هذا سيفوووه وهذي خلاجينه

[almaf1a]

سوق فاشل مايضارب فيه الا الي يمشي على السبحانيه
لا تشوف تحليل ولا تشوف عدد صفقات ولا اخبار الشركات
اشتر اي شئ واذا ضبطت معاك كان بها واذا ما ضبطت عليك بالعوض
لا تعشم نفسك انك تربح من ورى هل السوق
مابي اقول ان شعور اي مضارب في السوق شعور لاعب القمار
فلعبت الروليت تثبت على ارقام معينه واذا ضربت معاك ربحت واذا ماضربت راحت عليك
لحد يقولي تشبهنا بالقميره ومادري وشو انا ضربت مثال لا غير
ولا تقولون لي مايصير هل المثال لاني ماحصلت شئ اقرب من حال المضارب الا هذا الشئ

[مضاربه]

والله انك صادق

[الموالي]

هونها وتهون والأمور كلها بخير إن شاااااااااااء الله ولكن عليك بالصبر فالصبر جميل وهو مفتاح الفرج , أزال الله همنا وهمك وأزال عنا وعنكم كل الغموم والهموم إنه على كل شيءِ قدير.:victory:

أخوك الموالي يتمنى لك كل التوفيق......

[كلمة مرور]

ليش وش اللي صاير..........السوق عادي ومافيه شي وطبيعي...........اذا شريت انت من غير تحليل للسهم وماتعرف متى تشتري وتبيع هاي مشكلتك انت وش دخل السوق......سوقنا روعه ولافيه مثله

[شـمال قطر]

اخوي مافيا اتمنى ان يكون لك موضوع واحد ايجابي في المنتدى ترى لحروف الي انت تكتبها محاسب عليها دنيا واخره واذا هذي نظرتك في السوق احتفظ فيها لنفسك لان المستثمرين مب ناقصين تشائم منك أما بخصوص موضوع تشبيهك للبورصه بلقمار فهذي كلمه كبيره واااااااااااااااايد أتمنى انك تسحبها لأن السوق الي انت تشبهه بلقمار هو رزق ((اعيال حلال وايد)) و ((أقتصاد دوله)).

هذا رأيي بمشاركتك سواء تقبلته أو رفضته ونصيحتي لك (( اذا كان الكلام من فضه فالسكوت من ذهب))

[PoBox]

:looking::looking::looking:

[عتيج الصوف]

من لايتحمل الانخفاض لايجني ارباح الصعود

[عميد السوق]

اخواني السوق اليوم كان حفلة يعني حركة ونشاط وشموع وأفراح وأيضاً أحزان وهذا حال الدنيا

[almaf1a]

اخوي مافيا اتمنى ان يكون لك موضوع واحد ايجابي في المنتدى)

موضوع واحد ايجابي؟؟؟؟
انت شفت لي اي موضوع من قبل؟؟؟
استغرب ردك لان هذا اول موضوع لي ويعبر عن رايي


ترى لحروف الي انت تكتبها محاسب عليها دنيا واخره

ادري ومايحتاج تذكرني الله يرضى عليك


واذا هذي نظرتك في السوق احتفظ فيها لنفسك لان المستثمرين مب ناقصين تشائم منك

اظن اني ذكرت ان اتكلم عن المضاربين
ومالك حق انك تمنعي من قول الي في خاطري


أما بخصوص موضوع تشبيهك للبورصه بلقمار فهذي كلمه كبيره واااااااااااااااايد أتمنى انك تسحبها لأن السوق الي انت تشبهه بلقمار هو رزق ((اعيال حلال وايد)) و ((أقتصاد دوله)).


هذا الي توقعته انه بيصير بيطلعلي واحد وبيقولي هل الكلام وذكرت في موضوعي التعليق على هذا الرد فانا جهزت الدواء قبل الفلعه


هذا رأيي بمشاركتك سواء تقبلته أو رفضته ونصيحتي لك (( اذا كان الكلام من فضه فالسكوت من ذهب))

بصير احسن منك وبقولك هذا رايك وبحترمه
ومب قايلك مالك الحق انك تقول هذا الكلام مثل ماقلت لي

[الزاجل]

:looking::looking::looking:

يحق له
يقولون هبوط يطلع
يقولون نزول يطلع
يقولون تصريف يطلع

ومن وين لهم هالكلام
من قسم التحليل ..

لحد يقول لصاحب الموضوع ما اتعرف متى تدخل ومتى تطلع ..

كلامه صحيح
السوق ماله خص في التحليل الا اذا بغوه يمشي
مع التحليل ..سوق كل آنة من غير وجهة حق زقوم في بطن
اللي ياكلها وهو فرحان فيها ...

كلنا يخالجنا شعور بأن اللي يحصل قمار
لكن لما نربح ننسى ان مثل هالشعور يسيطر علينا حزة الخسارة ..

قمار للي يعتمدون اللعب على الناس
لكن اللي يتبع العرض والطلب وهو متوكل عى الله
ربنا يرزقه الرزق الحلال
ويعوضه خير في خسارته ..

[YAMA]

أخي المحترم
ماذا تتوقع؟؟
هل تتوقع أن تكسب دائما وتكون سكتك خضرا دايما؟؟
السوق مثل الحياة فيها ليل وفيها نهار وفيها حر وفيها برد وفيه امكسب وفيها خسارة؟؟
واذا كنت لاترى غير الليل فقط , فليست المشكلة في الليل ولكن المشكلة في الطريقة التي تنظر بها إلى الأمور.
كلنا جربنا الخسارة ولكن أكبر خسارة يخسرها الإنسان هي خسارة الأمل
فحاول ألا تخسر الأمل

[PoBox]

كلنا يخالجنا شعور بأن اللي يحصل قمار
لكن لما نربح ننسى ان مثل هالشعور يسيطر علينا حزة الخسارة ..

قمار للي يعتمدون اللعب على الناس
لكن اللي يتبع العرض والطلب وهو متوكل عى الله
ربنا يرزقه الرزق الحلال
ويعوضه خير في خسارته ..

اصفق لك على الكلام اللي بالاحمر

بس المشكلة اللي يخسر كثير هو المضارب اليومي
ما اقول ان اللي مايخسر فنان او او ا
لا بالعكس كلها توافيق من رب العالمين

لكن دامنا ندري ان السوق غدار وطريقته همجيه في الرفع والخفض
ليش ندخل كمضاربين
ولو ربحنا نسكت ولو خسرنا نبكي
( انا معاكم ما استثني نفسي )
لكن الغلط غلط

اللي بيريح راسه يتحول مستثمر ويختار صح
وماعليه لا من العرض ولا الطلب

اما اللي يرمي نفسه للقرش ويقول ليش عضني
يبيله :court:

:nop:

[الزاجل]

اصفق لك على الكلام اللي بالاحمر

بس المشكلة اللي يخسر كثير هو المضارب اليومي
ما اقول ان اللي مايخسر فنان او او ا
لا بالعكس كلها توافيق من رب العالمين

لكن دامنا ندري ان السوق غدار وطريقته همجيه في الرفع والخفض
ليش ندخل كمضاربين
ولو ربحنا نسكت ولو خسرنا نبكي
( انا معاكم ما استثني نفسي )
لكن الغلط غلط

اللي بيريح راسه يتحول مستثمر ويختار صح
وماعليه لا من العرض ولا الطلب

اما اللي يرمي نفسه للقرش ويقول ليش عضني
يبيله :court:

:nop:

اذا صفقت لي فيما مضى
بشد عليك فيما يلي ......> صار مرجع للمصطلحات سيد خم خم

صحيح
كمضارب لازم اتحمل شغل يدي
اما كستثمار لابد من متابعة ومراقبة السهم ...> توه مستوعب الدرس
من عقب سنتين قضاها في اعمال ضياع فليساته في المضاربة ..:tooth:

[بوعبدالله3]

سوق فاشل مايضارب فيه الا الي يمشي على السبحانيه
لا تشوف تحليل ولا تشوف عدد صفقات ولا اخبار الشركات
اشتر اي شئ واذا ضبطت معاك كان بها واذا ما ضبطت عليك بالعوض
لا تعشم نفسك انك تربح من ورى هل السوق
مابي اقول ان شعور اي مضارب في السوق شعور لاعب القمار
فلعبت الروليت تثبت على ارقام معينه واذا ضربت معاك ربحت واذا ماضربت راحت عليك
لحد يقولي تشبهنا بالقميره ومادري وشو انا ضربت مثال لا غير
ولا تقولون لي مايصير هل المثال لاني ماحصلت شئ اقرب من حال المضارب الا هذا الشئ

اخوي سيفوووووووووووه




اقصد مافيا :pilot: ( مسامحه )

صدقت ونا والله ايدك في كلامك حول المضاربه (قمااااار ) مب اكيد لكن شعور

دايما ينتابني واخاف اني ااكل هلي مال حرام

لكن اذا كنت مستثمر تشتريفي الهبوط باي سعر وتبيع في الارتفاع باي سعر
او تنتظر الارباح والعوائد اعتقد انه شي ثاني بس مب قمار نقدر نقول استثمار

تسلم يالغالي والله يوفقك ان شاء الله :thumbup: