اخيرا سيارتي الفورد المعدلة 1951 الوحيده في العالم للبيع والعمولة 50.000

[كلاسيك للبيع]

السلام عليكم ورحمة الله وبركاته

موتري بعده ما نزل السوق. وشكله بيروح الامارات عقب شهر او شهرين اذا ما مشى.


الموتر الوحيد في العالم بهالشكل / فورد كوبيه 1951 .

مجدد كامل ..مكينه كوبرا 8 سلندر جير اوتوماتيك سبورت..... كل قطعه فيه شبه جديده حتى الوايرات. يعني بس جسم السيارة اللي قديم بس الباقي حديث.

داخل الموتر نفقيشن ...شاشه خلفيه... بلوتوث ... 6 سي دي .... السستم كامل بيونير آخر موديل نزل السوق ...تفصيل و نحت خشب كامل منجد بالكامل بجلد اصلي الماني اسود على برتقالي غامج ...مكيف جديد...كراسي كوبيه فخمه جدا ... حزام سبورت ... البيبان والشنطه الخلفيه والبانه وغيرها تتبطل بالريموت يعني الموتر بدون مقابض وغيرها من الكماليات.
وصاحب السيارة قبل لا اشتريها هو مهندس امريكي شغال عليها سنتين .. والسيارة قبل التعديل كانت من تكسس يعني ماصادها ماي ولا فيها حلى.


السيارة حاليا في الدوحة.


الحين المطلوب... واحد يوصل صور السيارة لأي مسئول او شخصية قيادية او شخصية مرموقة ... المبلغ للمنتدى فقط 500 الف ريال تخصم منها 50 الف عمولة للي يخلص لي السيارة. وعقب فترة بنزلها للمعارض بالمبلغ المذكور بس بدون اي عمولة غير عمولة المعرض العاديه.

اللي يبي يصورها يطرش لي ايميل وبطرش له رقمي. عشان يجي ويصور السيارة على راحته ويجرب حظه.


هذي صورتها يوم كانت في امريكا

http://www.uaeec.com/vb/imgcache/23580.imgcache
http://www.uaeec.com/vb/imgcache/23581.imgcache

[كلاسيك للبيع]

وبس عشان تتخيلون قيمتها المعنوية ولملاحظتكم.




السيارة طلعت من ميناء الدوحة ... شباب الكرنيش اول ماشافوا الموتر مسحوب... مسيرة من المينا للبيت.

الموتر يشد الانتباه بشكل غير طبيعي .. لان شكله في الواقع احلى بوايد من الصور.

[الجمارك]

اموفق انشاء الله بالبيعه
وبنشوفلك شراي وبدون عموله

[][ الوحيد ][]

ماشاءالله على موترك يا كلاسيك

صج تحفه

الله يوفقك فالبيعه انشاءالله

[master card]

لله يبارك لك في هالتحفة الفنية

وياريت تعرض لنا صور الموتر من الداخل

[koko33]

ابغي الموتر الي في الطبيله ورى موترك الي لونه برتقالي ولا عليك امر ومبروك عليك السياره بس يا خوي يا ليت تشوف لي الموتر الي قلت لك
والله موترك يستاهل السعر الي قلت والله يوفقك

[كلاسيك للبيع]

اموفق انشاء الله بالبيعه
وبنشوفلك شراي وبدون عموله


بالعكس يالغالي... هذا سوق ... وان شاء الله حقك محفوظ

[كلاسيك للبيع]

[ الوحيد ][;2230164']ماشاءالله على موترك يا كلاسيك

صج تحفه

الله يوفقك فالبيعه ان شاء الله


حياك الله الشيخ

الله يوفق الجميع

[كلاسيك للبيع]

لله يبارك لك في هالتحفة الفنية

وياريت تعرض لنا صور الموتر من الداخل

المشكلة الصور تطلع كبيرة .... لو تصغر كان حطيتها.

الله يبارك في عمرك يالشيخ

بس ان جا احد من الشباب ... بخليه يصور ويحطلكم الصور .

[كلاسيك للبيع]

ابغي الموتر الي في الطبيله ورى موترك الي لونه برتقالي ولا عليك امر ومبروك عليك السياره بس يا خوي يا ليت تشوف لي الموتر الي قلت لك
والله موترك يستاهل السعر الي قلت والله يوفقك


حياك الله ...وربي يبارك في عمرك

راعي الموتر اسمه دومينيك :nice: ... اذا ببيعه بقولك :victory:

[BURBERRY]

ما شاء الله موووتر حلووو

الله يعطيك خيره و يكفيك شره

بس ياريت تصور الديكور الداخلي للموتر

[المياسة78]

الصرااااااااااااحة

حرام ينبااااع واااااااايد ستايل


انطر علي كم سنة و باخذة:yes::yes:

[deepbluesea]

ماشاء الله

الله يبارك لك فيه

ويوفقك في بيعه

وان شاء الله بنشووف له شراي


الموتر يستاهل والله

[Qt.1]

السلام عليكم ورحمة الله وبركاته

موتري بعده ما نزل السوق. وشكله بيروح الامارات عقب شهر او شهرين اذا ما مشى.


الموتر الوحيد في العالم بهالشكل / فورد كوبيه 1951 .

مجدد كامل ..مكينه كوبرا 8 سلندر جير اوتوماتيك سبورت..... كل قطعه فيه شبه جديده حتى الوايرات. يعني بس جسم السيارة اللي قديم بس الباقي حديث.

داخل الموتر نفقيشن ...شاشه خلفيه... بلوتوث ... 6 سي دي .... السستم كامل بيونير آخر موديل نزل السوق ...تفصيل و نحت خشب كامل منجد بالكامل بجلد اصلي الماني اسود على برتقالي غامج ...مكيف جديد...كراسي كوبيه فخمه جدا ... حزام سبورت ... البيبان والشنطه الخلفيه والبانه وغيرها تتبطل بالريموت يعني الموتر بدون مقابض وغيرها من الكماليات.
وصاحب السيارة قبل لا اشتريها هو مهندس امريكي شغال عليها سنتين .. والسيارة قبل التعديل كانت من تكسس يعني ماصادها ماي ولا فيها حلى.


السيارة حاليا في الدوحة.


الحين المطلوب... واحد يوصل صور السيارة لأي مسئول او شخصية قيادية او شخصية مرموقة ... المبلغ للمنتدى فقط 500 الف ريال تخصم منها 50 الف عمولة للي يخلص لي السيارة. وعقب فترة بنزلها للمعارض بالمبلغ المذكور بس بدون اي عمولة غير عمولة المعرض العاديه.

اللي يبي يصورها يطرش لي ايميل وبطرش له رقمي. عشان يجي ويصور السيارة على راحته ويجرب حظه.


هذي صورتها يوم كانت في امريكا

http://www.uaeec.com/vb/imgcache/23580.imgcache
http://www.uaeec.com/vb/imgcache/23581.imgcache


بالتوفيق ياكلاسيك مع انه سعرك خيالي والله من بيحط 500.000 في موتر موديل 1951 خاصه في قطر لو برع يمكن ..؟؟

على العموم هذي حلاالك ومن حقك حتى لو تطلب مليون لكن هذي وجهة نظري وبالتوفيق يارب.

[auto body]

الشيخ فيه مجلة تصدر في دبي اسمه اتو مارت صور السيارة وطرشها لهم بمبلغ رمزي والمجلة مشهورة على مستوى الوطن العربي

[AL_MUTAEM]

بالتوفيق اخوي ..

الموتر يستاهل وصدقني وايد اللي ياخذونه.. انا بصراحه محب للأنتيك والمواصفات اللي نذكرت بموترك ما اقول الا لااله الا الله وربي يوريك خيره ويكفيك شر العين
@@

اخوي بس القير تغير وكم تبديل وهل هو سكان ولا ارضي

[كلاسيك للبيع]

ما شاء الله موووتر حلووو

الله يعطيك خيره و يكفيك شره

بس ياريت تصور الديكور الداخلي للموتر
مشكور يالغالي
ان شاء الله خلال كم يوم بيكون عندكم

[كلاسيك للبيع]

الصرااااااااااااحة

حرام ينبااااع واااااااايد ستايل


انطر علي كم سنة و باخذة:yes::yes:

مايجوز التحريم اختي :)


خلي فلوسج عندج ... الموتر للرجاجيل :D

[كلاسيك للبيع]

ماشاء الله

الله يبارك لك فيه

ويوفقك في بيعه

وان شاء الله بنشووف له شراي


الموتر يستاهل والله

الله يبارك في عمرك

حياك الله الشيخ ;)

[كلاسيك للبيع]

بالتوفيق ياكلاسيك مع انه سعرك خيالي والله من بيحط 500.000 في موتر موديل 1951 خاصه في قطر لو برع يمكن ..؟؟

على العموم هذي حلاالك ومن حقك حتى لو تطلب مليون لكن هذي وجهة نظري وبالتوفيق يارب.

الله يهداك ... ارقام تباع بأعلى من هالسعر.. فما بالك بكلاسيك معدل والوحيد في العالم .

وفي النهاية كل ساقط وله لاقط .

;)

وحياك الله

[كلاسيك للبيع]

الشيخ فيه مجلة تصدر في دبي اسمه اتو مارت صور السيارة وطرشها لهم بمبلغ رمزي والمجلة مشهورة على مستوى الوطن العربي

اعرفها الشيخ وموتري محجوز انه يروح لمعرض فخم يعرض سياراته في هالمجلة.

ماقصرت

[كلاسيك للبيع]

بالتوفيق اخوي ..

الموتر يستاهل وصدقني وايد اللي ياخذونه.. انا بصراحه محب للأنتيك والمواصفات اللي نذكرت بموترك ما اقول الا لااله الا الله وربي يوريك خيره ويكفيك شر العين
@@

اخوي بس القير تغير وكم تبديل وهل هو سكان ولا ارضي
الله يوفق الجميع

طبعا معروف ان المعدل اغلى من الانتيك الصافي... والتعديل اللي عندي درجة اولى . والقير ارضي اخوي.

[Barcelona]

ماشاء الله تبارك الرحمن ،،، لا إله إلا الله ،،

هذا الموتر الكلاسيك ولا بلاش هذا هو الوحش بعينه وعلمه ،،
بالتوفيق والله يعطيك على قد نيتك وبارك الله لك في حلالك ،، ويعطيك خيرة ويكفيك شره

الصراحة الموتر يستاهل ،،
ولو تعرضه على أصحاب هواية تجميع السيارات الكلاسيكيه بيجيب لك السعر الي في بالك ،، لو عندي فلوس كان خذيته لكن ماباليد حيلة ..

الله يوفقنا وياك

[Al-Kuwari]

شفته فالعزيزيه صاااف

الموتر حلو ماشاء الله ويستاااهل

بالتوفيق يااارب

[وحيد-الشوق]

ماشاء الله تبارك الله

الله يوفقك اخوي في البيعة

ويرزقك من حيث لاتحتسب

[سلفر]

الله يوفقك في بيعته

و الصراحه يستاهل

وطالما الوحيد في العالم

بإذن الله بيجيب السعر اللي في بالك

[كلاسيك للبيع]

ماشاء الله تبارك الرحمن ،،، لا إله إلا الله ،،

هذا الموتر الكلاسيك ولا بلاش هذا هو الوحش بعينه وعلمه ،،
بالتوفيق والله يعطيك على قد نيتك وبارك الله لك في حلالك ،، ويعطيك خيرة ويكفيك شره

الصراحة الموتر يستاهل ،،
ولو تعرضه على أصحاب هواية تجميع السيارات الكلاسيكيه بيجيب لك السعر الي في بالك ،، لو عندي فلوس كان خذيته لكن ماباليد حيلة ..

الله يوفقنا وياك

الله يغنيك عن فقرك هذا جبالا من الحسنات ... تدخلك جنة ... فيها لا عين رأت ولا اذن سمعت.


وجزاك الله خير

[كلاسيك للبيع]

شفته فالعزيزيه صاااف

الموتر حلو ماشاء الله ويستاااهل

بالتوفيق يااارب



التوفيق للجميع


وجزاك الله خير

[كلاسيك للبيع]

الله يوفقك في بيعته

و الصراحه يستاهل

وطالما الوحيد في العالم

بإذن الله بيجيب السعر اللي في بالك


الله يوفق الجميع


ان شاء الله

[كلاسيك للبيع]

للرفــــــــــــــــــع

[كلاسيك للبيع]

صور السيارة من الخارج والداخل


السيارة موجوده الآن في معرض هاي كلاس طريق سلوى بجانب كرستال
http://www.m5zn.com/uploads/0301ef1c55.jpg (http://www.n-vb.com/vb/)
http://www.m5zn.com/uploads/b0053ec54c.jpg (http://www.n-vb.com/vb/)
http://www.m5zn.com/uploads/f9d040d784.jpg (http://www.n-vb.com/vb/)
http://www.m5zn.com/uploads/ade65d5748.jpg (http://www.n-vb.com/vb/)
http://www.m5zn.com/uploads/b3150dfeb6.jpg (http://www.n-vb.com/vb/)

[كلاسيك للبيع]

للرفع.......

[][ الوحيد ][]

ماشاءالله عليها والله

موتر حلوووو والله

وشكله عالطبيعه احلى واحلى

[M O 7 A M M E D]

ما شاء الله ..

لاحظ سكان السيارة نفس رنقات الخان ..

الله يوفقك في بيعة السيارة ..

:)

[Mishaal]

تفجييييييييييير

الله يوفقك في البيعة ياخوي ..

والموتر يستاهل وزووود

[احمدخالد]

موفقاخوي

[القعقاع-قطر]

الله يوفقك بالبيعه

[وهم قطر]

الله يبارك لك فيه

بس وايد مبالغ في السعر

بالنسبه للسعر مايتعدى الـــ 100 الف اشوفه انا

لان اعرف اسعارها هناك في موطنها الاصلي

بس الله يرزقك بحلاله :)

اهم المسيره الي كانت وراه بس :)

[بورصجي_جديد]

بسم الله ماشالله

موتر يستاهل !

بس السعرغالي شوي

على العموم الله يوفقك

[كلاسيك للبيع]

مشكورين على الردود الطيبة.


وبالنسبه للاخ اللي قال اسعارهم على 100000 ... جيبلي 3 نفس اللي عندي بالضبط وبشتريهم بثلاث اضعاف السعر اللي حاطه. والشحن علي بعد.

اخوي السيارة مب كلاسيك ستاندر....السيارة كلاسيك معدل درجة اولى... اذا اللي داخل السيارة كلفني حدود ال70 الف... غير سعر السيارة والشحن.

قريبا ينتهي العرض الخاص بالمنتديات... وسأبدا بوضعها في الجرائد المحلية بالسعر الكامل دون العمولة.. وعقبها بوديها الامارات.

[BURBERRY]

ما شاء الله

الموتر روووعه

لكن اخوي من داخل لك عليه شوي ..

لو حاط اللون البرتقالي نفس الي يجي على كراسي البورش او الرنج بيكون احلى

او انك مخليها على شد الوكاله مع تغير الاشياء الضروريه جداً او الي ما تتصلح

في الاخير ..

الله يوفقك و تحصل شراي :)

[كلاسيك للبيع]

ما شاء الله

الموتر روووعه

لكن اخوي من داخل لك عليه شوي ..

لو حاط اللون البرتقالي نفس الي يجي على كراسي البورش او الرنج بيكون احلى

او انك مخليها على شد الوكاله مع تغير الاشياء الضروريه جداً او الي ما تتصلح

في الاخير ..

الله يوفقك و تحصل شراي :)



جزاك الله خير اخوي


الصورة مبينه اللون اكثر من الطبيعي...بس اللون اغمج على الطبيعة واحلى.

وشكرا للمرور

[تلفزيون قطر]

فالك التوفيق أخوي















تلفزيون قطر

[ANONYMOUS]

جرب حطه في ايبي والمواقع المشابهه

الموتر روعه
وبالتوفيق انشالله

[لولوتي]

http://www.qatarshares.com.qa/data/36/38/storm_2092904338_947734827.gif

بالتوفيق:nice:

[كلاسيك للبيع]

فالك التوفيق أخوي





تلفزيون قطر



جزاك الله خير يالغالي

[كلاسيك للبيع]

جرب حطه في ايبي والمواقع المشابهه

الموتر روعه
وبالتوفيق انشالله


جزاك الله خير يالشيخ

[كلاسيك للبيع]

:

http://www.qatarshares.com.qa/data/36/38/storm_2092904338_947734827.gif

بالتوفيق:nice:




:app2::app2::app2::app2:


مشكورة اختي ماقصرتي..لا بعد هالحركة ان شاء الله الموتر بيروح :yu:

[كلاسيك للبيع]

للرفع

[الوهاااااج]

والله احسن تحطة تحفه في احد الشوارع من يشتريه ذي والا وين قطع غياره

[كلاسيك للبيع]

والله احسن تحطة تحفه في احد الشوارع من يشتريه ذي والا وين قطع غياره

البدي بس اللي قديم... كل القطع اللي داخله موديل السنة...تحصلها في الوكالة او في اي محل قطع غيار.


وشكرا على المرور الطيب.

[كلاسيك للبيع]

للرفع النهائي.

[" روح قطر "]

الله يوفق لك ويرزقك في بيعته من أوسع أبواب رزقة

مع أني ما أعرف في السيارات بس تستاهل كل خير أخوى كلاسيك

موفق أن شاء الله

[كلاسيك للبيع]

الله يوفق لك ويرزقك في بيعته من أوسع أبواب رزقة

مع أني ما أعرف في السيارات بس تستاهل كل خير أخوى كلاسيك

موفق أن شاء الله

جزاج الله خير اختي... وربي يوفقج ويسعدج.

[بيانو]

بالتوفيق اخوى انشاء الله

بس تعرف من اللى يشترى هالسياره فورا

( شـركه انتاج )

لانهم هم اللى يقدرون هالشىء ويحتاجونه فى اعمالهم

[كلاسيك للبيع]

بالتوفيق اخوى انشاء الله

بس تعرف من اللى يشترى هالسياره فورا

( شـركه انتاج )

لانهم هم اللى يقدرون هالشىء ويحتاجونه فى اعمالهم

اذا لفيديو كليب آنا غير موافق :happy:


انا جاتني سومات طيبه... بس معند على السعر اللي في بالي :pardon:

[فلسطيني]

بالتوفيق اخوى انشاء الله

بس تعرف من اللى يشترى هالسياره فورا

( شـركه انتاج )

لانهم هم اللى يقدرون هالشىء ويحتاجونه فى اعمالهم





:ok::ok:

[بولينجر]

أخوي كلاسيك ماعرضته على الشيخ فيصل بن جاسم؟ معروف عنه يحب السيارات القديمة...والله يوفقك بالبيعة

[كلاسيك للبيع]

أخوي كلاسيك ماعرضته على الشيخ فيصل بن جاسم؟ معروف عنه يحب السيارات القديمة...والله يوفقك بالبيعة

اولا بعرضه في النت (خلصت والنتيجة وصل سعر الموتر 350 الف) :strong .

الاسبوع الجاي واللي عقبه بينزل في اوتو تريدر . :fight:

وتقريبا في نفس الوقت بنزله في الجرايد . :nice:

وعقبها بطرشه لمعرض واحد من الربع في دبي... يتم هناك لين يخيس . :whistling:

[" روح قطر "]

اولا بعرضه في النت (خلصت والنتيجة وصل سعر الموتر 350 الف) :strong .

الاسبوع الجاي واللي عقبه بينزل في اوتو تريدر . :fight:

وتقريبا في نفس الوقت بنزله في الجرايد . :nice:

وعقبها بطرشه لمعرض واحد من الربع في دبي... يتم هناك لين يخيس . :whistling:

الله يوفق لك أخوى 350 الف :whistling:
اذا تبي حد يساعد في عد الفلوس ترى وخيتك جاهزة :fight:
واذا تبي تخشها عندى فالك طيب :nice: عندى تجورى مايشلة ونش :strong

[كلاسيك للبيع]

الله يوفق لك أخوى 350 الف :whistling:
اذا تبي حد يساعد في عد الفلوس ترى وخيتك جاهزة :fight:
واذا تبي تخشها عندى فالك طيب :nice: عندى تجورى مايشلة ونش :strong

انتي شيابج صوب السيارات... خليج هناك صوب المستلزمات النسائية :happy:

[((ولدالدوحة))]

حرام والله موتر كلاسيك لاعبين فيه
كان يسوا أكثر لو خليته نفس ماهو

[كلاسيك للبيع]

حرام والله موتر كلاسيك لاعبين فيه
كان يسوا أكثر لو خليته نفس ماهو

اولا لاتحرم الا ماحرمه الله.



ثانيا... اخوي انت شكلك ماتعرف لسوق الكلاسيك... (الامريكي) .

المعدل درجة اولى اغلى بأضعاف من الكلاسيك الصافي. :nice: , واللي يعشقون الكلاسيك الصافي اغلبهم مايحبون المعدل.

بس :strong

[" روح قطر "]

انتي شيابج صوب السيارات... خليج هناك صوب المستلزمات النسائية :happy:

أنا متجولة في كل مكان ....وبعدين أدور تنكر ماخبرت تنكر :whistling:

خبرك عندى عنز وتيسين :sorry:وابي اشتري لهم تنكر :fight:

:nice: (( بطرانة الأخت تبي تدلع غنمها :nice:))

وبعدين يمكن حد يبي مساعدة نعد معاة فلوسة :fight: ترى حاضرين :fight:

[dude]

بااتوفيق انشاء الله

[سفير الدانة]

اخوي الموتر انباع ولا للحين

[سهم بن سهم]

بالتوفيق إنشاء الله

[كلاسيك للبيع]

أنا متجولة في كل مكان ....وبعدين أدور تنكر ماخبرت تنكر :whistling:

خبرك عندى عنز وتيسين :sorry:وابي اشتري لهم تنكر :fight:

:nice: (( بطرانة الأخت تبي تدلع غنمها :nice:))

وبعدين يمكن حد يبي مساعدة نعد معاة فلوسة :fight: ترى حاضرين :fight:


:eek2:.... حلو دام دخلتي في سوق الغنم ومشتقاته... راحت على مواشي . :nice:


تلاقين عيالج مستانسين الحين.... راكبين على التيس ... ومسوين فلم كاوبوي :fight:


لا الفلوس ايداع في البنك هم بيعدونه بالمكينه وعقب تحويل لسوق الاسهم. :yu:

[كلاسيك للبيع]

بااتوفيق انشاء الله

الله يوفق الجميع يالغالي... وحط بالك على كلمة (ان شاء الله)... لانه كاتبه غلط بارك الله فيك :)

[كلاسيك للبيع]

اخوي الموتر انباع ولا للحين



موجود .... تحت الطبيلة :thumbup1:

[كلاسيك للبيع]

بالتوفيق إنشاء الله

الله يوفق الجميع يالغالي


اخوي كلمة (ان شاء الله) تنكتب جذيه. بارك الله فيك :)

[QTR_89]

بصراحه الموتر متعوب عليه ومواصفات ولا احلى ,,
الله يوفقك ويجيب لك السعر اللي تبيه ,, وزياده بعد :) ,,

ان شاء الله ,,

[كلاسيك للبيع]

بصراحه الموتر متعوب عليه ومواصفات ولا احلى ,,
الله يوفقك ويجيب لك السعر اللي تبيه ,, وزياده بعد :) ,,

ان شاء الله ,,




جزاك الله خير.. اسأل الله لك التوفيق. ;)

[مساهم2006]

اذا الموتر مما انباع رد علي يا خوي

[كلاسيك للبيع]

اذا الموتر مما انباع رد علي يا خوي

الموتر موجود

[مستثمر 999]

بالتوفيق اخوي بوخالد

[لولوتي]

موجود .... تحت الطبيلة :thumbup1:

وانا شفت الكلاسيك من اسبوع في النصر يشرب عصير:thumbup:

omen وشكله بالفعل مميز جداً بما انه مثل مااتقول الوحيد:eek2:

[كلاسيك للبيع]

بالتوفيق اخوي بوخالد

الله يوفق الجميع.


جزاك الله خير :)

[كلاسيك للبيع]

وانا شفت الكلاسيك من اسبوع في النصر يشرب عصير:thumbup:

omen وشكله بالفعل مميز جداً بما انه مثل مااتقول الوحيد:eek2:


شمطلعج في الليل في النصر :nono: .

اخاف على بناتنا من هاليهالوووه اللي مايخافون ربهم.




وجزاج الله خير اختي على التعليق الطيب :p