المساعد الشخصي الرقمي

مشاهدة النسخة كاملة : ياخوي انت جاري تشوف ثلاث خدامات شاقحين من سور بيتي ما تتصل فيني


إنسان
03-01-2008, 03:36 PM
عايله قطريه عندها ثلاث خدامات من حيدرأباد

ربة البيت مو مقصره فيهم من ناحية المعاملة الطيبه وتشتري لهم ملابس وحتى ذهب

لأن بنتها أم ثمان شهور تهدها عندهم وتروح العمل

وفي يوم حطت البنت في محبس مُحاط بتور عشان البنت تحبي وتخاف عليها تروح مكان خطر

وراحت العمل ووصتهم على البنت .. هي اطلعت من هني واطلعوا وراها الثلاث خدامات

اشقحوا السور من ورا البيت عشان محد يشوفهم وتمت البنت طول غياب أمها عن البيت

صياح وخوف وجوع يا حرااااااام شي يقطع القلب .. حسبنا الله ونعم الوكيل

يوم ارجعت الأم افتحت باب الحوش وشافت البيبان مشرعه وثلاث أكواب شاي في المطبخ

متريقين ومخططين حق الشرده .. الزوج وهو يقول السالفه حق رفيقه وجاره ..

رد الجار وقال:

إي شفتهم اليوم الثلاث خدامات شاقحين السور من ورا

رد عليه وقال:

ليش ما اتصلت فيني وموبايلي عندك .. انت تدري ان بنتي تمت 7 ساعات صياح وخوف

وجوع ونامت من التعب .. وين حق الجيره عليك شدراك انهم ما باقوا الذهب واللي في البيت

وانت تدري ان عندي بنت عمرها أصغر من سنه نتركها عندهم شلون جالك قلب وجارك في غيابه

ما تحميه ولا تهتم له ولا تفزع له .. وين وصية الرسول صلى الله عليه وسلم على سابع جار

........................

وفي النهايه اقول " الجار لو جار "
bnb
03-01-2008, 03:49 PM
انت تدري ان بنتي تمت 7 ساعات صياح وخوف وجوع ونامت من التعب:whistling: !!!!!!!


سبحان الله العظيم سبع ساعات ولا فكرت الأم أو الأب
في الاتصال في المنزل للطمئنان على حشاشة يوفهم
أولياء أمور بالوكالة :court:
حقيقه
03-01-2008, 04:04 PM
ثلاث خدامات عاد :)
تيتو
03-01-2008, 04:13 PM
اخوى انسان

ممكن سؤال بكل احترام وتقدير

هذا الموضوع حلم وله علم ؟
الصاعق الحارق
03-01-2008, 04:27 PM
ما خبر قطري يجيب ثلاث خدمات من جنسيه وحده حق بيته
واسمح لي اخوي الجار جار وكل الجيران فيهم خير
لكن موضوعك هذا وايد غريب ولا هو داش مزاجي وعقلي مستنكرة بلمرة
إنسان
03-01-2008, 06:23 PM
والله ثم والله ان هذه القصة حقيقيه ولو أردتم السند فهو عني .. عن فلان .. عن صاحب القصه

فلان = الجنسين

بالفعل الثلاث خدامات تم جلبهم لعائلتين ولكن احدى العائلتين استغنت عن واحده لتنظم

إلى قافلة الخدم عند العائلة الأولى وهم ناس الله منعم عليهم

وأعتذر عن الإفصاح اكثر منعا للحرج

تأكدوا أيها السادة الكرام إن كانت القصه من نسج الخيال سأذكر ذلك

تحياتي للجميع
" النــــمـــــر"
03-01-2008, 06:44 PM
انت تدري ان بنتي تمت 7 ساعات صياح وخوف وجوع ونامت من التعب:whistling: !!!!!!!


