المساعد الشخصي الرقمي

مشاهدة النسخة كاملة : [][][][][ ابي مشورتكم .. وين اركب Dvd ][][][][]


ALRAYYAN
16-11-2007, 02:04 PM
السلام عليكم

شباب بغيت اركب Dvd للموتر

مادري شتنصحوني به .. اي نوع .. اي حجم .. اي مواصفات ..

وياليت لو حد عنده فكره عن المحلات اللي تركيبها جيد .. وعن الاسعار بعد

علما بأن موتري Vxr وابي اركبه مكان الليت اللي في النص في السقف مثل الوكاله

ناطر ردكم عشان اتوكل على الله واركبه اليوم

شكرا للجميع مقدماً
سلمان
16-11-2007, 02:06 PM
يمدحوون صدى الصووت ألي في الغرافه



وأنشالله بعد الشباب ماراح يقصرون


وبتوفيق
غرفاوي
16-11-2007, 02:08 PM
يمدحووون اللي في محطة بترول الاندمارك عند كرك النعيمي بس مادري شسمه , بالتوفيق اخوي
ALRAYYAN
16-11-2007, 02:10 PM
يمدحوون صدى الصووت ألي في الغرافه



وأنشالله بعد الشباب ماراح يقصرون


وبتوفيق

رحت له اخوي سلمان .. ارخص واحد عنده بـ 1800 ريال .. واللي مثل الوكاله بـ 2300 ريال

مادري هالاسعار اوكي او لا .. اما تركيبه مجربه ماعليه كلام
ALRAYYAN
16-11-2007, 02:11 PM
يمدحووون اللي في محطة بترول الاندمارك عند كرك النعيمي بس مادري شسمه , بالتوفيق اخوي

هلا بك الغرفاوي

انا اهم شي عندي النوعيات .. ياليت اللي عنده فكره عن النوعيات الجيده يفيدنا

شاكر لك يالغرفاوي .. ومحد قدك ياخوي :swoon2:
السهم الجارح
16-11-2007, 02:38 PM
سلام عليكم

مرحبا اخوي ، بالنسبه للجهاز المتوفر منه 8 أنتش و 10 أنتش والماركة اسمها ( أكسيــم ) ممتازه

وتنفع للكروزر وتركبها طبعاً في مكان الليت اللي في النص وتركيبها سهل وأي محل زينه يبيع هذا الجهاز

يقدر يركبه بدون مشاكل ( وتقدر ترد الليت اذا بغيت بأي وقت ) ولكن نصيحتي لك ركب 8 أنتش لأن ال 10

كبيره وتنفع لليوكن الكبير وبالنسبه للمحل روح اسال في ( محل سيارة 2000 ) اعتقد متوفر والسعر في

حدود 1600 - 1700 تقريبا ... واذا قدرت توصي عليها من دبي اعتقد السعر يفرق....

وتقبل مروري اخوي ... والسلام ختام
Small Investor
16-11-2007, 03:05 PM
السلام عليكم

يالريان اذا تبي نصيحتي
انت اشتر الشاشة وروح حق اي واحد وبيركبها لك وانا انصحك بصدى الصوت
اما عن نوع الدي في دي انا انصحك بالي يشغل divx لانه عن طريق هذا الفورمات تقدر تنزل افلام من الانترنت او اي شي بغيته رسوم ولا اي شي ومدة كل فلم حوالي 130 دقيقه وبحجم كل فلم 700 ام بي
وتحط 6 افلام في دي في دي واحد .
وغير انه هذا النوع يشغل لك الاشياء الثانيه مثل Compatible for TV / DVD / VCD / CD / MP3 / MP4 / DIVX Player

بس مشكلتة مب موجود في الدوحه بس اذا تقدر تنطر حوالي اسبوعين تقدر تجيبه عن طريق النت من موقع امازون وبسعر 175 دولار يعني تقريبا واصل الدوحه 200 دولار = 730 ريال فقط
وهذا هو
http://www.amazon.com/GOLDEN-Monitor-Player-BEIGE-Colour/dp/B000XPKZD4/ref=sr_1_33?ie=UTF8&s=electronics&qid=1195214248&sr=8-33
بوخالد911
16-11-2007, 03:10 PM
هلا بالغالي الرياان

الشباب بعد امدحولي كراج المعمورة اللي بعد دوار الفولكس واجين

مادريعنالاسعار
ووالسموووحة
Small Investor
16-11-2007, 04:40 PM
يالريان حصلت لك هالشاشة وفيها مميزات كثيره وحتى تقدر تشغل عليها ميموري كارد وتشبك ال Usb فلاش ميموري

http://www.ipmart.com/main/product/104inch,Roofmount,DVD,Player,with,USB,Port,SDMMC,C ard,and,FM,Transmitter,,JESD104,28622.php?cat=1056&prod=28622
ALRAYYAN
18-11-2007, 01:06 AM
رحم الله والديكم ياخوان وياجعلكم ذخر وماقصرتوا

وانا للحين ماتفرغت امر واركب .. يعني اللي عنده راي يتفضل
مزيون_قطر
18-11-2007, 03:48 AM
اخوي الريان ليش تشتري من اهني واهو غالي ياخي اشتره من امازون صدقني افضل وميزات اكثر اما بخصوص التركيب اعتقد افضل مكان اللي بالاند مارك وترى صدى الصوت ياخذ وايد حتى باسعار الديفديات مانسى يوم كذب علي وبيعني شاشه ب4000 واهي تسوى 2000 والله ومقطوطه عندي بس تركب مكان المسجل وترى اللي بالاند مارك اهو الاصل وهذا يقلده بس اذا حبيت اخوي الريان انا ممكن اجيبها لك من النت
من امازون او انت اذا تبي تجيبها عن طريقك يعني مر على المجموعه واخذ لك فيزا للنت ومر اارامكس وافتح لك صندوق بريد وخلال اسبوع يوصلك الغرض وانت مرتاح ونوعيات احسن من اللي اهني وماركات افضل اتمنى افدتك ولو بشي بسيط