إستئجار نضال بوعين حاره

[إنسان]

يقولون في تاجر إستأجر واحد راعي عين .. يعطيك إياها يسدحك

وكان مطلوب من النضال يضر تاجر منافس .. ترصدوا له عند العاير من بعيد

قال التاجر المستأجر للنضال خلك منتبه تراه بيطلع لك في الوقت الفلاني بالضبط

ويوم جا الوقت المذكور طلع شخص من العاير وكان النضال على أهبة الإستعداد

وشوي وكان بيعطيه ذيك العين لولا ان التاجر المستأجر وقفه في آخر لحظه وقاله

لا مب هذا التاجر المقصود .. النضال تحركت عنده السالفه وقال بــــــــــــال شلون عرفت

إنه مب هو من هالبعد .. شوي وإنسدح تاجرنا المستأجر .. عين النضال جات فيه

والسحر إنقلب على الساحر

............................


هالأيام زادت هالسالفة وكل شي نحطه على العين

صبي يركض وطاح قالوا من عينك

بنيه حت شعرها قالوا من عين فلانه

المعزبه إمرضت قالوا من عين الخدامه

السياره إختربت قالوا واحد حاط عينه على الموتر

عين .. عين .. عين .. :wizard:

[التيما]

يماااااااا يا سااااااتر .. ذكرتني بسالفه ايام الجامعه .. في دكتور دايم حاطني براسه .. عاد انا مو هاديه سندرته من قلب .. وهو من شيطانتي حطني براسه في زميله لي ماكنت اعرف ان عينها حاره ويوم عصب علي الدكتور جدام ربعي واحرجني وسكت عنه " خبركم مؤدبة " ولمن طلعنا من المحاضره قالت لي ابرد خاطرج فيه .. انا طالعتها بس وهي تتطالعه الا يطيح طيحه من اول الدرج لين آخره والله انا تخرعت وركضت له من الخوف .. ومن عرفت ان عينها حاره .. ماشافت الا غبرتي X كبير على صداقتي لها ..

[إنسان]

يماااااااا يا سااااااتر .. ذكرتني بسالفه ايام الجامعه .. في دكتور دايم حاطني براسه .. عاد انا مو هاديه سندرته من قلب .. وهو من شيطانتي حطني براسه في زميله لي ماكنت اعرف ان عينها حاره ويوم عصب علي الدكتور جدام ربعي واحرجني وسكت عنه " خبركم مؤدبة " ولمن طلعنا من المحاضره قالت لي ابرد خاطرج فيه .. انا طالعتها بس وهي تتطالعه الا يطيح طيحه من اول الدرج لين آخره والله انا تخرعت وركضت له من الخوف .. ومن عرفت ان عينها حاره .. ماشافت الا غبرتي X كبير على صداقتي لها ..

طبعا من حقج تخافين على نفسج .. لو يوم عجبها فستانج أو حطت البال على صحتك مثلا

بتروحين فيها .. هذولا ينخاف منهم .. والمشكله إذا ذكر الله مب على لسانهم يضرون

ناس بعلم أو من غير علم :anger3:

[امـ حمد]

لاحوله ولا قوه الا بالله