إذا اللبوه ساقت سياره الاسد قعد في الميلس يلعب أورقه ويشرب شيشه

[إنسان]

في المناسبات تكثر المشاوير للأسواق والمجمعات والمحلات وهي بالفعل

تُنقص على الرجل حياته وترفع ضغطه ويشيل الهم ويغتم ويقصر عمره :mad:

ومن أهم الاسباب اللي تخلي الريال يطلع ليسن حق زوجته هي مشاويرها المقيته :anger1:

هي تسوق من هني وهو يشيل يده من البيت بالتدريج

في البدايه مشاويرها تقضيها بنفسها .. شوي شوي هي توصل اليهال المدارس لأنهم على طريقها

تعال يا طحلب الجمعيه عليك :telephone:

الحبيب قاعد في الميلس مع الربع يلعب اورقه وإذا طلعوه رد يلعب كيرم ودومنه

من عقب ما كان يكرف مثل الحصان .. حصان مب شي ثاني .. شال يده من كل شي

ما يسوى عليها الليسن اللي خذته

صج الريال مثل الاسد .. في وجه تشابه كبير بين الرجل والاسد

اللبوه تطارد الفريسه وتصطادها والأسد يجي على الوليمه ويطرد اللبوات

وياخذ مكان استراتيجي على الفريسه واللبوات شوي شوي ياخذون أماكن بعيد عنه

ويا ويل الشبل إذا قرب منه مب احسن له :vampire:

وهذي حاصله مع بني البشر .. يقولك في السودان الرجل يتزوج أربع حريم

ويشغلهم في الغيط بدل ما يجيب عمال يفلحون .. الحريم يحرثون الأرض وينثرون البذر

ويغرسون الشجيرات ويزرعون ويسقون الماي ويجنون الثمر

والزول حاط رجل على رجل يشرب شيشه ويسولف مع الزولان

مع شديد الإحترام للاخوه في السودان بس حبيت اضرب مثل لوجه التشابه بين الاسد والإنسان

والأسد عنوان الشجاعه يعني ما غلطت على الإخوان

يا حريم اعتبروها دعوه لتقليل المشاوير قبل لا ينقلب الزوج طحلب

وكثر الضغط يولد الإنفجار :anger3:

[الدوحي7]

تدرى اخاف اتكلم اللبوات يزعلون،، ولا عندى حكي(كلام) وايد،،جميل مافكرت فيه وحذرت اللبوات ، بس ياليت يفهمون،،

[auto body]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ لاتعليق

[بوحارب]

تدرى اخاف اتكلم اللبوات يزعلون،، ولا عندى حكي(كلام) وايد،،جميل مافكرت فيه وحذرت اللبوات ، بس ياليت يفهمون،،

قول ألي في خاطرك ولا تحاتي

[ANONYMOUS]

اذا الحرمه خذت الليسن..

على الدنيا السلام..

كلها كم شهر وينلغي وجود الرجل ويصير مزهريه ولا كرسي ك قطعة اثاث..

اما الحرمه..

الصبح دوام
الظهر تروح الصاله .. تلعب ايروبيك
العصر تمر الجمعيه.. تاخذ النواقص للبيت
المغرب تروح الكورنيش تسوي رياضه
العشا تروح السوق تاخذ بعض الاغراض.. او تروح الصالون.. او زياره
عقب العشا.. يمكن تمر المخبز.. ولا تروح تجيب فول افغاني مع خبز تميس
بعد ال9 تروح تاخذ لها كوفي من الخيام.. ولا كرك من النعيمي.. ولا تروح تضرب لها راس في اي شيشه..

زطبعا ترد اللبيت هلكانه.. شوية تلفزيون ونوم..
وهكذا..

[امل الحب]

صح كلامك

لما المرأة تسوق خلاص الرجل ينسى الدنيا ومافيها عقب ماكان شريك في الطلعات والمشاوير

بس شي مو حلو كلش:(

[بويوسف]

مازلتم يا اصدقائي مرضى للتعميم .. فأنتم الصح والعالم كله خطأ .. فمن يسمح لزوجته او لأخته بأخذ الليسن فهو لايفهم والرجل قد يصبح في نظركم (ديوثا)(استغفر الله) لانه سمح لهذا الفساد بالحدوث.

تدرون اش الافضل كل واحد ينام على الجنب اللي يريحه واترك لكم الايام والسنين لتعلمكم وتغيركم

[ضوى]

مازلتم يا اصدقائي مرضى للتعميم .. فأنتم الصح والعالم كله خطأ .. فمن يسمح لزوجته او لأخته بأخذ الليسن فهو لايفهم والرجل قد يصبح في نظركم (ديوثا)(استغفر الله) لانه سمح لهذا الفساد بالحدوث.

تدرون اش الافضل كل واحد ينام على الجنب اللي يريحه واترك لكم الايام والسنين لتعلمكم وتغيركم

الصراحة يا بو يوسف انت قليل الكلام والتعليق بس لما تعلق تقول حكم ودرر وهذا يخليني اقف احتراما لك واصفق لك بكل ما اوتيت من قوة
:app2::app2::app2::app2::app2::app2::app2::app2:

[PoBox]

الصراحة يا بو يوسف انت قليل الكلام والتعليق بس لما تعلق تقول حكم ودرر وهذا يخليني اقف احتراما لك واصفق لك بكل ما اوتيت من قوة
:app2::app2::app2::app2::app2::app2::app2::app2:


مازلتم يا اصدقائي مرضى للتعميم .. فأنتم الصح والعالم كله خطأ .. فمن يسمح لزوجته او لأخته بأخذ الليسن فهو لايفهم والرجل قد يصبح في نظركم (ديوثا)(استغفر الله) لانه سمح لهذا الفساد بالحدوث.

تدرون اش الافضل كل واحد ينام على الجنب اللي يريحه واترك لكم الايام والسنين لتعلمكم وتغيركم


اعتقد ان صار سوء فهم بالموضوع لذلك طحتوا في صاحب الموضوع (إنسان)


اايد أخونا انسان في كلامه المكتوب 100%

مافي مشكلة ان المراة تسوق وتطلع وتدخل في حدود الأدب والدين

بس مع الوقت فعلا
راح توصل اليهال اللي على طريقها
وبعدين تروح البقالة على السريع
(( هالسوالف مافيها شيي ))

لكن وين المشكلة ؟؟


المشكلة الرجل !

راح يقط الحمل على زوجته شوي شوي مع التعود
بدل ان كان الشراء والذهاب للسوق يكون مع الزوج

وكثرة الابتعاد عن الزوج
وكل واحد قام يقضي مشاويرة بنفسه
الزوجة تقضي مشاوير الجمعية مثلا بنفسها
والرجل يروح يقضي مشاوير المكان الفلاني بنفسه

الحياة مشاركة ،،؟؟
نعم محد قال لا

لكن على مدى طويل
والشراء والطلعة المشتركة تقل بين الزوجين
وهذا راح ياثر على الحياة الزوجية
واثره مضر على المدى الطويل
فيرجى الانتباه لهذه النقطة


وللمقارنة شوفوا وضع
1) بيت فيه سواق
2) وبين بيت مافيه سواق
3) وبيت فيه سواق+ زوجة تسوق

وشوفوا من من البيوت الزوجة تطلع مع زوجها اكثر ومن اللي طلعاتها قليلة مع الزوج

كثير من الحريم اعرفهم - واشوف في كلامهم حكمة -
يقولون مانبي ناخذ لياسن لسبب واحد لاغير
يقولون نخاف ان خذنا الليسن الزوج يعتمد علينا
ولو قلناله نبي نروح المكان الفلاني او او او
يقول عندكم سيارة

لحد يقولي الرجال مب رجال ومافيه غيرة و و و
هذا راح يتنازل عنه مع الوقت مهما كان حمش:playball:

[ضوى]

اعتقد ان صار سوء فهم بالموضوع لذلك طحتوا في صاحب الموضوع (إنسان)


اايد أخونا انسان في كلامه المكتوب

مافي مشكلة ان المراة تسوق وتطلع وتدخل في حدود الأدب والدين

بس مع الوقت فعلا
راح توصل اليهال اللي على طريقها
وبعدين تروح البقالة على السريع
(( هالسوالف مافيها شيي ))

لكن وين المشكلة ؟؟


المشكلة الرجل !

راح يقط الحمل على زوجته شوي شوي مع التعود
بدل ان كان الشراء والذهاب للسوق يكون مع الزوج

وكثرة الابتعاد عن الزوج
وكل واحد قام يقضي مشاويرة بنفسه
الزوجة تقضي مشاوير الجمعية مثلا بنفسها
والرجل يروح يقضي مشاوير المكان الفلاني بنفسه

الحياة مشاركة ،،؟؟
نعم محد قال لا

لكن على مدى طويل
والشراء والطلعة المشتركة تقل بين الزوجين
وهذا راح ياثر على الحياة الزوجية
واثره مضر على المدى الطويل
فيرجى الانتباه لهذه النقطة


وللمقارنة شوفوا وضع
بيت فيه سواق
وبين مافيه سواق
وبيت فيه سواق+ زوجة تسوق

وشوفوا من من البيوت الزوجة تطلع مع زوجها اكثر ومن اللي طلعاتها قليلة مع الزوج

كثير من الحريم اعرفهم يقولون مانبي ناخذ لياسن لسبب واحد لاغير
يقولون نخاف ان خذنا الليسن الزوج يعتمد علينا
ولو قلناله نبي نروح المكان الفلاني او او او
يقول عندكم سيارة

لحد يقولي الرجال مب رجال ومافيه غيرة و و و
هذا راح يتنازل عنه مع الوقت مهما كان حمش:playball:



اخوي البوكسينج العتب مش على صاحب الموضوع العتب على المعلقين اللي يطلعون الرجل ضفعه ومب ريال لانه يخلي زوجته تسوق

شوف مادام الحياة مستقرة بين الزوجين وما في مشاكل كبيرة بينهم صدقني لا اذا هي ساقت ولا اذا في سايق راح يبعدهم عن بعض

مثال انا ما اسوق مع انه يقول لي احسن لج من السايق بس انا جبانة اخاف ، فالسايق يودينا الصبح اشغالنا ومدارس العيال بحكم طبيعة عمل زوجي العسكري ، بس من يدخل ابونا البيت السايق يطلع بره البيت ولا نشوف ويهه الا ثاني يوم الصبح ، ابونا يتكفل بكل شئ بالبيت حتى والله الخبز الايراني يجيبه لنا من المخبز ، واغراض الجميعة اسبوعيا انا وياه نطلع نشتريها اغراض عيالنا مع بعض نقضيها ، اغراضي انا اقضيهامعاه مب مع غيره يعني ما اشوف السايق بعدنا عن بعض مع انه عندنا من 18 سنة :D

ولو ان شاء الله وربي قوى قلبي واخذت الليسن فماراح يتغير شئ من هالوضع كله نفس الشئ راح يصير مع تغيير بسيط اني ما اخليه يسوق سيارتي لانه يسرع فيها:D

[aziz92]

اخي انسان
كلامك فية كثير من الصحة تبدأ الامور بمشواويرها الخاصة وثم يكون الاعتماد شبة الكامل

لكن المشاوير المقيتة للحريم للسوق وطولة البال الي مدري منين جايبينة حق التسوق تخليلك تفكر باليسن بجدية حق الاهل لان كل مشوار معها للسوق ينتهي بمشكلة

[بويوسف]

اخوي بوكسينج اذا كنا سنتكلم عن الاستخدام السئ لشئ معين فهذا لاخلاف عليه .. فالتلفون والدش والانترنت والسكين وكل شي في الدنيا قد يكون له استخدام سئ. ولو لاحظت انا قلت مرضى التعميم. عندنا مشكلة ياخوي بوكيسنج الا وهي التعميم. فاللي هله مايسوقون يشوف هالشي غلط ويعتبر اللي تسوق واهل اللي تسوق والفريج اللي فيه وحدة تسوق كلهم غلط ومايستحون على وجههم .. واذا اهله يتغطون اعتبر كل اللي مايتغطون مايعرفون من الدين شي وكلام له اول وماله اخر. هذا هو التعميم اللي ابتلينا فيه ..

مشكلة البعض هوالانغلاق على نفسه ويعتقد انه محور الكون والدنيا تدور عليه. يعني انه بس والباقي خس

[ورقــة أمــل]

سواقة المرأة في اغلب الاحيان تبعدها عن زوجها وبيتها
وهالشي شفته في اكثر من بيت سواء كانت متزوجة او غير متزوجة
تصير معتمده على نفسها كليا يمكن لانها تبي تكون جذي
او يمكن لان اخوانها وابوها او زوجها ملوا من مشاويرها
ولا يدرون وين تروح وين تجي اهم شي عندهم انهم يفتكون من عبالتها
واحيان اخرى تلقون العكس.. صحيح انها تسوق بس تطلع لمشاوير معينة
مثل شغلها وجامعتها وبس وبعلم من الزوج.. اما طلعاتها للسوق او زيارات الاهل
والمشاوير الثانية تكون مع الاب او الزوج..

[ورد]

المشكله مب لانها تسوق المشكله انه الرجل في هالزمن صار مايفكر الا في نفسة ووناسته واهم شي يشيل يده من مسؤؤلية البيت والعيال

ممكن المره ماتسوق بس عندها سايق يقوم بالدور اللي المفروض يقوم فيه الزوج تلاقي كل مشاوير العيال والمره مع الدريول والزوج وين ؟؟؟؟ يلعب ورقة وعجبي

لكن اذا كان الزوج يعتبر نفسة راعي مافي شي بيبعده عن زوجته لاالليسن ولا الدريول

[امل الحب]

مازلتم يا اصدقائي مرضى للتعميم .. فأنتم الصح والعالم كله خطأ .. فمن يسمح لزوجته او لأخته بأخذ الليسن فهو لايفهم والرجل قد يصبح في نظركم (ديوثا)(استغفر الله) لانه سمح لهذا الفساد بالحدوث.

تدرون اش الافضل كل واحد ينام على الجنب اللي يريحه واترك لكم الايام والسنين لتعلمكم وتغيركم

:unsure:

بويوسف ممكن القصد مو التعميم

القصد ان الريال يشيل يده من كل شي وتصير المسؤوليات كلها على راس المرة

واحنا نسوق ونشتغل ونروح ونرجع لكن مو معناه ان الرجل لايفهم بالعكس محشوم

تحيااتي لك :tooth:

[التيما]

الخطأ من الأثنين ..المرأة تبي تاخذ راحتها بالروحه والردة .. والريال ماله بارض على مشاوير البيت لانها وايد وتاخذ كذا يوم .. المره اذا نقص شي بالبيت راحت ويابته .. والريال يلومها بس عقب يتعود ..

المفروض لمن الوحده تسوق ماتنسى إنها مره وتمر هني وهني جنها ريال " شخلت للرياييل " والريال المفروض بعد ما يسمح لمرته تتطلع العصر وترد آخر الليل يحدد لها وقت معين وأيام معينه للطلعة مو كل يوم ..

[مستقلة]

و شالفرق اذا الوحدة كان عندها سايق؟
نفس الشي
انا اشوف ان الطلعة بدون الزوج احسن لان راح يكون متوتر و على اعصابة و يبي يخلص و يرجع المجلس

[قطري شايب]

طيب شنهو الافضل ؟ الحومه تسوق ولا تختلي بالسايق بدون محرم ؟؟ مهي متعطره واخر كشخه واخر حلاوه ؟؟؟

اوووه نسيت السايق هندي مهب رجال,,,, ماعنده غريزه ,,, مخ..... كانه تيس

عذرا بس تخلون الواحد يتكلم

[أم حمد]

ليش ياانسان

هوهالشي عده ماصار ؟

في اول الثمانينات

كان الرجل الكل بالكل

هو اللي يشتغل يكد يسوي كل شي

والمره معتمده عليه في كل شي

لكن من بدت المره تشتغل والرجل بدا اشوي اشوي يتخلى عن مسؤولياته

ويهتم في وناسته

وبعد عمل المرأه بدينا في سالفة السواقه

وبدت تأثر أكثر على الاسره

ولو ان البعض يقول لا هي حلت مشاكل كثيره

لكن للاسف هي لا حلت ولا شي !!

الا زادت المشاكل بس هم مب حاسين

وصبرن جميل والله المستعان وبس

/

[بوحارب]

أحسن حل الواحد يتزوج له وحدة

تشتغل وراتبها 18000

وعندها بيت

وسيارة كشخة

وعندها أسهم وتجارة بسيطة

وهو يرتاح فالبيت

هذا أحسن حل

لأن الصراحة هذي الأيام كلها فتن ليش الرجال

يطلع برع البيت يعرض نفسة للفتن وعورا الراس

:tooth::tooth::tooth:

[الدوحي7]

الخطأ من الأثنين ..المرأة تبي تاخذ راحتها بالروحه والردة .. والريال ماله بارض على مشاوير البيت لانها وايد وتاخذ كذا يوم .. المره اذا نقص شي بالبيت راحت ويابته .. والريال يلومها بس عقب يتعود ..

المفروض لمن الوحده تسوق ماتنسى إنها مره وتمر هني وهني جنها ريال " شخلت للرياييل " والريال المفروض بعد ما يسمح لمرته تتطلع العصر وترد آخر الليل يحدد لها وقت معين وأيام معينه للطلعة مو كل يوم ..
كلام جميل،،


ليش ياانسان

هوهالشي عده ماصار ؟

في اول الثمانينات

كان الرجل الكل بالكل

هو اللي يشتغل يكد يسوي كل شي

والمره معتمده عليه في كل شي

لكن من بدت المره تشتغل والرجل بدا اشوي اشوي يتخلى عن مسؤولياته

ويهتم في وناسته

وبعد عمل المرأه بدينا في سالفة السواقه

وبدت تأثر أكثر على الاسره

ولو ان البعض يقول لا هي حلت مشاكل كثيره

لكن للاسف هي لا حلت ولا شي !!

الا زادت المشاكل بس هم مب حاسين

وصبرن جميل والله المستعان وبس

/
والله صدقتي في كلامك،،

أحسن حل الواحد يتزوج له وحدة

تشتغل وراتبها 18000

وعندها بيت

وسيارة كشخة

وعندها أسهم وتجارة بسيطة

وهو يرتاح فالبيت

هذا أحسن حل

لأن الصراحة هذي الأيام كلها فتن ليش الرجال

يطلع برع البيت يعرض نفسة للفتن وعورا الراس

:tooth::tooth::tooth:

تراني لين الحين ماتزوجت ،، وشكل هذا العرض هو الحل،،

[بوحارب]

تراني لين الحين ماتزوجت ،، وشكل هذا العرض هو الحل،،

صدقني يالدوحي7

مستعدة ترزك في GXR

8 سلندر ولا رصااااصي:ok2::ok2:

اشتبي بعد

دورلك هذي النوعية تراهم كثيييير

[الدوحي7]

صدقني يالدوحي7

مستعدة ترزك في GXR

8 سلندر ولا رصااااصي:ok2::ok2:

اشتبي بعد

دورلك هذي النوعية تراهم كثيييير

كككككككككككككككك،،:yu:

[إنسان]

تدرى اخاف اتكلم اللبوات يزعلون،، ولا عندى حكي(كلام) وايد،،جميل مافكرت فيه وحذرت اللبوات ، بس ياليت يفهمون،،


؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ لاتعليق


قول ألي في خاطرك ولا تحاتي

يا جماعه علقوا وقولوا اللي في خاطركم وكلها سوالف وما بين الإخوان من زعل

وكل واحد له رايه وإن شاء الله الإختلاف لا يُفسد للود قضيه

ولولا إختلاف الإذواق لبارت السلع

هذه هي سنة الحياة

مشكوووووووووووووورين

[إنسان]

اذا الحرمه خذت الليسن..
على الدنيا السلام..
كلها كم شهر وينلغي وجود الرجل ويصير مزهريه ولا كرسي ك قطعة اثاث..
اما الحرمه..
الصبح دوام
الظهر تروح الصاله .. تلعب ايروبيك
العصر تمر الجمعيه.. تاخذ النواقص للبيت
المغرب تروح الكورنيش تسوي رياضه
العشا تروح السوق تاخذ بعض الاغراض.. او تروح الصالون.. او زياره
عقب العشا.. يمكن تمر المخبز.. ولا تروح تجيب فول افغاني مع خبز تميس
بعد ال9 تروح تاخذ لها كوفي من الخيام.. ولا كرك من النعيمي.. ولا تروح تضرب لها راس في اي شيشه..
وطبعا ترد البيت هلكانه.. شوية تلفزيون ونوم..
وهكذا..

هذي شكلها واحد من الربع :p

مشكور اخوي "شنو يعني سعر الدعم" على السيناريو المُعتم الذي رسمته للزوجة العامله

التي تسوق السياره :con2:

[إنسان]

صح كلامك
لما المرأة تسوق خلاص الرجل ينسى الدنيا ومافيها عقب ماكان شريك في الطلعات والمشاوير
بس شي مو حلو كلش:(

نبي الحل اختي أمل الحب .. يعني ما نخليها تسوق :yawn:

[إنسان]

مازلتم يا اصدقائي مرضى للتعميم .. فأنتم الصح والعالم كله خطأ .. فمن يسمح لزوجته او لأخته بأخذ الليسن فهو لايفهم والرجل قد يصبح في نظركم (ديوثا)(استغفر الله) لانه سمح لهذا الفساد بالحدوث.
تدرون اش الافضل كل واحد ينام على الجنب اللي يريحه واترك لكم الايام والسنين لتعلمكم وتغيركم

بس لو أعرف من زعلك :con2:

يا عنيف يا اقشر :p

بالفعل اخوي بويوسف في ناس تعمم وهذا خطأ

الزوجه شريكه في الحياة على الحلوه والمره

تعين وتعاون في شؤون البيت وكل شؤون الحياة

إذا المره ساقت مب مشكله لكن إذا الزوج تخلا عن مسؤوليته وصار طحلب

هنا المشكله .. من فتره ليست بالقريبه قبل السماح للمواطنات بقيادة السياره

كنت في كورس في فرنسا لمدة شهرين وقابلت أخ كويتي كان معاي في الكورس

وكان متزوج وعنده بنات في المدارس .. سألته: اخوانك قايمين بشؤون بيتك

قال ما يحتاي .. المره موظفه وتسوق وتوصل البنات مدارسهم وتتقضى من الجمعيه

وتوديهم المستشفيات إذا لزم الأمر وماهي بحاجة حد .. انتهت القصه

الحين اللي معترض على سواقة المره خل يقولنا وين الافضل في غياب الزوج شهرين عن البيت

1- الحمو الموت.

2- السايق.

3- قيادة المرأة للسيارة.

.................

