د. القحطاني: البيض الأردني متوفر بالأسواق

[وطن]

د. القحطاني: البيض الأردني متوفر بالأسواق (http://raya.com/site/topics/article.asp?cu_no=2&item_no=311576&version=1&template_id=18&parent_id=17)

كتب - عبداللاه محمد: أكد الدكتور قاسم القحطاني مدير ادارة الثروة الحيوانية ان كميات من البيض الاردني وصلت امس الي السوق القطري مضيفا انه قد تم فتح استيراد البيض من سوريا لتغطية جزء من احتياجات السوق المحلي والذي شهد مؤخرا أزمة بيض ، وذلك بسبب منع الاستيراد من الدول التي ظهر فيها مرض انفلونزا الطيور للحؤول دون وصولها للبلاد باحتياطات شديدة وكشف مدير ادارة الثروة الحيوانية ان هناك اجتماعات مكثفة في وزارة البلدية من اجل بلورة حلول جذرية لهذه الازمات التي يتعرض لها السوق مشيرا إلي فتح الاستيراد من البلدان الخالية من المرض. وأشار د. القحطاني الي ان هناك شركة محلية تقدمت بعرض لانشاء شركة دواجن جديدة بالاضافة الي شركات أخري صغيرة ايضا تقدمت لانشاء مزارع علي نطاق ضيق.

[sulai6i]

السلام عليكم ..



لتغطية جزء من احتياجات السوق
ما دخلت البلاد الا سيارتين بيض من الأردن بس وهذا في يومين يخلص

[وطن]

ايه بس في بعد البرازيلي والهندي والقطري
يعني الخير موجود
بس جشع التجااااااااااار هو اللي مأزم الموضوع !!!

[سيف قطر]

http://www.alamuae.com/up/Folder-002/1148295251_626142950.gif

[مالي ومال الناس]

ايه بس في بعد البرازيلي والهندي والقطري
يعني الخير موجود
بس جشع التجااااااااااار هو اللي مأزم الموضوع !!!

اي والله صح كلامج :ok:

[وطن]

شكرا على مروركم

[مالي ومال الناس]

شكرا على مروركم


العفو :shy:

[&ام عبدالله&]

شكلى برسلكم بيض من مصر على البريد السريع هههههههه

والله حاله لو ماطمع التجار ؟؟؟؟؟

0000000

[وطن]

هاهاهاهاهاهاها

[أحلى وسيطه]

ماشالله السليطي قاعد على الحدود :ap

يعطيكم العافيه

[إنسان]

وينه البيض الاردني وين نحصله .. نروح له على الحدود .. خل ينزلونه في الجمعيات

نبي بيض أردني أو سوري مب حاصل لنا

الهندي متوفر حتى في البقالات بس مب ذاك الزود

يسلموووووووووو على الخبر اختي وطن

[Mishaal]

ماصار بيض حشى ..

[الصاعق الحارق]

مافي بيض في الجمعيات لا بيض اردني ولا بنغالي ولا هندي ولا صومالي وهلكلام كله فاضي
والمفروض هلقحطاني يروح تقاعد احسن له ويحطون بداله شاب صغير نشيط يعرف يدبر امور المواطنين
واذا هو يقول البيض متوفر خلوة يجيب حق بيتي كرتون بيض صار لي اسبوع متشوق اكل بيضه مفيوحه

[إنسان]

مافي بيض في الجمعيات لا بيض اردني ولا بنغالي ولا هندي ولا صومالي وهلكلام كله فاضي
والمفروض هلقحطاني يروح تقاعد احسن له ويحطون بداله شاب صغير نشيط يعرف يدبر امور المواطنين
واذا هو يقول البيض متوفر خلوة يجيب حق بيتي كرتون بيض صار لي اسبوع متشوق اكل بيضه مفيوحه

البيض الهندي متوفر في مركز التموين العائلي فرع المطار وايضا البرازيلي

ومتوفر في دسمان البيض الهندي

وبقالة الفريج صار الكرتون بـ 15 ريال للبيض الهندي

[ANONYMOUS]

اقول

صباح الخير

البلد في ازمه من اكثر من شهر..

[الصاعق الحارق]

البيض الهندي متوفر في مركز التموين العائلي فرع المطار وايضا البرازيلي

ومتوفر في دسمان البيض الهندي

وبقالة الفريج صار الكرتون بـ 15 ريال للبيض الهندي

سلامتك الشيخ انا امس كنت في تموين العائلي قالوا لي خلص ورحت الميرة قالوا لي بعد خلص ورحت مجمع دحيل وهو اقرب مجمع لي قالي مجنا شئ من اربع ايام وتعال بكرة
وانا بلاصل ساكن على طريق الشمال يعني اروح لهم بكرة بيقلون لي نفس السالفه خلص تعال بكرة
صرنا لعبه عندهم ونطر بيض

[ابو زيد]

مافي بيض في الجمعيات لا بيض اردني ولا بنغالي ولا هندي ولا صومالي وهلكلام كله فاضي
والمفروض هلقحطاني يروح تقاعد احسن له ويحطون بداله شاب صغير نشيط يعرف يدبر امور المواطنين
واذا هو يقول البيض متوفر خلوة يجيب حق بيتي كرتون بيض صار لي اسبوع متشوق اكل بيضه مفيوحه

لا اخوي انا اليوم مريت الميرة الي في المنصورة الساعه 8.30 مساء والبيض موجود الاردني (15.75) ريال الطبق وفي الهندي بعد .

[الصاعق الحارق]

لا اخوي انا اليوم مريت الميرة الي في المنصورة الساعه 8.30 مساء والبيض موجود الاردني (15.75) ريال الطبق وفي الهندي بعد .

اذا تقول فيه يا اخوك اشتر لي صحنين وعطني رقمك على الخاص وانا بجي دوحه بكرة وباخذهم من عندك

[العلي]

سعر البيض صار 15 ريال واقل في مركز التموين العائلي

[بوحارب]

هذا كله عشان البيض

تصدقون حتى سندويش البيض ما عاد احبه نفس قبل

من كثرة الكلام عنه

[الصاعق الحارق]

بو حارب حولك بيض يا خوك
انا محب اكل من مطاعم اذا حولك خاطري اكل بيض مفيوح منصجي كلشئ ولا المحاحه فديت خشمك

[كلاسيك للبيع]

بو حارب حولك بيض يا خوك
انا محب اكل من مطاعم اذا حولك خاطري اكل بيض مفيوح منصجي كلشئ ولا المحاحه فديت خشمك



هههههههههههه والله حسيت فيك يالغالي.


الله يسهل عليك

[بوحارب]

بو حارب حولك بيض يا خوك
انا محب اكل من مطاعم اذا حولك خاطري اكل بيض مفيوح منصجي كلشئ ولا المحاحه فديت خشمك

اشرايك بكرة الفطور عند السفير الي في غزة:eek5:

بيض مع جبن وبوري صدقني تدمن عليه

الصراحة صارلي شهر ما كلت سندويش بيض مع اني كنت مدمن عليه

عند كرك النعيمي:oops:

تقدر تقول صادني شي من الغثيان بسبب الكلام عنه الحمدلله ع النعمه

[ابو زيد]

اذا تقول فيه يا اخوك اشتر لي صحنين وعطني رقمك على الخاص وانا بجي دوحه بكرة وباخذهم من عندك

السموحه يا اخوي توني اشوف ردك
بس مشركاتي ترى ما تسمح ابعث على الخاص بس اذا تتكلم من صجك
ترى والله الحين اروح اجيبلك صحنين وانت دزلي رقمك على الخاص
وانا اكلمك

[متفائله]

لا حول ولا قوة الا بالله كل هذا للبيض؟

ترى انا شفت بيض اماراتي في المول 12 حبه ب 33 ريال

[الصاعق الحارق]

السموحه يا اخوي توني اشوف ردك
بس مشركاتي ترى ما تسمح ابعث على الخاص بس اذا تتكلم من صجك
ترى والله الحين اروح اجيبلك صحنين وانت دزلي رقمك على الخاص
وانا اكلمك

مشكور يا اخووي في قبلك اخ عزيز راسلني وماقصر وانت بعد ماقصرت وحجزت اخيرا صحن من عنده
تسلم يا الغالي

[الصاعق الحارق]

اشرايك بكرة الفطور عند السفير الي في غزة:eek5:

بيض مع جبن وبوري صدقني تدمن عليه

الصراحة صارلي شهر ما كلت سندويش بيض مع اني كنت مدمن عليه

عند كرك النعيمي:oops:

تقدر تقول صادني شي من الغثيان بسبب الكلام عنه الحمدلله ع النعمه

كرك النعيمي تعبان هلندي المدير اسمه الزبير يبعيك السندويش 4 ريال وحبه الشباتي عنده بريال والكرك كله متروس سكر مانصحك تشرب من عنده بعدين تدمن ولقاك صاف موترك بمحطه بترول الخيسه وضرب شاي ومربي شعرك متر وتص وسبه هلكرك
ههههههههههههه
متخيل شكلك بوكشه بوحارب

[بوحارب]

كرك النعيمي تعبان هلندي المدير اسمه الزبير يبعيك السندويش 4 ريال وحبه الشباتي عنده بريال والكرك كله متروس سكر مانصحك تشرب من عنده بعدين تدمن ولقاك صاف موترك بمحطه بترول الخيسه وضرب شاي ومربي شعرك متر وتص وسبه هلكرك
ههههههههههههه
متخيل شكلك بوكشه بوحارب

بديت اشك 80 % من كلامك صح:oops:

ليكون تعرفني:eek5:

وكرك النعيمي على حسب الطلب بيسويه لك قوله كرك سكر ميديم مع هيل:nice: الامور بتكون مضبوطة

الصراحة شباب الدوحة مدمنين كرك وانت ادرى

بس انا ما روح محطة الخيسة كله صوب محطة الاند:oops:

[وطن]

شكرا على مروركم وتعليقاتكم

[السيف5]

البيض الهندي موجود بدسمان في الهلال الكرتونة 26ريال

[بوخالد911]

البيض الهندي موجود بدسمان في الهلال الكرتونة 26ريال

لا يا خوووي

:oops::oops::oops:
سعره وصل 30 ريال والله
:this::omg::anger2::this:

[الصاعق الحارق]

يا الربع خذت الصحن المحجوز لي من رجال والله ماقصر والبيض طلع هندي وسويت بيض مفيوح
لكن طلع البيض ماهو نفس طعم البيض القطري ولا بعد ريحته ماعجبتني وكلت المحاحه وصادتني حله
مدري الضاهر من عين بو حارب

والله ماقول مافي احلى و احسن من الانتاج المحلي

لو يسون شركه بيض مساهمه والسهم ماهو بفلوس تعطيهم على سهم اربع دجاج يكون ابرك..

الله المستعان ونفتك من سالفه البيض

[وطن]

:rolleyes2::rolleyes2::rolleyes2:

[ابوعلي]

البيض الهندي موجود بدسمان في الهلال الكرتونة 26ريال

اليوم حصلت البيض البرازيلي في فيلاجو 75 ر 20 ريال (( 30 حبه ))


ولكني معلن المقاطعه وما اشتري البيض الا لما اشوف السعر السابق للبيض 75ر14 ريال

[العلي]

انا امس شاري بيض برازيلي 15ريال 30 حبه من فملي فود
وحصلت بيض هندي عنده 12 ريال 30 حبه ""فرع النصر ""

[Mr Brox]

يا جماعة البيض خلاص صار موجود في الدوحة ومافي اي نقص حاليا
لكن الأسعار خلاص ما راح تنزل مثل اول .. تقبلوا الوضع الجديد ..
العملية كانت مدروسة من قبل التجار .. وألعبوها صح .. اوهمونا ان الزيادة بسبب حظر
البيض الهندي والسعودي .. لكن الأمر كان فيه لعبة ..
تقبلوا اسعار البيض مثل ما هي الآن .. والخوف انها ترتفع زود ..