مشورتكم ..بغيت أأثث البيت ومحتار ؟؟

[المطرقة]

الموضوع ومافيه يالربع عقب عيد الاضحى ان شاء الله بنتقل لبيت جديد انا وعيالي وبغيت اشتري ثلاجة وغسالة وفرن ( فرم ) والصراحة محتار شنهي الماركة الزينة .. والنوعية الطيبة اللي تدوووم

ياليت اللي عنده خبره ويعرف حق السوالف يشور علي .. ولحد يطري علي ماركة LG لاني اعرفها ولا راح افكر اشتري شي من اجهزتهم ..

بعد بغيت اخذ شاشة تلفزيون فلات مادري بلازما .. اللي اتعلق في الطوفة .. اللي عنده خبره بهالسوالف ياليت يقول لنا شنهي احلى ماركة .. والحجم كم بوصه .. ووين احصلها ؟؟

بعد بغيت ارتب شي حق المجلس .. ومحتار اشتري اطقم كنب والا افصل جلسات شعبية سواء الارضية والا اللي مرتفعه اشوي ..

اشرايكم انتوا ؟؟

ووين المحل اللي ممكن يفصل لي جلسات شعبية اللي مرتفعه .. وكم تكلفتها .. ؟؟

ونفس الشي لغرفة النوم .. وين احصل غرفة نوم عدله .. على فكرة مابي شي خشن يعني شي في حدود 5 الاف ريال .. 6 الاف مب مشكلة لكن اكثر نو ويييي لو اني شهريار ..

ملاحظة :

مابي شي خشن ويكون سعره مرتفع ولكن ابي شي تكون الاسعار فيه معقولة ومتوسطة ومعتبره .. لان البجدت ( مدري كتبتها صح والا لا بس اسمع وايد بوتركي يقولها ) في حدود 40 الف ريال ( وابي اوفر بعد .. اثر ابي احرر الموتر وافتك من قسط السيارة .. )

عرفتوا اشكثر انا محتار في هالمووضوع ؟؟؟

شكلي حيرتكم معاي .. لكن العشم فيكم ..وان شاء الله القى تجاوب مع هالموضوع ..

[المشط]

الاعضاء ان شاء لله مراح يقصرون معاك

بالنسبه حق


بغيت اخذ شاشة تلفزيون فلات مادري بلازما .. اللي اتعلق في الطوفة .. اللي عنده خبره بهالسوالف ياليت يقول لنا شنهي احلى ماركة .. والحجم كم بوصه .. ووين احصلها ؟؟

بالنسبه لي افضل سمسونج واسعاره متوسطه وفرعه قريب السنتر

[بوحارب]

مبروك مقدما على البيت الجديد

أخوي بالنسبة للأجهزة الألكترونية والكهربائية روح كارفور الي فالستي سنتر

بتلقى أنواع وأشكال وأسعارهم معقولة


والبنسبة لغرف النوم أذا على قولت تبي في حدود 5000 او 6000

روح الحراج عندهم غرف رووووعة وصناعة محلية يعني عاااادي

تقعد معاك عشر سنين بدون ما تتكسر


والبنسبة للجلسات الأرضية أنا أشوف تفصل الجلسة المرتفعة أبرك من الكراسي

بس أختار الخلق الزين واللون بتطلع أكشخ من الكراسي

وفيه محلات متخصصة في الجلسات صوب النجمة خلف الحراج

وأذا لقيت شي جديد بخبرك فيه بأذن الله

هذا والله أعلم

لو سمحت عمولتي غترة مقاس 56 :D:D


بالتوفيق أخوي بوخالد:)

[ورقــة أمــل]

اخوي الاجهزة الالكترونية عندك باناسونيك وفليبس وتوشيبا هالنوعية تعمر والتصليح احسن من الاماكن الثانيه لو اختربت..
وغرف النوم من سوق الحراج يعني ممكن تطول معاك او ممكن لا شوف النوعية الزينة ..او الشاهين ماتطول سنتين ثلاث بس..
والجلسات الشعبية تلقاهم في سوق الحراج والنجمة تفصيل..
واخوي نصيحة اخذ الاثاث من الحسا بيطلع لك بنص السعر وشي تمام وعندك محلات بوخمسين هناك..

[milan]

اخوي الف مبروووك على البيت الجديد
بالنسبه للثلاجه (باناسونيك)
الفرن(جليم غاز) جنرال
غساله بشكل عام Lg عندهم انواع اوتوماتيك حلوه:)
بالنسبه لشاشة تلفزيون بلازما شوف سامسونج او سوني
غرف النوم حاول تروح مفروشات نابكو وان شاءالله ماتحتار:)
بالنسبه للمجلس مالك الا الجلسه (شوف سوق النجاده )

وبالتوفيق ان شاءالله

[قناص قطر]

40،000 ريال

الله يعينك ما اعتقد تقدر تاخذ شيء عدل

اخوي هوم سنتر غرف النوم حلوه واسعارها حلوه وخشب ممتاز وعندهم تنزيلات

بخصوص الثلاجات الزينه عندك ماركه وايت وستن هاوس ممتازة

وعندك ثلاجات بناسونك ممتازة وعندهم تنزيلات

ابتعد عن مكيفات Lg الا اذا تبي بو طن ونص ممكن ،

الله يعينك اخوي انا مثلك بمراحل التأثيث

كل الاماكن مشتاقه لي من مصر الى السعودية الى الصين تشهد لي بزيارات

من كل قطر اغنية

[ضوى]

شوف اخوي بالنسبة للاجهزةالكهربائية روح باناسوينك حاليا تنزيلات والصراحة حلوة بضاعتهم تدوم وعمرها طويل سواء فرن والا غسالة والا ثلاجة ، وانصحك لا تاخذ غسالة فل اتوماتيك لانها تهري الثياب وايد خذ الغسالة العادية اللي تعبأ من اعلى وتعصر لاتاخذ نشافة

بالنسبة لغرف النوم في محل بالمنصورة يسوي غرف نوم رهيبة وخشب ما عليه كلام يعني ممكن الغرفة توصل لها 6000 ريال بالتصميم واللون اللي انت تبيه اعتقد اسمه لاس فيجاس الصراحة شغل وايد نظيف بشكل ما تتخيله روح وشوف بضاعته ونوعية الخشب
بالنسبة للمجلس فيه قصر اللولوة اللي بسوق الخميس الصراحة شفت جلسات اللي مرتفعة شئ بسيط عن الارض وايد حلوة واسعارها جدا معقولة ولو بغيت قماش راقي روح القميثي بالاحساء وجيب اقلماش من عنده وفصل عند هذا وبهذا راح توفر من 15 إلى 20 الف

هذا لك ما في جعبتي لك ياخوي واتمنى اني قدرت افيدك

[ورقــة أمــل]

نسيت اقول

الفرن من بانسونيك نوعية البا ايطالي تمام وعليه اقبااال بشكل كبير

انا رحت لهم في بداية رمضان لقيت هالنوعية مخلصة كلها

[Chambray]

شوف اخوي
مكيفات موتسبيشي هي الأولى هنا في قطر وبعدها التوشيبا
التلفزيونات عليك يا بسوني او سامسونغ ،، وابتعد عن شاشات البلازما ،، دائماً اختر Lcd فهي الاجود
غسالات السامسونغ والlg تمام ..

بخصوص فرش البيت انصحك تروح الصين وتجيب من اهناك ترى المسألة رخيصه

[sulai6i]

السلام عليكم ..

المانع عنده تنزيلات ..

ثلاجات وافران سيمنز جودتها عالية جدا ولكنها غالية

اخوي تحمل تشتري مكيفات سبيلت من سامسونج
انا توني ساكن وبيتي كله اخترب من هالمكيفات
اتخرر ماي من كل صوب

[خشوف]

أخوي تبي توفر روح الحسا واشتر الاثاث من هناك

اول شي رخاص واعلى سعر والخشب اندونسي روعه مايتكسر مثل هوم سنتر اغلى شي وب4000 وفي نفس السياره اشتر طقم الكنب 2200والستاير يابلاش بقطر 1800و2000 وهناك اغلى شي 600 اجر لك سياره تجيب لك الااغراض ب1000ريال كلهم لين قطر


نصحيه ابتغد عن الاثاث الصيني

[الواارد]

مبروك المنزل بنسبة للمكيفات اذا بتحسبها كل الانواع عليها ضمان للكمبروسر خمس سنوات خذ مكيفات وست بوينت:ok2: وفك عمرك مركبها صارلي اربع سنين ولا بعد النوع الصيني والبنوسونك معه في نفس الغرفة صاجني ولا يبرد واخير ا طق من الغسالات الاوتماتيك والثلاجة اخذ كووول. واسف على الااطاله

[الـدانـه]

اثات فيلا من الحراج والمنصوره وسوق الخميس والجمعه ؟؟؟


يقولكم بيأثث بيته مو ملحق الخدم لوووووووول


اخوي فيه محلات الاثاث المعروفه مثل نابكو والمفتاح ومحلات الاثاث بشارع سلوى


منهم The Gallery كلهم اسعارهم معقوله تناسب امكانياتك


منزل مبارك

[بودندن]

يا الطيب اول شي اشتر مكيفات جنرال وندز وسبليت للبيت شي مضممون على المدى الطويل
واجهزة التلفزيون وخذ الفلات الجديد من السام سونغ
والاثاث السجاد والجلسا الشعبية والكنب خذهم من الرياض او الدمام من المملكة العربية السعودية
واذا بقيت الاثاث عليك بالسوق الصيني من دبيوالله خوش شغل للبيت وفاخروكل هذه الاغراض تقريبا لا تكلفك ممبالغ كبيرة وهيه كلها ممتازة وجيدة

[ام حمودي]

اختي شكلج ما حتي الحراج تشوفين.. ترى مو كل شي في الحراج حراج
فيه اشياء طيبة و صناعة جيدة بعد بس الواحد يدور
انا اقدر افيدك اخوي بالغسالات و اجهزة المطبخ:)
الغسالة من تجربتي انصحك لا تروح الا كارفور .. سعر و تشكيلة واسعة و دورلك ماركة تحصل فيها ضمان اطول و انا غلى السعر لان هالجهاز من الاجهزة الحيوية تحتاج صيانة دورية و الخدم الله وكيلك ما يرتاحون اذا ما خربو شي..، في غسالة بنشافة ممتازة حجمها كبير لكن 100% بتجربة.
اما عن الفرن لا تاخذ فرن كهربا كله، خذ اللي عيونه غاز و كهربا مكس و الفرن تحت كهربا و اهم شي يكون واسع تحت حق الهامور و شغلات العزايم.
و بصراحة جربت ماركات متعددة الفرن ما يفرق الكواليتي فيه.

و مكان ثاني عندك المناعي لما يسوي تنزيلات تحصل صفقات ممتازة ،
بالنسبة للتلفزيون سمعت مرة ناس يتكلمون عن فيرجن في فيلاجيو يقولون اسعاره زينة بس انا ما رحت شفت.

و نصيحة عملية:
لا تاخذ كبت الملابس من هوم سنتر (الدولاب) الا اذا تبيه ديكور، و فصل كبت عرض و طول و ارفف و علاقات شكثر عند الحراج و حطه بغرفة الملابس افضل استخداما و سعرا.

انا اعتذر على الاطالة تستهويني هالسوالف.

[المطرقة]

الاعضاء ان شاء لله مراح يقصرون معاك

بالنسبه حق



بالنسبه لي افضل سمسونج واسعاره متوسطه وفرعه قريب السنتر

رحت امس على مساحة المجلس اللي عندي قالي تناسبك شاشه ام 46 بوصه قلت له كم قالي 9000 ريال وفيه 12 الف ريال :eek2:

قلت ماعندك ارخص قالي فيه ام 32 بوصه على 4000 ريال وعلى 6000 ريال بس ما تنفع اصغيره وايد ..

عموما شكلي بصرف نظر عنها لان تو متش صراحه

يعطيك العافيه اخوي

[المطرقة]

السلام عليكم ..

المانع عنده تنزيلات ..

ثلاجات وافران سيمنز جودتها عالية جدا ولكنها غالية

اخوي تحمل تشتري مكيفات سبيلت من سامسونج
انا توني ساكن وبيتي كله اخترب من هالمكيفات
اتخرر ماي من كل صوب


دمرتني الصراحه .. عموما البيت كله مكيفات سبيلت سامسونغ :eek3:

الله يستر :sorry:

[المطرقة]

مبروك مقدما على البيت الجديد

أخوي بالنسبة للأجهزة الألكترونية والكهربائية روح كارفور الي فالستي سنتر

بتلقى أنواع وأشكال وأسعارهم معقولة


والبنسبة لغرف النوم أذا على قولت تبي في حدود 5000 او 6000

روح الحراج عندهم غرف رووووعة وصناعة محلية يعني عاااادي

تقعد معاك عشر سنين بدون ما تتكسر


والبنسبة للجلسات الأرضية أنا أشوف تفصل الجلسة المرتفعة أبرك من الكراسي

بس أختار الخلق الزين واللون بتطلع أكشخ من الكراسي

وفيه محلات متخصصة في الجلسات صوب النجمة خلف الحراج

وأذا لقيت شي جديد بخبرك فيه بأذن الله

هذا والله أعلم

لو سمحت عمولتي غترة مقاس 56 :D:D


بالتوفيق أخوي بوخالد:)

الله يبارك بعمرك ..

