حـــــجــــــامــــه ؟

[اهـم001]

سلام عليكم .......

شباب يعطيكم العاافيه .........

شباب بغيت اعرف مكان احد يسووي حجامه للرجال

الي يعرف وااحد زين وسؤاء عنده قبل وارتااح من حجاامته

الله لايهينه يقوولي وين المكاان ويطرشلي رقم الشيخ على الخاااص

ومشكوووووووووووووورين

[al_lord]

سوق واقف جنب مطعم بسم الله

[ريوم]

هلا اخوي الشيخ عقيل يمدحونه وايد
وكثير استفادوا منه

[umm yousef]

د. محمد رسلان في مؤسسة حمد عيادته في الدور الارضي...
وعنده عيادته يومين في الاسبوع...

ما تشوف شر :)

[قناص قطر]

هلا اخوي الشيخ عقيل يمدحونه وايد
وكثير استفادوا منه

ممتاز ما شاء الله عليه

5518429 عقيل

[Chambray]

^^^^^^^
جربته واستفدت منه صراحة

حتى لو مافي دم فاسد .. راح يطلع منك بخار في الرأس وهذا الي يسبب الصداع والخمول ..

بس قرع قبل لاتروح له :)

ايضاً جربت اللزقات اليابانية المزيلة للسموم واستفدت منها جداً جداً .. وانصحك فيها وإذا تبي تستفسر عنها ارسل لي على الخاص راح اعطيك رقم واحد يبيعها .. وعنده اللصقة الذهبية واللصقة الخضرا ..

[بوشاهين]

الشيخ عقل في سوق واقف

[مستقلة]

و هل عندكم وحدة زينة للنساء؟

[QtrTrd]

موضوع طيب صراحه

شكرا لكل من ساهم في طرح المعلومات

[بدور]

طيب علمونا اذا فيه وحده تسوي حجامه

وهل تفيد الحجامه لعلاج الدوخه وعدم التوازن

وآخر سؤال الحجامه توجع او ماتوجع

[" روح قطر "]

طيب علمونا اذا فيه وحده تسوي حجامه

وهل تفيد الحجامه لعلاج الدوخه وعدم التوازن

وآخر سؤال الحجامه توجع او ماتوجع

أبداااااااااا ماتوجع :no:بس يجيبون موس حاد :no2:ويشرطون فية الجلد كمن شرطة

ويطلعون الدم منة :thumbup:وبس ...ومايوجع :eek2:

ويشفطون الدم الفاسد بشفاطة خاصة من الراس أو الظهر على حسب مكان الوجع :thumbup1:


بس نصيحة الترى خير البشر وشفيع الأمة صلي الله علية وسلم وصانا بالحجامة :thumbup:

[أمة الله]

آنا أعرف زوجين يسوون حجامه....ناس خيرين ولا أزكيهم....شخصياً ناويه ان شاء الله آخذ موعد وأسوي بس المشكله اللي متروعه وأخااااف :shy:

عموماً اللي تبغي أو يبغي الرقم حاضرين :)

[إعلامي قطر]

..

عندي بعض النقاط حاب أطرحها وأتمنى تفيد البعض ..


الحجامه فيها علاج لأكثر من 100 مرض بإذن الله ..

ويفضل تكون بـ 17 أو 19 أو 21 من الشهر الهجري ..

وماله داعي الحلق لأن إللي يسوي الحجامه معاه العده
ويشيل الشعر إللي بيسوي بمكانه الحجامه فقط لاغير ..

يفضل عدم المغامره بعمل الحجامه فوق الرأس بالضبط
لأنها ممكن تفقد الشخص عقله أو ذاكرته "ناسي بالضبط"
مثل ماحصل لشخص أيام الرسول عليه الصلاة والسلام ..

الحجامه خلف الرأس من أفضل الأنواع خصوصاً للصداع
وأوجاع الرأس وغيرها من الأعراض ..


أيضاً الحجامه حوالين الرقبه مفيده لأصحاب الإحتقان والأمراض المتكرره ..


