محطات في حياة الجني (11) الجني فوق السطح

[الجني]

بسم الله و الحمد لله و الصلاة و السلام على رسول الله
و على اله و صحبه اجمعين

من يتذكر ايام ما كانت تنقطع الكهرباء في القيظ

تحلى الخشيشه في الفريج و المراكض

و اللي عنده بوجلي يطلع باشا محد قده

و جدتي الله يرحمها كانت عندها غرشة بيبسي فيها

متروسه كاز و مسدوده بتمرة

و طالع من التمرة فتيله و مولعه الفتيله (سراي - سراج)

تدور فيها بين الدار و الحوش

و تخاف اقرب من السراي تشب الدار

و لي جاء و قت الرقاد

كلٍ يشيل شلايله و يروح فوق السطح

و كل بمهفته يهف على وجهه من الحر و الرطوبه

يا زين السماء و نجومها تتلألأ

و كانها اجمل فانوس من صنع رب السموات و الارض

حمود راح في سابع نومه

و جسوم يتقلب و يتأفف

و حسون يشلخ على خلفوه

و الرياييل و الشيبان كل حاط كرفايتة الحديد اللي تنطوي

اللي الحين نشوفها عند البتان في وسط الحوش

كل واحد بوزار و فانيله

صج رياييل مب شباب هذا الزمان

يد الواحد منهم انعم من خد البنت

هؤلاء ذكور و ليسوا رجال


و جدي حاط ريل على ريل معاه رادو

و ياشين صوت الرادو مع قنوات الSWــ (Short Wave)

ويييييي وييييييييييييوووووووووووووو ويييييييي ووووووووو

و طول الليل مع ويييييي وييييييييييييوووووووووووووو ويييييييي ووووووووو

و اخبار العدو الصهيوني و جمال عبد الناصر و الوحدة العربية

و النسوان قاعدات فوق السطح

كل معاها عيالها و بناتها كأنهم دياي

و مع سويره و بنتها و تحتها ما تحتها

و بعدين يقلبون حش في بعض و تطنز و تكركر , يا زينهم والله


مب بنات هذا الوقت كله زبو و موضه و تفاهه في تفاهه

و او لالا "انا ما اشتري الا من لندن"

و الثانيه لا "انا غير باريس ما تصلح لي ياختي"

ليتها يوم احملت ما ربت



و صلى الله على سيدنا محمد و على اله و صحبه و سلم


محطات في حياة الجني (10) الضرب في المدارس
http://www.qatarshares.com/vb/showthread.php?t=144573

محطات في حياة الجني (9). . . الشنتورة
http://www.qatarshares.com/vb/showthread.php?t=144121

محطات في حياة الجني (8) هوشه في الفريج (اكشن(
http://www.qatarshares.com/vb/showthread.php?t=143848

محطات في حياة الجني (7) مغامرات في العيد (دراما)
http://www.qatarshares.com/vb/showthread.php?t=143465

محطات في حياة الجني (6) الدراسة و الواجبات
http://www.qatarshares.com/vb/showthread.php?t=143207

محطات في حياة الجني (5) الجني و التلفزيون
http://www.qatarshares.com/vb/showthread.php?t=142812

محطات في حياة الجني (4)
http://www.qatarshares.com/vb/showthread.php?t=142592

محطات في حياة الجني (3)
http://www.qatarshares.com/vb/showthread.php?t=142272

محطات في حياة الجني (2)
http://www.qatarshares.com/vb/showthread.php?t=142031

محطات في حياة الجني (1)
http://www.qatarshares.com/vb/showthread.php?t=141863

[khaldoon]

اسلوب طرح رائع يظهر حنينك الشديد للماضي الجميل

الله يرحم اموات المسلمين جميعا

احييك اخوي الجني ...بانتظار المحطه 12 ان شاء الله

[ناصر العمادي]

والله كلامك درر ... يازين النوم على السطح لي طفت الكهربه .....

مااروعها من ايام والله .....

مبدع اخوي الجني

يعطيك طولت العمر ان شاء الله

تقبل تقديري واحترامي الشديد

الله يوفقك ويسعدك وينور دربك يارب

[دلة الرسلان]

الله يذكرك بالشهاده انا اتذكر اذا انقطعت الكهرباء الوالد يرش الشرشف الخفيف - اكيد تعرفونه

ازرق او وردي فيه ورود كبار - بالماي وخاصة القايله وصوت الذبان موسيقى هادئة في

الخلفية.

[حيهور]

كل شي حلو على ايام اول

بس الحين جانك راد من الدوام وتنقطع الكهربا شنوووو تكره حياتك

حتى سطح مثل الناس مافي شوي والا مصورينك بلوتوث ^_^

زمان اول القلوب والنفوس صافيه وكل مازاد التطور والمال شانت الا للي يعرف الاصول

وترى الزمن مايتغير الناس هم اللي يتغيرون

[إنسان]

مع سويره و بنتها و تحتها ما تحتها

إي والله عرفنا من تحتها .. تحتها ولدين وثلاث بنات

عرفناها .. أمي حصه :eek2:

تصدق عاد ياخوي الجني

بيتنا كان الوحيد سطحه مبلط

والا سطوح البيوت عادة من طين والباشا فيهم سطحه من إسميت

وإذا طفت الكهربا قام الوالد الله يرحمه ورش السطح بالماي عشان يبرد وقت النوم

أيبا مب سطح .. ما شاء الله نفس حوش بيتي الحين :thumbup1:

[miss-qatr]

متميز اخوي الجني بهالمحطه ولو انها وااااااااايد قصيره عن اللي قبلها:thumbup1:



بس اعتب عليك وشو احسن من بنات اليوم :anger3:


بنات امس كانو امهاتنا واهم اللي ربونا على مااظن الجني :thumbup1:




يعطيك العافيه

[@ دانتيل قطر @]

مشكور وماقصرت
ويعطيك الله العافيه

[الزاجل]

كل يوم اتأكد انك اكبر مني بسنين يا الجني ..

احنا لحقنا على السطوح بكل استخداماتها ..

كنا انراكض على حد السطح ( الحاشية )
مرات امدابج ومرات بريل وحدة

كانت عندنا قدرة عجيبة على ضبط التوازن
اعتقد القنوات الهلالية في الأذاني كانت في قمة نشوتها :looking:

وصدقت احلى ايام لما تنطفي الكهربة
اتشوف النجوم باشكال عجيبة وغريبة تبهرك
وتسرح فيك على الرغم من صغر سنك ..

اتذكر لما كنت في بطن امي :looking:
والله يعطيها الصحة والعافية وما يحوجها حق حد
انسدحت في يوم من هالأيام المقصودة
طليت من صوب سرها :looking:
وشفت نجووووووووووووم ما كنت اعرف انها نجوم :looking:
وشفت السما لونها حلووووووو احلى من كل مرة ( شكله جذاب وين قدر يشوف
لون السما مالت كل مرة ) :anger3:

وكنت احس اني اصير رومانسي بس ما كنت اعرف اترجم مشاعري
فكنت امص صبعي :yes:
لين انولدت وكله امص صبعي :looking:

لحقنا على الفنر و مالحقنا على المتفجرات اليدوية مالت الجاز والفتيلة :pilot:

بس كنا نستخدم الشموع اللي اول ما تنطفي الكهربة شخييييييط على الدكان
نستغل :looking: الظلمة وانشل معانا اشوية اغراض
مثل كيت كات حب علوج في المخبة من غير لا يدري راعي الدكان
وندفع له حق الشموع ونطلع :no: ( ذاك اول )

وكنا اذا ردت الكهربة انسوي شموع صنع محلي :looking:

انحك الشمعة المصنعة في المصانع وانتفها
وانحط عليها ماي وصمغ علشان انسوي شموع يديدة :strong3:

وانحصل ضرب ( عادي ) لأن خربنا الشموع :p

الا تعود ذيك الأيام علشان امارس نشاطي القديم عليكم :looking:

[الزاجل]

متميز اخوي الجني بهالمحطه ولو انها وااااااااايد قصيره عن اللي قبلها:thumbup1:



بس اعتب عليك وشو احسن من بنات اليوم :anger3:


بنات امس كانو امهاتنا واهم اللي ربونا على مااظن الجني :thumbup1:




يعطيك العافيه

اقول

تربية قبل غير ..

