وسطاء الرحمه

[جليســــة القــــرآن]

السلام عليكم ورحمة الله


الاخوان والاخوات تصادفني حالات انسانية كثيرة قطريه وغير قطرية تحتاج للسكن وامكانياتهم قليله ، والله يعلم اني احاول مساعدتهم بكل طريقه وأتنازل عن عمولتي ابتغاء الثواب من الله لكن يد وحده ما تصفق :(
فكرت في تخصيص موضوع للحالات الانسانية نساعد فيه كوسطاء وكملاك كل محتاج سكن ونكون وسطاء خير ورحمة عسى الله ان يتقبل منا ويفرج عنا دنيا وآخره

[ابوسعود]

جعله الله في ميزان حسناتج
وبارك الله فيج
فكره ممتازه والله يعينج على فعل الخير

تقبلي تحياتي
ابوسعود

[جادووور]

ربي يوفقج ان شاء الله ومثل هاي المشاريع من صج مربحه وربحها مضاعف ان شاء الله يكون هناك تفاعل من القادرين وبالتوفيق

[الجمارك]

جزاج الله خير وانشاء الله الاخوان والوسطاء فيهم الخير والابركه

[جليســــة القــــرآن]

مواطنه قطريه تطلب سكن في حدود 10000 ، ام 5 اطفال 3 منهم مصابين بالكلى
كلمتني اليوم وهي خانقتها العبره ، تقول مب لاقيه بيت او فيلا فيها خير اسكنها انا وعيالي حتى بالعشرة الاف والله يعلم شلون دبرتها
تقول اشتكي لمن ؟؟؟ يعني لازم افضح نفسي في الجرايد او في وطني الحبيب علشان القي سكن ؟؟؟
10000 ريال مبلغ مب بسيط تقريبا راتب شهري لموظف وبعد ما تجيب فيلا مناسبة لسكن عائلة قطريه ؟؟؟
اللي يقدر يساعد الاخت بأي طريقه او يقدر يوصل حالتها للديوان الاميري علشان يساعدونها يتواصل معاي وأجره عند رب العالمين
والله شي يقهر .. قطر لازم يكون خيرها لاهلها اولا وبعدين للغير والا بنصير مثل عين عذاري . . . .

[عبود زخوه]

بالتوفيق انشالله والله يعينهم ويرزقهم البيت الي يؤويهم
وعساه بميزان حسناتج

[حرقطر]

جزاج الله خير وجاااااااااااااااري البحث انشاءالله


ممكن خارج الدوحه

اذا تحدين المنطقه جزاج الله خير

[ريفيرا]

الله يعطيج العافيه انا ابني وعسى فترت البنيان تعدي على خير وانساهم وياج في الخير ووفقكم الله لعمل الخير ونحتاج الدعاء

[بنت الدوحه]

تحيه من القلب لهالقلب الابيض ( قلبك الطاهر يا قطريه )

مابي امدح فيج وانا يمكن اكون اكثر وحده تعرف طيبتج في هالموقع

لكن هالموضوع اكبر دلاله على صفاء قلبج وطيبتج

جزاج الله خير وجعله في ميزان حسناتج

القطري صارت حالته حاله

ويعلم الله نسمع ونشوف حاجات يتفطر لها القلب

البارح مالك بيت جات له وحده قطريه مطلقه تبي البيت ولما قربوا يوقعون العقد

كنسل الاخ والسبب ( مطلقه ما معها رجال واخاف تسوي لي مشاكل )

والحين يقول ابي عوائل اجنبيه تسكن البيت مابي قطريين !!!!!!!!!!!!!

المشكله حلها بيد ابو مشعل وبس يا قطريه

والاخت اللي طالبه بيت ان شاء الله ببحث لها من المالك مباشره وبحاول معاه

ينزل من الايجار

وأسأل الله ان يعيني ويعينك ويعين كل من يبي الخير وان ييسر امورنا لاقناع الملاّك

الله يفرج كربتها وكربة كل مسلم

[جليســــة القــــرآن]

الي عنده او يدل بيت مناسب يتواصل معاي ع الخاص
أو الإيميل qtrlink@hotmail.com
وانا بعرضه عليها وحتى لو ما ناسبها بحتفظ بتفاصيله لأي حالة إنسانية تجيني او تكتب في هالموضوع تطلب مساعده وجزاكم الله خير على التفاعل الطيب وما توقعت من اهل الطيب والخير الا الفزعه لاهلهم ولكل محتاج عسى الله يقضي حاجاتكم ويفرج عنكم ويعينكم على فعل الخير

[الوعد2016]

بنسبه لي انا اقوم بتاجير المنازل بدون اي عموله من اجل الشيمه وبسبب المعرفه والاهم السمعه الطيبه مع العلم ان ماعندي مكتب

[ataha2]

الله يوفق الجميع