بخصوص (( راس غاز )) ياليتكم تفيدوني !!

[" Snake "]

السلام عليكم ورحمة الله وبركاته


شباب انا حالياً موظف في بنك قطر الوطني لكن هالايام بديت وايد افكر اقدم استقالتي بسبب التعب الي على الفاضي ووعودهم الي ملينا منها وعلى قولتهم المستقبل المشرق.. هذي بس في الاحلام مع الوطني لوول :no:
واخس شي والي يحرق القلب كل يوم هواش مع العملاء هههههه :eek2:

ومفكر انا في راس غاز وايد هالايام
شباب شرايكم في راس غاز وشلون رواتبهم؟ وعلاواتهم؟

مع العلم انا عندي شهادة ثانويه عامه ادبي رياضيات وعلوم
نسبتي 60%

يعني شنو الاشياء الي يطلبونها راس غاز ؟

وياليتكم تفيدوني بكل شي :p

[PoBox]

شكلك اخوي شوي متاخر بالسؤال
اتمنى تكون مريت على المعرض المهني الاخير
وكانت راس غاز موجودة من ضمن الشركات العارضة

بشكل عام
مافي اي مقارنة بين بنك محلي او وزارة حكومية
وغالب شركات قطر للبترول والشركات التابعة لها سواء من الشغل او التطوير و و و و و

هذا عالم آخر مختلف عن الدولة من جميع النواحي

شالراي فيهم !
حلوين ورواتبهم سنعة بمعنى الكلمة

اما عن حالتك وحالة غيرك سواء ثانوي او جامعي

اولا حاول تدور لك واسطة
وان مالقيت ان شاء الله عامل الخبرة في البنك يشفع لك عندهم ويوظفونك والله يوفقك

[Index Signal]

أخوي أنصحك تقدم لبنك ثاني دام عندك خبره حتى لو كانت قليله..

البنوك هالايام مستذبحين على القطريين بسبب الزامهم بالتقطير و كلنا نعرف ان القطريين وجودهم محدود في القطاع المصرفي..

فأنا أنصحك نصيحه أخويه و إن شاء الله بتدعيلي..

خذ إجازه يوم من شغلك و إنسخ الcv بعدد البنوك الموجوده في قطر ولا تستثني أي بنك مهما كان متواضع..

و إفتر عليهم واحد واحد وزع السيفي عليهم و إطلب وظيفه باك اوفس مش خدمة عملاء أريح لك..

و خلال اسبوع إلى شهر بيردون عليك أغلبهم إذا ما كان كلهم و قارن بين العروض..

و إن شاء الله بتحصل عرض ضعف راتبك على الأقل و باك اوفس بعيد عن دوخة العملاء..

جرب و إذا توفقت لا تنساني بالدعاء.

[مضارب دوسري]

السلام عليكم ورحمة الله وبركاته


شباب انا حالياً موظف في بنك قطر الوطني لكن هالايام بديت وايد افكر اقدم استقالتي بسبب التعب الي على الفاضي ووعودهم الي ملينا منها وعلى قولتهم المستقبل المشرق.. هذي بس في الاحلام مع الوطني لوول :no:
واخس شي والي يحرق القلب كل يوم هواش مع العملاء هههههه :eek2:

ومفكر انا في راس غاز وايد هالايام
شباب شرايكم في راس غاز وشلون رواتبهم؟ وعلاواتهم؟

مع العلم انا عندي شهادة ثانويه عامه ادبي رياضيات وعلوم
نسبتي 60%

يعني شنو الاشياء الي يطلبونها راس غاز ؟

وياليتكم تفيدوني بكل شي :p

اخووووي راس غاز ما يقبلونك الا بشرط
اذا كنت قد تدربت في قطر للبترول
يعني لازم بالاول تروح قطر للبترول وتطور اللغه الانجليزيه وتدخل كلية الشمال الاطلنطي وانت متدرب والراتب يكون 6600تقريبا
وبعد مرور سنه من دراستك فالكليه
اذا كان مستواك ممتاز او جيد فاللغه يخيرونك بين الشركات التابعه لقطر للبترول
اللي من خلالها تختار راس غاز
وبعد التثبيت طبعا راتبك يزيد بس كم مدريي بالضبط

كلامي كله خاااص اذا كنت تبي تكون فني
اما موضوع انك تكون اداري فهذا لا اعلم عنه شئ
وطبعا الجامعي غير

[خبير أقتصادي]

عندي أصدقاء متوظفين برأس غاز و يقولون إن رواتبهم لا تعكس معاناتهم من المسافة و سنوات التدريب و قيمة العمل بس يقولون فية زيادة للبترول و ما أدي هل تشملهم الزيادة

و يمكن الراتب حسب الخبرة أو الشهادة و شوف يمكن يكون عندك مجال و تقدر بنفسك تناقش الدائرة المختصة و يعطوك توضيحات أو فرصة جيدة لأن لكل شخص ميولة و قدراتة و مرات الشخص يكون راتبة مقبول بس مقتنع بشغلتة عن وظيفة فيها راتب أكبر بس مب مرتاح فيها نهائيا

الله يوفقك ولا تنسى أن تروح بنفسك و تقدم طلبات و تحتفظ بوظيفتك الحالية حتى تقتنع و تنقل لعمل آخر

[hich]

عندي أصدقاء متوظفين برأس غاز و يقولون إن رواتبهم لا تعكس معاناتهم من المسافة و سنوات التدريب و قيمة العمل بس يقولون فية زيادة للبترول و ما أدي هل تشملهم الزيادة

و يمكن الراتب حسب الخبرة أو الشهادة و شوف يمكن يكون عندك مجال و تقدر بنفسك تناقش الدائرة المختصة و يعطوك توضيحات أو فرصة جيدة لأن لكل شخص ميولة و قدراتة و مرات الشخص يكون راتبة مقبول بس مقتنع بشغلتة عن وظيفة فيها راتب أكبر بس مب مرتاح فيها نهائيا

الله يوفقك ولا تنسى أن تروح بنفسك و تقدم طلبات و تحتفظ بوظيفتك الحالية حتى تقتنع و تنقل لعمل آخر


أخوي انا شتغلت في الموارد البشريه براس غاز 5 سنوات

عموما مانصحك كل الي كانو موجودين طلعو الى قطر فاونديشن والى بعض الهيئات

نصيحه يالغالي تقنع البنك يطرشك كلية شمال الاطلنطي دبلوم عالي اسئل الاخ كريم الماس عندكم بيشرح لك

بهاطريقه بتضرب عصفورين بحجر بتدرس وبتطور لغتك وسنين خدمتك بتنحسب الي في الكليه بعد

فكر جيدا وتوكل على الله

[BURBERRY]

اخوي انا اعرف واحد متخرج من كلية شمال الاطلنطي و اشتغل في رأس غاز .. وراتبهم ممتازه لكن شغلهم تعبببببببببببببببب و غير مسافة الطريق .. في الاخير قدم استقالته و اشتغل في هيئة من هيئات الدوله .. و على العموم قطر للبترول و توابعها يبوووووووون واسطه

و انا انصحك ان تقدم على بنك ثاني .. الريان او المصرف ..

او مثل ما قالك اخوي hich تقدم طلب تفرغ من العمل و الدراسه في الكليه على حساب البنك .. سنتين و تحصل دبلوم ..

و القرار راجع لك