المساعد الشخصي الرقمي

مشاهدة النسخة كاملة : برنامجكم ( شـريـنـا و بـعـنــا ) 10



إنتعاش
13-03-2005, 11:40 AM
هلا هلا بالجميع


جميع الاخوان والاخوات المساهمين والمضاربين الكرام


اهني اللي شروا اليوم وحصدوا شيئا جيدا من الربح

واقول لهم الله يوفقكم ويكتب لكم الخير والبركه


اليوم السووووووووق

اخضر وشيء طيب جاد

خضار معقول شوي

شركات كسبت

وشركات هبطت

لكن انت اليوم ؟


وين مكانك ؟


وشنو سويت ؟


من بيآخذ المايك يا اخوان ؟

قطري
13-03-2005, 11:45 AM
هلا اتعاش والله اليوم كان في فرص كثيره
يعني اشتر وانت مغمض واي شي :)
والحمد لله توفقنا...في النقل والتحويلية والوقود والكهرباء
طبعاً انا مضارب كل الي شريته اليوم بعته الى شي بسيط
وانتظر بكره اذا بداية السوق اتشجع دخلنا وخذنا نصيباً
واذا لا قدر الله احمر ننتظر فرصة ثانية
ارجو التوفيق للجميع

classic2004
13-03-2005, 11:45 AM
انا لين اللحين مدري ..انتظر المجموعة ترد علي عشان اشوف تنفذ الاوردر ولا لا

عموما حطيت اوردر شراء العقارية 182.6

فوق العشر مرات اتصل وما ردوا لين اللحين :(

قطر
13-03-2005, 11:45 AM
هلا بك انتعاش

المايك لي بعد اذنك

للاسف مااقدرت اكمل معاكم البرنامج المباشر

لكن هنا باذن الله بقول ايش صار

===========

اولا بوسعود:
شوف الظاهر حد من ملاك العامة للتأمين معانا
نفذ اللي قلته انا بس 11 سهم بدل 10 :)

المفروض يعطيني عمولتي

على العموم انا ماعندي ولا سهم في العامه ياليت والله

============

كلاسك

الله ايعينج على الدوام وايعينا كلنا

قطر مون ايش اوردراتج لايكون بيع؟؟

قطري الله ايعينك على المجموعه قلت لك من قبل يقهرون


انا اليوم قعدت اراقب من ابيعد

تحطمت في اول السوق من كثر اللمت داون

لكن عقب فرحت والله ايكمل فرحتي على خير

:)

من بعدي؟؟

قطر
13-03-2005, 11:48 AM
وقود مع مواشي والفحص
مولعين احمر بعد اغلاق السوق

على ماذا يدل؟

يدل على متوسط السعر اليوم اقل من متوسط السعر يوم الخميس

:)

لكن اخر صفقة اعلى من اخر صفقة يوم الخميس

فانا شخصيا مااشوف اللون الاحمر اشوف اخر صفقة

والسعر كان بين كم وكم

:)

الحزين
13-03-2005, 11:48 AM
السلام عليكم
بصراحة أنا غامرت وشريت كمية كبيرة من الأسهم يوم الخميس اللي طاف في كهرماء (بسعر 101.60) وفي التحويلية (بسعر 75.20) واليوم ارتفع سعر السهمين ، هل تنصحوني بأن أبيعهم أم انتظر كم يوم ؟

إنتعاش
13-03-2005, 11:48 AM
هلا هلا بكم

والله اليوم

بالنسبة لي

ونظرا لمبدأ الحيطه والحذر

والامن والآمان

والراحه والاطمئنان > > > يالله قول !!


توكلت على الله وحطيت كل الفائض الراجع من ناقلات الغاز


في ( الاسلاميه للتأمين )

وان شاءالله تشوفونها في العلالي :)

نوكيا
13-03-2005, 11:52 AM
انا شريت اليوم اليوم النقل البحري <=== اموت في السهم هذي
شريته على 181 بس كميه بسيطه بسبب السيوله مجمده في الصناعات
بداية السوق كان لمت داون وما وقدرت اشترية الا لين طلع سعره بسبة تأخير المجموعة
نشوف باجر وين بيوصل

boabdullah
13-03-2005, 11:52 AM
أخوي أنتعاش ,,,,,,,,,,,,,,,,,مراحب ,,,,,وأنا عن نفسي كنت ( متفرج) ماشريت ولابعت ,,,,,وكنت على ثقة برجوع السوق ألى وضع الأرتفاع ,,,,,,,,,وتوقعاتي بيواصل الأرتفاع هذا الأسبوع وخاصة بعد رجوع ملكة السوق ,,( الصناعات),,,قولوا آمين ,,,,,,,,,أخوكم بوعبدالله

