المساعد الشخصي الرقمي

مشاهدة النسخة كاملة : هووم سيرفسز


ســهم عايـــم
11-10-2005, 07:21 AM
السلام عليكم ورحمه الله وبركاته

فكرة جديدة
حلوة
نادر وجودها في الدوحه
محل متخصص يوفر فنيين (كهربجي) و (بايب فتري) لخدمة المنازل
طبعا اكثر من الكهربجية في الدوحه مافي
ولكن الفن في طريقة عرض الخدمة ياشباب
شيصير لو فكرنا شوي وقلنا
نجيب اي محل في الدوحه
ونجيب كم واحد كهربجي على كم واحد بايب فتري
ونلبسهم اوفرووولات محترمه عليها شعار الشركه ونجيب لهم سيارات عليها شعار الشركة
ونجهز هذه السيارات بجميع المعدات المطلوبه لاصلاح انابيب المطابخ او الحمامات (اجلّكم الله)
وتوابعها, على شوية دعاية محترمه في التلفزيون على كم اعلان في الجرايد
عل رقم سبيشال من كيوتل؟
ايش بتسوي لو صار عندك اي عطل كهربائي او انفجر اي بيب ماي في البيت وانت محد؟
بتروح بتدور على من وبتلاقي من ولا من؟

عموما لتبسيط الهدف من ضرورة انشاء هذي الشركة
يوجد الف محل لبيع قطع غيار السيارات
ولكن السؤال هو , هل جميع قطع غيار السيارات موجودة في ال 1000 محل؟؟؟؟؟!!!
طبعا لا
والاكيد انه محل او 2 او 3 اللي متخصصين بهالنوع من قطع الغيار
و على سبيل المثال
اذا بغيت محل يصلح مرسيدسات بيقولون لك روح جراج المعمورة وبس

تعتقد ان لو حد احتاج بايب فتري او كهربجي ما راح يقول اتصل بالشركه الفلانيه وهم يجونك!!!

الفكرة بإذن الله تنجح ياشباب
وما ابغي عموله عليها لا تخافون
بس محتاج دعاءكم الخالص لوجه الله تعالى
والله يوفقكم
ويوسع ارزاقكم اللهم امين
قطر
11-10-2005, 11:18 PM
جزاك الله خير يابوبدر والله يعطيك على قد نيتك:)
concord
11-10-2005, 11:25 PM
فكرتك حلوة وبسوي لها دراسة جدوى
وبدعيلك اذا تنفذت وبسوي لك خصم
القبقب
12-10-2005, 12:06 AM
والله فكره ممتازه جدا
ســهم عايـــم
12-10-2005, 12:32 AM
الله يوفق الجميع
واشكر الجميع على المروووور
فائز الدارين
15-10-2005, 06:33 PM
خوش فكرة , الله يقويك.
سلطان زماني
15-10-2005, 06:58 PM
شغل عدل بس ايد وحده ما تصفق

وشاكرلك علا الموضوع الرائع
ســهم عايـــم
15-10-2005, 08:56 PM
خوش فكرة , الله يقويك.

الله يسلمك اخوي

بس للعلم

لا ارغب بعمل اي مشروع من المشاريع المطروحه

والقصد ان الغير يستفيد من هالافكار

وشاكرلك مرووورك الجميل
ســهم عايـــم
15-10-2005, 08:58 PM
شغل عدل بس ايد وحده ما تصفق

وشاكرلك علا الموضوع الرائع


توكل على الله اخوي
الموضوع مايبيله شركاء