أحــذرو التيوتــا

[flan2222]

يا شباب باقولكم سالفتي ويا ليت الي عنده خبره في الموضوع يرد وينصحني ..
انا صارلي حادث في سياره vx-r 2007 حادث خشن من جدام وقد اصبت بعض الاصابات والسياره تعورت من جدام بصوره كبيره .. وانا تأميني ضد الغير .. المهم وديتها الوكاله تعرفون إيش قالولي التصليح يكلف 72000 ريال قطري !!!! بعد الخصم يمكن مش أكيد ممكن 55000 ريال . المشكله مع أن الدعمه قويه وانا أنصبت في الحادث لم ولم وأكرر لم يطلع الاير باك !!! وعند أستفساري في الوكاله قال لي مسؤل الحوادث عادي ممكن مايطلع !! تخيلوا ممكن مايطلع !! الظاهر ينطر أموت بعدين يطلع ..أنا أخبرني واحد من الشباب بأن واحد صاده نفس الموضوع ورفع قضيه على الشركه عن طريق محامي .. وفي الأخير عوضوه بسياره جديده .. أنتوا إيش رأبكم ؟؟ ياليت الي عنده موقف مشابه أومعرفه باالوضوع أو يعرف أحد صاده نفس الموقف يخبرني .. لأنه هاالشركــه بالذات لاعبــــــــــــه فينا لعبه سوا من حيث الأسعـــــــار أومن حيث الــخدمــه مــع أن أكثــر شـرــكه تشفـــط جيــوب القطرييين هاذي الشــــــــــــــــــــركــــــــــه!! عــلى فكره لــو ما سنعوني أنـــا ناوي أرسل رســـاله إلــى موقـــع التيوتا في اليابان بالموضوع وشكوا على الوكيل في قــطر..:anger3:

[مجرد احساس]

طبعا في البداية الحمد الله على سلامتك في الحديد ولا فيك
انا راي الشخصي تشوف كذا مكتب محاماة وتستشير في السالفه وشوف وجهة نظرهم اذا شافوا انك ترفع قضية ومتاكدين من ان القضية بتكسبها توكل على الله

[Index Signal]

أولا خطاك السوء و أهم شي سلامتك أمّا الحديد بداله حديد..

ثانيا الموضوع ما ينسكت عليه و الأفضل تاخذ إستشاره قانونيه من أحد مكاتب الإستشارات..

المفروض يكون فيه تعويض مادي و حتى لو يعرضون عليك سياره جديده ارفض و قول لهم ما عندي ثقه بسياراتكم بعد اللي صادني..

و أتمنى تبلغنا باللي يصير معاك

[Qa6ar]

انت دفعت مبلغ يمكن 198000 مب ببلاش خذتها ومن مواصفات الفي اكس ار الايرباق وأنت دافع دافع

فلوس التصليح......صلح موترك وأرفع قضيه على الشركه

وخطاك الشر اخوي وفي الحديد ولافيك

[almalki2]

حمدالله على السلامه يالطيب
ارفع قضيه واطلب تعويض مب سياره اطلب فلوس(1000000 ريال)

[شبح الأسهم]

ارفع قضيه او شوفلك محامي شاطر او توكل على الله

[Let'sConnect]

يالغالي انا صادفني موضوع قريب من موضوعك
ولاكن كان الغلط منهم
دخلت سيرتي تشيك .. وطول الموتر عندهم
أكتشفت انهم داعمين في السياره
ويصلحونها
رفضت استلم السياره
رفعت عليهم قضيه وعوضوني بسياره جديده

توكل على الله واذا لك حق بتاخذه منهم

[سلفر]

الحمدلله على السلامه ياخوي

وبخصوص الاير باج ماينسكت عنه

و روح الاداره في البرج و كلم اكبر راس فيهم

وقول لهم انا ممكن اطالب بتعويض عن السيارة و الاصابات

بس انا ابي تعويض عن السيارة وياليت الموديل الجديد :) هههه

[PoBox]

يوم دعمت
هل كنت رابط حزام الأمان ؟؟؟؟؟

كثير من السيارات الايرباق مايشتغل الا لو كان الحزام مربوط
ومكتوب هالكلام في كتيب السيارة

لكن بعض السيارات يطلع عادي حتى بدون ربط

[_بوشهاب_]

اخوي السيارات الجديدة الاير باج مايطلع الا اذا كنت رابط حزام الامان
وبعدين ود موترك الامارات (( ابوظبي او الشارقة )) وفي الوكالة وبيطلع لك ارخص من وكالة قطر بالراحة

[مزيون الدوحه]

أول شي الحمدالله على السلامه
وثاني شي حبيت اقولك الي اعرفه
بأن الايرباج مايفتح ألا لازم تكون رابط حزام الامان
فهل انت كنت رابط حزام الامان ؟؟
طبعا مادري ليش خلو السستم هشكل لاكن هذا الي اعرفه .
وماتشوف شر يالغالي

[غشيم]

الحمدالله على سلامتك

ومثل ما قالوا الربع اذا وقت الحادث ما كنت رابط الحزام
انسى موضوع انك ترفع عليهم قضية
شوف بنفسك الكتالوج وتأكد احس بعد

[ابوعزوز6]

اخوي الحمدالله على السلامه اخوي الله بيعوضك خير 0 وده الامارات ولا السعوديه وصدقني بكلفك نصف القيمه وشغل عدل بعد اما الوكاله اهني ماتسوي الواحد اصلح عندهم لان كلوها ولعبو بها ازيك يابيهههههههههههههه وزلمات والله يحفظ شبابنا من اسواقت الاجانب الغج الي هي سبب لحوادث الشباب والله يستر

[الـخـور]

الحمد لله على سلامتك وماتشوف شر ان شاء الله

اغلب السيارات اصلا مايشتغل فيها الايرباج الا اذا كنت رابط الحزام مب بس التيوتا
لان بدون الحزام قد يكون الايرباج هو اصلا سبب في جروح واصابات
دايما يكون مكتوب تنبية بعدم وضع الاطفال في المقعد الامامي لان الايرباج قد يؤدي الى قتلهم

نسال الله يحفظنا جميعا

[سوق واقف]

أولا الحمد الله على السلامة أخوي الغالي
اولا كل شيء بالواسطة
ثاي شيء أذا أنت مب رابط الحزام الإيرباك ما يطلع أخوي كل السيارات الجديدة جذي
أهم شيء سلامتك أخوي والحديد يعوض

[شقردي]

اخوي الفاضل لو وكلت محامي راح يكون موقفك قوي من ناحية السيفتي لان الايرباق غير فعال وهاذا نقطه قويه اخذ مشورة المحامي وتوكل على الله

واذا حصلت موقع التويوتا الرسمي بليز ابي عنوانه لان فيه اشياء كثيره ابي اتكلم فيها ومن ضمنها الضمان

والله يوفقك اخوي

[hasss1969]

اخوي الحمدالله على السلامه اخوي الله بيعوضك خير 0 وده الامارات ولا السعوديه وصدقني بكلفك نصف القيمه وشغل عدل بعد اما الوكاله اهني ماتسوي الواحد اصلح عندهم لان كلوها ولعبو بها ازيك يابيهههههههههههههه وزلمات والله يحفظ شبابنا من اسواقت الاجانب الغج الي هي سبب لحوادث الشباب والله يستر



صح كلامك اخوي الامارات ارخص بواايد لكن بعد رسوم توصيل السيارة وتكاليف السفر والفندق والنثريات ووووو
بيطلع عليه اكثر من بيع السوق ..فعلا نصيحتك ذهب وماتقدر بثمن...؟؟؟!!!

[ALRAYYAN]

الحمد لله على سلامتك ياخوي .. ويسلم راسك .. في الحديد ولا فيك

بخصوص الموضوع ياليت ترفع شكوى ضد الشركه عن طريق محامي شاطر
وياليت اي حد تكون عنده شكوى على التويوتا ومن اي نوع انه يوصلها للشركه الام في اليابان
لأن الشركه هذه بصراحه مصختها وايد معانا .. وانا عمري مافكرت استغنى عن التويوتا الا الحين بسبب
خدمه مابعد البيع لأنها صفر بالنسبه للشركات الثانية .. اهم شي عندهم البيع اما مابعد البيع مو مهم ولا كأنك دافع لهم قيمة الموتر اللي انت فيه

ياليت نشتكي عليهم وعلى اقل شي .. ترى كثر الدق يفك اللحام وانا اخوكم
احنا مابنظلمهم ان شاء الله ولكن الواحد المفروض مايسكت .. لأن اتحدى اي شخص الحين عنده سياره من عبدالغني
تويوتا كانت او لكزس .. ومايشتكي من شي

ونصيحه لك اخوي تحمل تصلح في الوكاله .. ابعد عن تصليحهم .. ترى الكراجات تصليحهم وايد احسن من الوكاله
أسألني انا مجرب تصليحهم والله ماينفع ومكشوف وشغل سريع سريع اي كلام ..
غير ان اذا التصليح يبيله شهر بيقعد عندهم 3 شهور .. اما سعر التصليح فحدث ولا حرج
ياليت شركة التويوتا تسحب التوكيل من عبدالغني .. وتسلمه لشركه مثل الفردان او المرسدس
يعرفون شلون يخدمون الزبون ويخلونك تحب الموتر الي انت تستعمله بسبب خدمتهم اللي بعد البيع

ماتشوف شر ان شاء الله

[مستثمر 999]

أول شي الحمدالله على السلامه

اخوي العزيز انت من حقك قانونيا تطلب اي تعويض بالنسبه للاضرار الي صادتك شخصيا طبعا مع تأكيد وتوثيق الاوراق او التقارير الطبيه الي بتقدمها .

اما الحادث او الاضرار الي صادت السياره اعتقد ان هذا الشي قضاء وقدر

قدر الله وما شاء فعل ...ولا تتوقع انهم يغيرون لك السياره او يصلحونها على حسابهم

اذا خياط لكزز ما سلم منه ورافعين عليه مليون قضيه لانه يستخدم اسم لكزز بدون اذن منه


اخوي الكريم
صل ركعتين لله واشكره على سلامتك من الحادث

وبالنسبه للسياره حاول تصلحها في اي كراج جرب وكالة الاودي او كراج المستقبل او الكويتي ( النمر ) فوق الممتاز وعنده سيارات ما نحلم بها شارع 27 والكريستال او وكالة البنتلي جنب وكالة الكيا

واذا حبيت تبيعها سكراب رد على الخاص مع السعر ونخلصها لك بسرعه وبسعر خيالي

[DHEN AL 3OOD]

الحمدلله ع سلامتك اخوي

انا سمعت ان في واحد صادفه نفس الموقف تقريبا ورفع قضيه وكسبها
نصيحتي للك اخوي لا تسكت عن حقك وشوف لك محامي شاطر وارفع قضيه ضد الشركه واذا قدرت تخاطي اليابان يكون افضل
والله يوفقك اخوي

[abdulla999]

روح المحكمة ورفع قضية ومعاليك من السوالف وطلب تعويض مليون ريال حياتك كانت في خطر
لو انت سكت بكم فلس وغيرك سكت بتروح اروح انا سمعت بنفس السلفة وطلب تعويض وعطوه ومشوف شر
(اساكت عن الحق شيطان اخرس )

[مفلوز]

خطاك السوء و أهم شي سلامتك أمّا الحديد بداله حديد..
بالنسبه للسياره لا تصلخها الين تخذ تقرير من الوكاله ان الايرباج ما اشتغل او من مشاغل الشرطه او من احد المختصين التابعين للنيابه العامه.
قطع الغيار ممكن تشتريها كلها من الامارات -ابوظبي-مصفح-محلات معروف-هذا ارخص مكان لقطع تويوتا ونيسان.
وما تشوف شر انشاء الله.

[flan2222]

مشكورين على المرور وعلى الردود الحلوه ياشباب .. وإن شاء الله ماتشفون شر .. ولاكن بعض الردود احبطتني !! وذلك بالنسبه لحزام الامان . البعض يسأل هل كنت رابط الحزام ؟ وانا بصراحه ماكنت رابط الحزام . ولاكن على فكــره باقولكم موقفين بالنسبه للحزام . واحد من الربع قالي انه مره دعم دعمه بسيطه جدا وطلع له الاير باك وما كان رابط الحزام , وكانت سيارته ( فورد ) مش تويوتا . الموقف الثاني . انا جبت للسياره واحد من كراج مشهور في قطر ( ك) علشان اشوف كم بيصلح السياره ؟ وقال لي شي غريب ليش ما طلع الايرباك؟ وحسيت ان التصليح عندهم صعب لأنه يقول vx-r تحتاج برمجه في الوكاله وغيرها من الامور الفنيه الصعبه . لاكنه نصحني بأن لاأسكت عن حقي لان الايرباك لم يطلع . وشفت عندهم استاندر طالع الايرباك حقها مع ان دعمتا بسيطه !!omen

[_QTR_]

السلام عليكم اخووووووي

الف لا باس عليك يالغالي ..

صور الموتر من قدام بحيث تصوره من كذا زاوية وصور الايرباق

وارفق الصور مع تقرير الشرطة وروووح لمحامي وفهمه الوضع وقول له الموضوع من الألف الى الياء

وللعلم فقط اخوي دعم في موتره في أكس آر دعمه خشنه (شوي) وكان رابط الحزام وما تبطل الايرباق

بصراحة الموضوع ما ينسكت عليه والله

[بوخالد911]

حمد الله ع سلامتك

وموضوعي له علاقة مباشرة من نفس الوكاااالة !!
http://www.qatarshares.com/vb/showthread.php?t=146714

[انسان حساسي]

يابابا لا تستشير ولاشي ....
صارت هالحاله ووصور الدعمه كانت عندي للكزس تخيل لكزس آر اكس انقلبت قلبتين والتاير الخلفي طااااار بالهوا والاير باق ماطلع والصوره تبين بن جهه الاير باق انكسر بس ماطلع ..

سالناهم ليش؟؟ قالوا لنا اكثر من مره تصير عااااادي

باختصار رفعنا قضيه وكسبناها بالراااااااااااااااااااااااااحه وانت تضحك على عبدالغني لا وبيعوضونك خير انشاااء الله


سااااااالم في لكروزر وحديده ولافيك يالغالي ...

[ولد شرق]

اخوي خطاك الشر يالغالي
وكّل لك محامي
لكن اذا نويت انك ترفع قضيه.... لاتحرك السياره ولاتصلحها لأن الشركة ماراح تقبل السيارة إلا بحالتها...

[ابوسعود]

الحمدلله على السلامه .........وخطاك الشر

ارفع دعوى قضائيه على الشركه هذا يعتبر عيب في السياره
عند محامي .................وبالتوفيق

[العلي]

الحمد الله على سلامتك
راسل التويوتا في اليابان

[ذيبه مزاجيه]

توكل على الله استشير محامي

والحمدلله على سلامتك وخطاك الشر

[CH Engineer]

اخوي flan2222 خطاك الشر..
القضيه مضمونه لك 100% بس لاترضى بشي ارفع قضيه واطلب مبلغ كبير..
اولاَ تعويض لانه الاير باق ماطلع بحادث مثل هالحادث وكانت حياتك بخطر..
ثانياَ تعورت وصارت لك اصابات يمكن ماكانت تصير لو طلع الاير باق
موقفك قوي واتوقع مبلغ خيالي لك بس شوف محامي جيد
ولاترضى بسياره جديده ابدا
انا صارلي حادث بسيط وطلع الاير باق نفس النوعيه فكسار 2006
اما حزام الامان ماله اي دخل بالسالفه
الله يوفقك ويعوضك بالاحسن ...

ملاحظة: انت بترفع القضيه على شركة تيوتا اللي فاليابان لانها هي المسؤوله وبتكون هي الخصم الاول لك لاتستشيرها استشير محامي.. وتذكر سمعتها عالميه مب محلية

[اهـم001]

الحمد الله على سلامتك الشيخ ومعوض خير ان شاء الله

اخووي شووفلك محامي شااطر واستشيره انت موب خسراان شي اذا استشرت المحاامي

وصدقني احس انك بتااخذ حقك منهم والله يوفقك ان شاء الله

بس لاتنسى تقولنا شصاار معاك :)

[راعي ال2008 الاسود]

اخوي اولا الحمد لله على سلامتك وبعدين لازم يكون التامين شامل احسن من ضد الغير لان التامين يعوضك عن السيارة وهذا الغلط منهم روح البرج وافتح الموضوع مع عبدالغني وانشاء الله مايقصر معاك

[alhilam]

الحمدلله علي السلام
قبل ماتشتكي شوف العقد اللي بينك وبين الوكاله
واقراء عدل الضمان والكفاله
طبعا في حالة اذا انت ماسويت سيرفس عندهم او مغير شئ في السياره او مصلحها برا الوكاله
فصدقني ماراح تنفع شكواك
واسئل اهل الخبره احسن قبل ماتتخسر