هل المدرسة القطرية مظلومة في الراتب

[kitmat]

أرجو من جميع المدرسات المشاركة

[التيما]

:nop:

[Bo3abD]

:nop:

:funny:

[Mr Brox]

تقدر تقول لي ليه المدرسة القطرية ما تدرس في المدارس المستقلة مع انها تعطي رواتب مرتفعة؟
لأن الدوام هناك طويل .. والمسؤوليات اكبر ..
باختصار راتب المدرسة القطرية على قد شغلها .. وأنا اشوفه وايد بعد .. بحكم مسؤولياتها الصغيرة ..

[شيزكيك]

انا مدرسه والراتب قليل ومب قد الشغل والكراف الي نكرفه . وبالذات مدرسات المواد الاساسيه الانجليزي

والعربي والشرعيه والرياضيات . لان في ايام نشتغل اربع حصص في اليوم وباقي اليوم تصحيح وتحضير

وتدرون ان في ايام ما نلاقي وقت علشان ناكل او نشرب شي . وغير التزامات الوظيفه ومطالبات المديره و

الموجهه وتجهيز الامتحانات والمشاركة في الورش يعني شغلنا كله تعب في تعب

واحنا الجنود المجهولين والي فعلا نستحق زياده في رواتبنا . يودونا ثانوي ويقولون هاذي ترقية واول مره

اشوف ترقية من غير مكافأة . تجينا جوابات شكر ونفرح فيها ونحطها في الملف وما في عليها اي مكافآة

وللعلم الجوابات تجي حق المتميزات فقط .

وبعد احنا الي الشغل يلحقنا للبيت وكله على حساب اهلنا ووقتنا . تحضير يومي للدروس وتحضير واجبات

وتطبيقات يوميه وغيرها وغيرها والله كريم

[kitmat]

طبعا إهمة مايدرون شنهو التدريس الشغل الوحيد اللي وراك لاحق لين البيت غير التجهيز اليومي للوسائل المدارس المستقلة روح شوف الظلم الي فيها للكفاءة صاحب الترخيص يوزع المعاش على كيفة بدون رقابة ولاحد يدري عنة اللي ما عندها كفاءة يعطيها زيادة على الراتب 5000 واللى لها خبرة سنوات بيزيدها 2000 بحجة إن راتبها قوي راتبها الي يقول عنة قوي خذتة بسنين عمرها اللى خلص في الوزارة الإمتيازات الي نحصلها ياحسرة تدرون ألحين عطونا عليها كم والله بتضحكون 150 ريال قطري ليش المدرسات الكسولات يشدون حيلهم على 150 ريال شيبون فيها بس الواحد يراعي ضميرة في شغلة وين ماكان غير التصحيح اللي مايخلص صدقوني قبل بيوم من نهاية السنة عندنا الي يتكلم عن المدارس المستقلة يروح يشوف الراتب للمدرسة كل وحدة زيادتها غير شلون تبون المدرسة تشتغل فيها وصاحب الترخيص يطفش المدرسة الي ما يبيها بالراتب الزيادة وخصوصا القديرة والي تكرف والي عندها كومة إمتيازات صاحب الترخيص خذ الي ماعندهم إمتيازات وقط أصحاب الإمتيازات برع وهذه الكلام ماسمعتة من برع كلام أكيد ياريت يراقبون أصحاب التراخيص ويشوفون اللعبة اللي قاعدة تصير ولا أزيدكم من الشعر بيت الي قام إيحط إختة مديرة أو أوزوجتة مدرسة وهي ماعمرها درست وغيرة..........المدارس المستقلة وين بيكون مستواها جيد واللعبة فيها مستمرة وصاحب الترخيص يحط كل من هب ودب المهم مايدع فلوس وايد طبعا الأهل اللي مشغلم روح شيك على الراتب وشوفة كم

[حيهور]

كل الاعمال اتعب مو بس التدريس وانتم تخدمون بلدكم اذا ماخدمتوها من يخدمها عيل؟

عينو من الله خير وعن الدلع

انتم ماوراكم مصاريف نفس الرجل الي وراه زواج ومسؤليه

تبون راتب حق المكياج والسوق ماعندكم سالفه اقول

والرجل هو الملزوم في الصرف على هله مو الحرمه

الحرمه عليها تامر والرجل ينفذ عند المقدره فقط وفي حدود المشروع

كان الله في عون شباب الامه الاسلاميه

[شيزكيك]

