المعرض المهني [الأرشيف] - منتديات شبكة الأسهم القطرية

مشاهدة النسخة كاملة : المعرض المهني

relaax

02-01-2008, 09:28 AM

اللي عنده فكره عن الطلبات اللي كانت توزع في المعرض

كانت نماذج الطلبات موحده لكل الجهات

ولا

كان لكل جهه نموذج طلب خاص بها

الخبــره

02-01-2008, 09:35 AM

لكل جهة من الجهات طلب خاص فيها

وهذا من واقع التجربة

ولحد الآن محد\ اتصل فينا

وأعتقد ان الموضوع كان استعراض من قبل الوزارات والهيئات

وعيشي يا قطر

الزاجل

02-01-2008, 10:03 AM

طيب

واللي عنده علم ..

حد توظف بناء على اقامة هالمعرض
ومعرفة متطلبات سوق العمل ؟

بويوسف

02-01-2008, 11:50 AM

قمت انا وزميلي بتقديم طلبات الى اكثر من جهة علما بأننا نحمل شهادة في الهندسة

ولكن لايوجد رد للاسف

الزاجل

02-01-2008, 11:51 AM

قاموا عدة خريجي جامعة بتقديم طلبات
ومافيش رد للحظة هذه

بويوسف

02-01-2008, 12:01 PM

قاموا عدة خريجي جامعة بتقديم طلبات
ومافيش رد للحظة هذه

كما هو متوقع -----------> اقرب زبالة (كرم الله السامعين)

مافي فيتامين واو محد يعطيك ويه

شسالفة...؟

02-01-2008, 12:20 PM

أنا قدمت على 25 جهت عمل في المعرض لـ 3 أشخاص

والثالثه محد عطاهم ويه وللعم 2 منهم جامعين 1 ثانويه

والله يخلي الديكووووووووووووووووور والعرض اللي مسوينه للزبو

_QTR_

02-01-2008, 12:22 PM

يالربع القصة مب قصة فيتامين واو

او اقرب زبالة عزكم الله

هذا كله عشان اذا ادارة العمل جات تسأل وتقول ليش ما عندكم قطريين يا (مثلا شركة دولفين او شركو اوريكس او شركة شل او اوكسن موبيل) يروحون هذول الشركات ويطلعون السيفيات اللي مجمعينهم من المعرض المهني ويقولون هذول قدموا عندنا وسوينا معاهم مقابلات بس ما نفعونا

وهذا من كلام واحد بريطاني يداوم معاي

وللعلم انا مهندس سفقن ومنصات بحرية .. وقدمت في اكثر من جهة (قطر للبترول - راس غاز - قطر غاز - والبحرية وخفلر السواحل وادارة الموانئ) وللأسف ما اتصلوا فيني الا خفر السواحل وعطوني رتبة وعرض بس الراتب بسيط والرتبة ملازم ثاني .. مع العلم ان راتبي الحين اكثر من راتب الملازم اللي تعجبت من راتبه القليل بمبلغ 8 الاف ريال ..

المشكلة يوم يقولون ما عندنا قطريين يرضون يشتغلون في هذي الوظايف

OREO

02-01-2008, 02:43 PM

للأسف ضيعت وقتي في المعرض ..

والله لو كنت رايح قاعد في ستاربكس و شارب كوفي كان احسن ..

ما خليت مكان و ما قدمت .. و في الاخير محد اتصل..

لو كنت مقدم عند معصرة حمووود .. كان احين اتصل فيني و سوالي المقابلة ..

و لا تنسون اني اعرف اسوي بروتا و شباتي ..

احلى شئ و انا اسجل في الشركات البتروليه .. يوم اشوف اللسته ..

ما اشوف غير اسامي ... بابو .. راجو .. راج .. كرداش و الخ ..

بالذمة ,,, عمركم شفتوا مدير اسمه بابو و الا راجو ؟؟؟

الله كريم و على قولة اختنا اميرة الدلع .. دهنا في مكبتهم اقصد في مكبتنا .. :nice:

relaax

02-01-2008, 10:40 PM

واحد قدم على هيئة المتاحف وكتب cv و شهاداته

وراح يسلمه .. قالوا له اذا عندك طلب توظيف اللي وزع ف المعرض نقبل استلام الطلب

ولا غير جذيه ما نستلم

وبعدين ابغي اعرف ... شسالفة هالجهات .. ما تقدر تدخل وتقدم طلبك في شئون الموظفين ولا قسم الموارد البشرية ... تسلم طلبك ف الاستقبال وهم بيرسلونه ؟؟؟؟؟؟؟؟؟

امل الحب

02-01-2008, 10:47 PM

:oops:

الرد كان من شركتين قافكو والثانية اسمها صعب وشل طرشت ايميل بس مافكرت اقراه من طوله يومها لاني كنت مشغولة

وميرسك ماطنشت وردت عالايميل المذكور في السي في ان الوظيفة للتخصص المذكور غير متوفرة:whistling:

بس الاكثر جدية كانت قافكو واوريكس وشل حتى في وقت التقديم :nice:

relaax

02-01-2008, 10:49 PM

وطن

02-01-2008, 10:55 PM

أول شي كل شركة او هيئة لها نموذج خاص
وممكن هم يعطونك نسخة منه وتعبيه وتسلمه لهم

الصراحة انا قدمت في كم مكان
راس غاز ردوا علي بمسج انه ما عندهم شاغر
كثر الله خيرهم

في جهة اخرى راجعتهم دوروا اوراقي ما لقوها وطلبوها مني مره ثانية
الله يجزيهم خير شكلهم مهتمين !!!

أما الأماكن الباقيه محد رد علي

وترى انا اعرف وحده توظفت من المعرض
من ثاني يوم ما شاء الله طلبوها للمقابلة

..الاميرة..

03-01-2008, 12:31 AM

والــ 2000شخص تقريباً (والله اعلم) من دول مجلس التعاااون الذي تم الاتفاااق عليهم
في المجلس المنعقد سااابقاً (والله أعلم) سيتم إستقدامهم لقطر وتوظيفهم ويكون لهم
الحقوق الوظيفيه مثل الموظف القطــــري بالضبط .. (والعلم عند الله) .. :omen2:
هل توجد لهم وظااائف شــــــــــــاااغره .... !!!!

طيب هذي الكوااادر من المواااطنين الموجوده عندنااا أليس لهااا الأولويه في شغل تلك الوظااائف ؟؟
إذا كااان على جاامعيين .......... عندنااا والحمد الله
إذا كااان على المهندسين ............ عندنااا والحمد الله
إذا كااان على اي تخصص يريدونه ......... عندنااا والحمد الله

والمعرض المهني يمكن كااان منظر ( والله أعلم ) .. مانبي نظلم حد ..

وعلى فكره المعلومه أعلاه ليست متأكده منهااا..
لأن الأشاااعاات اكثرت هذه الاياااام (والعلم عند الله) .. :omen2:
والله يرزق الجميع الرزق الحلال إن شاااء الله ..

المخفي

03-01-2008, 03:15 AM

امل الحب

03-01-2008, 03:29 AM

انا كنت من ضمن الموظفين المشاركين في المعرض والمسئولين باستلام الطلبات

وصلنا كلام من الادارة العليا انه المعرض للعرض فقط و ليس للتوظيف

وذلك لوجود ضغوطات من العطية بالمشاركة الفعالة

وسلامتكم

يعطيييك العاافية

ولكن السؤال ::

الاجانب الي يتم توظيفهم في منهم خريجين قطريين بنفس الكفاءة ليش مايوظفونهم؟؟؟؟

:vampire: