المساعد الشخصي الرقمي

مشاهدة النسخة كاملة : استفسار بخصوص الكروزر 2008 وارد السعودية


وكر الذيب
12-12-2007, 02:02 AM
انا سمعت ان الكروزر في السعودية اقل من سعر الدوحه بعشرين الف تقريبا ( الله يسامح من كان السبب ) وانا حبيت اعرف الفرق في المواصفات بين الدوحة والسعودية وطريقه التصدير للدوحة واللي عنده خلفية عن الموضوع اتمنى انه يفيدني من جميع النواحي .
وكر الذيب
12-12-2007, 02:37 AM
السموحه شكلي نزلت الموضوع بالغلط
ذيبة الريان
12-12-2007, 02:59 AM
حصل خير أخوي ,,

انا حالياً بالسعوديه ,, بسأل لك إن شاءالله ,, وبرد لك خبر ,,
abdull247
12-12-2007, 03:18 PM
دير بالك اهم شي اطلب ورقه المقاصه ..ترا السعوديه بالذات يطلعون عينك الجمارك
abdull247
12-12-2007, 03:20 PM
بدون المقاصه راح تدفع جمارك على الموتر بس اذا طلعت الورقه راح تعفى من الجمرك او تدفع الفرقيه بالتسعيره.
منقاش
12-12-2007, 04:23 PM
روح الوكاله اول شي كلها 2 ونص وشوف المواصفات ون ياز لك شي توكل وسئلهم هناك عن المقاصه والكلام كله بعلمونك وشتسوي

وبالتوفيق
طبشور
12-12-2007, 08:07 PM
صحيح هذا الكلام ... الجي أكس أر فتحة وجير أتوماتيك ب160500 ريال سعودي .. والأف جي 101000 ريال سعودي يعني فرق عشرين ألف ..بس وين بتحصل لك واسطة .. ترى الحجز بالمووووووت ..
إنتعاش
12-12-2007, 08:49 PM
اخوي تفضل تلفون مدير مبيعات عبداللطيف جميل في الاحساء
- اقرب وكيل تويوتا من مركز قطر -


5808844 - 9663+
تحويلة : 246

- عن الجمرك والاجراءات بيفيدك هو باللي تبيه ..

- عن مواصفات وارد السعودية الله يسلمك تقدر تروح في طريق سلوى معرض باريس
وتشوف بعينك وارد السعودية ومواصفاته ..

او على الانترنت ..
abdull247
13-12-2007, 12:05 AM
احذرك للمره الثانيه اذا جيت الوكيل وبغيت تشتري اشرط عليه المقاصه لايقولك السياره موديل السنه ويشملها القرار اخذ سيارتك ومر الجمارك كلام فاضي اسأل واحد تمرمط
وكر الذيب
13-12-2007, 12:23 AM
جزاكم الله خير وبيض الله وجيهكم على النصايح الطيبة
رنج برتقالي
13-12-2007, 12:43 AM
الله يسلمك انا مريت على الشركه في السعوديه وحصلت الجي اكس 8 سلندر فتحة قير اتوماتيك 166 الف قطري تقريبا والتصدير 700 ريال بس مش متوفر متوفر بدون فتحه لازم تطلب ويوصل عقب 15 يوم والي 6 سلندر قير عادي فتحة 156 الف قطري تقريبا والفرق في المسجل بس هالشي الي بين لي بس .
ولد شرق
13-12-2007, 10:19 AM
اخوي
لاحد يقول لك مواصفات قطر احسن
ترى كله كلام فاضي
انا قبل كم شهر شاري لكزس صالون من الدوحه Es فل اوبشن
واكتشفت بالصدفة ان الكزس Es في عمان ارخص بـ 8000 ريال
لا وازيدك من الشعر بيت انا ماخذ فل اوبشن اكتشف ان اللي في عمان الفل اوبشن مهب ارخص وبس.. إلا فيه 12 ميزه اضافية عن اللي في الدوحه
منها على سبيل المثال لا الحصر... تشغيل عن بعد... فتحتين ورى وجدام ...الخ
والله العظيم اني قلت حق احد الموزعين المعتمدين للتويوتا واللكزس عن الموضوع وديت له مواصفات الكزس في عمان في اورقة رسمية من موقع اللكزس... وقال لي الله يهديك يعني ماتدري ان عبدالغني يجيب اقل المواصفات ويبيعها على انها فل اوبشن بأغلى سعر...
وسلامي يا شركة عبدالغني...