مشكلتي مع المستأجر: ماذا افعل؟

[bohilal191]

السلام عليكم اخواني الاعزاء ادري العنوان قوي بس هذا اللي صار الله يسلمكم شريت فيلا ودفعت دم قلبي والغرض اني اسكن فيها مع الاهل بسبب ان بيتنا عليه هدم بس بعد فترة قالو لنا مافي هدم بيتكم سلم المهم عرضت الفيلا للأيجار وتمت محد اجرها وجات عايلة قطرية وأجرتها بمبلغ وقدره طبعا مب على الاسكان والحين شهر يدفعون وشهرين لا ،قالولي لا تأجر على قطري اجر على الاسكان قتلهم اشدراني والحين انا متلعوز صج يقولون صعبه اطرد قطريين وشكرا لكم وآسف على الاطالة

[سوق واقف]

أولا جزاك الله خير
أخي العزيزمن قال لك هذا الكلام أنك ماتقدر تطرد اخوي اذا ما يدفعون لك من حقك والمحكمة تحكم لصالحك بس أنا أقول أصبر عليهم بما أنك تاخذ فلوسك حتى تأخير شهر يسر عليهم الله يسر عليك دنيا وآخره أخوي
وأذا هم يماطلون تقدر تاخذ حقك والمحكمة تحكم لصالحك أخوي ...

[الـدانـه]

بما انهم يدفعون حتى لو كل شهرين وانت مو محتاج للفيلا للسكن ..... وين المشكله ؟


يسر عليهم وراع ضروفهم وانت في كل الاحوال مو محتاج للسكن فيها


الله يوفقك اخوي

[سهم طايش]

اصبر عليهم الله اعلم بضروفهم

و لك الاجر

[اهل قطر]

انت معذور والعقد اكيد مكتوب فيه مقدم
واذا مب مرتاح من حقك تقدم للمحكمة وتطلعهم

[PoBox]

والله ياخوي اشوف القطري ارحم
من انك تاجره على هندي
يقوم ياجره بالباطن على 4 اشخاص ويقسملك الفلة 4 فلل
وتاخذها سكراب عقب مايطلع

ودامه يدفع حتى لو متاخر
اصبر عليه واحتسب الاجر
وحاول تنبهه بهالشي

[خالد32]

يعني في الاخير يدفع لك
مسكين القطري ينطرد من اخوه
الله يهديك

[بوحارب]

الله يعينك أنت والمستأجر

[hich]

اذا ماصار في قلوبنا رحمه وصارت الماده هي أهم شي عندنا ...... هنا يتضح أخلاقنا الحقيقه وكذب ماندعيه من طيبة و شهمه ونخوه

عند الامتحان تظهر معادن الرجال (ولا كلا لبس ثوب وكشخ كوبرا ومن داخل يهودي يعبدالريال)

الله يرحمنا برحمته ويوفق صاحب الفلا والمستأجرين

[hich]

هل لكم وقفة عند قصة الرجل الذي كان يتجاوز عن المعسرين وينظرهم؟


النبي -صلى الله عليه وسلم- قال: (أنا أحق بها منه)، سئل يوم القيامة! هل لك عمل؟ قال نعم: كنت أنظر المعسرين وأعفو عنهم، وإذا سأل المعسرين، قال الله -جل وعلا-: (أنا أولى بذلك منه، تجاوزوا عن عبدي)، فالذي يتجاوز عن المعسرين ويحسن إليهم ويوسر حتى على الموسرين، لأن الموسر قد تحصل له حاجة، يحتاج إلى المال وإلى إنظار، فالذي يتحرى التيسير على المعسرين، ومساعدة المعسرين، والصدقة عليهم وإنظارهم له أجر عظيم، وفضل كبير، بل وعده الله بأن يتجاوز عنه، الجزاء من جنس العمل، فمن أَحسن أُحسن عليه، ومن تَجاوز تجاوز الله عنه، وهو في خيرٍ عظيمٍ، يرجا له الفضل الكبير.