والا وين البنت قبل تمشي مع امها من غير بطولة او غشوة ؟

اللحين الأم منقبة وقفازات
والبنت امنفصة ونامصة والباقي عليج فهمه ..

اللهم استر على جميع بنات أمة محمد

[% ام فهد %]

اهليييييييييييييييييييييييين

وين الغيبة يالجني حرمتنا من محطاتك

وانا كل يوم ادش و اقول اكيد حط المحطه الحين

واطلع واقول عقب شوي بيحطها

والله اشتقنا لمحطاتك

.....


احنا يوم تنقطع علينا الكهربا ما في الا الشمع و البوجلي

اخبر مرة انقطعت الكهربا وانا في المطبخ رحت اشرب ماي

ما عرفت وين اروح و لا سشوي ضاعت عندي احداثيات المطبخ و تلتهت في الظلام

بس الحمد لله الله ستر و يوم رجعت الكهربا ما وعيت الا انا في الاستور ما ادري شسوي هناك ولا اش وداني

هههههههههههههههههههه

كنت ياهل و انا من النوع اللي اذا صار شي يخرعني ما اتكلم انطم من الصدمه وللحين هالحالة معاي

[الجني]

اسلوب طرح رائع يظهر حنينك الشديد للماضي الجميل

الله يرحم اموات المسلمين جميعا

احييك اخوي الجني ...بانتظار المحطه 12 ان شاء الله

الله يحييك اخوي خلدون على المرور الكريم

[الجني]

والله كلامك درر ... يازين النوم على السطح لي طفت الكهربه .....

مااروعها من ايام والله .....

مبدع اخوي الجني

يعطيك طولت العمر ان شاء الله

تقبل تقديري واحترامي الشديد

الله يوفقك ويسعدك وينور دربك يارب


مرورك اللي اروع اخوي ناصر و تقبل احترامي و تقديري

[الجني]

الله يذكرك بالشهاده انا اتذكر اذا انقطعت الكهرباء الوالد يرش الشرشف الخفيف - اكيد تعرفونه

ازرق او وردي فيه ورود كبار - بالماي وخاصة القايله وصوت الذبان موسيقى هادئة في

الخلفية.

يرش الشرشف بالماي علشان التبخر يولد البروده و يازين ذيك الشراشف

اشكر مرورك اختي دلة الرسلان

[الجني]

كل شي حلو على ايام اول

بس الحين جانك راد من الدوام وتنقطع الكهربا شنوووو تكره حياتك

حتى سطح مثل الناس مافي شوي والا مصورينك بلوتوث ^_^

زمان اول القلوب والنفوس صافيه وكل مازاد التطور والمال شانت الا للي يعرف الاصول

وترى الزمن مايتغير الناس هم اللي يتغيرون

"الزمن ما تغير بس اهل الزمن متغيرين" على قولة ابو بكر سالم

شرفني مرورك اخوي السقطري

[الجني]

إي والله عرفنا من تحتها .. تحتها ولدين وثلاث بنات

عرفناها .. أمي حصه :eek2:

تصدق عاد ياخوي الجني

بيتنا كان الوحيد سطحه مبلط

والا سطوح البيوت عادة من طين والباشا فيهم سطحه من إسميت

وإذا طفت الكهربا قام الوالد الله يرحمه ورش السطح بالماي عشان يبرد وقت النوم

أيبا مب سطح .. ما شاء الله نفس حوش بيتي الحين :thumbup1:

ياسلام و ليش ما قلتوا حق الخادم يرش الماي بدال الوالد الله يرحمه

ما اجمل ان يرى الولد والديه يعملون شيء من اجله , منظر لا ينسى ابداَ

[PoBox]

