السخونه اللي هابه هالأيام عمر الفايرس يومين وينتهي - طريقة التعامل معه

[إنسان]

http://www.aawsat.com/2006/01/19/images/health.343957.jpg

مثل منتوا شايفين مع تغيير الجو الناس سخنت صغارهم وكبارهم

الباين من السخونه تاخذ لها يومين .. بس يومين شديدين على الأطفال والكبار

حرارة الطفل ترتفع إرتفاعات شاهقه تقول ناطحات سحاب ولا بد من تخفيض حرارتهم

بكل الطرق المتاحه .. تحاميل .. شراب .. تسبحونهم بعد أحسن .. يومين تتعبون معاهم

عشان ترتاحون عقب اليومين .. والسخونه هذي كريهه ترتفع فوق يصير الياهل تنور

وأفضل شي السبوح مفعوله سريع لتخفيض الحراره.

بعد اليومين تروح السخونه وتترك وراها زكام واحتقان ..

فلا بد من علاجهم .. أما في حالة اهمالهم ترجع السخونه بسبب الإحتقان

بالنسبة للأطفال وعن تجربه عطيتهم سيدوفان لعلاج الزكام والإحتقان

وتم الشفاء ولله الحمد

.............

ألف لاباس على عيالكم وعلى كل من يعز عليكم omen

[أبو راكان]

جزاك الله خير اخوي انسان

ويرجى الحذر من اعطاء المضادات الحيويه عند الارتفاع الشديد للحراره بالأخص عند الاطفال
واللي يعتبر احد اسباب اصابة الاطفال بالصمم

الله يحفظنا ويحفظكم ويحفظ ابنائنا من شر البلاء والمرض

[shrook]

مشكور اخوي ويعطيك العافية

[الصاعق الحارق]

عادوني اليهال وصار لي اسبوع مرقد والكحه طالعه من بلوعومي كانها زئير اسد
وشو الحل زهقت من الادويه

[أبو راكان]

عادوني اليهال وصار لي اسبوع مرقد والكحه طالعه من بلوعومي كانها زئير اسد
وشو الحل زهقت من الادويه

الغرغره بالماي الساخن والملح
عليك بالسوائل الدافئه ويفضل ( الشاي الأحمر مع الليمون )
ايضا عليك بغلي الزنجبيل الأخضر وشربه ثلاث مرات فاليوم

والبعد كل البعد عن الماء البارد والمكيفات

اسأل الله العظيم رب العرش العظيم ان يشفيك

[الصاعق الحارق]

الله يرحم والديك أبو راكان وجعل مثواهم الجنه
ومشكور على الدعوة والله يجزاك الف خير

[@ دانتيل قطر @]

مشكور عالموضوع
وأنا ولدي 3 أيام سخونة وسببها
أحتقان في الأذن والبلاعيم
ويأخذ مضاد حيوي ومع المضاد جاه أسهال وأنتو بكرامه
والله الشافي المعافي

[حجم التداول]

يعطيك العافيه على الموضوع
مشكور اخي على النصيحه

[ابوسعود]

مشكور اخوي ويعطيك العافية

[الجني]

صار لي من الصبح مسخن و جبدي تقلب

خذت حبة بنادول و شربت عصير ليمون بماء اللقاح بدون شكر

من الملل قمت و دخلت المنتدى و الا بهذا الموضوع

اللي يعبر عن واقع الحال

و الحين هذا انا اتقولب في البيت بالحركة البطيئة كأني ماكل سم

الله يجيركم من كل شر

[BO KHLIFA]

الله يشفي الجميع إن شاء الله

والله من هب هالفايروس ماخلى حد في البيت ماجاه مابقى الا انا :) الله لايحييه مسويلي رعب
اروح المجلس القاه اروح الشغل القاه ارجع البيت القاه كل متلثم وبس :)

العام الماضي صادني مرض مب مرض الله يبعد عنكم الأمراض طول فترة الاشتاء اعاني من احتقان والسبب صادني زكام خفيف واشوية احتقان اهملته لين تفاقم بعدها ماخليت مضاد ما كلته مافي فايده لين وصف لي دكتور مضاد قوي جدا والله جعله سبب في شفائي عقب ما اطلعت روحي ..
من عقبها اي واحد ايقولي فيني ازكام او صخونه بس ايغفل عني اشوي اشل عليه طبعا مع اخذ وقاية التلثومه :)

[jwar]

السلام عليكم

اخواني في ادويه مفيده اسمها قريب من شئ اسمه ممساح تمساح مب عارف اسمه بالظبط


والله يشفي الجميع انا عيالي نفس الشئ ولين الحين اعاني من هالمرض اسهال وصخونه واحتقان

والله المستعان

[إنسان]

جزاك الله خير اخوي انسان

ويرجى الحذر من اعطاء المضادات الحيويه عند الارتفاع الشديد للحراره بالأخص عند الاطفال
واللي يعتبر احد اسباب اصابة الاطفال بالصمم

الله يحفظنا ويحفظكم ويحفظ ابنائنا من شر البلاء والمرض

الله يكافينا الشر .. توصيف الدواء الخاطيء نتائجه وخيمه

الله يجزيك خير اخوي ابوراكان على التنبيه وفي ميزان حسناتك omen

[إنسان]

مشكور اخوي ويعطيك العافية

الله يعافيج اختي shrook


عادوني اليهال وصار لي اسبوع مرقد والكحه طالعه من بلعومي كانها زئير اسد
وشو الحل زهقت من الادويه

يارك الله .. شوف رد اخونا ابوراكان الله يجزيه خير على المعلومات الطيبه .. وما تشوف شر


الغرغره بالماي الساخن والملح
عليك بالسوائل الدافئه ويفضل ( الشاي الأحمر مع الليمون )
ايضا عليك بغلي الزنجبيل الأخضر وشربه ثلاث مرات فاليوم
والبعد كل البعد عن الماء البارد والمكيفاتاسأل الله العظيم رب العرش العظيم ان يشفيك

هذي مشكلتنا الماي البارد والمكيف :no:


الله يرحم والديك أبو راكان وجعل مثواهم الجنه
ومشكور على الدعوة والله يجزاك الف خير

omen

[إنسان]

يعطيك العافيه على الموضوع
مشكور اخي على النصيحه

الله يعافيك اخوي حجم التداول


مشكور اخوي ويعطيك العافية

يعافيك ربي اخوي ابوسعود

[الهاوي28]

وانا صاير كني داب

صوتي رايح في خرايطها

بح بح

البلاعيم كنها مضروبة بمسامير

[مذهلــة]

انا شكلي بمرض معاكم لان كل اللي حولي امرضه :p


يسلمو على الموضوع

[إنسان]

مشكور عالموضوع
وأنا ولدي 3 أيام سخونة وسببها
أحتقان في الأذن والبلاعيم
ويأخذ مضاد حيوي ومع المضاد جاه أسهال وأنتو بكرامه
والله الشافي المعافي

أنا اقولج صخونه هالأيام شديده وتخرب شغلات في اليهال الله يحفظهم

عشان جذيه أنصح ببذل الجهد والتعب مع الاطفال خلال اليومين لان الحراره

ترتفع وايد وتشكل خطر على الطفل وتنزل وترد ترتفع مره ثانيه وهكذا لمدة يومين

فالجهد المطلوب هو وقت إرتفاع حرارة الطفل يتم تخفيضها بعدة طرق مذكوره في الموضوع

وافضلها تنقعين الياهل في البانيو وتخلينه يلعب ..

حطيله ألعاب في الماي هو علاج وهي تسليه عشان ينسى تعب الإصخونه

إذا عدوا اليومين وما عطيتي فرصه للحرارة توصل ذروتها بتكونين حميتي طفلك

من تبعات الإصخونه .. طبعا بتدخلين بعدها في إحتقان البلاعيم مع الزكام

لا بد من إستخدام قطرة الأنف والسيدوفان لعلاج الإحتقان ولإيقاف إفرازات الأنف

وإن شاء الله ما تشوفون شر :omen2:

[إنسان]

صار لي من الصبح مسخن و جبدي تقلب
خذت حبة بنادول و شربت عصير ليمون بماء اللقاح بدون شكر
من الملل قمت و دخلت المنتدى و الا بهذا الموضوع
اللي يعبر عن واقع الحال
و الحين هذا انا اتقولب في البيت بالحركة البطيئة كأني ماكل سم
الله يجيركم من كل شر

الله يجيرك من الشر ياخوي الجني

دام إنك قاعد في البيت عطنا من ذكرياتك وسطرهم في ملحمة محطاتك :yes:

أجر وعافيه omen

[إنسان]

الله يشفي الجميع إن شاء الله

والله من هب هالفايروس ماخلى حد في البيت ماجاه مابقى الا انا :) الله لايحييه مسويلي رعب
اروح المجلس القاه اروح الشغل القاه ارجع البيت القاه كل متلثم وبس :)

العام الماضي صادني مرض مب مرض الله يبعد عنكم الأمراض طول فترة الاشتاء اعاني من احتقان والسبب صادني زكام خفيف واشوية احتقان اهملته لين تفاقم بعدها ماخليت مضاد ما كلته مافي فايده لين وصف لي دكتور مضاد قوي جدا والله جعله سبب في شفائي عقب ما اطلعت روحي ..
من عقبها اي واحد ايقولي فيني ازكام او صخونه بس ايغفل عني اشوي اشل عليه طبعا مع اخذ وقاية التلثومه :)

وإذا جاك حد من الربع وخشمك يا بوفهد وهو ضاربه الفايرس وحارق عنده الباور سبلاي :nono:

[إنسان]

اخواني في ادويه مفيده اسمها قريب من شئ اسمه ممساح تمساح مب عارف اسمه بالظبط
والله يشفي الجميع انا عيالي نفس الشئ ولين الحين اعاني من هالمرض اسهال وصخونه واحتقان
والله المستعان

أولها كده .. تعال شمال كده .. أولها انت بس واحنا حنؤلها وراك على طول

مش دي اللي بناخدها في الرياضيات :eek2:

يعطيك العافيه اخوي jwar والله يشافي اليهال ويعافيهم omen

[إنسان]

وانا صاير كني داب
صوتي رايح في خرايطها
بح بح
البلاعيم كنها مضروبة بمسامير

تصدق اني سامع فحيحك :eek2:

ما تشوف شر اخوي الهاوي28 omen

[ونه الم]

والله انه السخونه هدت حيلي غير الربو والإزكام

[الصاعق الحارق]

ابشركم رحت حق الدكتورة بهيه الباكر وعطتني مضاد حيوي وحبوب ولكن الغريبه معطتني ادوة شراب لكحه وابشركم المرض شرد والحمد لله من اول يوم شفيت

[القطوة]

يعطيك العافية اخوي وبالفعل اعاني من هالفايرس اللي صايد ولدي
اولها كان التهاب بسيط في الاذن مع زكام...وماعطوه الا هيستالوك وادول...وماعطوه مضاد كونه فايرس
لكن بد يومين تقلب عنده سخونه وترتفع حرارته وطول الليل يحن وارجع اوديه المستشفى لاكتشف انه صار عنده التهاب في الاذن:(
كان خلصوني وعطوني من قبل العلاج الصحيح قبل مايتفاقم المرض)...
ومع العلاج والمضاد لمدة 10 ايام ...كل شي تمام
يوم قربنا نخلص المضاد وباقي اخر يوم حسيت انه رجع يتعب...وزكم وبدينا الحنة وارتفعت حرارته يومين ...ومع تحاميل ادول...انخفضت الحرارة لكن الحنة مستمرة والنوم متقطع ..لكن شكله الخارجي طبيعي بس مجرد زكام خفيف
امس قررت اوديه ...طلع انه عنده التهاب شديد في الاذن الثانية!!!! مع حرارة داخلية !!! الحمدلله على النعمة
وبدأنا مرحلة جديدة من المضادات والسيدوفان والتحاميل ...وغيرها...
الله يشوف لهم هاليهال...
وشكرا

[إنسان]

انا شكلي بمرض معاكم لان كل اللي حولي امرضه :p
يسلمو على الموضوع

كل شي بأمر الله .. وهذا ما يمنع ان الواحد يحتاط .. والوقاية خير من العلاج

شاكر لج الرد الكريم اختي مذهلة .. كنها اغنية محمد عبده :yes:

[امـ حمد]

مشكور ويعطيك العافيه

[إنسان]

والله انه السخونه هدت حيلي غير الربو والإزكام

ما تشوفين شر اختي ونه الم والله يعينج على الربو اللي يزيد مع الزكام والإصخونه

أسأل الله العظيم رب العرش العظيم أن يُشفيكِ
أسأل الله العظيم رب العرش العظيم أن يُشفيكِ
أسأل الله العظيم رب العرش العظيم أن يُشفيكِ
أسأل الله العظيم رب العرش العظيم أن يُشفيكِ
أسأل الله العظيم رب العرش العظيم أن يُشفيكِ
أسأل الله العظيم رب العرش العظيم أن يُشفيكِ
أسأل الله العظيم رب العرش العظيم أن يُشفيكِ

omen

[إنسان]

ابشركم رحت حق الدكتورة بهيه الباكر وعطتني مضاد حيوي وحبوب ولكن الغريبه معطتني ادوة شراب لكحه وابشركم المرض شرد والحمد لله من اول يوم شفيت

الحمدلله على السلامه والفال حق باقي الأعضاء وعيالهم omen

[إنسان]

يعطيك العافية اخوي وبالفعل اعاني من هالفايرس اللي صايد ولدي
اولها كان التهاب بسيط في الاذن مع زكام...وماعطوه الا هيستالوك وادول...وماعطوه مضاد كونه فايرس
لكن بد يومين تقلب عنده سخونه وترتفع حرارته وطول الليل يحن وارجع اوديه المستشفى لاكتشف انه صار عنده التهاب في الاذن:(
كان خلصوني وعطوني من قبل العلاج الصحيح قبل مايتفاقم المرض)...
ومع العلاج والمضاد لمدة 10 ايام ...كل شي تمام
يوم قربنا نخلص المضاد وباقي اخر يوم حسيت انه رجع يتعب...وزكم وبدينا الحنة وارتفعت حرارته يومين ...ومع تحاميل ادول...انخفضت الحرارة لكن الحنة مستمرة والنوم متقطع ..لكن شكله الخارجي طبيعي بس مجرد زكام خفيف
امس قررت اوديه ...طلع انه عنده التهاب شديد في الاذن الثانية!!!! مع حرارة داخلية !!! الحمدلله على النعمة
وبدأنا مرحلة جديدة من المضادات والسيدوفان والتحاميل ...وغيرها...
الله يشوف لهم هاليهال...
وشكرا

هذي تبعات الإصخونه وهذا اللي أنا أناشد الاعضاء بتجنبه وأوصيهم بعدم إعطاء الحرارة

فرصة للوصول إلى ذروتها لأنها تخرب وتعفس في الياهل والتهابات في الإذن وإحتقان ... الخ

اختي القطوة الله يشافي ولدج وإذا عندج ياهل غيره حاسبي العدوى تنتقل له

وإن شاء الله يكبر وتشوفينه ريال ينفع نفسه وينفع بلاده ويعز دينه ويبر والديه وتزوجينه

وتشوفين عياله وعيال عياله وذيك الساعه بتكونين عيوز شمطاء :eek2:

[IPOD]

الحل واحد عن مجرب (المضاد الحيوي)مع الألتزام الشديد بة وبمواقيتة وبمدة العلاج حتى بعد الشفاء (الكحة تاخذ وقتها)مافي علاج سحري يقدر يودي الزكام والكحة في يوم ولا يومين لازم البرد ياخذ حقة ودور الأدوية التخفيف وتقصير المدة وليس العلاج الدائم

شفاكم الله وعافاكم

[القطوة]

هذي تبعات الإصخونه وهذا اللي أنا أناشد الاعضاء بتجنبه وأوصيهم بعدم إعطاء الحرارة

فرصة للوصول إلى ذروتها لأنها تخرب وتعفس في الياهل والتهابات في الإذن وإحتقان ... الخ

اختي القطوة الله يشافي ولدج وإذا عندج ياهل غيره حاسبي العدوى تنتقل له

وإن شاء الله يكبر وتشوفينه ريال ينفع نفسه وينفع بلاده ويعز دينه ويبر والديه وتزوجينه

وتشوفين عياله وعيال عياله وذيك الساعه بتكونين عيوز شمطاء :eek2:

خخخخ اللهم آمين...:yes2:
شكرا

[إنسان]

مشكور ويعطيك العافيه

الله يعافيج اختي امـ حمد


خخخخ اللهم آمين...:yes2:
شكرا

العفو

[أم حمد]

والله ياانسان

ولدي قدله 5 ايام تعبان والحراراه 4 ايام متقلبه

:(

ياخذ مضاد الخ

واذا ارتفعت حدها سبحته

دعواتكم له بالشفاء

/

[~¤ العنود ¤~]

وانا صاير كني داب

صوتي رايح في خرايطها

بح بح

البلاعيم كنها مضروبة بمسامير


والله آنا نفس الشي

انهد حيلي

[إنسان]

الحل واحد عن مجرب (المضاد الحيوي)مع الألتزام الشديد بة وبمواقيتة وبمدة العلاج حتى بعد الشفاء (الكحة تاخذ وقتها)مافي علاج سحري يقدر يودي الزكام والكحة في يوم ولا يومين لازم البرد ياخذ حقة ودور الأدوية التخفيف وتقصير المدة وليس العلاج الدائم

شفاكم الله وعافاكم

الف لا باس عليك ياخوي IPOD وما تشوف شر omen

[امل الحب]

شكرااا عالنصيحة

[إنسان]

والله ياانسان
ولدي قدله 5 ايام تعبان والحراراه 4 ايام متقلبه
:(
ياخذ مضاد الخ
واذا ارتفعت حدها سبحته
دعواتكم له بالشفاء
/

الله يشفيه ويعافيه .. ردي جا متأخر وإن شاء الله يكون بخير وصحه وسلامه

وما تشوفون شر يا أم حمد omen

[إنسان]

والله آنا نفس الشي

انهد حيلي

ما تشوفين شر اختي العنود .. أجر وعافيه omen

[..الاميرة..]

الله يشفي الجميع إنشاء الله .. وما تشوفون شر ..

بس اخوي انسان عدم اخذ كميات عشوائيه او دون وصفه من الطبيب من المضادات الحيويه
لأن اخطارها اكثر من فوائدها ( الله يحفظ الجميع ) وخصوصاً على الاطفال ..

وللأفاده .. انا قراءة عن هذا الخبر ..

إشارة إلى تعميم مديرية الشؤون الصحية بالمنطقة الشرقية رقم 8589/6ص/41 الصادر
بتاريخ 13/02/1428 يجب عدم صرف المستحضرات الطبية التي تحتوي على مادة
الإفدرين الكاذب إلا بموجب وصفة طبية لمرة واحدة و تسجل في سجلات الصيدلية...

لأن لها أعراض جانبيه خطيره علي الجهاز القلبي والجهاز العصبي .... لذالك تم المنع والتحذير !!
الأدوية هي:

PANADOL COLD & FLU

ADVIL COLD & SINUS

CLARINASE

FLUTAB

لذا يجب اخذ الحيطة والحذر من هذه الادوية أنتشرت أغلب هذه ألادويه بين الناس .. لذا وجب التنبيه وأســـــال الله للجميع الصحه والعافيه..
هذه صورة من الخطاب الرسمي وصورة من بعض الادوية التي يدخل في تركيبها مادة الافدرين الكاذب ...


http://www.al-shooq.com/up1/uploads/f3d6d92ddd.bmp (http://www.al-shooq.com/up1)


http://www.al-shooq.com/up1/uploads/2947acc368.bmp (http://www.al-shooq.com/up1)



ولك مني كل التقدير والاحترام ..

[إنسان]

شكرااا عالنصيحة

العفو اختي أمل الحب .. نسأل الله العافيه للجميع

[إنسان]

الله يشفي الجميع إنشاء الله .. وما تشوفون شر ..

بس اخوي انسان عدم اخذ كميات عشوائيه او دون وصفه من الطبيب من المضادات الحيويه
لأن اخطارها اكثر من فوائدها ( الله يحفظ الجميع ) وخصوصاً على الاطفال ..

وللأفاده .. انا قراءة عن هذا الخبر ..

إشارة إلى تعميم مديرية الشؤون الصحية بالمنطقة الشرقية رقم 8589/6ص/41 الصادر
بتاريخ 13/02/1428 يجب عدم صرف المستحضرات الطبية التي تحتوي على مادة
الإفدرين الكاذب إلا بموجب وصفة طبية لمرة واحدة و تسجل في سجلات الصيدلية...

لأن لها أعراض جانبيه خطيره علي الجهاز القلبي والجهاز العصبي .... لذالك تم المنع والتحذير !!
الأدوية هي:

PANADOL COLD & FLU

ADVIL COLD & SINUS

CLARINASE

FLUTAB

لذا يجب اخذ الحيطة والحذر من هذه الادوية أنتشرت أغلب هذه ألادويه بين الناس .. لذا وجب التنبيه وأســـــال الله للجميع الصحه والعافيه..
هذه صورة من الخطاب الرسمي وصورة من بعض الادوية التي يدخل في تركيبها مادة الافدرين الكاذب ...
ولك مني كل التقدير والاحترام ..

جزاكِ الله خير اختي أميره الدلع يا ما ناس راحوا ضحية تشخيص خاطيء مع وصف الأدويه

بناءا على هذا التشخيص ومثل ما قال اخونا ابوراكان عن تناول بعض المضادات الحيويه اثناء

الإصخونه العاليه قد يؤدي إلى الصمم

الله يحفظ عباده من الأمراض والاسقام والفايروسات omen

[AL_MUTAEM]

الله يكفينا جميعا شر المرض ..


يعطيكم العافيه على الوصفات المكتوبه واللي اعرفه ان العالج الشعبي مفعوله اقوى من المضادات الحيويه ..

اهم شي التكثير من السوائل الساخنه مثل شاي بالليمون والزنجبيل ..

الله يديم الصحه عالجميع

[إنسان]

الله يكفينا جميعا شر المرض ..
يعطيكم العافيه على الوصفات المكتوبه واللي اعرفه ان العلاج الشعبي مفعوله اقوى من المضادات الحيويه ..
اهم شي التكثير من السوائل الساخنه مثل شاي بالليمون والزنجبيل ..
الله يديم الصحه عالجميع

omen

يعطيك العافيه اخوي AL_MUTAEM

[BO KHLIFA]

وإذا جاك حد من الربع وخشمك يا بوفهد وهو ضاربه الفايرس وحارق عنده الباور سبلاي :nono:

من يوم قريت موضوعك وانا مب ابخير :anger3:

:spider: فايرسك وصل


الله المستعان بهدلني تبهدل:swoon: :cry2:
:)

[BO KHLIFA]

السلام عليكم

اخواني في ادويه مفيده اسمها قريب من شئ اسمه ممساح تمساح مب عارف اسمه بالظبط


والله يشفي الجميع انا عيالي نفس الشئ ولين الحين اعاني من هالمرض اسهال وصخونه واحتقان

والله المستعان

عليك بالضفادع المجففه دوا عجيب ومفيد

[إنسان]

من يوم قريت موضوعك وانا مب ابخير :anger3:
:spider: فايرسك وصل
الله المستعان بهدلني تبهدل:swoon: :cry2:
:)


هذي هي المشكله انت قريت الموضوع وصادك الفايرس

ونسيت تقرأ الردود اللي فيها العلاج عشان تشفى :p

الله يشفيك ويعافيك ويآجرك خير اخوي Bo Fahad omen

[_بوشهاب_]

عادوني اليهال وصار لي اسبوع مرقد والكحه طالعه من بلوعومي كانها زئير اسد
وشو الحل زهقت من الادويه

اخوي اذا عن الكحة مالك الزيت زيتون

[إنسان]

اخوي اذا عن الكحة مالك الزيت زيتون

جزاك الله خير على المعلومه ويعطيك العافيه

[إنسان]

عليك بالضفادع المجففه دوا عجيب ومفيد

هو مشكلته ما تذكر إسم الدوا ممساح أو تمساح بس الضفادع ما هي بعيده عن دواه :p