هل في قطر مايستحق الزيارة للسياحة ؟؟؟

[المطرقة]

هل في قطر ما يستحق الزيارة للسياحة ؟؟

ها السؤال سالني اياه واحد من ربعي في السعودية .. طبعا محتار يجي قطر والا يروح البحرين والا الأردن ... قلت له طبعا .. أهلها يستحقون الزيارة ..

طبعا حبيت ارقع الموضوع .. لاني فعلا فكرت وفكرت ولا لقيت مكان يستحق الزيارة للسياحة ..

الرجال جاي مع اهله ( 5 أفراد ) ويبي يمشيهم ولمدة ( 5 ايام ) ..

المهم سويت له برنامج في يوم واحد خلصت الاماكن اللي كانت في بالي ... رد وقالي هذا يوم وخلصنا منه ... انزين وباقي الاربعة ايام شنسوي فيها ؟؟

قلت له روح البحرين احسن .. :nop:

مادري توافقوني الراي انه مافيه مكان يستحق الزيارة في قطر للسياحة ؟؟

لحد يقولي المجمعات التجارية وسوق واقف وسيلين ومن هالاماكن ..

اوكى وبعدين ؟؟؟

[ابوسعود]

هل في قطر ما يستحق الزيارة للسياحة

؟؟؟؟؟؟؟
هل في البحرين ما يستحق الزيارة للسياحة
؟؟؟؟؟؟

لو قايله روح الامارات اعتقد احسن بالف مره
مع احترامي

[المطرقة]

هل في قطر ما يستحق الزيارة للسياحة

؟؟؟؟؟؟؟
هل في البحرين ما يستحق الزيارة للسياحة
؟؟؟؟؟؟

لو قايله روح الامارات اعتقد احسن بالف مره
مع احترامي


لا قلت له يروح البحرين لان اهو محتار بين قطر والبحرين والاردن ..

قطر ولا مره جاها .. والبحرين يقول ولا 20 مره رايح لها .. والاردن مرتين ..

[المنسى]

اخوى البحرين متى صارت سياحيه كلها شارعين

[ANONYMOUS]

لعديد

لنقيان

دحل الحمام :)

[المطرقة]

اخوى البحرين متى صارت سياحيه كلها شارعين

الشيخ راجع ردي على الاخ بوسعود

[المطرقة]

لعديد

لنقيان

دحل الحمام :)

الرجال جاي مع اهله وين العديد

[الجني]

اخوي اهم شيء كم يبي يصرف

اذا قادر انه يصرف

يسكن

ليله في الريتز و

ليله في فورسيزنز و

ليله في شرق و

ليله في ماريوت

المجمعات اكبر اماكن سياحية للجذب

اذا راح اي مكان و ماراح مجمعات تجارية بيفطس (الامارات ايش فيها غير المجمعات)

يأجر سمبوك سياحي مع غدا بروحه (هذا يوم كامل)

مطاعم قطر الذ مطاعم في العالم مقارنة باسعارها

قطري بلهمبار
ايطالي
ايراني
مكسيكي
لبناني
فرنسي
الخ

قهاوي حدث و حرج

سيلين غير الخميس و الجمعة

اعزمهم في البيت و هرفي من المطابخ الشعبية

و ابعدهم عن الشوارع بين الساعة 12-1 من 6 -9 مساء

[ANONYMOUS]

غيرت رأيي

قول له يروح ايطاليا

وانا بضبطه

[سهم طويل الأجل]

ظلمت الدوحة
ياخي عندك سوق واقف بعد التجديد
صاير نفس السوليدير حق بيروت :app::app:
وفي أماكن وايد حلوة بالدوحة

[{راشد}]

سؤال صعب جدا ,,

والافضل له اذا سياحة الاردن معنها بارده حاليا ,,
واذا زيارة اهل الوصل احسن وابرك !!

