متى يصير عندنا مثل اللي صار بالكويت

[سعود ناصر]

بالصدفة على موقع اليوتوب مقطع(مسلم البراك - استجواب علي الجراح 9 ) شفت جلسة استجواب عضو مجلس الأمة الكويتي/ مسلم البراك لوزير النفط الكويتي الشيخ/ علي الجراح الصباح ، العضو شرشح الوزير وخلاه بيزه مايسوى (وعرض صور اباحية لحفلات ماجنة لربع الوزير) ولما جا الوزير يتكلم صرخ في وجه قائلاً "اقعد مكانك انت في بيت الأمة .. الأمة وضميرها يحاسبك " اتمنى انه في في مجلس الشورى المنتخب ان شاءالله يصير عندنا مثل مايصير في الكويت من ممارسة ديموقراطية بعيد عن المجامله وسياسة معاهم معاهم عليهم عليهم وسم طال عمرك اللي خلت ابو فرج - اللي اتصل بصباح الخير ووغيره بالمئات واكثرهم من فئة - الفقير المستعفف - تتدهور حالتهم مع ان قطر اغنى دولة في العالم بالنسبة لعدد السكان

[الراوي]

ان شاءالله يصير عندنا هالشي

وكل مخطأ بحق البلد يحاسب دون النظر الى مكانته ومقامه

الله يرحم الخلفاء الراشدين اللي محد مثلهم بضبط القانون على ايامهم من عقب الرسول الكريم

وشكرا عالموضوع

[دلة الرسلان]

بالصدفة على موقع اليوتوب مقطع(مسلم البراك - استجواب علي الجراح 9 ) شفت جلسة استجواب عضو مجلس الأمة الكويتي/ مسلم البراك لوزير النفط الكويتي الشيخ/ علي الجراح الصباح ، العضو شرشح الوزير وخلاه بيزه مايسوى (وعرض صور اباحية لحفلات ماجنة لربع الوزير) ولما جا الوزير يتكلم صرخ في وجه قائلاً "اقعد مكانك انت في بيت الأمة .. الأمة وضميرها يحاسبك " اتمنى انه في في مجلس الشورى المنتخب ان شاءالله يصير عندنا مثل مايصير في الكويت من ممارسة ديموقراطية بعيد عن المجامله وسياسة معاهم معاهم عليهم عليهم وسم طال عمرك اللي خلت ابو فرج - اللي اتصل بصباح الخير ووغيره بالمئات واكثرهم من فئة - الفقير المستعفف - تتدهور حالتهم مع ان قطر اغنى دولة في العالم بالنسبة لعدد السكان

الله يهداك يا اخوي روعت الجماعة اول كان يمكن نشوفه الحين نمش بوزنا :weeping:

[سهم عربي]

با لأنتخابات في مجلس الشورى والحرية والمحاسبة تتصلح أحوال المواطنين كثيرا

وينكشف الحرامي وتتعدل الأسعار وتصبح هناك مساواة بين المواطنين .

وعلى هالحالة ستزيد من أحوال المواطنين مثل بو فرج والحرامي يبوك بشكل رسمي !!

[سعود ناصر]

الراوي شرفني مرورك

[سعود ناصر]

الله يهداك يا اخوي روعت الجماعة اول كان يمكن نشوفه الحين نمش بوزنا :weeping:

ليش المقطع مو شغال ابحث في موقع يو توب عن (مسلم البراك - استجواب علي الجراح 9) وبيطلع لك

[سعود ناصر]

سهم عربي كلامك صحيح وان شاءالله نشوف هالشي بقطر

[موظف بالبورصه]

ماراح يصير هالشي في قطر !!!

[سعود ناصر]

احنا لازم نتفأل مثل ماتقول مذيعة وطني الحبيب صباح الخير

[دلة الرسلان]

ليش المقطع مو شغال ابحث في موقع يو توب عن (مسلم البراك - استجواب علي الجراح 9) وبيطلع لك

:sneaky: اخوي انا اتكلم عن البرلمان مش عن المقطع الله يسلمك يعني ما راح نشوفه !!!!!!!!!

[سعود ناصر]

:sneaky: اخوي انا اتكلم عن البرلمان مش عن المقطع الله يسلمك يعني ما راح نشوفه !!!!!!!!!

الظاهر كلامك صحيح صار له 3 سنين يأجلون بالانتخابات

[Mr Brox]

لا يا اخوان .. ان شاء الله ما يصير هذا الشيء عندنا ..
تجربة مجلس الأمة الكويتي لا يحتذى بها .. كلها مشاكل شخصية وحروب بين الاعضاء والوزاراء والحكومة ..
على سبيل المثال اشلون يتم استجواب وزير ما صار له شهر .. ولحين ما حط خطته العامة لوزارته ..
مجلس الأمة هو سبب عرقلة تقدم الكويت وتخلفها .. قارنوا دبي والدوحة والمنامة بالكويت اليوم ..

[hich]

:sneaky: اخوي انا اتكلم عن البرلمان مش عن المقطع الله يسلمك يعني ما راح نشوفه !!!!!!!!!

لا أنشالله بنشوفها بس بعد ماتطير الطيور بسر............... ارزاقها) لما تخرب مالطة

[حبر سري]

بالصدفة على موقع اليوتوب مقطع(مسلم البراك - استجواب علي الجراح 9 ) شفت جلسة استجواب عضو مجلس الأمة الكويتي/ مسلم البراك لوزير النفط الكويتي الشيخ/ علي الجراح الصباح ، العضو شرشح الوزير وخلاه بيزه مايسوى (وعرض صور اباحية لحفلات ماجنة لربع الوزير) ولما جا الوزير يتكلم صرخ في وجه قائلاً "اقعد مكانك انت في بيت الأمة .. الأمة وضميرها يحاسبك " اتمنى انه في في مجلس الشورى المنتخب ان شاءالله يصير عندنا مثل مايصير في الكويت من ممارسة ديموقراطية بعيد عن المجامله وسياسة معاهم معاهم عليهم عليهم وسم طال عمرك اللي خلت ابو فرج - اللي اتصل بصباح الخير ووغيره بالمئات واكثرهم من فئة - الفقير المستعفف - تتدهور حالتهم مع ان قطر اغنى دولة في العالم بالنسبة لعدد السكان

والله يخوي سعود قلت كل اللي في خاطري
وكان ودي اتكلم عن هالمقطع بس انت سبقتني الله يحفظك

فعلا شي راقي جدا

انا ماصدقت في البداية انه يكلم عضو من اعضاء الاسرة الحاكمة ووزير ابهالطريقة جدام الناس
وماخلا كلمة مالقالها

الله يوفقهم اخواننا الكويتيين ويبارك لهم في اللي وصلوا له , ومنها للاحسن ان شا الله

[ahmed jasim]

