تنبيـــــــــــــــــــــــــــــــــــــــــــة.. .. ..وتحــــــــــــــذير ....؟؟؟؟؟

[" روح قطر "]

نص من رسالة الأخت دانة قطر

أم مهره و ين فلوسي؟؟؟؟؟؟؟؟

--------------------------------------------------------------------------------


السلام عليكم ورحمة الله وبركاته

في البدايه تعاملت معاها من موقع دبي مون والكل يعرفه، على انها تاجره و إماراتيه و الكل يعرف أفضل انواع البخور يجيبونه من الإمارات ، و اول مره ابعثت لي الأغراض وما قصرت

ولكن

بعدها طلبت من الأغراض زياده و أرسلت لها الفلوس و كان المبلغ 2000ريال قطري و أطلبت مني 500ريال للتوصيل إلى الدوحه مع أنا أعرف أن المبلغ للتوصيل أقل من ال500 بوايد

المهم

بعثت الفلوس بالويسترن يونيون و كامله و استلمت المبلغ مني قبل عيد الفطر 2007 و لين اليوم أنا ماشفت شيء و كل ما أتصل لها ماترد على التلفون و ترد علي بالمسجات

أول مره تعذرت أن عيالها تعبانين و سكت وقلت معليه

و ثاني مسج سألتها عن الأغراض قالت لي بترسلهم مع واحد لين الدوحه ،، يا جماعه أنتوا تشوفونها عدله إن واحد يسلمني الأغراض و إحنا متفقين ترسلها بالبريد الممتاز وسكتت

و ثالث مسج أرسلته لها ،، ردت علي على أن هذا زوجها و يقول لي أن أم مهره منحرجه مني و مالها ويهه تكلمني و إن شاءالله بيرسلون لي الأغراض على الأرامكس

أنا رديت عليهم بأن يرسلونها لي عن طريق البريد الممتاز و ردت علي هي أنها هي اللي تأخرت و هي تتحمل التأخير

سكتت و ما قلت شيء

المهم

قبل عيد الأضحى أستنكرت و ما قدرت أسكتت شفتها تبيع في كذا موقع و أنا أغراضي ما تبي تعطيني أياها ،، فقلت لها أنا ما أبي الأغراض و رجعي لي فلوسي

و دخلت الأخت روح قطر جزاها الله خير و كلمتها و أول ما كلمتها أم مهره أنصدمت و اسكتت وقالت لها يصير خير

و بعدها والله ما قامت ترد على أختي ورح قطر

أنا أبغي أعرف

كيف لأم تأكل عيالها من مال حرام

الله ما يرضى بالحرام والله ما أسامحها في هالفلوس

والله على كثر ماحبيتها و أعتبرتها أخت لي على كثر صدمتي فيها

و على فكره الوصل الخاص بالويسترن أنا مازلت محتفضه فيه و ما أبي أحطه للكل و فيه البيانات من الأسم و الرقم

بنات اللي تعرفها ترسل لها المسج و تقول لها خافي من الله و رجعي الفلوس و

الأغراض اطلعت من خاطري

ولا تزعل مني لو شافت في كل منتدى قطري و إماراتي هذا الموضوع لأننا دخلنا السنه الجديده و هي على حالتها

و ليكن هذا الموضوع تنبيهه منها و تحذير لها

لأني والله ناوية من قلب هالموضوع في غضون أسبوع إلى 10 أيام أعرضه في 40 منتدى قطري و إماراتي

و حقي ماراح يروح هدر ..

و على فكره المسجات اللي كانت بيننا مازالت عندي و في الحفظ والصون و إيميلها موجود عندي و اسمها واضح في الوصل الخاص بالويسترن يونيون
--------------------------------------------------------------------------------



ملاحظه : أنا أشهد على كل كلمة أنكتبت والأوراق موجودة والأثباتات

أحذرو أم مهرة ...........أحذروها ياجماعه

[" روح قطر "]

ياجماعه يرضيكم هالفعلة من أنسانة مسلمة .....؟؟

من بلد عز وخير ......؟؟يرضيكم نصبها وتحايلها .......؟؟

حسبي الله ونعم الوكيل فيها وفي أشكالها من النصابين

[نــور الدنيا]

حسبي الله ونعم الوكيل..........