[الدوحي7]

اول شي جزاك الله خير على صبرك عليهم ومثل ماقالو لك الاخوان والاخوات اصبر عليهم وصدقني ماتمادوا غير ان ماعندهم وعلم ظروفهم وحاول تتفاهم معاهم على شان يتحول الاجار على الاسكان وشوف الموضوع ولاتستعجل في شي لاهنت بيض الله وجهك دنيا واخراه ،، وهذا في ميزان حسناتك ان شا ءالله وتجاوزك عن معسر ،، مع السلامه،

[المجروح]

كل واحد في الدنيا عنده ظروف على قده
وهذا حقك اخوي لازم تاخذه الا اذا انته ما تبي تاخذه فهاذا شي راجعلك
وانا باقولك شي بتستغرب المحكمه ما اتطلعه من البيت حتى لو عندك عقد
الي تقدر اتسويه انك تقطع الكهرب عن البيت
انا اعرف وايد ناس صار فيهم نفس الشي
والي سووه انهم باعو بيوتهم

[الـدانـه]

والله ياخوي اشوف القطري ارحم
من انك تاجره على هندي
يقوم ياجره بالباطن على 4 اشخاص ويقسملك الفلة 4 فلل
وتاخذها سكراب عقب مايطلع

ودامه يدفع حتى لو متاخر
اصبر عليه واحتسب الاجر
وحاول تنبهه بهالشي


وهذا الي حاصل لي PoBoxing


ماتمت فيلا عندي ماتسكربت


عنبوه غيرهم فيران مب اوادم ...... فيلا فيها 4 عوائل


خوفي بانيين فوق السطح بعد

[PoBox]

وهذا الي حاصل لي PoBoxing


ماتمت فيلا عندي ماتسكربت


عنبوه غيرهم فيران مب اوادم ...... فيلا فيها 4 عوائل


خوفي بانيين فوق السطح بعد

المفروض تحطين في العقد
ان اي تغيير في الفيلا وتقسيماتها
بناء عليه يكون العقد لاغي ومن حق صاحب العقار طلب اخلاءة
واللي فيه خير يقسم الفلل :yes2:

[الـدانـه]

المفروض تحطين في العقد
ان اي تغيير في الفيلا وتقسيماتها
بناء عليه يكون العقد لاغي ومن حق صاحب العقار طلب اخلاءة
واللي فيه خير يقسم الفلل :yes2:



تصدق بالله ماكنت اعرف هالنقطه الا بعد ماتدبست ...... اوقع عمياني

ومستأجر ثاني (مصري) هو الي كاتب العقد وانا بس وقعت من شطارتي ( يحق له التأجير في الباطن)

وربي ماكنت اعرف شنو يعني الباطن ........ الا يوم حولي الفيلا خرابه


هالكلام من سنتين ..... الحين تعلمت الحمدلله

[BoFahed]

الله اعلم بالحال بس في ناس وايد هالزمن ماعندها امكانة واخر شي تفكر فيه هة اعطاء الناس حقوقها وتتعذر تقول ماعندي الظروف صعبة وشهر تدفع وشهرين تاخر جنه راعي البيت واللي العديد منهم متسلفين انا اقول البعض وللاسف الوالد طاح ااكثر من مرة بهذه الاشكال مرة واحد قطري وشايب ماجر بيت الوالد 4 غرف وبنص البلد ب2500 ريال وقعد 8 شهور ما يدفع والوالد صابر عليه ولما مسخها ابوي رفع عليه قضية ولين اليوم مادفع وطلع انه عنده بيت ثاني موجرة ب10000 (مسكين :looking: )وطرد الموجرين منه وللحين ابوي يراكض من سنة ونص على ال20000 ريال في المحاكم والله كسر خاطري .
وفيه واحد اخر ويشتغل دكتور في مستشفى حمد ابوي ماجر عليه بيت 9 غرف ب 4500 وما صدق على الله وجاب اهله وطوايفه كلهم قعدهم بالبيت وساكن بالملحق بالبيت عايلة قطرية المهم هالدكتور المحترم اطلعت فاتورة الكهربا والماي عليه فوق ال8000 ريال وما يبي يدفع لاكثر من 6شهور (مادري وين كهرماء عنه) مع العلم انه تم التفاق بالعقد انه الفاتورة عليه والنصاب يبي يلزقها في ظهر هالغلبانة ( لانه من الاول عينه على الملحق) بحجة انه هي المستهلكة وقام يقطع الوسخ عليها الكهربا وبهذلها والوالد معاها في مخافر الشرطة والمحاكم .

