خافوا على بناتكم

[nor85]

كذا مره يتكرر المشهد جدامي عند زيارتي للسيتي سنتر وانا انتظر السايق من الباب الرئسي في تجمعات هناك من الجاليات العربيه والاسيويه جالسين ولما ينزلون الحريم وغالبا يكون معاهم بناتهم اللي في عمر 11 و 10 بدون حجاب ولبس ماينلبس لهذه الاماكن اشوف كل العيون تتحول لهذه البنت من هذه الجاليات اللي قاعده هناك لاشغلة ولامشغله اتمنى من اولياء الامور الانتباء لمثل هذه الامور .. اللهم اني بلغت اللهم فاشهد

[غشيم]

الله يحفظ هالبنات من كل شر
والله يهدي اهلهم المفروض ما يخلونهم يطلعون جذي
البنت من توصل 7 سنوات خلاص لازم تلبس دفه وتغطي راسها
دام ان هالأشكال امبققين عيونهم
من 4 ايام صايرة سالفة بنت عمرها 14 سنة مغتصبها واحد
شالها من جدام بيتهم ولين الحين ما صادوه الحقير
والسبب غياب التربية الصحيحة

[rashid-1]

.. اللهم اني بلغت اللهم فاشهد

الله يبلغج الجنه

وكلامج سليم وبنات ال 11 سنه جسدها بارز وملفت للنظر ولكن للأسف بعض الأمهات لازالوا يعتقدون ان البنت صغيره وان شاء الله رسالتج توصل

[سلامي للكل]

السلام عليكٍ ورحمة الله وبركاته اختي نور

كل عام وانتٍ بــ الف خير

وعيدكٍ مبااااااااااااارك

ندخل في الموضوع . للاسف نشوف كثير من الاباء والامهات الغير مهتمين لهذا الموضوع الا وهو حجاب البنت

البنت للحين صغيرة, بعدين بنلبسها حجاب, ليش نعقدها, هذه هي اجابات الاباء والامهات :mad:

ما يدرون ان الحجاب هو تنفيذ لاوامر الله(سبحانه وتعالى) ورسوله(ص) ولحفظ كيانها

فعلاً اختي الكريمة موضوع ينتشر في مجتمعنا وبكثرة

بارك الله فيكٍ اختي الكريمة

والله يستر عليهم وعلينا

وفااااااااااااااااااااالج طيب

[ضوى]

اختي العزيزة


ان شاء الله رسالتك وصلت لامهات البنات اللاتي لا زلن يعتقدن ان بنات 10و12 اطفال بعكس ما تراهم الذئاب البشرية والمنتشرة بكثرة والتي تتحين الفرصة للانقضاض على اي بنت فقط لاشباع الغريزة الحيوانية لديهم وهناك منهم من يتمتع بالنظر لاجساد بناتنا ربي يحفظهم من كل مكروه

اختي الغالية الف شكر لج على توصيل هذه الرسالة إلى كل ام واب

[المهاجر]

جزاج الله خير اختي الكريمه

والله صدقتي في كلامج والواحد يشوف استهتار من الاباء والامهات في هذه الامور الخطيره

وياما سمعنا عن حوادث تحرش ومحاولة اغتصاب للاطفال الابرياء وهم في ذمة اهاليهم

الله يحفظ بناتنا من كل مكره

[alwahesh]

الحمد لله الدنيا بخير

والمتبرجه لابد تنهان ولو كانت محاطه بجيش

المتربجه اقصد بها الي تتعمد لفت النظر سواء الام او البنت ...لاني شفت او سمعت عن بنات غير ملتزمات بالزي الشرعي بشكل كامل ولكن اخلاقها عاليه وتفرض احترامها .


والله سالفه احنا نغلط ونحط اللوم على الغير وما اظن ان الناس جالسه بس تنتهز الفرص

احسنو الظن بالناس

[جود]

تدرون !!!

احس الي يقرا هالمواضيع والملاحظات هم الناس الواعيين والمثقفين والمهتمين بعيالهم
لكن الفئة الأخرى الي اصلا ما يدرون عن عيالهم ما يكونون قاعدين على النت او يشوفون مشاكل المجتمع
همهم في الطلعات والزيارات واهتمامهم بأنفسهم ...

واخيرا مالنا الا كل يداري على الي عنده ويتحمل فيهم ,,, واصحاب القلوب المفهية( الله عليهم)

[امل الحب]

اعتقد هالموضوع له طرفين

اولهم الاهل :اليالواجب عليهم الانتباه حق عيالهم وتوعيتهم بالطرق الصحيحة وعدم الاهمال

الثاني هم الابناء نفسهم الي نتمنى في يوم يكون عندهم وعي تام بمثل هالامور الي ماينسكت عنها

والله يهدي الجميع ان شاء الله

[التيما]

لا تذكروني .. أنا من أمر صوب الباب واشوف هالهنود والعمال والدريوليه قاعدين يغزون الرايح والراد تنبط جبدي والله .. الحق مب عليهم الحق على معزباتهم اللي يدشون المجمع ويخلونهم ينطرونهم بالساعات !! طيب خليه يتقلفع البيت ودقي عليه لين خلصتي بدال ماهو طايح يغز العالم وحريم الناس والله اني اتحسب على معزباتهم كل مره اروح فيها المجمع واشوفهم ..

سوري طلعت عن الموضوع ..

أنا اشوف ان الأم اللي تسمح لبنتها أصلا تتطلع بصورة غير لائقة ماعليها شرهه لانها من الاصل لو مهتمه ما رضت من البيت .. والمفروض الريال راعي البيت ومسؤوله جدام الله عن اهل بيته يفهم مرته ان البنت ما تتطلع الا بالصورة كذا وكذا وان شافها ولا درا انها بتتطلع بصورة مب محتشمة هو بيتصرف ..

[الدوحي7]

جزاكم الله خير على هذه الغيره والله يجزاكم الجنه،،حتى لكبار ينقزون من الى في المجمعات ولا شموديهم الشباب والاجانب هناك،،

[porsche]

الله يحفظ هالبنات من كل شر
والله يهدي اهلهم المفروض ما يخلونهم يطلعون جذي
البنت من توصل 7 سنوات خلاص لازم تلبس دفه وتغطي راسها
دام ان هالأشكال امبققين عيونهم
من 4 ايام صايرة سالفة بنت عمرها 14 سنة مغتصبها واحد
شالها من جدام بيتهم ولين الحين ما صادوه الحقير
والسبب غياب التربية الصحيحة

غياب التربيه الصحيحه تقصد عند البنت والا المغتصب؟؟

[nor85]

شكرا على الردور لكم ماكتبته الا من حرقتي على هذولي البنات الله يستر على بنات المسلمين

[دلة الرسلان]

المشكلة اذا كانت الأم متغطية كامل وتشوفيين البنت لابسة ملابس ضيقة تخليها جسد امرأة

في ملابس اطفال .

[حيهور]

الله المستعان

2007-2008

الصور تتكلم عن اوضاع المسلمين الان في قضية الحجاب


http://www.grenc.com/media/6fb28969cd60391314Elan.jpg

http://www.syriaroses.com/up/upload/2007/03/4baf4a3ecc.jpg


http://www.amrkhaled.net/galleryimages/samy25.jpg


http://www.dar-alzain.com/vb/imgcache/402.imgcache

http://up2.arabsh.com/2007/9ad9a.jpg



http://www.amrkhaled.net/galleryimages/samy28.jpg

http://www.saaid.net/female/img/hgab135.gif



الله يخلي التلفزيون العربي


http://www.moq3.com/img/uploads/qz333358.jpg


هؤلاء هم اعداء الامه عرفواا يخططون عدل

http://www.elakhbar.org.eg/issues/17038/images/smsm.jpg


الله يرحمك يالحجااب


http://saaid.net/female/m80.jpg


http://www.abunawaf.com/store5/ttt11.jpg

[ضوى]

الله يجزيك الف خير يا السقطري والله انك صورت حال الامة بهالزمن

[الدوحي7]

http://www.abunawaf.com/store5/ttt11.jpg[/QUOTE]

الصوره تتكلم جزاك الله خير،

[حيهور]

الله يجزيك الف خير يا السقطري والله انك صورت حال الامة بهالزمن

واياج


http://www.abunawaf.com/store5/ttt11.jpg

الصوره تتكلم جزاك الله خير،[/QUOTE]

واياك

[ام الحناين]

يا سبحان الله
والله اسمحوا لي على كل كلمة انقالت عن هذا الموضوع
الحين يهمكم عيون الهنود والعمال ....طيب والرجال الاخرين ما يهمونكم
عفوا اخواني اخواتي كل رجل البنت لازم اتغطى منه.....الحين للاسف البنت تطلع من بيتها مع الدريول ابوها ما يسالها امها ما تسالها اخوانها ما يسالونها اذا من سيسال او يحاسب هذه الفتاة.....اخواني واخواتي تعرفون ان بعض الغرائب دخلت علينا طبعا وبناتنا الله يهديهم لا يعون خطورة الموضوع والمفروض ان ولي الامر ينتبه ....و مثل الاجانب صرنا ما عندنا غيرة ابد..... انا بعيني شفت بالسيتي سنتر بنات مع اولياء امورهم وهم بكامل تبرجهم وكأن ولي الامر يقول تعالوا شوفوا بنتي او اختي او حتى زوجتي.
وبعدين مو عيون العمال اهي اللي تنظر لبناتنا الاعيون عيالنا بعد ما يصدقون يشوفون بنت الا ويقومون بمراقبتها وملاحقتها وارسال بلوتوث لها ....

[التاجرة]

مرحبا ... موضوعج جدا مميز ...

بصراحة انا اشوف المفروض الام تنتبه حق لبس بنتها ...مب غلط الدريوليه او الجاليات الي برع هذول اغلبهم متغربين وبعاد عن اهلهم ومش مسلمين عشان يعرفون يغضون بصرهم ...

المفروض الأم ماتلبس بنتها .. قمصان ضيقه وقصيره حق المجمعات و خارج المنزل ...

المفروض تنورة او بنطلون مافي مانع ابدا من البنطلون او برمودا تحتها دلاغ طويل .. وقميص مايكون ضييق وسترج بل يكون وسيع وطويل نسبياً .. واذا اضطرت تلبسها قميص ضيق وبنطلون مثلا لان هذه هي البضاعه الموجوده حاليا بالاسواق لابد ان تلبسها جاكيت يغطي جسمها من فوق هاي طبعا للبنات دون سن البلوغ ..

ترا الستر زين ...

[المجروح81]

الله يهديهم انشالله

[nor85]

الله يستر على الجميع والله ايامنا كانت حلوة من واحنا صغار فستان طويل وحجاب الله يرحم

[راعي السهم الأول]

:thumbup1:

تسلمين عالموضوع وإن شاء الله تكون رسالتج وصلت

:thumbdown:

صح أن هالمنظر تكرر قدامج بالستي وأكيد أنتبهنا لهالشي وهالمكان بالذات ينخاف منه خاصه وأن المبنى كبير والمواقف مخيفه وياما سمعنا بحوادث في مثل هالأماكن والله يحفظ الجميع من كل مكروه

:pilot:

شلون نبي نغض طرف عيون هالمتلصصين وكل أب وأم يشوف بنته شلابسه وهم واعين لخطورة هالشي مو مجبورين عالعباه والشيله عالاقل لبس ستير
مشكله البعض يتفاخر بهالشي أمام الغير كن المسأله تحدي من لبس أطفاله أكشخ من الثاني
وما نقول ان المجمعات يحصل فيها هالشي لا خل نعمم هالموضوع بشموليته كذا مكان أي كان طفله هذي ما توعي المخاطر اللي حواليها المصيبه أن هاللبس من أختيار الأهل نفسهم

crazy

الخوف عالبنت والولد من غير تحديد هذا وهم أطفال هالشكل يكون اللبس شنقول باللي أكبر منهم وهم قدوه لهم برمودا تحت العباه والساق تبين وإستعراض وهالايام عيد الله يستر راح تتزايد هالظاهره
و
و
و
و
ما ننسى الحديث للرسول عليه الصلاة والسلام

((كلكم راعي وكلكم مسؤول عن رعيته))



:nea:


الله يحفظ الجميع من كل شر ويستر علينا وعليهم ويحفظ لنا نعمة الأمن ويزيدنا أمان


:p

تحيــــــــــــاتــــــــــــي
و
كل عام والجميع بخير وعيد مبارك وسعيد عالكل

[وحيد-الشوق]

الله يستر على بناتنا وعلى بنات المسلمين

والله يهدي الجميع ان شاء الله

ويعيطج العافية عالموضوع

جزاج الله كل خير وفي ميزان حسناتج ان شاء الله

كل عام وانتم بخير

[nor85]

الشكر موصول للجميع

[بوحارب]

الله يصلح الحال

[ابوسعود]

كذا مره يتكرر المشهد جدامي عند زيارتي للسيتي سنتر وانا انتظر السايق من الباب الرئسي في تجمعات هناك من الجاليات العربيه والاسيويه جالسين ولما ينزلون الحريم وغالبا يكون معاهم بناتهم اللي في عمر 11 و 10 بدون حجاب ولبس ماينلبس لهذه الاماكن اشوف كل العيون تتحول لهذه البنت من هذه الجاليات اللي قاعده هناك لاشغلة ولامشغله اتمنى من اولياء الامور الانتباء لمثل هذه الامور .. اللهم اني بلغت اللهم فاشهد

اختي بامكانج الاتصال على وزارة الداخليه وابدا هذه الملاحظه
لان الموضوع يهم الجميع
والوقايه خير من العلاج

[المطرقة]

المشكلة في بعض الامهات .. يحبون يستعرضون في بناتهم .. تلبسها ذاك اللبس وتكشخها واتفرفر فيها في هالمجمعات ..

[nor85]

المشكلة في بعض الامهات .. يحبون يستعرضون في بناتهم .. تلبسها ذاك اللبس وتكشخها واتفرفر فيها في هالمجمعات ..

كلامك صحيح

[بـن عدوان]

هذي البلاوي اللي تصير

بس داخل الستي أخس والله

الله يستر بس

[بوعبدالله - قطر]

الله يستر على بناتنا وشبابنا..

العتب على الاهل اولا واخيراً..
ياما نشوف في الستي الام محتشمه والبنت الله يستر عليها
يمكن تعتقد توها صغيره!!!
ونشوف الاخ مع اخته الله يستر عليها
يمكن يعتقد انها حرية شخصية او ديمقراطيه او يبي يكشخ
امحق كشخه؟؟؟

الوحده لو محتشمه والله ماحد يتحرش فيها
اقصد من شبابنا مب الهنود...

صج الفئة المنحطة إللي تشوه منظر البلاد
بس مب الكل..

التحية للكاتبه الموضوع وللجميع..

[nor85]

الله يستر على بناتنا وشبابنا..

العتب على الاهل اولا واخيراً..
ياما نشوف في الستي الام محتشمه والبنت الله يستر عليها
يمكن تعتقد توها صغيره!!!
ونشوف الاخ مع اخته الله يستر عليها
يمكن يعتقد انها حرية شخصية او ديمقراطيه او يبي يكشخ
امحق كشخه؟؟؟

الوحده لو محتشمه والله ماحد يتحرش فيها
اقصد من شبابنا مب الهنود...

صج الفئة المنحطة إللي تشوه منظر البلاد
بس مب الكل..

التحية للكاتبه الموضوع وللجميع..
شكراااااااااااااااااااااا على التحيه