سبحان الله العظيم سبع ساعات ولا فكرت الأم أو الأب
في الاتصال في المنزل للطمئنان على حشاشة يوفهم
أولياء أمور بالوكالة :court:



فعلا أولياء أمور بالوكالة
قلب صادق
03-01-2008, 08:46 PM
والله ثم والله ان هذه القصة حقيقيه ولو أردتم السند فهو عني .. عن فلان .. عن صاحب القصه

فلان = الجنسين

بالفعل الثلاث خدامات تم جلبهم لعائلتين ولكن احدى العائلتين استغنت عن واحده لتنظم

إلى قافلة الخدم عند العائلة الأولى وهم ناس الله منعم عليهم

وأعتذر عن الإفصاح اكثر منعا للحرج

تأكدوا أيها السادة الكرام إن كانت القصه من نسج الخيال سأذكر ذلك

تحياتي للجميع



جزاك الله خير اخوي انسان

اولا الحمدلله رب العالمين ان البنت الصغيرة ما صار عليها شي ولله الحمد
وهذا درس لكل ام واب يترك فلذات اكباده مع الخدم
يعني اقل القليل يتصلون مع البيت من وقت لاخر
للاسف الجار كان سلبي جداا

وما اقول غير حسبي الله ونعم الوكيل

ويا ابااااااااااااء ويا امهااااااااااااات
الله الله في فلذات اكبادكم
لانهم امانه في اعناقكم
ودمتم جميعا في حفظ الله ورعايته
OREO
03-01-2008, 10:35 PM
الصراحه العتب على الام و الاب ...

كيف تترك واجباتها و تطلع الى سوق العمل ؟؟

من واجب المرأه أن تعمل في البيت و تربي اطفالها ..

و صاحب البيت المفروض يلوم نفسه و زوجته مو جاره ..

اقدر اقول سوء تخطيط من رب و ربة البيت ..

و ما الوم الخادمات و لا الجار ...

و هذا رايي ..

و شكرا اخوي ع الموضوع ..
lule
03-01-2008, 10:44 PM
الصراحه العتب على الام و الاب ...

كيف تترك واجباتها و تطلع الى سوق العمل ؟؟

من واجب المرأه أن تعمل في البيت و تربي اطفالها ..

و صاحب البيت المفروض يلوم نفسه و زوجته مو جاره ..

اقدر اقول سوء تخطيط من رب و ربة البيت ..

و ما الوم الخادمات و لا الجار ...

و هذا رايي ..

و شكرا اخوي ع الموضوع ..

بدل ما تجيب ثلاث خدامات جان قعدت في بيتها احسن لها ...
qatari1
03-01-2008, 11:19 PM
انت تدري ان بنتي تمت 7 ساعات صياح وخوف وجوع ونامت من التعب:whistling: !!!!!!!


سبحان الله العظيم سبع ساعات ولا فكرت الأم أو الأب
في الاتصال في المنزل للطمئنان على حشاشة يوفهم
أولياء أمور بالوكالة :court:

صدقت والله....

لا ويلومون الخدم على عدم الاهتمام بأطفالهم، ولا يلومون أنفسهم على إهمالهم وتفريطهم في حق أبناءهم!

هؤلاء صاروا أباء وأمهات فسيولوجيين؛ في شهادة الميلاد فقط!

أما التربية ،والرعاية،والاهتمام، والحنان فأوكلوها إلى الخادمات والمربيات...

حسبنا الله ونعم الوكيل على هؤلاء!
لولوتي
03-01-2008, 11:30 PM
من مسألة حق الجار على الجار تذكرت سالفه احصلت لي قبل رمضان هالسنه بيوم

اسمحوا لي اسردها عليكم

كنت طالعه الصبح الساعه 6من البيت لمدة نص ساعه وفي هالوقت كنت مخليه باب الحوش مفتوح..
وعقب ساعتين اسمع اصوات في الحوش ماااااااااااء ممممممممممممماااااااء امممممماااااااء
طلعت ولا تيس ..اشحلالالالالالالالاته :)وصخله اصغيرونه حللللللللللللللوه
واحترت ياربي من وين هذول من اي بيت حلال من؟؟؟
اشدخلهم البيت...اها يوم اني كنت طالعه دشوا البيت:whistling:

وصورتهم:nice:
http://www.qatarshares.com.qa/data/36/38/storm_2054467436_1822208810.gif
وخذيت دفتر التلفونات وقمت اتصل في الجيران مع ان مالنا كلام وايد معاهم وفي ناس اول مره اكلمهم ذاك اليوم بس هذي حق الجار علي ولازم كنت اتصرف...
وكان بامكاني ابطل لهم الباب ويطلعون وافتك منهم ومايهمني من اللي بيشيلهم...
وماارتحت الا يوم تاكدت من له هالتيس اللي غربلهم لين صادوه وهو يركض في الحوش مايبي يورح معاهم:)
حسيت انهم كانوا مثل الامانه عندي...


ولكن للاسف اليوم الجار صار غير الجار

واسمحوا لي
التيما
04-01-2008, 02:26 AM
يا حرام عالياهل .. بس بعد نلوم الام اللي ما دقت تسال عن بنتها طول 7 ساعات ؟؟؟؟

بي يعتبر درس لهم اللي صار .. الحمد لله ولدي عمري ما خليته مع الخدامة بروحه ولا اقبل أخليه ..
السديم
04-01-2008, 04:50 AM
زمن صار فيه كل امر غريب عادي ..

طيب العائلة الله منعم عليها بدل لاتجيب 3 خدامات تترك الشغل ابرك لها .. شغلها بيتها وريلها وعيالها !!! لكن من اللي تقتنع بهالشي !!

7 ساعات وماتتصل تسأل !! معقولة ؟؟ انا اللي بنت وماعندي عيال في البيت اتصل كل شوي اشوف شنو الجديد في اخبار البيت وشنو الغدا وشيسوون و و و الخ شلون هذي تاركه بنتها !!!

نجي للجار !! من منا يعرف جاره اللحين !! الطوفه وحده ومانعرف من حذانا الا بالاسم ؟؟

ربات البيوت يشتغلون ومايردون الا قريب العصر بيتغدون وبيرقدون ويالله يالله يجابلون عيالهم الا بيقومون بواجبهم تجاه الجار..

تصرف الجار غلط غلط غلط والمفروض يمسكهم .. لكن صرنا بزمن كل واحد يالله نفسي
إنسان
04-01-2008, 05:39 PM
سبحان الله العظيم سبع ساعات ولا فكرت الأم أو الأب
في الاتصال في المنزل للطمئنان على حشاشة يوفهم
أولياء أمور بالوكالة :court:

شوف اخوي bnb اكيد هم غلطانين وأنا ما أبي أدافع عنهم بس إحتمال اتصلوا ومحد رد عليهم لأن البيت محد فيه غير البنت الصغيره


ثلاث خدامات عاد :)

الحين الناس العاديين اللي على قد حالهم عندهم خدامتين ودريول .. ليش الإستغراب


اخوى انسان
ممكن سؤال بكل احترام وتقدير
هذا الموضوع حلم وله علم ؟

علم وواقع اليم .. وشكرا لمرورك


ما خبر قطري يجيب ثلاث خدمات من جنسيه وحده حق بيته
واسمح لي اخوي الجار جار وكل الجيران فيهم خير
لكن موضوعك هذا وايد غريب ولا هو داش مزاجي وعقلي مستنكرة بلمرة

هم ثلاث خدامات جابوهم حق بيتين .. واحد من البيتين ما بغى خدامته صاروا الثلاث

في بيت واحد .. ناس الله مرهي عليهم ما عندهم مشكله .. اللهم لا حسد



فعلا أولياء أمور بالوكالة

:secret:




جزاك الله خير اخوي انسان
اولا الحمدلله رب العالمين ان البنت الصغيرة ما صار عليها شي ولله الحمد
وهذا درس لكل ام واب يترك فلذات اكباده مع الخدم
يعني اقل القليل يتصلون مع البيت من وقت لاخر
للاسف الجار كان سلبي جداا
وما اقول غير حسبي الله ونعم الوكيل
ويا ابااااااااااااء ويا امهااااااااااااات
الله الله في فلذات اكبادكم
لانهم امانه في اعناقكم
ودمتم جميعا في حفظ الله ورعايته

الله يحفظك اخوي قلب صادق وكلامك طالع من القلب ويدخل القلب



الصراحه العتب على الام و الاب ...
كيف تترك واجباتها و تطلع الى سوق العمل ؟؟
من واجب المرأه أن تعمل في البيت و تربي اطفالها ..
و صاحب البيت المفروض يلوم نفسه و زوجته مو جاره ..
اقدر اقول سوء تخطيط من رب و ربة البيت ..
و ما الوم الخادمات و لا الجار ...
و هذا رايي ..
و شكرا اخوي ع الموضوع ..

ياخوي Qatar Zone إذا انت ما تلوم الخادمات والجار .. رب العالمين موجود ويحاسب

كل إنسان على أعماله ونيته


بدل ما تجيب ثلاث خدامات جان قعدت في بيتها احسن لها ...

هذا الكلام توجهينه حق أقرب المقربين لج .. التفتي حولج وراح تعرفين الحقيقه
وطن
04-01-2008, 05:56 PM
الجار أكيد غلطان انه ما اتصل يعلم أهل البيت
خصوصاً ان راعي البيت رفيجه ويعرفه !!



والأهل هم غلطانين انهم تركوا البنت عند الخدم
بدون لا يتصلون يسألون
و لو اتصلوا ولا حد رد !! ما يوسوسووون ؟؟؟
ما يحاتون ليش محد يرد !!!


واذا فعلا اخوي الله مرهي عليهم ولا هم محتاجين
الأم ابرك لها تجابل بنتها ولا لها حاجه بالشغل
الدوحي7
04-01-2008, 06:09 PM
انا ااقول الجار ماله شغل في همل الام والاب لطفلهم،،الام في الشغل والاب في الشغل والطفل يتربى في حضن الخدامات والله امحق ،، لا ويبقون يجيبون اجيال والله الواحد مايتزوج احسن له،،اذا هذه الحياه عندهم والهمل،،
أم أبراهيم
04-01-2008, 06:56 PM
حرام عليكم تلومون الجار

تبغون الجار يكون ناطور

وحارس للبيت علشان الخدامات وللياهل !!

غريب تلومون الجار ...

وفرضا لو كان الجار حرامي (لا سمح الله )

تلومون من ؟؟؟

اللوم دائما على الأسرة .

اللهم لا شماته والله يحفظهم ويحفظ العائلة .
ضوى
04-01-2008, 07:26 PM
لا حول ولاقوة الا بالله

الجار غلطان ، كلن المفروض يبلغ جاره خاصة وهو يعترف انه شافهم شاقحين السور ومع ذلك قلبه قسى والله لو ما فيه ياهل بالبيت بس اللاكيد انه في مشكلة حاصلة وهي هروبهم للاسف الشديد يعني الجار كان اصلا غير مهتم وعلى الدنيا السلام بامثال هالجار التعيس

الام والاب غلطان ، ثلاث خدامات وبنت صغيرة ما خافوا على بنتهم ؟؟ ليش الزوجة ما ودت البنت بيت امها او بيت اختها او او ولكن ما تخلي بنت لاحول ولا قوة لها بين ايدين خدامة ما فكرت شوي ؟ وين غاب عقلها بذاك الوقت ؟ الحين هي وهي امها لصاحت باخر الليل او اشغلتها عن شئ تأففت وتضايقت وما تتحملها اشلون تبي شغالات يتحملون ياهل رضيع يبي له تغير حفاظة ورضاعة ومدارة طول الوقت ؟؟

للاسف ضاعت التربية وضاع الدين وضاعت القيم وضاعت المسؤولية ، يوم انهم قادرين وما عندهم مشاكل مالية ليش ما قعدت ويا بنتها ؟؟ مب احسن منالخدم ؟؟ والا خروجها للعمل تضييع وقت وتحقيق الذات ؟

ما اقول الا لا حول ولا قوة الا بالله
bnb
04-01-2008, 08:24 PM
ليش شاقحين من السور ليش ما هربوا من الباب
سداوي&مدريدي
04-01-2008, 08:33 PM
ياجمـــاعـــه الخــير 100 % اهـــمال من الأهـــــل
ويــــلا درس لهــــم وهالمـــره عــدت عــلى خيـــــر

:anger2:
المخباط
04-01-2008, 08:35 PM
ليش شاقحين من السور ليش ما هربوا من الباب

نفس السؤال؟:con2:
ضوى
04-01-2008, 08:42 PM
نفس السؤال؟:con2:

لانهم ما يبون احد يشوفهم من باب البيت الجدامي فراحو ورا البيت اللي اكيد يطل على داعوس والا شئ وتسلقوه وشردوا يعين ما في باب وراني عندهم :)
bnb
04-01-2008, 09:58 PM
لانهم ما يبون احد يشوفهم من باب البيت الجدامي فراحو ورا البيت اللي اكيد يطل على داعوس والا شئ وتسلقوه وشردوا يعين ما في باب وراني عندهم :)



بالعكس سيدتي الكريمة خروجهم من الباب هو المعقول والطبيعي

والتسلق من على الأسوار ومخالفة المألوف هو الغير طبيعي
ضوى
04-01-2008, 10:02 PM
بالعكس سيدتي الكريمة خروجهم من الباب هو المعقول والطبيعي

والتسلق من على الأسوار ومخالفة المألوف هو الغير طبيعي


اخوي الفاضل

الموضوع كله خارج عن المالوف وغير طبيعي

وهروبهم عبر سور البيت هو المالوف لانهم لا يريدون ان يراهم احد :)
إنسان
05-01-2008, 02:28 AM
صدقت والله....
لا ويلومون الخدم على عدم الاهتمام بأطفالهم، ولا يلومون أنفسهم على إهمالهم وتفريطهم في حق أبناءهم!
هؤلاء صاروا أباء وأمهات فسيولوجيين؛ في شهادة الميلاد فقط!
أما التربية ،والرعاية،والاهتمام، والحنان فأوكلوها إلى الخادمات والمربيات...
حسبنا الله ونعم الوكيل على هؤلاء!

كلامك في مكانه اخوي qatari1 بس ما نعرف ظروف الناس .. هذي لو عندها حد يمسك بنتها

أكيد كانت ودتها مع وحده من الخدامات بيت اختها أو بيت ابوها .. لكن للأسف ما عندها

واعذرني ما اقدر أوضح اكثر .. كل اللي اقدر اقوله ان امها متوفيه وابوها متزوج وحده ثانيه

يعني بيت ابوها صار غريب عليها



من مسألة حق الجار على الجار تذكرت سالفه احصلت لي قبل رمضان هالسنه بيوم
اسمحوا لي اسردها عليكم
كنت طالعه الصبح الساعه 6من البيت لمدة نص ساعه وفي هالوقت كنت مخليه باب الحوش مفتوح..
وعقب ساعتين اسمع اصوات في الحوش ماااااااااااء ممممممممممممماااااااء امممممماااااااء
طلعت ولا تيس ..اشحلالالالالالالالاته :)وصخله اصغيرونه حللللللللللللللوه
واحترت ياربي من وين هذول من اي بيت حلال من؟؟؟
اشدخلهم البيت...اها يوم اني كنت طالعه دشوا البيت:whistling:
وصورتهم:nice:
http://www.qatarshares.com.qa/data/36/38/storm_2054467436_1822208810.gif
وخذيت دفتر التلفونات وقمت اتصل في الجيران مع ان مالنا كلام وايد معاهم وفي ناس اول مره اكلمهم ذاك اليوم بس هذي حق الجار علي ولازم كنت اتصرف...
وكان بامكاني ابطل لهم الباب ويطلعون وافتك منهم ومايهمني من اللي بيشيلهم...
وماارتحت الا يوم تاكدت من له هالتيس اللي غربلهم لين صادوه وهو يركض في الحوش مايبي يورح معاهم:)
حسيت انهم كانوا مثل الامانه عندي...
ولكن للاسف اليوم الجار صار غير الجار
واسمحوا لي

والله يا لولوتي ونعم الجار انتي .. هذا اللي نقوله وهذا هو القصد من الموضوع :thumbup:


يا حرام عالياهل .. بس بعد نلوم الام اللي ما دقت تسال عن بنتها طول 7 ساعات ؟؟؟؟
بي يعتبر درس لهم اللي صار .. الحمد لله ولدي عمري ما خليته مع الخدامة بروحه ولا اقبل أخليه ..

الله يخليلج أمج اللي تمسك وليدج أو بيت اختج أو او .. الخ .. لكن هذي مقطوعه من شيره


زمن صار فيه كل امر غريب عادي ..
طيب العائلة الله منعم عليها بدل لاتجيب 3 خدامات تترك الشغل ابرك لها .. شغلها بيتها وريلها وعيالها !!! لكن من اللي تقتنع بهالشي !!
7 ساعات وماتتصل تسأل !! معقولة ؟؟ انا اللي بنت وماعندي عيال في البيت اتصل كل شوي اشوف شنو الجديد في اخبار البيت وشنو الغدا وشيسوون و و و الخ شلون هذي تاركه بنتها !!!
نجي للجار !! من منا يعرف جاره اللحين !! الطوفه وحده ومانعرف من حذانا الا بالاسم ؟؟
ربات البيوت يشتغلون ومايردون الا قريب العصر بيتغدون وبيرقدون ويالله يالله يجابلون عيالهم الا بيقومون بواجبهم تجاه الجار..
تصرف الجار غلط غلط غلط والمفروض يمسكهم .. لكن صرنا بزمن كل واحد يالله نفسي

اختي السديم أنا بصراحه سألت تقريبا نفس اسألتج وقلت ما دام مب قاصرهم شي ليش ما

تجابل عيالها .. اللي عرفته ان في حياة أمها ما كان عندها مشكله بس البنت هذي انولدت

بعد وفاة أم صاحبة القصه بفتره .. واللي عرفته انها اطلبت التقاعد خصوصا انها كملت تقريبا

عشرين سنه لكن الموافقه ما جات فحرام تستقيل بعد كل هالسنوات من الخدمه ويضيع

عليها كل شي .. يعني لو ان سنوات الخدمه خمس سنوات مثلا اتوقع انها كانت بتستقيل لكن

عشرين سنه .. الإستقاله صعبه حتى على الأغنياء
Mr Brox
05-01-2008, 02:34 AM
سبحان الله
3 خدامات عاد .. وماعندهم الا طفلة وحدة .. وبعدين تشتكون من ارتفاع الأسعار .. والديون ؟؟؟
إنسان
05-01-2008, 02:44 AM
الجار أكيد غلطان انه ما اتصل يعلم أهل البيت
خصوصاً ان راعي البيت رفيجه ويعرفه !!
والأهل هم غلطانين انهم تركوا البنت عند الخدم
بدون لا يتصلون يسألون
و لو اتصلوا ولا حد رد !! ما يوسوسووون ؟؟؟
ما يحاتون ليش محد يرد !!!
واذا فعلا اخوي الله مرهي عليهم ولا هم محتاجين
الأم ابرك لها تجابل بنتها ولا لها حاجه بالشغل

اختي وطن شوفي ردي السابق وراح تلقين رد على اسألتج :yes:


انا ااقول الجار ماله شغل في همل الام والاب لطفلهم،،الام في الشغل والاب في الشغل والطفل يتربى في حضن الخدامات والله امحق ،، لا ويبقون يجيبون اجيال والله الواحد مايتزوج احسن له،،اذا هذه الحياه عندهم والهمل،،

شلون الجار ماله شغل والرسول صلى الله عليه وسلم وصى على سابع جار

وسابع جار اللي على يمينك احسب سبع جيران واللي على شمالك نفس الشي

واللي قدامك سبع واللي وراك مثلهم :yes:


حرام عليكم تلومون الجار
تبغون الجار يكون ناطور
وحارس للبيت علشان الخدامات وللياهل !!


نبي الجار مثل لولوتي .. روحي شوفي ردها وقارني بين تصرفها وتصرف اللي ادافعين عنه :yu:


لا حول ولاقوة الا بالله
الجار غلطان ، كلن المفروض يبلغ جاره خاصة وهو يعترف انه شافهم شاقحين السور ومع ذلك قلبه قسى والله لو ما فيه ياهل بالبيت بس اللاكيد انه في مشكلة حاصلة وهي هروبهم للاسف الشديد يعني الجار كان اصلا غير مهتم وعلى الدنيا السلام بامثال هالجار التعيس
الام والاب غلطان ، ثلاث خدامات وبنت صغيرة ما خافوا على بنتهم ؟؟ ليش الزوجة ما ودت البنت بيت امها او بيت اختها او او ولكن ما تخلي بنت لاحول ولا قوة لها بين ايدين خدامة ما فكرت شوي ؟ وين غاب عقلها بذاك الوقت ؟ الحين هي وهي امها لصاحت باخر الليل او اشغلتها عن شئ تأففت وتضايقت وما تتحملها اشلون تبي شغالات يتحملون ياهل رضيع يبي له تغير حفاظة ورضاعة ومدارة طول الوقت ؟؟
للاسف ضاعت التربية وضاع الدين وضاعت القيم وضاعت المسؤولية ، يوم انهم قادرين وما عندهم مشاكل مالية ليش ما قعدت ويا بنتها ؟؟ مب احسن من الخدم ؟؟ والا خروجها للعمل تضييع وقت وتحقيق الذات ؟
ما اقول الا لا حول ولا قوة الا بالله

والله كلامج درر اختي ضوى .. بس بطلب منج تتعرفين على ظروفها من الردود السابقه
إنسان
05-01-2008, 03:01 AM
ليش شاقحين من السور ليش ما هربوا من الباب


نفس السؤال؟:con2:

سؤالكم وجيه اخوي bnb واخوي المخباط ورد اختنا ضوى ما بعده رد


لانهم ما يبون احد يشوفهم من باب البيت الجدامي فراحو ورا البيت اللي اكيد يطل على داعوس والا شئ وتسلقوه وشردوا يعين ما في باب وراني عندهم :)

:nice:


بالعكس سيدتي الكريمة خروجهم من الباب هو المعقول والطبيعي
والتسلق من على الأسوار ومخالفة المألوف هو الغير طبيعي

خروج الثلاث خدامات من الباب أمام أعين الجيران في غياب اهل البيت وترك الطفله لوحدها هو الطبيعي في نظرك :nono:


اخوي الفاضل
الموضوع كله خارج عن المالوف وغير طبيعي
وهروبهم عبر سور البيت هو المالوف لانهم لا يريدون ان يراهم احد :)

هذا الكلام المضبوط :app2:


ياجمـــاعـــه الخــير 100 % اهـــمال من الأهـــــل
ويــــلا درس لهــــم وهالمـــره عــدت عــلى خيـــــر
:anger2:

الله يعين كل من عنده ظروف قاسيه ويعين المسلمين omen

.........................

شاكر لكم مروركم الكريم
سلفر
05-01-2008, 03:16 AM
لاحول و لا قوة الا بالله العلي العظيم

الغلط على الاهل و الجار

يعني لو في أهمال من اهل هالطفله المهمله على الاقل الجار يتكلم عيب عليه يشوف و يسكت

والصراحه عيب على اهل الطفلة يتركونها مع الخدم وما اعتقد ان في سبب مقنع يخليهم يتركونها وحيده مع الخدم

حتى لو داعي العمل يشيلون خدامه مع الياهل ويخلونها بيت اهلهم ويخلون الثنتين في البيت يشتغلون

حتى خطط الهروب بتفشل لأن وحده منهم ناقصه ولو اهربوا الوحده هي اللي بتعلم عليهم

بس على الاقل البنت اتكون في مكان آمن :anger2:
إنسان
05-01-2008, 04:03 PM
سبحان الله
3 خدامات عاد .. وماعندهم الا طفلة وحدة .. وبعدين تشتكون من ارتفاع الأسعار .. والديون ؟؟؟

أنا تكلمت عن الطفله أم ثمان شهور بس هم عندهم عيال في المدارس :yes:


لاحول و لا قوة الا بالله العلي العظيم
الغلط على الاهل و الجار
يعني لو في أهمال من اهل هالطفله المهمله على الاقل الجار يتكلم عيب عليه يشوف و يسكت
والصراحه عيب على اهل الطفلة يتركونها مع الخدم وما اعتقد ان في سبب مقنع يخليهم يتركونها وحيده مع الخدم
حتى لو داعي العمل يشيلون خدامه مع الياهل ويخلونها بيت اهلهم ويخلون الثنتين في البيت يشتغلون
حتى خطط الهروب بتفشل لأن وحده منهم ناقصه ولو اهربوا الوحده هي اللي بتعلم عليهم
بس على الاقل البنت اتكون في مكان آمن :anger2:

اختي كلامج صحيح وهذا اللي يسوونه معظم الناس بس صاحبة القصه

مقطوعه من شيره تقريبا .. كل عيالها تربوا في وجود الجده ما عدا آخر طفله

انولدت بعد وفاة الجده وكان نصيبها تكون جليسة الخدامات :eek3:

...............

كل الشكر لمروركم الكريم
ام شادن
05-01-2008, 11:03 PM
شي يعور القلب
إنسان
07-01-2008, 12:22 AM
شي يعور القلب

والله اختي أم شادن الموضوع ذو شجون

أنا بغيت أنتقد الجار وسلبيته وهذا كان الهدف

لكن الأعضاء ركزوا على خطأ عائلة الطفله

والغريبه في أعضاء برأوا ساحة الجار والخادمات

ولكن قاضي السماء موجود وحكمه غير حكم الأعضاء ولله الحمد والمنه

كل الشكر لمرورك الكريم اختي ام شادن
Mr Brox
07-01-2008, 12:36 AM
أنا تكلمت عن الطفله أم ثمان شهور بس هم عندهم عيال في المدارس كل الشكر لمروركم الكريم
الحمد لله على سلامة الرضيعة .. الله يحفظها ويخليها لأهلها ..
بس بعد وجود 3 خدم في اسرة واحدة اعتبره ترف زايد عن اللزوم
إنسان
07-01-2008, 07:07 PM
الحمد لله على سلامة الرضيعة .. الله يحفظها ويخليها لأهلها ..
بس بعد وجود 3 خدم في اسرة واحدة اعتبره ترف زايد عن اللزوم

ترف زايد حق اللي على قد حاله وأنا أعرف شخص متقاعد وزوجته ربة بيت

وعنده خمس عيال ثلاثه منهم مراهقين وراتبه دون العشرة آلاف ريال وعنده

خدامتين ودريول .. فثلاث خادمات حق ناس الله مرهي عليهم يُعتبر طبيعي في مجتمعنا
بوحارب
07-01-2008, 07:17 PM
:weeping::weeping:

تسلم أنسان ع الموضوع المحزن

اكسرت خاطري البنت
الخيزران
07-01-2008, 11:44 PM
الام تتحمل اكبر جانب اللوم ...7 ساعات ولا فكرت تسأل عن بنتها !!!

دام الله منعم عليهم ولله الحمد عيل تقابل بيتها وبنتها ابرك !

الله يكافينا شر الاهمال ...والخدم ...وجار السوء
إنسان
08-01-2008, 03:44 PM
:weeping::weeping:
تسلم أنسان ع الموضوع المحزن
اكسرت خاطري البنت

إكسرت خاطرنا كلنا يا بوحارب :eek3:

أشكرك على المرور الكريم


الام تتحمل اكبر جانب اللوم ...7 ساعات ولا فكرت تسأل عن بنتها !!!
دام الله منعم عليهم ولله الحمد عيل تقابل بيتها وبنتها ابرك !
الله يكافينا شر الاهمال ...والخدم ...وجار السوء

أحلى شي يا الخيزران الدعوه اللي اشملت الكل وخصوصا جار السوء

كل الشكر لمرورك الكريم
المالكي
08-01-2008, 04:26 PM
والله تسلم اخوي ع هـــ الموضوع

والي يقولك ان جاري شاف خدامتي شاقحين الطوفه ويوم جافهم والله العظيم

قالهم تبوني اوصلكم السفاره :tooth:

يوم بلغنا السفاره عن الخدم و قالو لنا وسالنهم اشلون شقحتو وقالو لنا من الي وصلهم

الي هو جاري :swoon2:

وعايلتنا والحمدالله يحسنون المعامله وكانوا الخدمات ايداد مامضى عليهم الا شهرين

فشرايكم :ok2:
nooora
08-01-2008, 09:12 PM
الريال بدل ما يسرف على الخدم يدفع هالراتب لمرته ولا تشتغل برع البيت شنو صارت الفلوس اهم من كل شي الله يهدينا جميعا
ابن الوطن
08-01-2008, 09:39 PM
انت تدري ان بنتي تمت 7 ساعات صياح وخوف وجوع ونامت من التعب:whistling: !!!!!!!


سبحان الله العظيم سبع ساعات ولا فكرت الأم أو الأب
في الاتصال في المنزل للطمئنان على حشاشة يوفهم
أولياء أمور بالوكالة :court:

:nice::nice::nice:
إنسان
08-01-2008, 11:37 PM
والله تسلم اخوي ع هـــ الموضوع
والي يقولك ان جاري شاف خدامتي شاقحين الطوفه ويوم جافهم والله العظيم
قالهم تبوني اوصلكم السفاره :tooth:
يوم بلغنا السفاره عن الخدم و قالو لنا وسالنهم اشلون شقحتو وقالو لنا من الي وصلهم
الي هو جاري :swoon2:
وعايلتنا والحمدالله يحسنون المعامله وكانوا الخدمات ايداد مامضى عليهم الا شهرين
فشرايكم :ok2:

عيل قول حق بعض الأعضاء اللي مب مصدقين وعبالهم اني أألف من راسي

وأطلع قصص من عندي

الله يكون في عونك على الجار وصدق من قال الجار قبل الدار
إنسان
08-01-2008, 11:40 PM
الريال بدل ما يسرف على الخدم يدفع هالراتب لمرته ولا تشتغل برع البيت شنو صارت الفلوس اهم من كل شي الله يهدينا جميعا

كلامج اختي نورا فيه من العقل والحكمه .. والله يهدي الجميع omen
إنسان
09-01-2008, 09:10 AM
:nice::nice::nice:

أحلى ما فيك إنك إخترت أول رد وعملت له إقتباس وحطيت عليه وجه nice :nice:

وريحت بالك ;)