يعطيك العافيه

[jajassim]

و ابعدهم عن الشوارع بين الساعة 12-1 من 6 -9 مساء

اشدعوة ممنوع دخول الشاحنات وقت الذروة :happy:

[صدى الرعد]

و ابعدهم عن الشوارع بين الساعة 12-1 من 6 -9 مساء

صراحه هذا أهم شي ،،

[الدوحي7]

ظلمت الدوحة
ياخي عندك سوق واقف بعد التجديد
صاير نفس السوليدير حق بيروت :app::app:
وفي أماكن وايد حلوة بالدوحة

صراحه جبتها ،، لا وزياده يمكن بعد ههههه،

[المطرقة]

اخوي اهم شيء كم يبي يصرف

اذا قادر انه يصرف

يسكن

ليله في الريتز و

ليله في فورسيزنز و

ليله في شرق و

ليله في ماريوت

المجمعات اكبر اماكن سياحية للجذب

اذا راح اي مكان و ماراح مجمعات تجارية بيفطس (الامارات ايش فيها غير المجمعات)

يأجر سمبوك سياحي مع غدا بروحه (هذا يوم كامل)

مطاعم قطر الذ مطاعم في العالم مقارنة باسعارها

قطري بلهمبار
ايطالي
ايراني
مكسيكي
لبناني
فرنسي
الخ

قهاوي حدث و حرج

سيلين غير الخميس و الجمعة

اعزمهم في البيت و هرفي من المطابخ الشعبية

و ابعدهم عن الشوارع بين الساعة 12-1 من 6 -9 مساء

يعني السكن في الفنادق اخوي تشوفه شي من السياحه ؟؟ :unsure:

وين السياحه انه يسكن في الفندق هل تغيير شكل الغرف ونوع الخدمه ؟؟

الرجال جاي مع اهله ( زوجته و3 من عياله صغار )

تقريبا اهو ركز اكثر شي على وجود فعاليات ومتاحف واماكن يزورها مع عياله ويغير جوووو ويستانسون .. يعني شي يجمع بين الوناسة والترفية والفايده ..

القهاوي ماظنتي لان الرجال ما يشيش وغير كذا ملتزم

والمطاعم وش فيها غير الاكل ؟؟؟؟؟

الرجال جاي يتمشى مب ياكل :unsure:

اما الامارات وش فيها غير المجمعات ؟؟ اعتقد اختلف وياك اخوي ..

فيها اشياء واجد مش موجوده عندنا

[المطرقة]

غيرت رأيي

قول له يروح ايطاليا

وانا بضبطه

اشعنده زامبروتا ؟؟

[المطرقة]

ظلمت الدوحة
ياخي عندك سوق واقف بعد التجديد
صاير نفس السوليدير حق بيروت :app::app:
وفي أماكن وايد حلوة بالدوحة

سوق واقف من الاماكن اللي رشحتها له .. وفعلا مكان مميز ولو ان المفاصيخ فيه واجد .. لدرجة تحس نفسك مب في قطر ..

اوكى وعقب سوق واقف وين يروح ؟؟ :anger2:

[(الفيصل)]

(فديت الدوحه وأهلها)
اخي العزيز يعتمد سبب الزيارة اذا كانت ماليه ام سياحيه بحته ؟
لاننا الان اصبحنا لا نفرق بين الزيارات السياحية والاستثماريه !!فاذا كان قصده استثماري(مالي) فواجهته الدوحه وسوف يجد ضالته
اما اذا كان قصده سياحي بحت مع العائلة ... فاأنقل السؤال للقائمين على السياحة لدينا
(والله يعين الفقارى)
تحياتي لك

[المطرقة]

سؤال صعب جدا ,,

والافضل له اذا سياحة الاردن معنها بارده حاليا ,,
واذا زيارة اهل الوصل احسن وابرك !!

يعطيك العافيه


السؤال توقعته سهل اخوي بوراشد لكن الاجابة عليه اصعب ..

فعلا اشوف مافي شي يستحق الزيارة للسياحه ..

ليش ما فيه خطه عندنا وتوجه لتنشيط السياحه في قطر وبناء مرافق لتكون وجهة اي زائر للبلد ..

يعني ليش مافيه قرية مائية عندنا ؟؟

ليش مافيه معرض دائم في مكان ثابت يجمع كل دول العالم للتعرف على ثقافاتهم ويكون فيه جناح لكل دولة وكل يوم تكون هناك فعاليات ؟؟

ليش مافيه متاحف عندنا ؟؟

متحف عالمي مثلا ...

ليش مافيه مدينة ترفيهية مثل الاوادم ؟؟

المشاريع واجد والحمدلله البلاد فيها خير والافكار موجوده

[ANONYMOUS]

سوق واقف من الاماكن اللي رشحتها له .. وفعلا مكان مميز ولو ان المفاصيخ فيه واجد .. لدرجة تحس نفسك مب في قطر ..

