معــرض قطـــر المهـــني لتقــــــديم طلبـــات التـــوضيـــف

[محمد11]

معــرض قطـــر المهـــني لتقــــــديم طلبـــات التـــوظيـــف..

شـــدوا حيـــلكم الـــي يبـــي وظيـــفه ومحــتــاج يـــروح يقــــدم وفـــي عـــدة شـــركات
من هالشـــركات او المؤسسات :

قطر فونديشن ..
قطر غاز
وزراة الداخليه


طبعا المعرض لمدة 4 ايام .

[غانم 81]

بيض الله وجهك على الموضوع وبالتوفيق للجميع

[lule]

متى المعرض ووين مكانه ؟؟

[محمد11]

اليــــوم ... اليوم بس Vip
باجر ان شاء الله بيكون عاااااااااااااام

اعتقد في مركز قطر الدولي للمعارض.. والله اعلم

[عنوب]

جزاك الله الف خير

[بو فـهـد]

يعطيك الف عافيه

ع الموضوع يبتدي من 19 الى 21

وفي قاعه المعارض ..

سلام

[امل الحب]

بالتوفيق للي يدورون وظايف :)

[م الكواري]

بالتوفيق للشعب القطري
يستاهلون اهل قطر
الله يطول في عمر شيوخنا انشاالله
على هذي المبادره الجميله

[مـــــوزه]

ممكن ايميلك

[كبير المتداولين]

صار لي سنتين ادور وظيفه وعندي شهاده نادره ولا حد يبي يوظفني

خخخخخخخخخخخخخخخخخ

الظاهر الواسطه فوق القانون
ويقولون الواسطه مالها حل
طلباتي موجوده بكل الوزارات والهيئات والشركات والمؤسسات بس وين احصل واااااااااااااااااااااااااو

[بنت الفيصل]

الا ال vip هذول بحاجة قد وظيفة.........؟:looking:

[Small Investor]

صار لي سنتين ادور وظيفه وعندي شهاده نادره ولا حد يبي يوظفني

خخخخخخخخخخخخخخخخخ

الظاهر الواسطه فوق القانون
ويقولون الواسطه مالها حل
طلباتي موجوده بكل الوزارات والهيئات والشركات والمؤسسات بس وين احصل واااااااااااااااااااااااااو


سيم سيم صار لي لووول

الشركات الاجنبيه اتصلوا فيني ... لانه غصبا عنهم لازم يوظفون قطريين يعني مب عشان خاطر عيوني ولما شافوا شهادتي ومعدلي قالوا يله هذا احسن من غيره

اما الشركات الوطنية فحدث ولا حرج ماخليت مكان الا وقدمت حتى هنا في المنتدى وفي الاخير تدرون مكانين اتصلوا فيني واحد قالي باعطيك راتب 7000 ريال والثاني قالي بعطيك 10000 طبعا هذا مع كل العلاوات من المواصلات الى الزواج
شدعوه يعني انا اتعب واتغرب عن بلدي واجيب شهادة نادرة والي عندهم في الدوحه هالشهاده ينعدون على الاصابع وفي الاخير نفسي نفس الثانويه ؟؟؟


المشكله تدرون شنهي المشكله اني يوم اكلم مثلا مدير التوظيف يقولي والله مب محتاجين موظفين وما عندنا مكان شاغر ..... واليوم الثاني ولا الاسبوع الي بعده احصل اعلان في الجريده ( مطلوب مهندسين قطريين وبمعدل جيد جيدا )
شدعوه انا مودي لهم شهاده بامتياز وقالوا لي ماعندنا مكان عيل المساكين الي معدلهم مقبول ولا تحت الجيد جدا شنهو مصيرهم.

لا تدرون وين المشكله انه يوم في خليجي ويبي يتوظف وبراتب لا يتجاوز ال 12 الف ... يقولون لا الاولية للقطرين هذا الراتب عالي على غير القطري

معنه والله وفي نفس الوقت واحد توظف عندنا ومن جنسية عربية وماعنده غير الشهاده الجامعيه وخبره ثلاث سنوات ( في تلفزيون قطر ) وراتبه يتجاوز ال 16 الف.