يعطيك العافية اخوي الجني ، فين هالغيبة ؟؟ omenomenomen





الزاجل :looking:
تتذكر لما كنت في بطن امك :looking:





















:funny::funny::funny:





omen

[الجني]

متميز اخوي الجني بهالمحطه ولو انها وااااااااايد قصيره عن اللي قبلها:thumbup1:



بس اعتب عليك وشو احسن من بنات اليوم :anger3:


بنات امس كانو امهاتنا واهم اللي ربونا على مااظن الجني :thumbup1:




يعطيك العافيه


شرفني مرورج اختي miss-qatr و انا لم اشمل الجميع

انا احزن ان ارى الشباب ايضاَ و البنات ركض وراء المظاهر الزائفه

كثير منهم لا يحس بالمسئوليه و نجده في قمة اللامبالاه

و يوجد منهم من هو مهتم و قادر على تحمل المسئوليه

[الجني]

مشكور وماقصرت
ويعطيك الله العافيه

الله يعطيج العافية اختي قطرية و شرفني مرورج الكريم

[الجني]

كل يوم اتأكد انك اكبر مني بسنين يا الجني ..

احنا لحقنا على السطوح بكل استخداماتها ..

كنا انراكض على حد السطح ( الحاشية )
مرات امدابج ومرات بريل وحدة

كانت عندنا قدرة عجيبة على ضبط التوازن
اعتقد القنوات الهلالية في الأذاني كانت في قمة نشوتها :looking:

وصدقت احلى ايام لما تنطفي الكهربة
اتشوف النجوم باشكال عجيبة وغريبة تبهرك
وتسرح فيك على الرغم من صغر سنك ..

اتذكر لما كنت في بطن امي :looking:
والله يعطيها الصحة والعافية وما يحوجها حق حد
انسدحت في يوم من هالأيام المقصودة
طليت من صوب سرها :looking:
وشفت نجووووووووووووم ما كنت اعرف انها نجوم :looking:
وشفت السما لونها حلووووووو احلى من كل مرة ( شكله جذاب وين قدر يشوف
لون السما مالت كل مرة ) :anger3:

وكنت احس اني اصير رومانسي بس ما كنت اعرف اترجم مشاعري
فكنت امص صبعي :yes:
لين انولدت وكله امص صبعي :looking:

لحقنا على الفنر و مالحقنا على المتفجرات اليدوية مالت الجاز والفتيلة :pilot:

بس كنا نستخدم الشموع اللي اول ما تنطفي الكهربة شخييييييط على الدكان
نستغل :looking: الظلمة وانشل معانا اشوية اغراض
مثل كيت كات حب علوج في المخبة من غير لا يدري راعي الدكان
وندفع له حق الشموع ونطلع :no: ( ذاك اول )

وكنا اذا ردت الكهربة انسوي شموع صنع محلي :looking:

انحك الشمعة المصنعة في المصانع وانتفها
وانحط عليها ماي وصمغ علشان انسوي شموع يديدة :strong3:

وانحصل ضرب ( عادي ) لأن خربنا الشموع :p

الا تعود ذيك الأيام علشان امارس نشاطي القديم عليكم :looking:

ههههههههههههههههههههههه

من يقول اني اكبر منك

احنا وصلتنا التكنولوجيا قبلكم لا اكثر و لا اقل

اما اختراع الشموع عجيب اول مرة اسمع عنه

لازم يسجل براءة اختراع

[الجني]

اقول

تربية قبل غير ..

والا وين البنت قبل تمشي مع امها من غير بطولة او غشوة ؟

اللحين الأم منقبة وقفازات
والبنت امنفصة ونامصة والباقي عليج فهمه ..

اللهم استر على جميع بنات أمة محمد

ههههههههههههههههههههههههههه :eek2:

اضحك الله سنك يالزاجل

[الجني]

اهليييييييييييييييييييييييين

وين الغيبة يالجني حرمتنا من محطاتك

وانا كل يوم ادش و اقول اكيد حط المحطه الحين

واطلع واقول عقب شوي بيحطها

والله اشتقنا لمحطاتك

.....


احنا يوم تنقطع علينا الكهربا ما في الا الشمع و البوجلي

اخبر مرة انقطعت الكهربا وانا في المطبخ رحت اشرب ماي

ما عرفت وين اروح و لا سشوي ضاعت عندي احداثيات المطبخ و تلتهت في الظلام

بس الحمد لله الله ستر و يوم رجعت الكهربا ما وعيت الا انا في الاستور ما ادري شسوي هناك ولا اش وداني

هههههههههههههههههههه

كنت ياهل و انا من النوع اللي اذا صار شي يخرعني ما اتكلم انطم من الصدمه وللحين هالحالة معاي

تشتاق لج العافية يا ام فهد

شرفني مرورج و تعليقج الرائعين

[الجني]

يعطيك العافية اخوي الجني ، فين هالغيبة ؟؟ omenomenomen

الزاجل :looking:
تتذكر لما كنت في بطن امك :looking:

:funny::funny::funny:

omen

الله يعافيك اخوي بوكسينغ , انشغلت معا الدنيا الله يكافينا شرها

و تسلم على المرور و السئوال و التعليق

[الزاجل]

الزاجل :looking:
تتذكر لما كنت في بطن امك :looking:
:funny::funny::funny:
omen

انظلني ما يكفي رفيجي اللي معاي دايما
علشان حضرتك اتكمل علي ..

شنهو ذنبي لو اني اتذكر طفولتي قبل ولادتي :pilot:

[الجني]

انظلني ما يكفي رفيجي اللي معاي دايما
علشان حضرتك اتكمل علي ..

شنهو ذنبي لو اني اتذكر طفولتي قبل ولادتي :pilot:

حلوة "طفولتي قبل ولادتي"

يتراوالي ان اللي في بطن امه لا يسمى طفل

الطفل بعد الولاده


بس ما لك ذنب اذا الـ GPS عندك شغال وانت بالسالب

[سهم طايش]

اياااااااام و راحت

اتشوف البيت كلهم فارشين فرشهم فوق السطح و البرنوص ابوكركوشه المخطط و غرشة الماي ( غرشة فيمتو خالية و صابين فيها ماي من الولف )

راحوا الطيبين

اشكرك

[الزاجل]

اياااااااام و راحت

اتشوف البيت كلهم فارشين فرشهم فوق السطح و البرنوص ابوكركوشه المخطط و غرشة الماي ( غرشة فيمتو خالية و صابين فيها ماي من الولف )

راحوا الطيبين

اشكرك
العفو :looking:
اييه زمان كان البرنوص الصوف بو كارهوتا لاعب لعبته
ومن تطورنا دخل علينا برنوص بو فرو نمر و حصان واسد
كان غالي
ومن فرحتنا فيه لأنه غالي
نتغطى فيه ايام البرد عند باب الحوش
عاد يا عيال الفريج شوفوا عندنا برنوص بو فرو :p

يا حليلنا
بنروح مثل ما راحوا الأوليين
واللهم حسن الخاتمة ..

واذكروننا يا اجيال المستقبل عندما تشرق الشمس
والدعوة لنا بالرحمة والغفران من رب العالمين ..

حلوة "طفولتي قبل ولادتي"

يتراوالي ان اللي في بطن امه لا يسمى طفل

الطفل بعد الولاده


بس ما لك ذنب اذا الـ GPS عندك شغال وانت بالسالب

شوف يا الجني
الطفل هو اللي يدرك ما هو حاصل حوله ويستشعره
ويحس فيه ويتفاعل معه ..

وامي تقول لي
كله كنت شاطر في بطنها
واعرف كل شي يصير برع ..

فمن جذيه ما تقدر تقول عني جنين
كنت طفل في بطن امي :yes:

اما نظان الملاحة هذا
السيتوبلازم عندي افرازه لاسلكي
فاتحصلني القط الاشارات ومسارات الاتجاهات
لا اراديا ويكون الاتصال تيليباثيا بالعالم الخارجي

حتى اسأل اخونا خم خم
لأن بدأ ياخذ دورة مبتدئة في عالم التيليباثي ..