وتفيض عبراته على الخد .. بيض اليوابي وقت الورود

[مليت]

http://www.banitamim.org/uploads/8682aef579.jpg
عزيل قلبن لده الود .. يمسي ينوح ودومه ميهود
عن الشراب وقوته مصد .. وينوح يوم العالم رقود
ما يدري انه الود ييهد .. يدعي قوي الحيل مبيود
كل ماعذلته عاند وصد .. تابع هوى بو خصر مجلود
كم قلت له رد وعصى يرد .. وشحيلتي من قلبن عنود
متعللن والحال مرتد .. لد الفحل من عقب الهدود
ولي غضت الدلهين يجهد .. و يهيضه لي ذعذع النود
وتفيض عبراته على الخد .. بيض اليوابي وقت الورود

ويطير من العينين الاثمد .. و ادعى المدامع من البكي سود
يبكي على لمحبوب المود .. بكي اليتاما عند اليدود
قلبي بحب صخيف الخد .. هايم هيام ماله بنود
شروا مطرن طايح ويود .. و القاع من قبل المطر يود
اهواه و سألوني اي حد .. عن عين عذالي و الحسود
ربحان يالي يكتم السد .. تلقى غزير السد في سعود
ليت الاهبه تنقل الرد .. وتيب من الاحباب مردود
ان جان بطرش وبفند .. سلام للمحبوب مفنود
عزيل قلبن لده الود .. يمسي ينوح و دومه ميهود

حمر عين

[فارس الرهيب]

يعطيك العافيه على الابيات الجميله..

[shrook]

ويطير من العينين الاثمد .. و ادعى المدامع من البكي سود
يبكي على لمحبوب المود .. بكي اليتاما عند اليدود
قلبي بحب صخيف الخد .. هايم هيام ماله بنود





مع اني في كلمات ما فهمت معناها بس اجمالا القصيد جميلة

فيها احساس راقي

يعطيك العافية ....