بالصدفة على موقع اليوتوب مقطع(مسلم البراك - استجواب علي الجراح 9 ) شفت جلسة استجواب عضو مجلس الأمة الكويتي/ مسلم البراك لوزير النفط الكويتي الشيخ/ علي الجراح الصباح ، العضو شرشح الوزير وخلاه بيزه مايسوى (وعرض صور اباحية لحفلات ماجنة لربع الوزير) ولما جا الوزير يتكلم صرخ في وجه قائلاً "اقعد مكانك انت في بيت الأمة .. الأمة وضميرها يحاسبك "

أقول فلحنا
أذا مجلس الشورى يشرشح وزير بترول علشان حفلات ماجنة
من قلة المشاكل قعدنا نركز على سهرات الوزير بدال قراراته

[حبر سري]

لا يا اخوان .. ان شاء الله ما يصير هذا الشيء عندنا ..
تجربة مجلس الأمة الكويتي لا يحتذى بها .. كلها مشاكل شخصية وحروب بين الاعضاء والوزاراء والحكومة ..
على سبيل المثال اشلون يتم استجواب وزير ما صار له شهر .. ولحين ما حط خطته العامة لوزارته ..
مجلس الأمة هو سبب عرقلة تقدم الكويت وتخلفها .. قارنوا دبي والدوحة والمنامة بالكويت اليوم ..

لا اخوي مستر بروكس

اسمح لي اخالفك الراي

تجربة الكويت الديموقراطية تجربة رائدة
ومتميزة جدا
وصدقني ان الحوار الديموقراطي , هو سبب تحضر الامم مش تخلفها
لما الواحد يدري ويحس انه لو غلط بيتحاسب مهما كان منصبه , تفتكر هل بياخذها سهالات؟
الا بيفكر الف مرة قبل لايغلط
تعتقد شنو شعور اللي عايش في مكان وهو عارف ان اكبر راس مايقدر يكلمه الا بالقانون , واذا كلمه في مجلس امة راح يطب في بطنه , تعتقد شنو شعوره؟؟؟
اكيد شعور بالامن
ولاتنسى ان مجلس الامة كان له دور كبير في تلبية مطالب كثيرة من الشعب الكويتي الشقيق الله يحفظه ويديم عليه النعمة
وابسط ابسط مثال :
منع حفلات اليسا
(طبعا هذا مثال بسيط وحتى اجتماعي وحتى ماله علاقة بالسياسة)
والمثال السياسي هواستجواب الوزير علي الجراح الصباح

مكان تتكلم فيه بكل صراحة وتقول اللي في خاطرك , وانت تدري ان احتمال كبير ياخذون قرار من ورا كلامك , قرار في صالح الوطن , وشبيكون شعورك اخوي؟؟؟

[Mr Brox]

لا اخوي مستر بروكس

اسمح لي اخالفك الراي

تجربة الكويت الديموقراطية تجربة رائدة
ومتميزة جدا
وصدقني ان الحوار الديموقراطي , هو سبب تحضر الامم مش تخلفها
لما الواحد يدري ويحس انه لو غلط بيتحاسب مهما كان منصبه , تفتكر هل بياخذها سهالات؟
الا بيفكر الف مرة قبل لايغلط
تعتقد شنو شعور اللي عايش في مكان وهو عارف ان اكبر راس مايقدر يكلمه الا بالقانون , واذا كلمه في مجلس امة راح يطب في بطنه , تعتقد شنو شعوره؟؟؟
اكيد شعور بالامن
ولاتنسى ان مجلس الامة كان له دور كبير في تلبية مطالب كثيرة من الشعب الكويتي الشقيق الله يحفظه ويديم عليه النعمة
وابسط ابسط مثال :
منع حفلات اليسا
(طبعا هذا مثال بسيط وحتى اجتماعي وحتى ماله علاقة بالسياسة)
والمثال السياسي هواستجواب الوزير علي الجراح الصباح

مكان تتكلم فيه بكل صراحة وتقول اللي في خاطرك , وانت تدري ان احتمال كبير ياخذون قرار من ورا كلامك , قرار في صالح الوطن , وشبيكون شعورك اخوي؟؟؟

على راسي انت ورأيك اخوي
بس مثل ما قلت حوار ديمقراطي .. وين الحوار الديمقراطي تحت قبة المجلس والناس كله صراخ على بعض ويتهجمون على بعض في الجرايد ووسائل الاعلام .. ويشتغلون على تصفية الحسابات ..
أنا ما أبغي كلام .. ابغي فعل

[flan2222]

ماراح يصير عندنا مثل الكويت لأن الجمــاعه الي عندنا متعودين من سنين طويله على
موافقين موافقين طال عمرك !! ويمكن يدخل المجلس ويطلع بعد كم سنه ولم يقول كلمه واحده !!
والشي الثاني ان المجلس الجديد ثلث الاعضاء معينين منقبل الحكومه ! والموافقه على القرارات من قبل المجلس يتطلب موافقه الاغلبيه ! يعني لو الحكومه لاتريد موضوع معين سوف تحرك اعضائها لمن القرار !! وين الدمقراطيه؟؟!!

[حد اعلى]

ماراح يصير هالشي عندكم

تدرون ليش مو تقليل منكم او غيركم

لان الاسر الحاكمه بالخليج شافت اللي يحصل بالكويت

وشافت شلون الشيخ حاله حال المواطن

مايعجبهم طبعا هالشي

يبون يتميزون يبون يسوون اللي يبونه محد يكلمهم

تخيلوا عندنا شيوخ على قد حالهم ماعندهم شي

ووظائفهم عاديه جدا

لو انهم في دوله غير الكويت جان وضعهم غير

ماعندنا راس كبير الكل تحت القانون

صحيح في سلبيات بس على الاقل الايجابيات اكثر

حفظ الله الكويت والخليج العربي من كل مكروه

[السامـي]

صدقتوا!!
مجرد ذر للرماد في العيون.
ولو صار أحفادنا هم ممكن اللي يشوفونة.:con2:

[hich]

عجبني المقطع يوم يقول سهرات و اليابيانات يسون علامة النصر لانهم قصو علينا وخذو فلوسنا

اوه لوتشوف علامات النصر الي عندنا درازن ومن كل الجنسيات

[Mr Brox]

عجبني المقطع يوم يقول سهرات و اليابيانات يسون علامة النصر لانهم قصو علينا وخذو فلوسنا

اوه لوتشوف علامات النصر الي عندنا درازن ومن كل الجنسيات

خاصة في العزب والعنن .. والاستراحات الخاصة .. وحفلات رأس السنة:secret:

[التيما]

احنا للاسف عندنا المناصب تشريف مو تكليف .. خلها على الله

[hich]

خاصة في العزب والعنن .. والاستراحات الخاصة .. وحفلات رأس السنة:secret:

لا وزيدك من شعر بيت في الرويال جت بعد

[Mr Brox]

لا وزيدك من شعر بيت في الرويال جت بعد

وشهو الرويال جت هذي؟

[التيما]

وشهو الرويال جت هذي؟

نفس السؤال :confused:

[hich]

هي الطائرات الخاصة من 35 راكب الى 60 راكب وترى زايده هاليومين عندنا

[مالي ومال الناس]

با لأنتخابات في مجلس الشورى والحرية والمحاسبة تتصلح أحوال المواطنين كثيرا

وينكشف الحرامي وتتعدل الأسعار وتصبح هناك مساواة بين المواطنين .

