المذيع عقيل الجناحي في ضيافة احد المنتديات

[khalid1975]

شد انتباهي وانا احوس في المنتديات
لقاء مع مذيعنا الاسلامي عقيل الجناحي .. وكانت هناك اسئله من الجنس الناعم ..وكان على الضيف ان يجيب عليها ..

http://www.majaless.com/up/uploads/e089d2da92.jpg

اتركم مع بعض هذه الاسئلة وأجوبة مذيعنا عقيل الجناحي التي تناولها في هذه الضيافه ..




- لو لم تكن عقيل الجناحي فمن تود ان تكون ؟
لو لم أكن عقيل الجناحي اتمنى أكون جناح العقيلي



_ ما كلمتك في : الام .. الاب .. الزوجه .. الابناء ؟
الأم : الحنان
الأب : الأمان
الزوجة:....... خلوني ساكت أحسن
الابناء: المستقبل


- أود أن أعرف متى كانت بدايتك في الانشاد .. ومن هم مدرسينك أو قدوتك في الانشاد ؟؟
السلام عليكم اختي ....
ا ب ت ث ج ح خ د ذ ر ز س ش .....
صراحه ياختي موقادر كيف اصف الحروف واكون منها كلمات تصلح رد على مقدمتك المبدعة في حقي .. اللي انا ماستاهلها وان شالله اكون عند حسن ظنج فيني
أما عن بداياتي كانت في الطابور الصباحي في المدرسة وبتشجيع من المدرسين والطلاب والأصحاب ... والمنشدين المميزين في ذلك الوقت اللي استفدت منهم .. أبوراتب وابوالجود وابومازن.. ادري انكم ماسمعتو عنهم بس همه احنا كنا نستكمل مشوارهم الي أن وصلنا الى ماوصلنا إليه ..


* لو افترضنا انك رغبت بقضاء إجازة بعيداً عن العمل، من ترشح ليحل محلك في برنامجك الديني ؟
رشحنا وخلصنا .. اخوي عبدالرحمن الحرمي اللي يقدم برنامج محطات ايمانية ...ماشالله عليه صوت اذاعي .. اسلوب جميل.. ثقافة عالية .. وانا الان متوقف قليلا عن الظهور في تلفزيون قطر .. وانتظروا الجديد

* لو افترضنا عندك حفله انشاد و صادفتك ظروف، من ترشح ليقف مكانك عالمسرح لينشد ؟
يكنسلون الحفلة أحسن :)


- اذكر في احد البرامج اتصلت وحده و مادري نسيت الي صار
بس اعتقد انها قالت لك انها ما اقبلت اتزوج وانها موافقه عليك
مادري انا نااسيه شنو بالظبط ؟؟؟
بس اتمنى تقوول السالفه وتتتذكرها يعني اعصر مخك
علشاان اتذكر ..
وشنو كان شعورك لحظتها ...


حياج الله ياختي الصغيره (........)
موضوع اللي اخبطتني اقصد اخطبتني على الهوا موضوع ماشالله ماراضيين الناس ينسونه
هالكلام كان في برنامجي (اسألوا أهل الذكر )في سنة 2001

وحده سعودية اتصلت وقالت انا جوني خطاب واجد بس ماعجبوني .. انا مايعجبني الا شخص واحد(مذيع البرنامج) عاد انا بعد ماعرفت انها تقصدني قطيت القلم وسرحت في عالم ثاني وقلت في نفسي ( ياربي إيش هالوهقه والبلشه؟ ليش ياربي ؟ مو وقته؟ ياترى ايش اقولها؟
وبعدها قالت كلام انا ماستوعبته لاني كنت سرحان
قالت بعدين : انا معجبة جدا بأخلاق المذيع وشخصية المذيع .. هل تقبلني زوجه؟ انا فتاه سعودية ورقمي موجود عند مخرج البرنامج ... عاد انا بانت علي الربكه واحمرار بالوجه واللي يشوفني صج يضحك من قلب ..قلت لاتغرج المظاهر ولا يغرج شكلي ,, ترى في وايد ناس أحسن مني .. وانتو في السعوديه عندكم وايد ناس فيهم خير ودين وصلاح . وانا بادعولج انه الله يوفقج بواحد يكون لج نعم الزوج ,,, وسكرنا الخط
عاد في جريده اماراتيه كتبت بالصفحه الاخيره وبخط عريض ... فتاه سعودية تطلب الزواج من مذيع قطري . والطامه الكبرى إنه قناة الجزيره حطت الخبر في برنامج اسمه بين السطور
يعني كانت فضيحتي بجلاجل على قولة المصريين
( بس بيني وبينكم .. كنت ناوي ,,,, بس للاسف المخرج شق الورقة اللي فيها الرقم ) وضاع كل شي ..للاسف



* لو قالت لك مرتك ابي اقعد قدام وامك ورا في السياره
شتقولها ؟؟
(باخلي زوجتي تسوق .. باكون راضيت الثنتين)


* لو حبيت بنتين وحده جميله بس طايشه
والثانيه عاقله ولكن جمالها عادي
شتختار ؟؟
(آخذهم الثنتين)


* لو امامك بنتين وحده تموت فيك والثانيه تموت فيها
شتختار ؟؟

(أموت ولا آخذ أي وحده منهم أحسن)



* يوم تسافر تجيب معاك صوغه للكل والا لناس معينين ؟؟
( ما أجيب .. لأني بروحي أحسن صوغه ,, إحم إحم )

* هل انت سعيد في حياتك ؟؟( مافي إنسان سعيد .. السعادة الأبدية في الجنة إن شاء الله والحاضرين في مجلسكم العامر)


- كيف يرى عقيل .. تعدد الزوجات .. وهل هو من مؤيدينه .. وان كان نعم كم زوجه يحب ان يمتلك عقيل .. ( طبعا الحريم قايمين عليك من هالسالفه اللي تثيرها في برامجك ههه )
(أعتقد جاوبت على هالسؤال قبل .. راجعي وبتحصلين الجواب .. ويارب زوجج مايتزوج عليج )


عقيل في سطور ..!

سطر 1 عقيل
سطر 2 عقيل
سطر 3 عقيل
سطر 4 عقيل


- تربط حزامك كل يوم ؟ ولا اشتكي عليك ؟
(لا ..خذي راحتك اشتكي ..أنا أصلا من أول مابديت السواقه وأنا ملتزم بالحزام )


ما معنى مسمى عقيل ؟
( يعني زيادة في العقل ورجاحة )


- انا قلت لامي انه عقيل الجناحي على كرسي الاعتراف وقالت لي سأليه هالسؤال :

كم زوجة على ذمتك الحين ؟؟؟ وكم عندك عيال ؟؟ وتفكر تتزوج بعد واللا خلاص مكتفي ؟؟؟

عاد انا مالي خص هاي اسئلة امي وهذا هي جالسة احذاي تنطر الجواب !!!!!

مادام الأسئلة من الوالده صراحه ماقدر اردلها طلب
على عيني وراسي
عندي زوجة وحده وعندي 6 أولاد .. وتعتبرني انا ولدها اذا تبغي تزوج ولدها انا باتزوج على ذوقها وعلى حسابها
خلاص؟
اتفقنا
( هالعرض فقط لأم القطرية مو لغيرها وقائم حتى نهاية هالشهر )

.
.
.
.
وفي ختام حديثه علق وقال مذيعنا الغالي ...
السلام عليكم ياختي ......
اشكرج على حسن ظنج وعلى هالكلمات الترحيبيه والله يوفقج في اختباراتج يارب ( قولوا آمين)
اتصدقين ياختي وإخواني وأخواتي في هذا المجلس المبارك وانا ارد على اخر الآسئلة ..وفي لحظتها أشوفج موجودة في آخر الصفحة إنج من الأعضاء وموجوده كنت افكر وسارح .. واقول في نفسي .. ياترى هذي إيش بتقول عني؟ هذا اسلوب عقيل الجناحي؟ ماتوقعته جذيه وأتوقع كثير من الزوار يستغربون من ردودي ومن هالأسلوب اللي انا اكتب فيه في هذا المنتدى اسلوب بسيط جدا ,, وممكن يكون (سوقي) وفيه نوع من التقليل بشخصية الإنسان .. مو الأسلوب اللي الناس متعودينه علي من خلال الشاشة .. وفي لقاءاتي مع المشايخ الكبار .. والأساتذه والدكاتره .. يمكن اللي يقرا هذي الردود يعتبرها ردود ركيكه جدا .. وماتعطي للإنسان شخصية .. مثل اللي متعودينه علي .. لكن أنا من طبيعتي احب إني أكون بسيط وأتعامل مع الناس ببساطه ... وأبتعد عن الكلافة في الأسلوب والكلام .. يمكن أنا ما أمتلك هالاسلوب اللي تكتبينه إنتي واخواني وأخواتي أعضاء وزوار المجلس .. بس يعني هذا أنا وهذي شخصيتي واللي يعرفني معرفه شخصية مايستغرب هالأسلوب .,, أكيد اللي يدخل هذا اللقاء ينتظر مني المعلومات الثرية والفائدة .. والعظه ,, لكن بيلاقي شي ثاني
أنا حتى أكتب وما أراجع عليه .. يعني اللي يطلع في قلبي أكتبه وما أدقق ولا أراجع
عاد الله يعينكم
هذا أنا وهذا أسلوبي فسامحوني ..