محطات في حياة الجني (14) الراعي و الغنم

[الجني]

بسم الله و الحمد لله و الصلاة و السلام على رسول الله
و على اله و صحبه اجمعين


الراعي و الغنم


كانت جدتي رحمها االله تحب تربية الغنم و كان الغنم و الدجاج جزء من البيت

طبيعي جداً اذا الجني منبطح في الدار او الليوان تمر عليه العنز و ما تسلم

و ممكن تدخل علينا الدار اذا محد كشّها


و صوت صياح الديكة من الاصوات التي نفتقدها هذه الايام

ما اجمل صوت صياح الديك

و كذلك الحمام العادي و القلابي و المصري و العربي

و كل فترة الوالدة تخم الحوش بالعسو عن البعر و مخلفات الحيوانات و الطيور

اتذكر منظر جميل لوالدي يحلب العنز الفجر في باديه و يأخذ الحليب

لجدي و جدتي رحمهما الله و يشربون مباشرة بدون

غلي او تعقيم و خلافة من وساوس الطب الحديث

و كنا نلعب مع الحيوانات و الطيور يومياً

و في يوم العنز ولدة تويس اشقر جميل

و كنت دائماً العب معاه

و كان يتنطط و هو يلعب معي يمين و شمال على اربعة ارجل

و كان كل ما يشوفني يركظ علي

و ما اصدق متى اعود من المدرسة علشان العب معه

و في يوم من الأيام رجعت البيت و مالقيته

و التفت و الا بذاك اللجن و عليه التيس


وين حقوق الاطفال و اليونيسيف

وين جمعية الرفق بالحيوان

وين جمعية المنتزة التعاونية

المهم لاعت جبدي و ما قدرت آكل التيس

و تكدرت و عورني قلبي عليه


و كانت جدتي الله يرحمها تسرح بالغنم كل يوم

و العصر تتعب و تتكاسل تروح ترجعهم البيت

من موجود . . . .

"الجني فديتك روح ييب الغنم بتلاقيهم في مقبرة السوق"

مقبرة سوق واقف اللي الحين مواقف السيارات

و الوالدة تخاف علي اروح بروحي لا يظلم الوقت

توصيني اروح ركض قبل المغرب

و اروح احصلهم يرعون بعض الاحيان في المقبرة

و بعض الاحيان في الخلاء

و ركض تفلت حصى على الغنم و تشوت فيهم طول الطريق


و كنت احب ادخلهم الدواعيس الطويله علشان ما يتعبوني

و ما يقدرون لا يروحون يمين و لا يسار

و على هذا الحال ليما اوصل البيت

ادخلهم داخل الحوطة و ابند عليهم الباب

و حوطتنا كان فيها كنز كبير محد يعرفة و ما كنت اقول حق احد

علشان محد ياخذه

كان فيها اكبر عتل في الفريج

و العتله هي عبارة عن حشرة بيضاء تعيش تحت الارض يجب ان نحفر

لها مقدار 20 – 40 سم في الارض

و كنا نستخدم العتل للحبال (صيد الطيور بالفخ)


جدتي الله يرحمها كانت هي الوحيدة اللي تكرمي و تعطيني احياناً ريال كامل

علشان اروح الدكان

بيبسي و

عليولم و

بهلوان و

قهواتشي

نظير ترفسي و تفلعي للدبش

و صلى الله على سيدنا محمد و على اله و صحبه و سلم

محطات في حياة الجني (13) يوم السم العالمي
http://www.qatarshares.com/vb/showthread.php?t=147329

محطات في حياة الجني (12) فزعات الناس لبعض
http://www.qatarshares.com/vb/showthread.php?t=146794

محطات في حياة الجني (11) الجني فوق السطح
http://www.qatarshares.com/vb/showthread.php?t=146092

محطات في حياة الجني (10) الضرب في المدارس
http://www.qatarshares.com/vb/showthread.php?t=144573

محطات في حياة الجني (9). . . الشنتورة
http://www.qatarshares.com/vb/showthread.php?t=144121

محطات في حياة الجني (8) هوشه في الفريج (اكشن(
http://www.qatarshares.com/vb/showthread.php?t=143848

محطات في حياة الجني (7) مغامرات في العيد (دراما)
http://www.qatarshares.com/vb/showthread.php?t=143465

محطات في حياة الجني (6) الدراسة و الواجبات
http://www.qatarshares.com/vb/showthread.php?t=143207

محطات في حياة الجني (5) الجني و التلفزيون
http://www.qatarshares.com/vb/showthread.php?t=142812

محطات في حياة الجني (4)
http://www.qatarshares.com/vb/showthread.php?t=142592

محطات في حياة الجني (3)
http://www.qatarshares.com/vb/showthread.php?t=142272

محطات في حياة الجني (2)
http://www.qatarshares.com/vb/showthread.php?t=142031

محطات في حياة الجني (1)
http://www.qatarshares.com/vb/showthread.php?t=141863

[ROSE]

الله يالجني قطعت وقطعت وعدت لنا اخيرا بيوم من يومياتك الجميله

:( ذكرتني بالفرخة اللي كانت عندي وربيتها ايام الفرخ الملون هههههههههههههههههههه


سافرت عنها ورجعت قالوا لي ماتت :(

[المهاجر]

اخوي الجني

بصراااحه ما اعرف شاقول لك

ذكرتني بالعنز اللي كانت عندنا كنت المغرب اروح انطرها ترجع من المرعى وهي كانت دل الطريج لين البيت

بس انا من حبي لها كنت اروح انطرها وامشي معاها لين توصل البيت وتدخل الزريبه

والله ايام كانت حلوه يالجني

انت من وين طلعت لنا

وذكرتني ببيتنا كان عباره عن غرفتين وليوان ومطبخ صغير برا ومجلس والحوش صباااان

وكنا نعيش فيه احلى عيشه مترابطين وقراب من بعض

مب هالزمن بيت شكبره وكل غرفه في صوب والواحد ما يدري اذا الثاني موجود او لا

تسلم على هالمحطه الحلوه

[المخباط]

رجعتنا معك ايام الاول كان كل بيت مايخلى من الحيوانات بيتنا كان فيه كل الانواع تقريبا
فتحنا عيوننا ولحقنا على اعمال السخرة من الصبح قبل المدرسه انا وخواتي نطعم البقرات
مالذوطاب من الشوار الحشيش الجت الموجود وبعدها تحلبها الوالدة وعلى طول من البقر
لقوري الحليب والحق او ما تلحق كل واحد والمج حقه اكبر من راسه خبرك الباص في
اي لحظه بيهرن لازم المج يكون كبير عشان يبرد الحليب بسرعه وبعد المدرسه على
طول اللي عليها الدور تسقي البقر ساعات ننزل بالمريول علينا نبغي نفتك بسرعه
في هذة الاثناء لازم ننتبة على اطراف المريول ساعات الثور يحب يتعلك
المهم الله يجزى اهلنا الجنه علمونا على المسئوليات من صغرنا
وشكرا لمحطاتك يالجني:thumbup:

[jajassim]

مسلسل الأقدار :omen2:


تسلم يمناك على الطرح الاكثر من الرووعه :victory:

[jajassim]

الله يالجني قطعت وقطعت وعدت لنا اخيرا بيوم من يومياتك الجميله

:( ذكرتني بالفرخة اللي كانت عندي وربيتها ايام الفرخ الملون هههههههههههههههههههه


سافرت عنها ورجعت قالوا لي ماتت :(

في ذمتك :whistling:

[سهم طايش]

ههههههههههه و الله ايام يا الجني طلعت راعي مهب سهل

ذكرتني بقصيدة سلطان الشاعر يوم العنز كلت الشيك

للاستماع لقصيدة سلطان الشاعر (http://www.uaearab.com/m/sltan/al_3anz_wel_chek.ram)

[بوناصر-قطر]

السلام عليكم ورحمة الله وبركاته

ما أحلى محطاتك يا الجني
أيام وذكريات عمر الواحد ماينساها

وعلى قولة اخوي المهاجر وين الناس ذيك الأيام ووينهم ألحين اللي اخوي وهو اخوي ابن امي وأبوي ما أشوفه الا في الاسبوع مرة

[jajassim]

اخوي الجني

بصراااحه ما اعرف شاقول لك

ذكرتني بالعنز اللي كانت عندنا كنت المغرب اروح انطرها ترجع من المرعى وهي كانت دل الطريج لين البيت

بس انا من حبي لها كنت اروح انطرها وامشي معاها لين توصل البيت وتدخل الزريبه

والله ايام كانت حلوه يالجني

انت من وين طلعت لنا

وذكرتني ببيتنا كان عباره عن غرفتين وليوان ومطبخ صغير برا ومجلس والحوش صباااان

وكنا نعيش فيه احلى عيشه مترابطين وقراب من بعض

مب هالزمن بيت شكبره وكل غرفه في صوب والواحد ما يدري اذا الثاني موجود او لا

تسلم على هالمحطه الحلوه




وين الراديو ،، بضرس المكسور :sorry:

[المهاجر]

تدري اخوي ابوناصر

انا من اقرا محطات اخوي الجني

يصيدني حزن والم

ودي لو اخسر كل ما وراي ودوني بس ترجع ذيك الايام

واله ياخوك

يازينها وزين ناسها كل شي له طعم الفرحه تشوفها بعيون كل اللي حولك ويفرحون لك اذا فرحت


ويزعلون اذا زعلت


مب الحين ودهم ياكلون القمه من يدك قبل ما توصل حلجك

[المهاجر]

وين الراديو ،، بضرس المكسور :sorry:

ما كان عندنا الا راديوا واحد

كان عند يدي الله يرحمه


ويا ويله اللي يلمسه او يقرب منه

[Pro]

ذكرتني بالدجاجه
ايام الدجاجه كانت تسوى ناقة
قالت لي الوالدة خذ هذا السكين و الديايه
و وده للبتاني عشان يذبحه
و عطتني كمن ريال للبتاني
و خلك معاه لما تتأكد انه مات
-
-
و انا ما صدقت
خبركم ابي اطلع كوننا من المحرومين
و كانت مسرح الجريمه
حوطه مقابل بيتنا
-
-
و أخذ البتاني يسن في هذا السكين
قلت له حاجي هذا سكين جاهز
انت اذبح و بس
-
-
و تم الذبح بالطريقه الإسلاميه
رجعت الدجاجه مذبوحه في كيس
و قلبي معورني
-
-
و من يومها
انا ما أكل
إلا الدياي
:ok::ok:
-
-
تعال يالجني شكلك ساكن في الجسرة

[jajassim]

ما كان عندنا الا راديوا واحد

كان عند يدي الله يرحمه

ويا ويله اللي يلمسه او يقرب منه





هذا الراديو ليدي جاسم الله يرحمه مات قبل انا انولد ،،، فالوالد الله يطول بعمره ،،

عطني كهدية لي ،، فكان هذا الراديو في بيت الدرويش اللي عند الديوان الأميري ،، فيدي شراءه من ال درويش

http://www.jawaher-qtr.net/uploads/7a8618a9ab.jpg (http://www.jawaher-qtr.net)

http://www.jawaher-qtr.net/uploads/4aac04a46e.jpg (http://www.jawaher-qtr.net)

http://www.jawaher-qtr.net/uploads/efce39a49d.jpg (http://www.jawaher-qtr.net)

[على قد حالها]

الللللللللله على ذيج الايام يا ولد الفريج...
حنا فوق سطحنا ربينا الغنم والحمام والبط والدياي والديج واخواني كانوا يصيدون الضببه ويربطونهم فالزحلاقيه يخلونهم كم يوم يخرعونا فيهم وعقب يضربون الخمس عليهم (وع استغفر الله) ...
واذكر مره كنا يهال وعنزتنا بتولد وحنا ميتين نبي نحضر الولاده فوق السطح لكن امي الله يهداها مارضت يابلفيت عيب نجوف هالاشيا!!!ههههههههههه والحين لما نقولها يما عادي ترا يدرسونا فالمدرسه كل شي وحنا يهال تلقونها تحمر وتخضر وتزرق من الفشيله وتقول عيب عليهم اشلون يعلمونكم هالاشيا هههههههههههههههههههههههههه (يحليلها امي تستحي )
بس والله ايام ....

[زهرة قطر]

أيام حلوة وجميلة وكان عندنا في منطقتنا راعي الله يرحمه كان كل يوم ياخذ الغنم عشان يرعون في البر ويرجعهم المغرب
ويدتي الله يرحمها تحب الغنم وإذا مرضوا تسوي لهم الدوا وتعالجهم وتصيح عليهم إذا ماتو وتعرف عددهم مرة باقو وحدة منهم من الحوطة شان تزعل وتصيح الله يرحمها
الدبش كانوغاليين على أهلنا الله يرحمهم ويغفر لهم انشاالله
بس ما قلت لنا عن بوالدخان واللا ماكان عندكم هالشخص اللي يرش الدخان في الفريج والبيوت واليهال يركضون وراه من بيت لبيت

[الجني]

الله يالجني قطعت وقطعت وعدت لنا اخيرا بيوم من يومياتك الجميله

:( ذكرتني بالفرخة اللي كانت عندي وربيتها ايام الفرخ الملون هههههههههههههههههههه


سافرت عنها ورجعت قالوا لي ماتت :(


و اخيرأ زارتنا ROSE في المنتدى العام

شرفني مرورج و لازم عزيمة

هات لجن التيس يالولد حق عمتك ROSE

[الجني]

اخوي الجني

بصراااحه ما اعرف شاقول لك

ذكرتني بالعنز اللي كانت عندنا كنت المغرب اروح انطرها ترجع من المرعى وهي كانت دل الطريج لين البيت

بس انا من حبي لها كنت اروح انطرها وامشي معاها لين توصل البيت وتدخل الزريبه

والله ايام كانت حلوه يالجني

انت من وين طلعت لنا

وذكرتني ببيتنا كان عباره عن غرفتين وليوان ومطبخ صغير برا ومجلس والحوش صباااان

وكنا نعيش فيه احلى عيشه مترابطين وقراب من بعض

مب هالزمن بيت شكبره وكل غرفه في صوب والواحد ما يدري اذا الثاني موجود او لا

تسلم على هالمحطه الحلوه


و انا اقول منهو اللي كل يوم يقعد على الدجة ينطر العنز

و الله ايام يالمهاجر يوم كان الثوب معلوج كانه مطلعينه من حلج عنز :funny:

و الشعر املح من الغبار

و الركض حفي

[alnada]

الله ما أحلى مواضيعك يالجني.. أنتظر دائما محطاتك..

[إنسان]

ذكريات حلوه وماضي جميل .. انت تتكلم عن منطقه لنا فيها ذكريات وقصص

متابعينك لآخر محطه .. الله يوفقك اخوي الجني

[Breakaway]

محطة جميلة ولن تعود سوى الذكريات منها..

[الجني]

رجعتنا معك ايام الاول كان كل بيت مايخلى من الحيوانات بيتنا كان فيه كل الانواع تقريبا
فتحنا عيوننا ولحقنا على اعمال السخرة من الصبح قبل المدرسه انا وخواتي نطعم البقرات
مالذوطاب من الشوار الحشيش الجت الموجود وبعدها تحلبها الوالدة وعلى طول من البقر
لقوري الحليب والحق او ما تلحق كل واحد والمج حقه اكبر من راسه خبرك الباص في
اي لحظه بيهرن لازم المج يكون كبير عشان يبرد الحليب بسرعه وبعد المدرسه على
طول اللي عليها الدور تسقي البقر ساعات ننزل بالمريول علينا نبغي نفتك بسرعه
في هذة الاثناء لازم ننتبة على اطراف المريول ساعات الثور يحب يتعلك
المهم الله يجزى اهلنا الجنه علمونا على المسئوليات من صغرنا
وشكرا لمحطاتك يالجني:thumbup:

شرفني مرورك اختي المخباط

و فعلاً تعلم المسئولية مهم للطفل

و لا سندفع ثمن الاتكالية فيما بعد

[الجني]

مسلسل الأقدار :omen2:


تسلم يمناك على الطرح الاكثر من الرووعه :victory:

الله يسلمك اخوي جاجاسم

لين الحين ما وصلنا حق بنت الخباز :funny:

[..الاميرة..]

وانا اقرأها عشت فيها وتخيلت أنني في تلك الايااام الجميله ..
وانا دائماً اسمعها من والدتي واقول لها : ليش ايامكم احلا من ايااامنا هذي ؟؟
تقول لي : ترى الناس هي الي غيرت الدنيا اما الدنيا ما تغيرت ..
وتمنيت انني ولدتُ في ذاك الزمااان النظيف والطاااهر ..

وتسلم يمناااك على هذه الذكريااات الرائعه ..
والله يعطيك العاافيه وطولت العمر ياخوي ..
وترجع لكم ولنا الايااام الحلوه ..

[miss-qatr]

وانا اقرأها عشت فيها وتخيلت أنني في تلك الايااام الجميله ..
وانا دائماً اسمعها من والدتي واقول لها : ليش ايامكم احلا من ايااامنا هذي ؟؟
تقول لي : ترى الناس هي الي غيرت الدنيا اما الدنيا ما تغيرت ..
وتمنيت انني ولدتُ في ذاك الزمااان النظيف والطاااهر ..

وتسلم يمناااك على هذه الذكريااات الرائعه ..
والله يعطيك العاافيه وطولت العمر ياخوي ..
وترجع لكم ولنا الايااام الحلوه ..

:thumbup1::thumbup1::thumbup1:


يعطيك العاااااافيه يا الجني :)

[ناصر العمادي]

مبدع اخوي الجني .....

عسى ربي يحفظك ويطول بعمرك ان شاء الله ....

يعطيك الصحه والعافيه

تقبل مني كل احترام وتقدير

[الجني]

ههههههههههه و الله ايام يا الجني طلعت راعي مهب سهل

ذكرتني بقصيدة سلطان الشاعر يوم العنز كلت الشيك

للاستماع لقصيدة سلطان الشاعر (http://www.uaearab.com/m/sltan/al_3anz_wel_chek.ram)



اتذكر القصيده و الله ايام و Save

تسلم اخوي سهم طايش

[الجني]

السلام عليكم ورحمة الله وبركاته

ما أحلى محطاتك يا الجني
أيام وذكريات عمر الواحد ماينساها

وعلى قولة اخوي المهاجر وين الناس ذيك الأيام ووينهم ألحين اللي اخوي وهو اخوي ابن امي وأبوي ما أشوفه الا في الاسبوع مرة

الله يرحمنا برحمته

فما بالك بعض الناس من لم يكلم اخوانه سنين

يالله بحسن الخاتمه

[الجني]

تدري اخوي ابوناصر

انا من اقرا محطات اخوي الجني

يصيدني حزن والم

ودي لو اخسر كل ما وراي ودوني بس ترجع ذيك الايام

واله ياخوك

يازينها وزين ناسها كل شي له طعم الفرحه تشوفها بعيون كل اللي حولك ويفرحون لك اذا فرحت


ويزعلون اذا زعلت


مب الحين ودهم ياكلون القمه من يدك قبل ما توصل حلجك



ما يدرون ان الرزق مقدر و مكتوب

الله يرحمنا برحمته

[الجني]

ذكرتني بالدجاجه
ايام الدجاجه كانت تسوى ناقة
قالت لي الوالدة خذ هذا السكين و الديايه
و وده للبتاني عشان يذبحه
و عطتني كمن ريال للبتاني
و خلك معاه لما تتأكد انه مات
-
-
و انا ما صدقت
خبركم ابي اطلع كوننا من المحرومين
و كانت مسرح الجريمه
حوطه مقابل بيتنا
-
-
و أخذ البتاني يسن في هذا السكين
قلت له حاجي هذا سكين جاهز
انت اذبح و بس
-
-
و تم الذبح بالطريقه الإسلاميه
رجعت الدجاجه مذبوحه في كيس
و قلبي معورني
-
-
و من يومها
انا ما أكل
إلا الدياي
:ok::ok:
-
-
تعال يالجني شكلك ساكن في الجسرة

السفاح برو

محد رفع سعر البيض الا انت

بسبب نقص الدجاج البياض

الحين عرفنا السبب :funny:

[الجني]

هذا الراديو ليدي جاسم الله يرحمه مات قبل انا انولد ،،، فالوالد الله يطول بعمره ،،

عطني كهدية لي ،، فكان هذا الراديو في بيت الدرويش اللي عند الديوان الأميري ،، فيدي شراءه من ال درويش

http://www.jawaher-qtr.net/uploads/7a8618a9ab.jpg (http://www.jawaher-qtr.net)

http://www.jawaher-qtr.net/uploads/4aac04a46e.jpg (http://www.jawaher-qtr.net)

http://www.jawaher-qtr.net/uploads/efce39a49d.jpg (http://www.jawaher-qtr.net)


يالله يا جاجاسم

باعطيك تلفزيون فلات سكرين سوني

و عطني هذا الراديو الكحيان اللي مفتوح بطنه

ايش رايك

[الجني]

الللللللللله على ذيج الايام يا ولد الفريج...
حنا فوق سطحنا ربينا الغنم والحمام والبط والدياي والديج واخواني كانوا يصيدون الضببه ويربطونهم فالزحلاقيه يخلونهم كم يوم يخرعونا فيهم وعقب يضربون الخمس عليهم (وع استغفر الله) ...
واذكر مره كنا يهال وعنزتنا بتولد وحنا ميتين نبي نحضر الولاده فوق السطح لكن امي الله يهداها مارضت يابلفيت عيب نجوف هالاشيا!!!ههههههههههه والحين لما نقولها يما عادي ترا يدرسونا فالمدرسه كل شي وحنا يهال تلقونها تحمر وتخضر وتزرق من الفشيله وتقول عيب عليهم اشلون يعلمونكم هالاشيا هههههههههههههههههههههههههه (يحليلها امي تستحي )
بس والله ايام ....

الضب يتزحلق في الزحقيه

احنا نسويه اجار :funny:

و الله عندكم عالم الحيوان مباشر في البيت :funny:

ايام خفيفه و حلوه

[الجني]

أيام حلوة وجميلة وكان عندنا في منطقتنا راعي الله يرحمه كان كل يوم ياخذ الغنم عشان يرعون في البر ويرجعهم المغرب
ويدتي الله يرحمها تحب الغنم وإذا مرضوا تسوي لهم الدوا وتعالجهم وتصيح عليهم إذا ماتو وتعرف عددهم مرة باقو وحدة منهم من الحوطة شان تزعل وتصيح الله يرحمها
الدبش كانوغاليين على أهلنا الله يرحمهم ويغفر لهم انشاالله
بس ما قلت لنا عن بوالدخان واللا ماكان عندكم هالشخص اللي يرش الدخان في الفريج والبيوت واليهال يركضون وراه من بيت لبيت


الله يرحم عجايزنا

راعي الدخان

هذا مبيدات البلديه ضد القوارض و الحشرات

و الله ايام

[الجني]

الله ما أحلى مواضيعك يالجني.. أنتظر دائما محطاتك..

شرفني مرورج اختي alnada

[الجني]

ذكريات حلوه وماضي جميل .. انت تتكلم عن منطقه لنا فيها ذكريات وقصص

متابعينك لآخر محطه .. الله يوفقك اخوي الجني

الله يوفقك و يوفق الجميع اخوي انسان

شرفني مرورك الغالي

[الجني]

محطة جميلة ولن تعود سوى الذكريات منها..

شرفني تعليقك و مرورك اخوي Breakaway

و تقبل تحياتي و تقديري