امر محير الصراحة وايد ناس عبالهم ان الموجرين مجرمين بس بالعكس في مستأجرين ما يخافون من الله وياكلون حق اي مالك بيت يشوفونه طيب ومتعاون معاهم ما يبليهم الا دراكولا يوقفهم عند حدهم

[bohilal191]

اخواني ماقصرتوا بس المشكلة انا خذت قرض عقاري وياخذون مني 15000 القسط والهدف اني اسكن في الفيلا بس لما هونوا عن هدم بيتنا اجرت الفيلا وانا والله آخذ الاجار وحطه في حساب القرض بس اذا المستأجر مايدفع والقسط ياخذونه مني قلبي يعورني ادفع قسط في بيت وانا مب ساكنه اهني عوار القلب ارجوا انكم تعذروني وشكرا لكم

[ابوسعود]

السلام عليكم اخواني الاعزاء ادري العنوان قوي بس هذا اللي صار الله يسلمكم شريت فيلا ودفعت دم قلبي والغرض اني اسكن فيها مع الاهل بسبب ان بيتنا عليه هدم بس بعد فترة قالو لنا مافي هدم بيتكم سلم المهم عرضت الفيلا للأيجار وتمت محد اجرها وجات عايلة قطرية وأجرتها بمبلغ وقدره طبعا مب على الاسكان والحين شهر يدفعون وشهرين لا ،قالولي لا تأجر على قطري اجر على الاسكان قتلهم اشدراني والحين انا متلعوز صج يقولون صعبه اطرد قطريين وشكرا لكم وآسف على الاطالة

اخوي روح له وشوف شنهي اسبابه
اذا مقنعه فنظره الى ميسره وجزاك الله خير
اذا كان مقتدر ويستعبط شوف شغلك وياه

[ANONYMOUS]

اخواني ماقصرتوا بس المشكلة انا خذت قرض عقاري وياخذون مني 15000 القسط والهدف اني اسكن في الفيلا بس لما هونوا عن هدم بيتنا اجرت الفيلا وانا والله آخذ الاجار وحطه في حساب القرض بس اذا المستأجر مايدفع والقسط ياخذونه مني قلبي يعورني ادفع قسط في بيت وانا مب ساكنه اهني عوار القلب ارجوا انكم تعذروني وشكرا لكم



هالنقطه اللي كنت بضيفها

الاعضاء يطلبونك بالصبر قدر الاستطاعه.. وهذا شي طيب لاخلاف عليه

بس المؤجر بعد عنده التزامات واقساط وصرف عالبيت والعيال ويمكن تصيده مصايب كحادث يتكنسل فيه السياره او علاج لاحد الابناء.. و و و الخ

مب اي واحد مأجر بيت او فيلا يعتبر غني ومش محتاج

عموما.. الله ييسر عليك وعليهم

[بو يوسف1]

الله يصبرك أخوي

انا حاس فيك الله يسلمك وطرحك للموضوع بحد ذاته يدل على طيبتك وعدم تسرعك في إتخاذ القرار وهذا شيء جميل لأن ما خاب من إستشار.

أكيد أنت أدرى منا كلنا في ظروفك والمصاريف الشهرية اللي عليك بعد ما بنيت البيت.

لو هي ميسره عليك, إصبر وانا اخوك وفي نفس الوقت ذكر المستأجر بشكل لطيف عشان ما يفكر إنك مستغني عن الأجار.
ولو إن تأخير الشيكات يضرك, أنصحك إنك توضح له ظروفك وتفهمه صعوبة موقفك بصورة وديه وحاول تفهم ظروفه والموعد اللي يقدر يسدد لك فيه الشيك وإن شاء الله تتوصلون لحل وسط, لكن إذا تحس إنه يراوغ و يماطل إنه غير جاد في دفع الشيكات (وإن شاء الله ما يكون جذي) بصورة تزيد محنتك, أنصحك بتوثيق طلبك منه لدفع الشيكات المتأخره عن طريق رسالة بريدية مسجلة وأخذ استشارة قانونية من محامي كفؤ.

اللي يده في النار مو مثل اللي يده في الثلج.. والله يكون في عونك ويقدر لك الخير

[hich]

اخواني ماقصرتوا بس المشكلة انا خذت قرض عقاري وياخذون مني 15000 القسط والهدف اني اسكن في الفيلا بس لما هونوا عن هدم بيتنا اجرت الفيلا وانا والله آخذ الاجار وحطه في حساب القرض بس اذا المستأجر مايدفع والقسط ياخذونه مني قلبي يعورني ادفع قسط في بيت وانا مب ساكنه اهني عوار القلب ارجوا انكم تعذروني وشكرا لكم

أخوي نصيحتي لك هذا الدعاء


" اللهم اكفني بحلالك عن حرامك ، وأغنني بفضلك عن سواك "

" اللهم إني أعوذ بك من الهم والحزن ، والعجز والكسل ،والبخل والجبن وضلع الدين وغلبة الرجال"

[bohilal191]

بارك الله فيكم وماقصرتوا وعلى فكرة امس صرت مجنون واحد من الربع جاب حكم من المحكمة ان اللي مأجر عليه البيت محكوم عليه ست شهور غيابيا بتهمة شيك بدون رصيد اشرايكم الحين انا خلاص باصبر عليه لين 1/12 مادفع باطرده بشكل ودي وباقول له اطلع بالزين ولا ادخلك المحكمة للمره الثانية

[الوهج]

السلام عليكم اخواني الاعزاء ادري العنوان قوي بس هذا اللي صار الله يسلمكم شريت فيلا ودفعت دم قلبي والغرض اني اسكن فيها مع الاهل بسبب ان بيتنا عليه هدم بس بعد فترة قالو لنا مافي هدم بيتكم سلم المهم عرضت الفيلا للأيجار وتمت محد اجرها وجات عايلة قطرية وأجرتها بمبلغ وقدره طبعا مب على الاسكان والحين شهر يدفعون وشهرين لا ،قالولي لا تأجر على قطري اجر على الاسكان قتلهم اشدراني والحين انا متلعوز صج يقولون صعبه اطرد قطريين وشكرا لكم وآسف على الاطالة



حسب مافهمت انهم مامتنعو نهائيا عن الدفع

موظوعهم عدم انتظام في الدفع

انا نفس الشي يتكرر معاي مئجر بيت و المستئجر شهر يدفع وشهرين مايدفع
والحين صارله سنتين ساكن في البيت وعندي اللتزام مع البنك

وفي بينا تعاون يعني اصبر عليه على الاقل هو احسن لي من مستئجر يكسر البيت وعقب مايطلع بحط الاجارات اللي دفعها في الصيانه

لكن المستئجر الحالي الزين فيه مهب مئجر من الباطن ومحافظ على البيت



بعدين لتنسى انت مئجر بسعر 15 الف يعني خلك مرن وياه

[nyzk]

بارك الله فيكم وماقصرتوا وعلى فكرة امس صرت مجنون واحد من الربع جاب حكم من المحكمة ان اللي مأجر عليه البيت محكوم عليه ست شهور غيابيا بتهمة شيك بدون رصيد اشرايكم الحين انا خلاص باصبر عليه لين 1/12 مادفع باطرده بشكل ودي وباقول له اطلع بالزين ولا ادخلك المحكمة للمره الثانية


الرجال عليه حكم غيابي وموجود في قطر ؟!!! واظح ان رفيجك راعي صواريخ

[بوحارب]

بارك الله فيكم وماقصرتوا وعلى فكرة امس صرت مجنون واحد من الربع جاب حكم من المحكمة ان اللي مأجر عليه البيت محكوم عليه ست شهور غيابيا بتهمة شيك بدون رصيد اشرايكم الحين انا خلاص باصبر عليه لين 1/12 مادفع باطرده بشكل ودي وباقول له اطلع بالزين ولا ادخلك المحكمة للمره الثانية

سو ألي يريحك

هذا حلالك وما يسوى عليك تتلته بسبة غيرك

[بدوي]

بارك الله فيكم وماقصرتوا وعلى فكرة امس صرت مجنون واحد من الربع جاب حكم من المحكمة ان اللي مأجر عليه البيت محكوم عليه ست شهور غيابيا بتهمة شيك بدون رصيد اشرايكم الحين انا خلاص باصبر عليه لين 1/12 مادفع باطرده بشكل ودي وباقول له اطلع بالزين ولا ادخلك المحكمة للمره الثانية



شكل المستأجر .. عليه التزامات مادامه متوهق بشيك بدون رصيد

يا اخوي .. انت ادرى منا كلنا بظروفك ، والله العالم كأني احس بمعاناتك

اذا عندك مجال تمهله .. عطه وقت ، بس أهم شي روح له وكلمة واشرح له ظروفك

اذا التزم الرجال واصطلب .. كان بها

مالتزم وعنفص وياك .. قوله لااااااا يبه الدولة فيها قانون .. وباخذ حقي وقولة ( ترى اقدر اقطع الكهرباء عليك من بكرة )

طبعآ اذا كان هذا البند مذكور في العقد .. وله ميزه انك تقدر تهدد المستأجر .. بس ما انصحك فيه ، مب عشان المستأجر عشان اهله

والله يعينك على اجراءات المحاكم .. ينقعونك وتاخذ وقت :no2:

ولي ملاحظة في اغلب الردود ..

اغلبهم كأنهم متعاطفين مع المستأجر .. وكأن المؤجر ليس لديه ظروف

ياخوي .. انت رايتك بيضا وماقصرت وياه وصبرت عليه ، مشى وياك OK خير وبركه .. مامشى (خله يعرف ان الله حق)

والله يوفقك

[bohilal191]

شوركم وهداية الله باصبر عليه وانا بعد ماقلت لكم ان توقيع الشيكات غير مطابق لتوقيع البنك يعني هاي مصيبه بالنسبه لهم صح والله ياجماعة عندي كذا عذر اطلعه بس مثل ماقلت لكم لين يوم السبت مادفع باطلعه واللي فيها فيها.

[technical]

اللومه على الدوله اللي لحد الان ما نضمت سجل يبين تعاملات الماجرين او التزام المقترضين بسداد ديونهم. باي عدل ان يعامل من يلتزم بعقوده كالاخر الي متى ما هناله يلتزم فيها. ويا عسى يجعلون النظام مثل نظام المخالفات على الانترنت. واكد في هذه العجاله ان عاد في قطر رجال مشمره سواعده للعمل والخير.

[بنت الاصايل]

الله علي ردودكم والله انها تشرح الصدر وانا مع الردود اصبر عليهم ما تدري عن ضروفهم وعسى ربي يسرلك كل امورك يا رب ودامهم يدفعون الصبر ترا نهايته الفرج عسى ربي يعدل في حالهم ويفرج عليهم ويدفعون لك الاجار في وقتة

كفو عليكم وعلى هالردود الطيبة

[ســـهم]

جزاك الله خيرا اخوي

وصبرا صبرا على أخوانك وبأذن ستفرج عليك وسيكتب لك الأجر ..

[شيخ الشباب]

صج غلطان الي قال راحو الطيبين .... للحين النخوه والشهامه والطيبه باقيه في بعض اهل قطر ...ومن فرج عن اخيه المسلم كربة فرج الله عنه كربة من كرب يوم القيامه او (فيما معنى الحديث)
اصبر بالتي هي احسن .... واعلم اذا انت متساهل معه لوجه الله وتبي الاجر في اسرته الي مالها ذنب( نساء واطفال)...تبشر بالخير في الدنيا والاخره ... وهذا ابتلاء بسيط من الله يمتحن فيه عباده ...سواء من الناس او لاقدر الله مرض او فقر اوغيره ...وانت خلك قد هالامتحان وفووق وبالتوفييق انشالله يالغالي والله يصبرك على المستأجر ويحسن ظروفك انشالله

[bohilal191]

تسلمون على الردود اللي تشرح الصدر وانا خلاص باخليه على راحته نظرا لظروفه لكن اذا طول عن شهرين باشتكي عليه وباطلعه غصب وباقول حق القاضي ابي اسكن الفيلا

[مصراوية]

صحيح

من فرج عن مؤمن كربه من كرب الدنيا فرج الله عنه كربه من كرب الاخره



بس لو زاد عن الحد من حقك تاخد موقف
انما لو اتاخر فترات بسيطه استحمله

ماتعرفش الخير فين يمكن المستأجر ده محترم وفي حاله ومحافظ علي بيتك
ولو جاه واحد تاني يكون بتاع مشاكل ويبهدل البيت ويكون اوحش من ده

[..الاميرة..]

اخوي بارك الله فيك
لا يجوز بأن تقول او سوف تقوم بقطع الكهرباء عليهم ..
هذا اسره فيها اطفال ونساء وشيبان يعني مو من صفات المسلم والرجل العاااقل هذا التصرف ..
وكل الناس لها اظروفها مثل ما إنت تمر بظرف حالياً فصبر عليهم الله لا يهينك
وتفاااهم معاهم ليش الايجار يتأخر ؟؟
يمكن لا عرفت مشكلتهم تعذرهم .. واصبر عسى في الصبر فرج لك بإذن الله ..


وهذا المستأجر احسن من غيره على الأقل قاعد يدفع لك كل شهرين يعني إذا تسببت
لهذا المستأجر يمكن الله يبلشك بمستأجر مااايدفع كلش او وراه مشاااكل اومااايتأجر البيت
وانت بنفسك عندك إتزامات .. ومو محتاج تسكن البيت .. يعني اصبر وربك كريم ..

[bohilal191]

8 شهور مادفع وصارلي اربع شهور في المحاكم معاه معناتي مستمرة

[رحال]

اذا ماصار في قلوبنا رحمه وصارت الماده هي أهم شي عندنا ...... هنا يتضح أخلاقنا الحقيقه وكذب ماندعيه من طيبة و شهمه ونخوه

عند الامتحان تظهر معادن الرجال (ولا كلا لبس ثوب وكشخ كوبرا ومن داخل يهودي يعبدالريال)

الله يرحمنا برحمته ويوفق صاحب الفلا والمستأجرين

أنت لا تعلم بظروف صاحب الفيلا يمكن الديون تطارده

والمستأجر 8 شهور لم يقم بدفع الأجار !!!

[اّل ثاني 77]

شوف اخوي أكيد أنت اتعرف احواله إذا كان معذور فعلا وعنده ظروف اصبر عليه مهما كان لانه محتد مسكين
اما إذا كان مقتدر ويماطل لسبب او لاخر اطرده ولا عليك من حــد

[غير عنهم]

ا(اطردهم) والله ماهو من شيئم العرب وهاذا مصطلح قاعد يتكرر في الاوانه الاخيره كله على شي فاني الله يرحم ايام اول يوم الواحد يشارك أهله السراء والضراء مادام الي ساكن البيت عائيله قطريه الصبر وان اخوك زين وسايسهم قدر المستطاع

[قلب شاعر]

شوف اخوي محد يعرف ظروف المستأجريين الا المستأجر اللي مثلهم ... والمشكله ان الأيجارات غاليه انا ...مستأجر فله ارضيه ... كبيره ... والحمد لله وصاحب الفله جزاه الله الف خير ... جاني وكان حاب يزود الأجار .... وشاف ظروفي وقدرها ,,, مع انه محتاج وقاعد يبني بيت له ويدفع دم قلبه فيه ... بس سبحان الله لأنه سوى خير الله وفقه في بيته الثاني وبعد اجره وكل بيوته مأجرها بسعر خيالي ...اعني سعر وايد نازل ...مقارنه بغيرها ....يعني صدقني اللي يسوي خير الله يرحمه دنيا واخره وراح يفتها في وجهك من ناحيه ثانيه اولاد صحتهم زينه او في الحياه السعيده وراحت البال او ... كم واحد في قطر يسوى اللي يسويه ...والله يعطيه اجرها في صحته وصحه اعياله يارب العالميين ...أرحموا من في الأرض يرحمكم من في السماء ...

البركه في القليل ... راح يرزقك من حيث لا تدري ... بس صفي النيه وقول بخليها لوجه الله عزجل واصبر وشوف الرزق والبركه بأذن رب العالميين

[ولد شرق]

اخوي يسّر عليكهم بدون شك والله في عون العبد ماكان العبد في عون اخيه
لكن اعتب على الاخوان اللي يقروون بسرعه بسرعه ولا يقرون اللي بين السطو او انهم يقرون ولا يعرفون معنى الكلام
الاخ اللي حاط الموضوع ماقال انهم يدفعون متأخر علشان الردود تكون ... الاخ يقول مايدفعون شهرين وشهر يدفعون...
انا مع اللي محتاج لكن يتاكد اولا انهم محتاجين وبعدين الاخ ماخذ البيت وحاط على نفسه اديون يوم انه سمع ان بيته بينهد... ماخذه علشان يستر على نفسه واسرته مهب علشان يأجر بلاش وهو يتحمل ويدفع من جيبه...

[فـــــواز]

أخوووي بيض الله وجهك على كل حال انت ان شاء الله من انت بقصر جعل عمرك طويل

لكن الله يهدي الشباب ان شاء الله والله العظيم اني ما صدقت صراحه واحد يقول اقطع الكهرباء عنهم والاخر يقول اطردهم قسم بالله قسم ان الواحد يتقطع كبده واقول اسين عليهم ايذى هذولاء اقطريين مهيب عاداتنا الي احنا خابرينها

يالربع ترظوون انكم تشوفون عايله بزرانهم وشيبانهم واهلهم برا في ذا الحر ما عندهم بيت

واحنا الي ربي منعم علينا اذا طفت علينا الكهرباء الظهر كل واحد في ذا البيت نفسيته تعبانه ولا يقعد في البيت دقيقه وحده يشوف احد يقعد عندهم

يالربع ارحمو من في الارض يرحمكم من في السماء ابيغكم بس تفهمون الايه عدل صدقوني كلنا محتاجين الرحمة من الله ما حد منى غني من رحمة ربه

واذا ما دفع يعني على شهر ولا شهرين ولا ان شاء الله اكثر بطفي الكهرباء والا بطرده لا قسم بالله ما سويها ولو بقطع رقبتي بروح له واقوله وافهمه واعرف وش اوضاع الرجال يمكن احواله احوال ما يعلم به الا الله
بس ان الي فهمته ان عليه ديون يعني الرجال مهم ناقص محاكم ولعوزه يعني مافي يده شي يعني احواله تعبانه

وصدقني لو في يده شي كان اول باول يعطيك حقك

صح اني بزعل اذا ما دفع لكن نظرة الى ميسره وان اخوك والله العظيم انك تلقى اجر بالدنيا والاخره ويتفرج عليك ابواب لك واالاهلك ابواب كانت مسكره من الرزق

اخووي الدوحه بيض الله وجهك
والله يربي يرزقك من كل خير والله يعطيك الصحه والعافيه

[bohilal191]

الصبر له حدود والفيلا مب بلاش محصلها وانا قلت له اول ماأجرت عليه ترى الايجار 14000 قال اوكي راضي يعني عنده امكانية لو ماعنده كان على الاقل قالي نزل شوي وبعد في شي ثاني يقولي براحتك تبي تجي تاخذ الايجار من عندنا ولا تروح البنك تصرف الشيك براحتك ويوم رحت البنك التوقيع غير مطابق للتوقيع اللي على الشيك وازيدكم بعد اللي مأجر الفيلا عليه قضايا في المحاكم ويوم رفعت عليه قضية قالولي هاي معروف يعني كل هاي وماتبوني اطلعه شذنبي اذا هو مايقدر وشلي اجبره يأجر وهو عارف كم على العموم ماقصرتوا

[حبر سري]

اخوي الدوحة
تدري شنهي المشكلة في المنتدى؟؟؟ المثالية اللي في بعض الاحيان والله الواحد يحس انه تصنع
ياجماعة , صدقوني لو كنتوا مكانه والله يمكن كان لكم تصرف ثاني غير اللي قاعدين تنصحون الاخ فيه

يعني اوكيه اللي ساكن عنده اسرة , وهو قطري
طيب اللي امأجر يعني ماعنده اسرة؟؟؟ مايستاهل الا انه يصبر وبس؟؟
الكل قاعد يقول اجرك عند الله, وانا اقول والنعم بالله , ماقلنا شي , بس من اللي بيدفع له التزاماته؟؟؟ انتوا؟؟؟ احنا محنا نافعينه بريال واحد
خلونا نكون صريحين
وبصراحة اللي ساكن الفيلا مايستحي على وجهه , ويستاهل اي اجراء يتخذ في حقه
العقد شريعة المتعاقدين , ورب العالمين يقول قبل كل شي ( ياايها الذين امنوا اوفوا بالعقود) , وهذا مااوفى

وانا ادري لما اقول هالكلام بيطب لي مثالي وبيقول ياخي ماتعرف التزاماته وظروفه

طيب اللي امأجر الفيلا , يعني صاحب الفيلا ماعنده التزامات وظروف؟؟

اخوي صاحب الفيلا , حاول تتفاهم وياه اول شي , اذا مانفع , هدده فعلا بانك راح تقطع الكهربا والماي وشوف امكانية عمل هالشي, واذا مانفع , في حلول اخرى منها انك اتودي ورقة للمحكمة انك ماعندك غير هالبيت وتبي تسكن فيه , وقتها اعتقد المحكمة بتأمر بالاخلاء , واذا مانفع , راسلني على الخاص وباذن الله مايصير خاطرك الا طيب

اخوك
حبر سري

[bohilal191]

اخوي حبر تفاهمت معاه مافي فايده وانا ماودي اسوي شي الا بالقانون الله يكون في العون انا سلمت امري لله وهو اللي بياخذ حقي وتسلم يالغالي

[قطري عصامي]

اخوي الدوحة
تدري شنهي المشكلة في المنتدى؟؟؟ المثالية اللي في بعض الاحيان والله الواحد يحس انه تصنع
ياجماعة , صدقوني لو كنتوا مكانه والله يمكن كان لكم تصرف ثاني غير اللي قاعدين تنصحون الاخ فيه

