موضوع يثير الدموع والسوال

[حورية البحر]

موضوع يثير الدموع والسوال السوال : لماذا ياهلي0000؟

للاسف كثير من الاهل عند تقدم اي شاب لاحدى بناتهم يرددون هذا الكلام

اخذوها ولا تعطونا ريال 000 اخذوها ابلاش 000
يوجهون الكلام للولد واهل الولد وبرخص بنتهم

وللاسف هذا الكلام يجرح بمشاعر البنت بالتقليل من قدرها عندهم ورخصها عندهم

وعند ما تتزوج البنت بعد مايكون قد طمع فيها الرجل واخذها ورضت بنصيبها وياها تتفاجاء بانة الزوج يتشمت ويجرح بالبنت بدل مايتحمد ربه ويردد لها اهلج ارخصوا فيج 000 والا ما ارخصوا فيج اهلج الا من 0000 والا تراج ارخص من علبة بيبسي

بهالشي البنت تثار دموعها عندم تسمع الاهل يرخصون فيها واتعرف انها ولا تسوى حاجه
وعندما تتزوج كذلك
وبنفس الوقت يكون هالشي سبب لاهانة الزوج لها كلى دقيقة وبمثل هالكلام
فلماذا هذا اياها الاهل واياها الزوج ؟

[ذربة ألكلام]

في وحده من أهلنا توها مخطوبه وكان مهرها بدون مبالغه 10 ريال .......

وهذي البنيه من أغلى البنات عند أبوها وامها .....

اب المعرس استانس والمعرس بعد أعتقد انه بيحط البنت في عيونه ......


لأن البنت مب سلعه تنشرى لانها لاتقدر بثمن ........



اهو على حسب الريال اذا كفوا ولا لاء ........


لاكن الريايل الي مايعرفون السنع ولا المعاني ممكن يستهينون في البنت عقب

أو يعايرونها .......

لانهم لم يتأملوا الى حديث النبي صلى الله عليه وسلم

((( ابركهن اقلهن مهرا )))


موضوع جميل للنقاش فبارك الله فيك ....

[حقيقه]

هالكلام اول عادي
بس الصراحه غلط واكبر غلط لانه يمكن يطلع الرجال مب كفو وعقب يقلل من قيمتها ويذلها ويعايرها بانه اهلها عطوها ابلاش له المفروض الاهل مايقللون من شان بنتهم بالعكس
لانه هالزمن مب مثل زمان اول .. الله يستر علينا

[ناصر العمادي]

في وحده من أهلنا توها مخطوبه وكان مهرها بدون مبالغه 10 ريال .......

وهذي البنيه من أغلى البنات عند أبوها وامها .....

اب المعرس استانس والمعرس بعد أعتقد انه بيحط البنت في عيونه ......


لأن البنت مب سلعه تنشرى لانها لاتقدر بثمن ........



اهو على حسب الريال اذا كفوا ولا لاء ........


لاكن الريايل الي مايعرفون السنع ولا المعاني ممكن يستهينون في البنت عقب

أو يعايرونها .......

لانهم لم يتأملوا الى حديث النبي صلى الله عليه وسلم

((( ابركهن اقلهن مهرا )))


موضوع جميل للنقاش فبارك الله فيك ....


:thumbup::thumbup::thumbup::thumbup::thumbup::thum bup:

ماشاء الله عليج ... كتبتي اللي في قلبي ... يعطيك الصحه والعافيه

كل الشكر لك اختي حوريه

الله يوفقك ويسعدك يارب

[حيهور]

القصد من هالكلام مو تقليل من قدر البنت ابدا البنت قدرها محفوظ

القصد منه انهم يشترون الريال وان طلاباتهم خفيفه واهم شي يعامل بنتهم بما يرضي الله

لكن الريال اشلون يفهممها ذي يعتمد على اخلاقه وفهمه المعنى المخفي لهالكلام

واول وتالي اللي مايقدر بنات الناس باجر بتقدمون حق خواته يردون له المعامله

[حورية البحر]

هالكلام اول عادي
بس الصراحه غلط واكبر غلط لانه يمكن يطلع الرجال مب كفو وعقب يقلل من قيمتها ويذلها ويعايرها بانه اهلها عطوها ابلاش له المفروض الاهل مايقللون من شان بنتهم بالعكس
لانه هالزمن مب مثل زمان اول .. الله يستر علينا

كلامك عين العقل واكبر صحيح لانة هذا اهو الصحيح والغالب احين


اغلب الرياييل مب كفو ولا بمثل رياييل قبل نادر صاروا واكبر غلطة انة الاهل احين وبهالوقت يرخصون ببنتهم وقدامه بالذات لانة فعلا كثير من البنات اضروووا بهالشي واخرتها تطلقوا بسبت هالمعاير الي يجرح والا بعد فترة يروح ويتزوج ولا يستخر شي يحطه لها لو كان التكاليف والمهر باهض

[حورية البحر]

القصد من هالكلام مو تقليل من قدر البنت ابدا البنت قدرها محفوظ

القصد منه انهم يشترون الريال وان طلاباتهم خفيفه واهم شي يعامل بنتهم بما يرضي الله

لكن الريال اشلون يفهممها ذي يعتمد على اخلاقه وفهمه المعنى المخفي لهالكلام

واول وتالي اللي مايقدر بنات الناس باجر بتقدمون حق خواته يردون له المعامله

احنا نعرف المقصد لكن الحين وبهالوقت يفسرونة بشي اخر والاهل تقولة قدام البنت بطريقة وباسلوب مجرح لها وبتقلليل من قيمتها وقدام اهل الولد اغلب هالشي يصير

[بدور]

حبيبتي حوريه

اهل البنت يردون على الرجال هذا الرد لانهم شاريين الرجال باخلاقه ودينه مو بالفلوس

والناس اللي فيهم خير مايذكرون رقم معين للمهر عيييييب عندنا هالسوالف

واهل الولد بيكفهم يدفعون للبنت اللي يبون سواء مليون او مائة الف شي راجع لهم

ماصار عندنا في العايله يذكرون المهر نبغي كذا ونبغي كذا

وللامانه اغلب بناتنا يجيهم مهر من 250 الى 300 الف وشبكه قيمه جداً بسعر خيالي

وكل هذا من غير ما يعرضون الاهل بنتهم للبيع لانها غاليه عند اهلها والمتقدم يعرف قيمتها

مو بالمهر ولا الشبكه لان اهلها يحطون فوق هالمهر ضعفين للبنت

المشكله مو بغلاة المهر المشكله باختيار الرجل المناسب اخلاقياً ودينياً

[امـ حمد]

بارك الله فيج علي الموضوع00000 قال الرسول عليه الصلاه والسلام اقلكن مهرا اكثركم بركه