وعلى هالحالة ستزيد من أحوال المواطنين مثل بو فرج والحرامي يبوك بشكل رسمي !!


كلام متناقض وايد :rolleyes2:

[Mr Brox]

هي الطائرات الخاصة من 35 راكب الى 60 راكب وترى زايده هاليومين عندنا

ما يخافون الله يخفسهم في طيارتهم "الرويال جيت" وهم يعربدون ..
الله نسألك حسن الخاتمة

[سعود ناصر]

الكويت هي اول دولة ادخلت الإشارات المرورية الضوئية في الخليج في الخمسينات وكان هناك طفرة تنموية في كافة المجالات في الستينات والسبعينات والثمانينات وكانت اول دولة تنشئ نظام الاوتوستراد(الطرق السريعة) سنة 1977 وانهوا معظم شبكة الطرق السريعة سنة 1988 وسنة 1988 وين كانت قطر والامارات وباقي الخليج عن الكويت هذا يعني ان مجلس الأمة ساهم في مسيرة التطور في الكويت ولم يعرقلها لكن اللي حصل ان بعد الغزو العراقي توقفت عملية التنمية وصاروا الوزراء يختلسون ويسرقون خايفين انه يصير غزو ثاني ومجلس الأمة يطاردهم ويستجوبهم وهذا اللي سبب مشاكل الكويت الحالية ان الحكومات اهي اساس المشكلة مو مجلس الأمة

[Mr Brox]

الكويت هي اول دولة ادخلت الإشارات المرورية الضوئية في الخليج في الخمسينات وكان هناك طفرة تنموية في كافة المجالات في الستينات والسبعينات والثمانينات وكانت اول دولة تنشئ نظام الاوتوستراد(الطرق السريعة) سنة 1977 وانهوا معظم شبكة الطرق السريعة سنة 1988 وسنة 1988 وين كانت قطر والامارات وباقي الخليج عن الكويت هذا يعني ان مجلس الأمة ساهم في مسيرة التطور في الكويت ولم يعرقلها لكن اللي حصل ان بعد الغزو العراقي توقفت عملية التنمية وصاروا الوزراء يختلسون ويسرقون خايفين انه يصير غزو ثاني ومجلس الأمة يطاردهم ويستجوبهم وهذا اللي سبب مشاكل الكويت الحالية ان الحكومات اهي اساس المشكلة مو مجلس الأمة

احس ان كلامك فيه منطق .. خاصة أن اي دولة تتعرض للغزو والحرب
تعاني من ازمات اخلاقية وسياسية واجتماعية بعد التحرير
الله يحفظ الكويت ويعين شعبها

[سعود ناصر]

شكراً على مرورك

[حد اعلى]

وصاروا الوزراء يختلسون ويسرقون خايفين انه يصير غزو ثاني ومجلس الأمة يطاردهم ويستجوبهم وهذا اللي سبب مشاكل الكويت الحالية ان الحكومات اهي اساس المشكلة مو مجلس الأمة

شو هالكلام خايفين من غزو ثاني

كلام مايدخل العقل

مشكلة الكويت الحكومه والمجلس والشخصانيه اللي صارت اولويه عند بعض اعضاء مجلس الامه

ناس وصلت عن طريق القبليه والطائفيه والحزبيه

لو تشخل المجلس اتطلع 10% من الاعضاء النظيفين

والباقي مصالحهم اولى من مصلحة البلد وتضخمت ارصدتهم في البنوك

والحكومه عاجبها هالوضع تبي اعضاء من هالنوعيه

بس انشالله عقب تقسيم الدوائر اللي المفروض يطبق للانتخابات القادمه راح انشوف مجلس قوي

اولوياته التنميه والوطن

لان ماراح ينجح الا الأكفأ

وموضوع الاختلاسات مافي وزير ثبت عليه موضوع اختلاسات كلام غير صحيح الوزراء

يختلسون اهم الوزراء يبون السلامه اتقولي اختلاسات

الشيخ على الخليفه اختلس في عام 1987 لما كان وزير النفط وماكان في مجلس امه لان حل المجلس ولي يومك هذا امرمطينه كل يوم بالمحاكم اتقولي الوزراء اختلاسات

الاستجوابات اللي اتشوفها على الوزراء لان عليهم تجاوزات اداريه وليست اختلاسات

لان يوجد عندنا ديوان المحاسبه اللي تابع لمجلس الامه ولا دينار يصرف من الحكومه الا بمرور على ديوان المحاسبه

[Mr Brox]

هذا رأي لكاتب كويتي

سعود عبدالعزيز العصفور
جريدة " الرأي العام" الكويتية

لا يتوقف البعض عن إلقاء اللوم على مجلس الأمة وتحميله مسؤولية تردي الأوضاع في هذا البلد، والترويج لفكرة حل المجلس وتعليق بعض مواد الدستور وتفرد السلطة التنفيذية بإدارة البلاد، وأن هذا هو الطريق الوحيد المتاح للخروج من الوضع الحالي للبلد. أتت قضية التجنيس الأخيرة بمثابة رد جديد ومن أرض الواقع على هؤلاء ولتضرب مثالاً واضحاً لكيفية إدارة البلد تحت ظل هذه الحكومة وبهذه العقلية التي تنتهجها، أو بمعنى أصح بهذه الإمكانات التي تمتلكها، فالتخبط كان واضحاً للجميع، والتجاوزات التي كانت تمتلئ بها كشوف التجنيس كانت مثل الشمس في وضح النهار، وتراجع الحكومة تحت ضغط الرقابة البرلمانية عن الكثير من التجاوزات في تلك الكشوف كان دليل إدانة قبل أن يكون دليل تأكيد، ولك أن تتخيل كيف سيكون شكل كشف التجنيس لو أنه لم تكن هنالك رقابة برلمانية يخشاها الوزير ويضع المسؤول لها حساباً؟
لنرجع معاً إلى ذلك التاريخ الطويل من عمر مجالس الأمة منذ بداية الستينات وحتى اليوم، ونعيد تقييم القوانين التي ضغط المجلس بقوته كلها في سبيل إقرارها ونقارنها مع القوانين التي حاربت وناضلت من أجلها الحكومات السابقة والحكومة الحالية، وسنجد أن غالبية المكتسبات الشعبية التي ينعم بها المواطن الكويتي لم تكن لتأتي لولا وجود هذا المجلس! قوانين مثل تأميم النفط وقانون التأمينات الاجتماعية ورعاية المعاقين ودعم العمالة الوطنية وقانون ديوان المحاسبة وقوانين حماية الأموال العامة وقانون تأسيس شركة اتصالات لكسر الاحتكار وغيرها من القوانين التي كانت ومازالت تصب في مصلحة المواطن، وبالإضافة إلى الدور الرقابي المهم الذي يلعبه مجلس الأمة. وفي المقابل ما الذي جنته الكويت وشعبها من تفرد الحكومة بالدورين التشريعي والتنفيذي في غياب مجلس الأمة؟ التاريخ الذي لا يجامل يسطر لنا قائمة طويلة تبدأ بأزمة سوق المناخ الاقتصادية واختلاسات الناقلات والاستثمارات ولا تنتهي عند أكبر كارثة مرت على هذا البلد ألا وهي كارثة الغزو العراقي!
طريقة تعامل الحكومة الحالية مع ملف التجنيس ليست إلا جزءاً بسيطاً من مسلسل طويل من الإخفاقات الحكومية المتواصلة ودليلا آخر على أن المعضلة الكبرى لم تكن أبداً في مجلس الأمة ولا في الدور الذي يلعبه نواب وممثلو الشعب، بل في سوء الأداء الحكومي الذي قاد البلد إلى الانحدار، وغياب الرقابة البرلمانية عن مثل هذه الحكومات المتخبطة والضعيفة لن يؤدي إلا إلى مزيد من التدهور والانحدار

[Mr Brox]

وهذا رأي جاسم بودي
رئيس تحرير صحيفة الرأي العام
عما اضاعه البرلمان على الكويت خلال عام 2007

..الفرص الضائعة كانت بحق شخصية العام، لان السجالات (قصده داخل البرلمان) نجحت في خطف المشاريع الاقتصادية والتنموية وشلت كل انواع التطوير الاداري ومنعت اطلاق الخصخصة هنا وهناك واعاقت تطوير البرامج والمناهج التعليمية وساهمت في تعطيل قوانين اساسية للاستثمار وتحريك عجلة الرساميل.

[Mr Brox]

نائب كويتي يطالب اعضاء البرلمان بتحكيم ضمائرهم

طالب النائب فيصل الشايع زملاءه النواب بعدم تحديد قناعاتهم في شأن استجواب وزيرة التربية والتعليم العالي نورية الصبيح، قبل الاستماع الى الطرفين، والتأكد من سلامة موقف الوزيرة من عدمه، (يعني الواحد يحكم ضميره ويبتعد عن الشخصنة) ..
فيما كشف النائب د. ناصر الصانع ان الحركة الدستورية التي التقت الوزيرة الصبيح امس، ستراجع تقريرا حول اللقاء لتحديد موقفها، وتمنى الشايع من زملائه النواب تحكيم ضمائرهم وعدم دخول جلسة الاستجواب بأحكام مسبقة، معربا عن ثقته بالنواب وتفهمهم لمدى المسؤولية الملقاة على عاتقهم اثناء المناقشة.
وأبدى الشايع أسفه لما اطلقه بعض النواب من تصريحات تبين امتلاكهم أدلة تدين الوزيرة الصبيح، وذلك قبل الاستماع الى ردودها على تلك الأدلة، مما يوحي ان هناك احكاما مسبقة لدى بعض النواب.

.. ها للحين تبون مثل هذا البرلمان ؟ :nono:

[Index Signal]

نائب كويتي يطالب اعضاء البرلمان بتحكيم ضمائرهم

طالب النائب فيصل الشايع زملاءه النواب بعدم تحديد قناعاتهم في شأن استجواب وزيرة التربية والتعليم العالي نورية الصبيح، قبل الاستماع الى الطرفين، والتأكد من سلامة موقف الوزيرة من عدمه، (يعني الواحد يحكم ضميره ويبتعد عن الشخصنة) ..
فيما كشف النائب د. ناصر الصانع ان الحركة الدستورية التي التقت الوزيرة الصبيح امس، ستراجع تقريرا حول اللقاء لتحديد موقفها، وتمنى الشايع من زملائه النواب تحكيم ضمائرهم وعدم دخول جلسة الاستجواب بأحكام مسبقة، معربا عن ثقته بالنواب وتفهمهم لمدى المسؤولية الملقاة على عاتقهم اثناء المناقشة.
وأبدى الشايع أسفه لما اطلقه بعض النواب من تصريحات تبين امتلاكهم أدلة تدين الوزيرة الصبيح، وذلك قبل الاستماع الى ردودها على تلك الأدلة، مما يوحي ان هناك احكاما مسبقة لدى بعض النواب.

.. ها للحين تبون مثل هذا البرلمان ؟ :nono:

لا ما نبي ..!!

خل القرعه ترعى أحسن ولا من شاف ولا من درى .. و عن الدندره..!!

[أم أبراهيم]

واللي صار في البرلمان الكويتي صار في مجلس الشيوخ الأمريكي

والبرلمان البريطاني والفرنسي ... والدول المتقدمة .

وماتبون برلمان منتخب ويحاسب المسؤولين

راحي يصير فساد بكافة أنواعة وظلم وقهر لكم ولعيالكم .

مسؤول يحاسبني على كل شيئ في الدنيا .

أفضل من أن يحاسبني الله عزوجل على أخطائي يوم القيامة !





.

[Index Signal]

واللي صار في البرلمان الكويتي صار في مجلس الشيوخ الأمريكي

والبرلمان البريطاني والفرنسي ... والدول المتقدمة .

وماتبون برلمان منتخب ويحاسب المسؤولين

راحي يصير فساد بكافة أنواعة وظلم وقهر لكم ولعيالكم .

مسؤول يحاسبني على كل شيئ في الدنيا .

أفضل من أن يحاسبني الله عزوجل على أخطائي يوم القيامة !





.


راح يصير..؟!

هو للحين ما صار يعني..؟! :looking:

[سعود ناصر]

اتمنى انه يصير

[Mr Brox]

الجزيرة اليوم بثوا تقرير عن استجواب الفاضلة نورية الصبيح وزيرة التربية والتعليم من قبل البرلمان
الوزيرة ما شاء الله عليها كانت مقنعة وموضوعية ومتعقلة وموزونة وعلمية في دودها على محاور الاستجواب .. وحسب التقرير استطاعت ان ترد على كل ما دار في الاستجواب .. حتى ان أحد الاعضاء
قال ان محاور الاستجواب المقدمة لا ترتقي فعلا الى الاستجواب ..
شكلها الوزيرة كسرت عيونهم ووقفتهم عند حدهم .. بس كاتب التقرير قال انه خلال عام 2007
بلغت عدد الاستجوابات المقدمة من قبل الاعضاء 10 استجوابات .. ولكن الوزيرة هي اول شخص في الحكومة
يتم استجوابه في تاريخ البرلمان .. لأن الوزراء اعتادوا كل ما يصير استجواب لهم يقدمون استقالتهم حتى يتجنبون الاستجواب

هاااااااااااااا .. لحين تبون مثل هذا البرلمان؟؟؟؟

[سعود ناصر]