الله يعوضها خير يارب

[" روح قطر "]

والله ياجماعه أن أحنا حذرناها ونبهناها وعطينها مهلة أكثر من الازم

وهي اللي خلتنا نكتب ونشهر فيها .....لانها تمشي وتنصب على البنات والشباب

[السريع6]

حسبي الله ونعم الوكيل..........

الله يعوضها خير يارب

[" روح قطر "]

حسبي الله ونعم الوكيل..........

الله يعوضها خير يارب

أمييييييييييييييييييييييييييييييين يااااااااااااااااااارب

[اعالي الجنان]

لاحول ولاقوة الابالله حسبي الله ونعم الوكيل ياويلها من ربي ماتخاف اخرتها ؟ ضيعت اخرتها بدنيا زايله بس الله حسيبها يمهل ولايهمل
الله يعوض الاخت خير يارب .........
جزاك الله خير روح قطر عالتوضيح ......

[قطري33]

لاحول ولا قوة الا بالله ... ضعاف النفوس قدام لفلوس كثروا هالايام
بس الله سبحانه وتعالى بينتقم ان شاء الله للاخت اللي اننصب عليها وبتكون هالنوعيه من الدخيلات على فئه التجار بالمنتدى عبرة لمن لايعتبر

[alhashemi]

حسبي الله ونعم الوكيل
بس انا اقول وهذا وجهة نظر
ان المفروض تقولين اسمها لان القب ممكن يتغير
والله اعلم
ولا شرايكم
حتى الناس ياخذون حذرهم من النصب والحتيال الي يجي من هذي الاشكال
وتحياتي

[موظف بالبورصه]

والله انا مادري انتوا شلون تثقون في هذول .. مع احترامي لهم

يعني تشترون السمج وهو في البحر ؟؟

اطرشون فلوسكم فوق الـ 3000 ريال وانتوا ماتدرون هل البظاعه بتوصل ولا لا ؟؟

طيب ليش مايطرشون البظاعه وعقب ندفع احنا اكيد مافي ثقه طيب على اي اساس احنا نثق فيهم ؟؟

انا عن نفسي ماشتري شي الا لما يكون قدامي سلم واستلم

حتى لو السعر يكون نص السعر الي موجود عندنا .. على الأقل هذا قدامي ومظمون

اما ابعث الفلوس ورسوم توصيل وانطر اسبوع لي ماتوصل اغراضي هذا الشي مستحيل اسويه

الله عرفناه بالعقل يمكن في منهم 50% يكون قد الثقه والباقي لا

بس انا ليش اعرض نفسي للمواقف هذي ؟؟

البضاعه الي موجوده هناك موجوده عندنا واذا مب موجود ماوقفت الدنيا عشانها ..

وعساني ماشريت شي ولا ينصب علي ..

والله يعوضكم خير انشالله .. وهذي الله يعاقبها على مال الحرام الي خذته ..

وتحملوا يا أخواني لاتغركم هالدعايات والقصص هذي ..

دمتم بود ..

[الـخـور]

المشكله ان اغلب الي يتاجرون هنا بالمنتدى يجيبون اغراضهم من برع بطلبيات من النت
واحيانا يطلبون من مواقع مايوصل لهم الطلبات

يعني بمعنى اخر هم وسطاء وهالطريقة انا ماحبها شخصيا

لان لو تاخر الموقع الممول للبضاعه من المسؤول في هالحاله
المفروض الوسيط يتحمل المسؤوليه .. صح والا لا
ولكن نجد انها تطيح على راس الشراي

لذاك نسال الله الهداية لكل من ياخذ فلوس الناس ويكون قد المسؤوليه

[OTBD]

انا اتوقع اتها بتشارك في قطر في معرض التسوق روحي لها واتفاهمي وياااها

[bo-@bed]

الله يكون بعونك اختي وصدقيني حقج راح تحصلينه في الاخره والحمد لله الفلوس تجي وتروح لكن المال الحرام مافيه بركه ابد وماراح تحصل خير لابمالها ولا بأهلها واحتسبي الاجر عند الله وقولي حسبي الله ونعم الوكيل, وزين حذرتينا من تعاملها وياريت نعرف اسمها لانها راح تدخل بنك غير وتصطاد ضحيه اخرى

الله يعوضج خير اختي

[بنفسج]

الله يعوضج وان شاالله اذا ماخذيتي حقج في
بتاخذينه في الاخره وهذا افضل والله يهديها

[راعي البورصه]

حسبي الله ونعم الوكيل..........

الله يعوضها خير يارب

[ســـهم]

الحل الوحيد هو نشر هذه الموضوع في عدة مواقع ترتادها هذه الأخت

لكي تتحمل مماطلتها معك

وحسبي الله ونعم الوكيل ..

[بندرصالحي]

الله يعوضك اختي
من ايام شفت في جرابد الامارات حاطين موقع وارقام حق هالاشكال وبطريقه سريه تكلمينهم وتعطينهم المعلومات وهم يتصرفون مثل خدمة العضيد عندنا

[alwahesh]

جزاكم الله خير على التنبيه


عموما اختنا القديره شمسه المهيري بتكون موجوده في الدوحه بكره عندها ستاند في قاعة المعارض ممكن اي حد يستفسر منها عن اي شي يخص ((( ام مهره ))

[alwahesh]

على فكره نشر اسم ام مهره ما يسوي شي لانه اسم مستعار المفروض نشر اسمها الحقيقي او اسم الشركه الي تتحول لها الفلوس . والعنوان

[رشدان]

مشكوره ياروح قطرعلى المشاركه لأن راح يستفيدون هل المنتدى منمعرفة المتلاعبين بحقوق الناس

والله يعيض دانة قطر دنيا وآخره

[فيصل888]

حسبي الله على كل من أكل مال بالحرااام

وراااح يحاسبه الله على أكله للمال الحرااام سواءا بالدنيا أو بالأخره

ورااااح يعوضك الله أختي عن هالفلوس خير أن شاء الله

وربك يمهل ولا يهمل وراااح تندم هالنصابه على كل ريال أخذته بالحرام حسبي الله عليها

وأنا شخصيا مررت بهالتجربه بهالمنتدى وتم بيعي سلعه من بنت على أنها كامله ونظيفه وبأعتبار أنها بنت بصراحه أستلمت سلعتي ولم أفحصها في لحظتها من الخجل
بصراحه من الموقف وبعد فتره بسيطه أكتشفت أن هالسلعه خربانه وفيها عيوب كثيره
حاولت أسألها بواسطة مسج على تلفونها بالموضوع فكان الرد بعدم المبالاه فأحتسبت العوض من الله سبحانه فالفلوس تروح وتجي بس مال الحرام يبقى حسابه عند رب العالمين

والله يعوض خسارتك أختي روح قطر

[بنت الدوحه]

حسبي الله ونعم الوكيل

شلون الناس ترتاح وفي جيبها ريال حرام ؟؟

روح قطر فيه عضوه هنا اسمها ام مهره انتي تقصدينها ؟؟

وضحي عشان ينتبهون منها الاعضاء

وهذا رابط احد مواضيعها


http://www.qatarshares.com/vb/showthread.php?t=140855

[الرائـد]

الحق ما يضــــــــــــــــــــــــــــــــــــــــــــــــ ـــــــــــــــــيع .
والله كريم .

[نجود]

لا نخافين ان شاء الله بيضيق عليها الين ترد لك فلوسك

[الهاوي28]

حسبي الله ونعم الوكيل

الا المال حرام

الله يعوض عليج اختي روح قطر

[شمسة]

حسبي الله و نعم الوكيل
اختي الغالية اللي اعرفة شركات الشحن مستحيل تشحن عطورات وبخور غناتي بس نصيحة لوجة الله بنات اتحملوا على عماركم مش اي تثقين فية وخصوصا في النت
اتصلي لخدمة الامين وراح يطلعونها لج من تحت الارض والله عيب :omen2::omen2:
http://www.alameen.ae/arabic/index_ar.aspx

[شمسة]

جزاكم الله خير على التنبيه


عموما اختنا القديره شمسه المهيري بتكون موجوده في الدوحه بكره عندها ستاند في قاعة المعارض ممكن اي حد يستفسر منها عن اي شي يخص ((( ام مهره ))

هلا اخوية والله ما اعرف هلاشكال من البشر نصابة ما تستحي عيب تاكل مال حرام في بطنها:omen2::omen2:

[ستايل2006]

لا حول ولا قوة الا بالله
الله يعوضج خير يارب

[التيما]

على فكره نشر اسم ام مهره ما يسوي شي لانه اسم مستعار المفروض نشر اسمها الحقيقي او اسم الشركه الي تتحول لها الفلوس . والعنوان

:nono: حسب القانون هاي يسمى تشهير وبدال ما تصير مجني عليها بتصير جاني ..

اختي الحلال ما يضيع .. تأكدي " إن الحلال ما يضيع أبــــــــــــــــــداً " .

[التيما]

حسبي الله و نعم الوكيل
اختي الغالية اللي اعرفة شركات الشحن مستحيل تشحن عطورات وبخور غناتي بس نصيحة لوجة الله بنات اتحملوا على عماركم مش اي تثقين فية وخصوصا في النت
اتصلي لخدمة الامين وراح يطلعونها لج من تحت الارض والله عيب :omen2::omen2:
http://www.alameen.ae/arabic/index_ar.aspx



:app::app::app:

[طاش]

الله يعوضج وان شاء الله الحق مايضيع والله يعلم شنوا ضروفها او السبب
والدين يبقى في ذمتها الى يوم الحساب

[Mr Brox]

زين سويتو فيها عشان ننتبه حنا وناخذ حذرنا منها ومن امثالها

[Mishaal]

بصراحة أتمنى عرض اسمها كاملا ً وفضحها أمام القاصي والداني لتكن عبرة لمن لا يعتبر ..

فئة شاذة والله العظيم ، نعم اعرضي موضوعك على 40 منتدى قطري وإماراتي .. وأرفقي الوصل كصورة ..

وخلي " اللي مايشتري يتفرج " !!

[nor85]

في وحدة في منتدى سيدات الامارات تبيع نفس الاسم اهي ام وحده غيرها

[امل الحب]

لاحول ولاقوة الا بالله

وشتستفيد من فلوس حرام؟

[بو نايف]

لاحول ولاقوة الابالله

[" روح قطر "]

أنتبهو ياجماعه من هالناس وأشكالها

والله يبعد عنا عيال وبنات الحرام

[الصاعق الحارق]

انا انسان مقدر احكم الى لين اسمع من الطرف الثاني

والله مايضيع حق حد

[" روح قطر "]

الصاعق الحارق

اللهم لاتجعلني ظالما اللهم أجعلني مظلوم

واحنا مانحب نبلي أحد ونضرة بارك الله فيك

ترى نخاف من الله قبل الناس ونرجي البركة في حلالنا وعيالنا

واحنا ماتبلينا وماكتبنا الموضوع عبث

أحنا كتبناه بعد 4 شهور من الصبر والأنتظار بارك الله فيك

واعتقد عطيناها مهلة كافية قبل مانكتب عنها اى حرف

لانها لابعثت أغراض ولا رجعت الفلوس ولا عاد ردت علينا

واللي أنكتب عنها عن أدلة موجودة ......بارك الله فيك

[الصاعق الحارق]

الصاعق الحارق

اللهم لاتجعلني ظالما اللهم أجعلني مظلوم

واحنا مانحب نبلي أحد ونضرة بارك الله فيك

ترى نخاف من الله قبل الناس ونرجي البركة في حلالنا وعيالنا

واحنا ماتبلينا وماكتبنا الموضوع عبث

أحنا كتبناه بعد 4 شهور من الصبر والأنتظار بارك الله فيك

واعتقد عطيناها مهلة كافية قبل مانكتب عنها اى حرف

لانها لابعثت أغراض ولا رجعت الفلوس ولا عاد ردت علينا

واللي أنكتب عنها عن أدلة موجودة ......بارك الله فيك

الله يبارك فيك وفي حلالك
والحق مايضيع ابد

[شمسة]

استغفر الله

[فهد24]

حسبي الله ونعم الوكيل

[محمد11]

" ان الله لايضيع اجر المحسنين "


" اختي ان الله يمهل ولا يمهل "

ربج موجود اختي هو الي بيااخذ حقج بأذن الله سبحانه وتعالى ..

والي صار فيج هذا " خير من رب العالمين " بلاء

[ذيبه مزاجيه]

حسبي الله و نعم الوكيل

الله يعوض عليكم ان شاء الله و الله بيراويها في الدنيا قبل الاخره

وهالموقف صار معاي و ما قلت الا حسبي الله و نعم الوكيل و طل ما الله موجود حقي ما راح يضيع

وشكرا على التنبيه الحين توبه اشتري من ناس من برع بلادي .. تأدبت

[المارونـــي]

اختي الكريمه اهم شي انه رايتج بيضه وحقج مايضيع ان شاء الله وانصح كل شخص موجود بهالنتدى ولا غيره لايطرش فلوس الا لما يتاكد انه بضاعته موجوده في الشحن او انها فعلن تطرشت وانا بعد انقرصت من هالاشكال لكن هو بيستانس هالايام بالمبلغ لكن رب العالمين شاهد على فعلته؟
حسبي الله ونعم الوكيل

[المهم1000]

حسبي الله ونعم الوكيل

[ضرغام]

الأخت دانة قطرالله يعوض عليك.........................

الأخت روح قطرالله يعطيك العافيه على التحذير....

[تايد]

قيــل :

الدنيا مسألهـ حسابيهـ

خذ من اليومـ عبرهـ

ومنـ الأمسـ خبرهـ

::

شكرآ للتنبيه

[&ام عبدالله&]

لا حول الله اختى انتى تقصدين ام مهره اللى فى منتدى سيدات الامارات معقول

لا حول الله هذى الحرمه ام عيال وسمعتها فى المنتدى زينه والله ماقد سمعت انها سوت

مثل جذى من قبل يارب ماتكون هى اللى فى المنتدى والله بنصدم


والله يبعدنا واياكم عن الحرام يارب

وبعدين يااختى الشحن على البريد الممتاز ب60 ريال لاول كيلو وبعد هالكيلو كل كيلو ب10 ريالات

ليش جذى ليش الحرام الحمد لله انا صار لى اكثر من سنه فى المنتدى والاعضاء يرسلون لى الفلوس

والمشرفين من قبل لا يستلمون البضاعه وفى ثقه بيننا والحمد لله

اللهم ارزقنا بحلالك وابعدنا عن الحرام

[{راشد}]

ياناس معقوله مافي اسواق عندنا ولا مولات ولا مجمعات كلها عطور من الهند والسند واروبا وامريكا ,,

ما لقيتو تشترون الا من هالناس اللي لا اسم تجاري معروف ولا مكان !!

[بنت الدوحه]

لا حول الله اختى انتى تقصدين ام مهره اللى فى منتدى سيدات الامارات معقول

لا حول الله هذى الحرمه ام عيال وسمعتها فى المنتدى زينه والله ماقد سمعت انها سوت

مثل جذى من قبل يارب ماتكون هى اللى فى المنتدى والله بنصدم


والله يبعدنا واياكم عن الحرام يارب

وبعدين يااختى الشحن على البريد الممتاز ب60 ريال لاول كيلو وبعد هالكيلو كل كيلو ب10 ريالات

ليش جذى ليش الحرام الحمد لله انا صار لى اكثر من سنه فى المنتدى والاعضاء يرسلون لى الفلوس

والمشرفين من قبل لا يستلمون البضاعه وفى ثقه بيننا والحمد لله

اللهم ارزقنا بحلالك وابعدنا عن الحرام



موجوده هنا في الاسهم بعد

[أم عبدالعزيز]

الله يعينك يالغلا ويرد لك فلوسك


وتعليقي الثاني التمسي لها العذر فالرسول عليه السلام اوصانا ان نلتمس 70 عذر لاخوانا المسلمين


وان م الومك هذا حلالك بس الاخ سوق واقف ما قصر الحمد لله


واما سالفة شحن العطور ممنوع يمكن عندكم بالامارات بالنسبه لي الع شحنات لقطر والامارات باستمرار ولا عمرها تاخرت او تضررت الحمد لله


والله يغني الجميع بحلاله عن حرامه

[" روح قطر "]

أى نعم هي أم مهرة اللي في منتدى سيدت الأمرات

ومون دبي

وعروس قطر

ومنتدى الأسهم القطرية

ومنتديات كثيرة ....اللة يهديها

وأقسم بالله أن أحنا عطيناها مهلة من رمضان لين الأسبوع اللي راح قبل مانكتب الموضوع

وكانت تصدنا وماترد على مكالماتنا وكل يوم تنزل موضوع في المنتديات عن بضاعتها

وحاولنا معاها أكثر من مرة لاكنها أستلعنت وماعاد عاد ردت علينا

وبعد كل الكلام من شهر هددناها قلنا يمكن تخاف و ترد فلوس البنت لها

تجاهلتنا وماقامت ترد علينا الله يهديها

وحاولنا نتصل من أكثر من تلفون وترد على الأرقام الغريبة وتطنش لأتصلاتنا

وكان الحل الوحيد هو كتابة الموضوع علشان الكل يعرف من هي أم مهرة

ولعلمكم هي اللي جابت هالشي لنفسها بسبب طمعها وأستغلالها لطيبة الناس

وماتوقعنا منها هالشي ...مهما كان المبلغ راح تكون فلوس حرام عليها وعلى بيتها

واحنا نطلب من الله يغنينا بحلالة عن حرامة

ويبعد عنا الحرام وعيال الحرام

والله يهديها على تصرفها وأن شاء الله أنها خذت درس وعبرة من اللي سوتة

وعرفت أن الحلال عمرة مايضيع

نسأل الله أن يبعدنا وإيّاكم عن النفاق والمنافقين ومال الحرام

، ويجعلنا وإياكم من المؤمنين الصالحين والسعداء في الدارين

[الرايقه]

لاحول واقوة الا بالله اللهم اغننا بحلالك عن حرامك

[6611]

ًراحه انصدمت

لان بصراحه فكل موقع ادخله احصلها
واحصل منتجاتها
وهي احين موجودهع فالدوحه فالمعرض
روحي وواجهيها

واذا تبين شي ولا شي لا يردج الا لسانج
تراني خبره فهالسوالف صارة لي وايد

والحمدالله حقي ما ضاع

وحقج ماراح يضيع ان شاء اللهـ

[$ام خليفه$]

استغفر الله العظيم ...الله يهديها

[شمسة]

ًراحه انصدمت

لان بصراحه فكل موقع ادخله احصلها
واحصل منتجاتها
وهي احين موجودهع فالدوحه فالمعرض
روحي وواجهيها

واذا تبين شي ولا شي لا يردج الا لسانج
تراني خبره فهالسوالف صارة لي وايد

والحمدالله حقي ما ضاع

وحقج ماراح يضيع ان شاء اللهـ
هلا اخوية تقصد من؟؟؟؟؟؟؟؟؟؟؟؟في الكلام

[بنت الدوحه]

سبحان الله وبحمده سبحان الله العظيم

[_QTR_]

والله يا ناس

اني تعاملت مع كذا شخص

ومن ضمنهم الاخت شمسة المهيري والاخت قطعة سكر

وتعاملهم والله مافي احسن منه

واذكر ان طلبت من الاخت قطعة سكر غرض وارسلت لها المبلغ وقالت بعد اسبوعين بتستلم الغرض قلت خير .. والله والله والله اني نسيت الموضوع وبعد اسبوعين تقريبا اتصل لي السواق مالها وقال لي الاغراض اللي انت طالبها وصلت

وتعاملت مع شخص من الامارات ارسلت له الفلوس ويوم ارسل الاغراض كانت ناقصة ويوم كلمته يا فلان الاغراض مب نفس مواصفات الموضوع اللي موجود في المنتدى .. قال لي والله مادري

على العموم انا مادري اشلون يرضون يأكلون عيالهم من فلوس حرام
اذا عنهم هم تلاقونهم عادي متعودين على هذي الحركات

بس انا اشوف ان الموضوع طول من ايام عيد الفطر والحين ما شاء الله اتوقع انه نعدى 4 شهور

واشوف انه هذا شيء ما ينسكت عليه والله

اختي روح قطر

الله يعوض عليج بالاحسن منه ان شاء الله

وياما عينج بتشوف نفس هذي الحركات والله

[بنت الدوحه]

_QTR_


تسلم اخوي والله يعطيك العافيه على كلامك الطيب

[ام عزوز]

لا حول ولا قوه الا بالله العظيم
شلون في ناس يتعاملون بهالطريقه بعد كل هالوعي الديني والأخلاقي
الله يعوض عليكم بأحسن منه قولوا آميــــــــــــــــــــــــــن

[hasss1969]

الله يهديكي يا اختي الكريمة ,ترسلي مبلغ كبير نسبيا لشخص لاتعرفيه جيدا!!الله يعوضك خير وتأكدي انه مال الحرام اللي كلته عليكي بيطلع عليها اغلى من بيع السوق...

[بنت الدوحه]

المال رجع لأصحابه والبركه في اخونا سوق واقف :nice:

[BURBERRY]

حسبي الله و نعم الوكيل

السالفه مضت عليها حول 4 شهور وللحين مارجعت لج الفلوووس .. شلون تاكل عيالها من مال حرام ؟!

اختي روح قطر ..الله بيعوضج بأضعاف هالمبلغ

[سعر الأغلاق]

هذولا يجب فضحهم .. والله اعلم انها موب اماراتيه

ياناس والله عيب ... مسلم ينصب على اخيه المسلم

مع ان الكفار في دول الغرب تثق فيهم من خلال امانتهم

يجب فضح هؤلاء والتحذير منهم والتشهير بهم

ربما هناك ضحايا في الطريق ..

الله يعوضك خير

[سوق واقف]

السلام عليكم ورحمة الله وبركاته
أخواني أخواتي أرجومنكم أغلاق هذا الموضوع الحمد الله دانة خذت حقها والله يوفقها واختي أم مهرة ألتمسو لها العذر يا أخواني وأخواتي أرجووكم لازم نمشي على نهج رسول الله صلى الله عليه وسلم ألتمسوا لها العذر ... ولكم مني خالص شكري وتقديري ......والله يوفقنا لفعل الخير في هذه الدنيا ..

[_QTR_]

_QTR_


تسلم اخوي والله يعطيك العافيه على كلامك الطيب


اقل واجب والله

وتستاهلين اكثر اختي

[_QTR_]

المال رجع لأصحابه والبركه في اخونا سوق واقف :nice:





كفوووووووووووو والله اخووووووووووووووووووووي سوق واقف

وجزاك الله خير .. و الله يكثر من امثالك يالغالي

[البطرانة]

واعليه

معوضين خير انشالله.. بس صج قهر

[سوق واقف]

السلام عليكم ورحمة الله وبركاته
أخواني أخواتي أرجومنكم أغلاق هذا الموضوع الحمد الله دانة خذت حقها والله يوفقها واختي أم مهرة ألتمسو لها العذر يا أخواني وأخواتي أرجووكم لازم نمشي على نهج رسول الله صلى الله عليه وسلم ألتمسوا لها العذر ... ولكم مني خالص شكري وتقديري ......والله يوفقنا لفعل الخير في هذه الدنيا ..

[" روح قطر "]

السلام عليكم ورحمة الله وبركاته
أخواني أخواتي أرجومنكم أغلاق هذا الموضوع الحمد الله دانة خذت حقها والله يوفقها واختي أم مهرة ألتمسو لها العذر يا أخواني وأخواتي أرجووكم لازم نمشي على نهج رسول الله صلى الله عليه وسلم ألتمسوا لها العذر ... ولكم مني خالص شكري وتقديري ......والله يوفقنا لفعل الخير في هذه الدنيا ..

الله يجزيك الف خير أخوى سوق واقف على هالكلام الطيب

والله يسامحها على فعلتها ويسامحنا أذا أحنا أخطينا بحقها أو بحق أحد

وياليت يتم قفل الموضوع

[" روح قطر "]

السلام عليكم ورحمة الله وبركاته
أخواني أخواتي أرجومنكم أغلاق هذا الموضوع الحمد الله دانة خذت حقها والله يوفقها واختي أم مهرة ألتمسو لها العذر يا أخواني وأخواتي أرجووكم لازم نمشي على نهج رسول الله صلى الله عليه وسلم ألتمسوا لها العذر ... ولكم مني خالص شكري وتقديري ......والله يوفقنا لفعل الخير في هذه الدنيا ..

الله يجزيك الف خير أخوى سوق واقف على هالكلام الطيب

والله يسامحها على فعلتها ويسامحنا أذا أحنا أخطينا بحقها أو بحق أحد

وياليت يتم قفل الموضوع مثل ماتفضل أخوى سوق واقف

والله قلبي يعورني كل مامريت على الموضوع وقريتة