بعض الرسوم الجديده للمواطنين . . . [الأرشيف] - منتديات شبكة الأسهم القطرية

مشاهدة النسخة كاملة : بعض الرسوم الجديده للمواطنين . . .

الدستور

23-12-2007, 10:52 AM

اصدار الجواز 100 ريال

اصدار بدل فاقد للجواز400 ريال

اصدار تذكره مرور 50 ريال

اصدار وثيقه سفر قطريه 500 ريال

اصدار بطاقه شخصيه للمواطنين ومواطنين مجلس التعاون 100 ريال

اصدار بدل فاقد للبطاقه الشخصيه 200 ريال

اصدار رخصه سياقه مركبه خفيفه او التجديد للقطرين 500 ريال لمده عشر سنوات

تجديد الأقامه للخدم على الكفاله الشخصيه 300 في السنه
( بدون رسوم اداره العمل )

اصدار او تجديد البطتقه الشخصيه للمقيمين 100 ريال

والبدل الفاقد 200 ريال

السامر الأسود™

23-12-2007, 10:57 AM

اخوي هذي ولا شي بلنسبة للي تصرفه علينا الدولة

كمجرد مواطن او حتى مقيم

كم تصرف علينا كمجرد بشر مقيمين على ارضها
"تكاليف الامن والبيئة والقضاء وتكاليف الصحة والخدمات"

ونعم: ياخذون رسوم قليله جدا جدا نظير الجدية
ولا ليش تؤخذ الرسوم الا لجعل تلك الاوراق رسمية

ويعتبر صاحب المعاملة وياخذها على محمل الجد

ورقم يعتبر بهانس بالنسبة لغيرنا من الدول

فالحمد لله

والله يديم علينا وعليك الستر والعافية

والغريب فقط اعطاء معلومات يعلمها كل المراجعين

فشنو سبب كتابة هذا الموضوع؟

ما اشوف لك تعليق يعني هذا الي اقصده
بس معلومات..شنو رايك ..

يعني تسال عن صحتها ؟ او تسال عن شنو راينا؟
ام شنو يعني..ممكن تحدد

مساهمة بسFresh

23-12-2007, 11:02 AM

خالد32

23-12-2007, 11:06 AM

مشكور على مشاركة المعلومات و التنبيه

الدستور

23-12-2007, 11:12 AM

مرحبا أخوي السامر الأســود . . اعصابك يا الحلو :pic:

هاي طال عمرك الرسوم الجديده لبعض المعاملات اللتي سوف تتتطيق بعد اجازه العيد

وفي بعض الرسوم فيها زياده ، لأن انتشر من فتره زياده الرسوم للمستندات الرسميه

ونفس ما قلت ان هاي الرسوم تعتبر قليله جدا في ظل ما تقدمه الدوله للمواطن . .

السامر الأسود™

23-12-2007, 11:21 AM

اعصابي حلوه مثلك ياحلو.. معليك
هذا اسلوبي بس .. والنية طيبة ترى

:)

بس كنت متعجب شنو سبب ذكرها
وخصوصا انك ماذكرت انها جديده
وانها راح تكون ساريه من بعد العيد

فكنت متعجب شنو هدف الموضوع
بس..والله يعطيك العافية..اخوي

مستانس

23-12-2007, 11:24 AM

ما اقول غير الله كريم

ام الحناين

23-12-2007, 11:41 AM

الموضوع هدفه كبير وانا فعلا اشكرك على الموضوع
لان فعلا في عائلات قطرية وغير قطرية لا يستطيعون دفع هذه الرسوم .
احنا ما قلنا شي عن دولتنا بأنها ما قصرت علينا
بس المفروض انها ما تزيد من الرسوم المفروضة على المواطنين،،،، يعني مثلااصدار بطاقة بدل فاقد للبطاقة الشخصية ليش تكون ب200 ريال ---- وهي بالاصل لا تكلف الدولة الا خمسين ريال.

بنت الفيصل

23-12-2007, 11:48 AM

تكاااليف الصحة+ الخدمات+ والقضااااء...فحدث ولا حرج

خالد32

23-12-2007, 12:24 PM

السامـي

23-12-2007, 12:36 PM

والله ما بقي الا ندفع ايجار للدولة على:
"تكاليف الامن والبيئة والقضاء وتكاليف الصحة والخدمات"

الزاجل

23-12-2007, 12:38 PM

السلام عليكم

مب عارف ليش يتم ربط الزيادات بالخدمات اللي تقدمها لنا الدولة ؟

فهل احنا عيال الواق واق والا من كثرنا علشان
الدولة كل يوم ترفع علينا الرسوم ؟

احنا واغنى ثاني دولة في العالم
والدولة اتحكنا حك من غير رحمة
عيل لو كنا افقر مائة دولة في العالم
اشبيكون نصيبنا ؟

لما كل شي يرتفع
من مواد تموينية واستهلاكية
والإجارات نار
والقطري الشاب صار ما يقدر يشتري له سيارة
من الوكالة اذا ما كان ابوه راهي
اشلون بيتزوج
اشلون بيأجر له بيت
واشلون
واشلون
واشلون ..

ارحمونا الله يخليكم بلا كلام ماله معنى
تقولون حق الدولة ..
حقنا على الدولة انها توفر لنا الحياة الكريمة
اللي تغنينا من مد اليد للي يسوى واللي ما يسوى ..

من حقنا على الدولة
ان نتمتع بخيرات بلادنا بما ان نحن ثاني اغنى دولة في العالم

من حقنا على الدولة اني اعيش قرير العين
ما اعاني من الضغوط المادية بما اني مواطن
ما عندي مداخيل تجارية وما اعرف اتملحس وابوق واختلس وارتشي ..

مصخوها بصراحة بالزيادات
الواحد مب عارف اشعليه يلحق والا اشعليه
الظاهر يبوننا ندور من غير ملابس علشان
يدركون ان الوضع بالفعل بدأ يتأزم .

الزاجل

23-12-2007, 12:39 PM

والله ما بقي الا ندفع ايجار للدولة على:

لا تفتح عيونهم بكرة بيطالبونك بدفع ثمن حرية الكلمة crazy

السامـي

23-12-2007, 12:41 PM

لا تفتح عيونهم بكرة بيطالبونك بدفع ثمن حرية الكلمة crazy الله المستعان.

الزاجل

23-12-2007, 12:51 PM

الله المستعان.

نعم الله المستعان

احنا عايشين على ان الخير والبركة من رب العالمين
ولا لحد فضل على احد ..

احنا ما انطبل لمجرد انبين ان احنا حقانين
احنا ايماننا وقناعتنا بان البركة من الرب العالمين
فربنا يطرح البركة في الريال ويكون افضل من الملايين الريالات ..

لكن بعد مؤمنين ان ربنا يكون مع الناس اللي ما تسكت عن حقوقها
ويكون بعونها .. على شرط تكون نيتها خالصة لله تعالى ..

الحمدلله على كل حال ونعوذ بالله من شر حال أهل النار

لكن لا للمزايدة على حقوق المواطن
الدولة في حالات السلم تسخر لخدمة المواطن
وليس لتطفيش المواطن .. والتضييق عليه ..

خاطري اعرف بس واسأل القطريين اللي معانا
الفنادق الراقية اللي انشوفها في قطرنا الغالية

انت يا قطري وين محلك من الإعراب فيها ؟
تقدر اتغدي عيالك فيها مرة في الاسبوع ؟

تقدر اتطلع عيالك في الإسبوع مرة واتعيشهم
حدى هالمطاعم الغالية مب اقول الراقية
من غير ما تهتز ميزانيتك بمقدار 9 رختر..
طبعا اتكلم عن القطري الموظف اللي ما عنده مداخيل ثانية

يا اخوان
صارت المجمعات غالية علينا
صارت السيارات احلام تراودنا ان نشتريها من غير ديون
طول العمر ..

صار حلم الحصول على قطعة أرض حلم فاشل من بدايته

ترانا كلنا ما انعدي 200 الف نفر
اشلون لو صرنا مليون ..

فكروا في حقوق الاجيال قبل كل واحد من يفكر في حقه
وحق الدولة اللي مب ناقصها شي ولله الحمد ..

فهد الخاطر

23-12-2007, 12:58 PM

الاجيال والاجيال والاجيال
سنرى نهاية المطاف

السامـي

23-12-2007, 01:06 PM

$.$.$

23-12-2007, 01:22 PM

لاتعليق

الزاجل

23-12-2007, 01:27 PM

والله انك صادق يا الزاجل

ولا تستبعد بعد كم من سنه يصير عندنا اللي صاير في الهند
مجتمع بطبقات متعددة(السلم الطبقي).
عاد شوف أنا وأنت وين موضعنا من الإعراب،
قصدي في آي طبقة مصنفين.:swoon:

بو حظين لنا رب اسمه الكريم
ترى الإيمان بقدرته على تيسير الأمور
نعمة ما يدركها اصحاب الملايين رغم الضغوط الكبيرة..

الواحد لما يحط راسه على المخدة ويفكر يمين ويسار
وتتسكر البيبان في ويهه اشلون يصبح ؟

يصبح بما مسى عليه من قناعة ان ربنا هو ميسر الأمور
وان ما كانت اليوم بتكون بكرة وان ما كانت بكرة
بتكون لنا ان شاءالله يوم اخرتنا ..

بس مب معناة هذا ان يتم المزايدة على حقوقنا

فاللي يشوف ان من حق الدول انها اتزيد على الناس
الله يزيدهم ويبارك لهم خلهم شهمين مع الدولة
ويقدرون حقها خير تقدير
فإذا الدولة قالت 100 خلهم يدفعون 200
وان قالت 200 خلهم يدفعون 400 ..

وخلهم يطالبون بفتح صندوق خاص لحقوق الدولة عليهم
ويدفعون كثر ما يبون للدولة من باب ايمانهم بأن للدولة حق
والحق مب مقرون بسعر محدد او قيمة معينة ..

امل الحب

23-12-2007, 01:33 PM

:ok: خيوووو زاجل

صج على شنو والا شنو بتبدي خاصة اذا كان الشخص ماعنده غير راتبه وماعنده من يساعده فالصرف لا زوجة موظفة ولاعيال يعنونه لان كلهم صغار

الله يعين محدودين الدخل والله :(

الدوحي7

23-12-2007, 01:40 PM

في ناس يعجبوني جدا جدا في ردودهم وفي ناس صراحه حاطينهم محامين ،، مادري يعطونهم فلوس شكلهم على ردودهم ،،(لحد يزعل).

الزاجل

23-12-2007, 01:41 PM

:ok: خيوووو زاجل

صج على شنو والا شنو بتبدي خاصة اذا كان الشخص ماعنده غير راتبه وماعنده من يساعده فالصرف لا زوجة موظفة ولاعيال يعنونه لان كلهم صغار

الله يعين محدودين الدخل والله :(

اصلا حتى اللي عنده زوجة تشتغل
اتحصلين فلوسهم حق العيال وحق قرض السيارة
او سفرة عن الخاطر ..:fight:

لأن اللي ما عندهم مكتوب عليهم يموتون ..

بوحارب

23-12-2007, 01:47 PM

في ناس يعجبوني جدا جدا في ردودهم وفي ناس صراحه حاطينهم محامين ،، مادري يعطونهم فلوس شكلهم على ردودهم ،،(لحد يزعل).

:ok::ok::ok:

طويل النفس

23-12-2007, 02:03 PM

علمت ان رزقي لن ياخذه غيري فاطمئن قلبي ....!!!!!

عش يا بن أدم ما عشت .. واعمل ما عملت .. واسكن من المجتمعات ما سكنت .. لك رزق كتب لك قبل مولدك لن تاخذ اكثر منه ولا اقل ... كل واحد يحط هذه في باله ... ويعلم انه لن ياخذ درهم واحد اللا قد كتبه الله له ولن ياخذ درهم لم يقسم له ...

دنيا الاسهم

23-12-2007, 02:06 PM

السامر الأسود™

23-12-2007, 05:06 PM

في ناس يعجبوني جدا جدا في ردودهم وفي ناس صراحه حاطينهم محامين ،، مادري يعطونهم فلوس شكلهم على ردودهم ،،(لحد يزعل).

ان شاء الله محد يزعل .. الله يهديك بس ... مشكور وجزاك الله خير:whistling:

:ok::ok::ok:

وانت بعد ..مشكور وجزاك الله خير

السلام عليكم

مب عارف ليش يتم ربط الزيادات بالخدمات اللي تقدمها لنا الدولة ؟

ارحمونا الله يخليكم بلا كلام ماله معنى
تقولون حق الدولة ..
حقنا على الدولة انها توفر لنا الحياة الكريمة
اللي تغنينا من مد اليد للي يسوى واللي ما يسوى ..

من حقنا على الدولة
ان نتمتع بخيرات بلادنا بما ان نحن ثاني اغنى دولة في العالم

من حقنا على الدولة اني اعيش قرير العين
ما اعاني من الضغوط المادية بما اني مواطن
ما عندي مداخيل تجارية وما اعرف اتملحس وابوق واختلس وارتشي ..

مصخوها بصراحة بالزيادات
الواحد مب عارف اشعليه يلحق والا اشعليه
الظاهر يبوننا ندور من غير ملابس علشان
يدركون ان الوضع بالفعل بدأ يتأزم .

اخوي وحبيبي وصديقي/ الزاجل,,عيدك مبارك:

قلم فذ ولبق واسلوب نقاشي شيق واتشرف بتوضيح
نقطة هامة معاك لتوضيح موقفي ولتبرير مداخلتي في
موضوع عام في منتدى عام..حيث ان اغلب وقتي في
قسم الاسهم وومضارباتها وتحليلها.. وقلما ادخل هنا

1. أنا معك ومع فكرة صاحب الموضوع قلبا وقالبا في تقليل العبئ
2. مشاركتي كانت استفهام على طريقة وتوقيت الموضوع وهدفه
3. شرح لي اخوي الدستور المقصود منه وانتهى...مع جزيل الشكر

وانتهت مداخلتي هنا

*****
ومداخلتي ماكانت الا لنية طيبة هدفها التذكير بنعمة الله
والخير الي قطر فيه ولله الحمد.. ..والخير الي يجي منها
والي ماينكره احد..فما قلت الا الحقائق وامثله عليها

لإدراكي التام باثر هذا الموضوع على نفسية القارئ
فالمواطن عليه اعباء تزيد يوم ورى يوم والله المستعان

ولكن..مافيها شي ..ان الواحد يتذكر نعم الله التي لاتحصى
خصوصا لما يشوف ان الاوضاع تزيد غلاها شهر ورى شهر

فالحمد لله على نعمة الإسلام ونحمد الله على الأمن
والامان والحكومة الطيبة المتواضعه المحبه لنا

ومهما تطلب بلدنا منا:
فنحن نكون خير شعب في خير دولة ..والدنيا سياسة
وضغوط وكلنا تقدير وتفهم..ومافيه رسوم بدون اسباب

والله يحفظ لنا حكومتنا واميرنا وولي عهده

ومن شكر الله زاده وحل مشاكله

هذا مالدي اخوي الزاجل ... وتقبل مروري وتوضيحي بحب و ود

مستثمر تحت التعليم

23-12-2007, 05:51 PM

الف الف الف مبروك للشعب القطري على هالزياده .................
:funny::funny::funny:ـــــــ :app2::app2::app2:

إنسان

23-12-2007, 06:08 PM

ما اعرف وشو الهدف من كتابة هذا الموضوع
هو هو حملة مثل باقي الحملات في وجة الغلاء
ولا حمل على المواطن مثل اللي اكتبوا عن عدم زيادة الرواتب لكي يحرضون البعض
ولا لكي يزيد من غبن وهموم المواطن حالة حال باقي المواضيع المنشورة هنا
ما ادري والله وشو الغرض
ياليت اللي يكتب موضوع ما.... يقول لنا رأية هو شخصيا بالموضوع قبل تعليقات الاعضاء حتى نعرف النية والهدف :polling:
وسلامتكم جميعا

الخبر في حد ذاته يكفي وبغض النظر عن رأي ناقل الخبر كل عضو يُدلي برايه

هكذا يجب أن نتداول الحوار حول الخبر وليس رأي ناقله

اشكر اخوي الدستور على الموضوع

تقبلي تحياتي اختي دنيا الأسهم وهذا رأيي كما هو ذاك رأيك

Mr Brox

23-12-2007, 06:24 PM

تكلفة الرسوم معقولة وبسيطة مقارنة بما تصرفه علينا الدولة .. لا سمح الله لو مرضت مثلا كم تكلفة زيارتك للمستشفى للعلاج؟ التكلفة لا تقارن بالرسوم المفروضة من قبل الدولة على بعض الخدمات ..

عبدالله العذبة

23-12-2007, 07:09 PM

السلام عليكم

أهلا ً و سهلا ً بزيادة الرسوم فالحكومة في أمس الحاجة إلى زيادة الرسوم لأنها تعاني من التضخم مثلنا بكل أسف...:pardon:

و يجب أن ندعم الحكومة لنخلصها من التضخم و يجب أن نعرف الحكومة في اليوم الأبيض لتتذكرنا في اليوم الأسود :nea:

فالنفط ارتفع سعره للبرميل إلى أكثر من 100 دولار و الغاز الطبيعي ارتفع سعره و لديهم مشاريع عملاقة عبارة عن استثمارات خارجية في العقارات و غيرها و يحتاجون إلى زيادة الرسوم لتغطية مصاريف هذه المشاريع... :happy:

المواطنون يعجزون عند دفع أيجار منزل خصوصا فئة ما يسمى بصغار الموظفين و يعانون من ارتفاع اسعار المواد الغذائية ناهيك عن الأرامل و المطلقات و الطبقة الفقيرة من القطريين...

إلى المدافعين عن زيادة الضرائب كل عام و انتم بخير فالحكومة في أمس الحاجة إلى دعمكم المخلص لتثبتوا أنكم وطنيون أكثر من غيركم :funny:

السامـي

23-12-2007, 07:10 PM

فاللي يشوف ان من حق الدول انها اتزيد على الناس
الله يزيدهم ويبارك لهم خلهم شهمين مع الدولة
ويقدرون حقها خير تقدير
فإذا الدولة قالت 100 خلهم يدفعون 200
وان قالت 200 خلهم يدفعون 400 ..

وخلهم يطالبون بفتح صندوق خاص لحقوق الدولة عليهم
ويدفعون كثر ما يبون للدولة من باب ايمانهم بأن للدولة حق
والحق مب مقرون بسعر محدد او قيمة معينة ..

ها ها،من صدقك..هذولا (مثالية) قدامنا بس على الشاشة،شوفوا
ترى فيه ناس قلبها على الدولة،واجزم ان غالبيتهم ان ما كان كلهم أول من يستفيد من كل شيء..وبالمجان،هذا ان كان ما هم يأخذون شيء ما هو من حقهم..الا أكيد.
وتقول لي يفتحون صندوق خاص لحقوق الدولة عليهم،هذولا وأن أخوك
"لصكت الحلقة البطان"والله ما تحصل لك رفيق.

ام حبيبتي

24-12-2007, 05:13 AM

الزاااااااجل ... ترى صوتك مايتعدى المنتدى !!!!!!!!!!!!!!

للأســــــــــــــــف ................

كويتى1

24-12-2007, 05:18 AM

مشكووورين على المووضوع

الزاجل

24-12-2007, 11:09 AM

اخوي وحبيبي وصديقي/ الزاجل,,عيدك مبارك:

قلم فذ ولبق واسلوب نقاشي شيق واتشرف بتوضيح
نقطة هامة معاك لتوضيح موقفي ولتبرير مداخلتي في
موضوع عام في منتدى عام..حيث ان اغلب وقتي في
قسم الاسهم وومضارباتها وتحليلها.. وقلما ادخل هنا

1. أنا معك ومع فكرة صاحب الموضوع قلبا وقالبا في تقليل العبئ
2. مشاركتي كانت استفهام على طريقة وتوقيت الموضوع وهدفه
3. شرح لي اخوي الدستور المقصود منه وانتهى...مع جزيل الشكر

وانتهت مداخلتي هنا

*****
ومداخلتي ماكانت الا لنية طيبة هدفها التذكير بنعمة الله
والخير الي قطر فيه ولله الحمد.. ..والخير الي يجي منها
والي ماينكره احد..فما قلت الا الحقائق وامثله عليها

لإدراكي التام باثر هذا الموضوع على نفسية القارئ
فالمواطن عليه اعباء تزيد يوم ورى يوم والله المستعان

ولكن..مافيها شي ..ان الواحد يتذكر نعم الله التي لاتحصى
خصوصا لما يشوف ان الاوضاع تزيد غلاها شهر ورى شهر

فالحمد لله على نعمة الإسلام ونحمد الله على الأمن
والامان والحكومة الطيبة المتواضعه المحبه لنا

ومهما تطلب بلدنا منا:
فنحن نكون خير شعب في خير دولة ..والدنيا سياسة
وضغوط وكلنا تقدير وتفهم..ومافيه رسوم بدون اسباب

والله يحفظ لنا حكومتنا واميرنا وولي عهده

ومن شكر الله زاده وحل مشاكله

هذا مالدي اخوي الزاجل ... وتقبل مروري وتوضيحي بحب و ود

اهلا وسهلا بابو السومر
ومراحب بك في خارج عالمك وحييت اهلا وسهلا في العامة ..

ما اختلف معاك في كل نقطة ذكرتها

بس خلوا الناس اتعبر .. تراهم مضغوطين
محد يحس بالنار الا اللي يده فيها ..

من حقنا كشعب ان نرفض الزيادات وهذه سنة الحياة
فهل تريدون منا ان نخالف سنة الحياة علشان خاطر الحكومة
اللي اقل راتب للوزير = 60000الف من الدولة فقط ..

فرق ما بين واحد راتبه 15 الف وما بين اللي يصدرون القرارات
في الوقت اللي تبي تشتري قميص محترم حق بنيتك ام 5 سنوات
اتحصله على 600 و 700 ..
عاد تعال شوف باقي الأسعار ..
وهم مب هامهم شي ..

ليش ماانشوف وزير يطالب بزيادة رواتب الشعب ؟
ليش ما انشوف وزير يتكرم بحملة ضد الغلاء ؟
ليش ما انشوف تحرك من الدولة ضد الغلااء الفاحش ؟

تدري ليش ؟

لأنهم ما يعانون وكل شي متوفر لهم
وعلينا احنا ان نقدر حق الدولة عن طريق
معاناتنا وتفكيرنا والضغوط الثانية ..

ترانا ولله الحمد عايشين بفضل الله سبحانه وتعالى
وهو ميسر الأمور ومدبرها
وهو اللي يطرح البركة يا بو السومر في فلوسنا
ويزيدنا من فضله ..

بس لا تكتمون الافواه والانفس
وخلوا الناس تتكلم من غير بيان فضل الدولة عليهم
وكأن الدولة مالها فضل الا على المساكين اللي ظروفهم المادية قاهرة ..

الزاااااااجل ... ترى صوتك مايتعدى المنتدى !!!!!!!!!!!!!!
للأســــــــــــــــف ................

صبري عليه الزاجل
حتى في المنتدى بيسكت ما بيكون له كلام ..:secret:

simsim1963

24-12-2007, 12:23 PM

الحمدلله والشكر على كل شئ والله الرسوم ولا شئ بسيطه والله يعز حكومتنا الرشيدة ..... مبروك للجميع وانشاء الله تكون للصالح العام

الزاجل

24-12-2007, 12:38 PM

الحمدلله والشكر على كل شئ والله الرسوم ولا شئ بسيطه والله يعز حكومتنا الرشيدة ..... مبروك للجميع وانشاء الله تكون للصالح العام

احنا سمعنا ان من علامات الساعة امور غريبة بتطلع

لكن اول مرة اقرا واشوف حد يبارك على رفع رسوم من قبل الدولة :swoon:

بس متأكد انه هالنوع من العلامات يسمونها
بالضرب من تحت الحزام :nop:

الزاجل

24-12-2007, 12:51 PM

ها ها،من صدقك..هذولا (مثالية) قدامنا بس على الشاشة،شوفوا
ترى فيه ناس قلبها على الدولة،واجزم ان غالبيتهم ان ما كان كلهم أول من يستفيد من كل شيء..وبالمجان،هذا ان كان ما هم يأخذون شيء ما هو من حقهم..الا أكيد.
وتقول لي يفتحون صندوق خاص لحقوق الدولة عليهم،هذولا وأن أخوك
"لصكت الحلقة البطان"والله ما تحصل لك رفيق.

بو حظين
يا اخي يدعون والا ما يدعون في الأخير
ربنا عالم بالنوايا وبيحاسبني وبيحاسبك وبيحاسبهم .

صدقني يعني لما اشوف يقولون ان اللي تاخذه الدولة
اشوي .. استغرب من كلامهم !!

ليش ما انشوف لهم مطالبات بزيادة الرسوم على الأقل
عليهم هم .. فهم يحسون انهم ما يدفعون شي
واللي يدفعونه اشوي ..:tooth:

ليش مستمتعين بمجانية العلاج ؟
ليش مستمتعين بمجانية الكهربة والماي ؟
ليش يدشون اكتتابات ؟

المفروض يرفضون هالأمور
ويقولون بسنا يا حكومة بسنا غرقتونا بكرمكم:swoon:

احنا مستمتعين بمجانية العلاج والتعليم والكهربة والماي
ولله الحمد والمنة وربي يدوم علينا خيره يارب

لكن نعاني ايضا مع وجود كل هالمجانية

فهل عندما نعاني ونسكت يكون مصيرنا زيادة في المعاناة ؟ :mad:

ANONYMOUS

24-12-2007, 01:09 PM

احنا سمعنا ان من علامات الساعة امور غريبة بتطلع

لكن اول مرة اقرا واشوف حد يبارك على رفع رسوم من قبل الدولة :swoon:

بس متأكد انه هالنوع من العلامات يسمونها
بالضرب من تحت الحزام :nop:

اعذره

هو قرا زياده ف عباله زياده في الرواتب .. قام وبارك.. قلبه ابيض

الزاجل

24-12-2007, 01:12 PM

اعذره

هو قرا زياده ف عباله زياده في الرواتب .. قام وبارك.. قلبه ابيض

ما عليك هالخان داهية
يقط كلام كبير يلعب فيه على الحبلين :eek5:

بدوور

24-12-2007, 01:14 PM

اعتقد فرض الرسوم بحد ذاته ليس المشكلة....... في المقابل يجب ان نفكر فيما نحصل علية كمواطنين من رعاية صحية متطوره وتعليم فعال لبناء الوطن وحفظ حقوقنا القانونية والمدنية وغير ذللك

ANONYMOUS

24-12-2007, 01:15 PM

بو حظين
يا اخي يدعون والا ما يدعون في الأخير
ربنا عالم بالنوايا وبيحاسبني وبيحاسبك وبيحاسبهم .

صدقني يعني لما اشوف يقولون ان اللي تاخذه الدولة
اشوي .. استغرب من كلامهم !!

ليش ما انشوف لهم مطالبات بزيادة الرسوم على الأقل
عليهم هم .. فهم يحسون انهم ما يدفعون شي
واللي يدفعونه اشوي ..:tooth:

ليش مستمتعين بمجانية العلاج ؟
ليش مستمتعين بمجانية الكهربة والماي ؟
ليش يدشون اكتتابات ؟

المفروض يرفضون هالأمور
ويقولون بسنا يا حكومة بسنا غرقتونا بكرمكم:swoon:

احنا مستمتعين بمجانية العلاج والتعليم والكهربة والماي
ولله الحمد والمنة وربي يدوم علينا خيره يارب

لكن نعاني ايضا مع وجود كل هالمجانية

فهل عندما نعاني ونسكت يكون مصيرنا زيادة في المعاناة ؟ :mad:

صحيح يالزاجل

ليش ماتفتح الدوله حساب في احد البنوك يسمونه

" وفاء وعرفان "

وكل واحد يشعر بالعرفان والوطنيه والوفاء زياده عن اللزوم.. يروح يحط له كم(ن) الف في هالحساب

لالا هاي ولا في الخيال ادري

ليش الحكومه ماتسوي ضرايب

تاخذ من الاغنياء .. وتسدد ديون الفقراء ... زي ماتقول زكاه.. بس بطريقه حديثه

وبكذا بيصير التكامل

عبدالله العذبة

24-12-2007, 01:15 PM

احنا سمعنا ان من علامات الساعة امور غريبة بتطلع

لكن اول مرة اقرا واشوف حد يبارك على رفع رسوم من قبل الدولة :swoon:

بس متأكد انه هالنوع من العلامات يسمونها
بالضرب من تحت الحزام :nop:

:tease::funny::funny::funny:

اعذره

هو قرا زياده ف عباله زياده في الرواتب .. قام وبارك.. قلبه ابيض

:tease::tease::tease::victory:

الزاجل

24-12-2007, 01:22 PM

صحيح يالزاجل

ليش ماتفتح الدوله حساب في احد البنوك يسمونه

" وفاء وعرفان "

وكل واحد يشعر بالعرفان والوطنيه والوفاء زياده عن اللزوم.. يروح يحط له كم(ن) الف في هالحساب

لالا هاي ولا في الخيال ادري

ليش الحكومه ماتسوي ضرايب

تاخذ من الاغنياء .. وتسدد ديون الفقراء ... زي ماتقول زكاه.. بس بطريقه حديثه

وبكذا بيصير التكامل

يا حليلك
اللحين بيفتحون حساب
بيسمونه من الشعب للحكومة ومن الحكومة للعشب
بيخصمون من الكل 500 ريال
سواء كان بو 1500 ريال
او بو 100 الف ريال
في الكل يتمتع بمجانية التعليم والكهربة والماء والهواء
والدولة توفر جميع الخدمات بالتساوي للجميع :eek5:
فمن حق الجميع التساوي في الدفع :fight:

ارجوكم اسكتوا عني
لاني قررت اتغير خلاص ..بليز عربيان اسكت عني
ولا اتطيشني زيادة :secret:

بدوور

24-12-2007, 01:22 PM

في مقابل فرض الرسوم نبغي نحصل علي حقوق المواطنه من علاج متطور وتعليم ناجح وقوانين تحفظ حقوق المواطن من تلاعب البعض........... والله المستعان

الزاجل

24-12-2007, 01:25 PM

في مقابل فرض الرسوم نبغي نحصل علي حقوق المواطنه من علاج متطور وتعليم ناجح وقوانين تحفظ حقوق المواطن من تلاعب البعض........... والله المستعان

بصراحة انت متذمرة :nop:

ANONYMOUS

24-12-2007, 01:31 PM

يا حليلك
اللحين بيفتحون حساب
بيسمونه من الشعب للحكومة ومن الحكومة للعشب
بيخصمون من الكل 500 ريال
سواء كان بو 1500 ريال
او بو 100 الف ريال
في الكل يتمتع بمجانية التعليم والكهربة والماء والهواء
والدولة توفر جميع الخدمات بالتساوي للجميع :eek5:
فمن حق الجميع التساوي في الدفع :fight:

ارجوكم اسكتوا عني
لاني قررت اتغير خلاص ..بليز عربيان اسكت عني
ولا اتطيشني زيادة :secret:

زين خلك لاتفتح وايد

ليش مايسون بالدوحه ضريبة دخل

ويكون ك التالي

اللي دخله اقل من 5000 ريال شهريا.. الضريبه 100 ريال شهريا

اللي دخله من 5000 لين 10000 ضريبته 200 ريال

اللي دخله من 10000 لين 20000 الضريبه 300 ريايل

20000 لين 40000 الضريبه 400 ريال

من 40 الف لين 60 الف.. الضريبه 7000 ريال

الدخل من 60 لين 100 الف الضريبه 15 الف ريال

الدخل من 100 لين 200 الف الضريبه 30 الف

الدخل من 200 الف لين 500 الف الضريبه 50 الف

الدخل من 500 الف لين maximum الضريبه 35% من المدخول

لو تحقق هالشي.. بتشوف المواطن العادي يدفع وهو ساكت

والتاجر... يسوي ازعاج وقلقان في الجرايد.. وفي المجلس البلدي.. وفي كل مكان

يعني بيصير العكس

الزاجل

24-12-2007, 01:46 PM

زين خلك لاتفتح وايد

ليش مايسون بالدوحه ضريبة دخل

ويكون ك التالي

اللي دخله اقل من 5000 ريال شهريا.. الضريبه 100 ريال شهريا

اللي دخله من 5000 لين 10000 ضريبته 200 ريال

اللي دخله من 10000 لين 20000 الضريبه 300 ريايل

20000 لين 40000 الضريبه 400 ريال

من 40 الف لين 60 الف.. الضريبه 7000 ريال

الدخل من 60 لين 100 الف الضريبه 15 الف ريال

الدخل من 100 لين 200 الف الضريبه 30 الف

الدخل من 200 الف لين 500 الف الضريبه 50 الف

الدخل من 500 الف لين maximum الضريبه 35% من المدخول

لو تحقق هالشي.. بتشوف المواطن العادي يدفع وهو ساكت

والتاجر... يسوي ازعاج وقلقان في الجرايد.. وفي المجلس البلدي.. وفي كل مكان

يعني بيصير العكس

احنا دولة اسلامية

والدول الإسلامية لا تتعامل بالضرائب ..:sneaky:

السامـي

24-12-2007, 01:56 PM

احنا دولة اسلامية

والدول الإسلامية لا تتعامل بالضرائب ..:sneaky:وش فرق بما يسمى رسوم
على الضرائب وخذني على قد عقلي.:confused:

عزوز المضارب

24-12-2007, 02:49 PM

وش فرق بما يسمى رسوم
على الضرائب وخذني على قد عقلي.:confused:

الرسوم تدفع مقابل خدمة يحصل عليها الفرد مثل الخدمات التعليمية (المصاريف) أو الرسوم على جواز سفر ، أو رخصة قيادة الى اخره .

أما الضرائب فيدفعها الأفراد دون ارتباط بخدمة معينة يحصلون عليها .كضريبه الدخل

من الارباح والرواتب

وهناك ضريبه اخرى اسمها ضريبه القيمه المضافه وهي الفرق بين ثمن السلعه
او بدل الخدمه وبين ثمن الشراء

بنتكم

24-12-2007, 03:31 PM

:nice::nice::nice::nice::nice:

الزاجل انتى والله صح

قلت اشياء مب قادرين اشلون نعبر عنها والله انك صادق بكل كلمه قلتها

ماشاء الله عليك وربنا كريم ومعين لنا ان شاءالله

الزاجل

24-12-2007, 03:42 PM

وش فرق بما يسمى رسوم
على الضرائب وخذني على قد عقلي.:confused:

الأول حرام
الثاني عقلك على قدك

:nice::nice::nice::nice::nice:
الزاجل انتى والله صح
قلت اشياء مب قادرين اشلون نعبر عنها والله انك صادق بكل كلمه قلتها
ماشاء الله عليك وربنا كريم ومعين لنا ان شاءالله

عاد لتلوني بتقولون الزاجل انتى كده
والا بتخلوني بروحي وعيالي مالهم حد ؟:sneaky:

بنتكم

24-12-2007, 03:49 PM

شنو يتلونك:anger2:

وان تلوك احنا معاك ننتل كلنا مع بعض :nice:

الله يحفظك الزاجل ويخليك لعيالك

الزاجل

24-12-2007, 03:57 PM

شنو يتلونك:anger2:

وان تلوك احنا معاك ننتل كلنا مع بعض :nice:

الله يحفظك الزاجل ويخليك لعيالك

اللهم آمين
اللهم آمين
اللهم آمين

ويحفظج ويحفظ الجميع ويبعد عنا شر الغلاء وكسر الظهور ..

بنتكم

24-12-2007, 04:01 PM

اللهم امين

اللهم امين

اللهم امين

اي والله كسر ظهورنا

خشوف

24-12-2007, 04:04 PM

ول ول شفيهم شالظلم والله حتى هالاشياء تترفع اسعارها وين قاعدين حنا مايسوى علينا الحليب المراعي صار ب1ونص كل شي مولع ارحمو من فالارض يرحمكم من في السماء

المشكله الي دايم محتجين يقولون وش ناقصكم كهرباء ماي بلاش عيش حياة غيرك وعقب تتكلم الواحد مب لاقي وظيفه محترمه مدري وش بيدفع تجديد الجواز الحمدلله جوازي بيتنهي 2012 يمكن نموت قبلها

الله كريم ...