اوكى وعقب سوق واقف وين يروح ؟؟ :anger2:



يروح الفندق ينام بعد وين يروح

الشيشه تصك ع ال 2

ونت تقول رفيجك محترم.. يعني ماعتقد يروح ديسكوات:rolleyes2:

[الجني]

يعني السكن في الفنادق اخوي تشوفه شي من السياحه ؟؟ :unsure:

وين السياحه انه يسكن في الفندق هل تغيير شكل الغرف ونوع الخدمه ؟؟

الرجال جاي مع اهله ( زوجته و3 من عياله صغار )

تقريبا اهو ركز اكثر شي على وجود فعاليات ومتاحف واماكن يزورها مع عياله ويغير جوووو ويستانسون .. يعني شي يجمع بين الوناسة والترفية والفايده ..

القهاوي ماظنتي لان الرجال ما يشيش وغير كذا ملتزم

والمطاعم وش فيها غير الاكل ؟؟؟؟؟

الرجال جاي يتمشى مب ياكل :unsure:

اما الامارات وش فيها غير المجمعات ؟؟ اعتقد اختلف وياك اخوي ..

فيها اشياء واجد مش موجوده عندنا

اخوي ممكن تقول لي ايش فيها الامارات سياحي و فعاليات

احس من الموضوع و كأنه التقليل من قطر

فنادق ما تبي
مطاعم ماتبي
مجمعات ما تبي

قل لي اذا راح الامارات ايش ممكن يسوي غير اللي ذكرت

[مصراوية]

فعلا الخروجات هنا مطاعم ومجمعات وبس

مافيش اماكن عامه غير سوق واقف

[GPC]

ممكن يأجر يخت ويطلع البحر يوم كامل مع صيد السمك ولا أروع

[qatar.up]

خذهم مطعم حمود سلطان

[ANONYMOUS]

خذهم مطعم حمود سلطان



قصدك سلطان ابراهيم؟

[وهم قطر]

اخوي ممكن تقول لي ايش فيها الامارات سياحي و فعاليات

احس من الموضوع و كأنه التقليل من قطر

فنادق ما تبي
مطاعم ماتبي
مجمعات ما تبي

قل لي اذا راح الامارات ايش ممكن يسوي غير اللي ذكرت


:thumbup1::thumbup1::thumbup1::thumbup1::thumbup1:

[mirage]

اخوي ممكن تقول لي ايش فيها الامارات سياحي و فعاليات

احس من الموضوع و كأنه التقليل من قطر

فنادق ما تبي
مطاعم ماتبي
مجمعات ما تبي

قل لي اذا راح الامارات ايش ممكن يسوي غير اللي ذكرت


فعلا هذا القصد


والا رايح البحرين عشرين مره

وقطر محتار وين الاماكن السياحيه فيها

[سلفر]

ههههههه

اشدعوه ياخوي في يوم واحد من قلة الاماكن

ياخوي اول يوم كان وديتهم الخور و خليتهم يباتون في فندق السلطان على ما اعتقد ومابين الفندق الى بحر الخور و زيارة الزباره صوب القلعه

ثاني يوم حديقة الحيوانات هههههه خلهم يشوفون الاسد قبل لا يموت و مجمع الحياة بلازا و الكورنيش وحديقة البدع

ثالث يوم خلهم يروحون شاليهات سيلين و منها تطعيس وهاي يوم كامل في طعس قبل الشاليهات اعتقد وايد عائلات يروحون له وجنب البحر

رابع يوم يرجعون الدوحه ويمشون في السيتي سنتر ويدخلون السينما

خامس يوم يتوكلون على الله ويردون بالسلامه

هاي من رأيي

والبحرين حلوه لكن اتمل في يومين ولاتنسى الزحمة

[ورقــة أمــل]

اول يوم السيتي وفيلاجيو عقب حديقة دحل الحمام وحديقة البدع وفليل تعشوا بمكان راقي
ثاني يوم عاللاند مارك واي مجمع وحديقة الحيوان بيقضون وقت اطول فيها
ثالث يوم حياة بلازا جنغل زون و متحف قطر الوطني ومتحف الخور او المتحف الاسلامي او متحف الشيخ فيصل على ماعتقد مادري اذا يدخلونك ولا لا في متاحف وايد
ولفلف بهم عالكورنيش ومنتجع شرق
رابع يوم المول واللولو او سوق واقف ومزرعة الدوسري تكون زحمة ايام الاجازات
خامس يوم ممكن الملاهي او سناء او تحجز لهم ليلة في شرق او احد الشاليهات العائلية
او محمية بروق صج خط بس يضيع الوقت ودحل المسفر وهالمناطق ومحمية المها صج ما تنفع حق القعده العائلية بس هي مناظر جميلة ممكن تعطيهم انطباع جيد
ولو بيجون عقب تاريخ 4 الشهر الجاي على ماعتقد فيه معرض في قاعة المعارض.. وبعد زون سنتر مفتوح دايما
في اماكن قديمة وزهقنا منها بس بالنسبة لزائر جديد بتكون حلوة..