الجزيرة اليوم بثوا تقرير عن استجواب الفاضلة نورية الصبيح وزيرة التربية والتعليم من قبل البرلمان
الوزيرة ما شاء الله عليها كانت مقنعة وموضوعية ومتعقلة وموزونة وعلمية في دودها على محاور الاستجواب .. وحسب التقرير استطاعت ان ترد على كل ما دار في الاستجواب .. حتى ان أحد الاعضاء
قال ان محاور الاستجواب المقدمة لا ترتقي فعلا الى الاستجواب ..
شكلها الوزيرة كسرت عيونهم ووقفتهم عند حدهم .. بس كاتب التقرير قال انه خلال عام 2007
بلغت عدد الاستجوابات المقدمة من قبل الاعضاء 10 استجوابات .. ولكن الوزيرة هي اول شخص في الحكومة
يتم استجوابه في تاريخ البرلمان .. لأن الوزراء اعتادوا كل ما يصير استجواب لهم يقدمون استقالتهم حتى يتجنبون الاستجواب

هاااااااااااااا .. لحين تبون مثل هذا البرلمان؟؟؟؟

لا في وزراء استجوبوا من قبل اخرهم علي الجراح

[Mr Brox]

لا في وزراء استجوبوا من قبل اخرهم علي الجراح

لا هونيك فرق بين تقديم الاستجواب وبين الاستجواب "زاته" على قولة أخوانا السودانيين
عضو البرلمان يقدم طلب استجواب لأي وزير مثلاً .. اذا المجلس أقر الاستجواب بعدها
لابد للوزير حضور جلسة الاستجواب .. لكن ما صارت هذه من قبل لأن الوزراء كانوا يقدمون استقالاتهم ويتفادون الاستجواب .. أو احيانا تجري الحكومة تعديل وزاري ويتم نقل الوزير لوزارة أخرى ..
لكن وزير التربية والتعليم حضرت الاستجواب وهذا هو الحدث الأول في تاريخه في البرلمان الكويتي .. تابع اخبار الجزيرة الساعة 11 للتأكد من ذلك

[Index Signal]

لا هونيك فرق بين تقديم الاستجواب وبين الاستجواب "زاته" على قولة أخوانا السودانيين
عضو البرلمان يقدم طلب استجواب لأي وزير مثلاً .. اذا المجلس أقر الاستجواب بعدها
لابد للوزير حضور جلسة الاستجواب .. لكن ما صارت هذه من قبل لأن الوزراء كانوا يقدمون استقالاتهم ويتفادون الاستجواب .. أو احيانا تجري الحكومة تعديل وزاري ويتم نقل الوزير لوزارة أخرى ..
لكن وزير التربية والتعليم حضرت الاستجواب وهذا هو الحدث الأول في تاريخه في البرلمان الكويتي .. تابع اخبار الجزيرة الساعة 11 للتأكد من ذلك

غلطان يا عزيزي..

إذا ما عندك خلفيه عن الإستجوابات في الكويت تقدر و ببساطه تدخل موقع يو توب و بتشوف الإستجوبات الحديثه غير الإستجوابات القديمه اللي ما تصورت..

و إذا كنت سامع هالمعلومه من حد أتمنى ما تدافع عنها قبل ما تتأكد من صحة هالمعلومه بنفسك.

[Index Signal]

قبل ما ترد و تعارض كعادتك تفضل إدخل هالرابط :

http://www.majlesalommah.net/run.asp?id=183

[كويتى1]

لا اخوي مستر بروكس

اسمح لي اخالفك الراي

تجربة الكويت الديموقراطية تجربة رائدة
ومتميزة جدا
وصدقني ان الحوار الديموقراطي , هو سبب تحضر الامم مش تخلفها
لما الواحد يدري ويحس انه لو غلط بيتحاسب مهما كان منصبه , تفتكر هل بياخذها سهالات؟
الا بيفكر الف مرة قبل لايغلط
تعتقد شنو شعور اللي عايش في مكان وهو عارف ان اكبر راس مايقدر يكلمه الا بالقانون , واذا كلمه في مجلس امة راح يطب في بطنه , تعتقد شنو شعوره؟؟؟
اكيد شعور بالامن
ولاتنسى ان مجلس الامة كان له دور كبير في تلبية مطالب كثيرة من الشعب الكويتي الشقيق الله يحفظه ويديم عليه النعمة
وابسط ابسط مثال :
منع حفلات اليسا
(طبعا هذا مثال بسيط وحتى اجتماعي وحتى ماله علاقة بالسياسة)
والمثال السياسي هواستجواب الوزير علي الجراح الصباح

مكان تتكلم فيه بكل صراحة وتقول اللي في خاطرك , وانت تدري ان احتمال كبير ياخذون قرار من ورا كلامك , قرار في صالح الوطن , وشبيكون شعورك اخوي؟؟؟


تسلم على الردوود الجيده

[Index Signal]

و أزيد على المعلومات اللي في الرابط إن عدد الإستجوابات اللي تم تقديمها منذ إنشاء المجلس في 1963 إلى اليوم هو 40 إستجواب

تم مناقشة 13 إستجواب منهم و آخرهم هو الإستجواب الأخير لوزيرة التربيه

[Mr Brox]

غلطان يا عزيزي..

إذا ما عندك خلفيه عن الإستجوابات في الكويت تقدر و ببساطه تدخل موقع يو توب و بتشوف الإستجوبات الحديثه غير الإستجوابات القديمه اللي ما تصورت..

و إذا كنت سامع هالمعلومه من حد أتمنى ما تدافع عنها قبل ما تتأكد من صحة هالمعلومه بنفسك.


اوكي "معليش فاتتني دي"
نسيت أضيف لكم ان في استجوابات تتبعها طرح ثقة
مثل حالة وزيرة التربية والتعليم حاليا
هذي عمرها ما صارت في تاريخ البرلمان الكويتي
تصير استجوابات واستدعاءات للمسؤولين داخل قبة البرلمان
بس في استجوابات يتبعها طرح ثقة في الوزير مثل
ما راح يصير مع الوزيرة

[Mr Brox]

تسلم على الردوود الجيده

أنا احترم البرلمان الكويتي .. والكويتيين يسمونه "بيت الشعب"
لكن اعتراضي انه بعد الغزو العراقي الغاشم .. ساءت هذه التجربة
ونزحت الى الأمور الشخصية والمناوشات والمناكشات بين الاعضاء والحكومة
ما سألتو نفسكم كم مرة تم حل البرلمان خلال السنوات القليلة الماضية؟

[Mr Brox]

قبل ما ترد و تعارض كعادتك تفضل إدخل هالرابط :

http://www.majlesalommah.net/run.asp?id=183

يعطيك العافية على الرابط والمعلومات اللي فيه
لاحظ ان آخر استجواب كان عام 1997 ..
وهذا يؤيد ما ذهبت إليه ان البرلمان بدأ يحيد عن اتجاتهه
الصحيح في الآونة الأخيرة

[العجمىq8]

يعطيك العافية على الرابط والمعلومات اللي فيه
لاحظ ان آخر استجواب كان عام 1997 ..
وهذا يؤيد ما ذهبت إليه ان البرلمان بدأ يحيد عن اتجاتهه
الصحيح في الآونة الأخيرة


اخير استجواب كان استجواب

وزير النفط على الخليفه
قبل اربع شهور

وقدم استقالته قبل طرح الثقه فيه

[Mr Brox]

من موقع ايلاف الالكتروني

سيف حل المجلس مقابل إسقاط طرح الثقة بالصبيح
فاخر السلطان من الكويت: بالرغم من أن استجواب وزيرة التربية نورية الصبيح أمس انتهى بتوقيع 13 نائبا على طلب بطرح الثقة فيها وتحديد جلسة مجلس الأمة الكويتي يوم 22 الجاري موعدا للتصويت على الطلب، إلا أن معظم المراقبين أجمعوا على أن الوزيرة أبلت بلاء حسنا في الاستجواب واستطاعت أن تقنع النواب والحضور في إجاباتها، أو بمعنى آخر استطاعت أن تهزم مستجوبيها.
ونشرت الوزيرة بيانا في بعض الصحف اليوم، خاصة في تلك التي كانت تؤيدها منذ تقديم الاستجواب ضدها، تشكر كل من ساندها بالاستجواب. وقال البيان: "أتقدم بالشكر والتقدير للقيادة السياسية الحكيمة وللشعب الكويتي الكريم وللسادة أعضاء مجلس الأمة الأفاضل وللأسرة التربوية قاطبة ولأبنائي الطلبة والطالبات وللصحف ذات الطرح البناء على مساندتهم لي ودعمهم اللامحدود متمنية أن أكون على قدر الثقة وحسن ظنهم بي.. حفظ الله الكويت من كل مكروه.. نورية صبيح الصبيح".
ويقول المراقبون أن النواب المؤيدين لطرح الثقة والمعارضين للوزيرة يحتاجون إلى 25 نائبا من أصل 50 ليصوتوا مع طرح الثقة من أجل إنجاح التصويت وإخراج الوزيرة من الحكومة، لكن لم يصل عددهم حتى اليوم إلاّ إلى 19 نائبا فقط. في حين يبلغ عدد النواب المؤيدين للوزيرة 15 نائبا. فيما النواب الذين لم يعلنوا عن مواقفهم حتى الآن فعددهم يبلغ 14 نائبا. إضافة إلى رئيس مجلس الأمة جاسم الخرافي والنائب الوزير عبدالواحد العوضي.
لذلك فإن التوقعات حتى يوم 22 من الشهر الجاري، حسب الأرقام اليوم، هي أن تواجه الحكومة موضوع طرح الثقة وتحضر جلسة التصويت بسبب أنها تحمل أرقاما تؤهلها لإسقاط طرح الثقة. وإذا ما حدث أي تطور في الأيام التي تسبق عملية طرح الثقة وأدى ذلك إلى تغيير حسبة الأرقام لصالح مؤيدي طرح الثقة فإن التوقعات قد تتجه إلى حل مجلس الأمة. فالمراقبون يؤكدون أن الحكومة سوف تضع النواب أمام حلين صعبين هما: إما إنقاذ الصبيح من طرح الثقة وإما حل المجلس، لأنها غير مستعدة للتضحية بوزيرة للتربية قادرة على إصلاح التعليم في الكويت. والكتل النيابية حددت موعد للقاء أمير البلاد يوم الأحد القادم، وخلال هذا اللقاء ستتحدد بوصلة مستقبل مجلس الأمة الحالي.

[Index Signal]

اوكي "معليش فاتتني دي"
نسيت أضيف لكم ان في استجوابات تتبعها طرح ثقة
مثل حالة وزيرة التربية والتعليم حاليا
هذي عمرها ما صارت في تاريخ البرلمان الكويتي
تصير استجوابات واستدعاءات للمسؤولين داخل قبة البرلمان
بس في استجوابات يتبعها طرح ثقة في الوزير مثل
ما راح يصير مع الوزيرة


المشكله إنك معارض إن يكون عندنا برلمان مثل البرلمان الكويتي و إنت معلوماتك مغلوطه عن برلمانهم .. فلو تحاول تصلّح معلوماتك و بعدين تقدر تقرر إذا كنت مع أو ضد هالبرلمان..

عزيزي أغلب الإستجوابات إنتهت بطرح الثقه ..

أقرب مثال هو طرح الثقه من 4 شهور بوزير النفط الكويتي اللي موجود رابط لفيديو الإستجواب في أول مشاركه من هالموضوع واللي قدّم إستقالته بعد ما تأكّد إن الغالبيه مؤيده لطرح الثقه فيه..

مادري ليش انت مصر إن هذا أول طرح ثقه بتاريخ البرلمان الكويتي..!! و على أي أساس إنت متأكد إن راح يتم طرح الثقه في هالوزيره مع إن الكويتيين نفسهم لحد الحين مب متأكدين من هالشي لأن في كثير من النواب مؤيدين موقفها واليوم بعد أعلنت إحدى الكتل البرلمانيه تأييدها لموقف الوزيره و إحتمال كبير ما يتم طرح الثقه فيها..

أخوي .. مدحت أشغال قلنا كيفه عاجبه شغلهم .. سويت دعايه لكيوتل قلنا رأيك و إنت حر.. لكن أتمنى ما تعارض تجربه رائده للديمقراطيه على مستوى الوطن العربي عمرها أكثر من 45 عام .. و إنت أساساً واضح من ردودك إن خلفيتك بسيطه عن تجربتهم الديمقراطيه.. فأتمنى تزيد إطلاعك يمكن تغيّر رايك بالموضوع .. و أتمنى ما تدافع عن وجهة نظرك ولو مره وحده خصوصاً إذا كانت مستنده على معلومات غلط لأن الإعتراف بالحق فضيله.

[Index Signal]

اخير استجواب كان استجواب

وزير النفط على الخليفه
قبل اربع شهور

وقدم استقالته قبل طرح الثقه فيه

الحمدلله رد عليك واحد من الاخوان الكويتيين..

الله يسلمك السنه اللي فاتت بس كان فيها أكثر من إستجوابين اللي هم وزير النفط الجراح و وزيرة المواصلات معصومه المبارك و أعتقد وزير الماليه الحميضي ..

هذه بس سنة 2007 و انت تقول آخر إستجواب كان 1997..!!

[Mr Brox]

المشكله إنك معارض إن يكون عندنا برلمان مثل البرلمان الكويتي و إنت معلوماتك مغلوطه عن برلمانهم .. فلو تحاول تصلّح معلوماتك و بعدين تقدر تقرر إذا كنت مع أو ضد هالبرلمان..

عزيزي أغلب الإستجوابات إنتهت بطرح الثقه ..

أقرب مثال هو طرح الثقه من 4 شهور بوزير النفط الكويتي اللي موجود رابط لفيديو الإستجواب في أول مشاركه من هالموضوع واللي قدّم إستقالته بعد ما تأكّد إن الغالبيه مؤيده لطرح الثقه فيه..

مادري ليش انت مصر إن هذا أول طرح ثقه بتاريخ البرلمان الكويتي..!! و على أي أساس إنت متأكد إن راح يتم طرح الثقه في هالوزيره مع إن الكويتيين نفسهم لحد الحين مب متأكدين من هالشي لأن في كثير من النواب مؤيدين موقفها واليوم بعد أعلنت إحدى الكتل البرلمانيه تأييدها لموقف الوزيره و إحتمال كبير ما يتم طرح الثقه فيها..

أخوي .. مدحت أشغال قلنا كيفه عاجبه شغلهم .. سويت دعايه لكيوتل قلنا رأيك و إنت حر.. لكن أتمنى ما تعارض تجربه رائده للديمقراطيه على مستوى الوطن العربي عمرها أكثر من 45 عام .. و إنت أساساً واضح من ردودك إن خلفيتك بسيطه عن تجربتهم الديمقراطيه.. فأتمنى تزيد إطلاعك يمكن تغيّر رايك بالموضوع .. و أتمنى ما تدافع عن وجهة نظرك ولو مره وحده خصوصاً إذا كانت مستنده على معلومات غلط لأن الإعتراف بالحق فضيله.

اخوي العزيز .. انا ما ارفض الديمقراطية .. ولاني ضد برلمان الكويت ..
كل اللي ابغي أوصله لك ان البرلمان خرج عن مساره بعد الغزو الغاشم
تقدر تقول لي كم مرة غيرت الكويت حكومتها وأعادت تدوير الوزراء بين الوزارات
خلال السنوات الأخيرة بس ..
تخيل هذا يحدث في الكويت .. اللي عندهم دستور قبل استقلال الكويت .. وبرلمانهم
طلع في الستينات ايام الأبيض والأسود .. فكيف تطالب بتطبيق المثل عندنا في قطر، وحنا مو متعودين على الديمقراطية .. ولا حرية الرأي والفكر .. ولا الرأي والرأي الآخر ..
هناك فجوة كبيرة بين رغبة حكومتنا وسعيها الحثيث لتعزيز الديمقراطية والحرية في الدولة .. وبينا نحن كشعب لسه يا دوبك تيعلم مبادئ الديمقراطية

[Mr Brox]

الحمدلله رد عليك واحد من الاخوان الكويتيين..

الله يسلمك السنه اللي فاتت بس كان فيها أكثر من إستجوابين اللي هم وزير النفط الجراح و وزيرة المواصلات معصومه المبارك و أعتقد وزير الماليه الحميضي ..

هذه بس سنة 2007 و انت تقول آخر إستجواب كان 1997..!!

والنعم فيك وفي اخونا الكويتي
كل هذه الاستجوابات اعقبها استقالات وتغيير في الحكومة الكويتية
تجنبا للتصويت على طرح الثقة في البرلمان

[كويتى1]

كلام جميل وكلام مردوود عليه

[Index Signal]

اخوي العزيز .. انا ما ارفض الديمقراطية .. ولاني ضد برلمان الكويت ..
كل اللي ابغي أوصله لك ان البرلمان خرج عن مساره بعد الغزو الغاشم
تقدر تقول لي كم مرة غيرت الكويت حكومتها وأعادت تدوير الوزراء بين الوزارات
خلال السنوات الأخيرة بس ..
تخيل هذا يحدث في الكويت .. اللي عندهم دستور قبل استقلال الكويت .. وبرلمانهم
طلع في الستينات ايام الأبيض والأسود .. فكيف تطالب بتطبيق المثل عندنا في قطر، وحنا مو متعودين على الديمقراطية .. ولا حرية الرأي والفكر .. ولا الرأي والرأي الآخر ..
هناك فجوة كبيرة بين رغبة حكومتنا وسعيها الحثيث لتعزيز الديمقراطية والحرية في الدولة .. وبينا نحن كشعب لسه يا دوبك تيعلم مبادئ الديمقراطية

أخوي إذا إحنا بناخذ بكلامك معناها عمرنا ما بنشوف برلمان..!!

و حتى الكويتيين لما بدوا في هالتجربه الديمقراطيه سنة 1963 ما كانوا خبراء في الديمقراطيه لكن خذوها حبه حبه و صارت سلبيات عندهم لكن تعلموا من هالسلبيات و طوّروها لين صارت إيجابيات و ما زالوا يطورون فيها إلى اليوم و هالشي ما يعيبهم بالعكس ما يخطئ إلا اللي يعمل و يجتهد و مافي برلمان بالعالم ما له سلبيات حتى أعرق البرلمانات ، و حتى لو صارت إستجوابات و إستقالت حكومات أو تم تدويرها فهاذا أفضل مليون مره من أن يأمن المخطئ عقوبته فيسيئ الأدب و يتمدى بخطأه لأنه بلا حسيب ولا رقيب يدافع عن مقدرات الشعب مهما كانت صفة هذا المخطأ أو مركزه أو مسماه ما عدا سمو الأمير..

أما إنك تبينا نتم على جهلنا بحجة إنا إحنا مب متعودين على الديمقراطيه فإسمحلي حجتك عجيبه و غريبه و بهالطريقه عمرنا ما بنتطوّر كشعب .. لأن التطوّر مش في برجين عالكورنيش أو لبس و سياره كشخه .. التطوّر هو تطّور العقول اللي يقاس فيها مدى تحضّر الشعوب.

[Mr Brox]

أخوي إذا إحنا بناخذ بكلامك معناها عمرنا ما بنشوف برلمان..!!

و حتى الكويتيين لما بدوا في هالتجربه الديمقراطيه سنة 1963 ما كانوا خبراء في الديمقراطيه لكن خذوها حبه حبه و صارت سلبيات عندهم لكن تعلموا من هالسلبيات و طوّروها لين صارت إيجابيات و ما زالوا يطورون فيها إلى اليوم و هالشي ما يعيبهم بالعكس ما يخطئ إلا اللي يعمل و يجتهد و مافي برلمان بالعالم ما له سلبيات حتى أعرق البرلمانات ، و حتى لو صارت إستجوابات و إستقالت حكومات أو تم تدويرها فهاذا أفضل مليون مره من أن يأمن المخطئ عقوبته فيسيئ الأدب و يتمدى بخطأه لأنه بلا حسيب ولا رقيب يدافع عن مقدرات الشعب مهما كانت صفة هذا المخطأ أو مركزه أو مسماه ما عدا سمو الأمير..

أما إنك تبينا نتم على جهلنا بحجة إنا إحنا مب متعودين على الديمقراطيه فإسمحلي حجتك عجيبه و غريبه و بهالطريقه عمرنا ما بنتطوّر كشعب .. لأن التطوّر مش في برجين عالكورنيش أو لبس و سياره كشخه .. التطوّر هو تطّور العقول اللي يقاس فيها مدى تحضّر الشعوب.


