الكويت الشقيقة : زيادة رواتب الكويتيين 50%... مبروك

[عبدالله العذبة]

وسط توقعات باتخاذ بقية دول الخليج خطوات مماثلة .. أمير الكويت يقر زيادة رواتب جميع موظفي الدولة

خاص ( الوئام ) الرياض : أعلنت الكويت على لسان وزير التجارة والصناعة الكويتي المهندس فلاح بن فهد الهاجري أنه تقرر زيادة رواتب جميع موظفي الدولة اعتباراً من الـ25 من فبراير المقبل .

وقال الهاجري أن أمير الدولة قد تعمد هذا التاريخ تحديداً حتى يكون متوافقاً مع العيد الوطني للدولة . لتكتمل فرحة الشعب بالمناسبتين .

وتوقعت مصادر أن تكون الزيادة في حدود 40 ألى 50 % .

وكانت دولة الإمارات قد اتخذت اجراءاً مماثلاً حيث زادت في رواتب موظفيها بمعدل الـ 70 بالمئة كأول دولة خليجية تقوم بهذا الإجراء بعد أن شهدت دول الخليج تضخماً اقتصادياً كبيراً كان له اثر في زيادة أسعار السلع الاستهلاكية بشكل كبير ادى الى اتخاذ مثل هذا الاجراء وسط توقعات برفع الرواتب في بقية دول الخليج.

[Index Signal]

يستاهلون أهلنا و الفال لكل شعب الخليج..

[سهم طايش]

يستاهلون اهل الكويت

شسالفة زيادة الرواتب في الخليج

الفال للسعوديين الدول اللي حواليهم تزيد في الرواتب و هم مكانك سر

[الدبلوماسي]

^^^^^^^^
الاشاعات كثرت بخصوص زيادة رواتب قطر ،، ناس قالوا 200 % وناس قالت 50% والله كريم .. ننتظر ونشوف
ومافي دخان من غير ناااااااااااااار

[ورقــة أمــل]

بالمبارررك ويستاهلووون

[الخيميائي]

يستاهلون اهل الكويت 100% بعد :p

[السهم الكلاسيكي]

مبرووووووووووووووووووك

ويستاهلون اهل الكويت

[شقردي]

يستاهلون اهل اكويت والخليج كل الزياده بس يليت ينزل قانون في مراقبة الاسعار

زياده في الراتب ارتفاع 100% في الاسعار مستفدني شي

تحياتي

[hamoor4ever]

يستاهلون والله ، مب احنا قاعدين ع الاشاعات الا زادو الا بيسددون القروض صار لنا سنه واحنا مكانك سر ، او الزيادات حق ناس وناس لا

الفال لنا ولو اني اني استبعد ان احنا انشوف شي ، بس تفائلو بالخير تجدووه

[مساهمة]

ترى هالكلام اشاعه مثل الاشاعات اللي عندنا
انا سئلت صديقاتي الكويتيات وقالوا ماعندهم اي زياده
وحالهم من حالنا ينطرون العيد الوطني عشان تييهم الزياده اللي ناطرينهاا بس ماتحددت النسبه

يعطيك العافيه اخووي على الموضوع

[مضارب دوسري]

يستاهلوووووووووووووون والله كل دول الخليج
وانا اقولكم خلونا ننتظر قطر فالعيد الوطني للبلاد ان شاء الله

[كينيا]

على بال مايجي العيد الوطني ولا كرتون البيض بـــ 40 ريال مع اشاعات زيادة الرواتب
قال 200%قااااال اسكتوا بس لايصير بــ 80

[ابوسعود]

مبروك عليهم الزياده

والله يستر من التجار بعد سماع

الخبر

[حد اعلى]

الكلام غير صحيح

ماكو شي بخصوص الزياده

الامير وعدنا بشهر فبراير بزيادة الرواتب بس ماحدد النسبه كم

اذا اقل من 50% ماسوينا شي الاسعار كل يوم بارتفاع اذا بنواكب اللاسعار لازم 100%

الحمدلله ع كل حال

[ناصر العمادي]

يستاهلون اخوانا الكويتيين ...

الله يوفقهم ويسعدهم ويرزقهم من حيث لا يحتسبون

يعطيك العافيه على الخبر

تحياتي وتقديري لك

الله يوفقك ويرزقك ويسعدك ان شاء الله

[عهد]

هناك زيادة بالكويت في شهر فبراير صحيح حسب ما وعد الامير الشيخ صباح الله يطول بعمره ولكن لم تحدد النسبة بعد والفال لاهلنا واخواننا بقطر

والله يرزق الجميع

[إنتعاش]

يستاهلون اهل الكويت ..

واعتقد ان الامور فرطت من ايدي الحكومات الخليجيه في التحكم في اسعار السلع الاستهلاكية والعقارات
والتضخم اللي حاصل

والله يعين