ابوسعود
13-03-2005, 11:59 AM
يعطيك 100000000000عافيه اخوي قطر

كنت اتغشمر وياك

انا اليوم خذت العقاريه ...................لان بكره اخر يوم في التداول واعتقد مابيكون فيه عرض

والمتحده بس بعد سوال اهل العلم واجازو التعامل والله ماكنت مقتنع لخوفي من الحرام

ابعدنا وياكم عن الحرااااااااااااااام

قطر
13-03-2005, 12:10 PM
الحزين
اولا الله ايوفقك

بس ليش غامرت في هالشركتين
مع ان كان العرض فيهم يوم الخميس ايوضح ان اليوم بينزلون

ونزلوا اول السوق وارتفعوا

عموما الكهرباء جمعيتها قريبه

ولا احبذ الاحتفاظ بهذا السهم للمضاربة او استثمار قصير الاجل ... انما يفضل كاستثمار طويل الاجل جدا.


والتحويلية كذلك ....

===============
انتعاش
اللهم امين

:)
==============
نوكيا موفق
لكن ليش ماشريته يوم كان نازل يوم الخميس وشريته يوم ارتفع اليوم؟؟
===========
بوعبدالله مرحبا اخوي

يااخوفي بكره الناس اتنزل صناعات واتخليها تحت ويطيح السوق معاها

على العموم انا اتوقعها بكره 224 D:
============
ابوسعود مبروك عليك العقارية


والمتحده بعد ... وتقدر تسأل القسم الاسلامي عن حلالها وحرامها... وان شالله اتكون حلال
لان اذكر ان عليها زكاة

بس الله اعلم

نوكيا
13-03-2005, 12:20 PM
هلا اخوي قطر
يوم الخميس كنت شاك فيه متردد اشتري العرض كان فوق 100000 سهم فحولت للعقارية
لكن اليوم بعد نزوله الصبح أكثر من يوم الخميس كنت متأكد من أرتفاعه لأني شريته في السابق 150 وبعته على 201

قطر
13-03-2005, 12:48 PM
هلا نوكيا

والله ايبارك لك زود في صفقتك بالنسبة للنقل

والعقارية ممتاز شغلك فيها

خلك عليها :)

إنتعاش
13-03-2005, 12:48 PM
اخوي قطر

عاد ما علقت على الخطوه اللي اقدمت عليها انا اليوم ؟


ياريت اشوف رايك

قطر
13-03-2005, 12:55 PM
انتعاش
علقت عليها الله ايسلمك قلت اللهم امين

يعني استبشرت بدخولك فيها

انا بصراحه كنت افكر ابيعها خصوصا اليوم

او ببيع جزء منها وبتوجه الى شركة عمري ماخذت فيها وكنت اقول مستحيل لكن بعد ورود معلومات دقيقة عنها

:)

انتعاش ماخذها استثمار طويل الاجل ولا انا غلطان؟

إنتعاش
13-03-2005, 12:58 PM
هلا فيك اخوي

والله ياخوي يعتمد

لكن غالب الظن انها بتكون لأكثر من شهرين

ولكن ما قلت لنا انت

وشو هالشركه اللي عمرك ما شريت فيها و ناوي تشتري فيها ؟

قطر
13-03-2005, 01:03 PM
انتعاش شهرين بس ؟؟ خلك فيها ربها اتروح في زود


بالنسبة للشركة لايمكن التصريح بها لان المعلومات اللي عندي مثل ماقلت لك مش دقيقه انتظر ورود المعلومات الصحيحة واصلا المعلومات متداولة من قبل بس مافي شي اكيد

واذا انا قلتها واطلعت خطأ بتكون اشاعه :) عاد قوية هذي

بس لنا لقاء بكره وانشوف ايش هي ;)

قـطـريـه
13-03-2005, 01:10 PM
سلام :D اخضر

اليوم قلت اقلد انتعاش واسوي عمليه انتحاريه
قبل مايفتح السوق كلمت الوسيط وهو في السياره قلت له بيع لي الملاحه والنقل
واكتب امر بيع لبكره قبل الناس لكم سهم من صناعات

قال بشوف حال السوق وبرد عليج :mad:
والساعه 10 كلمته قال احتفظي في الاسهم
اليوم احضر
تعقدت كل ماجي ابيع قالو اخضر :(

وجعل ايمنا كلها اخضر,,,,,,,,,,

ودي اشتري الدوحه لتأمين بس وش رايكم فيها ,,,,,,

سلطان
13-03-2005, 01:11 PM
اخ قطر اتوقع ان الشركه الي تقصدها النقل بس مثل ما قلت الافضل الانتظار علشان

الواحد يتاكد وما تكون اشاعه

إنتعاش
13-03-2005, 01:18 PM
هلا فيكم

اخوي قطر

والله ياخوي شوف

انا طبعي تراني ملقوف واااااااجد

فيعني مابي اضغط عليك

بس حبيت اخمن واتوقع وانصح بنفس الوقت

اذا الشركه اللي حاطها في بالك هي المتحده والاشاعه اللي مادشت راسي

فيعني اقولك الله يوفقك لكن مو غلط تاخذ لك 2000 او 3000 سهم فيها بس تجربه


واختي قطريه الله يوفقج ان شاءالله

وبالنسبة لبيعج للاسهم اللي عندج

مادري يمكن الاخوان يفيدونج اكثر مني

لكن بالنسبة لسهم الدوحة للتأمين

اول شي اقول انه سهم ربوي

بدون ما ندش في تفاصيل الحلال والحرام لكن جرى التنبيه لذلك

وسهم التأمين ( أيا ً ) كانت الشركه المقصوده

من الإستحاله وجوده تحت الـ 100 ريال

وانا لو حد سألني عن سهم للتأمين بـ 70 ريال !!

باقول له . خذه وخله عندك

وشوف شهر 11 كم بيوصل

كانك راعي مدة تستاهل

والا على الاسبوع والاسبوعين ماعندي خلفيه كثيره اختي

ابوعلي اليافعي
13-03-2005, 01:47 PM
السلام عليكم اخواني ..انا اليوم كنت مستانس لسببين الاول اني شريت النقل على 175 والثاني ارتفاع المصرف والدولي الي شريتهم يوم الخميس ....هاه شرايك فكلامي اخوي قطر وانتعاش يوم اقولك انهم بيرتفعون انشالله لان عمري ماخسرت فيهم.. وابشركم انشالله قريب المصرف بيطوف الخمسميه....اخوي انتعاش كنت اتمنى تزيد حصتك فالمصرف او الدولي بدل الاسلاميه.هي ماعليها كلام لكن الي ورا المصرف يسنده ويخليه يعلي فوق ..عالعموم مبروك للجميع والي حصل اليوم فالسوق دليل على قوته ومتانته ورد على الي باعوا على ارتفاع ويبون يشترون باسعار غير منطقيه ويروجون هالكلام...






...

اللورد
13-03-2005, 01:51 PM
ياشباب اليوم شريت 5000 الوقود على الليمت داوون بسعر 129 ريال
وكانت مغامره مني :(


لكن لما أطلعت فوق الى 142


تأكدت ان مغامرتي ناجحة والحمدلله :D :D :D

المستثمر القطري
13-03-2005, 02:06 PM
انا والله اقول الحمدلله الي مابعت التحويله الاسبوع الي طاف على 75 و اليوم يوم شفته 71 بعد خليت املي بالله كبير و تفاجأت الساعه 11 بانه و صل تقريبا 78 والمواشي بعد الحمدلله ارتفعت و اما السلام فهو قصته قصه وانا انطر الاكتتاب عشان ازيد من كمية هذا السهم

بس مايندرى مت بيزيدون راس المال و متى بعقدون جمعيتهم الهموميه

الآفاق
13-03-2005, 02:44 PM
السلام عليكم ؟؟؟؟؟؟؟؟؟؟ عسى الله يرزقكم ويستر عليكم .................................................. ... انا عندي سؤال مهم وابغي اجابه ؟ ايش رايكم بالسلام ؟ وشلون توقعاتكم بالنسبه للسهم ؟ وكيفية الزياده والاكتتاب وتوزيع نسبتها ؟؟؟؟؟؟؟؟؟؟؟ مشكورين ...... والسؤال للجميع وخاصه المستثمر القطري

المستثمر القطري
13-03-2005, 02:50 PM
اخوي افاق

السهم في نظري ممتاز خاصه عقب ماتقدم الى وزارة الاقتصاد بخصوص زيادةر اس المال و بيكون الزيادة على ماعتقد 100% وبيكون قيمة اصدار السهم 5 ريالات

ومثل مانا متابع تحركات هالسهم اشوفه كل يوم في ارتفاع بس الفتره الي طافت كان متظعظع و في حالة عدم ثبات بس اليوم الحمدلله اشوفه سكر على 47 وانشالله بيرتفع اكثر لأنه سعره رخيص و بعض المستثمرين الاجانب الي مايملكون راس مال كبير يفكرون في هالشركات الي توها تثبت وجودها في السوق

هاي من وجهت نظري

وبالتوفيق

classic2004
13-03-2005, 03:03 PM
ما تنفذ لي الاوردر ..

يله خيرة ..

بس شكلي باغير من المجموعة :(

classic2004
13-03-2005, 03:06 PM
اخوي ابو علي اليافعي ..

شرايك افكر اشتري بالمصرف بس في اخر الاسبوع
تعتقد اوكي ؟؟

ومتى الجمعية العمومية لهم

الآفاق
13-03-2005, 03:12 PM
المستثمر القطري .................... مشكور وابغي رايك انا شريت التحويليه ب 85 ؟ وبعدها نزل المؤشر ثلاث ايام الى اليوم 71 ....................... بس الحمدالله طلع اليوم شويه ؟ شرايك والله ابتلشت

سلطان
13-03-2005, 03:14 PM
بالنسبه للسلام علاوة الاصدار 5 ريال + 10 ريال قيمة الاكتتاب يعني كل سهم راح يكون ب 15 ريال

ابوعلي اليافعي
13-03-2005, 03:18 PM
المصرف سهم ممتاز لجميع الحالات المضاربه او الاستثمار الطويل والمتوسط....من ناحيتي فهو افضل سهم ارتاح له لقوة مركزه المالي وقوة توزيعاته فالسنتين الاخيرتين..يعني احس اني حاط فلوسي فالمكان الصح..اما عن شراء السهم على اخر الاسبوع فهذا يعني بان السهم سيتعدى ال500ريال..فان كنت تريد الاستثمار الطويل او المتوسط فانصحك بالشراء خاصه وان البنك سيوزع 50%اسهم مجانيه وعين المستثمر السعودي عليه..اما للمضاربه فلا انصح بشراءه وانصح بشراء الاسهم الرخيصه الثمن لجدواها في المضاربه ..لم يتم الاعلان عن موعد الجمعيه العموميه والمتوقع لها نهاية الشهر الجاري

ابوعلي اليافعي
13-03-2005, 03:21 PM
اخوي المستثمر القطري الزياده فالسلام 80% وليست100% ..لزم التنبيه..وشكرا

classic2004
13-03-2005, 03:29 PM
خلاص عيل باكلم المجموعة الساعة 5 وباقولهم يحطون لي طلب

انا قلت اني باخليه لين اخر الاسبوع لاني ملاحظة ان الاسهم تنزل اسعارها نسبيا يوم الخميس

بس مدري عن البنوك لاني ولا مرة فكرت اشتري منهم

الحزين
13-03-2005, 05:36 PM
السلام عليكم ..
انا شريت كمية يوم الخميس اللي طاف من أسهم شركة كهرماء (بسعر 101.10) وشركة التحويلية (بسعر 75.60) واليوم اسهم الشركتين في تصاعد ، هل تنصحوني ان ابيعهم على طول ام أصبر شوي ؟
ولكم مني جزيل الشكر

قطر
13-03-2005, 10:32 PM
سلطان هلا بك
بس مش النقل

انتعاش صحيح كلامك لكن الخبر غير مؤكد كلش

ابو علي اليافعي انا قلت لك انتعاش لازم يعطيك من ارباحه لان وجهك خير عليه
:)
واستبشرت بدخولك

وان شالله انتعاش يكون وجهه خير علينا في الاسلامية للتأمين


ابوعلي اليافعي ............ :confused:

من وين جبت ان السلام 80% وليس 100%
القرار كان بعدد مايمتلك من اسهم.... ولم يحددوا نسبه معينه؟؟

ام لديك خبر اخر يختلف عما املك؟؟

ليتك اتفيدني

قطر
13-03-2005, 10:36 PM
كلاسك مااعتقد في نزول قوي بعد اليوم

بس ليتهم يفتحون الارتفاع 10% والله على الاقل انحس بحلاوة السوق


بالنسبة للاخ الحزين

افضل انك اتبيعهم اول مايرتفعون
واتحطهم في النقل او السلام .... لان العقارية مافي مجال لك فيها

او صناعات حتى لان العين عليها

واذا كان المبلغ كبير ليتك اتحطه في واحد من البنوك الاسلامية فلها ارتفاع قريب باذن الله

:)

هلا بك

Le7dan-Qatar
13-03-2005, 11:33 PM
والله انا اليوم ستاند باي


كنت بابيع المواشي بس جاني اتصال وقالي اصبر

يالله بنصبر شوراانا

وبنشوف السوق بكره انشالله

وبالتوفيق للجميع

قطر
13-03-2005, 11:55 PM
لحدان الحمدلله ماتهورت ومن صبر نال

وليش اتبيعها لك هدف ثاني ؟؟
اذا لا خل افلوسك في مواشي ... ولاتجمدها في الرصيد

مجرد نصيحه

قطر
14-03-2005, 12:00 AM
انتهت الحلقة اليوممع ساعة السندريلا ;)

حوار جميل

نتمنى لكم يوم اخضر غدا باذن الله

وفي الختام لايسعني الا ان اشكر كل من شاركنا في الفترة الصباحية واستديو بعنا وشرينا

سلام عليكم