صحيح ان الكويتين خاضوا التجربة في عام 1963 وبالتدريج .. لكن لا تنسى انهم تأثروا بالتجربة البحرينية العريقة في هذا المجال من الثلاثينيات ..
أنا ما أقول انه لازم نتم على جهلنا ومايكون عندنا برلمان .. لا بالعكس انا ودي مثلكم بهذا البرلمان .. لكن وقته مو الحين .. يبغي لنا فترة عشان نتعود على أجواء البرلمان وقبل ذلك شروط وواجبات وحقوق مثل هذه المرحلة .. العملية الديمقراطية عملية متراكمة وإرث لا يتحقق بين يوم وليلة

[Index Signal]

صحيح ان الكويتين خاضوا التجربة في عام 1963 وبالتدريج .. لكن لا تنسى انهم تأثروا بالتجربة البحرينية العريقة في هذا المجال من الثلاثينيات ..أنا ما أقول انه لازم نتم على جهلنا ومايكون عندنا برلمان .. لا بالعكس انا ودي مثلكم بهذا البرلمان .. لكن وقته مو الحين .. يبغي لنا فترة عشان نتعود على أجواء البرلمان وقبل ذلك شروط وواجبات وحقوق مثل هذه المرحلة .. العملية الديمقراطية عملية متراكمة وإرث لا يتحقق بين يوم وليلة


كانت البحرين من أسبق وأوعى الدول لضرورة وجود مجلس يناقش الحكم ويحاوره ، فبدأت بالبرلمان عام 1973 ، ولكن سرعان ما تم حل هذا البرلمان بقرار من الأمير الراحل عيسى بن سلمان آل خليفة في العام 1975.

لا تعليق..!!

و قلت اللي عندي و أظن واضح و مفهوم..

أتمنى تراجع معلوماتك بشكل عام لأني لاحظت إن عندك مشكله..

و مش ضروري الإنسان يكون فاهم في كل شي و يتكلم في كل شي لأن أحياناً إذا كان الكلام من فضه فالسكوت من ذهب مع إحترامي.

[حد اعلى]

أخوي إذا إحنا بناخذ بكلامك معناها عمرنا ما بنشوف برلمان..!!

و حتى الكويتيين لما بدوا في هالتجربه الديمقراطيه سنة 1963 ما كانوا خبراء في الديمقراطيه لكن خذوها حبه حبه و صارت سلبيات عندهم لكن تعلموا من هالسلبيات و طوّروها لين صارت إيجابيات و ما زالوا يطورون فيها إلى اليوم و هالشي ما يعيبهم بالعكس ما يخطئ إلا اللي يعمل و يجتهد و مافي برلمان بالعالم ما له سلبيات حتى أعرق البرلمانات ، و حتى لو صارت إستجوابات و إستقالت حكومات أو تم تدويرها فهاذا أفضل مليون مره من أن يأمن المخطئ عقوبته فيسيئ الأدب و يتمدى بخطأه لأنه بلا حسيب ولا رقيب يدافع عن مقدرات الشعب مهما كانت صفة هذا المخطأ أو مركزه أو مسماه ما عدا سمو الأمير..

أما إنك تبينا نتم على جهلنا بحجة إنا إحنا مب متعودين على الديمقراطيه فإسمحلي حجتك عجيبه و غريبه و بهالطريقه عمرنا ما بنتطوّر كشعب .. لأن التطوّر مش في برجين عالكورنيش أو لبس و سياره كشخه .. التطوّر هو تطّور العقول اللي يقاس فيها مدى تحضّر الشعوب.



:app::app::app:

[Mr Brox]

لا تعليق..!!

و قلت اللي عندي و أظن واضح و مفهوم..
و مش ضروري الإنسان يكون فاهم في كل شي و يتكلم في كل شي لأن أحياناً إذا كان الكلام من فضه فالسكوت من ذهب مع إحترامي.

اشدعوة أخوي ليش هذا التجريح .. كل هذا لأني اختلفت معاك في الرأي .. اذا انت ما تحترم رأي الطرف الآخر كيف تنادي باليمقراطية والبرلمان ..
ا،ا ايضا لا تعليق لدي .. لأنك ما استوعبت فكرتي ان حنا لسه بدري علينا حتى ننشأ مجلس الشورى المنتخب أو البرلمان ..
عموما آخر معلومة اقدمها لك قبل ما اصكر الموضوع وياك ان في الكويت وأيام معاهدة الحماية البريطانية خرجت مطالبة شعبية عام 1921 تطالب بوجود مجلس للشورى. وفي عام 1938 فرضوا على الحاكم انشاء المجلس التشريعي برئاسة عبدالله السالم (يسمونه اليوم أبو الدستور - وقاعة في مجلس الأمة الحالي سميت على اسمه) .. وفي عام 1962 (بعد سنة من انتهاء المعاهدة البريطانية) وافق الكويتيون على الدستور .. وتأثرها بالبحرين يعود إلى أن هذه المملكة مقر الحاكم البريطاني شهدت ايضا مطالب شعبية بحرينية متكررة بإقامة مجلس شورى للبلاد يحد من التدخل البريطاني في إدارة شؤونها. وتجددت هذه المطالب أكثر من مرة.

[مريش]

والله هل بوجود برلمان
تسطلح الأحوال ولا تتدمر !!

الله واعلم
لكن تشرشح مثل هاي مب شي
بتصير مشاكل بصراحه بين ربعنا هههه

[Index Signal]

اشدعوة أخوي ليش هذا التجريح .. كل هذا لأني اختلفت معاك في الرأي .. اذا انت ما تحترم رأي الطرف الآخر كيف تنادي باليمقراطية والبرلمان ..
ا،ا ايضا لا تعليق لدي .. لأنك ما استوعبت فكرتي ان حنا لسه بدري علينا حتى ننشأ مجلس الشورى المنتخب أو البرلمان ..
عموما آخر معلومة اقدمها لك قبل ما اصكر الموضوع وياك ان في الكويت وأيام معاهدة الحماية البريطانية خرجت مطالبة شعبية عام 1921 تطالب بوجود مجلس للشورى. وفي عام 1938 فرضوا على الحاكم انشاء المجلس التشريعي برئاسة عبدالله السالم (يسمونه اليوم أبو الدستور - وقاعة في مجلس الأمة الحالي سميت على اسمه) .. وفي عام 1962 (بعد سنة من انتهاء المعاهدة البريطانية) وافق الكويتيون على الدستور .. وتأثرها بالبحرين يعود إلى أن هذه المملكة مقر الحاكم البريطاني شهدت ايضا مطالب شعبية بحرينية متكررة بإقامة مجلس شورى للبلاد يحد من التدخل البريطاني في إدارة شؤونها. وتجددت هذه المطالب أكثر من مرة.

عزيزي أنا ما أختلف معاك في الراي و بس..

أنا رافض لرايك من الأساس لأن معلوماتك كلها غلط في غلط..

كل رد من ردودك يدل على إن ما عندك خلفيه عن هالموضوع..

عموماً أترك الحكم على ردودك لباقي الأعضاء لأن كل شي واضح..

و مبروك الصبغه الجديده للنك..!! :nice: