البيض انقرض من السوق

[% ام فهد %]

السلام عليكم و رحمة الله و بركاته

امس رحت اكثر من جمعيه و مريت اكثر من دكان و ليتني ما رحت

جاتني جلطه

ما في بيض نهائيا ً :cry2:

لا و بعد اذا تبي تاخذ الكرتون العود اللي صار بــ 300 ريال :swoon:

يعني تقريبا البيضه بــ ريال و نص :ok2:

اذا احد صايد له دكيكين خل ياخذ كل كراتين البيض اللي عنده و يبيعهم علينا

او اذا ما لقيتو خل انتحاطط و ناخذ الكرتون العود و نتقاسمه

هههههههههههههههه

للحين الرواتب ما زادت و هاي هو الحال .. اشلون لو زادوهم

انتظر ردودكم الطيبه

[قطر501]

اختي ام فهد انا من يومين مريت على جميعة المنتزه ( الميره ) وخذيت بيض بس طبعا مب حاطينه جدام الناس بتحصلينه في المخزن بس للاسف يعطونج طبق واحد بس انا طلعت ذكي كان معاي واحد من الربع قلت له روح خذ طبق وانا باخذ الثاني وسو نفسك ماتعرفني وابشرج انجحت الخطة وطلعت بطبقين بيض وترى السعر ممتاز 13 ريال للطبق وترى جميع الجمعيات عندهم بس انتي اسالي هذوال الي يشتغلون في الجمعية وين البيض وبيدلونج وسالت واحد في الجميعة قلت له ليش خاشين البيض قال اصحاب السوبر ماركات يجون ياخذون كمية كبيره من البيض وبيعون باسعار خيالية وكلامه صحيح سال صاحب سوبر ماركات جنب بيتنا قلت له بكم البيض عندك قال 28 ريال !!!! اختي ام فهد اذا تبغين اكثر من طبق بيض جمعي حريم الفريج وتفقي معاهم وسوا هجوم على الجمعية وكل وحده تاخذ طبق فالنهاية بيكون من نصيبج

[% ام فهد %]

اختي ام فهد انا من يومين مريت على جميعة المنتزه ( الميره ) وخذيت بيض بس طبعا مب حاطينه جدام الناس بتحصلينه في المخزن بس للاسف يعطونج طبق واحد بس انا طلعت ذكي كان معاي واحد من الربع قلت له روح خذ طبق وانا باخذ الثاني وسو نفسك ماتعرفين وابشرج انجحت الخطة وطلعت بطبقين بيض وترى السعر ممتاز 13 ريال للطبق وترى جميع الجمعيات عندهم بس انتي اسالي هذوال الي يشتغلون في الجمعية وين البيض وبيدلونج وسالت واحد في الجميعة قلت له ليش خاشين البيض قال اصحاب السوبر ماركات يجون ياخذون كمية كبيره من البيض وبيعون باسعار خيالية وكلامه صحيح سال صاحب سوبر ماركات جنب بيتنا قلت له بكم البيض عندك قال 28 ريال !!!! اختي ام فهد اذا تبغين اكثر من طبق بيج جمعي حريم الفريج وتفقي معاهم وسوا هجوم على الجمعية وكل وحده تاخذ طبق فالنهاية بيكون من نصيبج


الله يجزاك الف خير

بعدين وين اجمع حريم الفريج

بودي خواتي ما شاء الله عليهم و حريم اخواني

و بنسوي هجوم على الجمعية

اخر شي بيطردونا

ههههههههههههههههه

و الله ما قصرت اخوي

الله يجزاك ألف خير

[::.Silent.::]

البيضه بريال ونص .. @.@

زين حصلت عذر رقم (241) للزواج .. *_^

[BODYGUARD]

الله يجزاك الف خير

بعدين وين اجمع حريم الفريج

بودي خواتي ما شاء الله عليهم و حريم اخواني

و بنسوي هجوم على الجمعية

اخر شي بيطردونا

ههههههههههههههههه

و الله ما قصرت اخوي

الله يجزاك ألف خير

:eek2::eek2::eek2:

مادري شسبب في افقر الدول في العالم البيض عندهم رخيص .. وين المشكله .وليش الحكومه ساكته للحين ...!!! ... بودي جارد وطني الحبيب صباح الخير الدوحه

[BoFahed]

نطالب الحكومة بتوسعة مصنع الدواجن الحالي او اعطاء الرخصة للقطاع الخاص لانشاء مصنع جديد بالعقل احنا الحين وصلنا ال900 الف نسمة مب معقولة معتمدين على مصنع واحد ونظل تحت رحمة الاستيراد من الخارج اللي ممكن في اي ظرف يتوقف .

[المطرقة]

يعني لازم ناكل بيض ؟؟؟؟

اشفيه الجبن يازينه زيناه كل فيتامينات العالم موجوده فيه

:unsure:

[% ام فهد %]

البيضه بريال ونص .. @.@

زين حصلت عذر رقم (241) للزواج .. *_^

ههههههههههههههههه

شكلك من اللي يصففون الاعذار

الله يعينك

[% ام فهد %]

:eek2::eek2::eek2:

مادري شسبب في افقر الدول في العالم البيض عندهم رخيص .. وين المشكله .وليش الحكومه ساكته للحين ...!!! ... بودي جارد وطني الحبيب صباح الخير الدوحه

اهم شي بودي جارد وطني الحبيب صباح الخير :app2:

هههههههههههههههههه

الاخ مذيع ؟

[الألماسي]

حشى مب بيـض ... هيروين :D

http://www3.0zz0.com/2007/12/13/07/12679737.jpg

اللـه كريم يا أم فهـد ومافي الا نـرجع لأيام قبل حوش الدجــاج فوق السطح وكل صبـح ناخــذ بيــض fresh :yu:

[M-OH-A-ME-D]

:strong2::strong2:

اليوم ماكل بيض .

[% ام فهد %]

نطالب الحكومة بتوسعة مصنع الدواجن الحالي او اعطاء الرخصة للقطاع الخاص لانشاء مصنع جديد بالعقل احنا الحين وصلنا ال900 الف نسمة مب معقولة معتمدين على مصنع واحد ونظل تحت رحمة الاستيراد من الخارج اللي ممكن في اي ظرف يتوقف .


اخوي بو فهد اولا شاكرة لك مرورك

و ثانيا كلنا نقترح و نقول و لكن هل من مجيب او منفذ لارائنا ؟

و حتى اذا تم التنفيذ .. ياخذ له وقت طوييييل جدا

يعني لين يفكرون ينفذون هالمشروع يمكن نكون نسينا شكل البيض

[% ام فهد %]

يعني لازم ناكل بيض ؟؟؟؟

اشفيه الجبن يازينه زيناه كل فيتامينات العالم موجوده فيه

:unsure:

انا عن نفسي باكل مايونييز لانه يتكون من البيض

يعني اذا خاطري في بيض مقلي

كل اللي علي اسخن الطابي و احط لي شوية مايونيز (( طريقة عمل بيض القرص في حال انقراض البيض )):victory:

[% ام فهد %]

حشى مب بيـض ... هيروين :D

http://www3.0zz0.com/2007/12/13/07/12679737.jpg

اللـه كريم يا أم فهـد ومافي الا نـرجع لأيام قبل حوش الدجــاج فوق السطح وكل صبـح ناخــذ بيــض fresh :yu:

و انفلونزا الطيور ؟؟

عشنا و شفنا حتى الدجاج يزكم

:eek2::eek2::eek2:

[% ام فهد %]

:strong2::strong2:

اليوم ماكل بيض .

يعل فيه العافية

الفال لنا

يا جماعه اليوم بسوي لكم مجبوس بيض (( البيض اصبح بديل الحاشي ))

الله يعينا يا رب

[M-OH-A-ME-D]

يعل فيه العافية

الفال لنا

يا جماعه اليوم بسوي لكم مجبوس بيض (( البيض اصبح بديل الحاشي ))

الله يعينا يا رب

هههههههه

بس كثري من البهارات:yes:

[% ام فهد %]

هههههههه

بس كثري من البهارات:yes:

ان شاء الله

و بصور العزيمة و برز الصور في الجرايد الرسمية

و اهم شي صوتك وانت تلتهم البيض

ههههههههههه

[M-OH-A-ME-D]

ان شاء الله

و بصور العزيمة و برز الصور في الجرايد الرسمية

و اهم شي صوتك وانت تلتهم البيض

ههههههههههه

ههههههههههه

:ok2:

[ضوى]

انفلونزا الطيور في Stage 3

Be careful

مب لازم تاكلون بيض

[PathFinder]

أخر بيضة في البراد عندنا, مفكر أبيعها كم تدفعون؟

http://www.qatarshares.com.qa/data/158/161/storm_547662013_1879767458.jpg

[الجني]

انا عرضت على اخوي الخيميائي

اعطيه كرتون بيض مقابل خروف

بس بسحب العرض

البيض الواحدة مقابل خروف

[% ام فهد %]

انفلونزا الطيور في Stage 3

Be careful

مب لازم تاكلون بيض



could you give us more details about that?

ما ادري اش فيها علامة الاستفهام

[% ام فهد %]

أخر بيضة في البراد عندنا, مفكر أبيعها كم تدفعون؟

http://www.qatarshares.com.qa/data/158/161/storm_547662013_1879767458.jpg

بنسوي عليها مزاد على مستوى الدوحه

و ادارة المنتدى بتنظم حفل خاص بالمزاد

بس ما ادري في اي فندق

<........................ الاخت ناوية تنطرد

[ضوى]

could you give us more details about that?

ما ادري اش فيها علامة الاستفهام



يعني مرحلة متقدمة :cry2:

[% ام فهد %]

انا عرضت على اخوي الخيميائي

اعطيه كرتون بيض مقابل خروف

بس بسحب العرض

البيض الواحدة مقابل خروف

هلا اخوي الجني

وين الغيبه ؟

اسمعني بقولك

ترى البيضه بألف ناقه

ألعبها صح يالجني

[PathFinder]

بنسوي عليها مزاد على مستوى الدوحه

و ادارة المنتدى بتنظم حفل خاص بالمزاد

بس ما ادري في اي فندق

<........................ الاخت ناوية تنطرد

دام فيها مزاد إليكم المواصفات:
اللون : أبيض
الحالة : ممتازة ما فيها أي دعمات بحالة الجمعية
النوع : وارد الوطنية كما هو واضح في الصورة
الضمان: 5 سنوات لا يغطي الكسر في القشرة
قاطع : 700 كم من الرياض

علما انني محافظ عليها بعيدا عن الشمس ولها مكان خاص بها داخل البراد و عالفحص بأقرب جمعية علما أن أجور الفحص على المشتري

[M-OH-A-ME-D]

دام فيها مزاد إليكم المواصفات:
اللون : أبيض
الحالة : ممتازة ما فيها أي دعمات بحالة الجمعية
النوع : وارد الوطنية كما هو واضح في الصورة
الضمان: 5 سنوات لا يغطي الكسر في القشرة
قاطع : 700 كم من الرياض

علما انني محافظ عليها بعيدا عن الشمس ولها مكان خاص بها داخل البراد و عالفحص بأقرب جمعية علما أن أجور الفحص على المشتري

2.5 ريال قطري

[% ام فهد %]

دام فيها مزاد إليكم المواصفات:
اللون : أبيض
الحالة : ممتازة ما فيها أي دعمات بحالة الجمعية
النوع : وارد الوطنية كما هو واضح في الصورة
الضمان: 5 سنوات لا يغطي الكسر في القشرة
قاطع : 700 كم من الرياض

علما انني محافظ عليها بعيدا عن الشمس ولها مكان خاص بها داخل البراد و عالفحص بأقرب جمعية علما أن أجور الفحص على المشتري

700 كم و وارد الرياض :nop: احتمال تكون حاملة للفايروس
انا اقترح تجيب لها فريق طبي يفحصها
و عندي كم من سوؤال

هل الختم واضح و لا لأ ؟

و هل البيضه مشموخه و لا سليمه ؟

لاني بصراحه ناوية اخشها حق احفادي

خبركم البيض ثروة هاليومين

نبدا المزاد

بس باثفيدر ترى في نافس (( الجني )) عنده بيضه عارضها للمزاد

[PathFinder]

700 كم و وارد الرياض :nop: احتمال تكون حاملة للفايروس
انا اقترح تجيب لها فريق طبي يفحصها
و عندي كم من سوؤال

هل الختم واضح و لا لأ ؟

و هل البيضه مشموخه و لا سليمه ؟

لاني بصراحه ناوية اخشها حق احفادي

خبركم البيض ثروة هاليومين

نبدا المزاد

بس باثفيدر ترى في نافس (( الجني )) عنده بيضه عارضها للمزاد


الختم واضح 100% و لونه وردي يعني تصلح حق العائلات والحريم
ما فيها شموخ
اتحدى انه يكون في بيضة بنفس المواصفات:dance, اعتقد البيضة اللي عارضها الجني من الهند.
وأنا مقدملها على شهادة رخصة طبية ان شاء الله تصدر خلال وقت قصير وهي تشمل:
تحليل صفار, تحليل بياض, فحص مستوى الاشعاع البيضوي وخلو من انفلونزا الطيور

[الجني]

ينقل الموضوع الى سوق المنتدى

و ياليت بسبب الاقبال الكبير

فتح منتدى جديد



منتدى البيض

[% ام فهد %]

ينقل الموضوع الى سوق المنتدى

و ياليت بسبب الاقبال الكبير

فتح منتدى جديد



منتدى البيض


انا مؤيده

ههههههههه

بصير مشرفه

(( بيضة منتدى البيض ))

[أحلى وسيطه]

الله لايشمت احد فينا
بيض وانقرض
زياده رواتب وطلعت اشاعات
مطر مايبي ينزل عندنا
الله المستعان
الله يرحمنا برحمته

[% ام فهد %]

الله لايشمت احد فينا
بيض وانقرض
زياده رواتب وطلعت اشاعات
مطر مايبي ينزل عندنا
الله المستعان
الله يرحمنا برحمته

اللهم آمين

[بوبندر]

والله ماندري شل حاصل ...مفروض هذي السنه يسمونها سنه انغراض البيظى في الدوحه
نفس سنة الطبعه....البلد الوحيد في العالم لي مافيه بيظى مفروض تسجل في التاريخ وتدرس الى الجيل الجاي

[rashid-1]

مالنا الا نربي دجاج فوق السطوح نصير مثل المصاروه

[Breakaway]

اليوم وأنا في مجمع إستهلاكي شفت الهنود ياخذون البيض من الثلاجة بيديهم وارجولهم:eek5: سألت عل كم البيض قالوا لي على 14 ريال:omg: هجمت عليهم وخذيت كرتونتين :D

[% ام فهد %]

والله ماندري شل حاصل ...مفروض هذي السنه يسمونها سنه انغراض البيظى في الدوحه
نفس سنة الطبعه....البلد الوحيد في العالم لي مافيه بيظى مفروض تسجل في التاريخ وتدرس الى الجيل الجاي

هلا و الله

شرفتنا بمرورك

[% ام فهد %]

مالنا الا نربي دجاج فوق السطوح نصير مثل المصاروه

يبيله

[% ام فهد %]

اليوم وأنا في مجمع إستهلاكي شفت الهنود ياخذون البيض من الثلاجة بيديهم وارجولهم:eek5: سألت عل كم البيض قالوا لي على 14 ريال:omg: هجمت عليهم وخذيت كرتونتين :D

وين هالمجمع ؟

ترى ما في بيض كلش

[ANONYMOUS]

اليوم الصبح كنت في الميره

سالت المحاسب: في بيض

قال: لا

قلت :متي يجي

قال: يجي بكره

قلت: متى

قال :بكره الصبح

( المهم لاحظت ان الهنيدي مايبي يقول لي بالضبط متى يجي البيض.. الظاهر يخشه حق لهنود ربعه )

قلت في نفسي :لازم املّغ

سالت :متى الصبح

قال: مادري

قلت :شلون ماتدري ( كنت بضيف ياحيوان ) انت محاسب وجمب الباب تعرف كل شي..

انحرج الخايس وقال: يمكن 8 ولا 9 الصبح

المهم.. بيض الدوحه متوفر.. بس لهنود بعد مسويين عصابات

بس اراويك.. من بكره الصبح بحضّر عندهم.. ( اذا قمت )

[Breakaway]

وين هالمجمع ؟

ترى ما في بيض كلش

لقيته العصر في مجمع الخريطيات في محطة طيبة للبترول

[miss-qatr]

هههههههههههههه


الصراحه ضحكتوني بردودكم ..... البيض سوالكم قضيه :funny:



في اشيى وايد غير البيض الواحد يتريق بها :thumbup:

[umm yousef]

الله المستعان
ونتمنى من إدارة حماية المستهلك الي نسمع عنها ولا نشوفها تعمل شي هذي أمانه في أعناقهم...

[ANONYMOUS]

هههههههههههههه


الصراحه ضحكتوني بردودكم ..... البيض سوالكم قضيه :funny:



في اشيى وايد غير البيض الواحد يتريق بها :thumbup:



مثل شنو !!

[miss-qatr]

مثل شنو !!

عندك فطور اوريانتل :strong


فطور بريطاني


انت تختااار :app2:

لا صج فيه اشيى وايد باذكر لك امثه بسيطه

كورواسان , مربى , زبده, قشطه, لبنه, توست جبن ,..............الخ:thumbup:

[سهم الخيانة]

الي محتاج للبيض يروح مصنع الدواجن الي على طريق الشمال وراح يلاقي طبق البيض 15 ريال مش أكثر

البيض أصبح اغلى من الدجاج :cry2:

[% ام فهد %]

اليوم الصبح كنت في الميره

سالت المحاسب: في بيض

قال: لا

قلت :متي يجي

قال: يجي بكره

قلت: متى

قال :بكره الصبح

( المهم لاحظت ان الهنيدي مايبي يقول لي بالضبط متى يجي البيض.. الظاهر يخشه حق لهنود ربعه )

قلت في نفسي :لازم املّغ

سالت :متى الصبح

قال: مادري

قلت :شلون ماتدري ( كنت بضيف ياحيوان ) انت محاسب وجمب الباب تعرف كل شي..

انحرج الخايس وقال: يمكن 8 ولا 9 الصبح

المهم.. بيض الدوحه متوفر.. بس لهنود بعد مسويين عصابات

بس اراويك.. من بكره الصبح بحضّر عندهم.. ( اذا قمت )


ها بشر لقيت بيض ولا لأ

خلاااص انا بخليك مراسلنا من جمعية الميرة

يالربع كل واحد يرز ويهه في جمعية

و يحجز للكل

:ok:

[ANONYMOUS]

ها بشر لقيت بيض ولا لأ

خلاااص انا بخليك مراسلنا من جمعية الميرة

يالربع كل واحد يرز ويهه في جمعية

و يحجز للكل

:ok:




قعت 12 ظهرا..

انتوا اشتروا وبنتحاسب اهاهاهاها

[ANONYMOUS]

كورواسان , مربى , زبده, قشطه, لبنه, توست جبن ,..............الخ:thumbup:




من صجج

ليش التعب

انا كل يوم الصبح اقوم واودي العيال الريتز نتريق..

:D

[% ام فهد %]

هههههههههههههه


الصراحه ضحكتوني بردودكم ..... البيض سوالكم قضيه :funny:



في اشيى وايد غير البيض الواحد يتريق بها :thumbup:

هذا اهم شي

مب شرط للريوق بس

انا صراحه قررت اسوي مظاهرة

الوعد بكره على الكورنيش

و كل واحد يجي يجيب معاه لوحه عليها صورة بيضه

ههههههههههههههههه

والله حالتنا حاله الناس لاهية في مشاكل دول و احنا لاهين في نشألة البيض

[% ام فهد %]

الله المستعان
ونتمنى من إدارة حماية المستهلك الي نسمع عنها ولا نشوفها تعمل شي هذي أمانه في أعناقهم...

اشياء وايد يا ام يوسف نسمع عنها و لا نشوفها

شاكره لج مرورج يالغالية

[% ام فهد %]

عندك فطور اوريانتل :strong


فطور بريطاني


انت تختااار :app2:

لا صج فيه اشيى وايد باذكر لك امثه بسيطه

كورواسان , مربى , زبده, قشطه, لبنه, توست جبن ,..............الخ:thumbup:



في ناس ما يجيب راسهم الا البيض

[% ام فهد %]

الي محتاج للبيض يروح مصنع الدواجن الي على طريق الشمال وراح يلاقي طبق البيض 15 ريال مش أكثر

البيض أصبح اغلى من الدجاج :cry2:

الله يجزاك الف خير اخوي

[دلة الرسلان]

اكتب لكم وانا انظر بعين الرضى الى طبقيين البيض اللتي تم شراؤها ب14 ريال ونصف ومن

الحجم الكبير ولا تحاولووووووووون ما راح اعلمكم بمصادري محلفيني ع المصحف :pardon:

بس من كثر المحاتاه لا يخلص تمينا نشاهده ولا نطبخه خاشينه حق العزايم :D

[**قطـــــر**]

لايفوتكــــــــــــم واحد من الربع توه يقولى عن البيض وقضايا البيض والصدمــــــه إنه يقول إن يوم الجمعــــــــه لقى العالم يعرضون فى سوق الحمام مبيعات من الحمام والدجاج القادم من المزارع ومن بينهم اشخاص جايبين معاهم اطباق بيض وعارضينالطبق على
50 ريال ((ياللهوووووووول))

[Breakaway]

الي مب محصل بيض عليه ببيض الغنم تروه طيب على الريوق :thumbup1:

[ضوى]

الي مب محصل بيض عليه ببيض الغنم تروه طيب على الريوق :thumbup1:



:eek5::eek5::eek5::eek5::eek5::eek5:

[ضوى]

قلنا لكم مب لازم البيض

انفلونزا الطيور قادمة وبقوة الله يستر

المرحلة الثالثة من المرض خطيرة جدا وما تاخذ وقت طويل للقفز للمرحلة الرابعة
احذروا البيض وقاطعوه قاطعوه قاطعوه

ما في حواليكم كرتونة بيض ؟؟؟

[% ام فهد %]

اكتب لكم وانا انظر بعين الرضى الى طبقيين البيض اللتي تم شراؤها ب14 ريال ونصف ومن

الحجم الكبير ولا تحاولووووووووون ما راح اعلمكم بمصادري محلفيني ع المصحف :pardon:

بس من كثر المحاتاه لا يخلص تمينا نشاهده ولا نطبخه خاشينه حق العزايم :D

هلا وغلا

شالاخبار

اقول ما عليه تسلفونا 5 بيضات بنتصور صورة تذكارية و بنرجعهم لكم

و برهن لكم سيارتي

احم احم

ممكن المصدر على الخاص

دخيل الله بس كرتونين للذكرى

[% ام فهد %]

لايفوتكــــــــــــم واحد من الربع توه يقولى عن البيض وقضايا البيض والصدمــــــه إنه يقول إن يوم الجمعــــــــه لقى العالم يعرضون فى سوق الحمام مبيعات من الحمام والدجاج القادم من المزارع ومن بينهم اشخاص جايبين معاهم اطباق بيض وعارضينالطبق على
50 ريال ((ياللهوووووووول))

:oops:

:con2:

بشتكي عليهم :telephone:

يبيعون ممنوعات

:ok::ok::ok:

[% ام فهد %]

الي مب محصل بيض عليه ببيض الغنم تروه طيب على الريوق :thumbup1:

:looking::looking::looking:

[% ام فهد %]

قلنا لكم مب لازم البيض

انفلونزا الطيور قادمة وبقوة الله يستر

المرحلة الثالثة من المرض خطيرة جدا وما تاخذ وقت طويل للقفز للمرحلة الرابعة
احذروا البيض وقاطعوه قاطعوه قاطعوه

ما في حواليكم كرتونة بيض ؟؟؟

الله يجزاج ألف خير

بس اش تبين في كرتون البيض ؟

اذا تبين كرتونه فاضية انا حاظرة

ببيعج الكرتونه فاضية .. انا كنت مخليتها للذكرى بس يالله ما تغلى عليج :thumbup1:

[Breakaway]

:eek5::eek5::eek5::eek5::eek5::eek5:


:looking::looking::looking:


:whistling:

[سهم طويل الأجل]

حيخلصووووووووووووووووووووووووووه

[% ام فهد %]

حيخلصووووووووووووووووووووووووووه

:oops:

:oops:

:oops:

[سهم طويل الأجل]

:oops:

:oops:

:oops:


الظاهر أنهم
خلصوووووووووووووووووووووووه صج

[qaswed]

صار لي كم يوم مالقيت بيض

[PathFinder]

يا جماعة اللي يعرف اي مكان لأشتري منه البيض يطرشلي عالخاص علشان ما الاقي كل اعضاء المنتدى هناك!! والبيضة اللي كنت عارضها أكلتها والعوض على الله!

[M-OH-A-ME-D]

عندك فطور اوريانتل :strong


فطور بريطاني


انت تختااار :app2:

لا صج فيه اشيى وايد باذكر لك امثه بسيطه

كورواسان , مربى , زبده, قشطه, لبنه, توست جبن ,..............الخ:thumbup:



الله يرحم أجدادنا ,,

بريطانيا نستنا البيض :eek3:

[M-OH-A-ME-D]

يا جماعة اللي يعرف اي مكان لأشتري منه البيض يطرشلي عالخاص علشان ما الاقي كل اعضاء المنتدى هناك!! والبيضة اللي كنت عارضها أكلتها والعوض على الله!

صحة وعافية

[% ام فهد %]

الظاهر أنهم
خلصوووووووووووووووووووووووه صج

اي و الله صدقت

:confused:

[% ام فهد %]

صار لي كم يوم مالقيت بيض

بل تو الناس

من زمان البيض مخلص

[% ام فهد %]

يا جماعة اللي يعرف اي مكان لأشتري منه البيض يطرشلي عالخاص علشان ما الاقي كل اعضاء المنتدى هناك!! والبيضة اللي كنت عارضها أكلتها والعوض على الله!

كلت البيضه بكبرها ؟؟؟ :anger1::anger1:

انت انسان ما عندك احساس

اشلون تقول هالكلام و ما تحافظ على شعورنا

انت ما تدري ان احنا محرومين من البيض

خلاص يا باثفايندر مب معلمتك وين يبيعون البيض

طحت على مكان عجيب كل يوم اشتري كرتونين :ok:

<................ خراطه :discuss:

[M-OH-A-ME-D]

كلت البيضه بكبرها ؟؟؟ :anger1::anger1:

انت انسان ما عندك احساس

اشلون تقول هالكلام و ما تحافظ على شعورنا

انت ما تدري ان احنا محرومين من البيض

خلاص يا باثفايندر مب معلمتك وين يبيعون البيض

طحت على مكان عجيب كل يوم اشتري كرتونين :ok:

<................ خراطه :discuss:

:taunt::taunt::taunt:

[KhalidQ]

400 ريال للكرتون

[% ام فهد %]

400 ريال للكرتون

اي كرتون ؟:confused::cry2::confused:

[M-OH-A-ME-D]

اي كرتون ؟:confused::cry2::confused:

كرتون الملح حق البيض:secret:

[% ام فهد %]

كرتون الملح حق البيض:secret:

:victory:

:victory:

:victory:

حلوة

هههههههههههههههههههههههههه

.................

انا اخبر الكرتون كان بــ 300 يوم الاربعاء

الكرتون العووووود

الحين صار بــ 400

يا جماعه انصحكم سحبوا فلوسكم من البورصه و الاراضي و استثمروها في البيض

:taunt:

[أم نوره]

ابشركم بيسمحون دخول البيض الهندي
يعني بتلقون بيض خلااااااااااااااااااااااااااص بتتريقون بلاليط بالبيض خخخخخ

[M-OH-A-ME-D]

:victory:

:victory:

:victory:

حلوة

هههههههههههههههههههههههههه

.................

انا اخبر الكرتون كان بــ 300 يوم الاربعاء

الكرتون العووووود

الحين صار بــ 400

يا جماعه انصحكم سحبوا فلوسكم من البورصه و الاراضي و استثمروها في البيض

:taunt:


إعلان إكتتاب حق البيض ,,,

سهم البيض الأبيض = 50

سهم البيض البلدي " الأصفر " = 100

فترة الأكتتاب " غير محددة " :victory:

[M-OH-A-ME-D]

ابشركم بيسمحون دخول البيض الهندي
يعني بتلقون بيض خلااااااااااااااااااااااااااص بتتريقون بلاليط بالبيض خخخخخ

يعني بنفطر بلاليط بـ البيض

و وجبة الغدا مكبوس بيض

وبنتعشا صالونة بيض

:ok::ok::ok:

[% ام فهد %]

ابشركم بيسمحون دخول البيض الهندي
يعني بتلقون بيض خلااااااااااااااااااااااااااص بتتريقون بلاليط بالبيض خخخخخ

لين هاللحظه ما في بيض

:eek2::eek2:

استجنيت

[% ام فهد %]

إعلان إكتتاب حق البيض ,,,

سهم البيض الأبيض = 50

سهم البيض البلدي " الأصفر " = 100

فترة الأكتتاب " غير محددة " :victory:

مراسلنا من سوق الدوحه للاوراق المالية

ممكن تفاصيل اكثر عن ماهية الاكتتاب

يعني

كم الحد الاعلى و الحد الادنى للاكتتاب ؟

و متى بداية الاكتتاب ؟

في انتظار تفاصل اكثر دقه عن البيض و اخباره

ههههههههه

والله حالتنا حالة

[% ام فهد %]

يعني بنفطر بلاليط بـ البيض

و وجبة الغدا مكبوس بيض

وبنتعشا صالونة بيض

:ok::ok::ok:

حتى السويت بعد بالبيض

جلي بالبيض

كراميل بالبيض

.............


ترى نقص البيض يسبب مشكلة لان في اشياء في طباحنا يدخل فيها البيض

مثل الكيك .. و الفطاير .. و بعض الحلويات .. إلخ إلخ

يعني تبون الصراحه مب حاله