الحجامه غير مؤلمه أبداً وكأنها شربت قلاص ماي من دون أي مبالغه
ومجرد الجلوس مع الشخص إللي يسوي الحجامه وغالباً يكون رجل دين
يبعث الراحه النفسيه بصراحه وإن تخلل هذي الراحه بعض الصراصير
إللي تمر وبأمانه شفت هالمنظر عند إثنين من المشايخ واحد منهم مذكور
بهذا الموضوع بأحد الردود ولكن مادري ماتضايقت حزتها آنا وإللي معاي
مادري ليش !!!!! حسينا الصرصور مسالم لووول ولكن بمجرد مانطلع
نبدى نتضايق تدريجياً .. بس الظاهر والعلم عند الله إن الشيخ وهو يشفط
الدم نتخدر ونفهي شوي ويمكن لو يمر قدامنا تمساح مابنفتكر فيه :dance


أممم


الرسول عليه الصلاة والسلام كان يدفع أجر للي يسوون له الحجامه وبما
أن الحبيب قدوتنا أعتقد واجب على كل شخص بعد مايحتجم خصوصاً عند
المشايخ إللي يسوونها في بيوتهم من غير تسعيره ثابته إنه يحط مبلغ
على الطاوله قبل لا يمشي .. شخصياً إذا أسوي لراسي من ورى بس
أدفع 50 ريال وإذا أسوي لراسي ولظهري بموضعين مثلاً إذا كان
لافحني المكيف مثلاً ولا موجوع من أي شي ثاني أحط 100 للثلاث
وإذا أكثر من 3 مواضع أحط 150 وإذا أكثر من 5 مواضع أحط 200
وهكذا ..



عدة الحجامه تكون بأجهزه ومعقمه ونظيفه كثير وممكن الشخص إللي
يحتجم يلاحظ هالشي ولكن وجود الصراصير بالأرض شي مالقيت له
تفسير لحد الحين وهالشي بأمانه خلاني أترك الحجامه لأكثر من 6
شهور وحسب نصايح البعض يفضل الذهاب حالياً للمحلات
الرسميه أحوط وأريح كفايه إنها تخضع لرقابه !!

..

[لورنس العرب]

و هل عندكم وحدة زينة للنساء؟

فيه ام منذر وهي زوجة الشيخ عقل وهذا رقمها 4875003

[_بوشهاب_]

اخوي في سوق واقف عيادة الشيخ عقيل في قسم للرجال وفي وحدة في قسم النساء
والحجامة ماتعور انا جربتها وسويت اربع قلاصات

[زهرة قطر]

في للنساء أم عمر في منزلها بالدفنة وزوجها بوعمر ويحضر للمنزل لمن يرغب وهما مجربين من الكثيرين

[قطري شايب]

في للنساء أم عمر في منزلها بالدفنة وزوجها بوعمر ويحضر للمنزل لمن يرغب وهما مجربين من الكثيرين

ارقامهم الله لايهينج

[محمد11]

الشيخ عقل احين مسافر ..

يبيله 5 ايام يجي الدوحه ..

الله يشفيكم ان شاء الله من كل مرض

[سوق واقف]

و هل عندكم وحدة زينة للنساء؟

في أختي زوجة الشيخ عقل نفسه :thumbup:

[أمة الله]

في للنساء أم عمر في منزلها بالدفنة وزوجها بوعمر ويحضر للمنزل لمن يرغب وهما مجربين من الكثيرين

بارك الله فيج...هذول اللي كنت أقصدهم آنا :thumbup:

[غرفاوي]

جزاك الله خير على الموضوع

[اهـم001]

يعطيكم العاافيه اخواني وخواتي على ردودكم الطيبه وانا كلمت الشيخ عقيل لان الشباب مدحووه لي لاكن

طلع مساافر وبيرد عقب كم يووم وفيه واااحد في مدينة خليفه مدحووه لي لكن اعتقد من كلامكم ان الشيخ

عقيل هو الاحسن وبنتظره لين يرد ان شاء الله وانا شااكر ردودكم الطيبه

بارك الله فيكم :)