المساعد الشخصي الرقمي

مشاهدة النسخة كاملة : لأهل الخبرة والشباب شرايكم في هالسيارة؟


بويوسف
22-12-2007, 10:05 PM
مميزاتها روعة شرايكم فيها وهل هي سيارة عملية؟ سعرها 230 الف ريال تقريبا omen

http://www.infiniti.com/img/qx/photos/exterior_photos/qx_wallpaper_ext_7.jpg
بويوسف
22-12-2007, 10:09 PM
التصميم الداخلي روعة ولايقارن بالكروزر !!!!

http://www.infiniti.com/img/qx/photos/interior_photos/qx_wallpaper_int_1.jpg
بويوسف
22-12-2007, 10:10 PM
http://www.infiniti.com/img/qx/photos/interior_photos/qx_wallpaper_int_7.jpg
مستثمر 999
22-12-2007, 11:02 PM
اشتري في اكس ار وانا اضحك

ولا اشتري انفنتي ...فكر في الصيانه واعادة البيع

وقارن بينها وبين الفي اكي ار اعتقد مواصفات الفكسار اكثر

يعطيك الف عافيه اخوي ...
بويوسف
22-12-2007, 11:06 PM
اشتري في اكس ار وانا اضحك

ولا اشتري انفنتي ...فكر في الصيانه واعادة البيع

وقارن بينها وبين الفي اكي ار اعتقد مواصفات الفكسار اكثر

يعطيك الف عافيه اخوي ...

رايك على عيني وراسي. هل الفي اكس ار سيارةا مريحة في السياقة ؟؟ انت جربتها شخصيا؟؟

ومشكور على الرد
بوحارب
22-12-2007, 11:06 PM
خذلك في اكس ار ابرك لك أخوي بويوسف

وهذا الموتر ما عندي اي معلومة عنه

بالتوفيق أخوي
بويوسف
22-12-2007, 11:55 PM
خذلك في اكس ار ابرك لك أخوي بويوسف

وهذا الموتر ما عندي اي معلومة عنه

بالتوفيق أخوي

مشكور يابوحارب ماتقصر.. بس ليش شباب قطر طايحين في الكروزر وبس؟ يعني انه عندي كاتالوج الانفينيتي مواصفات توب وعالية بس ماعرف هل هي فعلا سيارة مريحة وماعليها مشاكل ؟ ابغي حد يكون جربها او يعرف حد جربها

بوحارب عندك في اكس ار؟
الكواري 1972
23-12-2007, 12:11 AM
حالها حال الارماده

سياره قويه وضعف في جيرها

قطع غياره مرتفعه وصيانة الله بالخير زي اي وكاله عندنا

مريحه وكماليتها ممتازة في الفخامه ماعليها كلام

وفي البيع زبونها متشرط

وننصحك في لاندكروزر في اكس ار

موتر ريف جداً وخفيف وقطع غياره الله واعلم

بالتوفيق
بوحارب
23-12-2007, 12:16 AM
مشكور يابوحارب ماتقصر.. بس ليش شباب قطر طايحين في الكروزر وبس؟ يعني انه عندي كاتالوج الانفينيتي مواصفات توب وعالية بس ماعرف هل هي فعلا سيارة مريحة وماعليها مشاكل ؟ ابغي حد يكون جربها او يعرف حد جربها

بوحارب عندك في اكس ار؟

العفو بويوسف

تقدر تقول صار شي معروف عندنا الكروزر

والأسباب كثيييييرة ومنها سعرة ثابت يعني ما تخاف عليه لاجيت تبيعة بعد فترة

قطع غيار متوفرة

الكماليات ممتازة

يتحمل اكثر من الأنفنتي

وغيرها

وأخوك ما عندة في اكس ار:cry2:

بالتوفيق أخوي
حرقطر
23-12-2007, 12:20 AM
بويوسف عندي صديق عنده نفس الموتر صرررررررررررحه مواصفات عاليه 5نجوم

شي عجيب توكل على الله السياره ماعليه كلام طاااااال عمرك وباتوفيق انشاءالله

بس اخوي بويوسف وقت البيع يعني بعد فتره سعره راح يطيح وايد اما اذا مخذه كا تحليل

اقولك روووووح وبالتوفيق انشاءالله
الدوحي7
23-12-2007, 12:21 AM
الموتر الى عرضته انفنيتي موتر عائلي نفس السوبر مان ،، لكن اذا خيروني بينه وبين الفكسار ماغير التويوتا موتر،، واسئل مجرب ولاتسئل طبيب،،الجديد لين الحين ماخذته لكن ركبت فيه وان شاء الله قريب جدا عندي،،ولاتاخذ غير التويوتا،،
بوحارب
23-12-2007, 12:25 AM
الموتر الى عرضته انفنيتي موتر عائلي نفس السوبر مان ،، لكن اذا خيروني بينه وبين الفكسار ماغير التويوتا موتر،، واسئل مجرب ولاتسئل طبيب،،الجديد لين الحين ماخذته لكن ركبت فيه وان شاء الله قريب جدا عندي،،ولاتاخذ غير التويوتا،،

وصل الخبير

أهم شي خذ رصااااصي يالدوحي7:ok2:
الدوحي7
23-12-2007, 12:36 AM
وصل الخبير

أهم شي خذ رصااااصي يالدوحي7:ok2:

اول شي ماعليك زوود والله يابوحارب،، وثاني شي تراني محتار بين الرصاصي والاسود،،والبحث جارى لغايه الان،،
عبدالله الحميدي
23-12-2007, 11:15 AM
ابعد 200 كيلو عنها اسال مجرب !!
بويوسف
23-12-2007, 01:50 PM
ابعد 200 كيلو عنها اسال مجرب !!

:confused:

من بعد هالرد شكلي بهون .. طيب اخوي ابوالجوري قول لنا عن تجربتك :)

يعطيكم العافية بومحمد والدوحي. طيب ماهو الفارق من ناحية السياقة بين الجي اكس ست سلندر وبين الفي اكس ار ثمانية سلندر؟
الرايــق
23-12-2007, 03:54 PM
هالموتر روووعة يا الطيب


وما يقرن بالكروزر المصخرة

لكن اذا تفكر في الصيانة وسعرها المعقول ، اعادة البيع ، سعر الصيانة الدورية ( سفايف.... الخ)


كل هالاشياء من صالح الكروزر للأسف


وبالتوفيق
راعي المواجيب
23-12-2007, 09:54 PM
هذي السيارة تقارن باللكزس أو يالسيارات الضخمة لأنه من فئة السيارات الفخمة العائلية .. ويغلب عليها الطابع العائلي أكثر من الوعورة ..
على ماأظن إني قريت تقرير إن الانفنيتي من أقل السيارات أعطالا والجودة فيها عالية .. صل استخارة وخذ ماتقتنع فيه إنت لا ماورثه الناس عن آبائهم .. .. لأن الموضوع متطلبات واحتياجات .. عدد أفراد العائلة + طلعاتك للبر + مطعس ولا مشاهد :d + عندك سيارات بديلة للمشاوير العادية

والله يوفقك ويعينك ،،،

( على فكرة قومتها خيالية وجبارة بتطربك :d )
_QTR_
23-12-2007, 10:02 PM
اخووووووي بو يوسف لا تغلط غلطة اخووووووووووووووي العام

لانه خذ نفس الموتر

الموتر ما عليه كلام بس فيه مشكلة في الجير يوم انك تسافر يحتر قيره وتضظر انك توقف مب اقل من 3 ساعات عشان يبرد قيرك ويجبرك انك توقف

وسيرفيسهم زبالة الله يعزك روووح خذ لك الفي اكس آر او اليوكن دينالي او الاسكاليد

والله فرق شاسع خصوصا بين الاسكاليد وبين الانفينيتي

وبالتوفيق يالغالي
$$كلنا قطر$$
24-12-2007, 11:02 AM
نصيحتي لك يوكن دينالي سياره ماعليها قصور
راحه وقوه وقطع غيار متوفره
هذا رأيي والله يوفقك بالي بتختاره ويعطيك خيره ويكفيك شره
مستثمر 999
24-12-2007, 02:49 PM
اشتري في اكس ار وانا اضحك

ولا اشتري انفنتي ...فكر في الصيانه واعادة البيع

وقارن بينها وبين الفي اكي ار اعتقد مواصفات الفكسار اكثر

يعطيك الف عافيه اخوي ...



نعم اخوي جربت السيارتين ....

وخلي الناس تحكم ومب معقوله الناس كلهم غلط وانت يا راعي الشان صح

اعلن عن في اكس ار 2008 وشوف كم واحد بيتصل فيك وقول لهم ان الموتر انباع
وتلقلى مليون سؤال كم بعت وليش استعجلت وليش وليش..

ونفس الشي اعلن عن بيع الانفنتي موديل 2008 ماشيه الف او اكثر المهم اعتقد عدد المكالمات
ما تعدي عدد الاصابع والي بيتصل فيك يكون متوقع سعر السياره 155000 زايد قاصر شوي

وربي يوفقك ولا زلت اقول ما اشوف اي شي في الانفنتيس زود على الفيكسار

(( 22 سنه في تجارة السيارات )))
بو سالم
24-12-2007, 04:58 PM
يا جماعة الخير شكل الاند كروز الجديد قبيح

وما اشجع الانفنيتي


وكلامي بدون اي واقع تجربه بس شكلا



انا اشوف الاسكاليد رووووووووووووعه شكلاً




ويه الكروزر ما ينبلع ولا الخلفيه بس الناس تركض ورا التويوتا وشكله الله بالخير