم النظام العسكري :strong2::strong2::strong2:
ضوى
17-11-2007, 10:36 PM
الحمد والشكر لله وحده...
والتوفيق من رب العالمين...

الزواج راحة البال ونصف الدين...
والمشاكل لابد منها...
والحياة حلوه والمره...

الخطوبة
انا عن نفسي تزوجت كانت خلافات بسيطة
في الصالات الحمدلله تغلبت عليها
تدرون سوالف الحريم (الله يحفظهم)
اختها تبي مكان الفلاني وبنت خالتها
تقول مكان ثاني (مادري متزوج اختها وبنت خالتها؟؟)
قلت حق اختي الله يرحم والديج اتصلي حق زوجتي دايركت وكلميها
هل انتي تبين مكان الفلاني؟؟؟
وشو كلام إللي وصل لنا من اختج وبنت خالتج؟؟
قالت لنا ما عندي علم بالكلام إللي حصل
ماعليكم منهم ونا إللي بتزوج مب هم...
وتمت الحفلة في قاعة صغيرة لعدم اتساع المعازيم في بيت العروس...

ولي عودة...



تجربة حلوة وتثبت الكلام اللي اقوله الا ما تصير خلافات تافهة وبسيطة

الله يسعدك يا خوي ويوفقك يارب
ناطرين عودتك ومواقف اخرى
ضوى
17-11-2007, 10:40 PM
اممممم

اقولج عن تجربة وحدة من هلي ماصار لها شهر من تزوجت

قالوا لها اهل المعرس انتي اخذي المهر وقدره ... وجهزي نفسج

واحنا علينا العرس كامل

وماقصروا

احجزوا القاعة والكوشة والبطاقات على ذوقهم ومحد تكلم وكانوا يشاورونها في كل صغيرة وكبيرة

والحمدلله مرت بهدوء وسهالة

والله يوفقهم

ويزوج الي للحين عالبر:nice:





الحمد لله والشكر عالنعمة والله يوفقها يارب ويسعدها

مشكورة امولة مشاركة رائعة
ضوى
17-11-2007, 10:43 PM
ضوى وايد بهذر عادي حبيبتي ولا ممنوع :nono::nono:

افا والله عالردي :eek2: سولفي وطلعي كل اللي بخاطرج يا قمر :thumbup:الموضوع كله تحت امرج من اوله لاخره :thumbup1:
ضوى
18-11-2007, 07:31 AM
:eek2::eek2:

ممنوع تقدرين تهذرين بحدود 150 كلمة فقط في كل رد :p



:eek2::eek2::eek2::eek2:

من كثر المعلقات اللي تكتبها حافظ عدد الكلمات اللي مسموح بها omen
السديم
18-11-2007, 10:40 AM
:eek2::eek2:

ممنوع تقدرين تهذرين بحدود 150 كلمة فقط في كل رد :p

:anger3::anger3:

لاتذكرني بالمدرسة وموضوع الانشاء اكتبي في حدود 100 كلمة :looking:

وانا اشعرفني بقعد اعد كلماتي :eek2:
السديم
18-11-2007, 10:54 AM
افا والله عالردي :eek2: سولفي وطلعي كل اللي بخاطرج يا قمر :thumbup:الموضوع كله تحت امرج من اوله لاخره :thumbup1:

:oops::oops: احرجتيني ..

ماشاءالله موضوع اكثر من رائع ومتسلسل ويخلينا نفضفض وشوي شوي يعني مب وايد تعورين قلبنا وتحرينا :eek2::eek2:

الاستعداد حق ليلة الزفاف يبتدي من استلام العروس للمهر وتحديد اهل المعرس ليوم الزفاف طبعا بالوقت اللي يناسب الطرفين ..

العروس طبعا يكون عليها الاستعداد الاكبر فهي تستعد بتجهيزاتها غير استعدادها بتنسيق القاعات والكوشة و و و و الخ

انا ضد اللي يقولون حفل عائلي حفل بسيط حفل صغير .. هاليوم مايتكرر بالنسبة للطرفين والحلو انهم يفرحون فيه ويخلون اللي حلوهم يفرحون معاهم والفرح والعرس مايحلى الا بالناس ..

عاد نرجع للعروس اللي تبي تكون باحلى صورة واحلى فستان وطرحة وعادة الاستعداد يكون من 3 شهور لين 6 شهور اللي هي فترة الملجة .. وبهالوقت المعرس يحليله يفصل له كم ثوب وخلص تجهيزه لكن العروس وعليه تدابج :strong3:

طبعا قبل العرس الفرحة تغمر كل البيت والاحساس بالعرس يبتدي من يوم توزيع البطاقات وكتابتهم خلاص نكون دخلنا في شطة العرس ويوم تعليق الليتات ... كلها امور بسيطه لكن جد جد تعبر عن الفرح وتغيير للروتين اللي عايشينه .. لين طبعا ليلة الحنة وتختلف من بيت لبيت ناس يسوونها احتفال كبير شعبي وجلوة وناس تفضل انها تكون حفلة عائلية والبنات يتحنون .. وطبعا العروس خلاص يكون وصل حدها من التعب والتوتر وصبح العرس هي بالفندق تشرف على كوشتها وعلى القاعه ومن عقبها تدخل في دوامة الصالون شعر مكياج و و و الخ وتنزل للمعازيم وتتصور ويزفون لها المعرس والله يهني سعيد بسعيده ..

حلو الكلام :thumbup:


ضوى مالي خص انتي قلتي لي هذري :playball:


استغرب من بعض العوائل اللي تسبب مشاكل على اتفه الامور لمجرد شوفوني انا عندي لسان او انا اتحكم او انا اللي دافعه للعرس كيفي !!!! او لمجرد اني اسوي بلبله وخلاص ..

يعني في عرس من الاعراس اخت المعرس تهاوشت الظهر مع العروس ان الغرفه التابعه للقاعه تبيها لعيالها والعروس رفضت وقالت لا فيها فستاني واغراضي و و و اشتد الكلام وطال ووصل للمعرس وصارت السالفه مثل عناد واخذ وشد ماكملو العرس بشهر الا وهي مطلقه والسبب الاخت تمت تحن وتزن !!!!

وعرس ثاني من الاعراس ليلة الحنه ام العروس وام المعرس تهاوشوو على الاغاني هذيلا يبون شرقي وذيلا كله حاطين لهم سامري :eek2: الله لايبلانا والكلام وصل للرجال وصبح العرس تفركشت حفلة الزفاف تخيلو يوم العرس الصبح والعروس متحنية العرس يتكنسل وعلى شنو على اغاني ..

في مثل هالمواقف الواحد لازم يوسع قلبه ويخليه كبير ومايكسر بخاطر حد يخليها فرحه مب بس بالاسم ..

و و و كثيرة هي المواقف اللي تصير ولي عوده ان احتاج الموضوع omen
PoBox
18-11-2007, 01:13 PM
وعرس ثاني من الاعراس ليلة الحنه ام العروس وام المعرس تهاوشوو على الاغاني هذيلا يبون شرقي وذيلا كله حاطين لهم سامري :eek2: الله لايبلانا والكلام وصل للرجال وصبح العرس تفركشت حفلة الزفاف تخيلو يوم العرس الصبح والعروس متحنية العرس يتكنسل وعلى شنو على اغاني ..

omen


عاد انا قلت الخلاف
ان طرف يبي اناشيد لانه حرام
وطرف يبي طقاقات لانه متحرر شوي :looking:

طلع الموضوع سامري وشرقي :looking:

عسى آذانهم الهري


يبا بطلنا خلاص
يازين العزوبية لو هذا الحال omenomen
دلة الرسلان
18-11-2007, 01:28 PM
:yes:دق.. دق .. ممكن نخش ؟؟

احب ها السوالف خاطري اصير منظمة حفلات يمكن افتح محل اعراس :con2: وامتص دماء المعاريس مثل باقي التجار .

العاده العروس تشتري اغراض كثيره وبعدين تكتشف انها ما تحتاجها ، كثير من العرائس

تقول انا ابغي عرسي مميز -- وتحاول تجيب شيء محد جابه يعني زفه غير شكل فرقه بذيك

الحكايه مثلا سمعت زفة مغربية العروس شايلينها في شيء مثل الهودج ... صراحة ضحكت

زين العروس فيها روح المغامره، زين يا حلوة لو دبغتي ايش ينفع التميز !!!!!!!!!!!

وصراحة دائما اقارن اعراسنا بالأجانب شلون قمة في البساطة والرقي واحنا لامع الشرق

ولا مع الغرب .

شيء ثاني يضايقني مكياج العروس يتفننون في تغير شكل العروس تخيلوا يغطون حواجبها

بماده (يمكن صلصال ) ويعيدون رسمها فوق الجبهه المهم شكل العروس

غير......عشتوا..!!!!!!!!

زين بس اخر شيء اضيفه قبل :tomato: فيه حركة عجبتني .. العروس قاعده ويا ربعها ع طاولة

( طبعا مش فوقها ) وتستقبل المعازيم بلا كوشه بلا خرابيط في ذمتكم مش حركة ناعمة

ترى العروس مليونيرة ابا عن جد .

شكلي هذرت اكثر من السديم
السديم
18-11-2007, 01:29 PM
عاد انا قلت الخلاف
ان طرف يبي اناشيد لانه حرام
وطرف يبي طقاقات لانه متحرر شوي :looking:

طلع الموضوع سامري وشرقي :looking:

عسى آذانهم الهري


يبا بطلنا خلاص
يازين العزوبية لو هذا الحال omenomen

ترا كلها حجج بس عشان كل طرف يبين ان هو الطرف الاقوى .. ام المعرس تبي تبين انها دفعت مهر وتكلف عليها العرس بالملبغ الفلاني فمن حقها تتشرط .. وام العروس تبي تتحكم وتتشرط بحكم انها ام العروس وعرس الحريم يخص العروس وهي اللي لازم تتحكم وتتشرط..

يعني في الايام العاديه لو تحط لهم هبان ولا دقني وطنبورة محد بيتكلم بس في العرس يبون يتهاوشون وخلاص ..


خلك عزوبي ابرك :looking::looking::looking:
PoBox
18-11-2007, 01:35 PM
ترا كلها حجج بس عشان كل طرف يبين ان هو الطرف الاقوى .. ام المعرس تبي تبين انها دفعت مهر وتكلف عليها العرس بالملبغ الفلاني فمن حقها تتشرط .. وام العروس تبي تتحكم وتتشرط بحكم انها ام العروس وعرس الحريم يخص العروس وهي اللي لازم تتحكم وتتشرط..

يعني في الايام العاديه لو تحط لهم هبان ولا دقني وطنبورة محد بيتكلم بس في العرس يبون يتهاوشون وخلاص ..


خلك عزوبي ابرك :looking::looking::looking:

وشو طنبورة بعد ؟؟:looking:
بكم الكيلو ؟


بالعكس اصلا مب سنع ولا ذوق ولا تربية حتى
ان ام المعرس تتدخل في عرس الحريم بشراسة

دفعوا الفلوس خلاص
نظير التجهيز وعرس الحريم كااااااااامل المفروض ام المعرس ماتتدخل فيه ومالها علاقه فيه
من ناحية الامور التنظيمية
بس تبدي رايها من باب انه راي لا اكثر ولا اقل


او يقسمون الوضع
من اول العرس الى آخرة يكون في يد ام العروس


ما ان يبدا المعرس للتحرك خلاص يبدا دور ام المعرس
لان الولد جاي وبكذا يحلون الخلاف
( يازينك وانت تحل الخلافات على الكيبورد في المكيف :looking:omen )
السديم
18-11-2007, 01:35 PM
:yes:دق.. دق .. ممكن نخش ؟؟

احب ها السوالف خاطري اصير منظمة حفلات يمكن افتح محل اعراس :con2: وامتص دماء المعاريس مثل باقي التجار .

العاده العروس تشتري اغراض كثيره وبعدين تكتشف انها ما تحتاجها ، كثير من العرائس

تقول انا ابغي عرسي مميز -- وتحاول تجيب شيء محد جابه يعني زفه غير شكل فرقه بذيك

الحكايه مثلا سمعت زفة مغربية العروس شايلينها في شيء مثل الهودج ... صراحة ضحكت

زين العروس فيها روح المغامره، زين يا حلوة لو دبغتي ايش ينفع التميز !!!!!!!!!!!

وصراحة دائما اقارن اعراسنا بالأجانب شلون قمة في البساطة والرقي واحنا لامع الشرق

ولا مع الغرب .

شيء ثاني يضايقني مكياج العروس يتفننون في تغير شكل العروس تخيلوا يغطون حواجبها

بماده (يمكن صلصال ) ويعيدون رسمها فوق الجبهه المهم شكل العروس

غير......عشتوا..!!!!!!!!

زين بس اخر شيء اضيفه قبل :tomato: فيه حركة عجبتني .. العروس قاعده ويا ربعها ع طاولة

( طبعا مش فوقها ) وتستقبل المعازيم بلا كوشه بلا خرابيط في ذمتكم مش حركة ناعمة

ترى العروس مليونيرة ابا عن جد .

شكلي هذرت اكثر من السديم


حريم مايبي له الهذره شغاله على ودنو..

اما المكياج الفتره اللي طافت استخفو البنات تقولين قناع مب ويه طبيعي :eek2::eek2:

والفناتك اللي يسونها خليها بصوب ..
دلة الرسلان
18-11-2007, 01:41 PM
حريم مايبي له الهذره شغاله على ودنو..

اما المكياج الفتره اللي طافت استخفو البنات تقولين قناع مب ويه طبيعي :eek2::eek2:

والفناتك اللي يسونها خليها بصوب ..

زين سديم ايشرايج في العروس اللي قاعدة ويا ربعها على الطاوله طبعا ديكور كان جدااااا

مميز في ذمتج مش حركة حلوةةة قولي ايه لاتفشليني :pardon:
السديم
18-11-2007, 01:42 PM
وشو طنبورة بعد ؟؟:looking:
بكم الكيلو ؟


بالعكس اصلا مب سنع ولا ذوق ولا تربية حتى
ان ام المعرس تتدخل في عرس الحريم بشراسة

دفعوا الفلوس خلاص
نظير التجهيز وعرس الحريم كااااااااامل المفروض ام المعرس ماتتدخل فيه ومالها علاقه فيه
من ناحية الامور التنظيمية
بس تبدي رايها من باب انه راي لا اكثر ولا اقل


او يقسمون الوضع
من اول العرس الى آخرة يكون في يد ام العروس


ما ان يبدا المعرس للتحرك خلاص يبدا دور ام المعرس
لان الولد جاي وبكذا يحلون الخلاف
( يازينك وانت تحل الخلافات على الكيبورد في المكيف :looking:omen )


طنبورة هذي نوع من الاكل التايواني .. لين كبرت بعلمك :eek2::eek2:

بخصوص العرس .. شاللي يصير عندنا .. يعني عرس اختي اهل المعرس دفعو المهر كامل وقالو لنا انتو تكفلو بالعرس احنا مالنا بارض نراكض حق الكوشة والقاعه و و و الخ ويمكن عيارة بعد عشان يطلع عليهم ارخص :looking::looking:

بالتالي .. حلوة بالتالي omen

ماكان لهم الحق في تنظيم العرس كلش لانهم مب عارفين شنو سناريو الحفل اللي بيصير واحنا شنو مجهزين و و و الخ فمساكين عادي استقبلو معازيمهم وماتدخلو في شي كلش كلش الا يوم وصل ولدهم راحو له على كوشه ورقصو جدامه وسلمو عليه وخلاص ..

عرس اخوي اهل العروس بعد قالو نبي العرس كله عليكم عطونا بس حق ثيابها وانتو كيفكم لو تسوون العرس في خيمه مابنتدخل يعني بنتنا تعرس احنا نكرف ونفتقر ولدنا يعرس نفس الشي كله قاصين علينا :anger3::anger3: المهم فبيكون بعرس اخوي بعد احنا اللي عارفين كلشي .. الخلاصه .. بعد كل هالذره بقول الخلاص الا وهي ان اللي ماسك تنظيم العرس هو اللي عارف شلون يكون الترتيب .. ويا جماعه سهلو على عيالكم عشان ربي يوفقهم وتكون ليلتهم من احلى لياليهم .. تغاضوو عن اي زلة من اي طرف ودائما وابدا خلو شعاركم الطيبات لله وفي الله ..
السديم
18-11-2007, 01:46 PM
زين سديم ايشرايج في العروس اللي قاعدة ويا ربعها على الطاوله طبعا ديكور كان جدااااا

مميز في ذمتج مش حركة حلوةةة قولي ايه لاتفشليني :pardon:

ماعاش من يفشلج يا ام الزين :thumbup::thumbup:

رفيجتي بعرسها جذي سووت ( لا يكون تقصدينها ) عرسها كان راقي واستايل اوروبي وبسيط ..

وكوشتها كانت ناعمه جدا جدا وعبارة عن طاولة وربعها حولها وهي قاعده معاها والمعازيم راحو يهنونها .. قمة في البساطة .. لكن الاذواق تختلف والاراء تختلف والجيوب هم تختلف :looking:
دلة الرسلان
18-11-2007, 01:52 PM
ماعاش من يفشلج يا ام الزين :thumbup::thumbup:

رفيجتي بعرسها جذي سووت ( لا يكون تقصدينها ) عرسها كان راقي واستايل اوروبي وبسيط ..

وكوشتها كانت ناعمه جدا جدا وعبارة عن طاولة وربعها حولها وهي قاعده معاها والمعازيم راحو يهنونها .. قمة في البساطة .. لكن الاذواق تختلف والاراء تختلف والجيوب هم تختلف :looking:

انتي كده:thumbup: انشاء الله يقتنعون
السديم
18-11-2007, 02:03 PM
انتي كده:thumbup: انشاء الله يقتنعون

اقنعيهم غصب :whistling::whistling:
بوعبدالله - قطر
18-11-2007, 06:13 PM
مساء الخير للجيمع...

الزواج راحة البال ودلع ومسؤولية والصدق
والاخلاص والوفاء والتضحية والتعاون
والحب بين الاثنين...
والتوفيق من رب العالمين على الزواج
وزوجه الصالحه إللي تسعد حياتك...
اهم شيئ الاستخارة في الزواج والزوجه...

الزواج
انا عن نفسي عطيت المهر حق زوجتي
والباقي انا احتمل من فستان والمكياج
وعرس الرييال والحريم وكل شيئ..

اهل العروس ساعدوني في اشياء كثيره
من مهر بسيط اتذكر كلمه ابوها
(خذها بعبايتها إن بغيت احنا نشتري الريال)

والمشاكل لا بد منها بس
مشاكل عاديه ماتوصل للطلاق والهاوش
متل ما تفضل اخوي جاسم
طبقت نظام العسكري
ضوى
19-11-2007, 12:10 AM
:oops::oops: احرجتيني ..

ماشاءالله موضوع اكثر من رائع ومتسلسل ويخلينا نفضفض وشوي شوي يعني مب وايد تعورين قلبنا وتحرينا :eek2::eek2:

الاستعداد حق ليلة الزفاف يبتدي من استلام العروس للمهر وتحديد اهل المعرس ليوم الزفاف طبعا بالوقت اللي يناسب الطرفين ..

العروس طبعا يكون عليها الاستعداد الاكبر فهي تستعد بتجهيزاتها غير استعدادها بتنسيق القاعات والكوشة و و و و الخ

انا ضد اللي يقولون حفل عائلي حفل بسيط حفل صغير .. هاليوم مايتكرر بالنسبة للطرفين والحلو انهم يفرحون فيه ويخلون اللي حلوهم يفرحون معاهم والفرح والعرس مايحلى الا بالناس ..

عاد نرجع للعروس اللي تبي تكون باحلى صورة واحلى فستان وطرحة وعادة الاستعداد يكون من 3 شهور لين 6 شهور اللي هي فترة الملجة .. وبهالوقت المعرس يحليله يفصل له كم ثوب وخلص تجهيزه لكن العروس وعليه تدابج :strong3:

طبعا قبل العرس الفرحة تغمر كل البيت والاحساس بالعرس يبتدي من يوم توزيع البطاقات وكتابتهم خلاص نكون دخلنا في شطة العرس ويوم تعليق الليتات ... كلها امور بسيطه لكن جد جد تعبر عن الفرح وتغيير للروتين اللي عايشينه .. لين طبعا ليلة الحنة وتختلف من بيت لبيت ناس يسوونها احتفال كبير شعبي وجلوة وناس تفضل انها تكون حفلة عائلية والبنات يتحنون .. وطبعا العروس خلاص يكون وصل حدها من التعب والتوتر وصبح العرس هي بالفندق تشرف على كوشتها وعلى القاعه ومن عقبها تدخل في دوامة الصالون شعر مكياج و و و الخ وتنزل للمعازيم وتتصور ويزفون لها المعرس والله يهني سعيد بسعيده ..

حلو الكلام :thumbup:


ضوى مالي خص انتي قلتي لي هذري :playball:


استغرب من بعض العوائل اللي تسبب مشاكل على اتفه الامور لمجرد شوفوني انا عندي لسان او انا اتحكم او انا اللي دافعه للعرس كيفي !!!! او لمجرد اني اسوي بلبله وخلاص ..

يعني في عرس من الاعراس اخت المعرس تهاوشت الظهر مع العروس ان الغرفه التابعه للقاعه تبيها لعيالها والعروس رفضت وقالت لا فيها فستاني واغراضي و و و اشتد الكلام وطال ووصل للمعرس وصارت السالفه مثل عناد واخذ وشد ماكملو العرس بشهر الا وهي مطلقه والسبب الاخت تمت تحن وتزن !!!!

وعرس ثاني من الاعراس ليلة الحنه ام العروس وام المعرس تهاوشوو على الاغاني هذيلا يبون شرقي وذيلا كله حاطين لهم سامري :eek2: الله لايبلانا والكلام وصل للرجال وصبح العرس تفركشت حفلة الزفاف تخيلو يوم العرس الصبح والعروس متحنية العرس يتكنسل وعلى شنو على اغاني ..

في مثل هالمواقف الواحد لازم يوسع قلبه ويخليه كبير ومايكسر بخاطر حد يخليها فرحه مب بس بالاسم ..

و و و كثيرة هي المواقف اللي تصير ولي عوده ان احتاج الموضوع omen



من كثر ما هو مثير اللي قلتيه مب قادرة اعلق الا اني انتظر عودتج بفارغ الصبر :thumbup1:
ضوى
19-11-2007, 12:13 AM
مثل ماتفضل بوعبدالله



زواجي تم على خير ،، وبدون مشاكل ،، الحمد لله ،، بسبب :con2:























































طبقت عليهم النظام العسكري :strong2::strong2::strong2:



ايييييييه عاد انت من يقدر عليك ، اللي يوقف جدامك يروح ابو زعبل بس تبي الصج يبي لهم الحريم جذي

تحياتي لك والله يسعدك يارب
ضوى
19-11-2007, 12:17 AM
عاد انا قلت الخلاف
ان طرف يبي اناشيد لانه حرام
وطرف يبي طقاقات لانه متحرر شوي :looking:

طلع الموضوع سامري وشرقي :looking:

عسى آذانهم الهري


يبا بطلنا خلاص
يازين العزوبية لو هذا الحال omenomen



لا لا لا لا لا يا بوكسينج الهدف من هذا الاقتراح الاستفادة بشكل ايجابي مو النفور من الزواج كل المواقف اللي تصير اياا نعتبرها عادية واحيانا غير عادية والامور البسيطة ممكن نمشيها وما تدري بنصيبك يمكن الله يرزقك ببنت حلال واهلها عيال حلال ما يصير اي شئ بحفلتكم :thumbup1:
ضوى
19-11-2007, 12:22 AM
:yes:دق.. دق .. ممكن نخش ؟؟

احب ها السوالف خاطري اصير منظمة حفلات يمكن افتح محل اعراس :con2: وامتص دماء المعاريس مثل باقي التجار .

العاده العروس تشتري اغراض كثيره وبعدين تكتشف انها ما تحتاجها ، كثير من العرائس

تقول انا ابغي عرسي مميز -- وتحاول تجيب شيء محد جابه يعني زفه غير شكل فرقه بذيك

الحكايه مثلا سمعت زفة مغربية العروس شايلينها في شيء مثل الهودج ... صراحة ضحكت

زين العروس فيها روح المغامره، زين يا حلوة لو دبغتي ايش ينفع التميز !!!!!!!!!!!

وصراحة دائما اقارن اعراسنا بالأجانب شلون قمة في البساطة والرقي واحنا لامع الشرق

ولا مع الغرب .

شيء ثاني يضايقني مكياج العروس يتفننون في تغير شكل العروس تخيلوا يغطون حواجبها

بماده (يمكن صلصال ) ويعيدون رسمها فوق الجبهه المهم شكل العروس

غير......عشتوا..!!!!!!!!

زين بس اخر شيء اضيفه قبل :tomato: فيه حركة عجبتني .. العروس قاعده ويا ربعها ع طاولة

( طبعا مش فوقها ) وتستقبل المعازيم بلا كوشه بلا خرابيط في ذمتكم مش حركة ناعمة

ترى العروس مليونيرة ابا عن جد .

شكلي هذرت اكثر من السديم

هلا وغلا يا دلة باي وقت تدخلين وتهذرين خذي راحتج :o

اقول دلة ما تبين مساعد في تنظيم الاعراس ؟؟تراني اعجبج :strong

وحركة العروس عجيبة وووادي حلوة ستايل جميل جدا وراقي بنفس الوقت بس وين ربعنا يفهمون في البساطه

انطر عودتج يا دلة بسرعة :o
ضوى
19-11-2007, 12:30 AM
ترا كلها حجج بس عشان كل طرف يبين ان هو الطرف الاقوى .. ام المعرس تبي تبين انها دفعت مهر وتكلف عليها العرس بالملبغ الفلاني فمن حقها تتشرط .. وام العروس تبي تتحكم وتتشرط بحكم انها ام العروس وعرس الحريم يخص العروس وهي اللي لازم تتحكم وتتشرط..

يعني في الايام العاديه لو تحط لهم هبان ولا دقني وطنبورة محد بيتكلم بس في العرس يبون يتهاوشون وخلاص ..


خلك عزوبي ابرك :looking::looking::looking:


وشو طنبورة بعد ؟؟:looking:
بكم الكيلو ؟


بالعكس اصلا مب سنع ولا ذوق ولا تربية حتى
ان ام المعرس تتدخل في عرس الحريم بشراسة

دفعوا الفلوس خلاص
نظير التجهيز وعرس الحريم كااااااااامل المفروض ام المعرس ماتتدخل فيه ومالها علاقه فيه
من ناحية الامور التنظيمية
بس تبدي رايها من باب انه راي لا اكثر ولا اقل


او يقسمون الوضع
من اول العرس الى آخرة يكون في يد ام العروس


ما ان يبدا المعرس للتحرك خلاص يبدا دور ام المعرس
لان الولد جاي وبكذا يحلون الخلاف
( يازينك وانت تحل الخلافات على الكيبورد في المكيف :looking:omen )





حريم مايبي له الهذره شغاله على ودنو..

اما المكياج الفتره اللي طافت استخفو البنات تقولين قناع مب ويه طبيعي :eek2::eek2:

والفناتك اللي يسونها خليها بصوب ..


انتي كده:thumbup: انشاء الله يقتنعون

السديم خربتي عالبوكسينج الحين بيتم عزوبي واحنا ما صدقنا قام يفكر بالزاج

بوكسينج لا تتحسس من كل شئ ترى الدنيا فيها الهبان وفيها الطنبورة وفيها الدف :o

دلة اقنعي البوكسينج بالزواج تراه هون :oops:
الراقية
19-11-2007, 01:09 AM
تحطين مواضيع

مااقدر اقولج عنها الا يعطيج العافية وتسلم يمناج

وعموما الاعراس صارت مفوشر اكثر منه احتفال
ضوى
19-11-2007, 10:47 AM
مساء الخير للجيمع...

الزواج راحة البال ودلع ومسؤولية والصدق
والاخلاص والوفاء والتضحية والتعاون
والحب بين الاثنين...
والتوفيق من رب العالمين على الزواج
وزوجه الصالحه إللي تسعد حياتك...
اهم شيئ الاستخارة في الزواج والزوجه...

الزواج
انا عن نفسي عطيت المهر حق زوجتي
والباقي انا احتمل من فستان والمكياج
وعرس الرييال والحريم وكل شيئ..

اهل العروس ساعدوني في اشياء كثيره
من مهر بسيط اتذكر كلمه ابوها
(خذها بعبايتها إن بغيت احنا نشتري الريال)

والمشاكل لا بد منها بس
مشاكل عاديه ماتوصل للطلاق والهاوش
متل ما تفضل اخوي جاسم
طبقت نظام العسكري


omenomenomen

الله يهنيكم يارب بس الظاهر التطبيق العسكري يجيب نتيجة :playball:
ضوى
19-11-2007, 10:50 AM
تحطين مواضيع

مااقدر اقولج عنها الا يعطيج العافية وتسلم يمناج

وعموما الاعراس صارت مفوشر اكثر منه احتفال


تسلمين لي يا عمري عالمرور الرائع

ومثل ما تفضلتي الاعراس كلها زبو ومفوشر ما له سنع

تعالي الوعد للحين السبت :yes:
الراقية
19-11-2007, 02:28 PM
تسلمين لي يا عمري عالمرور الرائع

ومثل ما تفضلتي الاعراس كلها زبو ومفوشر ما له سنع

تعالي الوعد للحين السبت :yes:

:thumbup1::thumbup1::thumbup1::thumbup1:

نعم الوعد السبت :thumbup1:
ضوى
21-11-2007, 01:01 PM
بعد ما شفت تعليقاتكم الحلوة ومشاركتكم باختم هالموضوع بتجربتي الشخصية في هالجزء

بالنسبة للرفاف زوجي سلمني 50 الف مهر وتحمل هو كل شئ ولا سألت عن شئ لا طاولات ولا قاعة ولا تجهيزات ابدا ابدا لا انا سألت ولا هلي سألوا اللي كان يهمنا هو بس معرفتنا بالمكان عشان يودوني هناك يوم العرس :looking:

اخته حنت علينا تبي طق وطبالات وانا قلت ما ابي طقطقة ما احب هالسوالف ابدا ولا هلي بس هي اصرت وقلت انا ما لي شغل تبون جيبوا اللي تبونه براحتكم يعني ما خربت الموضوع

ويوم العرس سبحان الله سبحان الله الطبالات مدري وش صار عليهم وما جاوا وهذا رحمة من ربي حتى يتبارك عرسي وحطوا اغاني من المسجل هذاك الوقت ما في دي جي :pilot:والحمد لله كل شئ كان تمام ما كان في كوشة ولا اي شئ مجرد المسرح وكرسين عاديين جدا وبس ، ما اهتميت وايد بهالتفاصيل لانها تافهة بالنسبة لي من البداية يعني ، وكل شئ كان تمام لحد ما جا زوجي عند باب القاعة حتى ياخذني اخوي من الرضاعة اصر اني اركب سيارته مع زوجي وزوجي يقول لا ما ابي احد معانا وتدخلوا خواتي في السالفة لا نبيها تركب مع اخوها :anger3: المهم خواتي واخوي من الرضاعة مشوا كلامهم بالنهاية ، بس بيني وبينكم ما عجبني الوضع لانه زعل زوجي في ليلة العمر ولامني وقال ليش ما تدخلتي ؟ ما عرفت شارد غير اني قلت له حقك علي انا وخلينا نبدا ليلتنا بدون مشاكل وننسى كل شئ صار وفعلا الحمد لله عدت هالليلة على خير وسعادة وبداية ابدية ان شاء الله
ذربة ألكلام
21-11-2007, 11:32 PM
:yes:دق.. دق .. ممكن نخش ؟؟

احب ها السوالف خاطري اصير منظمة حفلات يمكن افتح محل اعراس :con2: وامتص دماء المعاريس مثل باقي التجار .

العاده العروس تشتري اغراض كثيره وبعدين تكتشف انها ما تحتاجها ، كثير من العرائس

تقول انا ابغي عرسي مميز -- وتحاول تجيب شيء محد جابه يعني زفه غير شكل فرقه بذيك

الحكايه مثلا سمعت زفة مغربية العروس شايلينها في شيء مثل الهودج ... صراحة ضحكت

زين العروس فيها روح المغامره، زين يا حلوة لو دبغتي ايش ينفع التميز !!!!!!!!!!!

وصراحة دائما اقارن اعراسنا بالأجانب شلون قمة في البساطة والرقي واحنا لامع الشرق

ولا مع الغرب .

شيء ثاني يضايقني مكياج العروس يتفننون في تغير شكل العروس تخيلوا يغطون حواجبها

بماده (يمكن صلصال ) ويعيدون رسمها فوق الجبهه المهم شكل العروس

غير......عشتوا..!!!!!!!!

زين بس اخر شيء اضيفه قبل :tomato: فيه حركة عجبتني .. العروس قاعده ويا ربعها ع طاولة

( طبعا مش فوقها ) وتستقبل المعازيم بلا كوشه بلا خرابيط في ذمتكم مش حركة ناعمة

ترى العروس مليونيرة ابا عن جد .

شكلي هذرت اكثر من السديم


كلامج عين العقل يادلة فعلا العرس البسيط والهادي افضل بوااايد من الدفاشه

وفكره العروس قاعده مع ربعها في الطاولة واااااااايد حلوه وهادية بلا كوشه بلا خرابيط ........

والله النعومه في الفستان والمكياج والكوشه هو اساس الرقي ........
ضوى
22-11-2007, 10:57 AM
كلامج عين العقل يادلة فعلا العرس البسيط والهادي افضل بوااايد من الدفاشه

وفكره العروس قاعده مع ربعها في الطاولة واااااااايد حلوه وهادية بلا كوشه بلا خرابيط ........

والله النعومه في الفستان والمكياج والكوشه هو اساس الرقي ........



اختي ذربة تشرفت بمشاركتج بس يا ليت تعطينا تجارب حية في الموضوع :playball:
miss-qatr
23-11-2007, 06:04 AM
الصرااااحه موضوع مميز من انسانه مبدعه



متااااااااااااااااااااااابعه :app2:
ضوى
23-11-2007, 09:41 PM
الصرااااحه موضوع مميز من انسانه مبدعه



متااااااااااااااااااااااابعه :app2:



تابعينا وفالج طيب في الموضوع التالي


تحياتي لج اختي الغالية