شخصيا أختار رقم 3 :thumbup1:

[عابر سبيل]

الحين اللي معترض على سواقة المره خل يقولنا وين الافضل في غياب الزوج شهرين عن البيت

1- الحمو الموت.

2- السايق.

3- قيادة المرأة للسيارة.

.................

شخصيا أختار رقم 3 :thumbup1:

يا اخي...الحياه سهله بس الناس هي اللي تصعبها...

ابهاتنا لاول...كم كانو ايغيبون عن ابيوتهم..في الغوص...و لا تجاره...
ولا القنص....
يعني على حسب "مهرة" كل واحد...كانت ابيوتهم بدون راعيها من 4-6 اشهر...
و هذا اهم....ربونا (او ربو ابهاتنا)...
و لا شفناهم ايتشكون من كثرة مشاوير نسوانهم و لا من قلة فايدة رياييلهم....
و لا ...بعد كانت الغالبية العظمى تيك الايام كان البيت فيه اكثر من زوجه....

اما اليوم....فقلّت ركادة الحريم...و المطالع..و الاعلام...
و اكثر الشباب "متصبينيين"...يعني هل امناقز و قلة فايده.....

يا اخي...الوضوع بسييييط....

شوف البيت كانه ميزااان ذو كفتين.....

اي ميل او زيادة وزن او ضغط على احدى الكفتين...تخترب الحسبه..و ايميل الميزان....

يعني..في بيوت اتعاني من رياييل خاملين....فتضطر المرأة ان تأخذ شيئا من زمام القيادة
في البيت (ان لم يكن كل الامر)...لتحافظ على بيتها...فتراها
مضطرة للسواقه...و ربما العمل....و متابعة ابنائها و بناتها في المدرسة و وووالخ....

و هذي نقول لها...الله يرزقج الجنة لانك اخذت زمام مسؤولتك عن رعيتك بل و مسؤولية من
تقاعس عنها....

اما ما يذكره اخونا/ انسان....
فهم اللي مالهم سبب حقيقي (رجال او نساء) لجعل المرأة كثيرة التواجد خارج
حصنها المنيع...المنزل...

يا اخوان ...احنا الرياييل انعاني و نتعب من ما نواجهه في الشارع/العمل/السوق...و حتى المجالس....

يعني السواقه ما يبيلها قوة قلببس..الا قوة وجه بعد.. ( مثل ما قالت الاخت/ضوى...انها تفتقد الشجاعه)
يعني...شوفو كيف الواحد/الوحده لما ينحشر في زحمة الشوارع...كيف السيايير تلز ببعضها
و يضطر الواحد/الوحده ايتلفت يمين و يسار.هذا ايزحم و هذا ايهرن...و ذاك داش عرض
مخرع العالم....

ايش هو تصرف الوحده اللي اتسوق..لازم اتكون اهني قوية وجه...و لا بتنداس...

و هذا غيض من فيض....

المهم...المييييزان...اذا ما اختل...بدون ان يكون ذلك اضطراريا...
فسيختل معه استقرار المنزل...بلا شك و لا مواربه... سنرى ابناء
مهزوزين..نتيجة قلة الاستقرار في بيوتهم...

الدنيا بسيييطه...ما يبيلها لهطه...يبيلها ركادة و وعي..و قليل من القناااااعه
اما الشره و الشبق في حب الدنيا و المظاهر..فلا بد له من ثمن يُدفع...
لا ينكره الا مكاااابر

و الله من وراء القصد....

[قطري في لندن]

بس بقول شي تدرون شون عيب اهل الخليج بصفه عامه انهم ينظرون للموضوع نظره سلبيه اكثر منها اجابيه

انا واحد ضد سواقه المراء للسياره هاي بوجه نظري انا بس في غيري يوافق هاي الشي وهاي حريته بس في غيرنه تجبره الضروف مثلا مايقدر يجيب ادريول او يكون دوامه شفتات او مايرضه يخلي اهله يركبون مع رجال غريب واخ اخ

بس بقولكم شي لحين انتوا مو راضين صح نفس ما كنتوا مو راضين على اشياء من قبل ولحين رضيتوا فيها واكبر مثال الجوال


هاي وجه نظري واسمحولي اذا زليت في كلمه


تقبل مروري اخوك قطري في لندن

[لامار]

السلام عليكم ورحمة الله وبركاته

اخوتي واخواتي الاعزاء .....

اليكم ..اتكلم ومعكم اتحاور.. لكي آمد لكم شئ من غيضي وألمي

على الواقع الذي تعيشه ........{{بعض الزوجات }}...........و النساء بشكل عام

وخصوصا في وقتنا هذا وقت التحرر الذي جنى على عقول رجالنا........!!!

اناشد كم ..اين هم ..الرجال .. اين؟؟؟؟

اين نجد كيان الرجل المحترم الوقور في مجتمعنا الخليجي ..؟؟

للأسف ..لن نجد الا رجالا تخلوا عن مسؤلياتهم...!!

وعن مجتمعهم الصغير المحتاج لهم......!!

ليرموا به عليك لتتحمليه وحدك .....ولتحاسبي عليه ايضا..!

ليركضوا خلف حلم هارب ........خلف أمل مبتغى.......!!

ليشبعوا غريزة الأنانية وحب الذات لديهم.......!!

ثم لا يجيدون بعد ذلك الا الكلام ... !!!

كلام من دون فعل يذكر ............!!

من الذي سمح للمرأة ....بقيادة السيارة؟!!!

أنت أيه الرجل!!!!

من الذي سمح لها ..الخروج بشكلٍ يومي من بيتها ....{{ من غير حاجة ضرورية تستدعي لها ذلك؟!!!

أنت أيه الرجل!!!

من الذي سمح لها.. بخلع ملابس الحشمة ..وإستبدالها ...بــــــــــ { كسوة العراء} ...من ؟!!

أنت أيه الرجل!!

قال تعالى : (( يا أيها الذين آمنوا قوا أنفسكم و أهليكم نارا ))

فعلى الرجل أن يصلح نفسه بالطاعة و أن يصلح أهله إصلاح الراعي للرعية فقد صح الحديث أن النبي صلى الله عليه وسلم قال : (( كلكم راع و كلكم مسؤول عن رعيته ))


فأتمنى من كل...{ رجل }..أن يبادر بإصلاح ...ما يمكن إصلاحه.

أأسف على هذه الإطالة.

كل الشكر لصاحب الطرح الرائع

تقبلوا مروري

دمتم في رعاية الله


لامار

[ANONYMOUS]

ياجماعه

التمسوا لأخيكم الرجل الف عذر

الرجال قاعد مع عطران الشوارب

يعطّر شاربه


ولا يلعب ورقه مع حمران النواظر

يحمّر ناظره


ولا بالمقناص ولا بالعزبه يلكّها ولا يبيع خلق بالسوق يومه كلّه


:)

[الطرف الأغر]

من الخطوات الايجابية في حياتي ولحد الحين اقول الحمدالله اني أقدمت عليها اني سقت سياره

رغم المذبحه والرفض عشان ما اسوق من قبل الأهل :eek5:

لكن مافي شي نفعني كثر مفتاحي وسيارتي :)

معتمده على نفسي في كل شي ونعم صرت عن 10 ريايل ولله الحمد في وقت الشدايد :fight:

أروح شغلي و أوصل عيالي مدارسهم أروح البنك اروح السوق اروح المستشفى أونس اليهال زيارات عائليه ،، حتى لما امرض ولا اعيالي يمرضون اخر الليل اوديهم بنفسي بلا منة أحد و نتحاسب على الدقيقة

والين ايي دور الرجل الثاني في حياتي بقط عليه كل شي ،، بشوف يتحمل ولا لأ :o

[بويوسف]

بس لو أعرف من زعلك :con2:

يا عنيف يا اقشر :p

بالفعل اخوي بويوسف في ناس تعمم وهذا خطأ

الزوجه شريكه في الحياة على الحلوه والمره

تعين وتعاون في شؤون البيت وكل شؤون الحياة

إذا المره ساقت مب مشكله لكن إذا الزوج تخلا عن مسؤوليته وصار طحلب

هنا المشكله .. من فتره ليست بالقريبه قبل السماح للمواطنات بقيادة السياره

كنت في كورس في فرنسا لمدة شهرين وقابلت أخ كويتي كان معاي في الكورس

وكان متزوج وعنده بنات في المدارس .. سألته: اخوانك قايمين بشؤون بيتك

قال ما يحتاي .. المره موظفه وتسوق وتوصل البنات مدارسهم وتتقضى من الجمعيه

وتوديهم المستشفيات إذا لزم الأمر وماهي بحاجة حد .. انتهت القصه

الحين اللي معترض على سواقة المره خل يقولنا وين الافضل في غياب الزوج شهرين عن البيت

1- الحمو الموت.

2- السايق.

3- قيادة المرأة للسيارة.

.................

شخصيا أختار رقم 3 :thumbup1:


اتفق معك في اللي قلته وعيب ان الواحد يتخلى عن مسئوليته لمجرد ان المرأة تسوق .. او تشتغل وخلاص يشيل يده لان الرجل مطالب بالصرف على المرأة وتلبية احتياجاتها في حدود قدرته طبعا.

وانت حبيب ماعصبت عليك بس كلامي موجه للناس اللي تعمم وتشوف الدنيا بمنظار يا اسود يا ابيض :nea:

جزاك الله خير :)

[إنسان]

سواقة المرأة في اغلب الاحيان تبعدها عن زوجها وبيتها
وهالشي شفته في اكثر من بيت سواء كانت متزوجة او غير متزوجة
تصير معتمده على نفسها كليا يمكن لانها تبي تكون جذي
او يمكن لان اخوانها وابوها او زوجها ملوا من مشاويرها
ولا يدرون وين تروح وين تجي اهم شي عندهم انهم يفتكون من عبالتها
واحيان اخرى تلقون العكس.. صحيح انها تسوق بس تطلع لمشاوير معينة
مثل شغلها وجامعتها وبس وبعلم من الزوج.. اما طلعاتها للسوق او زيارات الاهل
والمشاوير الثانية تكون مع الاب او الزوج..

احنا مشكلتنا مع الزوج اللي تخلا عن مسؤولياته وقط الثقل على الزوجه

وصارت هي المره والريال في البيت أما هو صار طحلب وعاله على المجتمع :thumbdown:

[إنسان]

الصراحة يا بو يوسف انت قليل الكلام والتعليق بس لما تعلق تقول حكم ودرر وهذا يخليني اقف احتراما لك واصفق لك بكل ما اوتيت من قوة
:app2::app2::app2::app2::app2::app2::app2::app2:

وانا بعد أقف احتراما لبويوسف واصفق :app:


اعتقد ان صار سوء فهم بالموضوع لذلك طحتوا في صاحب الموضوع (إنسان)
اايد أخونا انسان في كلامه المكتوب 100%
مافي مشكلة ان المراة تسوق وتطلع وتدخل في حدود الأدب والدين
بس مع الوقت فعلا
راح توصل اليهال اللي على طريقها
وبعدين تروح البقالة على السريع
(( هالسوالف مافيها شيي ))
لكن وين المشكلة ؟؟
المشكلة الرجل !
راح يقط الحمل على زوجته شوي شوي مع التعود
بدل ان كان الشراء والذهاب للسوق يكون مع الزوج
وكثرة الابتعاد عن الزوج
وكل واحد قام يقضي مشاويرة بنفسه
الزوجة تقضي مشاوير الجمعية مثلا بنفسها
والرجل يروح يقضي مشاوير المكان الفلاني بنفسه
الحياة مشاركة ،،؟؟
نعم محد قال لا
لكن على مدى طويل
والشراء والطلعة المشتركة تقل بين الزوجين
وهذا راح ياثر على الحياة الزوجية
واثره مضر على المدى الطويل
فيرجى الانتباه لهذه النقطة
وللمقارنة شوفوا وضع
1) بيت فيه سواق
2) وبين بيت مافيه سواق
3) وبيت فيه سواق+ زوجة تسوق
وشوفوا من من البيوت الزوجة تطلع مع زوجها اكثر ومن اللي طلعاتها قليلة مع الزوج
كثير من الحريم اعرفهم - واشوف في كلامهم حكمة -
يقولون مانبي ناخذ لياسن لسبب واحد لاغير
يقولون نخاف ان خذنا الليسن الزوج يعتمد علينا
ولو قلناله نبي نروح المكان الفلاني او او او
يقول عندكم سيارة
لحد يقولي الرجال مب رجال ومافيه غيرة و و و
هذا راح يتنازل عنه مع الوقت مهما كان حمش:playball:

انت كذا :thumbup1:


اخوي البوكسينج العتب مش على صاحب الموضوع العتب على المعلقين اللي يطلعون الرجل ضفعه ومب ريال لانه يخلي زوجته تسوق
شوف مادام الحياة مستقرة بين الزوجين وما في مشاكل كبيرة بينهم صدقني لا اذا هي ساقت ولا اذا في سايق راح يبعدهم عن بعض
مثال انا ما اسوق مع انه يقول لي احسن لج من السايق بس انا جبانة اخاف ، فالسايق يودينا الصبح اشغالنا ومدارس العيال بحكم طبيعة عمل زوجي العسكري ، بس من يدخل ابونا البيت السايق يطلع بره البيت ولا نشوف ويهه الا ثاني يوم الصبح ، ابونا يتكفل بكل شئ بالبيت حتى والله الخبز الايراني يجيبه لنا من المخبز ، واغراض الجميعة اسبوعيا انا وياه نطلع نشتريها اغراض عيالنا مع بعض نقضيها ، اغراضي انا اقضيهامعاه مب مع غيره يعني ما اشوف السايق بعدنا عن بعض مع انه عندنا من 18 سنة :D
ولو ان شاء الله وربي قوى قلبي واخذت الليسن فماراح يتغير شئ من هالوضع كله نفس الشئ راح يصير مع تغيير بسيط اني ما اخليه يسوق سيارتي لانه يسرع فيها:D

اختي ضوى بالفعل في ناس تعمم وهذا خطأ .. ما فيها شي إذا المره استخدمت وسيلة مواصلات

كانت في زمن الرسول صلى الله عليه وسلم جمال وبغال وحمير أجلكم الله وتغيرت في زمننا هذا

إلى السيارات كما تغيرت أمور كثيره بحكم التطور والإختراعات والعلم

فلماذا كان حلالا على النساء آن ذاك استغلال وسائل المواصلات حراما على نساء هذه الأيام

نقول لا حرمة في الموضوع وقد اجازه الشرع

ولكن مشكلتنا هنا مع الرجل الذي يتخلى عن مسؤولياته وعن رعايته لشؤون بيته بالتدريج

وذلك عندما تسوق الزوجه

لذا نحذر الزوجات السائقات من مغبة أن يتحول الرجل إلى طحلب فالقابليه موجوده

فوجه الشبه بين الرجل والأسد قائم وبالتالي تُصبح هي كاللبوة تماما

.........................

شاكر لكم مروركم الكريم

[إنسان]

اخي انسان
كلامك فية كثير من الصحة تبدأ الامور بمشاويرها الخاصة وثم يكون الاعتماد شبة الكامل

لكن المشاوير المقيتة للحريم للسوق وطولة البال الي مدري منين جايبينها حق التسوق تخليك تفكر بالليسن بجدية حق الاهل لان كل مشوار معها للسوق ينتهي بمشكلة

أوافقك الرأي 100% :ok2:

[إنسان]

اخوي بوكسينج اذا كنا سنتكلم عن الاستخدام السئ لشئ معين فهذا لاخلاف عليه .. فالتلفون والدش والانترنت والسكين وكل شي في الدنيا قد يكون له استخدام سئ. ولو لاحظت انا قلت مرضى التعميم. عندنا مشكلة ياخوي بوكيسنج الا وهي التعميم. فاللي هله مايسوقون يشوف هالشي غلط ويعتبر اللي تسوق واهل اللي تسوق والفريج اللي فيه وحدة تسوق كلهم غلط ومايستحون على وجههم .. واذا اهله يتغطون اعتبر كل اللي مايتغطون مايعرفون من الدين شي وكلام له اول وماله اخر. هذا هو التعميم اللي ابتلينا فيه ..

مشكلة البعض هوالانغلاق على نفسه ويعتقد انه محور الكون والدنيا تدور عليه. يعني انه بس والباقي خس


هذه الفئه موجوده .. ونقول الله يهديهم وينور بصيرتهم omen

تشكرات حبيب ألبي

[إنسان]

سواقة المرأة في اغلب الاحيان تبعدها عن زوجها وبيتها
وهالشي شفته في اكثر من بيت سواء كانت متزوجة او غير متزوجة
تصير معتمده على نفسها كليا يمكن لانها تبي تكون جذي
او يمكن لان اخوانها وابوها او زوجها ملوا من مشاويرها
ولا يدرون وين تروح وين تجي اهم شي عندهم انهم يفتكون من عبالتها
واحيان اخرى تلقون العكس.. صحيح انها تسوق بس تطلع لمشاوير معينة
مثل شغلها وجامعتها وبس وبعلم من الزوج.. اما طلعاتها للسوق او زيارات الاهل
والمشاوير الثانية تكون مع الاب او الزوج..

اختي q44 خلينا نتفق على نقطه وهي ان قيادة الحريم ضروريه في كثير من الأحيان

وشرعا لا حرج فيها وبما أنه تكلمنا عن الشرع فلا بد من التقيد بتعاليمه من أوامر ونواهي

فالحجاب وعدم التبرج مطلوب في جميع الأحيان وخصوصا عند قيادة المرأة للسيارة

لا بد من رضى الزوج في هذه المشاوير التي تقوم بها الزوجه فخروج الزوجة من البيت

مُقيد برضا الزوج فإذا راعينا الشرع في هذه الأمور فلا قضاضة في قيادة المرأة للسياره

هذا والله أعلم.


المشكله مب لانها تسوق المشكله انه الرجل في هالزمن صار مايفكر الا في نفسة ووناسته واهم شي يشيل يده من مسؤؤلية البيت والعيال
ممكن المره ماتسوق بس عندها سايق يقوم بالدور اللي المفروض يقوم فيه الزوج تلاقي كل مشاوير العيال والمره مع الدريول والزوج وين ؟؟؟؟ يلعب ورقة وعجبي
لكن اذا كان الزوج يعتبر نفسة راعي مافي شي بيبعده عن زوجته لاالليسن ولا الدريول

كلام في الصميم .. أوافقج الرأي اختي ورد :ok2:


:unsure:
بويوسف ممكن القصد مو التعميم
القصد ان الريال يشيل يده من كل شي وتصير المسؤوليات كلها على راس المرة
واحنا نسوق ونشتغل ونروح ونرجع لكن مو معناه ان الرجل لايفهم بالعكس محشوم
تحيااتي لك :tooth:

صح اختي أمل الحب وبالنسبه لأخي بويوسف تفكيره وتفكيري واحد .. وأنا أنتظر اليوم اللي

أشوف لنا رأيين مختلفين فيه :con2:


الخطأ من الأثنين ..المرأة تبي تاخذ راحتها بالروحه والردة .. والريال ماله بارض على مشاوير البيت لانها وايد وتاخذ كذا يوم .. المره اذا نقص شي بالبيت راحت ويابته .. والريال يلومها بس عقب يتعود ..
المفروض لمن الوحده تسوق ماتنسى إنها مره وتمر هني وهني جنها ريال " شخلت للرياييل " والريال المفروض بعد ما يسمح لمرته تتطلع العصر وترد آخر الليل يحدد لها وقت معين وأيام معينه للطلعة مو كل يوم ..

يا سلام .. هذا الكلام اللي يسر الخاطر .. بارك الله فيج اختي التيما :thumbup1:


و شالفرق اذا الوحدة كان عندها سايق؟
نفس الشي
انا اشوف ان الطلعة بدون الزوج احسن لان راح يكون متوتر و على اعصابة و يبي يخلص و يرجع المجلس

أهم شي ما يشيل ايده من المسؤوليه .. تأكدي انه يصير نوع من الإبتعاد والفرقه وهذا غير مرغوب فيه :stop:


طيب شنهو الافضل ؟ الحرمه تسوق ولا تختلي بالسايق بدون محرم ؟؟ مهي متعطره واخر كشخه واخر حلاوه ؟؟؟
اوووه نسيت السايق هندي مهب رجال,,,, ماعنده غريزه ,,, مخ..... كانه تيس
عذرا بس تخلون الواحد يتكلم

الأفضل ان الحرمه تسوق والريال ما يتحول طحلب .. يظل رجل ويتحمل مسؤولياته :deal:

[إنسان]

ليش ياانسان
هوهالشي عده ماصار ؟
في اول الثمانينات
كان الرجل الكل بالكل
هو اللي يشتغل يكد يسوي كل شي
والمره معتمده عليه في كل شي
لكن من بدت المره تشتغل والرجل بدا اشوي اشوي يتخلى عن مسؤولياته
ويهتم في وناسته
وبعد عمل المرأه بدينا في سالفة السواقه
وبدت تأثر أكثر على الاسره
ولو ان البعض يقول لا هي حلت مشاكل كثيره
لكن للاسف هي لا حلت ولا شي !!
الا زادت المشاكل بس هم مب حاسين
وصبرن جميل والله المستعان وبس
/

بالعكس اختي قيادة المرأة للسيارة حلت مشاكل كثيره وفي ناس استغنوا عن السايق

لأن الرجل ما تخلى عن مسؤولياته كزوج وكأب فعندما حصلت الزوجه على رخصة القيادة

عاونته على مشاق الحياة وتغلبوا على الكثير من المصاعب على سبيل المثال توصيل الأبناء

إلى مدارسهم تقاسموها على حسب الإتجاه والمنطقه وكذلك مقاضي البيت ومواعيد المستشفيات

والكثير من شؤون الحياة وكما تعلمين أن التفاهم بين الزوجين وتحمل كل طرف لمسؤولياته

هم الأساس في تسيير دفة الحياة إلى بر الأمان :yes:


أحسن حل الواحد يتزوج له وحدة
تشتغل وراتبها 18000
وعندها بيت
وسيارة كشخة
وعندها أسهم وتجارة بسيطة
وهو يرتاح فالبيت
هذا أحسن حل
لأن الصراحة هذي الأيام كلها فتن ليش الرجال
يطلع برع البيت يعرض نفسة للفتن وعوار الراس
:tooth::tooth::tooth:

اقول اخوي بوحارب .. شكل المره مثقله عليك هالأيام :p

[إنسان]

تراني لين الحين ماتزوجت ،، وشكل هذا العرض هو الحل،،


صدقني يالدوحي7
مستعدة ترزك في GXR
8 سلندر ولا رصااااصي:ok2::ok2:
اشتبي بعد
دورلك هذي النوعية تراهم كثيييير


كككككككككككككككك،،:yu:

انتوا الاثنين .. خلصتوا .. يا الدوحي7 لا يقص عليك بوحارب :funny:

نصيحه اخويه مني لك ولكل من يقرأ هذا الرد .. إذا قررت الزواج فليكن عن طريق الأخوات

وليختاروا لك بنت من معرفتهم بها وباخلاقها وبطبعها وبتصرفاتها وبتربيتها وبدينها وسلوكها

ترى هذا زواج مب لعب يهال .. والجمال مب كفايه للسعادة الزوجيه وش فايدة حسن الوجه والقد

وقبح الروح والطبع :discuss:


يا اخي...الحياه سهله بس الناس هي اللي تصعبها...
ابهاتنا لاول...كم كانو ايغيبون عن ابيوتهم..في الغوص...و لا تجاره...
ولا القنص....
يعني على حسب "مهرة" كل واحد...كانت ابيوتهم بدون راعيها من 4-6 اشهر...
و هذا اهم....ربونا (او ربو ابهاتنا)...
و لا شفناهم ايتشكون من كثرة مشاوير نسوانهم و لا من قلة فايدة رياييلهم....
و لا ...بعد كانت الغالبية العظمى تيك الايام كان البيت فيه اكثر من زوجه....
اما اليوم....فقلّت ركادة الحريم...و المطالع..و الاعلام...
و اكثر الشباب "متصبينيين"...يعني هل امناقز و قلة فايده.....
يا اخي...الوضوع بسييييط....
شوف البيت كانه ميزااان ذو كفتين.....
اي ميل او زيادة وزن او ضغط على احدى الكفتين...تخترب الحسبه..و ايميل الميزان....
يعني..في بيوت اتعاني من رياييل خاملين....فتضطر المرأة ان تأخذ شيئا من زمام القيادة
في البيت (ان لم يكن كل الامر)...لتحافظ على بيتها...فتراها
مضطرة للسواقه...و ربما العمل....و متابعة ابنائها و بناتها في المدرسة و وووالخ....
و هذي نقول لها...الله يرزقج الجنة لانك اخذت زمام مسؤولتك عن رعيتك بل و مسؤولية من
تقاعس عنها....
اما ما يذكره اخونا/ انسان....
فهم اللي مالهم سبب حقيقي (رجال او نساء) لجعل المرأة كثيرة التواجد خارج
حصنها المنيع...المنزل...
يا اخوان ...احنا الرياييل انعاني و نتعب من ما نواجهه في الشارع/العمل/السوق...و حتى المجالس....
يعني السواقه ما يبيلها قوة قلببس..الا قوة وجه بعد.. ( مثل ما قالت الاخت/ضوى...انها تفتقد الشجاعه)
يعني...شوفو كيف الواحد/الوحده لما ينحشر في زحمة الشوارع...كيف السيايير تلز ببعضها
و يضطر الواحد/الوحده ايتلفت يمين و يسار.هذا ايزحم و هذا ايهرن...و ذاك داش عرض
مخرع العالم....
ايش هو تصرف الوحده اللي اتسوق..لازم اتكون اهني قوية وجه...و لا بتنداس...
و هذا غيض من فيض....
المهم...المييييزان...اذا ما اختل...بدون ان يكون ذلك اضطراريا...
فسيختل معه استقرار المنزل...بلا شك و لا مواربه... سنرى ابناء
مهزوزين..نتيجة قلة الاستقرار في بيوتهم...
الدنيا بسيييطه...ما يبيلها لهطه...يبيلها ركادة و وعي..و قليل من القناااااعه
اما الشره و الشبق في حب الدنيا و المظاهر..فلا بد له من ثمن يُدفع...
لا ينكره الا مكاااابر
و الله من وراء القصد....

جزاك الله خير بس أهم شي انت مب ضد قيادة المرأة للسياره .. ترى التعاون زين بين الزوجين :yes:


بس بقول شي تدرون شنو عيب اهل الخليج بصفه عامه انهم ينظرون للموضوع نظره سلبيه اكثر منها ايجابيه
انا واحد ضد سواقه المراء للسياره هاي بوجهة نظري انا بس في غيري يوافق هاي الشي وهاي حريته بس في غيرنه تجبره الضروف مثلا مايقدر يجيب ادريول او يكون دوامه شفتات او مايرضه يخلي اهله يركبون مع رجال غريب والخ الخ
بس بقولكم شي لحين انتوا مو راضين صح نفس ما كنتوا مو راضين على اشياء من قبل ولحين رضيتوا فيها واكبر مثال الجوال
هاي وجهة نظري واسمحولي اذا زليت في كلمه
تقبل مروري اخوك قطري في لندن

جزاك الله خير اخوي قطري في لندن ومثلك عارف ان كل شي في الدنيا له سلبياته وله ايجابياته

أنا شخصيا عرضت على زوجتي انها تسوق وهي رفضت لسببين .. الخوف من السواقه ومن الشوارع

والسبب الثاني هو خوفها اني اتحول طحلب ويصير الإعتماد عليها في كل شي :strong3:



السلام عليكم ورحمة الله وبركاته
اخوتي واخواتي الاعزاء .....
اليكم ..اتكلم ومعكم اتحاور.. لكي آمد لكم شئ من غيضي وألمي
على الواقع الذي تعيشه ........{{بعض الزوجات }}...........و النساء بشكل عام
وخصوصا في وقتنا هذا وقت التحرر الذي جنى على عقول رجالنا........!!!
اناشد كم ..اين هم ..الرجال .. اين؟؟؟؟
اين نجد كيان الرجل المحترم الوقور في مجتمعنا الخليجي ..؟؟
للأسف ..لن نجد الا رجالا تخلوا عن مسؤلياتهم...!!
وعن مجتمعهم الصغير المحتاج لهم......!!
ليرموا به عليك لتتحمليه وحدك .....ولتحاسبي عليه ايضا..!
ليركضوا خلف حلم هارب ........خلف أمل مبتغى.......!!
ليشبعوا غريزة الأنانية وحب الذات لديهم.......!!
ثم لا يجيدون بعد ذلك الا الكلام ... !!!
كلام من دون فعل يذكر ............!!
من الذي سمح للمرأة ....بقيادة السيارة؟!!!
أنت أيه الرجل!!!!
من الذي سمح لها ..الخروج بشكلٍ يومي من بيتها ....{{ من غير حاجة ضرورية تستدعي لها ذلك؟!!!
أنت أيه الرجل!!!
من الذي سمح لها.. بخلع ملابس الحشمة ..وإستبدالها ...بــــــــــ { كسوة العراء} ...من ؟!!
أنت أيه الرجل!!
قال تعالى : (( يا أيها الذين آمنوا قوا أنفسكم و أهليكم نارا ))
فعلى الرجل أن يصلح نفسه بالطاعة و أن يصلح أهله إصلاح الراعي للرعية فقد صح الحديث أن النبي صلى الله عليه وسلم قال : (( كلكم راع و كلكم مسؤول عن رعيته ))
فأتمنى من كل...{ رجل }..أن يبادر بإصلاح ...ما يمكن إصلاحه.
أأسف على هذه الإطالة.
كل الشكر لصاحب الطرح الرائع
تقبلوا مروري
دمتم في رعاية الله
لامار

العفو اختي لامار .. ودي أعلق على كلامج بس مادام قلتي طرح رائع .. اسكت ;)

[إنسان]

ياجماعه
التمسوا لأخيكم الرجل الف عذر
الرجال قاعد مع عطران الشوارب
يعطّر شاربه
ولا يلعب ورقه مع حمران النواظر
يحمّر ناظره
ولا بالمقناص ولا بالعزبه يلكّها ولا يبيع خلق بالسوق يومه كلّه
:)

لا معذور .. من يقدر يلومه .. عذره معاه .. روح بس روح :p


من الخطوات الايجابية في حياتي ولحد الحين اقول الحمدلله اني أقدمت عليها اني سقت سياره
رغم المذبحه والرفض عشان ما اسوق من قبل الأهل :eek5:
لكن مافي شي نفعني كثر مفتاحي وسيارتي :)
معتمده على نفسي في كل شي ونعم صرت عن 10 ريايل ولله الحمد في وقت الشدايد :fight:
أروح شغلي و أوصل عيالي مدارسهم أروح البنك اروح السوق اروح المستشفى أونس اليهال زيارات عائليه ،، حتى لما امرض ولا اعيالي يمرضون اخر الليل اوديهم بنفسي بلا منة أحد و نتحاسب على الدقيقة
والين ايي دور الرجل الثاني في حياتي بقط عليه كل شي ،، بشوف يتحمل ولا لأ :o

ما اعتقد الرجل الثاني راح يتحمل عيالج :no2:

لازم ابوهم يتحملهم :yes:

الله يرزقج بإبن الحلال اللي يسعدج وتسعدينه omen

[إنسان]

اتفق معك في اللي قلته وعيب ان الواحد يتخلى عن مسئوليته لمجرد ان المرأة تسوق .. او تشتغل وخلاص يشيل يده لان الرجل مطالب بالصرف على المرأة وتلبية احتياجاتها في حدود قدرته طبعا.
وانت حبيب ماعصبت عليك بس كلامي موجه للناس اللي تعمم وتشوف الدنيا بمنظار يا اسود يا ابيض :nea:
جزاك الله خير :)

مثل ما قلت حق اختنا أمل الحب بالنسبة لي أنا وبويوسف متى ممكن نختلف في الرأي؟

الأيام جايه والمواضيع كثيره واختلاف الرأي لا يُفسد للود قضيه

أقول هذا الكلام لأني أجد التطابق في الراي بيننا دائما مع حماسك الشديد :yes:

[الوسواسي]

بارك الله فيـــــــــــــــــــــــــك اخوي

وإختيار موفق ؤللموضوع

[الدوحي7]

[QUOTE=إنسان;2237517]انتوا الاثنين .. خلصتوا .. يا الدوحي7 لا يقص عليك بوحارب :funny:

نصيحه اخويه مني لك ولكل من يقرأ هذا الرد .. إذا قررت الزواج فليكن عن طريق الأخوات

وليختاروا لك بنت من معرفتهم بها وباخلاقها وبطبعها وبتصرفاتها وبتربيتها وبدينها وسلوكها

ترى هذا زواج مب لعب يهال .. والجمال مب كفايه للسعادة الزوجيه وش فايدة حسن الوجه والقد

وقبح الروح والطبع :discuss:


الله يعطيك العافيه( يانسان) واكيد باخذ بنصايحك ولاتوصي الاهل مب مقصرين ، لكن انا كل ساعه اقول توه الناس،، ووصيه بوحارب اكيد باخذ بها ههههههه، هذا صديقي الودود في المنتدى ودوم احب مشاركاتكم ومشاركات الاعضاء،،

[إنسان]

بارك الله فيـــــــــــــــــــــــــك اخوي

وإختيار موفق ؤللموضوع

شاكر لك اخوي الوسواسي مرورك الكريم

[إنسان]

الله يعطيك العافيه( يانسان) واكيد باخذ بنصايحك ولاتوصي الاهل مب مقصرين ، لكن انا كل ساعه اقول توه الناس،، ووصيه بوحارب اكيد باخذ بها ههههههه، هذا صديقي الودود في المنتدى ودوم احب مشاركاتكم ومشاركات الاعضاء،،

الله يعافيك اخوي الدوحي7 والله يحيي اخونا بوحارب :yes:

[انا احساس]

خلاص نسيت موضوع الليسن....ولا افكر بعد

يعطيك العافية

[بوخالد2]

اخوى انسان اشكرك على الموضوع

وتعليقي هو عنوانك مايحتاج اعلق يالغالي

وياريت كل الرجال ينتبهون للامور هذه

الثقه لها حدود :victory:

[ام الحلوين]

لا والف لا لسواقة المرأه
نسيتوا قبل من تقريبا 15 سنه قليل لو نشوف مره تسوق؟؟ليش قبل المره ماتبي شي من السوق؟ولا ماتبي جمعيه؟
ياناس الي يبون يسوقون يسوقون بس لحد يحط اعذار ويقطها على ظهر الرجال

مع احترامي لكل من تسوق!!

[شيزكيك]

الحمدلله ان زوجي وافق اني اسوق عندي اروح بنفسي شغلي ولا اركب مع الدريول بروحي

افضل اوصل عيالي المدارس او يروحون في الباص ولا يروحون مع الدريول

والحمدلله جدا مرتاحه ازور هلي واوجب الناس واقضي مشاويري

وبعدين انا ضد وجود الدريول في البيت

اولا زوجي في الشرطه يطلع الساعه خمس ونصف كل يوم والصراحه انا اخاف على نفسي وعيالي من

الدريول

ثاني شي الصبح محد بيكون موجود في البيت ومستحيل اخلي الدريول في البيت مع الخدامه

وثاني شي ايش يضمني ان الدريول ما يتكس في سيارتنا الصبح

[بوخالد2]

لا والف لا لسواقة المرأه
نسيتوا قبل من تقريبا 15 سنه قليل لو نشوف مره تسوق؟؟ليش قبل المره ماتبي شي من السوق؟ولا ماتبي جمعيه؟
ياناس الي يبون يسوقون يسوقون بس لحد يحط اعذار ويقطها على ظهر الرجال

مع احترامي لكل من تسوق!!

:nice::nice::nice::nice::nice:

[إنسان]

خلاص نسيت موضوع الليسن....ولا افكر بعد
يعطيك العافية

والله اختي الكريمه يقولون الليسن مثل الشهاده سلاح في يد المرأه :nice:

[إنسان]

اخوى انسان اشكرك على الموضوع
وتعليقي هو عنوانك مايحتاج اعلق يالغالي
وياريت كل الرجال ينتبهون للامور هذه
الثقه لها حدود :victory:

شاكر لك مرورك الكريم اخوي بوخالد

[إنسان]

لا والف لا لسواقة المرأه
نسيتوا قبل من تقريبا 15 سنه قليل لو نشوف مره تسوق؟؟ليش قبل المره ماتبي شي من السوق؟ولا ماتبي جمعيه؟
ياناس الي يبون يسوقون يسوقون بس لحد يحط اعذار ويقطها على ظهر الرجال
مع احترامي لكل من تسوق!!

شاكر لك اختي ام الحلوين مرورك الكريم

بس كلمة حق .. ليسن المره أحسن من وجود السايق في البيت :yes:

[إنسان]

الحمدلله ان زوجي وافق اني اسوق عندي اروح بنفسي شغلي ولا اركب مع الدريول بروحي
افضل اوصل عيالي المدارس او يروحون في الباص ولا يروحون مع الدريول
والحمدلله جدا مرتاحه ازور هلي واوجب الناس واقضي مشاويري
وبعدين انا ضد وجود الدريول في البيت
اولا زوجي في الشرطه يطلع الساعه خمس ونصف كل يوم والصراحه انا اخاف على نفسي وعيالي من
الدريول
ثاني شي الصبح محد بيكون موجود في البيت ومستحيل اخلي الدريول في البيت مع الخدامه
وثاني شي ايش يضمني ان الدريول ما يتكس في سيارتنا الصبح

رايتج بيضا اختي شيزكيك ويعطيج العافيه :omen2: