تمـت تــجــربة الـلاندكــروزر 2008 .. بعض الآراء والانطباعات والمعلومات ( بالداخل )

[رآعي موآجيب]

السلام عليكم ورحمة الله وبركاته

أخواني ... أخواتي
أعضاء منتديات شبكة الأسهم القطرية

صبحكم ,,, مساكم الله بالخير

وتمـت تــجــربة الـلاندكــروزر 2008

....................
...............
..........
.....
...
..
.

لاندكروزر 2008 .. أحدى أساطير الدفع الرباعي فالخليج ,,

وكأنت التجـربة فالبــحرين ..

وتمـت تجــربة جميع الأنواع والمحــركات حتى محـرك الديـزل ,,

بالنسبــة للمحــركات ..

فالــمحرك الأول هو ذاتــه محرك الـ 8 سلــندرات الســابق .. لكن تم تطويره ليحقق ما يعـادل الـ 271 حصاناً .

أما المحــرك الثــاني هو ذاتــه محــرك البــرادوالفورتشنر
ذا الـ 4 لترات ولكن كم تطـويره لينتج قـوة 260 حصـاناً .

وهنـاك محــرك الديــزل ( 8 سلندرات ) لكن للأسف لم أحصل على معلومات كافيـة عنه ,,

بالنسبــة لتجــربة القيــادة ,,

فهـذه بعــض الانطبــاعات والمعــلومات

- بالنــسبــة الى العــزل الصــوتي فهو جيــد جــدا وهنـاك تنسيم خفيف على سـرعة الـ 130 تقريبا ,,

- الثبــات كان جيد جدا الى سرعة 150 ولم تتـم زيادة السرعة وأنا أراها كافية بالنسبة الى سيارة دفع رباعي ,,

- كل الموديلات مجهزة بدفع رباعي مستمر

- محــرك الـ 8 سلندرات متوفر على الـ GXR وأيضا على الـ GX

أما الـ VXR فـهو مجــهز فقـط بمــحرك 8 سـلندرات

- المفـاجأة الكبــرى أن آداء محـرك الـ 6 سلندرات كان أفضل بشكـل واضـح من الـ 8 سلندرات وربمـا يرجع السبب الى فارق الوزن .. ولكن الزين ما يكمل .. الـمحرك مزعج جدا ويشـبه بازعـاجة محرك 4 سلندرات !!

- القيـر 6 سـرعات في كـل الموديــلات والمحــركات

- هنـاك ميـزة عجيــبة فالـ VXR فل كامل وهـي وجود زر بجـانب نـاقل الحـركة ويستخدم في حـال تغريــز السيــارة بشكـل كامل وفي حـالة عدم خروجها .. والغـريب بالأمر ان السائق لا يتدخل أبدا ولا حتى بدعس دواسة الوقود .. فالسيارة تخرج نفسها بنفسها :yes:

- هنـاك تـوجه من تويــوتا أو بالأحـرى من وكـلائنا بالخليــج بخفض أسعـار اللاندكروزر لكـي تصبـح أكثـر واقـعية وذلك بسبب عدم وصول المبيعات فالموديلات الأخيرة الى ما كانو يطمحون اليه وأيضا بسبب قلة مبيعات الـ VXR مقارنة بالـ GXR
omen

- المحـرك 5.7 سيتم جلبه فالـسنة القـادمة .. ! :anger3:

علمآ أن المحرك المنتظر سوف تجهز به سيارة الكزس فورويل الـ LX570
المتوقع نزوله في أسواق الخليج في شهر فبراير 2008

- الآداء فالـطرقـات الرمليـة والوعـرة ما زال متميز :thumbup:

انتهى .

_-_-_

منقول من موقع متخصص في هذا المجال

[بوحارب]

فيه شي مهم نسيته

وهو









الشكل يوحي بالبقرة

الله يعطيك العافية نمر قطر

[الوهاااااج]

بصراحة انتظرنااااااااا لكن للاسف شكله مقرف ومو على قد الانتظار صراحة اللي عندة 2007 يحتفظ فيه لانه راح يندم على الشكل لاني سقته وما يصلح وتم تجربت جي اكس قير عادي واستاندر 2003 وراح وتركه خلفه 5 كيلوووووووووو قسم ان ذا الكلام صحيح واللي مو مصدق يجرب

[Index Signal]

اليوم شفته عند بيت جارنا ..

اقسم بالله موتر خذ اكثر من ماهو يستاهل بكثييييير..

ما افرق بينه و بين الباجيرو .. محشوم الباجيرو يمكن يزعل..!!

[غشيم]

هنـاك ميـزة عجيــبة فالـ Vxr فل كامل وهـي وجود زر بجـانب نـاقل الحـركة ويستخدم في حـال تغريــز السيــارة بشكـل كامل وفي حـالة عدم خروجها .. والغـريب بالأمر ان السائق لا يتدخل أبدا ولا حتى بدعس دواسة الوقود .. فالسيارة تخرج نفسها بنفسها

يقولون حاطين فيه المصباح السحري
شلون السيارة تطلع نفسها بنفسها

وضح !!!!

[العنان]

مشكور يالغالي على هالمعلومات ، والناس تذم في الموتر وانا رايح الشركه اليوم ابي اخذ لي vx-r قالوا مافي الا بعد 3 شهور وبالحجز ، يعني الموتر ماشي.

[الكواري 1972]

كفيت ووفيت

الصراحه موتر ماعليه كلام

يعطيك العافيه

[رآعي موآجيب]

فيه شي مهم نسيته

وهو









الشكل يوحي بالبقرة

الله يعطيك العافية نمر قطر


الله يعافيك يابوحارب

وشكلك كنت تنتظر الكروزر , وعقب ما شفته انصدمت :p

لكن معليه .... كلها فتره بسيطه ونتعود على شكله , مثله مثل الـ 98 اول ما نزل :thumbup1:

[رآعي موآجيب]

بصراحة انتظرنااااااااا لكن للاسف شكله مقرف ومو على قد الانتظار صراحة اللي عندة 2007 يحتفظ فيه لانه راح يندم على الشكل لاني سقته وما يصلح وتم تجربت جي اكس قير عادي واستاندر 2003 وراح وتركه خلفه 5 كيلوووووووووو قسم ان ذا الكلام صحيح واللي مو مصدق يجرب

مصدق يالغالي , والناس اذواق فيهم الي عاجبه الشكل وفيهم الي مب عاجبه

وانا عن نفسي مب مقتنع في شكله ذاك الزود , بس ادري اني بتقبله في يوم من الايام

بس الي مب مقتنع فيه لو بعد 10 سنين .... مكينته .. المفروض غيروها عن المكينه القديمه :anger3:

[رآعي موآجيب]

اليوم شفته عند بيت جارنا ..

اقسم بالله موتر خذ اكثر من ماهو يستاهل بكثييييير..

ما افرق بينه و بين الباجيرو .. محشوم الباجيرو يمكن يزعل..!!


انا معاك انه خذ اكثر من حقه , بس لا تنسى انه الموتر الاول خليجيآ وخصوصآ في قطر

يعني هالضجه متوقعينها سواء سلبي أو ايجابي :yes:

[رآعي موآجيب]

يقولون حاطين فيه المصباح السحري
شلون السيارة تطلع نفسها بنفسها

وضح !!!!


لا تستغرب يالغالي :eek2:

شلون الكزس تمشي تلقائيآ في الزحمه :no: والاغرب شلون تصف في الموقف الضيق بدون تدخل السائق :looking:

!!!!!!!!!!!!

أكيد بتقول تقنيه حديثه :thumbup1:

بقولك :p لا تستغرب أن السيارة تطلع نفسها بنفسها , يمكن ارحم من حركات الكزس :thumbup:

[رآعي موآجيب]

مشكور يالغالي على هالمعلومات ، والناس تذم في الموتر وانا رايح الشركه اليوم ابي اخذ لي vx-r قالوا مافي الا بعد 3 شهور وبالحجز ، يعني الموتر ماشي.


ما أضن ان موضوع كثرة الحجوزات انه مقياس للرغبه في السياره , لأن في كميه كبيره محجوزه للمعارض لأعادة البيع بسعر اعلى وتقليل الكميات في الشركه .:con2:

وبعدين الحين عند عبدالغني كل شي بالحجز حتى الــ بوحوض والكورلا :threaten:

وفي نفس الوقت انا معاك الموتر عليه طلب في الوقت الحالي , بس اعتقد على شهر 3 / 2008 بتوفر السيارات بكل الانواع بأستثناء الأستاندر .

[رآعي موآجيب]

كفيت ووفيت

الصراحه موتر ماعليه كلام

يعطيك العافيه


الله يعافيك اخوي الغالي

تحياتي لك

[deepbluesea]

اصبرووو شوي وبتشوووفونه يغزووو شوارعنا في كل مكان

احنا كذي نقول مب شي ، لكن بعدين تلاقيه في كل بيت وكل مكان

[رآعي موآجيب]

اصبرووو شوي وبتشوووفونه يغزووو شوارعنا في كل مكان

احنا كذي نقول مب شي ، لكن بعدين تلاقيه في كل بيت وكل مكان

:thumbup: :thumbup: :thumbup: :thumbup:

[انسان حساسي]

أما المحــرك الثــاني هو ذاتــه محــرك البــرادوالفورتشنر
ذا الـ 4 لترات ولكن كم تطـويره لينتج قـوة 260 حصـاناً .


اخوي راجع معلوماتك ذا ال4 لترات ينتج 240 حصان فقط لا غير حسب مواصفات عبدالغني والخليج


يعطيك العافيه .....

[Index Signal]

انا معاك انه خذ اكثر من حقه , بس لا تنسى انه الموتر الاول خليجيآ وخصوصآ في قطر

يعني هالضجه متوقعينها سواء سلبي أو ايجابي :yes:

كان الأول..!!

[باحث علم]

ماقول غير حسبي الله على اليابانيين خربو رفجتنا مع الكروزر خلاص

[بوخالد911]

هلا

أول مرة أعرف ان اليابانيين ما عندهم ذوووق كلش !!!!

:nono:
:nono::nono:
:nono::anger3::nono:

[الفهد1]

صج الي قال مشكلة الي ما عندة افلوس والي ميطال العنب حامض عنة يقول ياخوان لازم يتم تغيرة باي شكل من الاشكال الشكل القدم وين ماتروح في كل شارع وكل بيت ولابد ان يكون هناك تنوع في السيارات هذاعندة فتك وذاك يوكن وهذية بجيرووالاتبي كل واحد فينا عندة كروزر مش معقول وتوفيقي للجميع

[ذيبه مزاجيه]

مع احترامي لكل مواصفاته الشكل ما ينبلع كلش و يفشل @_@

والظاهر الناس بتتجه للنيسان وايد ابرك و احسن .. وعلى الله ما يقلدون الشكل البايخ للكروزر ..

بس يمكن الناس تتعود عليه بعد فتره بس عن نفسي مافي امل حاله حال البرادوا اللي شكله يشبه التحميله !!!!!

على العموم الله يوفق الجميع و فعلا الناس اذواق ..

السموحه

والف شكر لصاحب الموضوع

لا هنت اخوي

[التيما]

اليوم شفته عند بيت جارنا ..

اقسم بالله موتر خذ اكثر من ماهو يستاهل بكثييييير..

ما افرق بينه و بين الباجيرو .. محشوم الباجيرو يمكن يزعل..!!

ههههههههههههههههه والله انك صاج

[لورنس العرب]

انا عن نفس ببادل بالجي اكس اللي عندي مو 2006 (بوحنه) مع الجديد متى ما توفر في الشركة

[ولد الغانم]

مع احترامي لكل مواصفاته الشكل ما ينبلع كلش و يفشل @_@

بس يمكن الناس تتعود عليه بعد فتره بس عن نفسي مافي امل حاله حال البرادوا اللي شكله يشبه التحميله !!!!!

على العموم الله يوفق الجميع و فعلا الناس اذواق ..
السموحه
والف شكر لصاحب الموضوع
لا هنت اخوي




:funny::funny::funny::funny:

[Khalid222]

لا تستغرب يالغالي :eek2:

شلون الكزس تمشي تلقائيآ في الزحمه :no: والاغرب شلون تصف في الموقف الضيق بدون تدخل السائق :looking:

!!!!!!!!!!!!

أكيد بتقول تقنيه حديثه :thumbup1:

بقولك :p لا تستغرب أن السيارة تطلع نفسها بنفسها , يمكن ارحم من حركات الكزس :thumbup:

تقنية جديدة تعادل الكروس كنترول ولكن صممت للطرقات الوعرة .. وهي القيادة الذاتية .. وتسمى نظام الزحف Crawl system ...من التقنيات الجديدة الى صممتها تويوتا للاند 2008

22040

22041

22042

22043

نظام الزحف أو ما يسمى بـ Crawl System يجعل قيادة السيارة سلاسة على الطرقات الوعرة ويحسن مستوى ثبات السيارة مع تعزيز السلامة للسيارة.
حيث يخفف المجهود أو الحمل الذي يبذله السائق حيث يجعله يركز على المقود فقط بدلا من دعاسة الفرامل والتسارع.
من مميزاتة أيضا أن يعزيز من مستوى ثبات السيارة حتى على الأسطح الزلقة والمنحدرات.
يستخدم أيضا عندما أيضا في مرحلة تغريز السيارة في الرمال لايخرجها منها.
ويقلل الأضرار الملحقة بالسيارة نتيجة إحتكاك سطح السيارة بالسطح الطرقات الوعرة ويكون تلاشي ذلك عن طريق تحقيق سرعة منخفضة جدا. .
يوفر النظام ثلاث مستويات من السرعة. السرعة رقم واحد تستخدم في قيادة السيارة على الطرقات الصخرية.
والسرعة الثانية على الطرقات الرملية الخفيفة أو المليئة بالمطبات. في السرعة الثالثة تكون على الأسطح الثلجية أوالرملية اوالموحلة باطين.
كيفية تشغيل النظام؟ طريقة تشغيل النظام عملية سهلة جدا
1- أنقل ذرلع النقل إلى N or P
2- على قائد المركبة بتحويل القرص الدبل إلى L4 تحرك القرص الو السويتش من L4 يقفل النظام.
3- أنقل الذراع إلى D or R ،
ملاحظة عندما يشتغل النظام يمنع من الدعس على الفرامل او على دعاسة البنزين حتى يوقف عمل النظام. ولايترك إحدى أبواب السيارة مفتوحا. كذلك يمنع أيضا إستخدام Parking Brake

[نيساني]

فيه شي مهم نسيته

وهو









الشكل يوحي بالبقرة

الله يعطيك العافية نمر قطر




صدقت يابوحارب
لا وزيدك تقول بقره ضاربه ابّرحق شفايفها:funny::funny::funny:

[برنس قطر]

:yes::yes::yes:

[mohamed ab]

اصبرووو شوي وبتشوووفونه يغزووو شوارعنا في كل مكان

احنا كذي نقول مب شي ، لكن بعدين تلاقيه في كل بيت وكل مكان

وهذيه الى بيصير الله يعطيك العافيه ياصاحب الموضوع

[موادع 2000]

كل شي فية حلو ولكن السفتي زيرو للاسف في السيارات اليابانية

[رآعي موآجيب]

مشكورين على مروركم

والله يعطيكم العافيه

اخوي Khalid222
تسلم يالغالي على توضيحك للتقنيه الجديده

تحياتي للجميع ..

[زمن كذاب]

يبقي 2008


وشكل جديد وكشخة بنظر فئة من الناس ويجب احترامهــااااااا انا مع اللي يتكلم وقال الشكل يضحك

للي يفكر في Vxr 2008 حبيت اقولة زيد افلوسك واخذلك بورش كياااااااان ولا رنج سبورت

[@احمد@]

ماقصرت والله يعطيك العافية ياصاحب الموضوع وانا اقول لو يعاد فتح هذا الموضوع بعد خمس اشهر بتكون ردود الافعال متغيرة 180 درجة والموديلات السابقة قلتو عنها نفس الكلام!!!

[DHEN AL 3OOD]

يعطيكم العافيه جميعا
يا جامعه الموتر توه جديد والعين ما تعودت عليه لو تذكرون ال98 اول ما نزل قالو عنه كريه ودفش وبعدها فتره العالم طاحو فيه طيحه،،،،
حتى المرسدس اول ما نزل قالو عنه دفش والقديم حلى وتعال الحين شوف القديم محد يركبه وكذللك مع الفتك بوسطاب كبير اول ما نزل كل من ذم فيه وشوفه الحين،،،،اما بالنسبه لي انا الشكل الجديد روعه ورحت التظامن ضرب نعل ع الحجوزات قال لي اذا تبقي شهر 3 تستلم

ولكم جزيل الشكر

[بوحارب]

صدقت يابوحارب
لا وزيدك تقول بقره ضاربه ابّرحق شفايفها:funny::funny::funny:

:eek2::eek2:

:thumbup::thumbup:

[موادع 2000]

اهم شي في السيارة السفتي

للاسف قبل امس تقريبا يوم الاحد

شفنا استيشن منجلب في امارة ابوظبي