لا والاخس شنهو في جنسيه عربية من توصل البلد تتوظف باحسن الوظايف واحسن الرواتب والعلاوات وكل شي تتوقعونه

الله يستر
والله كريم

[سهم المراقيب]

الا ال vip هذول بحاجة قد وظيفة.........؟:looking:

اختي كما جرت العاده ,,
يتم تخصيص أول يوم من أيام المعارض لكبار الشخصيات ,,

[قناص قطر]

فرصه ذهبيه من ايدي قطريه للشعب لتعديل الوضع

لاتفوت الفرصه

العدد المطلوب كبير

لاتقول زحمه ومافي امل

توكل على الله

المقابله بنفس المكان وبنفس الوقت

يلا همتك يا قطري فرصه لن تتكرر

[منقاش]

المشكله تدرون شنهي المشكله اني يوم اكلم مثلا مدير التوظيف يقولي والله مب محتاجين موظفين وما عندنا مكان شاغر ..... واليوم الثاني ولا الاسبوع الي بعده احصل اعلان في الجريده ( مطلوب مهندسين قطريين وبمعدل جيد جيدا )
شدعوه انا مودي لهم شهاده بامتياز وقالوا لي ماعندنا مكان عيل المساكين الي معدلهم مقبول ولا تحت الجيد جدا شنهو مصيرهم.


فديت خشمك بس ماتدري ان السالفه كلها شووو (Show) والتقطير اللي يقولون عنه وتشوف الجرايد تهايط فيه كله كلام فاضي ولا يمت للواقع بصله ! خلني ساكت ومابي ارفع ضغطي برووحي

[ANONYMOUS]

انا لو مكانكم ياللي تقولون شهاداتكم نادره ومحد معطيكم وجه ويقولون لكم مافي شاغر و و و الخ

بطرش فاكس و ايميل للمدير العام ( بالاضافه لمدير التوضيف) والوزير وديوان الخدمه وايميل الامير في موقعه الخاص

طبعا الفاكس والايميل فيهم كل الوثائق والتواريخ

وبابهدل اللي وقف بطريقي بهدله

وبطالب في التحقيق ليش رفضوني وو وظفوا غيري براتب اعلى



والله يوفقكم

[بو يوسف1]

التوظيف حق القطريين بس؟؟

يعني هل في فرص للخليجيين بعد؟؟

[Small Investor]

:
انا لو مكانكم ياللي تقولون شهاداتكم نادره ومحد معطيكم وجه ويقولون لكم مافي شاغر و و و الخ

بطرش فاكس و ايميل للمدير العام ( بالاضافه لمدير التوضيف) والوزير وديوان الخدمه وايميل الامير في موقعه الخاص

طبعا الفاكس والايميل فيهم كل الوثائق والتواريخ

وبابهدل اللي وقف بطريقي بهدله

وبطالب في التحقيق ليش رفضوني وو وظفوا غيري براتب اعلى



والله يوفقكم


ياطويل العمر ... انا موضوعي كنت اوصله لين مدير التوظيف وهو الي بنفسه يقولي مافي مكان .... وكنت افكر اشتكي بس والله تكاسلت وخصوصا لين داومت ( انا تخرجت في شهر 15\7 وتوظفت في شهر 3 ) وما اقولك في كم من مكان (مكانين ) اتصلوا وقالوا خلاص احنا قاعدين نظبط لك الامور الماليه ... ومن يومها ما اتصلوا ... عاد انا قلت اكيد كان الاوفر شوي واستحوا يقولون لي :funny::funny:

[إعلامي قطر]

..

أضم صوتي للأخوان إللي قالوا إن كل شي بالواسطه ..

بصراحه ومن غير مبالغه الإعلانات إللي بالجرايد والمعارض أغلبها بس شوووو
ومحد متأكد من هالشي إلا إللي راح وقدم عشرين ألف مره ولاعت جبده !!

ياليت لو حد عنده واسطه بمكان عدل وراتب عدل يفتح لنا موضوع نرسل له
السيفي ويشوف شهاداتنا وخبراتنا ولكن تنقصها أهم حاجه وهي الواسطه !! :thumbdown:


تصدقون لو أقول لكم إنه لحد الحين فيه " قطريين جامعيين " رواتبهم
للحين ماتتعدى الـ 10 آلاف ومن سنين واعدينهم يعدلون أوضاعهم
وكل سنه بالصيف يقولون شهر10 وبشهر10 يقولون شهر4
وبشهر4 يقولون بالصيف والسنين تمر ولا تغير أي شي !!


وبالمقابل جهات ثانيه تحولت هيئات بسرعة البرق والرواتب تدبلت
وموظفينها خريجين الثانويه يستلمون أكثر من الجامعيين بأماكن ثانيه !!

..
..

[الجوري]

وانا بعد اضم صوتي لكم


اي والله كل شي بالواسطه لا جد ولا اجتهاد معاد يفيييييييييييييييييييييد

[ذيبه مزاجيه]

..

أضم صوتي للأخوان إللي قالوا إن كل شي بالواسطه ..

بصراحه ومن غير مبالغه الإعلانات إللي بالجرايد والمعارض أغلبها بس شوووو
ومحد متأكد من هالشي إلا إللي راح وقدم عشرين ألف مره ولاعت جبده !!

ياليت لو حد عنده واسطه بمكان عدل وراتب عدل يفتح لنا موضوع نرسل له
السيفي ويشوف شهاداتنا وخبراتنا ولكن تنقصها أهم حاجه وهي الواسطه !! :thumbdown:


تصدقون لو أقول لكم إنه لحد الحين فيه " قطريين جامعيين " رواتبهم
للحين ماتتعدى الـ 10 آلاف ومن سنين واعدينهم يعدلون أوضاعهم
وكل سنه بالصيف يقولون شهر10 وبشهر10 يقولون شهر4
وبشهر4 يقولون بالصيف والسنين تمر ولا تغير أي شي !!


وبالمقابل جهات ثانيه تحولت هيئات بسرعة البرق والرواتب تدبلت
وموظفينها خريجين الثانويه يستلمون أكثر من الجامعيين بأماكن ثانيه !!

..
..

صدقت يا اخوي .. الحين انا اشتغل براتب ثانويه عامه اقل من 9000 بعد !!!!!! وانا جامعيه شدعوه عاد؟

عاد انا اليوم بغيب من دوامي وبروح المعرض وبقدم ولكن هل ضروري اذكر اني على راس عملي لحد الحين وادور مكان ثاني؟؟

ويسلم صاحب الموضوع

[قطري شايب]

حديثكم ذو شجون

امس رحت المعرض وضحكت لان بعض المؤسسات خصوصا الحكوميه مافيها حد يستقبل الطلبات زوغوا
ههههههههههههههههههههههههههههههههههه

شر البليه مايضحك

[قطري شايب]

صدقت يا اخوي .. الحين انا اشتغل براتب ثانويه عامه اقل من 9000 بعد !!!!!! وانا جامعيه شدعوه عاد؟

عاد انا اليوم بغيب من دوامي وبروح المعرض وبقدم ولكن هل ضروري اذكر اني على راس عملي لحد الحين وادور مكان ثاني؟؟

ويسلم صاحب الموضوع

قولي انج على راس عملج عااادي

ترا هم يحبون يحكرون حق العاطلين عن العمل بس :thumbup1:

[عبدالله العذبة]

لا ألوم كل من أبدى امتعاضه و تذمره ...
فالإعلام و الأقوال تريك تناقض في الأفعال مدوي لا يخفى على أحد ...

لا يبحثون الكفاءات إلا ما ندر ...

و المغيض حقا ً أنك تذهب للتقدم للعمل في جهات حكومية فتجد من يستقبل طلب التوظيف من غير القطريين ...

هزلت و رب الكعبة ...

و القطري يعاني من البطالة .. و المواطنون و المواطنات في وطني الحبيب يصرخون كل يوم و لا يوجد تغيير حقيقي ...
أما غير القطريين فعلى الرحب و السعة ..

تضخم يكسر عظام المعانين من البطالة و يهشم عظام صغار الموظفين .. و الأمل بالله كبير .. الحمد ُ لله رب العالمين

[الخيميائي]

يعني باختصار

نروح المعرض

والا نقعد في اشغالنا احسن :p

وكل واحد يمسك مينونة :p

[بــو فهــد]

بالتوفيق للجميع

والطلاب اللي دارسين على حسابهم الخاص ؟ من لهم ؟؟؟

[وحيد-الشوق]

هل المعرض الدخول اليوم للنساء فقط

ومن الساعة كم لين كم بليييز محتاج رد ضرووووري

[jajassim]

يعني باختصار

نروح المعرض

والا نقعد في اشغالنا احسن :p

وكل واحد يمسك مينونة :p



لا أخوى ،، اقعد وتم على مينونك ،،، انا أمس رحت ،، بس الصراحة ما يشجع ،، الاعلان عنه قوي ،، بس خدعة crazy

المعرض مفتوح من 4 الى 9 مساءاً وغدا آخر يوم :strong2:

[ورقــة أمــل]

هل المعرض الدخول اليوم للنساء فقط

ومن الساعة كم لين كم بليييز محتاج رد ضرووووري

اليوم نساء

من 4-8

[ورقــة أمــل]

لا أخوى ،، اقعد وتم على مينونك ،،، انا أمس رحت ،، بس الصراحة ما يشجع ،، الاعلان عنه قوي ،، بس خدعة crazy

المعرض مفتوح من 4 الى 9 مساءاً وغدا آخر يوم :strong2:

من 4-8

ويوم الاربعاء اخر يوم

[المتأمل خيرا]

يعني باختصار

نروح المعرض

والا نقعد في اشغالنا احسن :p

وكل واحد يمسك مينونة :p

مساء الخير أخي "الخيميائي"..

ليسمح لي أخي العزيز "jajassim" أن اختلف معه بشأن زيارة المعرض.. حيث زرت المعرض يوم أمس.. وفي بالي - وأنا هناك - أن اكتب عن انطباعاتي في المنتدى كما عايشتها.. طبعاً سأحاول خلال الساعات القادمة لأن يوم غد هو الأخير..

أعتقد أن زيارة المعرض لا يصل الأمر بشأنها إلى درجة اليأس.. هناك فرص متاحة.. سأشير لتجربتي يوم أمس في موضوع مستقل لاحقاً.. وطبعاً الحديث بشأن الموضوع هو "انطباعات من خلال لقاءات"..

تحياتي لكم،،،

[وحيد-الشوق]

اليوم نساء

من 4-8

شكراا اختي عالرد ولو انه متأخر

:yes:

[hich]

مسائكم ورد

اما من اراد زيارة المعرض فأنصحهه بشركات غير القطرية لما لديهم من جديه وأهتمام اما الوزارات والهيئات فمجرد تسجيل حضور عشان قطر كنديشن(اقصدفاونديشونن) ما يعطونهم الاذن الصمخا بعديين

ويدور الزمان وتتكرر مائساة معرض مؤسسة قطر منذ سنة(المتقدمين 328-المتوظفين15=312رميت سيرهم الذاتيه او في أحسن الاحوال حفظت)

[قطري شايب]

المعرض فقاعه اعلاميه

والاجانب الي يقدمون اكثر من القطريين

يقولون معرض عام مو للقطريين فقط لو كانوا جاديين كانوا اطلبوا البطاقه الشخصيه قبل الدخول

[% ام فهد %]

امس زرت المعرض و اليوم بعد ولاحظت اهتمام كبير من قبل اغلب الجهات المشاركة

و بالعكس ما اشوف ان في اي جهه مقصرة سواء الجهات الحكومية او الجهات الغير حكومية

و بالنسبة للتقديم الاقبال كبير من قبل القطريين اللي يشتغلون واللي ما يشتغلون

و حتى الاجانب بعد من حقهم يقدمون وكل من بياخذ نصيبه

صراحه المعرض من وجهة نظري ناجح بكل المقاييس

و على فكرة مسألة التوظيف مسألة نصيب لا أكثر و لا أقل

و اذا رب العالمين كاتب لاي شخص و ظيفة معينه ما راح ياخذ غير هالوظيفه

و بعدين يكفي انك تقدم في كل الشركات في مكان واااحد و في يوم واحد

احسن من اللف و لوعة الجبد وانت تدور باركينج ولا تدور مبنى الجهة اللي ودك تقدم فيها ولا تروح عند موظق يقولك التقديم همب هني روح المكان الفلاني

يا جماعه قولو الحمدلله على النعمة

ترى دول ثانية تتمنى يكون عندهم معرض بالهشكل او حتى اقل من هالمعرض

[عبدالله العذبة]

عاشت أم فهد :)

[رمية الهديف]

الصرااحه قوية سالفة انهم رمووا سيرات العالم الذاتيــه في اعزكم الله ,,الزباله !!!!

ومعلوماتهم الشخصيه (صورهم + ارقام تلفوناتهم)

ومن الي لاقااهم @@؟


اخاف اقدم اوراقي ويسوون فيني كذي :@


يسلموو

[قطري عصامي]

بس المفروض يسوون موقع على النت باسم معرض قطر المهني وفيه كل المؤسسات ووظائفها

[M O 7 A M M E D]

بس المفروض يسوون موقع على النت باسم معرض قطر المهني وفيه كل المؤسسات ووظائفها

CLICK HERE (http://www.qcf.com.qa)

[قطري عصامي]

CLICK HERE (http://www.qcf.com.qa)

اشكرك اخوي محمد :thumbup: