المساعد الشخصي الرقمي

مشاهدة النسخة كاملة : ياادارة المرور ................................ " موضوع للنقاش "


BODYGUARD
02-01-2008, 11:05 AM
اليوم رحت على المرور لتجديد الاستماره .. وكان في بالي ادفع 100 ريال رسوم التجديد ..

لكن تفاجأت يوم قالت لي البنت على الكاونتر عليك مخالفه 3000 ريال ............!!!!

قلت ليش .. ووين ... ومتى ...!

طبعاً الحمد لله ماصار معي اي شي مما سبق ذكره .. بس كمثال .............

فرضاً كنت ماشي ومب لابس حزام الامان .. وكان شرطي واقف على الرصيف يسجل

المخالفين .. وتم اخذ رقم سيارتي .. وبعد دوارين او ثلاثه شفت شرطي ثاني . خذ رقم سيارتي

وخالفني ...!!! يعني صار لي مخالفتين في وقت واحد ولازم ادفع المخالفه .. لـــــــــيـــش يا ادارة المرور ...!!!!! مب حراام وهذا يعتبر اكل اموال الناس بالباطل .؟

ليش مايتم تطبيق النظام العالمي في المخالفات .. حيث يجب على الشرطي تعريف السائق بالمخالفه بنفس الوقت .

ولو قلنا لو واحد واقف غلط لازم الشرطي ينتظره لين يوصل حضرته ....!!!!!؟

الجواب .. ليش مايتم سحب السياره من مكانها للمرور ويجبر الاخ يروح لانه راح يتلعوز يدفع المخالفه وياخذ سيارته .. وطبعاً بيحرم يوقف غلط مره ثانيه ..

موضوع حبيت اسمع اراء الاخوه والاخواة فيه ...
الراوي
02-01-2008, 11:09 AM
شكلهم ما يكشفون على نظر اللي يتقدم للوظيفه عندهم

وصارت سوالف مثل ذي واكثر الله يكون بالعون

تكلم مع مسؤول هناك ولا تسكت عن حقك اذا منت غلطان ومتاكد الله بيعين ان شاءاالله
عالم الخليج
02-01-2008, 11:10 AM
الجواب .. ليش مايتم سحب السياره من مكانها للمرور ويجبر الاخ يروح لانه راح يتلعوز يدفع المخالفه وياخذ سيارته .. وطبعاً بيحرم يوقف غلط مره ثانيه ..



يالت والله على اساس يعرف كل واحد ان الي يسويها اكبر غلط
وان يحترم القانون ......... اخوي بودي كلامك عدل ؟؟؟؟
والله يستر على الجميع :thumbup:
بوحارب
02-01-2008, 11:11 AM
الله يعينك أخوي BODYGAURD

بس لو انا مكانك بنكر المخالفة

والي فيها فيها:sneaky:
*بوحمد
02-01-2008, 11:13 AM
يقول المثل الشرطوي(الشرطي)

امشي عدل يحتار عدوك فيك
BODYGUARD
02-01-2008, 11:22 AM
شكلهم ما يكشفون على نظر اللي يتقدم للوظيفه عندهم

وصارت سوالف مثل ذي واكثر الله يكون بالعون

تكلم مع مسؤول هناك ولا تسكت عن حقك اذا منت غلطان ومتاكد الله بيعين ان شاءاالله

اخوي الراوي الحمدلله ماعلي مخالفه ولا شي... بس حبيت ان كل واحد يتخيل نفسه في ها الموقف ..!!

شاكر لك مرورك وتعقيبك
BODYGUARD
02-01-2008, 11:23 AM
الجواب .. ليش مايتم سحب السياره من مكانها للمرور ويجبر الاخ يروح لانه راح يتلعوز يدفع المخالفه وياخذ سيارته .. وطبعاً بيحرم يوقف غلط مره ثانيه ..



يالت والله على اساس يعرف كل واحد ان الي يسويها اكبر غلط
وان يحترم القانون ......... اخوي بودي كلامك عدل ؟؟؟؟
والله يستر على الجميع :thumbup:

اكيد بيحرم يوقف غلط مره ثانيه .. وين بيلاقي كروه عشان يروح المرور ..

شاكر لك مرورك اخوي عالم الخليج
BODYGUARD
02-01-2008, 11:25 AM
الله يعينك أخوي BODYGAURD

بس لو انا مكانك بنكر المخالفة

والي فيها فيها:sneaky:

هلا اخوي بو حارب

مثل ماقلت الحمدلله بحياتي كلها ماخذ مخالفه وحده بس لاغير... لان الحزام صار عندي عاده وليس خوف من ال 500

شاكر لك مرورك اخوي بو حارب
BODYGUARD
02-01-2008, 11:27 AM
يقول المثل الشرطوي(الشرطي)

امشي عدل يحتار عدوك فيك

بو حمد جل من لا يسهو .. والانسان نساي بطبعه ...

بس لو عرفني الشرطي بغلطي احتمال 80% ماراح اعيدها ...

شاكر لك مرورك اخوي بو حمد
سهم عربي
02-01-2008, 11:34 AM
والله فعلا بودي جارد

الشرطي واقف على رصيف الدوار ويسجل على مزاجه إللي مب رابط حزام

وخاصة لين شافك لابس غترة وعقال وسيارة كشخة عينة عليك والباقي يتركهم ....

صارت معاي .. المفروض أجهزة اللأكترونية توضع في الشارع . :court:

مع تطبيق قانون المرور .... صارت مخالفاتي حاليا ب 1200 ريال . :anger2:

والسبب قلة المواقف والأذحام سبب مخالفاتي .... والله يعيني على أخر 10 شهور ... !!! :eek5::sorry:
hich
02-01-2008, 03:27 PM
الله يعينكم على نظام الضرايب الخاص بالمرور (وراهم مراكز يبون يسون صيانة وغيره) المهم في واحد من الناس وكيل لسيارة مشهورة في قطر المهم الرجال لما جا تجديد ملكيته راح الموظف المسؤول طلع على صاحبنا مخالفة أستعراض في السيلية وحجز 3شهور عموما الاخ سوا أتصالاته قالهم انا معرف وين هاذي السيلية وأيضا سيارتي تسوا 800الف وموب فاضي أستعرض

عموما خففو المخالفة الى حجز 7أيام ولكن تبقى اللخبطه وعدم المصداقية (لوكان واحد عادي كان أنحجزت سيارته وخالفوه 5الف ريال)
وطن
02-01-2008, 03:43 PM
اخوي اللي اعرفه ان المفروض مع النظام الجديد
مخالفة الحزام بالذات تكون في نفس الوقت وتعطى للسائق
مو مؤجله مثل قبل يعني ما تتفاجأ فيها

:)



أما بخصوص اللي يوقفون مخالف
انا معااااااااااااااك واؤيد بعنف

:)
Mr Brox
02-01-2008, 03:55 PM
[CENTER][SIZE="5"][COLOR="Indigo"][COLOR="Red"]اليوم رحت على المرور لتجديد .. بس كمثال .............
فرضاً كنت ماشي ومب لابس حزام الامان .. وكان شرطي واقف على الرصيف يسجل
المخالفين .. وتم اخذ رقم سيارتي .. وبعد دوارين او ثلاثه شفت شرطي ثاني . خذ رقم سيارتي
وخالفني ...!!! يعني صار لي مخالفتين في وقت واحد ولازم ادفع المخالفه .. لـــــــــيـــش يا ادارة المرور ...!!!!! مب حراام وهذا يعتبر اكل اموال الناس بالباطل .؟



في هذه الحالة الشرطي الأول خالفك لأنك لم تلتزم بربط الحزام .. فهل هذا يعني الاصرار على المخالفة ام الالتزام بها ..
يا أخي طالما ان الشرطي الأول خالفك عليك الالتزام بربط الحزام .. وعدم رؤية الشرطي الآخر ارتداءك للحزام فخالفك مرة أخرى ..
نفس الأمر عند مخالفة الرادار فأنت تمشي في شارع بسرعة 160كم مثلا فصادك الرادار الأول (هذه مخالفة تم تحريرها) .. ثم واصلت القيادة بنفس السرعة وصاك رادار آخر ..
BODYGUARD
02-01-2008, 04:15 PM
والله فعلا بودي جارد

الشرطي واقف على رصيف الدوار ويسجل على مزاجه إللي مب رابط حزام

وخاصة لين شافك لابس غترة وعقال وسيارة كشخة عينة عليك والباقي يتركهم ....

صارت معاي .. المفروض أجهزة اللأكترونية توضع في الشارع . :court:

مع تطبيق قانون المرور .... صارت مخالفاتي حاليا ب 1200 ريال . :anger2:

والسبب قلة المواقف والأذحام سبب مخالفاتي .... والله يعيني على أخر 10 شهور ... !!! :eek5::sorry:

الصراحه معظم الشباب مايلبسون الحزام .. واذا قلت له ليش يقول لك الثوب لايتكسر " زجاج "

شاكر لك مرورك اخوي سهم عربي
BODYGUARD
02-01-2008, 04:17 PM
الله يعينكم على نظام الضرايب الخاص بالمرور (وراهم مراكز يبون يسون صيانة وغيره) المهم في واحد من الناس وكيل لسيارة مشهورة في قطر المهم الرجال لما جا تجديد ملكيته راح الموظف المسؤول طلع على صاحبنا مخالفة أستعراض في السيلية وحجز 3شهور عموما الاخ سوا أتصالاته قالهم انا معرف وين هاذي السيلية وأيضا سيارتي تسوا 800الف وموب فاضي أستعرض

عموما خففو المخالفة الى حجز 7أيام ولكن تبقى اللخبطه وعدم المصداقية (لوكان واحد عادي كان أنحجزت سيارته وخالفوه 5الف ريال)

الله المستعان .........

شاكر لك مرورك اخوي hich
BODYGUARD
02-01-2008, 04:19 PM
اخوي اللي اعرفه ان المفروض مع النظام الجديد
مخالفة الحزام بالذات تكون في نفس الوقت وتعطى للسائق
مو مؤجله مثل قبل يعني ما تتفاجأ فيها

:)



أما بخصوص اللي يوقفون مخالف
انا معااااااااااااااك واؤيد بعنف

:)

زين اللي واقفين معهم دفاتر على الدوارات والاشارات .. ويسجل شيسوي ..!!

لو بس يطبقون القانون العالمي للمخالفت ماراح نلاقي شكاوي وزحمه ..

شكراً يا وطن
BODYGUARD
02-01-2008, 04:24 PM
في هذه الحالة الشرطي الأول خالفك لأنك لم تلتزم بربط الحزام .. فهل هذا يعني الاصرار على المخالفة ام الالتزام بها ..
يا أخي طالما ان الشرطي الأول خالفك عليك الالتزام بربط الحزام .. وعدم رؤية الشرطي الآخر ارتداءك للحزام فخالفك مرة أخرى ..
نفس الأمر عند مخالفة الرادار فأنت تمشي في شارع بسرعة 160كم مثلا فصادك الرادار الأول (هذه مخالفة تم تحريرها) .. ثم واصلت القيادة بنفس السرعة وصاك رادار آخر ..

اخوي Mr Brox انا قلت اني ماشفت الشرطي الاول وهو ياخذ الرقم .. ولا الثاني .. كان المفروض الشرطي الاول يوقفني ويعطيني مخالفه وانا اكيد بلتزم فيهاوماراح اتخالف مرتين ولو قلت لي ليش ماربطت الحزام في البدايه بقول لك راح عن بالي .. . بس تفاجات في المرور .. مخالفتين حزام في نفس اليوم والفرق ساعات بينهم ..
حبر سري
02-01-2008, 04:27 PM
مع العلم اني من اشد المؤيدين لقانون المرور

لكن اعتقد ان الموضوع هذا بحاجة الى مراجعة

واعتقد هناك بعض الثغرات القانونية في هالنقطة بالذات
وليس على القانون ككل
BODYGUARD
02-01-2008, 04:38 PM
مع العلم اني من اشد المؤيدين لقانون المرور

لكن اعتقد ان الموضوع هذا بحاجة الى مراجعة

واعتقد هناك بعض الثغرات القانونية في هالنقطة بالذات
وليس على القانون ككل

كلامك صحيح اخوي

لازم المخالفه تكون بنفس الوقت

اذكر امس الصبح تقريباً الساعه 8:10 وانا في شارع الثمامه بالمطار .. شفت سياره نيسان باثفيندر واقفه على اليمين .. شكيت بالموضوع لان شكلها جديد " ليش واقفه " هديت السرعه ولا اشوفهم حاطين الرادار قدام الموتر .. ليش متخفين ...!!!

اعتقد لو كان المخالفه بنفس الوقت صحيح بنتلعوز شوي بس الناس راح تمشي عـــدل ..وراح تشوف الناس ملتزمين .

شاكر لك مرورك اخوي حبر سري
وطن
02-01-2008, 04:43 PM
كلامك صحيح اخوي

لازم المخالفه تكون بنفس الوقت

اذكر امس الصبح تقريباً الساعه 8:10 وانا في شارع الثمامه بالمطار .. شفت سياره نيسان باثفيندر واقفه على اليمين .. شكيت بالموضوع لان شكلها جديد " ليش واقفه " هديت السرعه ولا اشوفهم حاطين الرادار قدام الموتر .. ليش متخفين ...!!!

اعتقد لو كان المخالفه بنفس الوقت صحيح بنتلعوز شوي بس الناس راح تمشي عـــدل ..وراح تشوف الناس ملتزمين .

شاكر لك مرورك اخوي حبر سري


شفت شلون
يغشوونا
مجرمين
BODYGUARD
02-01-2008, 04:48 PM
شفت شلون
يغشوونا
مجرمين

بيني وبينك مادري :no2: صادني او ربك ستر omen
flan2222
02-01-2008, 04:50 PM
انا اليوم كنت في المرور وكنت واقف عند الكاونتر . واسمع الموظفه تقول للمراجع.
( طبعا قطري ) سيارتك عليها مخالفه . وبعدما سألها عن معاملة سياره ثانيه قالت له بعد هاذي عليها مخالفه . قلت الله يعينه. الصراحه لو كنت مكانه كان عصبت واعتفس يومي !!
BODYGUARD
02-01-2008, 04:56 PM
انا اليوم كنت في المرور وكنت واقف عند الكاونتر . واسمع الموظفه تقول للمراجع.
( طبعا قطري ) سيارتك عليها مخالفه . وبعدما سألها عن معاملة سياره ثانيه قالت له بعد هاذي عليها مخالفه . قلت الله يعينه. الصراحه لو كنت مكانه كان عصبت واعتفس يومي !!

يكفي زودو الاسعار ..تجديد الاستمار من 65 ريال ........ الى 100 ريال للخصوصي

والنقل من 85 ريال الى 150 ريال ..

طبعاً زائد المخالفات ..

اعرف واحد عنده ثلاث سواقين هنود

ذبحوه من المخالفات .. ويوم يطلب صورة الرادار تطلع مب واضحه وهذا يقول مب انا والثاني يوقول مب انا و الثالث يقول مب انا ...... الله يعينه crazy
وطن
02-01-2008, 04:59 PM
يكفي زودو الاسعار ..تجديد الاستمار من 65 ريال ........ الى 100 ريال للخصوصي

والنقل من 85 ريال الى 150 ريال ..

طبعاً زائد المخالفات ..

اعرف واحد عنده ثلاث سواقين هنود

ذبحوه من المخالفات .. ويوم يطلب صورة الرادار تطلع مب واضحه وهذا يقول مب انا والثاني يوقول مب انا و الثالث يقول مب انا ...... الله يعينه crazy



الحل انه يحدد لكل هندي سيارة محدده
ويكون هو مسئول عنها وعن المخالفات اللي تجي عليها !!!

يعني يحصر كل سائق بسيارة مو تكون السيارات سايبه بينهم
احسن له واريح له :)
BODYGUARD
02-01-2008, 06:09 PM
الحل انه يحدد لكل هندي سيارة محدده
ويكون هو مسئول عنها وعن المخالفات اللي تجي عليها !!!

يعني يحصر كل سائق بسيارة مو تكون السيارات سايبه بينهم
احسن له واريح له :)

طبعاً هو سوى نفس اللي قلتيه .. قال لهم ان اي واحد يعطي سيارته للثاني يتحمل او يكتب اليوم والتاريح والوقت عشان ماحد ينظلم :ok:
السامـي
02-01-2008, 10:50 PM
القصد من تطبيق قانون المرور الجديد هو:
جني مزيداً من (الضرائب).

الله يعينكـ ياBODYGAURD.
جود
03-01-2008, 12:03 AM
كنت افكر في نفس الموضوع
ففي امريكا كنا راكبين سيارة استمارتها منتهية
لحقنا الشرطي ووقفنا على الجنب وخذ البيانات وعلمنا سبب المخالفة
وقام وشل لوحة السيارة معاه وعطانا وصل , وقال لنا : ما تحركون السيارة من مكانها
والا بتصير عليك مخالفة ثانية, روحوا البيت بتاكسي او اي شي وفي نفس الوقت دخل بيانات
المخالفة في جهاز اللاب توب الي عنده بالسيارة عشان يُعرف في شبكة المرور كلها
:)
يعني هالطريقة كانت مفاجأة علينا وعلى الي تعودناه في بلادنا
تخيلوا الا استمارة
لكن الاجراء حاسم , لذا نجدهم كلهم ملتزمين

شاكرة لك اخوي عالموضوع
BODYGUARD
03-01-2008, 12:51 AM
القصد من تطبيق قانون المرور الجديد هو:
جني مزيداً من (الضرائب).

الله يعينكـ ياBODYGAURD.

فعلاً لان الرادارات اللي سووها خذت ميزانيه كبيره

شاكر لك مرورك اخوي ابو حظين
BODYGUARD
03-01-2008, 12:54 AM
كنت افكر في نفس الموضوع
ففي امريكا كنا راكبين سيارة استمارتها منتهية
لحقنا الشرطي ووقفنا على الجنب وخذ البيانات وعلمنا سبب المخالفة
وقام وشل لوحة السيارة معاه وعطانا وصل , وقال لنا : ما تحركون السيارة من مكانها
والا بتصير عليك مخالفة ثانية, روحوا البيت بتاكسي او اي شي وفي نفس الوقت دخل بيانات
المخالفة في جهاز اللاب توب الي عنده بالسيارة عشان يُعرف في شبكة المرور كلها
:)
يعني هالطريقة كانت مفاجأة علينا وعلى الي تعودناه في بلادنا
تخيلوا الا استمارة
لكن الاجراء حاسم , لذا نجدهم كلهم ملتزمين

شاكرة لك اخوي عالموضوع

اعرف قانونهم عدل ... صحيح تتلعوزي .. بس تحرمي تسوي اي شي غلط مره ثانيه ...

انا ماعندي اعتراض على القانون بس في ثغرات لازم يشوفوا لها حل ..

شكراً يا جود
عالم الخليج
03-01-2008, 01:06 AM
http://www.rt.gov.sa/roken2.php

:nice::nice:
واحد في حاله
03-01-2008, 01:10 AM
ولو قلنا لو واحد واقف غلط لازم الشرطي ينتظره لين يوصل حضرته ....!!!!!؟
الجواب .. ليش مايتم سحب السياره من مكانها للمرور ويجبر الاخ يروح لانه راح يتلعوز يدفع المخالفه وياخذ سيارته .. وطبعاً بيحرم يوقف غلط مره ثانيه ..



بخصوص الحزام انا معاك لازم يخبرون المخالف
منها يخالفونه وهم متأكدين انه مب رابط الحزام
ومنها ينتبه انه مب رابط الحزام ومايتعودها ...
وبالذات الحزام لانه مايشكل خطر على السائقين ولكنه حمايه للسائق نفسه\


اما بخصوص الموقف اشوف مبالغ في العقوبه ...
اشوف اذا واقف غلط ومعطل السير يستاهل تنسحب سيارته

لكن اذا وقف غلط بس يعتمدون نظام الكاميرا
يصورون السياره واهي واقفه غلط واذا راجع المرور يعطونه الصوره مثل الرادار
AL_MUTAEM
03-01-2008, 01:13 AM
الله يعيننا على هالمرور ..

والله يعينهم على الجمهور الساخط من قانون المرور الملئ بالثغرات ..

السؤال ؟؟

ليش دروية الخويا تخالف مع انها دوريه مش مروريه ؟؟؟

هل سحب البساط من تحت دوريات المرور ؟؟؟
مالي ومال الناس
03-01-2008, 02:57 AM
المرور اصلن مايبون الا فلوس

احسن لهم يسوون اعلانات : 1- سوي ثلاث مخالفات في يوم واحد وادفع مخالفتين ..2- حول ملكيتين سياره واحصل على زياده في عدد النقاط مجانا 3- وقف غلط ثلاث مرات واحصل على غسيل مجانا ..(شدخخخل) :nice:
AL_MUTAEM
03-01-2008, 02:58 AM
المرور اصلن مايبون الا فلوس

احسن لهم يسوون اعلانات : 1- سوي ثلاث مخالفات في يوم واحد وادفع مخالفتين ..2- حول ملكيتين سياره واحصل على زياده في عدد النقاط مجانا 3- وقف غلط ثلاث مرات واحصل على غسيل مجانا ..(شدخخخل) :nice:


اتوقع بيتنفذ هالاقتراح عما قريب:nice:
تيتو
03-01-2008, 08:28 AM
وأيضا توجد مشكله فى العازل او المخفى درجات

بمعنى ممكن الشرطى ياخذ رقم اللوحه وبعد كام متر يأتى شرطى اخر ويعطيك مخالفه وانت ولا دارى باى شىء وتروح تدفع وخلاص



الضرورى هو!!!!!!!!!

لازم وحتما ولابد ان الشرطى حينما يقوم بأجراء مخالفه مروريه يقول للسائق عليها

منها - من باب العلم
و
منها - من عدم تكرار السائق نفس الغلطه
BODYGUARD
03-01-2008, 09:02 AM
بخصوص الحزام انا معاك لازم يخبرون المخالف
منها يخالفونه وهم متأكدين انه مب رابط الحزام
ومنها ينتبه انه مب رابط الحزام ومايتعودها ...
وبالذات الحزام لانه مايشكل خطر على السائقين ولكنه حمايه للسائق نفسه\


اما بخصوص الموقف اشوف مبالغ في العقوبه ...
اشوف اذا واقف غلط ومعطل السير يستاهل تنسحب سيارته

لكن اذا وقف غلط بس يعتمدون نظام الكاميرا
يصورون السياره واهي واقفه غلط واذا راجع المرور يعطونه الصوره مثل الرادار

بعد فكره حلووه

السؤال هو ليش حنا اللي نفكر ... ماعندهم وقت يفكرو مثلنا ...

شاكر لك مرورك اخوي
BODYGUARD
03-01-2008, 09:04 AM
الله يعيننا على هالمرور ..

والله يعينهم على الجمهور الساخط من قانون المرور الملئ بالثغرات ..

السؤال ؟؟

ليش دروية الخويا تخالف مع انها دوريه مش مروريه ؟؟؟

هل سحب البساط من تحت دوريات المرور ؟؟؟

لا وزيدك من الشعر بيت ... يتبعون طريقة الارهاب

اذكر واحد من الشباب استمارته منتهيه ... جروه على مركز لخويا " ليش مادري " مسوين تحقيق معاه .!!!

ربك كريم

شاكر لك مرورك
BODYGUARD
03-01-2008, 09:04 AM
المرور اصلن مايبون الا فلوس

احسن لهم يسوون اعلانات : 1- سوي ثلاث مخالفات في يوم واحد وادفع مخالفتين ..2- حول ملكيتين سياره واحصل على زياده في عدد النقاط مجانا 3- وقف غلط ثلاث مرات واحصل على غسيل مجانا ..(شدخخخل) :nice:

اذا كذا حلوووووووووو

اضحك الله سنك اخوي
BODYGUARD
03-01-2008, 09:08 AM
وأيضا توجد مشكله فى العازل او المخفى درجات

بمعنى ممكن الشرطى ياخذ رقم اللوحه وبعد كام متر يأتى شرطى اخر ويعطيك مخالفه وانت ولا دارى باى شىء وتروح تدفع وخلاص



الضرورى هو!!!!!!!!!

لازم وحتما ولابد ان الشرطى حينما يقوم بأجراء مخالفه مروريه يقول للسائق عليها

منها - من باب العلم
و
منها - من عدم تكرار السائق نفس الغلطه

كلامك صحيح 100%

شكراً اخوي تيتو
BODYGUARD
03-01-2008, 09:08 AM
http://www.rt.gov.sa/roken2.php

:nice::nice:

حلوه وانا معاك يجب مخالفة الشخص .. بس بنفس الوقت تعريفه بالمخالفه ..
جود
03-01-2008, 09:22 AM
طبعا محد من ادارة المرور هنا عشان يعلمنا الطريقة
بس اتوقع انهم مافيهم قلة معرفة لدرجة تكون عندهم ازدواجية في تسجيل المخالفات
اظن ان الطريقة عندهم كالتالي:
الشرطي يكتب نوع المخالفة ويسجل التاريخ والوقت والمكان ,,
( اذا كانت حزام او مخفي او صوت ومدري ايش)
وبعدين تتجمع المخالفات ويتم ادخال اول مخالفة فقط والباقي ينشطبون
BODYGUARD
03-01-2008, 09:28 AM
طبعا محد من ادارة المرور هنا عشان يعلمنا الطريقة
بس اتوقع انهم مافيهم قلة معرفة لدرجة تكون عندهم ازدواجية في تسجيل المخالفات
اظن ان الطريقة عندهم كالتالي:
الشرطي يكتب نوع المخالفة ويسجل التاريخ والوقت والمكان ,,
( اذا كانت حزام او مخفي او صوت ومدري ايش)
وبعدين تتجمع المخالفات ويتم ادخال اول مخالفة فقط والباقي ينشطبون

طبعاً هذه طريقه غلط بالتسجيل

مثلاً انا طلعت بالسياره الصبح ... وبدون ما البس حزام .. وطلعت مره ثانيه في الليل وبدون ماحط حزام .. يعني انا اليوم كله ماحطيت حزام ... معناه راح يخالفوني مره . مع العلم اني متعمد اني ماالبس حزام ..!!
جود
03-01-2008, 09:42 AM
انا اقصد اذا الوقت متقارب والاماكن ورى بعض
اما اذا صبح وظهر وليل واماكن مختلفة ,, يستاهل يتخالف هالكثر
BODYGUARD
03-01-2008, 09:45 AM
انا اقصد اذا الوقت متقارب والاماكن ورى بعض
اما اذا صبح وظهر وليل واماكن مختلفة ,, يستاهل يتخالف هالكثر

انا مع المخالفات الجديده .... بس لازم يتم تعريف السائق بمخالفته بنفس الوقت عشان يوم يروح على المرور مايتفاجى المسكين ... يكفي ضغوط الحياة على الناس ..
جود
03-01-2008, 10:21 AM
ليش هم ما يدزون لكم مسج؟
مخالفات سيارتي تجيني بمسج
ولو انه يجي متأخر , يعني لو يسوون شبكة مرور
وترسل المخالفة فورا على المسج او الايميل الخاص بصاحب السيارة
BODYGUARD
03-01-2008, 10:42 AM
ليش هم ما يدزون لكم مسج؟
مخالفات سيارتي تجيني بمسج
ولو انه يجي متأخر , يعني لو يسوون شبكة مرور
وترسل المخالفة فورا على المسج او الايميل الخاص بصاحب السيارة

مثل ماقلتي يجي متاخر واكون ناسي المكان .. انا فضلت المخالفه الفوريه عشان لو واحد من الربع خذ موترك وخالف يتم مخالفته هو ..... ليش انا اتحمل الغرامه او السجن . :fight:
جود
03-01-2008, 10:51 AM
مثل ماقلتي يجي متاخر واكون ناسي المكان .. انا فضلت المخالفه الفوريه عشان لو واحد من الربع خذ موترك وخالف يتم مخالفته هو ..... ليش انا اتحمل الغرامه او السجن . :fight:

نعم كلام صحيح
يعني المطلوب يكون فيه تكنولوجيا ,, مش بس عالنظر والحروة:unsure:
بو جواد
03-01-2008, 11:16 AM
فعلا لابد من ان يقوم الشرطي بتعريف العميل انه قد سجل له مخالفه ويحدد له كم قيمتها
الصاعق الحارق
03-01-2008, 04:45 PM
اخوي الراوي الحمدلله ماعلي مخالفه ولا شي... بس حبيت ان كل واحد يتخيل نفسه في ها الموقف ..!!

شاكر لك مرورك وتعقيبك

ماعرفنا هل الشئ صج صار لك ولا تاليف من عندك
لانك كاتب اول الموضوع انك رحت المرور
BODYGUARD
03-01-2008, 05:22 PM
ماعرفنا هل الشئ صج صار لك ولا تاليف من عندك
لانك كاتب اول الموضوع انك رحت المرور

اخوي انا ماعلي شي بس ... كثير منا صار له ها الموقف ... وانا نفسي صار لي ها الموقف بعد بس .. من فتره ...

نبي نعرف الثغرات في المرور
BODYGUARD
03-01-2008, 05:23 PM
نعم كلام صحيح
يعني المطلوب يكون فيه تكنولوجيا ,, مش بس عالنظر والحروة:unsure:

اوف كورس :nice:

شكراً يا جود
الصاعق الحارق
03-01-2008, 05:31 PM
المرور ادارة الصراحه طورت الكثير من أدائها ومستوياتها وقدارتها ممكن يكون هناك اعطال فنيه او فرديه نادره اويكون صادر من افراد لايحملون مؤهل علمي يذكر وصراحه انا كنت اكثر واحد يكرة رجال المرور لاسباب كثيرة مرت على في حياتي
لكن اخر مرة رحت المرور لقيت الادارة فعلا تستاهل الشكر وثناء لما تذبله في مصلحه الوطن والمواطن
AL_MUTAEM
04-01-2008, 12:10 AM
لا وزيدك من الشعر بيت ... يتبعون طريقة الارهاب

اذكر واحد من الشباب استمارته منتهيه ... جروه على مركز لخويا " ليش مادري " مسوين تحقيق معاه .!!!

ربك كريم

شاكر لك مرورك


يعني لو قطع اشاره فيها ابعاد ..

بس ابي اعرف على اي اساس يخالفون الناس واهم ماعندهم اي خلفيه عن قانون المرور اصلا ..:whistling:

انت لو تشوفهم اول مايطلعون من الدوام نادر ماتشوف واحد يحط الحزام وشوف مواترهم اقل واحد فلتر ريس ..:sneaky:

اتوقع انهم يخالفون دوريات المرور بس سالفة عناد ...!!:strong
AL_MUTAEM
04-01-2008, 12:11 AM
فعلا لابد من ان يقوم الشرطي بتعريف العميل انه قد سجل له مخالفه ويحدد له كم قيمتها


:whistling::whistling::whistling:
The Blade
04-01-2008, 01:44 AM
والله ياخوي هذا القانون (( المدروووووس ))
وثاني شئ الافظل والاحسن انه يوقفك وينبهك وعقب يخالفك المشكلة والله ثم والله انه كل فرد في الدوريات او مسؤولهم يخالف الي يبي وعلى كيفه
jajassim
09-01-2008, 03:29 PM
والله ياخوي هذا القانون (( المدروووووس ))
وثاني شئ الافظل والاحسن انه يوقفك وينبهك وعقب يخالفك المشكلة والله ثم والله انه كل فرد في الدوريات او مسؤولهم يخالف الي يبي وعلى كيفه

هذا اللي صاير اللحين omen