إحتراق مبنى Spa بفندق الشرق بالدوحة

[youmax]

اليوم خذيت الاهل ورحنا نتعشى بفندق الشرق بالدوحة في مطعم sea food واحنا طالعين من المطعم شفنا كل موظفين Spa طالعين برع ودخنة سووودة تطلع من المبنى ولله الحمد وصلوا رجال المطافي والشرطة بسرعة وقدروا يسيطرون على الوضع وطفوا اضواء الفندق بالكامل والحمدلله لا يوجد مصابين من هالحريق,وحاولت اني اصور بعض الصور ولكن رجال الشرطة منعوا الناس من التصوير.
اللهم احفظ هالبلاد واميرها بومشعل وشعبها من كل سوء ومكروووه... اللهم امين

[GS5]

امين امين امين

[lule]

انا امس الساعة 10 صوب الكورنيش واشوف سيارات الدفاع المدني رايحة ذاك الصوب وكنت اقول الله يستر مايندري وين الحريقة ..

[alanood]

لااا حول ولا قوة الا بالله
رحت للسبا من قبل كذا مره وجرّبته
كان رووعه و وقفت فتره والله من كم يوم قلت بعوّد اجيه سبحان الله بس يطري الشي فبالي يخترب:(
اظنّه احترق لان اسعاره كانت ناار هي اللي شبّت الحريق
الحمدلله تمت السيطرة عالاوضاع
شكرا لك عالنقل اخوي

[ذوق]

الحمدالله الي ستر..

عجبتني العنود (( يمكن الأسعار ضو عشان جذي أحترق لووووووول ))

[Mishaal]

الظاهر دش واحد متخرع أول مره يشوف هالمستوى .. عطاهم بعين واحترق المكان ..

العين حق يا جماعة لووول

[إنتعاش]

لا حول ولا قوة الا بالله ..

مع ان جميع من ذهب إليه يقول افضل نادي صحي في قطر