ظاهره أتمّنى انها تّزول ؟؟؟؟

[@ دانتيل قطر @]

السلام عليكم ورحمة الله وبركاته


موضوعي هو انه كل عضو يدخل
ويكتب ظاهره يتمنى انها اتزول واي ظاهره ما تتناسب مع دينا الحنيف

وعاداتنا وتقاليدنا عشان نقدر نشوف شنو اسبابها وحلولها

وانا ببدي الموضوع بظاهره ميوعه الشباب وتشبههم بحركات البنات وجراءة بعض البنات في الاماكن العامه

والموضوع متروك للنقــــــــــــاش

[قطري في لندن]

اختي هاي الجيل الجديد وكل جيل يجي ادمر من الجيل لي قبله تدرين ليش بسس الدلع الزايد من لاهل لانهم يعاملون الصبي من اهو اصغير ويدلعونه كنه بنت اذا طاحه اسمله عليك ومادري شنو وبسسب اهمال لاب لبنه وتركه اقلب الوقت مع امه وخواته ومايوديه معاه لين يصير مايع لاخر درجه يعني المشكله كله في يد لاب ولاهل والدلع الزايد

هاي وجه نظري

[التيما]

كلميني عن بنات هاليومين .. والله انهم مب بنات حشا رياييل قلبا وقالبا .. مو طبيعين فيهم خشووونه ودفاااشه والسانهم طويل جنهم صبيان مو بنات .. والمشكله الاهل يساعدونهم .. اول كان البيت والجار والشارع يربي الحين صار البيت والشارع والجار والصاحب يخرب التربيه للاسف .. الله يستر على بناتنا

[الجمارك]

كلميني عن بنات هاليومين .. والله انهم مب بنات حشا رياييل قلبا وقالبا .. مو طبيعين فيهم خشووونه ودفاااشه والسانهم طويل جنهم صبيان مو بنات .. والمشكله الاهل يساعدونهم .. اول كان البيت والجار والشارع يربي الحين صار البيت والشارع والجار والصاحب يخرب التربيه للاسف .. الله يستر على بناتنا

:thumbup1: صحيح املاحظ هشي وايد هل الايام :anger3:

[بوحارب]

لو نقعد نتمنى من اليوم

لييييييييييييييييييييييين بكرة

مافيه شي بيتغير

لكن أذا وجدت النصيحة كل شي بيتغير

[شاهين]

يعطيــج العافيــه علــى الموضــوع
ياقطريـــه . كــوم

مادري شاقول
الله يعين الشباب على الموضه
أو يعين الموضه على الشباب
(( البعض منهم ))

ياليتج ياقطريه كوم تجين الحلاق وشوفينهم
الواحد أذا قعد على الكرسي يابيله ساعتين لين يخلص
ومادري شيحط على ويهه من كريمات أشكال وأنواع
والاحظ حف الحواجب زاد هالأيام عند البعض
اللي ماشاف العجب يروح عند صالون تركي
جنب البحار تقول صالون للنساء
اللهم لا شماته

جميل بس أنها مهزله هي مهزله تدرين ليش

أنا قله في بعض الشباب أذا قلتيله ليش مربي شعرك يقول
الرسول صلى الله عليه وسلم ربى شعره

يعني شوفي أختى عذر أقبح من ذنب ما تبع الرسول صلى الله عليه وسلم ألا بتطويل الشعر يعني مافي سنه له
لا هاذي السنه بس ما في تقصير الثوب ولا حف الشارب ولا تطويل اللحا ولا شي بس تطويل الشعر

أختي قطريه

اكيد بهذا المجال تكون التربيه الأسريه ومدى التقرب من الدين الاسلامي والاخلاق الاسلاميه بلعب دور كبيرجدا بهذا المجال


المؤسف ما نراه من تشبه أو تقليد أعمى من بعض الشباب ممن قد جعلوا التشبه أو التقليد هو الهدف الوحيد في الحياة.
فالتشبه أو التقليد لدى الشباب على ثلاثة أمور مما رأيت:

1- إن منهم من تشبه برجال الغرب إما في تسريحة شعره أو في ملبسه أو في مشيته بل البعض يأخذ الاسم أو اللقب ليكون مرموقاً في مجتمعه.

2- ومنهم للأسف الشديد من يقلد في كلامه ومشيته بل البعض في ملبسه عندما يقوم بتخصير الملبس من الأعلى إلى الأسفل فيكون قريباً من تشبهه بالنساء والعياذ بالله.

3- إن منهم من قد يلبس بعض الملبوسات وقد رسم عليها بعض الرسومات السيئة أو مكتوب عليها بعض الكلمات التي تسيء إليه وإلى دينه وهو لا يعلم.

ومن المعلوم أن الدولة -حرسها الله- قد منعت مراجعة الدوائر الحكومية بهذه الأزياء أو بهذه التقاليد السيئة.

ومن المعلوم أن هذه التشبهات والتقاليد محرمة في الشريعة الغراء، وقد قال النبي صلى الله عليه وسلم:
(لعن الله المتشبهين من الرجال بالنساء..)



ليكن قدوتك وتقليدك وتشبهك بالنبي صلى الله عليه وسلم وأصحابه لتجد الفلاح في الدنيا والآخرة.

وأسف طولت عليكم

[alwahesh]

حلم اذا تحقق بيكون من العلامات الكبرى .......ومستعد احلف

العنصرية والقبليه

مشاكل الطوائف...........هذا شيعي وهذا سني واحمدي واباضي وبهائي وطوائف عجيبه غريبه


الى .................................................. ................متى ؟؟؟؟؟؟؟؟؟؟؟؟؟؟؟؟؟

خلاص .........لازم نرفع راية الاسلام