[Emarati]

اخوي ممكن تقول لي ايش فيها الامارات سياحي و فعاليات

احس من الموضوع و كأنه التقليل من قطر

فنادق ما تبي
مطاعم ماتبي
مجمعات ما تبي

قل لي اذا راح الامارات ايش ممكن يسوي غير اللي ذكرت

اخوي الفعاليات اللي فالإمارات يامكثرها !!
- امس تم افتتاح القرية العالمية وتضم 30 جناح وكل سنة تكبر وطبعا مايحتاج
أقول شو هي القرية العالمية ..
- مهرجان دبي للتسوق والفعاليات المختلفة اللي فيه وبـ 2008 بيكمل 14 سنة.. + مفاجآت الصيف اللي ماتقل أهمية عن المهرجان
- من أيام مهرجان دبي السينمائي واللي الجمهور يقدر يستمتع فيه بأحدث الأفلام اللي
تعرض لأول مرة وفالهواء الطلق + التقاء أشهر نجوم السينما وهالسنة جورج كلوني كان موجود وسوا ضجة عندنا
- بالنسبة للأماكن أكثر من الفعاليات طبعا ..
أبوظبي : الجزر اللي فيها كل وحدة تقول الزود عندي + مدينة العين وجبل حفيت ومنطقة المبزرة
دبي : منطقة المرسى ممشى مميز فيه أماكن صغير مثل البازار تقدر تشتري اللي تبيه فيهم والجو رووووعة
الشارجة: منطقة قناة القصباء .. كل شي فيها روعة وخصوصا بالليل تاخذ لك قارب صغير وتستمتع بالقناة والمناظر الحلوة للإمارااة بالليل
خورفكان : هالمنطقة أحلى منطقة فالإمارات .. الجو فظييع وفيها كورنيش الناس امم عليه من حلاوته وهي منطقة ساحلية والمناظر اللي فيها تحس كأنك بهاواي لوول
والأماكن كثيرة ..

[AL_MUTAEM]

اخوووي اعتقد اذا كانت الزياره للسياحه ان قطر احسن من البحرين والاردن بتقولي ليش ؟؟؟؟

بخصوص البحرين ماراح يحصل فنادق واذا حصل السعر بيكون مبالغ فيه بدرجه كبيره حتى لو كانت شقه بنجمتين ..!

وشنو اللي بالبحرين ومش موجود بقطر نفس المجمعات والسينمات والمطاعم واتوقع بقطر افضل منها بالنوعيه والتكاليف ..


اما بخصوص الاردن منو اللي يبي يروح الاردن بهالوقت مافيه مكان يقدر يروحله من البرد ..

وخاصه ان العائله من المملكه فيه مشاكل كثيره على منفذ الحديثه ..


اخوي لو كنت بمكانك بصراحه بسوي لهم برنامج ناجح ولانهم اول مره يجيون لقطر اتوقع ان البرنامج راح ينجح 100%

اقولك اول يوم تحجز لهم فندق ويرتاحون وتعزمهم عندك بالبيت ويقضونه مع الاهل ..
ثاني يوم تحجز لهم شاليه بسيلين ومافيها شي لو حجزت فيلتين لك ولهم ..

ثالث يوم سوق واقف وكم لفه عالكورنيش

اليوم الرابع المتحف وحديقة الحيوانات وتعزمهم عالعشا بأي مطعم تشوفه مناسب

واكيد راح تعجبهم السينما لانهم محرومين منها بالمملكه اختار لهم اي فيلم يشوفونه مناسب ..

زطبعا اتوقع هالايام اللي تكون بالدوحه تختار فندق واحد علشان مو تغيره كل يوم ويحسوون بالملل من التغيير او تحجز لهم بفندق شرق او الرتز ... بس اتوقع ان الشيراتون او الانتر عائلي اكثر

وفيه اماكن وايد تقدر توديهم بس اتوقع انك بتنشغل فيهم وماراح تشوف اهلك تقدر تاجرلهم سياره بالسائق او السائق الخاص اللي عندكم تعطيهم اياه سلف مع السياره .. وبيشتغل لهم مرشد سياحي بس دير بالك مايوديهم صوب شارع الكهرباء وينقعهم بالسياره ..

