محطات في حياة الجني (13) يوم السم العالمي

[الجني]

بسم الله و الحمد لله و الصلاة و السلام على رسول الله
و على اله و صحبه اجمعين

يوم السم العالمي

اتذكر يوم اني صغير صادني تسمم

و اختلفت روايات الوالده بين يوم حد كت سم في ماء الحكومه

و الناس شربت منه و بين

جيران مطرشين لنا اكل ايحاف (فاسد)

و كان الكل يشرب من الولف (Valve , حنفيه , صنبور)

و قام الجني يزوع مع سخونه و يتراعد

طبعاً الجني مب رخيص عند اهل الفريج

تفازعوا النسوان علي و راحت وحده من امهاتي

الى رجل في الفريج عنده سيارة لاند روفر

و طلبت منه يوصلنا المستشفى و كان الوقت ليل

و تلايموا في الكرسي الخلفي و البدي

الله يرحم من توفت منهم و يطول عمر من عايشه منهم

و كل وحدة ببطولتها و دفتها في البدي و متقبظة عدل

و انا محمول على الأيادي

و صلنا مستشفى الرميله و الممرات عامره باللي مسدّحين

في الممرات و السراير مليانه بشر

انا شايلتني امي هميان الله يرحمها و مب راضية تتركني

علشان تشيلني الوالدة و قلبها علي اكثر من امي

اتذكر بعد التخرج رحت اسلم عليها و هي كبيره في السن الله يرحمها

و قالت لي "غلاتك من غلات عيالي يالجني"

فقبلت راسها و يدها الله يرحمها

و هي شايلتني في المستشفى لاعت جبدي و قامت احدى النسوان

و شالت برميل الزباله (الله يكرمكم) و جابته عندي علشان استفرغ فيه

و انا نتفه محمول على الايادي و معاي جيش جرار من المقاتلات

و يوم طولنا و احنا واقفين و انا حالتي حاله

قامت امي علياء و راحت حق الممرض و طبقته من بلاعيمه

و قالت له شوف ولدنا و اغتاظت عليه

و رقدني على السرير و قام يتفحصني

و امر ان ابات في المستشفى

استانست بخبر المبيت على كرفايه و محيط مختلف

و رقدت الوالده على الارض

و الصبح جابوا لنا ريوق عباره عن

روتي و جبن و شاي و تفاحة من فوشون

و كان ريوق فاخر مقارنه بالباجلا و النخي و الخبز ايراني

و ثاني يوم رخصونا بعد ما نزلت حرارتي و توقفت اللوعه

و لما رحنا البيت ضليت طريح الفراش و كان وقت

للدلال المفرط من قبل الجيران و اهل الفريج من صبيان و نسوان

و صلى الله على سيدنا محمد و على اله و صحبه و سلم

محطات في حياة الجني (12) فزعات الناس لبعض
http://www.qatarshares.com/vb/showthread.php?t=146794

محطات في حياة الجني (11) الجني فوق السطح
http://www.qatarshares.com/vb/showthread.php?t=146092

محطات في حياة الجني (10) الضرب في المدارس
http://www.qatarshares.com/vb/showthread.php?t=144573

محطات في حياة الجني (9). . . الشنتورة
http://www.qatarshares.com/vb/showthread.php?t=144121

محطات في حياة الجني (8) هوشه في الفريج (اكشن(
http://www.qatarshares.com/vb/showthread.php?t=143848

محطات في حياة الجني (7) مغامرات في العيد (دراما)
http://www.qatarshares.com/vb/showthread.php?t=143465

محطات في حياة الجني (6) الدراسة و الواجبات
http://www.qatarshares.com/vb/showthread.php?t=143207

محطات في حياة الجني (5) الجني و التلفزيون
http://www.qatarshares.com/vb/showthread.php?t=142812

محطات في حياة الجني (4)
http://www.qatarshares.com/vb/showthread.php?t=142592

محطات في حياة الجني (3)
http://www.qatarshares.com/vb/showthread.php?t=142272

محطات في حياة الجني (2)
http://www.qatarshares.com/vb/showthread.php?t=142031

محطات في حياة الجني (1)
http://www.qatarshares.com/vb/showthread.php?t=141863

[الخيميائي]

:thumbup1: تفاحة فوشون حركات :p

الجني قاعد اجمع سوالفك بس قولي متى الحلقة الاخيرة :)

مجهز لك مفاجاءة :p

[][ الوحيد ][]

بووو تفااح من فوشووون ههههه

شي عجييب والله

وذكريات حلوة ومب حلوة في نفس الوقت

[على قد حالها]

على ذيج الايام اظن اللي كان عنده لاند روفر يعادل مرتبة الوزير الحين فالكشخه والرزه!!
يحليل امهات لوّل عندهم كل العيال حسبة عيالهم..

[الزاجل]

يوم السم العالمي
على حسب ذكريات الوالدة
ما كنت موجود .. وان كنت موجود ما كنت انذكر في سوالف الوالدة..

اليوم هذا تسمموا الناس بسبة شحنة طحين محطوط مع كمية سم فيران
وكان حسب ما توصف لنا الوالدة ويذكر لنا الوالد ان
الدوحة اليديدة هم اكثر الناس تضررا .

واشلون ناس توفوا من هالحادثة ..

المهم يالجني الحمدلله على السلامة
مع اني كنت في عالم الغيب
لكن راد ربنا انك تنجى واني ما اكون مولود
وهذا تأكيد أكيد انك اكبر مني ..

[ناصر العمادي]

سلامات والله يالجني ماتشوف شر .... ان شاء الله الحين احسن ...:eek2::eek2::eek2:

ذكرتني بالتسمم اللي صادنا يوم افتتاح دورة الخليج في الدوحه سنة اعتقد 76 وكانت حالتنا حاله ...

يعطيك الصحه والعافيه على الذكريات الحلوه

تقبل تقديري واحترامي

الله يوفقك ويرزقك على قد نيتك ان شاء الله

[الزاجل]

سلامات والله يالجني ماتشوف شر .... ان شاء الله الحين احسن ...:eek2::eek2::eek2:

ذكرتني بالتسمم اللي صادنا يوم افتتاح دورة الخليج في الدوحه سنة اعتقد 76 وكانت حالتنا حاله ...

يعطيك الصحه والعافيه على الذكريات الحلوه

تقبل تقديري واحترامي

الله يوفقك ويرزقك على قد نيتك ان شاء الله

حاطين لكم سم في الوجبات اللي كانوا يوزعونها ؟

وناسة ذيك الأيام ما كنت انفع الا حق
تلقط الاكياس اللي فيها
تفاحة
برتقالة
قطعة خبز لبناني
قطعة رهش
قطعة دياي :yes:

[بوناصر-قطر]

السلام عليكم

اولا" ألف الحمدلله على سلامتك يا الجني
وثانيا" مع اني قريب منك في العمر الا أنني لا أتذكر هذه القضية (يمكن ليش اني كنت ساكن في منطقة بعيدة عن مكان التسمم) بس آرجع وآقول حمدلله على سلامتك

[الزاجل]

السلام عليكم

اولا" ألف الحمدلله على سلامتك يا الجني
وثانيا" مع اني قريب منك في العمر الا أنني لا أتذكر هذه القضية (يمكن ليش اني كنت ساكن في منطقة بعيدة عن مكان التسمم) بس آرجع وآقول حمدلله على سلامتك

آآآآآآآآآآآآخ فرطت مني :tomato:

[بوناصر-قطر]

سلامات والله يالجني ماتشوف شر .... ان شاء الله الحين احسن ...:eek2::eek2::eek2:

ذكرتني بالتسمم اللي صادنا يوم افتتاح دورة الخليج في الدوحه سنة اعتقد 76 وكانت حالتنا حاله ...

يعطيك الصحه والعافيه على الذكريات الحلوه

تقبل تقديري واحترامي

الله يوفقك ويرزقك على قد نيتك ان شاء الله

اخوي ناصر العمادي آنا كنت من ضمن الطلبة المشاركين في المهرجان بس بعد ما أتذكر حدوث تسمم مع ان الوضع العام كان يساعد على هالشيء بس الحمدلله الأمور مرت بسلامة

يعني طول فترة الإعداد واحنا دق من هالمأكولات اللي كانوا يعطونا اياها بس الحمدلله كنا حديد ماشاءالله تبارك الله

[الزاجل]

اخوي ناصر العمادي آنا كنت من ضمن الطلبة المشاركين في المهرجان بس بعد ما أتذكر حدوث تسمم مع ان الوضع العام كان يساعد على هالشيء بس الحمدلله الأمور مرت بسلامة

يعني طول فترة الإعداد واحنا دق من هالمأكولات اللي كانوا يعطونا اياها بس الحمدلله كنا حديد ماشاءالله تبارك الله

اتفق معاك

والدليل كنا ننطر اخواننا يردون ويعطوننا مما عطوهم :playball:

[بوناصر-قطر]

آآآآآآآآآآآآخ فرطت مني :tomato:

يا ابن الحلال انا آتوقع يا انك قبلي أو في صفي في طارق بن زياد

عيني :rolleyes::rolleyes: في عينك :rolleyes::rolleyes: ماكنت في طارق بن زياد؟

[بوناصر-قطر]

اتفق معاك

والدليل كنا ننطر اخواننا يردون ويعطوننا مما عطوهم :playball:

أرجوك يا صغير انت :no2::no2:

[الزاجل]

يا ابن الحلال انا آتوقع يا انك قبلي أو في صفي في طارق بن زياد

عيني :rolleyes::rolleyes: في عينك :rolleyes::rolleyes: ماكنت في طارق بن زياد؟


أرجوك يا صغير انت :no2::no2:

صدقني كنت صغير ما دخلت المدرسة بعدي يوم دورة الخليج

فاشلون بكون معاك في الصف ؟ :eek2:
طارق بن زياد صوب السد ؟

واحنا صوب ابوبكر :yes2:

[الجني]

:thumbup1: تفاحة فوشون حركات :p

الجني قاعد اجمع سوالفك بس قولي متى الحلقة الاخيرة :)

مجهز لك مفاجاءة :p

نعم تفاحة فوشون الغالي يحب الغالي

او ما فتح دكان فوشون كان في فريجنا :funny:

اتمنى ان تكون المفاجأة سارة

و ياليت كوبون عشاء من مطعم نجمة الهند

[الجني]

[ الوحيد ][;2181448']بووو تفااح من فوشووون ههههه

شي عجييب والله

وذكريات حلوة ومب حلوة في نفس الوقت

كل شيء مب حلو اخوي الوحيد عقب ما يقدم يصير حلو
شرفني مرورك الكريم

[الجني]

على ذيج الايام اظن اللي كان عنده لاند روفر يعادل مرتبة الوزير الحين فالكشخه والرزه!!
يحليل امهات لوّل عندهم كل العيال حسبة عيالهم..

القعده في بدي اللاند روفر قمة المتعه للي يحصل له ان يقعد في البدي
و في الصيف بدون مكيف جنه تنور

شرفني مرورج اختي على قد حالها

[الجني]

يوم السم العالمي
على حسب ذكريات الوالدة
ما كنت موجود .. وان كنت موجود ما كنت انذكر في سوالف الوالدة..

اليوم هذا تسمموا الناس بسبة شحنة طحين محطوط مع كمية سم فيران
وكان حسب ما توصف لنا الوالدة ويذكر لنا الوالد ان
الدوحة اليديدة هم اكثر الناس تضررا .

واشلون ناس توفوا من هالحادثة ..

المهم يالجني الحمدلله على السلامة
مع اني كنت في عالم الغيب
لكن راد ربنا انك تنجى واني ما اكون مولود
وهذا تأكيد أكيد انك اكبر مني ..


شون بعد تأكيد اكيد

انا قلت تضاربت الاخبار و الروايات
يعني روايات غير متواتره

و بعد التحقيق طلع اني كنت ماكل كورن فليكس منتهيه صلاحيته
سبب لي سوء هضم اثر على الحجاب الحاجز
و هذا الشيء حجز عني التنفس فصار
مستوى الشهيق لمت اب
و الزفير لمت داون

اعتفس عندي مؤشر المعدة
احمرت عيوني بسببه
ادخلوني بسبب الكورن فليكس
مستشفى رميله
لتلقي العلاج اللازم

و بعدين انا ما لحقت على مدرسة ابوبكر
انا مخلص من مدرسة دوحه كولج للبنين

[الجني]

سلامات والله يالجني ماتشوف شر .... ان شاء الله الحين احسن ...:eek2::eek2::eek2:

ذكرتني بالتسمم اللي صادنا يوم افتتاح دورة الخليج في الدوحه سنة اعتقد 76 وكانت حالتنا حاله ...

يعطيك الصحه والعافيه على الذكريات الحلوه

تقبل تقديري واحترامي

الله يوفقك ويرزقك على قد نيتك ان شاء الله

الله يسلمك اخوي ناصر
ذكرتني خوش رهش كانوا يوزعون
على طلبة اللوحات الخلفية اذ تذكر

[الجني]

السلام عليكم

اولا" ألف الحمدلله على سلامتك يا الجني
وثانيا" مع اني قريب منك في العمر الا أنني لا أتذكر هذه القضية (يمكن ليش اني كنت ساكن في منطقة بعيدة عن مكان التسمم) بس آرجع وآقول حمدلله على سلامتك

الله سلمك يا بوناصر و الله يسلمك من كل شر

[GS5]

السلام عليكم

بدون زعل بس استفسار شسالفة صور بن لادن الي حاطينها ؟؟؟؟؟؟؟!!!

[الجني]

صدقني كنت صغير ما دخلت المدرسة بعدي يوم دورة الخليج

فاشلون بكون معاك في الصف ؟ :eek2:
طارق بن زياد صوب السد ؟

واحنا صوب ابوبكر :yes2:

و انا في مدرسة دوحه كولج للبنين :strong2:

[الجني]

السلام عليكم

بدون زعل بس استفسار شسالفة صور بن لادن الي حاطينها ؟؟؟؟؟؟؟!!!

الله لا يجيب الزعل ان شاء الله

بارد عليك على الخاص اخوي حتى لا نطلع عن الموضوع

و شرفني مرورك

[بوناصر-قطر]

الله لا يجيب الزعل ان شاء الله

بارد عليك على الخاص اخوي حتى لا نطلع عن الموضوع

و شرفني مرورك

اذا ممكن سي سي لي يا بولزم اذا ممكن

[الزاجل]

شون بعد تأكيد اكيد

انا قلت تضاربت الاخبار و الروايات
يعني روايات غير متواتره

و بعد التحقيق طلع اني كنت ماكل كورن فليكس منتهيه صلاحيته
سبب لي سوء هضم اثر على الحجاب الحاجز
و هذا الشيء حجز عني التنفس فصار
مستوى الشهيق لمت اب
و الزفير لمت داون

اعتفس عندي مؤشر المعدة
احمرت عيوني بسببه
ادخلوني بسبب الكورن فليكس
مستشفى رميله
لتلقي العلاج اللازم

و بعدين انا ما لحقت على مدرسة ابوبكر
انا مخلص من مدرسة دوحه كولج للبنين


بقول لك شي

:yes: بس لا تربط كلامي بسؤال الأخ اللي استفسر عن سر صور
شيخنا بن دلان ..

الشخص هذا احبه حب لله وفي الله
عمري وفي حياتي ما حسيت اني احب انسان مثل حبي له
حب من غير ما اشوفه ..

لذلك راح اعتمد كلامك على انه خزعبلة من خزعبلاتك
اللي مالها خص بصاحب الصورة .. بعديها لك هالمرة
علشان خاطره بس :yes:

[الجني]

بقول لك شي

:yes: بس لا تربط كلامي بسؤال الأخ اللي استفسر عن سر صور
شيخنا بن دلان ..

الشخص هذا احبه حب لله وفي الله
عمري وفي حياتي ما حسيت اني احب انسان مثل حبي له
حب من غير ما اشوفه ..

لذلك راح اعتمد كلامك على انه خزعبلة من خزعبلاتك
اللي مالها خص بصاحب الصورة .. بعديها لك هالمرة
علشان خاطره بس :yes:


ما فهمت المقصود من هذا الكلام يالزاجل
هل انت زعلان من الخزعبلة بسبب الاسلوب الساخر
و ليس فيه سخرية عليك و لكن تشبيه و رمسه مثل رمسة باقي الاخوة

هل اني حولت موضوع الصورة على الخاص

تشره و انا باراضيك يالزاجل و علشان الشيخ باقبل اي شيء منك
بس ما فهمت قصدك حتى الآن :unsure:

[الزاجل]

ما فهمت المقصود من هذا الكلام يالزاجل
هل انت زعلان من الخزعبلة بسبب الاسلوب الساخر
و ليس فيه سخرية عليك و لكن تشبيه و رمسه مثل رمسة باقي الاخوة

هل اني حولت موضوع الصورة على الخاص

تشره و انا باراضيك يالزاجل و علشان الشيخ باقبل اي شيء منك
بس ما فهمت قصدك حتى الآن :unsure:


اقول لك يالجني

عكس ما فهمته انت كلش .. بالعكس غشمرتك مقبولة
ولما قلت لك خزعبلة من خزعبلاتك
انك كنت تاكل كورن فلكس ذيك الأيام
وانك من خريجي مدرسة الدوحة كولج
فحبي لصاحب الصورة شفع لك
وما خلتني انفي كلامك .....> شفت الواسطات :looking:

[خفايا الروووح]

والله يالجني ثم والله اني وانا اقرا تأثرت وايد واخنقتني العبره لاني قاعده اتخيل اشلون الحريم اول والحين اشلون....الله يرحمنا برحمته بس : (

ولك جزيل الشكر

[الزاجل]

والله يالجني ثم والله اني وانا اقرا تأثرت وايد واخنقتني العبره لاني قاعده اتخيل اشلون الحريم اول والحين اشلون....الله يرحمنا برحمته بس : (

ولك جزيل الشكر

:nop::nop::nop:

[jajassim]

يوم السم العالمي
على حسب ذكريات الوالدة
ما كنت موجود .. وان كنت موجود ما كنت انذكر في سوالف الوالدة..

اليوم هذا تسمموا الناس بسبة شحنة طحين محطوط مع كمية سم فيران
وكان حسب ما توصف لنا الوالدة ويذكر لنا الوالد ان
الدوحة اليديدة هم اكثر الناس تضررا .

واشلون ناس توفوا من هالحادثة ..

المهم يالجني الحمدلله على السلامة
مع اني كنت في عالم الغيب
لكن راد ربنا انك تنجى واني ما اكون مولود
وهذا تأكيد أكيد انك اكبر مني ..


الله يرحم ايامه ،،، الوالد ،، وعمي وعماتي الثلاثة الله يطول بعمرهم ان شاء الله ،، صادتهم هذه الحالة ،،، وكانوا ساكنين ،، خلف بيت الجفيري :deal:

وطبعا انا كنت في عالم الغيب :playball:

[jajassim]

سلامات والله يالجني ماتشوف شر .... ان شاء الله الحين احسن ...:eek2::eek2::eek2:

ذكرتني بالتسمم اللي صادنا يوم افتتاح دورة الخليج في الدوحه سنة اعتقد 76 وكانت حالتنا حاله ...

يعطيك الصحه والعافيه على الذكريات الحلوه

تقبل تقديري واحترامي

الله يوفقك ويرزقك على قد نيتك ان شاء الله

انا من ضمن مشاركين في اللوحات الخلفية ،، كنت لابس اللون الأبيض :rolleyes:

[jajassim]

حاطين لكم سم في الوجبات اللي كانوا يوزعونها ؟

وناسة ذيك الأيام ما كنت انفع الا حق
تلقط الاكياس اللي فيها
تفاحة
برتقالة
قطعة خبز لبناني
قطعة رهش
قطعة دياي :yes:

ونسيت البيضتين وجبنة كرافت مثلثات :yu:

[متفائله]

اول شي انا من متابعات حلقاتك يا الجني بس أول مره أشارك في الرد يعطيك ألف عافيه والله يوفقك دنيا وآخره ان شالله .

[jajassim]

موضوعك الرائع والمنفرد من نوعه :app2:

[الزاجل]

انا من ضمن مشاركين في اللوحات الخلفية ،، كنت لابس اللون الأبيض :rolleyes:

:tooth:
بجد طلعت اخر العنقود

و مسندريني في الجلسة الشيبة والشيبة :tooth:

شوهتوا صورتي جدام المزيونات :nop:

[متفائله]

و انا في مدرسة دوحه كولج للبنين :strong2:


:con2:

[الزاجل]

ونسيت البيضتين وجبنة كرافت مثلثات :yu:

ايييييييييي
البيض
صح كلامك المفيوح اللي غالبية الوقت اتحصله مكسر ليوصل لنا :app2:

استانس اقعد عند اخواني انطرهم يعطوني :app2:

[دلة الرسلان]

ممممممم :unsure: اشوف ما حد تسمم من الأعضاء .

مشكور يالجني على محطتك الموجعة قعدت اقراها ع عيالي واستانسوا عليكم في بدي الموتر

والحريم وبطاطيلهم وعبيهم تكفخ الله يحفظ حيهم ويرحم ميتهم وموتى المسلمين .

[إنسان]

متابعين محطاتك اخوي الجني

بس عندي سؤال .. في مستشفى حواليكم مقابل بيت الخاطر

ليش ما رحتوا له .. مستشفى رميله بعيد عليكم

خلني أخمن .. يمكن تكون عياده إسعافات أوليه فقط

ويمكن عشان التسمم صادك في الليل والعياده مسكره :victory:

[وطن]

ما عليك شر يالجني
كسرت خاطري

:(

[PoBox]

الحمد لله على السلامة يالجني

اي انا اتذكر السالفة ، كان وقت صعب علي :looking:

[miss-qatr]

سلاااااااااااامات يا الجني



ويعطيك العاااااافيه على هالمحطه :thumbup1:

[ضوى]

سلاماااااااااااااااااااات وخطاك الشر يا الجني

اتذكر عالسالفة كانوا يتكلمون فيها هلي

يعطيك الف عافية شوقتنا للماضي الجميل

[الخيميائي]

انا من ضمن مشاركين في اللوحات الخلفية ،، كنت لابس اللون الأبيض :rolleyes:

كنت العب في الفريج :whistling:

بس اتذكر كنا نشترك في منتخب المدرسة(مصدق منتخب) علشان نحصل الخريطة ام اكل :p
وكله احتياط :yes2:

[الخيميائي]

:tooth:
بجد طلعت اخر العنقود

و مسندريني في الجلسة الشيبة والشيبة :tooth:

شوهتوا صورتي جدام المزيونات :nop:

عيرتني بالشيب وهو وقار :p

اقول وش رايك ترجع صورة السبنكي دام طلعت صغير :p

[الزاجل]

عيرتني بالشيب وهو وقار :p

اقول وش رايك ترجع صورة السبنكي دام طلعت صغير :p

http://www.dlo3te.com/smiles/images/1/dlo3te_%20(4).gif