خلوة البنت مع السائق

[لورد قطر]

هل انتم ضد الفكره أو معها أن ((البنت لاصغيره)) تروح مع السائق ابروحها الي المدرسه أو الجامعه أو غيرها ولا معها احد لا خدامه أو اخوها ..الخ

المشكله أن بعض اهل قطر يعتبرون السائق صار محرم لبناتهم

واذا مع احد ثاني يقوون ((عيب وحرام)) ولاخلاص هندي عادي هو اشدراه..

[..الاميرة..]

انا ضد فكره السائق ( الدريول ) وبشددده حتى لو معاااه الخدامه ..
لأن ممكن الخدامه تتفق معااه في أي شي ويااااما صارت..
افضل اني اسوق بدل السائق مع اني تعبت من السواقه ..
لكن للضرورة احكاااام ..

وتقبل مرور اخي الكريم ..

[miss-qatr]

انا ضد ضد ضد روحه البنت مع السايق بروحها


ومااقول الا خافوووو الله في بناتكم لانهم امانه


تحياااااااااااتي لك لورد

[qaswed]

انا ضد
لازم يكون معاها حد عشان ماتصير البلاوي الي نسمعها
ونقول ليت الي جرا ماكان

[التاجرة]

المفروض الام او الاب هم الي ياخذون بناتهم من والى المدرسة .. بس للأسف حالياً كل جهات العمل تقريبا دوامها يتعارض مع وقت المدرسة مثلا في اغلب الموسسات والهيئات ينتهي الدوام بين 3 و 2 ونص والمدارس يخلصون قبل هالوقت فيضظر اولياء الامور ان يتركو بناتهم يذهبون مع السائق الى المدرسة بس حرام يهدون البنت الصغيره مع السائق بروحها على الاقل تكون في خدامة ... عشان السائق مايسوي في الطفلة شي ...

[البيرق]

انا ضد خلوة السائق بانثى و بالخدامة خصوصا:stop:
ولكن شاقول ما باليد حيلةcrazy وانصحكم بخدامتين مع بعض:thumbup1:
وانصحكم كذلك بعدم لم نفس الجنسية وخلوتهم ببعض (بتصير قرقعة سوالف وخرابيط)
وكذلك انتبهوا يانسوان من كرسي الاعتراف :stop: الي ورا السايق في حالة اجتماع نون النسوة مع بعض :protest: ثرا السواق:whistling: له اذنين وقلب على هواه بيحرف كلامكم على مايسمع من ربعه وبينشر الاخبار عنكم:telephone:
ولا يزعل البعض انا ضد سياقة المراة عموما ومكانها الحقيقي بيت زوجها وعملها تربية عيالها :thumbup1: والمجتمع ما يتربى بالخدم:oops:

[أم حمد]

ضد

+

البنت ماتطلع الا مع امها

لكن المتزوجه عادي اذا داخل الدوحه يعني رايحه المدرسه رايحه تقضي اغراض البيت الخ
وياليت تاخذ الخدامه معها اذا الوقت متاخربعد تسع المسا راجعه البيت من بيت اهلها مثلا ً

ولا ولدها وهذا اللي اسويه دايم اخذ معي حمد وارجع قبل ثمان عشان موعد نومه ،،

وسلامتكم

[ANONYMOUS]

الحكومه ماقصرت حطت لعيالكم باصات
مايحتاي خلوه :)

[ضدالتيار]

انا ضد

[امل الحب]

امممم للضرورة احكاام

والي بتطلع باحترامها مو كفو حد يلتفت عليها

واحيانا اروح مع السايق لان مالي خلق السواقة والزحمة :(

[قطري عصامي]

هذي يبي لها مشايخ ، بس انا اشوف انها مب خلوه لسبب واحد ان السياره تتحرك على شارع عام وهالشارع مليان ناس (وين الخلوة اهنيه؟)،

ما ادري اذا تفسيري صحيح او لا؟؟

[AL_MUTAEM]

السائق شر لابد منه ..

وخاصه اذا كانت العائله كبيره او ظروفهم محتاجه سايق ..

انا اتوقع تعتبر خلوه محرمه واللي اشوفه ان سياقة المرأه بفردها احسن لها ..

مجرد وجهة نظر شخصيه

[التيما]

ضد سواقة المرأة .. والمرأة ما تتطلع الا مع أخوها أو أبوها أو زوجها .. با هندي بلا خرابيط .. والمشاوير بتنقضي واذا ما انقضت ما اخربت الدنيا .. الله يفكني من السواقه بس قولو آمين