[qatar.up]

قصدك سلطان ابراهيم؟

لا حمود سلطان الي في بن عمران عند البنغالي مال السياكل

[al_lord]

اخوووي اعتقد اذا كانت الزياره للسياحه ان قطر احسن من البحرين والاردن بتقولي ليش ؟؟؟؟

بخصوص البحرين ماراح يحصل فنادق واذا حصل السعر بيكون مبالغ فيه بدرجه كبيره حتى لو كانت شقه بنجمتين ..!

وشنو اللي بالبحرين ومش موجود بقطر نفس المجمعات والسينمات والمطاعم واتوقع بقطر افضل منها بالنوعيه والتكاليف ..


اما بخصوص الاردن منو اللي يبي يروح الاردن بهالوقت مافيه مكان يقدر يروحله من البرد ..

وخاصه ان العائله من المملكه فيه مشاكل كثيره على منفذ الحديثه ..


اخوي لو كنت بمكانك بصراحه بسوي لهم برنامج ناجح ولانهم اول مره يجيون لقطر اتوقع ان البرنامج راح ينجح 100%

اقولك اول يوم تحجز لهم فندق ويرتاحون وتعزمهم عندك بالبيت ويقضونه مع الاهل ..
ثاني يوم تحجز لهم شاليه بسيلين ومافيها شي لو حجزت فيلتين لك ولهم ..

ثالث يوم سوق واقف وكم لفه عالكورنيش

اليوم الرابع المتحف وحديقة الحيوانات وتعزمهم عالعشا بأي مطعم تشوفه مناسب

واكيد راح تعجبهم السينما لانهم محرومين منها بالمملكه اختار لهم اي فيلم يشوفونه مناسب ..

زطبعا اتوقع هالايام اللي تكون بالدوحه تختار فندق واحد علشان مو تغيره كل يوم ويحسوون بالملل من التغيير او تحجز لهم بفندق شرق او الرتز ... بس اتوقع ان الشيراتون او الانتر عائلي اكثر

وفيه اماكن وايد تقدر توديهم بس اتوقع انك بتنشغل فيهم وماراح تشوف اهلك تقدر تاجرلهم سياره بالسائق او السائق الخاص اللي عندكم تعطيهم اياه سلف مع السياره .. وبيشتغل لهم مرشد سياحي بس دير بالك مايوديهم صوب شارع الكهرباء وينقعهم بالسياره ..

صراحه برنامجك حلو خصوصا لمن تكون هذه زيارته الاولى في قطر

واضيف اذا هو من اهل الصيد البحري اجر له مركب بسائق ورحله عائليه للصيد

[AL_MUTAEM]

صراحه برنامجك حلو خصوصا لمن تكون هذه زيارته الاولى في قطر

واضيف اذا هو من اهل الصيد البحري اجر له مركب بسائق ورحله عائليه للصيد

يعطيك العافيه اخوي اللورد

هالبرنامج خطر ببالي وانا اكتب الرد فما بالك لو الواحد قاعد يفكر ويعصر مخه اكيد فيه اماكن حلووو بقطر وهذي مش مجامله لو نقارن انفسنا بالدول المجاوره ..


بس يمكن اخوي المطرقه مايبي يرتبط حمس ايام وشكله صرفهم قالهم روحوا الحسا ابرك لكم

لاتزعل اخوي مطرقه وربي اتغشمر :pic:

[أم حمد]

مع الشوارع اللي تجيب المرض

تحمل تعزمه

crazy

احنا نروح الامارات وشوارع تقطع القلب

واذا دخلنا فالزحمه كرهنا عمارنا فمابالك في شوارعنا اللي تعل الكبد

:thumbdown:

يبه خله يروح الامارات عنده سبع امارات

كل وحده تقول الزود عندي

بس خله يأكد حجوزاته لانها مشغوله كلها

بسبب المؤتمرات والمعارض المستمره

وافتتتاح القرية العالميه

وبرنامج شاعر المليون

وسلامتك

:)

[AL_MUTAEM]

مع الشوارع اللي تجيب المرض

تحمل تعزمه

crazy

احنا نروح الامارات وشوارع تقطع القلب

واذا دخلنا فالزحمه كرهنا عمارنا فمابالك في شوارعنا اللي تعل الكبد

:thumbdown:

يبه خله يروح الامارات عنده سبع امارات

كل وحده تقول الزود عندي

بس خله يأكد حجوزاته لانها مشغوله كلها

بسبب المؤتمرات والمعارض المستمره

وافتتتاح القرية العالميه

وبرنامج شاعر المليون

وسلامتك

:)
اختي ام احمد اهو مش عازمه بالشوارع واذا قصدك انه ماينحرج انصحيه يتفادى الشوارع اللي تعل الكبد او تقطع القلب ..:nea:

وشلون تبينه يروح وانتي تقولين انك تروحين والشوارع تقطع القلب ..

واذا دخلتي تكرهين عمرك من الزحمه ..

وفوق هذا الفنادق مشغوله ..

الا انا انصحك تعزمه واذا انت اخوي مطرقه مو فاضي له طرشه صوبي وانا اللي بوديه وبجيبه واذا علشان اهله انا بدبر له سياره بالسايق واتتبع جدوله بالتلفون ..

الحين بدال ماتمدحون ديرتكم تذمونها لا وعلى المفتشر ..:thumbdown:

[hamoor4ever]

اخوي اذا انت حاب تنكبه قول له يروح الدوحه ماقول لك قطر مافيها شي ، فيها بس مب ذاك الزود يعني حدها يومين وبيزهق ، بعدين عندنا السكن غالي جدا يعني البحرين ابرك ولو اني ماشوف بالبحرين مكان عدل للعائلات لو شباب اقول لك اوكي .

عموما الاختيار الموفق هو الامارات وبالسياره وخل يدور له حجز حلو وعليه بالنفيجيتور اذا مايدل فيها .
وبيستانس وكل يوم عنده برنامج اهناك يعني مابيزهق انا رحتها العيد اللي طاف والاهل معاي وايد استانسو .

وبخصوص الاردن لو مع شباب اقول لك اوكي لكن عائلات وبالوقت هاذه مهب شي

نصيحه لايجي الدوحه زحمه لاتطاق ، ملل ، غلاء ، تقول قاعد بأوروبا

[AL_MUTAEM]

اخوي اذا انت حاب تنكبه قول له يروح الدوحه ماقول لك قطر مافيها شي ، فيها بس مب ذاك الزود يعني حدها يومين وبيزهق ، بعدين عندنا السكن غالي جدا يعني البحرين ابرك ولو اني ماشوف بالبحرين مكان عدل للعائلات لو شباب اقول لك اوكي .

عموما الاختيار الموفق هو الامارات وبالسياره وخل يدور له حجز حلو وعليه بالنفيجيتور اذا مايدل فيها .
وبيستانس وكل يوم عنده برنامج اهناك يعني مابيزهق انا رحتها العيد اللي طاف والاهل معاي وايد استانسو .

وبخصوص الاردن لو مع شباب اقول لك اوكي لكن عائلات وبالوقت هاذه مهب شي

نصيحه لايجي الدوحه زحمه لاتطاق ، ملل ، غلاء ، تقول قاعد بأوروبا


صح اتوقع الامارات مافيها زحمه واسعارها ارخص من اسعار الدوحه ...:con2:

[hamoor4ever]

[/COLOR]


صح اتوقع الامارات مافيها زحمه واسعارها ارخص من اسعار الدوحه ...:con2:

بخصوص الاسعار اخوي الامارات فيها الف فندق وفندق ويحصل له فندق زين من 200 ريال وطالع وبحدود ال 500 ريال تحصل لك فندق خمس نجوم في دبي وفي العيد بعد ، بقطر روح اسأل عن اسعار الريتز او قول الرجز اللي صار فوق ال 1000 ريال وهو 4 نجوم ،
والزحمه اسمح لي شوارع الامارت ع الاقل السيارات تمشي مب اهنيه شوارع مصككه وكلها حفريات ماتقدر تشمي الا بخريطه وكل يوم يصكون شارع
تعال للمجمعات عندهم مجمعات بالهبل واهنيه كلهم فيلاجيو ع ستي سنتر ، ومعروف في الامارات حتى اسعار السلع ارخص وعندهم اكثر من سوق رخيص منه الصيني وغيره .
والدليل شباب قطر يروحون الامارات لان كل شي متوفر وموجود وارخص .

انا جاوني شباب من فتره من الكويت ، قعدوا يوم ازهقو وتلعوزو حتي تكاسي مافيه وساكنين بفندق خايس نجمه وحده سعره باليوم 200 ريال . لا وشايف روحه عليهم .
لين جينا للمقارنه بين دبي والدوحه سياحيا ، انت من نفسك تدري انه اصلا مافيه مقارنه فمافي داعي تخدع نفسك بأن قطر مثل الامارات بسبب حبك لبلادك
وحتى لو فرضنا ان قطر والامارات نفس الاسعار ، والله الامارات ابرك بألف مره واونس
انا اقول لاتقصون ع الريال وتقولون له قطر سياحيه ، قال وين قال العديد ، والمتحف اللي كله مسكر
الريال قال انا جاي سياحه مب جاي اخيم

والسموحه ، بس لان طريقه ردك اخوي جات ع شكل استهزاء
فشكرا لك

[AL_MUTAEM]

بخصوص الاسعار اخوي الامارات فيها الف فندق وفندق ويحصل له فندق زين من 200 ريال وطالع وبحدود ال 500 ريال تحصل لك فندق خمس نجوم في دبي وفي العيد بعد ، بقطر روح اسأل عن اسعار الريتز او قول الرجز اللي صار فوق ال 1000 ريال وهو 4 نجوم ،
والزحمه اسمح لي شوارع الامارت ع الاقل السيارات تمشي مب اهنيه شوارع مصككه وكلها حفريات ماتقدر تشمي الا بخريطه وكل يوم يصكون شارع
تعال للمجمعات عندهم مجمعات بالهبل واهنيه كلهم فيلاجيو ع ستي سنتر ، ومعروف في الامارات حتى اسعار السلع ارخص وعندهم اكثر من سوق رخيص منه الصيني وغيره .
والدليل شباب قطر يروحون الامارات لان كل شي متوفر وموجود وارخص .

انا جاوني شباب من فتره من الكويت ، قعدوا يوم ازهقو وتلعوزو حتي تكاسي مافيه وساكنين بفندق خايس نجمه وحده سعره باليوم 200 ريال . لا وشايف روحه عليهم .
لين جينا للمقارنه بين دبي والدوحه سياحيا ، انت من نفسك تدري انه اصلا مافيه مقارنه فمافي داعي تخدع نفسك بأن قطر مثل الامارات بسبب حبك لبلادك
وحتى لو فرضنا ان قطر والامارات نفس الاسعار ، والله الامارات ابرك بألف مره واونس
انا اقول لاتقصون ع الريال وتقولون له قطر سياحيه ، قال وين قال العديد ، والمتحف اللي كله مسكر
الريال قال انا جاي سياحه مب جاي اخيم

والسموحه ، بس لان طريقه ردك اخوي جات ع شكل استهزاء
فشكرا لك

اخوي هامور اولا اسمح لي ان ابين لك اني ردي لم ولن يكون استهزاء بأي شخص وانما كنت متعجب لا اكثر من ذكرك من الامارات لاتوجد بها زحمه وان اسعار الفنادق مثلا ارخص من قطر ..

اخوي الفنادق اللي انت تقول عنها بو 200 بدبي مثلا ما اتوقع رجل ملتزم ومع عائلته راح يسكن فيها ..

انا اخوي لم اخدع نفسي بأن اقول ان قطر تقدمت على الامارات من ناحية السياحه لان الفوارق كبيره .. ولكن ان الشخص سوف يكون لمدة خمسة ايام فقط متواجد بالدوحه هل تتوقع انه يحس بالزهق نفس ربعك اللي ذكرتهم بردك ..!

يعني لو جاك اخوي هامور ضيف ماتقدر تخليه يرتاح او يستانس لمدة خمس اريام ولا راح تتوقع انه راح يتملل ويطفش ويرجع لديرته ..

بصراحه اتوقع قطر بتكون مناسبه له اكثر وعلى الاقل لقرب المسافه اذا بقارنها بالامارات والتحفظ الموجود ..

مجرد راي اخوي هامور ..

واختلاف الاراء لايفسد للود قضيه

دمت بود

[hamoor4ever]

اعذرني اذا فهمتك غلط ، لكن اخوي من مشاهدتي للبعض لما يجي يقطر يمدحونها بس انقهر لين اسمعهم يقولون ( يههههه زهقنا خل نروح الامارات )
واعتقد ان قطر حاليا في فتره البناء يعني يبي لها كم سنه وبأذن الله تصير تنافس الامارات وغيرها ،
وبخصوص الفنادق نعم اخوي بالشارقه ممكن يحصل سكن ممتاز او شقق ٥ نجوم ب 500 ريال ، ولاتنسى اهناك عندك مطاعم ومجمعات وتمشي بشكل مخيف ، يعني اهنيه بقطر اذا محد يدله ولا هو ماراح يعرف

لكن في الامارات وهو يتمشى بالسياره بيشوف له الف مكان ومكان يروحه . والناس اذواق بالسفر ، بس فعلا اللي بيصرفه في الامارات يمكن اهنيه يصرف اكثر منه ، اهنيه حتى ع مستوي سياره اجار يمكن مايحصل

والله يااخوي ربعي اللي جاو ماحصلوا مكتب اجار تعرف ليش
يقول لهم ابي شيك وابغي احجز جوازك لما ترجع السياره لمده اسبوع علشان اتأكد من المخالفات قول لي هاذي شلون يحلها وهو مسافر ؟؟!!
بتقول لي يروحون يشتكون ان هالنظام ممنوع ، من سمع لهم اهنيه ، وانت تدري ببلادك واحنا مجربين قبل جذيه
يعني معقول يرجع السياره ويتم اسبوع علشان خاطره ؟!!
بعدين اوكي اليوم راح الستي وباليل الفيلاجو وبعدين ؟؟!! اتقول لي متحف اللي كله مسكر ولا اتقول لي منتزه الخور ولا اللي يقول لي العديد لو شباب بقول لك اوكي

الحمدلله قطر احسن من قبل بس الواقع ان الامارات افضل ، يمكن تقول لي البحرين ولا قطر ، بقول لك قطر شوي احسن .
وشكرا اخوي

[AL_MUTAEM]

عادي اخوي وجهة نظرك احتر مها ..

[المطرقة]

اشدعوة ممنوع دخول الشاحنات وقت الذروة :happy:

:no:


صراحه هذا أهم شي ،،

:tomato:


صراحه جبتها ،، لا وزياده يمكن بعد ههههه،

omen

[المطرقة]

(فديت الدوحه وأهلها)
اخي العزيز يعتمد سبب الزيارة اذا كانت ماليه ام سياحيه بحته ؟
لاننا الان اصبحنا لا نفرق بين الزيارات السياحية والاستثماريه !!فاذا كان قصده استثماري(مالي) فواجهته الدوحه وسوف يجد ضالته
اما اذا كان قصده سياحي بحت مع العائلة ... فاأنقل السؤال للقائمين على السياحة لدينا
(والله يعين الفقارى)
تحياتي لك

سياحية بحته اخوي .. تغيير جو مع العيال

[المطرقة]

اخوي ممكن تقول لي ايش فيها الامارات سياحي و فعاليات

احس من الموضوع و كأنه التقليل من قطر

فنادق ما تبي
مطاعم ماتبي
مجمعات ما تبي

قل لي اذا راح الامارات ايش ممكن يسوي غير اللي ذكرت

سؤالك اخوي الجني فيه تجني على السياحه في الامارات

وشخصيا اقولك مافي اي وجه مقارنة في السياحة بين قطر ودبي ( لاحظ قلت دبي ماقلت الامارات بكبرها ) ..

واحيلك على رد احد الاخوه اعلاه وتلقى فيه اجابتك ..

والموضوع ابد مافيه اي تقليل من قطر ومثل ماهي بلادك اهي هم بلادي وما ارضى عليها ..

لكن فعلا مافي شي سياحي يخلي الواحد يزور الدوحه خصوصا من اخوانا الخليجيين ..

وانت ليش اعتبرت الموضوع تقليل من قطر ؟؟ ليش ما اعتبرته محاولة للفت الانتباه لجانب مهم في بلادنا .. الا وهو السياحه ..

واحد من الاخوان ذكر ان الدوحة صارت وجهة استثمارية بحته طيب ليش ما يواكب هالشي جانب سياحي ..

وين المعالم اللي الممكن واحد يزورها ؟؟

كلها كم سنه ويخلص عندنا مشروع اكبر مطار في الشرق الاوسط اذا ماخانتني الذاكرة ..

طيب معناته في حركة في البلاد .. بس المسافر والسائح اللي بيجيك مب محصل شي ..

تحياتي لك

[المطرقة]

فعلا الخروجات هنا مطاعم ومجمعات وبس

مافيش اماكن عامه غير سوق واقف

شكرا مصراوية

برايك ايه الحل للمشكلة دي ؟

[المطرقة]

ممكن يأجر يخت ويطلع البحر يوم كامل مع صيد السمك ولا أروع

مو غلط

مشكور اخوي

[عهد]

ماليزيا وبس