ظـاهــــرة قـــــديمــــة (( هل أنت معها أم ضدها )) !!!

[ذوق]

السلام عليكم ورحمة الله وبركـاته..

عساكم على القوة ..!!!

موضوع أو بالأحرى ظاهرة لفتت نظري بشكل كبير...والي اليوم لم أجد لها تبرير مناسب..

ظاهرة البعض يصفها بالتخلف والرجعية ... :nop:

والبعض الأخــر بالرجولة والنخـوة ... :swoon2:

هي ظـاهرة قــديمــة جدآ وعرفآ توارثها أجدادنـا حتى صدتهـا بعض العائـلاااات لتخلفهـا (( لأن ليس كل عاده قديمه جيده ))

إلا أن بعض العائـلات تمسكت بها إالي يومنـا هذا...!! :pioneer:

الأخ لا يحضــر ( عرس أخته ) = عشـاء الرجـاجيل ولا يرزف ولا يشهر بفرحتـه >>

الي يقول أخته مسوده وجهه ومسويه غلط :nono:

والأب كذلك :nop:

لكـن يزفها عند دخولها قاعـة النسـاء >> حق القـز :p

والأم كذلك لا ترقص في عرس بناتها >> تقول عيييييب

ولكـن الصبغة الغالبه أن مثل هذه الظواهر أنقرضـت...!!


سؤال لأعضاءنـا الكرام..

هل أنت مع أو ضد هذه الظاهره ؟؟؟


شخصــيآ :

لأ أؤيد هذه الظـاهره وبقووووووووووه !!لكم ودي

[رنج سبورت]

هذا زواج وفرحه ومن التخلف عدم الحضور !!! مع العلم ان ردي ماراح يعجب البعض !!

[ذوق]

هذا زواج وفرحه ومن التخلف عدم الحضور !!! مع العلم ان ردي ماراح يعجب البعض !!


حياك الله .. وليش مايعجب البعض..يعني للحـين في ناس جذي :rolleyes2: ؟؟

[Mr Brox]

انا ضد هذه الظاهرة
عزوة البنت في اخوانها واهلهم كلبوهم
في الزواج المفروض يحضر الأخوان وألأبو والاعمام والخوال ..
عشان يبينون للرجال اللي ما خذها أن وراها سبعان وعطران شوارب

[رنج سبورت]

حياك الله .. وليش مايعجب البعض..يعني للحـين في ناس جذي :rolleyes2: ؟؟

:secret:
بسألج سؤال في ناس يرفضون الزوج يشوف زوجته عند الخطوبه ومايشوفها الا يوم الزواج والا لا ؟؟

اذا عرفتي الجواب راح تكونين جاوبتي على سؤالج :victory:

[بــو فهــد]

صحيح هالكلام ! .. وهالشي موجود للحين

اخبر الوالده الله يطول بعمرها تقولي لما بتزوج ولا اي وحده من خواتها يتزوجون يدي الله يرحمه يسافر !

بس الاخوان يحظرون يسلمون ويمشون .. واي نعم بعدها يزفون المعرس لها ..

هذا اللي تربينا عليه .. ومافيه غلط ! =)

[رنج سبورت]

صحيح هالكلام ! .. وهالشي موجود للحين

اخبر الوالده الله يطول بعمرها تقولي لما بتزوج ولا اي وحده من خواتها يتزوجون يدي الله يرحمه يسافر !

بس الاخوان يحظرون يسلمون ويمشون .. واي نعم بعدها يزفون المعرس لها ..

هذا اللي تربينا عليه .. ومافيه غلط ! =)

كلامك صحيح اخوي امور كثيره تربينا عليها وسووها اجدادنا الله يرحمهم ويغفر لهم لكن هل معنى هالكلام ان بعض الامور لاتتغير نهائيا !!!

[ذوق]

صحيح هالكلام ! .. وهالشي موجود للحين

اخبر الوالده الله يطول بعمرها تقولي لما بتزوج ولا اي وحده من خواتها يتزوجون يدي الله يرحمه يسافر !

بس الاخوان يحظرون يسلمون ويمشون .. واي نعم بعدها يزفون المعرس لها ..

هذا اللي تربينا عليه .. ومافيه غلط ! =)


بسألك سؤال بسيط أخوي...وأتمنى أنك ماتفهم كلامي غلط...

وهو ليس تنقيص من قدرك (( والنعم فيك وفي تربيتك )) !!

بس هل تعتقد كل فكره وكل عادة يزرعها الأهل في فلذاتهم يجب وبصراااامه أن تكون صحيحة..

ولا شوفة عينك يالطيب...ما كـان شفت عائلات غير سوية في عالمنـا الكبير :(

من وجهة نظري ان الشخص يجب أن يحتم تفكيره قبل أن يستقبل الفكره التي تعود عليها :protest:

حسنآ بسألك سؤال أخوي...اذا كنت الأخ الوحيد في المنزل والباقي كلهم خوات...معقوله مابتحضر عرس ولا وحده فيهم ؟؟ :confused:

[ذوق]

:secret:
بسألج سؤال في ناس يرفضون الزوج يشوف زوجته عند الخطوبه ومايشوفها الا يوم الزواج والا لا ؟؟

اذا عرفتي الجواب راح تكونين جاوبتي على سؤالج :victory:

احممممم علــم :shy:

[ذوق]

انا ضد هذه الظاهرة
عزوة البنت في اخوانها واهلهم كلبوهم
في الزواج المفروض يحضر الأخوان وألأبو والاعمام والخوال ..
عشان يبينون للرجال اللي ما خذها أن وراها سبعان وعطران شوارب

هههههههههههههههههههه ردك عجبني بصراحه :ok: والنعم فيـكـ

[Mr Brox]

هههههههههههههههههههه ردك عجبني بصراحه :ok: والنعم فيـكـ

الله ينعم بحالك .. ما عليك زود يالغالية
بس فعلا البنات هم سترنا وغطانا .. ولازم نحرص عليهم من اي شيء ثاني

[ذوق]

سبحـان الله ويحمده

[Qatar1122]

