:: معرض قطر الدولي الثامن عشر للكتاب ::

[ولد الغانم]

:: نبذه عن المعرض ::


المعرض تشارك فيه 20 دولة من مختلف أنحاء العالم و 706 داراً للنشر

كذلك هناك دور نشر تشارك لأول مرة بمعرض قطر الدولي الثامن عشر للكتاب


:: مكان المعرض ::


تم تجهيز قاعة المعارض الجديدة لإقامة الحدث الضخم الواقع أمام فندق الأنتركونتيننتال

بمنطقة الخليج الغربي


:: مدة المعرض ::


سينطلق المعرض في 28 نوفمبر 2007، ويتواصل حتى 8 ديسمبر 2007


:: الاستعدادات لهذا المعرض ::


وهذه السنة الاستعدادات كانت كبيرة وأن المشاركة ستكون قياسية مقارنة بالسنوات الماضية

كما ستصاحب المعرض فعاليات ثقافية متنوعة واستقبال ضيوف وشعراء سيقدمون أمسيات

شعرية ومحاضرات ومعرض للفنون التشكيلية وأمسية موسيقية.


:: التنظيم ::

لقد تم الحرص على توفير كافة الإمكانات والخبرات وتقديم كل ما هو جديد لظهور معرض الدوحة
الدولي الثامن عشر للكتاب في شكل مختلف من حيث التنظيم فقمنا بجمع ناشري كتب الأطفال
في مكان واحد وأيضا ناشري الكتب الأجنبية وشركات وناشري الحاسبات الألكترونية لسهولة
وصول زوار المعرض إلى ما يتطلعون إليه من كتب وأوعية معلومات لكافة فئات المجتمع.


:: الأسعار ::

ستكون الأسعار في متناول الجميع وهناك اتفاق مع الناشرين على نسبة خصم قيمتها 25%
وهو خصم حقيقي وليس وهمياً لأن الزملاء في إدارة المكتبات العامة على علم كامل بأسعار
الكتب الحقيقية من خلال مشاركاتهم في معارض الكتب العربية والعالمية./][/color


أرجوا ان تعم الفائدة لهذا المعرض على الجميع/

[قطري شايب]

جزاك الله خير ع التذكيييييييييييييييييييير

[BODYGUARD]

من بكره انا هناك ... بس لاحد يروح يصيدني هناك:eek2: .. بتلاقوني صوب كتب الرياضه :looking:

مشكور على التذكير

[دلة الرسلان]

احد عنده فكره اذا فيه ايام للنساء ؟؟

وشكرااا اخوي ولد الغانم

[Al-sa7er]

مشكور اخوي,

انا كمان من بكره هناك :yes:, خلاص يابودي اشوفك هناك:thumbup:

[M-OH-A-ME-D]

مشكور أخوي على الخبر

[@ دانتيل قطر @]

شكرا عالخبريه

[إنتعاش]

مدري يا اخوان اللي عنده فكره من وين اقدر اشتري دليل المعرض للاطلاع قبل الذهاب له ..


ياريت احد يفيدنا جزاكم الله كل خير

[BURBERRY]

يعطيك العافيه يا ولد الاجواد

و ان شاء الله ازور المعرض و اشتري بعض الكتب الي في بالي

[BURBERRY]

مدري يا اخوان اللي عنده فكره من وين اقدر اشتري دليل المعرض للاطلاع قبل الذهاب له ..


ياريت احد يفيدنا جزاكم الله كل خير

اخوي انتعاش ..

دليل المعرض موجود في دار الكتب القطريه بسعر 10 ريال

[alanood]

شكرا لك اخوي

ياريت الناس تشتري على قدر قرائتها للكتب لان كثير ممن اعرفهم يشترون كميّه كل عام و لازالت باقيه

[miss-qatr]

مشكووووووور ياخوي على هالخبر لاني ماادريت الا منك الحين:thumbup1:



وياليت اذا حد ينصحنا بكتب معينه !!!!!

[ولد الغانم]

مشكورين على متابعتكم الرائعه


يالله نشوفكم هنااااك

[كلاسيك للبيع]

مشكووووووور ياخوي على هالخبر لاني ماادريت الا منك الحين:thumbup1:



وياليت اذا حد ينصحنا بكتب معينه !!!!!


البداية والنهاية لابن كثير

[بن شطان]

امس رحت المعرض وبصراحة تنظيمه رائع والممرات واسعه وما تحس بأي زحمة بس المواقف كانت مشكلة يمكن عددها قليل او زوار المعرض وايد !!!!وبخصوص دليل المعرض والسيدي موجودين في المدخل الرئيسي للمعرض ,واحب انبهكم حق شغله مهمه جدا وهي اسعار الكتب فالمفروض تاخذ الاسعار من دليل المعرض (الدليل فيه اصدارات ( 2006-2007) او لجنة الاستعلام عن الكتب وهي موجوده في المدخل الرئيسي لان بعض الناشرين ما يتقيدون بالاسعار او يقولون الاسعار نزلت بالغلط في الدليل ,وفيه شغله ثانيه ان بعض الكتب لها طبعتين او ثلاث واسعارها مختلفه بسبب الطباعة وانا بصراحة اشوف المادة نفسها فاخذ الارخص,وموجود صراف الي في المدخل الرئيسي ,ولو شفتوا اي ملاحظات او مخالفات عليكم بمدير المعرض او اي شخص من الجنة المنظمة.

[غـالـيـه]

السلام عليكم

اليوم الله يسلمكم رحت المعرض
وبصراحة رووعه
والقاعه اروووع واايد فخمه
وعندي الدليل شريته من دار الكتب
واشرت على الكتب اللي ابيها

طبعا هذي اول طلعه .... اشوف الاوضاع... وشريت كم كتاب يعني شكلت من كل شي



ولي روحاااات ثانيه ان شاء الله

[شـــوق]

اليوم الصبح رحت المعرض،، كان للمكتبات المصرية واللبنانيه نصيب الأسد
للأسف الكتب اللي أبيها وكنت اتطلع لقرائتها ماحصلتها،،
لكن لما تدورون على الكتب بتحسون بالقصور الموجود

[دلوعه امها]

فيه يوم مخصص للنساء

[شيزكيك]

وانا اتفق معاكم ان القاعه روعه وكبيره والمواقف ما تكفي يعني احنا بركنا في البراحه وما حصلنا الدليل

وشرينا بس السي دي والله يجازي المسؤلين خير على الترتيب والصراحه شغل عدل مدل

[khaldoon]

جزاك الله خير على التوضيح انه المعرض مب في قاعة المعارض

كل الشكر ما قصرت

[بوحارب]

للتوضيح فقط

موقع المعرض عند

ملاهي علاء الدين

[ضناني الشوق]

ان شا ءالله اليوم ناويه اروح للمعرض ,,

واتمنى الاقي اللي ابيه من الكتب ,,

[الزاجل]

امممم

من قريت اكبر معرض للكتاب

وشفت مدح للقاعة من غير التطرق لنوعية الكتب

( طبعا كل هذا قريته في الجرايد الرسمية )

قلت تركنا المضمون ورحن صوب المجبوس ..

ما نقدر نستغنى عن قاعة راقية ومحترمة
فاللي يزور قاعة المعارض في دبي يتمنى يشوف مثلها في قطر ..


بس من سوء طالع معرض الكتاب ان المعرض كان باكورة
افتتاحات المعرض ..

كل اللي قريناه وشفناه وصف للمعرض دون ذكر
لنوعية الكتب وغيره وغيره وغيره ...
ليومنا هذا حتى المشاركين في المنتدى ركزوا على المعرض
( المبنى ) وما شفنا منهم ما يشجع على سرعة الذهاب
الا من عضو واحد نبهنا الى اختلاف الاسعار
والانتباه الى ان النسخة هي نفسها ولكن تختلف وقد طبعتها ..

على العموم
جزاه الله خير واحد من الربع
ياب لي سي دي المعرض..

راح اطلع عليه واوفيكم باخر التطورات ان شاءالله
ومن ثم اقرر اروح والا اوفر على نفسي المشوار ..

[ولد الغانم]

هلا الزاجل

كلامك صحيح المدح كله على القاعة الجديده

وانا اعرف ناس وايد راحوا المعرض بس علشان ايشوفون القاعه



تحياتي للجميع