يعني اوكيه اللي ساكن عنده اسرة , وهو قطري
طيب اللي امأجر يعني ماعنده اسرة؟؟؟ مايستاهل الا انه يصبر وبس؟؟
الكل قاعد يقول اجرك عند الله, وانا اقول والنعم بالله , ماقلنا شي , بس من اللي بيدفع له التزاماته؟؟؟ انتوا؟؟؟ احنا محنا نافعينه بريال واحد
خلونا نكون صريحين
وبصراحة اللي ساكن الفيلا مايستحي على وجهه , ويستاهل اي اجراء يتخذ في حقه
العقد شريعة المتعاقدين , ورب العالمين يقول قبل كل شي ( ياايها الذين امنوا اوفوا بالعقود) , وهذا مااوفى

وانا ادري لما اقول هالكلام بيطب لي مثالي وبيقول ياخي ماتعرف التزاماته وظروفه

طيب اللي امأجر الفيلا , يعني صاحب الفيلا ماعنده التزامات وظروف؟؟

اخوي صاحب الفيلا , حاول تتفاهم وياه اول شي , اذا مانفع , هدده فعلا بانك راح تقطع الكهربا والماي وشوف امكانية عمل هالشي, واذا مانفع , في حلول اخرى منها انك اتودي ورقة للمحكمة انك ماعندك غير هالبيت وتبي تسكن فيه , وقتها اعتقد المحكمة بتأمر بالاخلاء , واذا مانفع , راسلني على الخاص وباذن الله مايصير خاطرك الا طيب

اخوك
حبر سري

كلامك لا يعلى عليه


اخوي الدوحه ، هل معطيك شيكات؟؟

اذا شيكاته بدون رصيد، سحبه للعاصمه ولما يتحول للنيابه ويشوف الصج ، بيدفع

بالتوفيق

[bohilal191]

الامر في يد المحكمة الحين

[الدوحه 2007]

اخوي الدوحه الله يكون في عونك عليه

بس للاسف نلاحظ ان هذه الظاهرة الغربية

بدت منتشره و بكثره في مجتمعنا القطري في الوقت الحالي

والسبب

طبعا ارتفاع الايجارات

لو نفكر فيها شوي اخوي الدوحه

القطري مطلوب منه انه يوفر كل شيء لعائلته

البيت اجاره الشهري لا يقل عن 15 الف ريال قطري شهريا

السيارة اقساطها بحدود 2500 ريال

المصاريف الاخرى الله يعلم بها

طيب من وين يجيب المسكين كل هاي

خصوصا لو كانت عائلته كبيره

وما يقدر يقعد في ملحق في بيت اهله

انا ما ادافع عنه او عن غيره

من القطريين اللي صارو يضرون اهل بلادهم

بس والله حرام اللي قاعد يصير هذا

لازم فيه حل يا الربع

القطري الانسان الراقي بتعامله مع الغريب و القريب

وصل به الحال انه يتصرف باسلوب و منطق القوه

ناسي انه اللي مأجر منه بعد اقطري مثله ومحتاج بعد

حسافه والله

[bohilal191]

اخوي الدوحه الله يكون في عونك عليه

بس للاسف نلاحظ ان هذه الظاهرة الغربية

بدت منتشره و بكثره في مجتمعنا القطري في الوقت الحالي

والسبب

طبعا ارتفاع الايجارات

لو نفكر فيها شوي اخوي الدوحه

القطري مطلوب منه انه يوفر كل شيء لعائلته

البيت اجاره الشهري لا يقل عن 15 الف ريال قطري شهريا

السيارة اقساطها بحدود 2500 ريال

المصاريف الاخرى الله يعلم بها

طيب من وين يجيب المسكين كل هاي

خصوصا لو كانت عائلته كبيره

وما يقدر يقعد في ملحق في بيت اهله

انا ما ادافع عنه او عن غيره

من القطريين اللي صارو يضرون اهل بلادهم

بس والله حرام اللي قاعد يصير هذا

لازم فيه حل يا الربع

القطري الانسان الراقي بتعامله مع الغريب و القريب

وصل به الحال انه يتصرف باسلوب و منطق القوه

ناسي انه اللي مأجر منه بعد اقطري مثله ومحتاج بعد

حسافه والله

مع انه يدري بالايجار كم قيمته وراضي بهالقيمة،،،بس يوم وقف عن الدفع بحجة انه ماعنده
هذا اللي قهرني وخلاني ارفع عليه قضية وانا الحين استلمت البيت يعني الشق الاول من الحكم تنفذ وباقي الشق الثاني وهو دفع المتأخرات والله يعيني واللي ذابحني ان في الصيف مافي محاكم وقضيتي مؤجله لين شهر 10