السلام عليكم ورحمة الله وبركاته
حبيت اشارك بخصوص اللي ينتقد بعض العادات و التقاليد!
العادات و التقاليد و السلوم عرف عند كل القبايل القطرية و 99% متقاربة و الشي المنقود ترفضه كل قبيلة
والعجيب إن الجيل الحالي ينتقد أمور ويشوفها متخلفه أو رجعيه!! السؤال هو..معقولة إن الأعراف القبلية اللي احتفظ فيها العرب منذ الاف السنين يجي يجيل و ينتقدها؟؟
بالنسبة لي أنا أحترم و أقدر كل عاداتنا و تقاليدنا اللي تربينا عليها و تأسسنا عليها و العادات الدخيلة هي اللي تبي تغير هالأمور! و اذا تغييرت فعلى الشعوب العربية الخليجية المسلمة السلام! لأن الرسول صلى الله عليه وسلم قال : إنما بعثت لأتمم مكارم الأخلاق! بمعنى إن مكارم الأخلاق لدى العرب موجوده قبل بعثة الرسول الكريم صلوات الله وسلامه عليه..بمعنى آخر العادات و التقاليد !
و السلام عليكم ورحمة الله وبركاته

[ذوق]

السلام عليكم ورحمة الله وبركاته
حبيت اشارك بخصوص اللي ينتقد بعض العادات و التقاليد!
العادات و التقاليد و السلوم عرف عند كل القبايل القطرية و 99% متقاربة و الشي المنقود ترفضه كل قبيلة
والعجيب إن الجيل الحالي ينتقد أمور ويشوفها متخلفه أو رجعيه!! السؤال هو..معقولة إن الأعراف القبلية اللي احتفظ فيها العرب منذ الاف السنين يجي يجيل و ينتقدها؟؟
بالنسبة لي أنا أحترم و أقدر كل عاداتنا و تقاليدنا اللي تربينا عليها و تأسسنا عليها و العادات الدخيلة هي اللي تبي تغير هالأمور! و اذا تغييرت فعلى الشعوب العربية الخليجية المسلمة السلام! لأن الرسول صلى الله عليه وسلم قال : إنما بعثت لأتمم مكارم الأخلاق! بمعنى إن مكارم الأخلاق لدى العرب موجوده قبل بعثة الرسول الكريم صلوات الله وسلامه عليه..بمعنى آخر العادات و التقاليد !
و السلام عليكم ورحمة الله وبركاته

بالعكس أخوي...انا لا اقف ضد العادات والتقاليد..إلا ما زاد التكلف والمبالغه فيها..والمشكله انها لا تمت للدين بصـله

سؤال بسيط جدآ :

هل تعتقد أن الرسول (صلى الله عليه وسلم ) كان سيوافق على هذه الظاهرة وهل سيعتبرها من مكارم الأخلاق

ياليت مانخلط الحابل بالنابل ونحكم طرقة تفكيرنا شوي :)

في النهاية وجهة نظري .. وأتمنى تتقبلها بسعة صدر :)

حيك الله يالطيب :shy:

[سداوي&مدريدي]

ويـــن الخـــلل أخـــتي؟؟

[ذوق]

ويـــن الخـــلل أخـــتي؟؟

ما فهمـت على سؤلك يا ليت توضح :victory:

[بــو فهــد]

كلامك صحيح اخوي امور كثيره تربينا عليها وسووها اجدادنا الله يرحمهم ويغفر لهم لكن هل معنى هالكلام ان بعض الامور لاتتغير نهائيا !!!



اخوي رنج سبورت , الله يرحم اجدادنا ويغمد روحهم الجنه ,,

بالعكس , لكن كل واحد حر في نفسه ,, هالشي ما بيكنسل الزواج ولا بيزعل العروس ..
اللي يبي يتمسك بهالعاده ولا ما يبي يتمسك شي عادي .. لكن كرأي شخصي .. انا اتمسك فيها .. مثل ما قلت .. اروح العرس ادخل اسلم عـ المعرس واباركله واروح الفندق عشان الزفه <- مادري صح يسمونها جذي ولا لا ..

بسألك سؤال بسيط أخوي...وأتمنى أنك ماتفهم كلامي غلط...

وهو ليس تنقيص من قدرك (( والنعم فيك وفي تربيتك )) !!

بس هل تعتقد كل فكره وكل عادة يزرعها الأهل في فلذاتهم يجب وبصراااامه أن تكون صحيحة..
لا مب كل عاده .. لكن هالعاده هذي .. شنو ضررها ؟ اللي يبي يرزف في عرس اخته ولا بنته خله يرزف ويستانس .. انا ماعندي مشكله , يعني لو اني تزوجت وجا ابو العروس يرزف ما بنقد عليه ! .. كل واحد حر في نفسه :ok:

ولا شوفة عينك يالطيب...ما كـان شفت عائلات غير سوية في عالمنـا الكبير

من وجهة نظري ان الشخص يجب أن يحتم تفكيره قبل أن يستقبل الفكره التي تعود عليها

حسنآ بسألك سؤال أخوي...اذا كنت الأخ الوحيد في المنزل والباقي كلهم خوات...معقوله مابتحضر عرس ولا وحده فيهم ؟؟
ممم .. مثل ما قلت قبل .. بحضر بس بدون رزيف وعفسه .. احضر كـ " مدعو " لاني عمري ما شفت حد يروح حق ابو العروس يقوله بالمبارك يا بوفلان ! .. شي تعودنا عليه من زمان

اتمنى اني قدرت اوصل الفكره :)

[هسلان]

هذه الضاهرة للأسف الشديد موجودة وهي عند بعض العوائل اللي فاهمه الموضوع قلط وهي ليست من العادات والتقاليد الأصيلة لأهل الخليج وأعتقد أن اللي يطبقونها مش فاهمين الموضوع
وهنا بضيف شيء أخر
الزواج في السابق كان يقام أمام بيت العروس ويجتمع أهل المعرس والعروس في نفس المكان
ولكن التطور الأن جعل المعرس يعمل الزواج عن بيته وأهل العروس خبر خير وهذا غلط
لا وبعد أخو العروس يكون بمثابت سائق العروس والحاس الشخصي عند باب قاعة الأفراح
هذي قمة المسخرة لأن الزواج أشهار وفرحة تعم أهل العروسين ويتم من خلالها التعارف

تقبلي تحياتي

[ضوى]

هالظاهرة مب عندنا لا من قديم ولا من جديد ، يعني ما مرت علي

[حبر سري]

بصراحة هالشي متبع عندنا في العيلة
واحنا نتبعه

بس ليش؟؟ بصراحة مادري

وادري ان هالشي ماله علاقة بالدين

بس في نفس الوقت مااظن حرام
وانا لاني مؤيد ولا ني معارض
بس هالشي تعودنا عليه في العايلة عندنا

شالسبب؟؟؟ الله اعلم

[ذوق]

اخوي رنج سبورت , الله يرحم اجدادنا ويغمد روحهم الجنه ,,

بالعكس , لكن كل واحد حر في نفسه ,, هالشي ما بيكنسل الزواج ولا بيزعل العروس ..
اللي يبي يتمسك بهالعاده ولا ما يبي يتمسك شي عادي .. لكن كرأي شخصي .. انا اتمسك فيها .. مثل ما قلت .. اروح العرس ادخل اسلم عـ المعرس واباركله واروح الفندق عشان الزفه <- مادري صح يسمونها جذي ولا لا ..

ممم .. مثل ما قلت قبل .. بحضر بس بدون رزيف وعفسه .. احضر كـ " مدعو " لاني عمري ما شفت حد يروح حق ابو العروس يقوله بالمبارك يا بوفلان ! .. شي تعودنا عليه من زمان

اتمنى اني قدرت اوصل الفكره :)


حياك الله :o

[ذوق]

هذه الضاهرة للأسف الشديد موجودة وهي عند بعض العوائل اللي فاهمه الموضوع قلط وهي ليست من العادات والتقاليد الأصيلة لأهل الخليج وأعتقد أن اللي يطبقونها مش فاهمين الموضوع
وهنا بضيف شيء أخر
الزواج في السابق كان يقام أمام بيت العروس ويجتمع أهل المعرس والعروس في نفس المكان
ولكن التطور الأن جعل المعرس يعمل الزواج عن بيته وأهل العروس خبر خير وهذا غلط
لا وبعد أخو العروس يكون بمثابت سائق العروس والحاس الشخصي عند باب قاعة الأفراح
هذي قمة المسخرة لأن الزواج أشهار وفرحة تعم أهل العروسين ويتم من خلالها التعارف

تقبلي تحياتي

ولو أني مافهمت يا هسلان بس حياك الله :nice:

[ذوق]

هالظاهرة مب عندنا لا من قديم ولا من جديد ، يعني ما مرت علي

غريبه يا ضـوى توقعتج أنتي بالذات تعرفين عن هالظاهره :sneaky::court:

[ذوق]

بصراحة هالشي متبع عندنا في العيلة
واحنا نتبعه

بس ليش؟؟ بصراحة مادري

وادري ان هالشي ماله علاقة بالدين

بس في نفس الوقت مااظن حرام
وانا لاني مؤيد ولا ني معارض
بس هالشي تعودنا عليه في العايلة عندنا

شالسبب؟؟؟ الله اعلم

وهذا الشئ الي مع أحترامي لك أخوي ولغيرك..ماحبيته..ان يكون الشخص تبع لشئ لا يعرفه..وهذا ما أتاه الكثير من العائلات في كثير من قضايا العادات والتقاليد التي لا تمت للدين بصله..

تقبل تحياتي أخوي

وحياك الله :)

[حبر سري]

وهذا الشئ الي مع أحترامي لك أخوي ولغيرك..ماحبيته..ان يكون الشخص تبع لشئ لا يعرفه..وهذا ما أتاه الكثير من العائلات في كثير من قضايا العادات والتقاليد التي لا تمت للدين بصله..

تقبل تحياتي أخوي

وحياك الله :)

اختي ومع احترامي لج , انا ماقلت انها فرض , انا قلت لج مالها اصل في الدين , لكن في نفس الوقت هل تقدرين اتحرمينها؟
اذا عندج ادلة على تحريمها فانا والله من بكرة مستعد اكنسلها واشيلها من راسي
ماتمت للدين بصلة ماقلنا شي , بس هل هي حرام؟؟ بنص القران او السنة؟؟

اختي
انا ماقلت اني مؤيد , لكن في نفس الوقت مش معارض
واذا العروس نفسها ماكانت زعلانة من هالشي , ليش انصير ملكيين اكثر من الملك؟؟
هي يمكن يرضيها اتشوف اهلها لما زوجها يدخل عليها القاعة, هالشي هو اللي يريحها

وارجع واقول , لاني مؤيد ولا معارض
لانها لو كانت مخالفة للدين كان عارضت

بس مااشوف انها معارضة للدين
واللي يشوف هالشي ياريت يثبته بالادلة

اللي يبي يطبق هالشي , كيفه , واللي مايبي يطبقه كيفه

والله يحييج

[ذوق]

اختي ومع احترامي لج , انا ماقلت انها فرض , انا قلت لج مالها اصل في الدين , لكن في نفس الوقت هل تقدرين اتحرمينها؟
اذا عندج ادلة على تحريمها فانا والله من بكرة مستعد اكنسلها واشيلها من راسي
ماتمت للدين بصلة ماقلنا شي , بس هل هي حرام؟؟ بنص القران او السنة؟؟

اختي
انا ماقلت اني مؤيد , لكن في نفس الوقت مش معارض
واذا العروس نفسها ماكانت زعلانة من هالشي , ليش انصير ملكيين اكثر من الملك؟؟
هي يمكن يرضيها اتشوف اهلها لما زوجها يدخل عليها القاعة, هالشي هو اللي يريحها

وارجع واقول , لاني مؤيد ولا معارض
لانها لو كانت مخالفة للدين كان عارضت

بس مااشوف انها معارضة للدين
واللي يشوف هالشي ياريت يثبته بالادلة

اللي يبي يطبق هالشي , كيفه , واللي مايبي يطبقه كيفه


بالعكس اخوي ولا أنا أشوف أنها معارضه للدين .. ولكن إشاعة الطمأنينه والراحة والترابط الأسري والمشاركه في السراء والضراء..اكيد بيفرح العروس..وبحكمي بنت أقدر أقولك أن اكيد العروس ودها بان أخوها ولا أبوها يحضرون عرس الرجاجيل ويفرحون لفرحها :)

مثال بسيط :

مب عيب ولا حرام لمن تاكل في صحن بروحك..( حرية شخصية وشئ عااادي )

وفي نفس الوقت مايزعل..لكن ما شعورك لو شاركت في وليمة؟

( اكيد طابع الألفه يغرق الجو ) :nice:

في النهاية هذه وجهة نظر شخصيه... وإنشاءالله تزول تمامآ مع الزمن :o

وحياك الله يالطيب..منور

أختك

ذوق

[ضوى]

غريبه يا ضـوى توقعتج أنتي بالذات تعرفين عن هالظاهره :sneaky::court:


:whistling::whistling::whistling::whistling::whist ling:

لا والله ما اعرفها ولا مرت علي بوسط اهلنا :oops:

[ذوق]

:whistling::whistling::whistling::whistling::whist ling:

لا والله ما اعرفها ولا مرت علي بوسط اهلنا :oops:

حيــــــاج يالغلا ... والله لا يمررها إنشاءالله :nice:

[حبر سري]

بالعكس اخوي ولا أنا أشوف أنها معارضه للدين .. ولكن إشاعة الطمأنينه والراحة والترابط الأسري والمشاركه في السراء والضراء..اكيد بيفرح العروس..وبحكمي بنت أقدر أقولك أن اكيد العروس ودها بان أخوها ولا أبوها يحضرون عرس الرجاجيل ويفرحون لفرحها :)

مثال بسيط :

مب عيب ولا حرام لمن تاكل في صحن بروحك..( حرية شخصية وشئ عااادي )

وفي نفس الوقت مايزعل..لكن ما شعورك لو شاركت في وليمة؟

( اكيد طابع الألفه يغرق الجو ) :nice:

في النهاية هذه وجهة نظر شخصيه... وإنشاءالله تزول تمامآ مع الزمن :o

وحياك الله يالطيب..منور

أختك

ذوق

طيب وانا وشقلت؟
نفس كلامج
لاهي حلال
ولاهي حرام

وفي نفس الوقت اذا كانت العروس مرتاحة او مايضايقها هالشي فخلاص
مافي داعي انركز عليه
وارجع واقول لاني مؤيد ولاني معارض

والله يحييج مرة ثانية اختي
ومنور بوجودج

اخوج
حبر سري

[{راشد}]

انا اشوف ان المفروض مايفرح اهل العروس من الرجال الا اذا اخذ اختهم واحد من العائلة,,
اما غير ذالك ضد الا ختلاط الواضح او اظهار الفرح لخوان العروس وبوها ,,
اول شي تنكسر هيبة ابوها وخوانها ويصغرون في نظر المعرس واهله,,
لانهم ما كنهم مصدقين انهم جوزوها لهم ,,

وهذا من اسباب عدم الفرح ,,

وانا معها !!

ينطيك العافيه

[حبر سري]

انا اشوف ان المفروض مايفرح اهل العروس من الرجال الا اذا اخذ اختهم واحد من العائلة,,
اما غير ذالك ضد الا ختلاط الواضح او اظهار الفرح لخوان العروس وبوها ,,
اول شي تنكسر هيبة ابوها وخوانها ويصغرون في نظر المعرس واهله,,
لانهم ما كنهم مصدقين انهم جوزوها لهم ,,

وهذا من اسباب عدم الفرح ,,

وانا معها !!

ينطيك العافيه

؟؟
والله اخوي اسمح لي اعارضك
انا اشوف ان المفروض عيلة العروس كلها ماتفرح الا اذا خذ بنتهم رجال يقدرها , ويصونها ويستر عليها , سواء من العيلة او خارجها

[ورقــة أمــل]

اختي في ناس عندنا ماشين على هالمور وفي ناس لا

بس ليش متبعينها مادري وماعندي مشكلة في هالموضوع

اللي يبي يدش يدش واللي يبي يرقص يرقص كيفهم خخخخخ

المهم الوحده تتزوج :oops:

[{راشد}]

؟؟
والله اخوي اسمح لي اعارضك
انا اشوف ان المفروض عيلة العروس كلها ماتفرح الا اذا خذ بنتهم رجال يقدرها , ويصونها ويستر عليها , سواء من العيلة او خارجها

محد يجوز بنته حاليا غصبا او موراضي من الزيجه !!

واحترم اعتراضك

[بولينجر]

هالظاهرة موجودة عندنا...لكن بالصراحة ما تقدر تجبر حد يحضر عرس بنته أو أخته أو إنك تحضر وتخرج عن العرف!!!

[ذوق]

انا اشوف ان المفروض مايفرح اهل العروس من الرجال الا اذا اخذ اختهم واحد من العائلة,,
اما غير ذالك ضد الا ختلاط الواضح او اظهار الفرح لخوان العروس وبوها ,,
اول شي تنكسر هيبة ابوها وخوانها ويصغرون في نظر المعرس واهله,,
لانهم ما كنهم مصدقين انهم جوزوها لهم ,,

وهذا من اسباب عدم الفرح ,,

وانا معها !!

ينطيك العافيه

:whistling: حياك الله

[ذوق]

اختي في ناس عندنا ماشين على هالمور وفي ناس لا

بس ليش متبعينها مادري وماعندي مشكلة في هالموضوع

اللي يبي يدش يدش واللي يبي يرقص يرقص كيفهم خخخخخ

المهم الوحده تتزوج :oops:

يا عيني عليج يالقنوعه...انا ماقصد لما تدخل العروس..انا اقصد عرس الرجاجيل..لأن طريقتهم تظهر للرجاجيل أن العروس متزوجه غصبن عن أهلها..واخوها ولا ابوها مب راضين وزعلانين عليها..يعني كلش أشوفها مو حلوه :court:

حياج يا عسل

[الزاجل]

اممممممممممممممممممممممممم

ذوق
كل شي بدى يتغير ..اللي كان غلط صار صح
بدينا انشوف هل البنت يحضرون بعض العروس .

ومع الأيام بتحصلين هل البنت رازين الويه قبل المعرس


وفي المستقبل القريب
بتحصلين عرس الريايل مع عرس الحريم
في نفس القاعة
و على اضواء الشموع
بتحصلين اللي بيقول للثاني
ترقصين معاي هالرقصة الخمارية

[التيما]

احنا ربينا الأب ما يحضر عرس بنته .. عادي بس الاخ جديده انه مايروح !! بس ليش مسوينها قضية الي يمشون على هالعرف براحتهم والي لا كيفهم وين القضية ؟

[الزاجل]

احنا ربينا الأب ما يحضر عرس بنته .. عادي بس الاخ جديده انه مايروح !! بس ليش مسوينها قضية الي يمشون على هالعرف براحتهم والي لا كيفهم وين القضية ؟

اما انت بصراحة قاطعة ارزاق ..:sneaky:

اللحين لو مثل هالسوالف ما انفتحت
اشلون بنثري المنتديات بالمواضيع . ؟ :court:

[التيما]

اما انت بصراحة قاطعة ارزاق ..:sneaky:

اللحين لو مثل هالسوالف ما انفتحت
اشلون بنثري المنتديات بالمواضيع . ؟ :court:

:oops: .. لانه بديهياً الي مو عاجبه هالشي طبيعي ماراح يسويه :strong

بس الي مقتنع فيها حلاتنا يحترمها وانا عن نفسي أحب هالعرف :whistling:

[ذوق]

اممممممممممممممممممممممممم

ذوق
كل شي بدى يتغير ..اللي كان غلط صار صح
بدينا انشوف هل البنت يحضرون بعض العروس .

