شوفو شنو صار لي في طوارئ السد للأطفال

[@ دانتيل قطر @]

بسم الله الرحمن الرحيم

باقول لكم سالفتي00

يوم السبت ولدي الصغير حرارته مرتفعة
وعندة أزمة ربو بس خفيفة الحمدلله
وديته طوارئ السد وماأدراك ما طوارئ السد00
خذنا رقم وجلسنا ننتظر الدور باحترام ورّقي وتحضّر
وكنت أتجوّل بنظّري على المرضى وأهاليهم00
المريض واحد وعشرة جاييّن معاه
(مادري ليش مايمنعّون هالظاهرة عشان مايصير أزدحام في المستشفى00وبعضهم الله يهداهم يحسبون نفسهم في بيتهم أعيالهم يناقزون من كرسي لكرسي وأهلهم ساكتين 00مايقولون لهم شي )
المهم000
وصّل رقمنا
دخلت على الدكاترة00الا مخيّسّين النفس؟؟ما ألومهم؟؟
دخلنا لغرفة الكشف وما هي الا دقيقه لم يكمّل فيها الدكتور الكشف؟؟؟00 الا كبير الدكاتره يقّوله: يلا خلّص
ويرّد عليه دكتورنا00 يقوله: يلا خلصّنا (وهو مايمديه يكشف على ولدي 00بسرعه بسرعه00كنه حد لاحقه حتى الحراره ماخذها00متواكل00)
وأنا كنت أفكر انه يبغي الدكتور 000لالالا000ترى طلع يبغي غرفة الكشف؟؟؟ حق المريض اللي عقّبنا؟؟
أعنبووه000
مافيه سراير غير؟؟
المهم شلّيت ولدي حتى مالبسته ثيابه وطلعنا من الغرفه ولو مب أنّي حاشمه نفسي كان روّويته00
أنزين أنجي اللحين للوصفه الطبيه00هذي سالفة00
يقولي الدكتور :عندك دوا حراره بالبيت؟؟
قلت له لا000(عجل ليش جايتك؟؟)
قلت له مايحتاج صدره بخار اللحين؟؟
قال لي عندك ماكينه بالبيت00أعمليلو بالبيت!!
قلت له ماعندي دوا الفينتولين حق ماكينة البخار؟؟
قال لي بدّك أكتب لك00(عجل ليش جايتك؟)
وبعد زين ما قال لي عندك مضاد في البيت؟؟
كان علوّم00000؟؟؟؟
وخلصنا من سالفة الوصفة00
زين رحت الصيدلية00وعطيته الوصفه 00
؟؟؟مايقرا الأسم عدل وغلّط فيه وصححته له وقال لي عطيني البطاقه00
وعطاني المضاد ودوا الحرارة والفنتولين حق المكينة
وقال لي :بدك محلول للمكينة؟؟
أيه أبغي عجل أحط ماي صحة00
الصراحة ذاك اليوم وصلت حدي وكنت أبغي أتهاوش
لا وزيادة الخير الممرضة تبي تاخذة وتسبحه عندهم00وقلت لها
لالالالالالالالالا
باوديه البيت وباسبحه00 كفاية اللي شفته من الدكتور والصيدلاني

(ترى أنا ماألوم الدكاّترة اللي مخييّسين النفسّ00من اللي يشووفونه)

[Index Signal]

تبين الصراحه اختي الغلط منج مب منهم..

الغلط منج إنج رايحه طواري السد أو اي مستوصف أو مستشفى حكومي لعيالج..

إشتري راحتج و راحة عيالج و روحي عياده خاصه أبرك من هالمذلّه..

بصراحه مادري شلون قدرتي تمسكين نفسج في هالموقف..

انا لو مكانج ما أضمن ايش ممكن يصير..

علشان هالشي أروح عياده خاصه على طول خصوصا لعيالي..

ما تشوفون شر والله يشافي مرضاكم و يرحم موتاكم.

[@ دانتيل قطر @]

تبين الصراحه اختي الغلط منج مب منهم..

الغلط منج إنج رايحه طواري السد أو اي مستوصف أو مستشفى حكومي لعيالج..

إشتري راحتج و راحة عيالج و روحي عياده خاصه أبرك من هالمذلّه..

بصراحه مادري شلون قدرتي تمسكين نفسج في هالموقف..

انا لو مكانج ما أضمن ايش ممكن يصير..

علشان هالشي أروح عياده خاصه على طول خصوصا لعيالي..

ما تشوفون شر والله يشافي مرضاكم و يرحم موتاكم.



مشكور اخوي
تسلم
أيه والله
أروح عيادة خاصة أبرّك

[مشروع هاموور]

صراحة

احسدج على برود الأعصاب

انا لو مكانج علوووووم بتصير

اهم شي الحمد لله على سلامة ولدج

وخطاه الشر ان شاء الله

[وطن]

اختي ابسط شي تسوينه قدمي فيه شكوى
ولا تدرين الشكوى ما بتجيب نتيجة

كلمي الجريده قولي لهم السالفة
وهم بيتصرفون


الدكتور حتى لو يشوف ناس أشكال وألوان
لازم ما يخيس النفس على اي حد من المرضى او اهلهم

غير جذي لازم يدقق في الكشف والعلاج


من ناحية أسألته معليه هو سألج عن الأدوية لان الحين معظم الناس يكون عندها احتياطي في البيت
فهو سألج من باب ان لو محتاجه بيكتب لج
يعني ممكن يكون في باله انج جايه تستشيرينه طبياً فقط قبل استخدام العلاج اللي عندج

[حجم التداول]

الله يكون بالعون أختي مالج إلا الصبر

[بوعبدالله - قطر]

يمسيج بالخير يااختي قطريه0كوم...

خطاج الشر على ولدج ومعليه الشر
إن شاء الله...

مثل ماتفضل Index Signa
إشتري راحتج و راحة عيالج و روحي عياده خاصه أبرك من هالمذلّه..

أي والله صدقت مشكلة الدكاتره بعضهم مخيسين...
وبعضهم تعطيهم عين الحمراء يتسنعون...

اتذكر سالفة من اربع سنين تقريباً
مودين خالتي مستشفى حمد انا ولد خالتي
رحنا إللي زحمة خلوها داخل غرفة الطوارئ
وسفوه لنا تمينا نصف ساعة وساعة وساعة
نقولهم وين دكتور عند مرضى في عناية المركزة
اشدعوه مافي إللي دكتور واحد؟؟؟
إللي دكاتره يشربون شاي ويسولفون
المهم ولد خالتي عفد عليهم وش المسخرة
xxxxxاحنا منقعينا في مستشفى
إللي جاوا الدكاتره مب دكتور واحد
خلصنا واخريتها عطونا مضاد حيوي وبندول...

والله قهر ولوعة الجبد...

اما عيادات خاصة يعتنون المرضى
وبشوشين وإللي على رسبشين ترد عليك برد حلو...
صج مرات تحصل زحمة بس تطلع بفايدة..

انا اتكلم عن بعض الدكاترة مب الكل..
في بعضهم فيهم الخير والبركة
يخافون ربهم ويعتنون بالمرضى
وخاصة مستشفى الخور الجديدة..
الله يعطيهم العافية والقوة..

ولج التحية..

[دلة الرسلان]

ياجماعة ترى احنا في نعمة ما يدري بها الأ اللي شاف وقارن بين قطر وغيرها .

اتكلم عن تجربة مركز السد ممتاز وادارته ممتازه ولكن في بعض الأوقات يصير ضغط مما

يؤثر على الكادر .