وبخصوص كارفور اخبر عندهم اجهزة لكن تخاف تاخذ من عندهم يقولون تقليد

والحراج مريت عليهم الغرف اللي عندهم مب ذاك الزود

بشوف الليله هوم سنتر والا طريق سلوى يمكن احصل شي حلو ومرتب وسعره 5 الاف :tooth:

وبخصوص الجلسات هذا الي نويت عليه واشوف الجلسه احسن من الكنب


اما سالفة العمولة ماطلبت شي افا عليك توصلك بدال الغترة غترتين بس طرش لي رقمك

تسلم اخوي بوحارب وبالتوفيق للجميع

[المطرقة]

اخوي الاجهزة الالكترونية عندك باناسونيك وفليبس وتوشيبا هالنوعية تعمر والتصليح احسن من الاماكن الثانيه لو اختربت..
وغرف النوم من سوق الحراج يعني ممكن تطول معاك او ممكن لا شوف النوعية الزينة ..او الشاهين ماتطول سنتين ثلاث بس..
والجلسات الشعبية تلقاهم في سوق الحراج والنجمة تفصيل..
واخوي نصيحة اخذ الاثاث من الحسا بيطلع لك بنص السعر وشي تمام وعندك محلات بوخمسين هناك..


الله يجزاك خير اخوي ونصايحك باخذها في الاعتبار

اما سالفة السفر للحسا متردد والله لان الوقت ضيق وانا المفروض اطلع من البيت اللي انا فيه
عقب العيد مع ان واحد من الربع ملزم يخاويني ونروح سوى لان له كم شغله هناك ..

تحياتي لك

[المطرقة]

اخوي الف مبروووك على البيت الجديد
بالنسبه للثلاجه (باناسونيك)
الفرن(جليم غاز) جنرال
غساله بشكل عام Lg عندهم انواع اوتوماتيك حلوه:)
بالنسبه لشاشة تلفزيون بلازما شوف سامسونج او سوني
غرف النوم حاول تروح مفروشات نابكو وان شاءالله ماتحتار:)
بالنسبه للمجلس مالك الا الجلسه (شوف سوق النجاده )

وبالتوفيق ان شاءالله

بيض الله وجهك ماقصرت اخوي ميلان ..

الا ال جي لا تطري هالماركة علي .. مجربها لين قلت بس ..

الليله بمر سوق النجاده اشوف اللي عندهم ..

الا صحيح نابكو وين ذي لا يكون اللي على طريق المطار ؟؟

[المطرقة]

40،000 ريال

الله يعينك ما اعتقد تقدر تاخذ شيء عدل

اخوي هوم سنتر غرف النوم حلوه واسعارها حلوه وخشب ممتاز وعندهم تنزيلات

بخصوص الثلاجات الزينه عندك ماركه وايت وستن هاوس ممتازة

وعندك ثلاجات بناسونك ممتازة وعندهم تنزيلات

ابتعد عن مكيفات Lg الا اذا تبي بو طن ونص ممكن ،

الله يعينك اخوي انا مثلك بمراحل التأثيث

كل الاماكن مشتاقه لي من مصر الى السعودية الى الصين تشهد لي بزيارات

من كل قطر اغنية

الله يعين الجميع ..

و 40 الف انقزر فيها حبه حبه .. وعقب ان شاء الله اذا في شي زياده ناخذه ..

اللي مهون علي ان الارضيات سيراميك يعني مب مخسر وايد

وغير كذا المكيفات سبيلت وموجوده في البيت وراكبه ..

يعني كل اللي ابيه غرفة نوم وفرش المجلس وثلاجة وغسالة وفرن .. هذييلا لازم اشتريهم ..

وباقي الاشياء بقزر عمري لين ربك يفرجها .. اشوي اشوي مب مستعجل عليهم اهم شي الاساسيات ..

ومبروووك البيت الجديد عساه بيت عامر ويبارك لك فيه ويسعدك

تحياتي لك

[المطرقة]

شوف اخوي بالنسبة للاجهزةالكهربائية روح باناسوينك حاليا تنزيلات والصراحة حلوة بضاعتهم تدوم وعمرها طويل سواء فرن والا غسالة والا ثلاجة ، وانصحك لا تاخذ غسالة فل اتوماتيك لانها تهري الثياب وايد خذ الغسالة العادية اللي تعبأ من اعلى وتعصر لاتاخذ نشافة

بالنسبة لغرف النوم في محل بالمنصورة يسوي غرف نوم رهيبة وخشب ما عليه كلام يعني ممكن الغرفة توصل لها 6000 ريال بالتصميم واللون اللي انت تبيه اعتقد اسمه لاس فيجاس الصراحة شغل وايد نظيف بشكل ما تتخيله روح وشوف بضاعته ونوعية الخشب
بالنسبة للمجلس فيه قصر اللولوة اللي بسوق الخميس الصراحة شفت جلسات اللي مرتفعة شئ بسيط عن الارض وايد حلوة واسعارها جدا معقولة ولو بغيت قماش راقي روح القميثي بالاحساء وجيب اقلماش من عنده وفصل عند هذا وبهذا راح توفر من 15 إلى 20 الف

هذا لك ما في جعبتي لك ياخوي واتمنى اني قدرت افيدك

الله يجزاج خير ماقصرتي والله ..

خصوصا انتوا بالحريم خبره بسوالف الاجهزة لانكم تشتغلون عليها ..

بالنسبة للغسالة راح اخذ العاديه .. واللي من فوق

لان التماتيك يختربون بسرعه ومب حق كرف

اخبر في بيت الوالد غسالة جنرال من سنة جدي وليومج تشتغل واخر حلاوه ..

بس المشكلة ماعادوا يجيبون نفس هالنوعية ..

وبخصوص المحل ان شاء الله امر عليهم واشوف

يعطيج العافيه ما قصرتي ..

[المطرقة]

نسيت اقول

الفرن من بانسونيك نوعية البا ايطالي تمام وعليه اقبااال بشكل كبير

انا رحت لهم في بداية رمضان لقيت هالنوعية مخلصة كلها

واله يبيله خصوصا هالايام اشوف عندهم تنزيلات اللي صوب دوار التلفزيون

يعطيج العافيه

[بوحارب]

اما سالفة العمولة ماطلبت شي افا عليك توصلك بدال الغترة غترتين بس طرش لي رقمك

تسلم اخوي بوحارب وبالتوفيق للجميع


الله يسلمك أخوي بوخالد

وما تقصر يالحبيب

أتغشمر معاك ترا:D

بالتوفيق أخوي

[المطرقة]

شوف اخوي
مكيفات موتسبيشي هي الأولى هنا في قطر وبعدها التوشيبا
التلفزيونات عليك يا بسوني او سامسونغ ،، وابتعد عن شاشات البلازما ،، دائماً اختر Lcd فهي الاجود
غسالات السامسونغ والlg تمام ..

بخصوص فرش البيت انصحك تروح الصين وتجيب من اهناك ترى المسألة رخيصه

بالنسبة للمكيفات خلصت منهم سبيلت سامسونغ

وفعلا مكيفات المستبيشي لا يعلى عليهم صج غالين اشوي لكن بعد ضمان وشغل عدل

المكيف يوصل 3300 ريال

بالنسبة للشاشات رحت سامسونغ امس ولقيت عندهم بس غلايا ..

46 بوصه على 9 الاف ريال تووومتش :weeping:

اما سالفة السفر للصين الصراحه صعبه اشوي لكن الحمدلله البيت كله سراميك ..

لكن ما يمنع في اقرب وقت اسافر هناك واشوف اللي عندهم

تحياتي لك

[المطرقة]

الله يسلمك أخوي بوخالد

وما تقصر يالحبيب

أتغشمر معاك ترا:D

بالتوفيق أخوي

على راسي والله

وتراني جاد في الموضوع

الا اذا انت ولد عز وكله تلبس دنهل ومن هالماركات الزينه يبقى شي ثاني

:con2:

[بوحارب]

على راسي والله

وتراني جاد في الموضوع

الا اذا انت ولد عز وكله تلبس دنهل ومن هالماركات الزينه يبقى شي ثاني

:con2:

يسلم راسك

وأدري انك قدها

وأخوك تراه غلباااااااان:p

لا ولد عز ولا ما يحزنون

عندي غترة من العيد الفطر تمشي الحالomen

[مساهمة]

مبرووك عليك البيت اخووي والله يجعله عاامر بالافراح

اخووي بالنسبه لغرف النوم انصحك تفصلهم
طلع الموديلات من النت وروح نجمه صوب المناجر وشوف الشغل
انا سويت غرفتي ناعمه نفر ونص مع كومدينو وتسريحه وكبت صغيرون ب 2200
وكل من شافها تفاجأ انها تفصيل وطبعا مستحيل تلقه جاهز بهالسعر

واذا بغيت شغلات فخمه وكبيره بتلقه عند نابينا بس اسعارهم 9الاف وفوق

التلفزيون سامسونج اللي عند السنتر وطبعا اللي يحدد حجم التلفزيون هو حجم الغرفه او الصاله
يعني اذا صاله كبيره شوي 42بوصه بيكون اووكي

جلسة المجلس بعد تقدر تفصلها في نجمه في محل اسمه التوصل انا فصلت عندهم طقم عادي بس شغلهم
حلوو ومواعيدهم مضبوطه
بالنسبه للسعر يعتمد على القماش ومساحة المجلس بس غالبا المتر يحسبونه 250 - 350

ان شاءالله اكون افدتك
ومبروووك مره ثاانيه

[المطرقة]

أخوي تبي توفر روح الحسا واشتر الاثاث من هناك

اول شي رخاص واعلى سعر والخشب اندونسي روعه مايتكسر مثل هوم سنتر اغلى شي وب4000 وفي نفس السياره اشتر طقم الكنب 2200والستاير يابلاش بقطر 1800و2000 وهناك اغلى شي 600 اجر لك سياره تجيب لك الااغراض ب1000ريال كلهم لين قطر


نصحيه ابتغد عن الاثاث الصيني


والله يبيله .. خل استخير وافكر واحسبها وان شاء الله يصير خير

[دلة الرسلان]

اخوي بصراحة الميزانية اللي انت حاطها ما تسوي شيء في ها الوقت الأ اذا بتأثث جزء من

البيت ، يعني اللي بتستخدمه وباقي الغرف تسكرها حتى ان الله يفرجها عليك .

وبعدين انا خابرة الأهل يساعدون بهدايا مني مكيف ، غسالة وووو

[ANONYMOUS]

اخوي بصراحة الميزانية اللي انت حاطها ما تسوي شيء في ها الوقت الأ اذا بتأثث جزء من

البيت ، يعني اللي بتستخدمه وباقي الغرف تسكرها حتى ان الله يفرجها عليك .

وبعدين انا خابرة الأهل يساعدون بهدايا مني مكيف ، غسالة وووو



40 الف فيها بركه لو استعملت استعمال صح

اما لو شاري غرفه ب 30 الف و تلفزيون ب 9 الاف .. اكيد مابتكفي


وتبون الحكومه تسدد ديونكم !!

[سهم طايش]

رحت امس على مساحة المجلس اللي عندي قالي تناسبك شاشه ام 46 بوصه قلت له كم قالي 9000 ريال وفيه 12 الف ريال :eek2:

قلت ماعندك ارخص قالي فيه ام 32 بوصه على 4000 ريال وعلى 6000 ريال بس ما تنفع اصغيره وايد ..

عموما شكلي بصرف نظر عنها لان تو متش صراحه

يعطيك العافيه اخوي

اشتر الشاشه الصغيره ام 32بوصه و اشتر معاها دربايل ههههههههههه:tooth:

[سهم طايش]

بخصوص الشاشه لا تاخذ كبيره وايد 42 بوصه احلى الوان من سامسونج او ال جي

الفرن ( الفرم ) البا في ناشيونال و الثلاجه ( الفلاجه ) باناسونيك و الغساله بانسونيك

[Chambray]

بالنسبة للمكيفات خلصت منهم سبيلت سامسونغ

وفعلا مكيفات المستبيشي لا يعلى عليهم صج غالين اشوي لكن بعد ضمان وشغل عدل

المكيف يوصل 3300 ريال

بالنسبة للشاشات رحت سامسونغ امس ولقيت عندهم بس غلايا ..

46 بوصه على 9 الاف ريال تووومتش :weeping:

اما سالفة السفر للصين الصراحه صعبه اشوي لكن الحمدلله البيت كله سراميك ..

لكن ما يمنع في اقرب وقت اسافر هناك واشوف اللي عندهم

تحياتي لك

هذي اسعار الشاشات يالغالي
والسوني اغلى شوي بعد

انا الي عندي سوني والصراحة شئ ولا اروع

ومب غلط تاخذ لك شاشه وحده من سوني مقاس 52 بوصه وتحطها في المجلس صدقني شئ مب طبيعي :) سعرها 12 الف :)

[المطرقة]

مبروك المنزل بنسبة للمكيفات اذا بتحسبها كل الانواع عليها ضمان للكمبروسر خمس سنوات خذ مكيفات وست بوينت:ok2: وفك عمرك مركبها صارلي اربع سنين ولا بعد النوع الصيني والبنوسونك معه في نفس الغرفة صاجني ولا يبرد واخير ا طق من الغسالات الاوتماتيك والثلاجة اخذ كووول. واسف على الااطاله

الله يبارك بعمرك

المكيفات خلصت منها ولقيتها في البيت مركبه وجاهزه

سبليت ماركة سامسونغ

وبالنسبة للغسالات صدقت اخوي مافي احلى من الغسالات العادية

يعطيك العافية ومشكور على النصيحه

[قطـري كشيـخ]

الله يعينك

[المطرقة]

اثات فيلا من الحراج والمنصوره وسوق الخميس والجمعه ؟؟؟


يقولكم بيأثث بيته مو ملحق الخدم لوووووووول


اخوي فيه محلات الاثاث المعروفه مثل نابكو والمفتاح ومحلات الاثاث بشارع سلوى


منهم The Gallery كلهم اسعارهم معقوله تناسب امكانياتك


منزل مبارك

الشيخه اولا البيت مب فيلا فيلا .. تقدرين تقولين فيلا ارضية 4 غرف نوم وصالة ومجلس وملحق عبارة عن ( مطبخ وغرفة الحارس واستور )

ثاني شي انا قايل من البداية ابي شي بسيط وسعره متوسط يعني محدد من البداية والربع على هالاساس حطوا اقتراحاتهم ونصايحهم

ثالث شي تقولين الاثاث من نابكو والمفتاح ومادري من مادري شايفتني عبدالله عبدالغني والا الفردان ولد خالتي crazy

كلنا 4 انفار في البيت والحال مستور

ذيك الساعه لا بطرت ( من ورا تجارة الغتر ) باطلب الاثاث طلبية من اسبانيا وايطاليا واليونان ( تصميم خاص وتفصيل على مزاجي ) :no2:

تحياتي لج

[المطرقة]

يا الطيب اول شي اشتر مكيفات جنرال وندز وسبليت للبيت شي مضممون على المدى الطويل
واجهزة التلفزيون وخذ الفلات الجديد من السام سونغ
والاثاث السجاد والجلسا الشعبية والكنب خذهم من الرياض او الدمام من المملكة العربية السعودية
واذا بقيت الاثاث عليك بالسوق الصيني من دبيوالله خوش شغل للبيت وفاخروكل هذه الاغراض تقريبا لا تكلفك ممبالغ كبيرة وهيه كلها ممتازة وجيدة

هلا الشيخ

المكيفات خلصنا منها سبيلت سامسونغ
وموجوده في البيت ..

وبخصوص الشاشة صرفت نظر الظاهر لان غاليه اشوي ..

والاثاث والسجاد والجلسة بشوف اذا لقيت شي عدل من الدوحه خذيت

مافيه دقيت سلف انا وبوراشد ورحنا الرياض وامرنا لله

مشكور اخوي ويعطيك العافيه

[دلة الرسلان]

40 الف فيها بركه لو استعملت استعمال صح

اما لو شاري غرفه ب 30 الف و تلفزيون ب 9 الاف .. اكيد مابتكفي


وتبون الحكومه تسدد ديونكم !!

وشفيها هاذي تشره امريكا بمليار عاد اهل قطر الزم :D

[برنس قطر]

مبرووووك على البيت انشالله منزل مبارك عليك يالغالي ..

انصحك با اكسسوارات لاثاث في محل على طريق سلوى اسمه حوال لأمارات ولا اثاث الغرف عندك نابكو ومفروشات عبد القادر على طريق سلوى وبخصوص تكيف انصحك اول شي فوجي وبعدها سمسونغ وتلفزيونات شاشات بلازما سوني او سمسونغ..
والله يطرح فيك البركه انشاللهفي بيتك وهلك ونصحيه لا تااخذ خاش باش ..

[ANONYMOUS]

40 الف فيها بركه لو استعملت استعمال صح

اما لو شاري غرفه ب 30 الف و تلفزيون ب 9 الاف .. اكيد مابتكفي


وتبون الحكومه تسدد ديونكم !!

وشفيها هاذي تشره امريكا بمليار عاد اهل قطر الزم :D



الله يرزقنا واياكم من واسع فضله

[المطرقة]

ابشركم يالربع شريت فرن من الريس اللي في شارع الخليج على 2500 ريال جليم جاز 90 سم

وشريت غساله عادية من باناسونيك 7 كجم ( صغيره تكفينا 4 انفار ) مسوين تنزيلات اليوم اخر يوم وعطوني معاها اوتى مجانا

وحجزت ثلاجة هيتاشي مادري هاير من كارفور 570 لتر طبعا حجزتها لان الوحيدة اللي الكمبروسر فيها يجي ياباني الصنع والا الباقيين تجميع في تايلند او صناعة الصين ..

وسعرها تقريبا 1980 ريال

[بوحارب]

ابشركم يالربع شريت فرن من الريس اللي في شارع الخليج على 2500 ريال جليم جاز 90 سم

وشريت غساله عادية من باناسونيك 7 كجم ( صغيره تكفينا 4 انفار ) مسوين تنزيلات اليوم اخر يوم وعطوني معاها اوتى مجانا

وحجزت ثلاجة هيتاشي مادري هاير من كارفور 570 لتر طبعا حجزتها لان الوحيدة اللي الكمبروسر فيها يجي ياباني الصنع والا الباقيين تجميع في تايلند او صناعة الصين ..

وسعرها تقريبا 1980 ريال

مبروووووووووووووك:victory::victory:

[مساهمة]

عليييييييييك بالعافيه اخووووووي

[المطرقة]

يسلم راسك

وأدري انك قدها

وأخوك تراه غلباااااااان:p

لا ولد عز ولا ما يحزنون

عندي غترة من العيد الفطر تمشي الحالomen


اووووووه طلعت مثل حالتي وانا اللي كنت ناوي اضبط وياك عبالي ولد عز :eek3:

تشرفت بمعرفتك اخوي بوحارب وترى اتغشمر وياك واهديك هالابيات :

لاهل المكارم عند الاجواد تقدير ..
وعلومهم تفخر بروح الشجاعة ..
وراعي الوفا والطيب مذكور بالخير ..
مثلك وذكره حي في كل ساعة ..
عز الرفيق اللي مثل سالم الزير ..
سود الليالي ما تغير طباعة ..

[المطرقة]

اختي شكلج ما حتي الحراج تشوفين.. ترى مو كل شي في الحراج حراج
فيه اشياء طيبة و صناعة جيدة بعد بس الواحد يدور
انا اقدر افيدك اخوي بالغسالات و اجهزة المطبخ:)
الغسالة من تجربتي انصحك لا تروح الا كارفور .. سعر و تشكيلة واسعة و دورلك ماركة تحصل فيها ضمان اطول و انا غلى السعر لان هالجهاز من الاجهزة الحيوية تحتاج صيانة دورية و الخدم الله وكيلك ما يرتاحون اذا ما خربو شي..، في غسالة بنشافة ممتازة حجمها كبير لكن 100% بتجربة.
اما عن الفرن لا تاخذ فرن كهربا كله، خذ اللي عيونه غاز و كهربا مكس و الفرن تحت كهربا و اهم شي يكون واسع تحت حق الهامور و شغلات العزايم.
و بصراحة جربت ماركات متعددة الفرن ما يفرق الكواليتي فيه.

و مكان ثاني عندك المناعي لما يسوي تنزيلات تحصل صفقات ممتازة ،
بالنسبة للتلفزيون سمعت مرة ناس يتكلمون عن فيرجن في فيلاجيو يقولون اسعاره زينة بس انا ما رحت شفت.

و نصيحة عملية:
لا تاخذ كبت الملابس من هوم سنتر (الدولاب) الا اذا تبيه ديكور، و فصل كبت عرض و طول و ارفف و علاقات شكثر عند الحراج و حطه بغرفة الملابس افضل استخداما و سعرا.

انا اعتذر على الاطالة تستهويني هالسوالف.

مشكوره ام حمودي بس انا اخ مب اخت

وبالنسبة للحراج رحت ادور عندهم سوالف الستاير ..

وبالنسبة للفرن شريت فرن جليم غاز ايطالي من الريس

والغساله خذيت لي باناسونيك .. قبل كم يوم كانت عندهم تنزيلات ..


اما الدواليب والكبتات ابشرج كل الكبتات والدواليب موجوده في البيت ومرتبه مع البنيان في كل غرفة .. ولله الحمد


مشكوره على نصايحج وسعدت بمشاركتج

[بوحارب]

اووووووه طلعت مثل حالتي وانا اللي كنت ناوي اضبط وياك عبالي ولد عز :eek3:

تشرفت بمعرفتك اخوي بوحارب وترى اتغشمر وياك واهديك هالابيات :

لاهل المكارم عند الاجواد تقدير ..
وعلومهم تفخر بروح الشجاعة ..
وراعي الوفا والطيب مذكور بالخير ..
مثلك وذكره حي في كل ساعة ..
عز الرفيق اللي مثل سالم الزير ..
سود الليالي ما تغير طباعة ..



صح السانك:ok2:

[الجنـون]

اخوي جرب مركز الهادي الي ورى محلات السعيد بالحراج ( القسم الجديد )

الوالد دوم ياخذ من عنده .. ومايغشك ويعطيك الي يفيدك وسعره زين ارخص من كارفور ..

ولو تبي ماركه معينه وماعنده ممكن انه يجيبها لك ..

بس اسئل عن راعي المحل القطري هو الي بيساعدك ..

خذنا من عنده غساله وثلاجات للبيت ومكيفات وتلفزيون والحمد لله مانشتكي منهم ..

وعايشين ^_^ على كرف الخدم ..