ومع الأيام بتحصلين هل البنت رازين الويه قبل المعرس


وفي المستقبل القريب
بتحصلين عرس الريايل مع عرس الحريم
في نفس القاعة
و على اضواء الشموع
بتحصلين اللي بيقول للثاني
ترقصين معاي هالرقصة الخمارية

هههههههههههههههههههههههههههههههههههههههههههههههههه ههه ضحكتني الله يضحك سنك

[ذوق]

احنا ربينا الأب ما يحضر عرس بنته .. عادي بس الاخ جديده انه مايروح !! بس ليش مسوينها قضية الي يمشون على هالعرف براحتهم والي لا كيفهم وين القضية ؟

مفيش قضيه ولا حـاقه :sneaky:

انتي عاجبج انا مب عاجبني ... لأنها ظاهره مالها معنى مع احترامي للبقيه :court:

هذي فيها دم عندنا :fight: لوووووووول

حياج الله عزيزتي :nice: وأحترم رايج

[الزاجل]

:oops: .. لانه بديهياً الي مو عاجبه هالشي طبيعي ماراح يسويه :strong

بس الي مقتنع فيها حلاتنا يحترمها وانا عن نفسي أحب هالعرف :whistling:


انزين خلاص لا اتزين :sneaky:

[الزاجل]

انزين لو سمحتوا بسأل سؤال .


صج هو ليش هل البنت ما يحضرون عرس الريايل ؟

يعني حرام عليهم يتعشون ببلاش ؟...> وخاصة مع ارتفاع الأسعار :eek5:

[رنج سبورت]

اخوي رنج سبورت , الله يرحم اجدادنا ويغمد روحهم الجنه ,,

بالعكس , لكن كل واحد حر في نفسه ,, هالشي ما بيكنسل الزواج ولا بيزعل العروس ..
اللي يبي يتمسك بهالعاده ولا ما يبي يتمسك شي عادي .. لكن كرأي شخصي .. انا اتمسك فيها .. مثل ما قلت .. اروح العرس ادخل اسلم عـ المعرس واباركله واروح الفندق عشان الزفه <- مادري صح يسمونها جذي ولا لا ..

ممم .. مثل ما قلت قبل .. بحضر بس بدون رزيف وعفسه .. احضر كـ " مدعو " لاني عمري ما شفت حد يروح حق ابو العروس يقوله بالمبارك يا بوفلان ! .. شي تعودنا عليه من زمان

اتمنى اني قدرت اوصل الفكره :)
اخوي اتفق معاك في كل اللي قلته
يعني في النهايه تحضر العرس وتبارك وتؤدي دورك :nice:

[بوحارب]

شي عادي حضور عرس الأخت !!!!

[الزاجل]

شي عادي حضور عرس الأخت !!!!

لا حول ولا قوة الا بالله
هذا اللي بيزوج خواته من بكرة ..:court:

يا بابا لا مب عادي

بس ليش مب عادي ؟
هذا السؤال اللي سدح نفسه اللحين ..

عند جواب مقنع بعيد عن تعودنا عليه وخلاص ؟

[بوحارب]

لا حول ولا قوة الا بالله
هذا اللي بيزوج خواته من بكرة ..:court:

يا بابا لا مب عادي

بس ليش مب عادي ؟
هذا السؤال اللي سدح نفسه اللحين ..

عند جواب مقنع بعيد عن تعودنا عليه وخلاص ؟

:sneaky::sneaky::sneaky:

ما عرف شكتب :whistling:
يعني ما تدري انه ما عندي اسلوب فالرد مثلك:sorry:

[الزاجل]

:sneaky::sneaky::sneaky:

ما عرف شكتب :whistling:
يعني ما تدري انه ما عندي اسلوب فالرد مثلك:sorry:

وين اسلوب في الرد مثلك :omen2:
حاس انك انت الوحيد اللي مقدرني :weeping:
من عقب ما بدت الرعاية تتهاوى اطلعوا اللي كانوا يعزوني
اعداء لي :weeping:

[التيما]

لا حول ولا قوة الا بالله
هذا اللي بيزوج خواته من بكرة ..:court:

يا بابا لا مب عادي

بس ليش مب عادي ؟
هذا السؤال اللي سدح نفسه اللحين ..

عند جواب مقنع بعيد عن تعودنا عليه وخلاص ؟

طيب سؤال ثاني ليش ثاني يوم الغدا في بيت اهل العروس مو العريس ؟؟ وليش عيب في حق اهل العروس لو ما سوو غدا ثاني يوم ؟؟ :sneaky:

[الزاجل]

طيب سؤال ثاني ليش ثاني يوم الغدا في بيت اهل العروس مو العريس ؟؟ وليش عيب في حق اهل العروس لو ما سوو غدا ثاني يوم ؟؟ :sneaky:

اممم
نفس لما يقولون ليلة الحنة على العروس :fight:

[مزيون الدوحه]

مع العادات والتقاليد 100%
وايش بيظر اذا حافظنا على عادات اجدادنا ؟؟
الحين بنقول هاذي العاده غلط وبتندثر
وبعدها بنشوف العادات الباقيه غلط
لييييييييييين تندثرجميع العادات نهائيا

بصراحه مافيها شي اذا مشينا على هذه التقاليد.

[ذوق]

حياكم الله أخواني..ايآ كانت الأراء ونتقبلها بصدر رحب...والقصد من الموضوع نعرف السبب قبل اي شئ أخر :court: يعني مو مع الخيل يا شقرا وخلاص :court:

بس الي يضحك في بعض ردود اخوانا بارك الله فيهم..

( الي مسوين فيها أسود..وهم قطاوه ) .. في المنتدى شي وبره المنتدى شي ثاني :whistling:

[متسبب]

انا في عرس اختي على ولد عمي حضرت وانا اضحك
وعرس اختي الثانيه على ولد خالتي بعد حضرت وانا اضحك
ايش المشكله يعني
مع اني سمعت ان بعض العوايل يقولون عيب لكن بالنسبه لي انا ماعندي مشكله مادام السالفه فيها عشا ببلاش :whistling:

[Darco]

سبب أن والد وأخوان العروس مايحضرون العرس في التقاليد القطرية هو أنهم مايبون يطلعون وكأنهم "ميتين" على المعرس وماصدقوا زوجوا بنتهم له. لذلك يجي والد العروس وأخوانها ويسلمون ويجلسون ويطلعون ينتظرونهم في مجلس والد العروس. إما إذا كان المعرس يقرب للعروس فعادي يحضر والد العروس وعياله طول العرس. وبس.

هل أنا مع هذا الشيء؟ أيه .. طالما أنه ما يتعارض مع الدين.

[ذوق]

سبب أن والد وأخوان العروس مايحضرون العرس في التقاليد القطرية هو أنهم مايبون يطلعون وكأنهم "ميتين" على المعرس وماصدقوا زوجوا بنتهم له. لذلك يجي والد العروس وأخوانها ويسلمون ويجلسون ويطلعون ينتظرونهم في مجلس والد العروس. إما إذا كان المعرس يقرب للعروس فعادي يحضر والد العروس وعياله طول العرس. وبس.

هل أنا مع هذا الشيء؟ أيه .. طالما أنه ما يتعارض مع الدين.


حياك الله أخوي...

بس في النهايه الأعمال بالنيه سواءآ اذا كانوا ميتين على زواج بنتهم أم لأ :nice:

[هداف]

هذا ما يسمى في عرف العرب وعيال القبايل (( السنع )) ولكل مناسبه سنع وعرف يتبعه الناس

ودائماما يكون استقبال اهل العروس لاي معرس كبر شأنه او صغر يكون بتحفظ وبثقل نفس وبهذه الطريقه هم يعزون بنتهم ويبينون لهذا المعرس خصوصا لو كان من خارج العائله او من قبيله ثانيه انهم ماهم ميتين عليه انه بياخذ بنتهم وهذا التصرف فيه من الوجاهه والكبرياء الشيء الكثير والنفس العربيه تتبع هواها على ما ربت عليه من العزه والهيبه ولذلك تصرف الاجداد بهذه الطريقه ونحن على نهجهم ومن يخالف الاجداد ويريد ان يرقص في عرس اخته ويصفق ويرزف في عرس اخته !!!
(( فشله )) يسوي اللي بسويه لكن لايقول هذا صح
عمرها ما صارت خصوصا لو كان النسيب من قبيله ثانيه صراحه قمة المهزله اني ارزف في عرسه علشانه متزوج اختي الله يفشلكم على تفكيركم هذا التصرررررررررف عيب وما يليق انتوا الظاهر متأثرين با لمسلسلات المصريه يقعد اخو العروس يترقص ويهز وسطه في عرس اخته !!

هزلت

[alhilam]

العادات تختلف من قبيله لقبيله
وهناك بعض القبائل يجهزون غرفه نوم للمعاريس في بيت العروس وينامون فيها اول ليله بس
وذلك في بيت العروس واعتقد ان هذي الظاهره انقرضت اللحين

[ذوق]

هذا ما يسمى في عرف العرب وعيال القبايل (( السنع )) ولكل مناسبه سنع وعرف يتبعه الناس

ودائماما يكون استقبال اهل العروس لاي معرس كبر شأنه او صغر يكون بتحفظ وبثقل نفس وبهذه الطريقه هم يعزون بنتهم ويبينون لهذا المعرس خصوصا لو كان من خارج العائله او من قبيله ثانيه انهم ماهم ميتين عليه انه بياخذ بنتهم وهذا التصرف فيه من الوجاهه والكبرياء الشيء الكثير والنفس العربيه تتبع هواها على ما ربت عليه من العزه والهيبه ولذلك تصرف الاجداد بهذه الطريقه ونحن على نهجهم ومن يخالف الاجداد ويريد ان يرقص في عرس اخته ويصفق ويرزف في عرس اخته !!!
(( فشله )) يسوي اللي بسويه لكن لايقول هذا صح
عمرها ما صارت خصوصا لو كان النسيب من قبيله ثانيه صراحه قمة المهزله اني ارزف في عرسه علشانه متزوج اختي الله يفشلكم على تفكيركم هذا التصرررررررررف عيب وما يليق انتوا الظاهر متأثرين با لمسلسلات المصريه يقعد اخو العروس يترقص ويهز وسطه في عرس اخته !!
هزلت


ما أعتقد هذه طريقة حـوار ناضجـه أخوي العزيز :)

وكـلنا عندنا سنع ... بدون شهادتك أخوي :)

وأحنا ما قلنا يهز وسطه ويخف من عقله وما شابه ذلك..بس يحضر ويوجب ويبين للنـاس أن وراها ظهور وسند ورجـاجيل...والله من وراء القصد..

حياك الله :o

[مريش]

انا معاها ومافيها شي
تعودنا منذ قديم الازل

لكن عيالنا اكيد مابيسوون مثلنا

[AL_MUTAEM]

بصراحه من وجهة نظري ان الواحد كأب او كأخ لازم يحضرون زواج بنتهم مش مايحضرون حفل الزواج ...

فيه قبائل تحضر وقبائل ماتحضر كما ان هناك بعض الفخايذ من قبيله تحضر الزواج مع ان بعض الفخايذ من نفس القبيله ماتحبذ حضور حفل الزواج ..:sneaky:


شنهي الفايده من عدم الحضور لزواج بنتهم ؟؟

وبصراحه شي جديد اعرفه من موضوع ذوق وهو ان الوالده ماتفرح بزواج بنتها يعني ماترقص بزواج بنتها وخوات العروس بعد ممنوع عليهم ..

انا لو لي اخت بتتزوج ما اظن ان حد يمنعني من حضور زواجها وىانا اللي بزفها لزوجها بس الله مارزقني بأخت :weeping: بس يمكن اذا تزوجت ربي يرزقني ببنوته وراح احضر زواجها ..

بصراحه هناك كثير من العادات والتقاليد اندثرت واندفنت بغبار الزمن ليش هالعاداه بعدم الحضور ماتندفن ؟؟؟؟

[MoHaMmEd114]

انا ضدها

لكن

اذا ماتظر الدين فلامانع منها

[sulai6i]

السلام عليكم ..

هالعادة فعلا موجودة ومازال البعض متمسك بها
والبعض الآخر كسرها جزئيا بحيث ان اخوان العروس يذهوب للمعرس للسلام عليه فقط من دون الجلوس للعشاء

اما بخصوص ان اخوان العروس يرزفون في عرس زوج اختهم !! انا شخصيا ما اتقبلها

[هداف]

ما أعتقد هذه طريقة حـوار ناضجـه أخوي العزيز :)

وكـلنا عندنا سنع ... بدون شهادتك أخوي :)

وأحنا ما قلنا يهز وسطه ويخف من عقله وما شابه ذلك..بس يحضر ويوجب ويبين للنـاس أن وراها ظهور وسند ورجـاجيل...والله من وراء القصد..

حياك الله :o

تأكدي اختي انها طريقة حوار ناضج وكلا نعطيه على حد فكره وطرحه

وطرحج يستوجب منا هذه الجديه والاشمئزاز

ومن قال انا جيت هنا اشهد لج با لسنع !! انتي هنا خالفتي السنع !!

وتأكدي ما تطالبين به هنا هو المخفه بحد ذاتها والضرب با الاعراف عرض الحائط

وسالفة ان اخوها اذا رزف في عرس نسيبه هذا يدل على الواجب و ان وراها رجاجيل
ههههههههههههههههههههههههههههههه قسم بالله ضحكت وانا مابي اضحك واي قطري اصيل بيقرا كلامج وبيضحك

لايسعني هنا الا نا اقول شكرا اختي ضحكتيني ولاحد يزعل من الصج


وعيش رجب تشوف العجب

[qaswed]

سؤال وابي الاجابه عليه العادات ولا الدين

اذا تعارضت العادات مع الدين لازم نرجح الدين

ولا حد له راي ثاني

[الزاجل]

تأكدي اختي انها طريقة حوار ناضج وكلا نعطيه على حد فكره وطرحه

وطرحج يستوجب منا هذه الجديه والاشمئزاز

ومن قال انا جيت هنا اشهد لج با لسنع !! انتي هنا خالفتي السنع !!

وتأكدي ما تطالبين به هنا هو المخفه بحد ذاتها والضرب با الاعراف عرض الحائط

وسالفة ان اخوها اذا رزف في عرس نسيبه هذا يدل على الواجب و ان وراها رجاجيل
ههههههههههههههههههههههههههههههه قسم بالله ضحكت وانا مابي اضحك واي قطري اصيل بيقرا كلامج وبيضحك

لايسعني هنا الا نا اقول شكرا اختي ضحكتيني ولاحد يزعل من الصج


وعيش رجب تشوف العجب


الله يعينك يا هداف عقب كم سنة
اخاف يصيدك شي من التغييرات اللي بتحدث في العادات هذه
اتمنى ما تحصل في حقبتك والا حالتك بتكون صعبة جدا جدا جدا

لان الكثير من العادات( الدينية ) تغيرت وانضربت بعرض الحائط
فلا تستغرب ان حضور وجلوس وتناول وجبة العشاء من اهل العروس
على مائدة معرس بنتهم امر ممكن يكون غريب جدا جدا جدا :eek5:

وممكن جدا جدا جدا جدا جدا ما اتشوف عرس للرجال
وعرس للحريم .... مع هالتغيرات الكبيرة اللي قمنا انشوفها في الأجيال
لأن الأجيال هم اللي بتكون لهم كلمة لواقع المستقبل ..

[شيخ الشباب]

حضور أب البنت ... واخوانها ... للعرس مب عيب .... لكن يكون بحدود العقل ... مب يرقص ... ويبين فرحته ... ولا يشرد من العرس كأن اخته مسويه عيب ذاك اليوم ...والدليل ... كل يواحد يفكر ... يوم عرسك .. او عرس اخوك ... من يكون جنب المعرس ؟؟ ابوك صح ؟؟ ... ومن يكون جنب المعرس من الصوب الثاني ؟؟ ابو العروس اكيد ... لان هذا العرف والتقاليد ... والي يخالفه .. مع احترامي .. مايعرف السنع ويحاول انه يغير في التقاليد ..الا اذا كان التقاليد من دوله ثانيه (ايران) والله مادري كل شي جايز ...كل شي هالايام صار من الي اصلهم من هناك ... وهم الي يعرفون الحق وهم الي يعرفون السنع وهم الي يعرفون الشرف والامانه ...وحنا مانعرف شي كللش .. وعاداتنا هي الخطأ ... عالعموم ثانكس على الموضوع الحلو :thumbup1:
لحد يزعل من كلامي ... مجرد رأي شخصي :oops:

[حبر سري]

حضور أب البنت ... واخوانها ... للعرس مب عيب .... لكن يكون بحدود العقل ... مب يرقص ... ويبين فرحته ... ولا يشرد من العرس كأن اخته مسويه عيب ذاك اليوم ...والدليل ... كل يواحد يفكر ... يوم عرسك .. او عرس اخوك ... من يكون جنب المعرس ؟؟ ابوك صح ؟؟ ... ومن يكون جنب المعرس من الصوب الثاني ؟؟ ابو العروس اكيد ... لان هذا العرف والتقاليد ... والي يخالفه .. مع احترامي .. مايعرف السنع ويحاول انه يغير في التقاليد ..الا اذا كان التقاليد من دوله ثانيه (ايران) والله مادري كل شي جايز ...كل شي هالايام صار من الي اصلهم من هناك ... وهم الي يعرفون الحق وهم الي يعرفون السنع وهم الي يعرفون الشرف والامانه ...وحنا مانعرف شي كللش .. وعاداتنا هي الخطأ ... عالعموم ثانكس على الموضوع الحلو :thumbup1:
لحد يزعل من كلامي ... مجرد رأي شخصي :oops:

بالعكس ياشيخ الشباب محد ان شا الله بيزعل

بس ابو العروس جنب المعرس من الصوب الثاني؟؟؟
صراحة ولا مرة شفتها

[شيخ الشباب]

بالعكس ياشيخ الشباب محد ان شا الله بيزعل

بس ابو العروس جنب المعرس من الصوب الثاني؟؟؟
صراحة ولا مرة شفتها

شكلنا بنسوي استفتاء على هالموضوع :)

اي بالعرف والتقاليد ابو المعرس وابو العروس جنبه :)

والي يعارض يتكلم ... والي يؤيد يتكلم :)

مب اتكلمون عن الحين مادري عن نظرية البعض .... اتكلم بشكل عام العرف والعادات لبلادنا من زمان :)

وللعلم يوم حضور ابو البنت قديما ... كان يمثل للناس قبوله الفعلي لزواج بنته ...والي مايحضر عرس بنته كانوا يسئلون عنه ويقولون وش سالفته ماحضر ... وبعدين كانوا ماعندهم سالفة عيب وماعيب الا في الشي الي يخالف الدين و(السلوم) السلوم مب باللام المشددة شيشه :)

السلوم = العادات عند القبايل

وتعجبني اخوي حبر سري .. في رقي الحوار :victory:

[حبر سري]

شكلنا بنسوي استفتاء على هالموضوع :)

اي بالعرف والتقاليد ابو المعرس وابو العروس جنبه :)

والي يعارض يتكلم ... والي يؤيد يتكلم :)

مب اتكلمون عن الحين مادري عن نظرية البعض .... اتكلم بشكل عام العرف والعادات لبلادنا من زمان :)

وللعلم يوم حضور ابو البنت قديما ... كان يمثل للناس قبوله الفعلي لزواج بنته ...والي مايحضر عرس بنته كانوا يسئلون عنه ويقولون وش سالفته ماحضر ... وبعدين كانوا ماعندهم سالفة عيب وماعيب الا في الشي الي يخالف الدين و(السلوم) السلوم مب باللام المشددة شيشه :)

السلوم = العادات عند القبايل

وتعجبني اخوي حبر سري .. في رقي الحوار :victory:

انا معاك ياشيخ الشباب , وكلام على عيني وعلى راسي

كل قبيلة اكيد ولها سلم معين

لكن انا اقول ماشفتها

مايعني هالشي انها مب موجودة

لكن انا ماشفتها

لان عيلتنا من النوع اللي ماتحضر اعراس بناتها

فعلشان جذيه ماشفت هالشي , وبصراحة ولا حتى مع القبايل الثانية , سواء من الناس اللي ناسبناهم او ناسبونا , او حتى ربعي

لكن مايمنع ان هالشي ايكون موجود

لانه مب عيب ولا حرام

لكن كل قبيلة لها عادات وتقاليد , اذا كانت مب مخالفة الدين فمالمانع؟
اما اذا كانت مخالفة للدين , فلا والف لا

و انا يشرفني الحوار معاك ياشيخ الشباب

ولا تكثر من السلوم ( بتشديد الللام ) ترى مضرة بالصحة
;)

[حرقطر]

طبعاً ضد


وهناك قبائل بالعكس ابو البنت يكون موجود وخوانها


بس في بعض القبائل والله اعلم

[الدوحي7]

انا معا ان اخو العروس وابوها مايحضرون العرس، وسابقا كان المعرس ياتي بيت العروس ، وكانوا يستقبلون المعرس وكذا،،،لكن الحين تغير كل شي ،،المعرس في الفندق او في قاعه،،وانا زوجت خواتي،،لكن مارزفت الافي عرس وحده وكنت اصغير،،لكن بعدها ماكنت احضر سوى اني ابارك حق المعرس لاغير،،وصدقوني هذه العاده طيبه لان الواحد يبين حق اهل المعرس انهم متضايقين من فقد بنتهم هذا السبب،،وبارك الله فيك ،، ومضوع جميل جدا يحافظ على عادتنا التى اندثرت ،طبعا مب كل عادتنا اندثرت،،

[شيخ الشباب]

انا معاك ياشيخ الشباب , وكلام على عيني وعلى راسي

كل قبيلة اكيد ولها سلم معين

لكن انا اقول ماشفتها

مايعني هالشي انها مب موجودة

لكن انا ماشفتها

لان عيلتنا من النوع اللي ماتحضر اعراس بناتها

فعلشان جذيه ماشفت هالشي , وبصراحة ولا حتى مع القبايل الثانية , سواء من الناس اللي ناسبناهم او ناسبونا , او حتى ربعي

لكن مايمنع ان هالشي ايكون موجود

لانه مب عيب ولا حرام

لكن كل قبيلة لها عادات وتقاليد , اذا كانت مب مخالفة الدين فمالمانع؟
اما اذا كانت مخالفة للدين , فلا والف لا

و انا يشرفني الحوار معاك ياشيخ الشباب

ولا تكثر من السلوم ( بتشديد الللام ) ترى مضرة بالصحة
;)

صح كلامك كل قبيلة لها عاداتها وتقاليدها ... وحنا عادي يحضر ابو العروس واخوانها يسلمون ويباركون ومايطولون (حاليا) ولا من زمان السلم عندنا ابو العروس يكون مع ابو المعرس في نفس الكراسي :) ... لانه مهما كان تشارك نسابتك في الفرح ... ولو بسلامك عليهم ... يعزز تواصلكم :)

الله يبعدنا من السلوم ( بتشديد الللام ) :)

[شيخ الشباب]

طبعاً ضد


وهناك قبائل بالعكس ابو البنت يكون موجود وخوانها


بس في بعض القبائل والله اعلم

الحين عرس خواتك ماتحضر تسلم كللش ؟؟ :)

بالأمانه رد .. واحترم رأيك :)

[شيخ الشباب]

انا معا ان اخو العروس وابوها مايحضرون العرس، وسابقا كان المعرس ياتي بيت العروس ، وكانوا يستقبلون المعرس وكذا،،،لكن الحين تغير كل شي ،،المعرس في الفندق او في قاعه،،وانا زوجت خواتي،،لكن مارزفت الافي عرس وحده وكنت اصغير،،لكن بعدها ماكنت احضر سوى اني ابارك حق المعرس لاغير،،وصدقوني هذه العاده طيبه لان الواحد يبين حق اهل المعرس انهم متضايقين من فقد بنتهم هذا السبب،،وبارك الله فيك ،، ومضوع جميل جدا يحافظ على عادتنا التى اندثرت ،طبعا مب كل عادتنا اندثرت،،

احترم رأيك :)

لكن في فرق بين ترزف في العرس .. وبين تسلم وتطلع :)

ومب شرط تبين انك متضايق بعدم حضورك :)

تقدر تبينه بطرق ثانيه :)

[ذوق]

تأكدي اختي انها طريقة حوار ناضج وكلا نعطيه على حد فكره وطرحه

وطرحج يستوجب منا هذه الجديه والاشمئزاز

ومن قال انا جيت هنا اشهد لج با لسنع !! انتي هنا خالفتي السنع !!

وتأكدي ما تطالبين به هنا هو المخفه بحد ذاتها والضرب با الاعراف عرض الحائط

وسالفة ان اخوها اذا رزف في عرس نسيبه هذا يدل على الواجب و ان وراها رجاجيل
ههههههههههههههههههههههههههههههه قسم بالله ضحكت وانا مابي اضحك واي قطري اصيل بيقرا كلامج وبيضحك

لايسعني هنا الا نا اقول شكرا اختي ضحكتيني ولاحد يزعل من الصج


وعيش رجب تشوف العجب


جـزاك الله خـير على ردك وأسلوبك الراقي...ولين تمعنت في ردودي السابقه ستفهم رأيي بوضوح..



حياك الله على أية حال

[ذوق]

حيـــــــاكم الله أخواني كلكم على المرور...والأختلاف بالرأي لا يفسد من الود قضيه

منورين :)

[حرقطر]

الحين عرس خواتك ماتحضر تسلم كللش ؟؟ :)

بالأمانه رد .. واحترم رأيك :)



فهمتني غلط انا ضد هذه الظاهره


وبعدين لااااااازم اروح لانه اكيد حد من عيال عمي ولا اقرب الناس لي

[شيخ الشباب]

فهمتني غلط انا ضد هذه الظاهره


وبعدين لااااااازم اروح لانه اكيد حد من عيال عمي ولا اقرب الناس لي

كلام سليم :thumbup1:

[ذوق]

اب اب

[الكاسر007]

هاذي سلوم والسلوم ماتتغير
وكل واحد ينام على الجنب اللي يريحه
اللي يبي يحضر يحضر واللي مايبي كيفه
ويعطيك العافية على الموضوع

[ذوق]

حياك الله يا الكاسر