شوفوا الهندي شو سوى

[&ام عبدالله&]

:SalamAlikom:



اشحالكن بنات؟؟؟ عساكن بخير وسهاله!!!!!
والله اني ما كنت بصدق اذا احد خبرني هذا الموقف لين ما شفته بعيني تخيلوا انا اليوم كنت بالدوام المساء وعدال (الكونتر) مالي صندوق تبرعات انا كنت اطالع الناس (ترا كنت فاااااااااااضيه ) وشوي قرب صوب الكونتر واحد هندي فقير والله تشوفون لبسه تعرفون انه ما عنده بيزات يلبس وكانت ملابسه واااااااايد وصخه وقبلها كان جاي يتشكى ان عنده مخالفات سالك وهو حاط بطاقة سالك(يعني نحن غلطانين في حقه) وان الشركة بتخلي يدفع المخالفات (وتكلف 10900) درهم وهو راتبه اصلا 800 درهم المهم الهندي خليته يقدم اعتراض على المخالفه وقبل لا يروح مد ايده بمخباه وحط في صندوق التبرعات اه ه ه ه ه ه ه يا قلبي والله ما صدقة على قد ما هو فقير بس اهتم انه يتبرع لغيره والله اني اشوف غيره من عرب ومسلمين ولا يهتمون بموضوع الزكاه(ناس اعرفهم زين ما زين) لا حول ولا قوة الا بالله .... سبحان الله العظيم

:12 (8)::12 (8)::12 (8):

منقول من اخت ثقه

للتذكير فقط لاغير

[رياني1212]

اعتقد سالك في الامارات هذا النظام== وجزاك الله خير اللي ساعتيه في انه يقدم اعتراض= والله انك صادقه ان فيه ناس يملكون ملايين ويعجزون عن دفع الزكاة او حتى صدقة

[&ام عبدالله&]

اى اخوى فى الامارات ومبين هالشيء من اللهجه

والله يجزيها خير اختى الحزينه ماقصرت وياه

والف شكر لمرورك العطر

[كويتى1]

مشكووورين على النقل

[hich]

كم من فقير اومتوسط الحال يضع يده في جيبه وفي صندوق وكم من غني ينسف غترته ويمر بسرعة

[&ام عبدالله&]

مشكووورين على النقل

لا شكر على واجب اخوى

ونورت الموضوع بمرورك

[كويتى1]

لا شكر على واجي اخوى

ونورت الموضوع بمرورك


مشكووره أم عبد الله على سلوووبج الراااع وعلى المووضيع الى تشركين فيه أندل يدل على ذوووقج ومشكوووره

[&ام عبدالله&]

كم من فقير اومتوسط الحال يضع يده في جيبه وفي صندوق وكم من غني ينسف غترته ويمر بسرعة

والله صدقت والله صدقت كلامك صحيح وهالشيء اكبر دليل

ان الهندى الفقير اللى مب محصل ياكل يعرف قدر التبرع ويسوى الخير لوجه الله

واللى عندهم فلوس والله معطيهم خير مايهتمون بهالاشياء المهمه بحيات المسلم

لو الانسان اللى عنده خير ماراح يتبرع اشلون راح يحس ان عنده رحمه بالفقير

الله طالبنا بالزكاه والصدقه علشان نساعد اخواننا المسلمين المحتاجين

مب علشان نترك الفقير يتبرع للفقير اللى مثله

الله كريم وقادر على كل شيء

واصحو يالاغنياء من غفلتكم

000000000

والله يجازى كل الاغنياء اللى يتبرعون خير ويخلى لهم اعيالهم

ويستر عليهم دنيا واخره

[مستثمر 999]

يمكن الكلام هذا في الامارات ولكن في قطر ولله الحمد الجمعيات الخيريه وصندوق الرزكاة وغيرها مداخيلها بالملايين وعسى بس ما حد نشر في الجريده او وطني الحبيب صباح الخير انه محتاج او صار له حادث او او والكل ما شاء الله يتسابق على الخير بدون حتى التأكد من مصداقيه المعلن .

وعلى فكره مب كل من لبس ملابس وصخه او قديمه قال انا فقير لان عندنا في الدوحه ومن كل الجنسيات عرب واجانب وهنود مداخيلهم بالملايين وعندهم مصانع ومجمعات في بلادهم او محلات تجاريه في الدوحه ولكن سيارته وشكله اعوذ بالله ..

وعلىفكره حتى اهل قطر ومعروفين عندهم ملايين ولكن حياتهم كئـــــــــــــــيبه وطبعا الي يقول عندي مليون طبعا الكل عارف ان رصيده 100 الف والمليونير السكين دايما يقول على الله وعلى الراتب بس
والراتب مثلا 49000 يقول بس لو يزيدوني الف ريال لله يا محسنين

[بوخالد2]

اى والله الفقير وراعي الدخل المحدود (( يتبرعون لغيرهم )) رغم ظروفهم

ولكن الغنى يخاااف يطلع الصدقه او الزكاه او يتبرع (( خوف من نقصان راس المال ))

ولا نسى قصيده بن شحيمان :

اعيال بومقرش يملكون الملايين

ولد القبايـــل راس ماله ثيابه

يعطيج العافيه اختى على سرد الموضوع هذاا

[قطري33]

مشكوره اختي ام عبدالله على النقل الطيب
وفعلا في ناس بتبرعون وهم فقراء ولكن الاغنياء فتنتهم اموالهم عن الزكاه او عن الصدقه لوجه الله ..من كم يوم قريت في تقرير عن الاثراء العرب زكاة اموالهم 70 مليار دولار اللي هي 2.5 في الميه فتخيلوا كم مجموع ثرواتهم وللاسف قليل جدا جدا منهم اللي يدفع زكاة امواله .. طبعا انا كلامي يشمل البعض ... والرسول صلى الله عليه وسلم قال الخير في وفي امتي الى يوم القيامه