في امريكا وكنت حامل عانيت من حالة طارئة ما تحمل الأنتظار والله اني نطرت اكثر من

ساعتين ولا شفت عناية هذا وهو مستشفى كبير خاص وما يعالجون قبل ما يأخذون بطاقة

الأئتمان . كل هذا خلاني اتذكر قطر واتفدى مستشفياتنا :yes:

[قطري في لندن]

اختي اتوقع المستشفيات بنت حق اهل قطر وحنه اوله فيها من لاجانب اذا كل واحد فينه بيروح عياده خاصه عيل ليش الدوله تبني مستشفيات حق من حق لاجانب

لو انا بدالج ارجع ثاني يوم المستشفى واقدم شكوه في الدكتور واعرفه قدره بس بالقانون وهاي عيبه العرب نسكت عن حقنه ونطنش وانروح ندفع افلوس حق عيادات خاصه هاي الفرق بينه وبين لاجانب لاجانب مايسكتون عن حقهم لو شصير عكسنه احنه وخاصه اهل قطر امضيعتهم طيبتهم الزايده

ومايشوف شر انشاء الله واسمحيلي اذا انفعلت وخرجت عن الموضوع بس شي يقهر

[قطر]

مايشوف شر ولدج


كلام وطن صحيح المفروض مهما حصل من ضغط يكونون مبتسمين وهادئين


اتذكر يوم رحنا فحص عام في تايلند مثل ماهبوا فيه الناس
عيايزنا ودهم بعد في علاجهم قمنا ورحنا

وحده من الاهل امرضت والساعه 2 فليل والله ووديناها الطوارئ

والله لو اتشوفون الزحمة كان قلتوا ان ولا شي اللي في قطر

ولكن ماخذنا 10 دقايق اكشفوا عليها وعطوها ابر وخلوها ترتاح وبعد نص ساعه قالوا الحين ممكن تروحون البيت وطبعا كل دقيقه يطلون عليها ويتأكدون من صحتهم

والله ان الممرضات والدكاتره يركضون ركيض


الفال لنا :anger3:

[التيما]

هيييييييييييي .. أنا في طواري السد الله لا يقول واروح لها مره ثانيه اسوي علوووم .. رحت مره وحده حق ولدي صاده فايروس من سنتين في يوم نزل وزنه 5 كيلو واوديه ويقولون مافيه شي مرتين .. الثالثه كفرت فيهم " استغفر الله العظيم " قلبت عليهم المستشفى فوق حدر والله ما رحمت حد فيهم خليتهم ما يسوون بيزه كله ولا ولدي يصير فيه شي .. دخلو ولدي المستشفى وعطوه مضاد هي ساعتين الا مافيه شي.. حسبي الله عليكم وانا يومين رايحه راده مافي امكم خير تعطونه من اول مره وتفكونا لازم التبهدل .. من يومها لا للصبر عليهم والله ما ارحمهم .. مو شغلي زحمه مو زحمه هدوء ولا لا فوضى ولا عفيسه .. اللي يهمني ولدي وبس .. انتي غلطانه سكتي عليهم انا لو يقولي يالله عشان الغرفه جان ما ارتكب فيه جريمه ..

والحمد لله على سلامة ولدج

[غـالـيـه]

سلامته الف سلامه

انا فاكه عمري و اودي عيالي عياده الدوحه... وانا بعد

الا بنتي حاله خاصه اذا تعبت اوديها طواري السد ... لا والادهى و الامر اني انا اللي اقولهم شيسوون لها>>> خبره

وجايبيين لنا دكاتره عليمييين
مره ثانيه وديني معاج
اسنعهم
وسلامته الففففففففففففففففففففففففف سلامه

[@ دانتيل قطر @]

مشكورين عالمرور
ماقصرتو
أنا ودي أسويلهم سالفه بس ماأبغي
وما أبغي أحط نفسي في موقف لايحمد عقباه؟؟
بروحي تعبانه وولدي تعبان 00
أفك نفسي من التعب أحسن جذي00
والمضحك أني شريت له دوا من الصيدليه تنزل الحرارة00
لان دواهم صار يومي ناعطي ولدي ومانزلت حرارته
يعني دواهم :thumbdown:

[امل الحب]

صراااحة

برود اعصاابج رهيب

اشتري راحة بالج وروحي عيادة خاصة نفس ماقالوا الاخوان

ولاتقولين مالومهم يخيسون النفس من الضغط

شوفي الي ماعنده اسلوب تعامل ومايتحمل ضغط الشغل يشتغل في مكان مسكر ولايقابل الناس يعني مب عذر اني متضايق من الشغل اضيقها بويه خلق الله

وماتشوفون شر

[miss-qatr]

سلااااااااااااااااااامته ياقطريه مايشوف شر



شوفي اخذيها قاعده السد ماينفع الا بحاله الربو الشديد لان حتى العيادات الخاصه تحولك عليهم فمضطره اتودينه لهم ولا لاي شي ثاني عندك دكتور شحاته ممتااااااااز ومهند بعد:thumbup1:

[@ دانتيل قطر @]

سلااااااااااااااااااامته ياقطريه مايشوف شر



شوفي اخذيها قاعده السد ماينفع الا بحاله الربو الشديد لان حتى العيادات الخاصه تحولك عليهم فمضطره اتودينه لهم ولا لاي شي ثاني عندك دكتور شحاته ممتااااااااز ومهند بعد:thumbup1:



أيه عشان جذيه أنا وديته طوارئ السد
ومشكورا حبيبتي

[الهاوي28]

الله يكون في عونج

انا يوم السبت الي راح كنت هناك فليل في حدود الساعه 12 ونص

بنتي اذنها ملتهبة

دخلت وخلصت ولما رحت الصيدلية تهاوشت مع السوداني هناك

غبي مايفهم اقوله كم مره اعطيها من المضاد يقولي كيفك

وشو كيفي ليكون بنتي بهيمة نفسك

[@ دانتيل قطر @]

الله يكون في عونج

انا يوم السبت الي راح كنت هناك فليل في حدود الساعه 12 ونص

بنتي اذنها ملتهبة

دخلت وخلصت ولما رحت الصيدلية تهاوشت مع السوداني هناك

غبي مايفهم اقوله كم مره اعطيها من المضاد يقولي كيفك

وشو كيفي ليكون بنتي بهيمة نفسك

:thumbup::thumbup::thumbup:

[Index Signal]

اختي اتوقع المستشفيات بنت حق اهل قطر وحنه اوله فيها من لاجانب اذا كل واحد فينه بيروح عياده خاصه عيل ليش الدوله تبني مستشفيات حق من حق لاجانب

لو انا بدالج ارجع ثاني يوم المستشفى واقدم شكوه في الدكتور واعرفه قدره بس بالقانون وهاي عيبه العرب نسكت عن حقنه ونطنش وانروح ندفع افلوس حق عيادات خاصه هاي الفرق بينه وبين لاجانب لاجانب مايسكتون عن حقهم لو شصير عكسنه احنه وخاصه اهل قطر امضيعتهم طيبتهم الزايده

ومايشوف شر انشاء الله واسمحيلي اذا انفعلت وخرجت عن الموضوع بس شي يقهر

المشكله ان الأجانب ما يروحون إلا للعيادات الخاصه 90% منهم عندهم تأمين صحي في أرقى العيادات من عملهم..

و مع هذا الخدمه تعبانه في القطاع الحكومي..

المفروض إن بداية العلاج تكون نفسيه بمعاملة الدكتور الطيبه للمريض و هي نصف العلاج..

لكن الحاصل ان المريض قبل ما يدخل للدكتور نفسيته تكون تعبانه من الوضع اللي حواليه و لما يدخل و ينصدم بتعامل الدكتور و عدم مبالاته و بالتالي غالبا راح يفقد أعصابه إلا من رحم ربي.

[المشط]

بالعكس مستشفي السد افضل من العيادات الخاصه

بس عيب السد زحمه وبعض الاحيان الاطباء مالهم مزاج

ياريت يكبرون المستشفي وزيدون الاطباء

وسلامته الف سلامه

[قطري شايب]

(ترى أنا ماألوم الدكاّترة اللي مخييّسين النفسّ00من اللي يشووفونه)


شيشوفون عسى ماشر.....

هذي شغلته ياكل كبر راسه ويشتغل بذمه ولاينجلع بلاده ماراح يحصل ربع الي يحصله اهني......

هالسالفه بالذات ترفع ضغطي......

ماقول غير فديت الاطباء القطريين وبس

اما الباقي شيييين على شيييين مع ان فيهم الزينييين لكن ماقل وندر ....

صادني موقف معيين مع دكتوره من جنسيه عربيه... والله لو انها رجال كان اكلتها انعالي اكرمكم الله ذاك اليوم

[نبـــــراس]

ما تشوفون شر يا رب ..

طوارئ السد وما ادراك ما طوارئ السد ,,

انا بنتي مسويه عمليه في القلب وكل ما اروح لهم اقولهم السالفه من اول ما جبتها ...
وساعات ينومونها عندهم ويجيبون ملفها ولا يقرونه ,, ولين اقول حق الدكتورانها مسويه عمليه يقولي ما قلتي ,, معنى قايله حق الدكتور اللي كشف ... واقوله اكتب في الملف لكن ما في فايده ..

يعني اهمال ما بعده اهمال .

[ضوى]

خطاه الشر ولدج الغالي وربي يشفيه ويعافيه

للعلم اخواين واخواتي مركز طواري السد من اكفأ المستشفيات بالبلد ، وكون صار لج موقف معاهم مو معناها هم مب شئ ، احيانا الضغط يولد االانفجار ، كلي اللي كان ممكن تسوينه مع الطبيب انج تقولين له بس دكتور ترى انا ام وولدي مريض وانت قاعد تعاملنا معاملة مش عاجبتني ياريت تعاملني بطريقة افضل من جذي ، وشوفي ايش ممكن يرد عليج وبعدها لج الحق بالشكوى عليه
بالنسبة للصيدلية وعن تجربة فيه ناااااااااااس وايد يعطونهم دوا حرارة او دواء الفنتولين وما يرضون ياخذونه يقولون عندنا لذلك وحتى ما ينرمي الدواء الله يعزج بالزبالة يسألون والصراحة انا معاهم بهالشي

الدولة تصرف كثيييييييييييييير عالصحة وبشكل خيالي لكن عندنا سوء إدارة وسوء تخطيط وسوء مشاركة من الجميع ، يعني المريض يفكر اذا راح المستشفى حالته اهم من اي واحد ثاني في حين ان الاطباء هم اللي يقررون هالشئ ، وبالنسبة للعيادات الخاصة الشفاءالسريع مش شئ جيد حسب اعتقاد البعض عالعكس تماما فهذا يضعف جهاز المناعة ويجعله لا يستجيب للعلاج الخفيف في الحالات المرضية الخفيفة
شخصيا اؤمن كثيرا بكفاءة مستشفياتنا واطبائنا ويجب علينا جميعا الايمان بهم فبهم نرتقي باساليب العلاج المتقدمة ولا ننسى كل ما رفعنا من معنويات الطبيب ماديا ونفسيا كل ما حصلنا على علاج جيد

اسفة اختي قطرية عالاطالة بس موضوعج طلع كلام كان يقرقع بصدري وطلعته اعذريني

ومرة ثانية الحمدلله على سلامة ولدج وربي لا يحوج لمستشفيات ولا اطباء ولا ادوية قولي امين

[رياني1212]

ياجماعة ترى احنا في نعمة ما يدري بها الأ اللي شاف وقارن بين قطر وغيرها .

اتكلم عن تجربة مركز السد ممتاز وادارته ممتازه ولكن في بعض الأوقات يصير ضغط مما

يؤثر على الكادر .

في امريكا وكنت حامل عانيت من حالة طارئة ما تحمل الأنتظار والله اني نطرت اكثر من

ساعتين ولا شفت عناية هذا وهو مستشفى كبير خاص وما يعالجون قبل ما يأخذون بطاقة

الأئتمان . كل هذا خلاني اتذكر قطر واتفدى مستشفياتنا :yes:


والله انك صادقه وعطيك مثل على ان مستشفياتنا والمستوصفات قيمين بواجبهم لو انه هناك بعض التقصير اخواني انا كنت في نيويورك من مدة سنه ونصف ومرض واحد من الشباب وديناه المستشفى (خاص)انتضرنا اكثر من اربع ساعات حتى مر عليه الدكتور بس في البداية لازم الممرضه تشوف شغلها مثل حرارة وضغط -- ولكن اذا جاء الدكتور ما طلع منك الا معطيك التشخيص العدل وما عندهم استعجال في الكشف

[امـ حمد]

ما يشوف شر ولدج والحمد لله علي النعم الا حنا فيها

[عبدالله العذبة]

أولا أتمنى السلامة لأبنك و بارك الله فيه و رزقه برك ِ

ثانيا ً. أين المدير الأسترالي الذي يدفع له ما يقارب 160 ألف ريال قطري عن هذه المهازل؟ ما الذي قدمه لتطوير القطاع الصحي العام حتى الآن؟

[ضوى]

أولا أتمنى السلامة لأبنك و بارك الله فيه و رزقه برك ِ

ثانيا ً. أين المدير الأسترالي الذي يدفع له ما يقارب 160 ألف ريال قطري عن هذه المهازل؟ ما الذي قدمه لتطوير القطاع الصحي العام حتى الآن؟

اخوي الفاضل

الاسترالي ما له خص بطواري السد هي تابعة لمؤسسة حمد الطبية ، والاسترالي المدير التنفيذي للهيئة الوطنية للصحة ، ورئيس مجلس إدارة الهيئة الوطنية للصحة هي الدكتورة غالية أل ثاني هذا للعلم فقط :p

[لمعة ألمآسه]

مايشووف شر ولدج انشالله.. وعلى فكره انا من اشد المعجبين بمستشفى السد وادارتها ودكاترتها واذا تبغون الدليل ليش دايمن تكون عندهم زحمة؟؟ مع انه وايد المستشفياات الخااصه وهل قطر ماعليهم قصور بس تشوف انهم كلهم متجهين لطوارىء السد هذا ان دل يدل على تفضيل اهل قطر لطوارىء السد ودكاترتهم بس المشكله الوحيده ان جميع المرضى يتجهون لطوارئ السد مع انه اغلب المراكز فيها طواري للاطفال وهالشي يسبب ضغط على موظفين الطوارىء وخاصه الدكاتره فيعني لاتلومونهم !!

[بــو فهــد]

في امريكا وكنت حامل عانيت من حالة طارئة ما تحمل الأنتظار والله اني نطرت اكثر من

ساعتين ولا شفت عناية هذا وهو مستشفى كبير خاص وما يعالجون قبل ما يأخذون بطاقة

الأئتمان . كل هذا خلاني اتذكر قطر واتفدى مستشفياتنا

ماعرفتي تتصرفين معاهم :unsure:

انتي لو تهددينهم بالشكوى عليهم جان دخلوج بدون ما يقولون احم .. هدديهم بالشرطه حقوق الانسان اي شي لان ممنوع يمنعون المريض من دخول غرفة الطواري .. والحساب يطرشونه فاتوره بالبريد

اختي قطريه كوم ..
اشتري راحتج وراحة عيالج وخلج بالمستشفيات الخاصه احسن

[الألماسي]

مايشوف شـر ولـدج وخطـاه الشـر يارب

تبين نصيـحتي اذا ولــدج حالتـه تشوفينها حرجـه من ارتفاع بالحراره وتبين عيـاده مالــج الا (( المستشفى الأهلــي ))

من أروع المستشفيــات الخاصـه حاليـــا على مستوى الدولـه

[مصراوية]

الف سلامه عليه

ودي نفس ملاحظاتي عليهم لما رحت بابني وحتي كشف الدكتور ماعجبني