سؤال بخصوص مخالفة مرورية بسيارة صديق

[إنتعاش]

السلام عليكم

الاخوان الكرام ياريت لو احد له فكره او اطلاع يفيدني

في هذه المسألة :


شخص يقود سيارة بإسم صديقه
وسرعة الشارع 80 كيلو
وصاده الرادار وهو يمشي تقريبا 90 او 85 ..


الان طبعا المخالفه على صاحب السياره بتكون ( الفلوس + النقاط )


هل يستطيع الشخص الذهاب للمرور وان يدفع قيمتها بدلا ً من صاحب السياره
ويحول النقاط بإسمه بدلا ً من اسم صاحب السياره ؟

- من غير ان يعلم صاحب السياره اي شيء عن الموضوع -


اتمنى منكم الافاده وشكرا لكم

[هسلان]

المرور يبون السائق علشان النقاط وليس السيارة
يعني يودي ليسنه ورقم السيارة ويسجل المخالفة عليه ويدفعها

[وطن]

Yes

يقدر يسويها

بس اخوي الرادار ما بيصيده على 85 - 90
المفروض يصيده على 91

:)

[sulai6i]

السلام عليكم ..

اذا ان صاحب السيارة مشترك في خدمة مطراش
اكيد بيدري بالموضوع من المسج اللي بيرسلونه له من مطراش

[qtrgirl]

المرور يبون السائق علشان النقاط وليس السيارة
يعني يودي ليسنه ورقم السيارة ويسجل المخالفة عليه ويدفعها

اسمح لي اخوي المرور ما يهمه من يجي السايق او صاحب السياره المهم عنده تندفع الفلوس


قبل اقدر اقولك اي يهمه المرور السايق او صاحب السياره لكن ااحين نووووو ما يهمه غير الدفع

وموضوع النقاط ذر في العيون

[khalid1975]

اخوي انتعاش ...

نفس المسألة صارت مع الوالد ..
فالوالد الله يجزاه الخير ... صاده الرادر ... والسياره بأسمه ..
فقام اخوي وراح المرور لاجل يدفع ... وعلى ظنه انه النقاط بتسجل على الوالد ..
لكن .............

اللي صار انه اخوي دفع وانحسبت عليه النقاط ...
يعني اللي يدفع ويقدم رخصه السواقه هو اللي بتسجل عليه النقاط!!!


ولك كل التحيه

[هسلان]

اسمح لي اخوي المرور ما يهمه من يجي السايق او صاحب السياره المهم عنده تندفع الفلوس


قبل اقدر اقولك اي يهمه المرور السايق او صاحب السياره لكن ااحين نووووو ما يهمه غير الدفع

وموضوع النقاط ذر في العيون
طيب ما عرفنا النقاط بحسب على من

[qtrgirl]

طيب ما عرفنا النقاط بحسب على من

على اللي يدفع ان ما قدم الدليل على انه مب السايق وقتها

يعني بدفع وبتسجل عليه النقاط يعني موت وخراب ديار

لكن اللي صاده الرادار يستحق المخالفه

[سهم المراقيب]

السلام عليكم ,, انا شخصياً رحت يوم الأربعاء الي فات لمركز مدينة خليفه ودفعت مخالفتين رادار (سياره بإسمي والثانيه بإسم الوالد) ,, 8 نقاط

اللي تحتاجهم كالتالي:

1- صوره من رخصة السواقه (صورها وخلها جاهزه في مخباك)
2- رقم السياره المخالفه
3- التوقيع على نموذج كي يتم احتساب النقاط على الشخص المخالف ,,

يعني تقدر تروح وتخلص امورك,, مافي داعي يحضر صاحب السياره,,

[ابوسعود]

السلام عليكم ,, انا شخصياً رحت يوم الأربعاء الي فات لمركز مدينة خليفه ودفعت مخالفتين رادار (سياره بإسمي والثانيه بإسم الوالد) ,, 8 نقاط

اللي تحتاجهم كالتالي:

1- صوره من رخصة السواقه (صورها وخلها جاهزه في مخباك)
2- رقم السياره المخالفه
3- التوقيع على نموذج كي يتم احتساب النقاط على الشخص المخالف ,,

يعني تقدر تروح وتخلص امورك,, مافي داعي يحضر صاحب السياره,,


اخوووي دفع المخالفات مافيها اي مشكله عادي
ولكـــــــــــــن تحويل النقاط من شخص لشخص
مادري :this::this::this::this:

[سهم المراقيب]

اخوووي دفع المخالفات مافيها اي مشكله عادي
ولكـــــــــــــن تحويل النقاط من شخص لشخص
مادري :this::this::this::this:

اخوي احدى المخالفتين على سيارة الوالد وانا اللي كنت أسوق ,,
ورحت ودفعتها وحسبوها علي ,,

الحين اسوق بسرعه 40 ,, اخاف عالليسن ,,

[..الاميرة..]

عدل كلام اخوي سهم المراقيب

حتى الوالد اخذ سيارتي وتمت مخالفته راح المرور وقال انا كنت سائق السياره والسياره
بإسم بنتي وابي ادفع المخالفه ودفع المخالفة وتم احتساب النقاط على الوالد ..


ولكن في حال شخص استخدم سيارت صديقه وتمت مخالفته ولم يذهب للمرور
بالاعتراف بأنه هو الذي ارتكب المخالفه .. المرور بدورها تقوم بحتساب النقاط على
صاحب السياره لأن الطرف الاول لم يدلي بشاهدته بأنه مرتكب المخالفه ..

يعني لحد يعطي سيارته لصديقه .. :unsure:

[AL_MUTAEM]

بصراحه اللي اشوفه اي واحد يتخالف من قبل المرور يروح يدفع المخالفه وتكون معاه صورة رخصة السايق او اي واحد شغال عنده ويقول لهم ان تحتسب النقاط على صاحب الرخصه ..


انا من كم يوم دفعت وعطيتهم رخصة السايق ومافيه اي نوع من التاخير ..
اهم شي عندهم تحصيل المخالفه ماديا لا نقاطا ..

*_*

[عطر فرنسي]

اول شيئ صورة من البطاقه الشخصيه

واذا مب سيارتك عادي تروح وتدفع المخالفه وينسحب النقاط مب من صاحب السياره من الي دفع

[hussam_kh]

والله القانون الجديد رباني
خلاني ما زيد عن ال80

[إنتعاش]

الحمدلله اشوا


توني الحين متصل على المرور ..

على الرقم 4890666 وطلبت قسم الرادار ..

وجاوبوني قالو عليك 600 ريال وبس
ما عليك نقاط ..

ياجماعه اكيد ؟
قالو لي : اي اكيد بس تدفع الفلوس بأي مكان وخلاص ..


اشوووووووووووا


ريحوني الله يريحهم

[الداهية]

الحمدلله اشوا


توني الحين متصل على المرور ..

على الرقم 4890666 وطلبت قسم الرادار ..

وجاوبوني قالو عليك 600 ريال وبس
ما عليك نقاط ..

ياجماعه اكيد ؟
قالو لي : اي اكيد بس تدفع الفلوس بأي مكان وخلاص ..


اشوووووووووووا


ريحوني الله يريحهم

يعني انهم الغوا قانون النقاط

[إنتعاش]

لا اخوي

ما الغوا النقاط ..


لكن مثلا السرعه بالشارع 80
وانت ماشي 90 او 88 تعتبر فلوس فقط من غير نقاط ..

اعتقد النقاط تنحسب من مثلا 100 وفوق

يعني من 20 كيلو سرعه زايده وفوق عن السرعة القانونية