عندي مشكلة ... ياليت تساعدوني؟؟

[المــستشار]

بسم الله الرحمن الرحيم

السلام عليكم ورحمة الله وبركاتة

يا أخوان أنا مستأجر من شخص منزل في المعيذر بقيمة 7000 ريال شهري والعقد سنة

المهم

البارحه بالليل سلمته آخر شيك بالعقد

وباقي عنده شيك بتاريخ 01/02/2008م كتأمين على البيت

وكان بينا اتفاق نجدد العقد البارحة

وتفاجأت برفعة للإيجار إلى 10.000 ريال

قلت له أنت لك 10% حسب القانون الجديد

فتكون الزيادة 700 ريال فيصير الإيجار 7700 ريال

ليش 10.000 ريال

قال راح عليك القانون انتهت المدة اللي تجدد فيها العقد حسب القانون

ياتدفع .... ياتطلع :eek5:


وش الحل وهل كلامة صحيح مايحق لي اطالب بحقي اللحين

ننتظر الرد السريع

[بوسيف الهاجري]

مرحبا الشيخ قانونيا مايقدر ايطلع اذا ما عطاك كتاب اخلاء قبل 3 اشهر من انتهاء العقد ولا يقدر يزيد عليك المبلغ الا 10% وخله يلجاء للمحكمه ماراح يعطونه اكثر من 10%

[المــستشار]

ما عطاني كتاب اخلا

السؤال: هل يحق له عدم تجديد العقد في حال عدم التوافق في السعر

[المــستشار]

المشاهدات

20


والرد (1) وجزاه الله كل خير


بس وين اهل العقارات الابخص

وين اهل الخير

[بوسيف الهاجري]

ما عطاني كتاب اخلا

السؤال: هل يحق له عدم تجديد العقد في حال عدم التوافق في السعر

العقد يتجدد تلقائيا اذا ما عطاك كتاب اخلاء وبنفس الايجار القديم

[حرقطر]

10000 صعبه قووووله انشاءالله ولاتسلمه الا 7000

واذا بيشتكي رااااح يزيدون عليك مثل ماقالو لخوان 10 % فقط لاغير

يعني صعبه يرفعه الى 10000 ريال

[المــستشار]

طيب لازم اوقع عقد جديد عشان اعطيه الايجار

شلون اعطيه 7000 والعقد ماتوقع بينا

يصير اتم في البيت اذا رفض يجدد العقد على 7000

[حرقطر]

متى تاااااااريخ انتهاء العقد

[المــستشار]

تاريخ العقد

من 1/2/2007 حتى 1/1/2008

اخر يوم لي بالعقد 30/1/2008

[alhurmsi]

هلا أخوي المستشار
أذا راعي البيت يبي يجدد العقد يستحق فقط 10%
وإذ ما يبي يجدد لا تطلع من البيت وألجأ ألى المحكمة وأفتح ملف وسلمهم الإيجار في المحكمة بإيصالات رسمية من المحكمة ويستلم المؤجر الأيجار من المحكمة .
ونصيحتي لك أخوي لا تطلع وألجأ الى القانون لأن القانون مع المستأجر 100% ويحق للمالك يطلعك من البيت في حالتين فقط :
1- أذا ثبت في المحكمة أنه لا يملك بيت آخر ويريد أن يسكن البيت .
2- أذا أراد أن يهدم البيت ويبنيه من جديد ويثبت ذلك برخصة البناء من البلدية .
وتحياتي لك

[الصاعق الحارق]

المشاهدات

20


والرد (1) وجزاه الله كل خير


بس وين اهل العقارات الابخص

وين اهل الخير

المفروض انت الي ناس تسائلك مو انت تسائل نك حقك المستشار المفروض حنا نستشيرك

قانونيا ماله حق يرفع الايجار وخله يشتكي دام معطاك اخلاء طرف سابقا وان اشتكى
المحكمه بترفع الايجار الى 10 بلميه مثل ماقالوا الاخوان

لكن الاحسن انك تتفاهم معاه بلحسنى وقوله الطمع شين

[Qatari2003]

الله يعينك ترى يقدر يثبت ان ما عنده بيت غيره اذا حول اليبت الي بسمه (بيت الماجر الاصلي الي ساكن مع هله فيه) باسم حد ثاني وتم البيت الي انت ساكن فيه بسمه او دواعي صيانة البيت مثل ما سوو مع الوالد

[طاش]

اخوي المستشار ممكن اتحط لنا شروط العقد الي بينك وبينة علشان افيدك 100% وان شاء الله ربك يفرجها عليك على اخوانا المسلمين
والعقود لها شروط وحسب الشروط الموضوعه

[بوحمد2]

أذا أراد أن يهدم البيت ويبنيه من جديد ويثبت ذلك برخصة البناء من البلدية
وهاذي صعبببببببببببه؟

[اام سيف]

الله ييسر امرك ان شاء الله

[السهم الثابت]

اخوي الربع كفووووو ووفووو بالي قالو لك انا بقولك الشخص الحين بيتم يحن عليك ووبياذيك قولة ياطويل العمرر انا بيني وبينك عقدددد وانتهي العقددددد واذا انتهاااا وانت المستشار ما ابلغتة قبل 3 اشهررر او هووو ما ابلغك باخلاء البيت يكون العقد ساري حتى لو انتها تاريخة وهو الحين ملزوم يسويلك نوت باخلاء البييت خلال 3 اشهر جديدة من اليوم قولة هاي القانون واذا طلب منك اخلاء البيت خلال 3 اشهر انت لك حرية الراي ياتجدد وزيد 10% من الايجار السابق او تقولة انا ماقدر اطلع وروح بيني وبينك المحكمة

وحاول يكون هناك شاهد بينك وبينة اذا سلمتة الشيكات حق الثلاثة الجاية لانة سيرفض وخلال شهر او شهريين بيروح وبيرفع قضية عدم دفع الايجاررر واذا ماكان معاك اثبات انة ارفض استلام الايجار بيكون لة حجة عليك امام المحكمة ولا وصل الموضوع للمحكمة هو الخسران انت لاتحاتي
ولابدددد ان يوضع حد لملاك العقارررر اذا انتها عقود المستاجريين طلعووووهم لاسباب الطمع حتى لو يكون المستاجر قطري

انا اخوي مستاجرررر بيت بالعزيزية فيلا ارضية ب 7000 وانتهى العقددد وسلم اخوي المكتب عقد جديد ببداية السنة الي مضت و رفض المالك وطلب المالك 12000 لاكن صاحب المكتب ابوسعود الي بالمعيذر اجبر المالك قال انت ماطلبت منهم اخلاء المنزل قبل انتهاء العقد ب 3 اشهرررر وصبر راعي البييت واتصل لخوي قال انا مابي النسبة الي 10% بس ابي تخلي البييت اخر السنة 2007 قال لة اخوي مشكور الغالي وانا خلال شهريين بطلع بس لحسن تعاملك وطلع اخوي واخر شهريين من العقددددد سمح منها راعي البييت وانا اقول جزاة اللة خير قدررر هل قطر

[bo_hamad]

هلا أخوي المستشار
أذا راعي البيت يبي يجدد العقد يستحق فقط 10%
وإذ ما يبي يجدد لا تطلع من البيت وألجأ ألى المحكمة وأفتح ملف وسلمهم الإيجار في المحكمة بإيصالات رسمية من المحكمة ويستلم المؤجر الأيجار من المحكمة .
ونصيحتي لك أخوي لا تطلع وألجأ الى القانون لأن القانون مع المستأجر 100% ويحق للمالك يطلعك من البيت في حالتين فقط :
1- أذا ثبت في المحكمة أنه لا يملك بيت آخر ويريد أن يسكن البيت .
2- أذا أراد أن يهدم البيت ويبنيه من جديد ويثبت ذلك برخصة البناء من البلدية .
وتحياتي لك




:nice::app::app::app::ok:

[اكسجين]

الله يسر امورك