كل الاعمال اتعب مو بس التدريس وانتم تخدمون بلدكم اذا ماخدمتوها من يخدمها عيل؟

عينو من الله خير وعن الدلع

انتم ماوراكم مصاريف نفس الرجل الي وراه زواج ومسؤليه

تبون راتب حق المكياج والسوق ماعندكم سالفه اقول

والرجل هو الملزوم في الصرف على هله مو الحرمه

الحرمه عليها تامر والرجل ينفذ عند المقدره فقط وفي حدود المشروع

كان الله في عون شباب الامه الاسلاميه



احنا بس وضحنا شغل المدرسه حق الي يقول راتبها وايد

وندري كل الاشغال تعب بس ما نبي ناس تتهمنا بالدلع وان الراتب يروح حق المكياج

واللبس وغيره

واحنا الي ندرس عيالكم ونتعب في توصيل المعلومات لهم

[قناص الاسهم]

المدرسات ( القطريات ) يستاهلون راتب ضعف الي ياخذونه الحين بصراحه
لان يادون واجب مقدس ولانهم يعطون من وقتهم الكثير لابنائنا الطلاب
وفي نهاية الامر .. تبقى المواطنه اولى من غيرها بأي امتيازات وظيفيه لانها بنت البلد
وعليها بالعافية ان شاء الله .

[ضوى]

تقدر تقول لي ليه المدرسة القطرية ما تدرس في المدارس المستقلة مع انها تعطي رواتب مرتفعة؟
لأن الدوام هناك طويل .. والمسؤوليات اكبر ..
باختصار راتب المدرسة القطرية على قد شغلها .. وأنا اشوفه وايد بعد .. بحكم مسؤولياتها الصغيرة ..



للاسف اخوي الفاضل لم تنصف المدرسة القطرية ابدا


لو بيدي تحديد الرواتب والاجور والله ثم والله لا عطيت المدرسة اعلى راتب بالبلد واعلى من راتب الوزير نفسه ، انتو تتكلمون عن مدرسة مربية اجيال ، مربية لابنائنا ، تعليم وتربية ونستخسر فيها راتب ضخم ؟؟ لا والله المسؤولية كبيرة لى عاتق المدرسة فهي مخرجة الاجيال وبالتالي جميلها في رقبتنا ليوم الدين

قم للمعلم وفه التبجيلا كاد المعلم ان يكون رسولا

شخصيا المدرسة لها مكانة خاصة جدا جدا بقلبي ايا كانت معاملتها لي اثناء المدرسة ولكنني ادين لها بكل حرف علمتني اياه وبكل معلومة اوصلتها لي وبكل شئ افعله لاولادي الان فما وصلت له اليوم بفضل معلمتي التي صقلت شخصيتي وربتني وعلمتني

تحياتي لكل مربية اجيال

[amego]

للاسف اخوي الفاضل لم تنصف المدرسة القطرية ابدا


لو بيدي تحديد الرواتب والاجور والله ثم والله لا عطيت المدرسة اعلى راتب بالبلد واعلى من راتب الوزير نفسه ، انتو تتكلمون عن مدرسة مربية اجيال ، مربية لابنائنا ، تعليم وتربية ونستخسر فيها راتب ضخم ؟؟ لا والله المسؤولية كبيرة لى عاتق المدرسة فهي مخرجة الاجيال وبالتالي جميلها في رقبتنا ليوم الدين

قم للمعلم وفه التبجيلا كاد المعلم ان يكون رسولا

شخصيا المدرسة لها مكانة خاصة جدا جدا بقلبي ايا كانت معاملتها لي اثناء المدرسة ولكنني ادين لها بكل حرف علمتني اياه وبكل معلومة اوصلتها لي وبكل شئ افعله لاولادي الان فما وصلت له اليوم بفضل معلمتي التي صقلت شخصيتي وربتني وعلمتني

تحياتي لكل مربية اجيال



بارك الله بك اختي الكريمة
ووالله هناك مدرسات رواتبهن مقطوعة و تحت الخمسة الاف
وفي هذا الغلاء الفاحش في الايجارات والمعيشة ونار الاسعار كيف التوازن ...

[حيهور]

احنا بس وضحنا شغل المدرسه حق الي يقول راتبها وايد

وندري كل الاشغال تعب بس ما نبي ناس تتهمنا بالدلع وان الراتب يروح حق المكياج

واللبس وغيره

واحنا الي ندرس عيالكم ونتعب في توصيل المعلومات لهم

كل واحد فينا يؤدي الواجب الي عليه
اما الراتب شوي ولا وايد هذا كلام ثاني

ليش راتبكم مايكفيكم؟ انتم وين تودون الراتب؟ تجمعون فلوس العرس؟ تجمعون فلوس بيت المستقبل؟

وين معاشاتكم ترووح؟

[شيزكيك]

كل واحد فينا يؤدي الواجب الي عليه
اما الراتب شوي ولا وايد هذا كلام ثاني

ليش راتبكم مايكفيكم؟ انتم وين تودون الراتب؟ تجمعون فلوس العرس؟ تجمعون فلوس بيت المستقبل؟

وين معاشاتكم ترووح؟



تدري ليش لان احنا للحين تابعين لوزارة التربية ومش هيئة وكلنا ندري ان الوزارات الي تحولت الى هيئات عدلت رواتب موظفينها الا وزارتنا الموقره


وانا الحمدلله متزوجه وساكنه في بيت ملك وهالشي ما يمنع من المطالبه بتعديل رواتبنا

مثلنا مثل غيرنا

[شيزكيك]

اختي ضوى

اشكرك على ردك وذوقك وشكثر نفرح لما نحصل الي يقدر تعبنا وجهدنا والله يعينا ويصبرنا اكثر على تحمل

المسؤولية

[بنت الدوحه]

انا كنت مدرسه وفعلا مثل ما قالت وحده من الاخوات احيان المدرسه ماتلاقي وقت تاكل خلال الدوام

تخلص من حصتها تدش احتياط ويمكن بعد الاحتياط تكون عندها مناوبه وقت الفسحه

وبعد المناوبه حصه رابعه ولا التزامات مع المديره او الموجهه او او او

غير التصحيح وتحضير الدرس بالبيت وتجهيز الوسائل واحيان يكون الطابور الصباحي على مجموعتها

يعني شغل بالمدرسه وبالبيت ما فيه راحه


والراتب قليل جدا ما هو ثمن لهالمجهود كله

انا مالي مصلحه في هالكلام لاني تركت التدريس بس الحق يقال الراتب بالنسبه للمجهود يعتبر ولا شي


اخوي السقطري انت تقول الراتب يروح في ايش

فيه بنات هم اللي يصرفون على بيوتهم يعني الراتب حتى هي ماتتهنى فيه

ظروف الناس تختلف

لو فيه وحده تصرف على المكياج والاسواق فيه في المقابل من تولت مسؤولية اسرتها

لعدم وجود اخوه ذكور لها وكبر سن والدها او لظروف اخرى ياخوي البيوت اسرار

[عبدالله العذبة]

السلام عليكم و رحمة الله و بركاته

المعلمين و المعلمات رفيعي المراتب قليلي الرواتب ..

كل أعضاء التدريس في قطر سواء بالتربية و التعليم أو جامعة قطر رواتبهم قليلة و لا تناسب حجم رسالتهم ..

هم من يربي الأجيال القادمة وهم من يعلمون الضابط و الطبيب .. الخ

حتى أنهم يكملون الكثير من أعمالهم في البيت على حساب أبنائهم و ازواجهم و زوجاتهم ..

أساس كل حضارة ناجحة = التربية و التعليم

و لكن لا حياة لمن تنادي ..

لقد أسمعت لو ناديت حيا .. و لكن لا حياة لمن تنادي ..

[كينيا]

crazy
انا ماشي قاهرني وفاقع مرارتي الا كل يوم تعالوا سووا نشاط ثقافي الا مجله ولا مطويه ولا لوحة حائط ولا تعالوا ادفعوا حق حفله ولا ريوق ولا هدية مربي ولا مادري وشو
المهم في النهاية الراتب كله نهبه وكله صرف من جيوبنا مايسوى علينا
غير بعض المديرات اللي مادري ليش يحسبون المدارس حلال ابوهم استغفر الله العظيم لكن مادري ايش يسوون في النثريات وارباح المقصف وغيره وغيره بصراحة احنا مقهورين والله مقهورين محد مرتاح في وزارة التربية والتعليم الا اللي يشتغلون في البرج اللي ياخذون بدل عمل اضافي ولا اللي ايمثلون البلد والمديرات وسكرتيراتهم ولا الباقي مظلومين زين اخترعوا الجوالات ولا حالتنا حاله لول تقولون كنها تلفونات ابوهم
وش بقول وش بخلي قسم بالله مقهورين حسبي الله ونعم الوكيل crazy

[شيزكيك]

وبعد براويكم المدرسه القطرية شتسوي عندنا في مدرستنا بنات وايد مستواهم المادي ضعيف وما يقدرون يدفعون حق الباصات . والاداره

عطت كل غرفة مدرسات 500 ريال ونستثمرها بعمل مشروع صغير حق البنات والحمدلله كلنا تكاتفنا وجبنا

الاغراض وبعنا والله يعلم ان نطلع من الحصه الثالثه ونبيع وبعدين تكون عندنا حصه رابعه وهالشي كله

يبيله مجهود والحمدلله في الاخير طلعنا مبلغ حلو وسلمناه الاداره وكلنا حسينا بالفخر ان قدرنا نخفف عن بعض

الناس مصاريف الباصات . والحلو في الموضوع ان احنا ما اعتمدنا على ال500 ريال كل وحده من

المدرسات ساهمت باشياء ثانيه والحمدلله والله يتقبل عملنا

[kitmat]

أشكر كل من ساهم في هذا الموضوع ولو بكلمة المدرسة فعلا تتعب حتى الغياب المرضي تخيلو يخصم من إسبوعين في مدرسة مستقلةعندها دورة تقريبا مدتها إسبوعين ترجع من الدوام الساعة 2 وتروح الدورة من الساعة 4 وماترجع إلا بعد الساعة 9 ماتشوف عيالها الساعة 2 لانها تطلع قبل بنص ساعة للدورة ولما ترد بعد ماتشوفهم لانهم نامو للمدرسة الحين الدورة خلصت وستبدأ دورة أخرى بعد العيد وهكذا كأن المدرسة ماعندها عيال أومسؤليات أخرى والله الخدامة تقول لها الولد ماكل غدة لانها محد أوالثاني ماكل غدة ولاعشاء مساكين عيال المدرسات الى يعملون في أماكن أخرى أفضل من التدريس بصراحة لما ترجع البيت ماعندها غير زوجها وعيالها الظاهر وهذا الي أراه واضحا كوني مدرسة بأن عهد التدريس للقطرية سوف ينتهي من المعانة اللتي تلاقيها في العمل بالمستقلة وزوج المدرسة هو الذى سيقوم بمسؤلياتهافي البيت إذا إستمر الوضع على ذالك

[المطرقة]

ماظنتي مظلومات

[HotBlood]

تقدر تقول لي ليه المدرسة القطرية ما تدرس في المدارس المستقلة مع انها تعطي رواتب مرتفعة؟
لأن الدوام هناك طويل .. والمسؤوليات اكبر ..
باختصار راتب المدرسة القطرية على قد شغلها .. وأنا اشوفه وايد بعد .. بحكم مسؤولياتها الصغيرة ..

لا ياخوي مو علشان شذي
لانهم عارفين انهم ماراح يضلون اكثر من سنه...مثل ما انت عارف ان اصحاب التراخيص دايما يدورون الارخص...وغير بعض الانشطه اللي القطرية ماترظاها على نفسها
مثل مدرسة من نفس منطقتنا كانت حامل وادرس,,وبعدين اتعبت ...راحت تستاذن من المديرة
تخيل ايش ردت عليها....قالت لها اذا طلعت من المدرسة بافنشك ....( المديره تبي الفكه منها لان راتبها راتب قطريه ) :mad:
المدارس المستقلة = المدارس السوبرمارتيكيه

[kitmat]

نفس الكلام الي أسمعة من أكثر من مدرسة غير إنه مافي أمان وظيفي تخيلو ممكن يفنشك مالك المدرسة في أي وقت بالله عليكم في أي دولة خليجية حصل اللي قاعد يصير عندنا أنا ودي يشاركون معانا مدرسات المستقلة وبينون مشاكلهم سواء من مالك المدرسة أو في التدريس يقولون التدريس فاشل يوم كان عندنا كتب ألحين المدرسة هي اللي تحط المنهج شعرفها تحط منهج كونو واقعين المنهج لازم يمر في مراحل من الدراسة والتطوير مب خذوه فغلوه نص مدرسات المستقلة ياخذهم مالك المدرسة لديهم ثانوية عامة فقط للتوفير ومايهمة الأطفال فهمو ولا مافهمو أبي أعرف شسالفة التوفير كل مالك مدرسة يبي يوفرفي الفلوس صدقوني التعليم إذا مإنصرف علية مايكون تعليم صحيح غير المدارس المستقلة أصبحت كلها أجانب ومافي مكان للقطريات القطريات الحين إيجيهم تقاعد إجباري عندها إمتيازات ولاماعندها شبابها وعمرها راح وهذا جزاها ألحين وفرص العمل بالهبل للأجانب وبس