تجنيس فابيو وأميرال .. وايمرسون في الطريق [الأرشيف]

Mr Brox

05-01-2008, 04:57 AM

مبروكين يا شباب انضم اخيرا الى تشكيلة المنتخب الوطني كل من
فابيو سيزار لاعب ام صلال ا وكذلك ماركو اميرال لا عب الشمال البرازيليين
حيث تم تجنيسهما .. وهناك اقاويل حول تجنيس ايميرسون ..
والهدف من ذلك تعزيز حظوظ العنابي في الصعود الى كأس العالم ..
للعلم فقط الكويت جنست من ايام اكثر من 500 شخص من فئة البدون
اللي عاشوا وتربوا فيها .. وما نحسوهم عشان المنتخب ..

وش رايكم؟؟؟؟؟؟؟؟؟؟
هل انتم مع التجنيس في الرياضة أم لا؟

مساهمة

05-01-2008, 05:09 AM

بصراحه مصخت السالفه!
والمشكله كل مايجنسون لاعب ماادري شيصير فيه
مثل سبستيان من جنسووه واهو يلعب مباراه ويوقفونه مباراتيين!

&ام عبدالله&

05-01-2008, 05:23 AM

هذا اللى فالحين فيه

&ام عبدالله&

05-01-2008, 05:24 AM

[QUOTE=Mr Brox;2279711وش رايكم؟؟؟؟؟؟؟؟؟؟
هل انتم مع التجنيس في الرياضة أم لا؟[/QUOTE]

والله ياخوى مسخره والشكوه لغير الله مذله

وحيد-الشوق

05-01-2008, 06:30 AM

والله خبر يقهر :anger2:

ايش الفايده من تجنيس الاعبين مب الاولى يجنسون اصحاب الوثائق القطرية او ابناء القطريات او الي عاشوا اكثر من 30 سنة في قطر

&ام عبدالله&

05-01-2008, 06:49 AM

والله خبر يقهر :anger2:

ايش الفايده من تجنيس الاعبين مب الاولى يجنسون اصحاب الوثائق القطرية او ابناء القطريات او الي عاشوا اكثر من 30 سنة في قطر

:weeping:

خلهم يقدمون طلب لاجل غير مسمى اممممم يتراوح بين ال20 الى ال90 سنه

وماراح يقصرون فيهم ان شاء الله

الألماسي

05-01-2008, 09:20 AM

بالمنطــق : المنتخـب بعناصـره الحاليــه مستحيـل ان يتأهــل والســبب قــوه مجموعتنــا
طبـعا مجموعـه قطـر تضـم استراليــا + العــراق + الصيــن.. والتأهــل للأول والثاني..
عناصـر تضـم (( مسـعـد الحمـد + وسـام رزق + طـلال البلوشـي .. الــخ )) وين تبونهــم يتأهلون لكأس العــالم..

وجـود ايميـرسون + فابيـو سيزار + ماروكـوني اميرال وأنــس مبـارك في الطـريق
بهـ التوليــفه أقولــكم يمكن نتأهــل : )

طبـعا كلامي هــذا كـله بالمنطــق فلحــد ياكلنـي بقشــوري

ان جينــا للحـــق : انـا اتمنى المنتخــب من هم على شاكلـــه (( خألد سلمــان + منصـور مفتـاح + حمد مبـارك + السنيـــاري ..))
ولـــكن
قلــه المواهـــب وندرتهــا جعلــت من التجنيــس شــر لابــد منـــه..

امـا اذا مايهمـــكم تشوفون علـــم (( قطـــر )) ضمــن افتتــاح كأس العالـــم هذه قضيــه اخرى :)

تقبـل مروري اخوي مـستر بــروكـس

سداوي&مدريدي

05-01-2008, 09:41 AM

والله انا ضــد التـــجنيس بشــكل عـــام
ومـــع عيـــال الديـــره قــلبا وقــالبا
عيــــال الديـــره فيهـــم الخيـــر والبـــركه
مافي فــرق بيــن القــطري والكــويتي والسعـــودي والبــرازيلي والفــرنسي
القـــطري نـــاقصــته ريـــل؟؟؟؟؟
الكــويتي نــاقصــــه عـــقل؟؟؟؟؟
الســــعودي نــاقــصه أيـد؟؟؟؟؟؟
البــرازيلي عـــنه أربـــع ريــول؟؟؟
ولا الفــرني عقــله أكــبر من عقـــل لاعبينا؟؟
أنت والحمــد لله عــندك أكــاديميه من أروع وأحــسن وأفضـــل الأكــاديميات في العــالم
وأســمها أكــاديميه التــفوق الــرياضي يعــني بتـــنجــب لك لاعبيــــن من خيـــره الاعبيـــن
ســواء كانت من النـــاحيـــه العــقله ولا الجــــسمانيه ولا الليــــافه البـــدنيه
يعـــني بييب محتـــرفين على مســـتوى وبـــسوي مــلاعب على مســـتوى وبـــحط اوقات
وألتـــزامات على الاعـــبين للتــــدرين وبحــط نظــام غـــذائي معيــن وعــقب مرده بيـــرد هالشـي
عــليك بلاعــــب ممتــاز يفــــكر قبــــل لايـــلعب الكـــوره وبنيتــه الجســـمانيه قــويه وعــنده ليــاقه وعلى مستـــوى ,,,
مـــاكان عــندكم العـــملاق منــصور مفتــاح ؟؟ مبــارك مصــطفى ؟؟ خـــالد ســلمان ؟؟
يـــونس أحــمد ؟؟عـــادل خميــس؟؟ و و و و و ألح ......
مـــاكان عـــندكم نـــجوم؟؟ ماكان عــندكم فــريق يـــكسر الصـــخر؟؟
انا ضــــــــــــد التـــجـــنيس حتـــى لو تأهــلنا ماراح انــحس بطعـــم التـــأهــل
لأن لو أبــناء الــبلد الي يابــو التأهـــل صـــدقــوني التـــأهــل
بيــكون له طعــم
ثـــاني

دلة الرسلان

05-01-2008, 09:43 AM

اذا نعاني نقص في لاعبين كرة القدم ونجنس مني ومناك قولوا الله يستر لاتجينا اولمبياد 2016

ما بيتم لعبة ألا مجنسيين لها طعش لاعب ولاعبة من انحاء المعمورة :nice:

عبدالله العذبة

05-01-2008, 10:00 AM

هُناك خلل في التركيبة السكانية يصحابها خطر أمني مخيف ألا و هو أن عدد المواطنين أقل بأكثر من 3 مرات بالأجانب من غير العرب و المسلمين ...

لذا يجب أن يتم علاج الخلل في التركيبة السكانية بمنح من يحملون الوثائق القطرية الجنسية القطرية و من على شاكلتهم .. فهناك من أبناء دول مجلس التعاون من خدموا في الجيش و الشرطة لأكثر من 20 سنة فلماذا لا يجنسون لعلاج الخلل في التركيبة السكانية؟

و ما الفائدة الإقتصادية و السياسية من تجنيس غير العرب و المسلمين من اللاعبين؟

ولد الجزيرة

05-01-2008, 10:15 AM

في ناس لهم خمسين سنة في قطر
وإلى الآن يطلق عليهم أجانب

ajaqeel

05-01-2008, 10:56 AM

امـا اذا مايهمـــكم تشوفون علـــم (( قطـــر )) ضمــن افتتــاح كأس العالـــم هذه قضيــه اخرى :)الا والله ياخوك يهمنا ان احنا نتأهل لكن لما نكون جاهزين وعيالنا اهم اللي يلعبون ويرفعون الراس يعني ايش الهدف اذا نشوف العلم والفريق اللي يلعب ما يمثلنا في شئ
يعني ما نقدر الحين.... لا نشارك نقعد ونخطط للهدف اللي نبغيه (ان احنا نشوف علم قطر ضمن افتتاح كأس العالم) ولما نكون جاهزين ذيك الساعه نشارك يعني علمنا مب بس انه يكون موجود يعني خلاص....... لا العلم رمز لنا ياأهل البلد ولازم يكون لنا وله احترام
وبعدين لما هالتجنيس يصير بها الطريقه بيصير عندنا قطريين مسيحيين ولهم حقوق مثل ما لك ياخوي و بيطالبون بحقوقهم الدينيه من اجازات في يوم الاحد وكنائس يمارسون طقوسهم فيها وطبعا ومن وراهم البابا يساندهم ........يعني يسوى علشان نرفع العلم بأيديهم ننزل رايتنا الدينيه بأيدينا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟:anger 2::anger2:

الألماسي

05-01-2008, 12:08 PM

السهم الذهبي

05-01-2008, 12:52 PM

انا مع التجنيس وخل نشوف علمنا يرفرف , يعني تعتقدون
ان العناصر اللي في المنتخب مثل مبارك رشتيه والحمد ورزق وغيره بيتأهلون لكأس العالم
اذا كاس الخليج افشلوا وماحققو اي مركز ..

qatari1

05-01-2008, 02:50 PM

M O 7 A M M E D

05-01-2008, 03:04 PM

لا داعي لمناقشة تجنيس اللاعبين لأن هذه سياسة رسمية للدولة، ولا يمكن لأحد الاعتراض عليها أياً كان!

عن نفسي أنا ضد التجنيس، ولكن رأيي لن يقدم ولن يؤخر...

على فكرة من يوم انضمام ناصر كميل للمنتخب وأنا لا أتابع مباريات العنابي!

ناصر كميل ومحمد ايناس وابراهيم سالمين .. (( وينهم الحين .. ؟؟ ))

الله يكون بالعون ..

والقادم أدهى وأمر ..

:)

الألماسي

05-01-2008, 03:06 PM

ناصر كميل ومحمد ايناس وابراهيم سالمين .. (( وينهم الحين .. ؟؟ ))
:)

قانصيـن شمـال :whistling:

أم أبراهيم

05-01-2008, 04:14 PM

انا مع التجنيس وخل نشوف علمنا يرفرف , !!!!!

..

تضيع أموالنا وأموال الأجيال القادمة ..... بس علشان العلم يرفرف .

يا خي حطلك علم فوق السطح وصدقني راح يرفرف بدون ما نخسر فلوس .

إذا المسؤولين يسلكون هالمسلك .... ولا راح يغيرونه

صدقني راح يجنسون المغنية شاكيرا .. بس علشان علم قطر يرفرف !!!.

ما قول إلا حسبنا الله ونعم الوكيل على سياسية الرياضة عندنا أصبحت عندنا عبادة .
.

الجهه مجهولة

05-01-2008, 05:20 PM

والله شر البلية مايظحك:eek2:

يوم تكلمنا عن اموال قطر اللي هو حلالنا اللي يروح يمين ويسار واحنا اولى به من اعادة بناء دولةً ما :court: احنا مالنا دخل في تدميرها:cry2:

ومن معاشات مدرسين لدولةً ما وطبعاً ماتوصل:anger2:

ومن تبرعات لشعبً ما واحلف بالله انها ايظاً:anger2: ماتوصل لآن الله عرفناه بالعقل ومن ومن ومن اغاثات لشمال وغرب افريقيا وجزيرة قمر وجزيرة نجوم والى اهل الرمح والنمور

قامت الدنيا ولااقعدة علينا وقالوا عنا ان احنا شعب اتكالي واناني مايحب الا نفسه

الله واكبر:anger2:

واللحين جاء دور شراء اللعيبه بالملايين

عشان لاعب بيتم تجنيسه ادفع له 45 مليون ريال ومحد قال شي

وهذا من غير اللي جنسوهم من كم يوم تخيلوا اقل واحد فيهم خذله 10 ملييون

والتصفيات حدها 6 مباريات يعني ممكن يصاب بقطع في الرباط الصليبي لاسمح الله وماعاد يلعب 6 شهور:cry2: وينحرم منه المنتخب

او ينطرد:protest: وينحرم من خدماته المنتخب مباراة او مبارتين وعلى اثرها نطلع من التصفيات خاليين الوفاظ

بل خاسريين ملايين الملايين

وادري راح كل واحد يسأل نفسه هالسؤال !!!! اش دخل هالسالفه فالموظوع

ان 45 مليييون حق اميرسون والله جايده وهذا المبلغ بس عشان يلبس فانيلة المنتخب

شوي خلوا حق الاجيال اللي انتوا تتعذرون فيهمescape

ملاحظه : الى الان لم يتم الانتهاء من قضية مخرج الالعاب الاسيويه الذي سرق الملايين

ومثل ماقالوا اخوانا المصريين ان المال السايب بيعلم السرقه

والحسابه بتحسب :yu:

السهم الذهبي

05-01-2008, 06:12 PM

تضيع أموالنا وأموال الأجيال القادمة ..... بس علشان العلم يرفرف .

يا خي حطلك علم فوق السطح وصدقني راح يرفرف بدون ما نخسر فلوس .

إذا المسؤولين يسلكون هالمسلك .... ولا راح يغيرونه

صدقني راح يجنسون المغنية شاكيرا .. بس علشان علم قطر يرفرف !!!.

ما قول إلا حسبنا الله ونعم الوكيل على سياسية الرياضة عندنا أصبحت عندنا عبادة .
.

من قالك ان تضييع الاموال بالعكس هذا تشرييف للرياضة القطرية في المحافل العالمية وعلم دولة قطر ياختي الكريمه الواحد يشعر بالسعاده والفخر اذا رفرف بتلك المحافل الرياضيه مب على قولتك فوق السطح وهذا دليل للانتماء الوطني للفرد عندك وعند غيرك , ارجو منك عدم الربط بين الرياضه والعباده لان مب هذا موضوعنا والنقاش فيه طويل ..

qatari1

05-01-2008, 07:54 PM

من قالك ان تضييع الاموال بالعكس هذا تشرييف للرياضة القطرية في المحافل العالمية وعلم دولة قطر ياختي الكريمه الواحد يشعر بالسعاده والفخر اذا رفرف بتلك المحافل الرياضيه مب على قولتك فوق السطح وهذا دليل للانتماء الوطني للفرد عندك وعند غيرك , ارجو منك عدم الربط بين الرياضه والعباده لان مب هذا موضوعنا والنقاش فيه طويل ..

ههههه...

كلام مضحك جداً....

السعادة والفخر لما يكون الإنجاز قطري،،

أما الانجاز المدفوع، فعمره قصير جداً، وليس له طعم أو نكهة!

لاحظ منظر اللاعبين المجنسين عند عزف النشيد الوطني في الملاعب!

وستضحك بكاءً، وأنت ترى الشفاة التي تتحرك لمجرد الحركة!

PoBox

05-01-2008, 07:56 PM

كلكم تتكلمون في الزراعة هااا ؟؟

هين
:telephone:

:whistling:

Mr Brox

05-01-2008, 08:25 PM

مشكورين يا جماعة على المرور والتعليق
معظم الآراء ترفض هذا النوع من التجنيس ..
شخصيا ارى ان التجنيس قضية سيادية للدولة .. ومع
اخترامي لتجنيس هؤلاء اللاعبين فأنا لا اعتقد ان مستواهم
يؤهلهم لعمل الفارق مع المنتخب .. اميرال لاعب الشمال سد مكانه
اكثر من لاعب مواطن مثل ابراهيم الغانم ولا عبدالله آل بريك او مصطفى عبدي ..
وفابيو لاعب ام صلال يمكن يشغل اكثر من لاعب مواطن مكانه
الحالة الاستثنائة عند ايميرسون فهو فعلا لاعب ماله حل
لكن هل سيصعد منتخبنا لكأس العالم بعد تجنيس هؤلاء اللاعبين
لا اعتقد .. لأن راح تزيد الحساسية بين اللعيبة .. والمنتخب ما فيه وطنية
شوف منتخب العراق رغم الحرب والظروف الصعبة .. لكن روحهم الوطنية هي الطاغية
ويبقى قرار التجنيس قرار سيادي للدولة .. ونتمنى مثل ما صار في الكويت
اذ تم مؤخرا تجنيس فوق 500 مواطن من ئة البدون .. اي الفئة التي تربت في الكويت
ولن تعرف موطنا غيره

{راشد}

05-01-2008, 08:30 PM

على فكر البدون من زمان يلعبون في المنتخب الكويتي !!

واكثر منتخبات الكويت بدون !!

وهم من قبائل الجزيرة العربية عنزه وشمر وعوازم وغيرهم كثير

يعني مافي فرق عند الكويت,,

شاهيناز

05-01-2008, 09:32 PM

بعد التجنيس

كم بطوله حققنا...!!

ماغير المراكز الاخيره في كاس الخليج وكاس اسيا

الاعبين القطريين اول كانو يطلعون من الملعب
الي مكسور
والي يعرج
والي شالينه على نقاله

والي ملابسهغير صالحه للاستعمال

وغير الكدمات واللفلعات

الحين الاعب يطلع شديد النظافه والبياض
مايكلف نفسه يروح ياخذ الكوره
ينتظرها تجيه
واذا حد جا من لاعبين الخصم شات له الكوره
وقاله خذها حلالك
مب بلادي عشان اطيح واتكسر
انا لاعب محترف ومستقبلي في رجلي
اذا طحت وتكسرت مابينفعني العنابي

متى بيقتنعون المسؤولين عن الكره ان التجنيس اضر بالكره القطريه
حتى الاعبين ماعاد نعرف اسمائهم
وش يبون اكثر
هزايم وانهزمو المراكز الاخيره وخذنا ها بتفوق
وبعد وش تبون عشان تتتاكدون ان مافي فايده من التجنيس

مب مهم تخطئ المهم تعترف بالخطئ
ننتظر من القائمين على الرياضه عندنا يعترفون بالخطئ
واحنا بنعذرهم
بس يجيبون لنا لاعبين قطريين

فيني حره عليهم
ودي اضربهم بالبيض
بعد الهزايم
بس البيض غالي:this:

الزاجل

05-01-2008, 10:06 PM

يا حليهم بيصيرون منا وفينا

يا هلا وسهلا فيهم

احنا بنحبهم .. احنا نرحب بهم .. احنا نقول لهم
هم يبونكم ونحن نبيكم:fight:

السهم الذهبي

06-01-2008, 01:58 AM

ههههه...

كلام مضحك جداً....

السعادة والفخر لما يكون الإنجاز قطري،،

أما الانجاز المدفوع، فعمره قصير جداً، وليس له طعم أو نكهة!

لاحظ منظر اللاعبين المجنسين عند عزف النشيد الوطني في الملاعب!

وستضحك بكاءً، وأنت ترى الشفاة التي تتحرك لمجرد الحركة!

اولا : اخوي ماعتقد اني قلت نكته عشان تضحك جدا , وهذا يدل على اسلوبك الراقي ماعلينا بس بما انك مررت على مشاركتي من حقي ارد عليك وحتى تتضح الصورة للغير .
ثانيا :السعاده والفخرتختلف من انسان لاخرفمثلا منهم نظرته ضيقه محدوده وغير مستقبليه ومنهم نظرته واسعه ومنطقيه بالانجاز والفخر والانتماء لابكيفية التوصل اليه .
اخي الكريم لاتسلط الضوء فقط على سياسه الرياضه ولاكن بما انك تعيش في دولة عدد مواطنيها لايتعدى 250000 الف نسمه ياخي من حقها الدوله انها اتجنس في الرياضه وفي الصحه وفي التعليم بما انها تمتلك مقومات وسبل النجاح والتميز قادره في المنافسه على الصعيد العالمي ولييس على المحلي فقط .
ثالثا : الانجاز مالم طعم ولا رائحه هذا شي يرجع لك , لاكن عندي الانجاز والفوز لايوصف بغض النظر عن طريقة الانجاز .
للعلم ان اغلبيه الدول لجأت للتجنيس لرفع المستوى العام

بوحارب

06-01-2008, 02:15 AM

:sneaky::sneaky::sneaky:

تجنيس ماله معنى
مساكين ربعنا مواليد الدوحة صج بينقهرون
عاشوا وماتوا على أرض هذي البلاد وما لقوا { العنابي }

واخر شي يجيك واحد اجنبي
من الأدغال أو من أوروبا ويحصل على الجنسية بكل برووووووووود

صج قهر :sneaky::sneaky:

ارستقراطي

06-01-2008, 05:18 AM

على فكر البدون من زمان يلعبون في المنتخب الكويتي !!

واكثر منتخبات الكويت بدون !!

وهم من قبائل الجزيرة العربية عنزه وشمر وعوازم وغيرهم كثير

يعني مافي فرق عند الكويت,,

بس مسلمين وابناء قبائل معروفه ويستحقون حتى الجنسية القطريه ؟!! ويتشرف اي مسلم لانتماء مثل فئة البدون الضعفاء الى جنسيته لحاجتهم لها

تحياتي

ارستقراطي

06-01-2008, 05:21 AM

وللعلم الان ليس من حق اي مواطن قطري بالمطالبه بازالة الكنيسه والصليب من الاراضي القطريه

لان هناك مواطنين قطريين نصارى

يعني الجميع يلتزم الصمت

هدووووووووووووووووووووء

تحياتي

الألماسي

06-01-2008, 07:45 AM

على فكر البدون من زمان يلعبون في المنتخب الكويتي !!

واكثر منتخبات الكويت بدون !!

وهم من قبائل الجزيرة العربية عنزه وشمر وعوازم وغيرهم كثير

يعني مافي فرق عند الكويت,,

أغلب البدون اللـي في الكويــت ياعزيزي يملكون جوازات سفـــر سعــوديــه :whistling:

06-01-2008, 07:54 AM

أغلب البدون اللـي في الكويــت ياعزيزي يملكون جوازات سفـــر سعــوديــه :whistling:

يابو الشباب على فكره السعوديين والكويتيين خليجييين وأهلنا وربعنا يعني أحمد وخالد وعبدالرحمن ...ألخ منا وفينا نفس الدين واللغه والعادات والتقاليد.

بس

ركز على بس

بس فابيو وماسيو وجاكيو وخابيو ودابيوووو لغتهم غير ودينهم غير وعاداتهم غير

بس ماقول ألا

مع الخيل ياشقرااا
:fight:

PoBox

06-01-2008, 08:07 AM

أغلب البدون اللـي في الكويــت ياعزيزي يملكون جوازات سفـــر سعــوديــه :whistling:

سعودية !! ،،كثر منها هذي :court:

لو يملكون جوازات سعودية ما اخذوا جوازات بولندية وكينية للسفر

المطرقة

06-01-2008, 08:08 AM

بالتوووفيق وخطوة كبيرة ..

ياليت بعد يجنسون انس مبارك مال الغرافة لانه يستاهل واضافة قوية

المشكلة عرفت انه اهو ما يبي او متردد

لكن ان شاء الله يوافق

الألماسي

06-01-2008, 08:53 AM

سعودية !! ،،كثر منها هذي :court:

لو يملكون جوازات سعودية ما اخذوا جوازات بولندية وكينية للسفر

ياعزيزي انـا قلــت (( أغلـــب )) :swoon:

الألماسي

06-01-2008, 09:03 AM

يابو الشباب على فكره السعوديين والكويتيين خليجييين وأهلنا وربعنا يعني أحمد وخالد وعبدالرحمن ...ألخ منا وفينا نفس الدين واللغه والعادات والتقاليد.

بس

ركز على بس

بس فابيو وماسيو وجاكيو وخابيو ودابيوووو لغتهم غير ودينهم غير وعاداتهم غير

بس ماقول ألا

مع الخيل ياشقرااا
:fight:

اخوي رجاءا لا نقعــد نزايــد على بعــض وتطلــع لـي فيــها (( الوطني ))
انـا اتمنى تشكيـــله المنتخـب كـ الاتــي :

المدرب : محمــد الكــواري
مسـاعد المدرب : خالـــد الكبيســي

اللاعبين:
لحراسه المرمى : ناصــر الهاجري
الدفاع : خالـد العنـزي - محمد الشمري - فيصل الســـاده - عبداللـه الكعبي
الوسط : محمد المري - خليفه السبيعي - عبدالعزيز المنصوري - جاسم الكواري
الهجــوم : حمد الخـاطر - عبدالرحمن المهندي - فهد السليطي - على المريخي - خالد النعيمي

بــس للأســـف وينهــــم ..!!

الزاجل

06-01-2008, 12:14 PM

سعودية !! ،،كثر منها هذي :court:

لو يملكون جوازات سعودية ما اخذوا جوازات بولندية وكينية للسفر

+
بوليفية

واكبر مثال لاعب الريان اليامي
اللي عصب لما اكتبوا عن جنسيته الأصلية
مع انه من البدون في الكويت واضطر ياخذ جنسية ما ادري شنهي
علشان يقدر يتنقل :sneaky:

الزاجل

06-01-2008, 12:15 PM

اخوي رجاءا لا نقعــد نزايــد على بعــض وتطلــع لـي فيــها (( الوطني ))
انـا اتمنى تشكيـــله المنتخـب كـ الاتــي :

المدرب : محمــد الكــواري
مسـاعد المدرب : خالـــد الكبيســي

اللاعبين:
لحراسه المرمى : ناصــر الهاجري
الدفاع : خالـد العنـزي - محمد الشمري - فيصل الســـاده - عبداللـه الكعبي
الوسط : محمد المري - خليفه السبيعي - عبدالعزيز المنصوري - جاسم الكواري
الهجــوم : حمد الخـاطر - عبدالرحمن المهندي - فهد السليطي - على المريخي - خالد النعيمي

بــس للأســـف وينهــــم ..!!

شسالفة اسامي الطلاب القطريين في الثانوية العامة ؟ :sneaky:

06-01-2008, 12:43 PM

اخوي رجاءا لا نقعــد نزايــد على بعــض وتطلــع لـي فيــها (( الوطني ))
انـا اتمنى تشكيـــله المنتخـب كـ الاتــي :

المدرب : محمــد الكــواري
مسـاعد المدرب : خالـــد الكبيســي

اللاعبين:
لحراسه المرمى : ناصــر الهاجري
الدفاع : خالـد العنـزي - محمد الشمري - فيصل الســـاده - عبداللـه الكعبي
الوسط : محمد المري - خليفه السبيعي - عبدالعزيز المنصوري - جاسم الكواري
الهجــوم : حمد الخـاطر - عبدالرحمن المهندي - فهد السليطي - على المريخي - خالد النعيمي

بــس للأســـف وينهــــم ..!!

:)

أنا مسلم
ووطني الأسلام
وخليت الوطنيه لك
وحركات التشكيله مفهومه

:)

الألماسي

06-01-2008, 04:11 PM

شسالفة اسامي الطلاب القطريين في الثانوية العامة ؟ :sneaky:

لأ يالزاجـل هـذه تشكيله المنتخـب سنـه 3008

الزاجل

06-01-2008, 04:16 PM

لأ يالزاجـل هـذه تشكيله المنتخـب سنـه 3008

الديوك تفرخ فراخ
والفراخ على عمليات التجنيس
بيطلعون
توم
هاك
جورج
جيمي
جونون
بس هالأسامي الغربية من وين اطلعت ؟

تعال بقول لك شي

اعجبتني كلمة لأ

الألماسي

06-01-2008, 04:22 PM

:)

أنا مسلم
ووطني الأسلام
وخليت الوطنيه لك
وحركات التشكيله مفهومه

:)

عمـومـا
بعطيك مثـال بسيـط حاصـل مع شخـص اعرفه و ماشاء اللـه عليه اخـوه موهوب جدا في كره القدم واللـي صار شافـه احد المستكشفين لأحد الانديــه وراح كلــّـم والـد الولـد وتدري وشو كان رد أبـو الموهـوب : اخــر الزمــن ولدي يطلــع لاعب كــوره (( هـذا اللـي قاصـر ))..

وااذا كان تفكيـر أغلــب الأبـاء بهـ المنطــق..!!
من وين يجيبون لك منتخـــب مستقبــلا..!!
التجنيـس شــر لا بــد ..!!
ولمـا تقـولـي أجنــس ايميـرسون والا غيـره .. بقـولك أيميـرسون لأنـه بكــل بساطـه مبدع
طيـب هـذا هـم جنســوا لك مسلمين وعـرب (( هـل تأهلنــا لكأس العـالم ))
وبتقـولي من هـ المسلمين (( وسـام رزق + طـلال البلوشي + عادل لامي + عبداللـه كوني + ابراهيم ماجـد + ماجد محمد .... الـــخ ))
هـ المجموعـه ما أهلتك لتصفيات بكيــن عشان تأهلك لكأس العالــم ..

الألماسي

06-01-2008, 04:24 PM

الديوك تفرخ فراخ
والفراخ على عمليات التجنيس
بيطلعون
توم
هاك
جورج
جيمي
جونون
بس هالأسامي الغربية من وين اطلعت ؟

تعال بقول لك شي

اعجبتني كلمة لأ

الزايـــل شكلك مقيــــّـــل :weeping:

06-01-2008, 05:59 PM

عمـومـا
بعطيك مثـال بسيـط حاصـل مع شخـص اعرفه و ماشاء اللـه عليه اخـوه موهوب جدا في كره القدم واللـي صار شافـه احد المستكشفين لأحد الانديــه وراح كلــّـم والـد الولـد وتدري وشو كان رد أبـو الموهـوب : اخــر الزمــن ولدي يطلــع لاعب كــوره (( هـذا اللـي قاصـر ))..

وااذا كان تفكيـر أغلــب الأبـاء بهـ المنطــق..!!
من وين يجيبون لك منتخـــب مستقبــلا..!!
التجنيـس شــر لا بــد ..!!
ولمـا تقـولـي أجنــس ايميـرسون والا غيـره .. بقـولك أيميـرسون لأنـه بكــل بساطـه مبدع
طيـب هـذا هـم جنســوا لك مسلمين وعـرب (( هـل تأهلنــا لكأس العـالم ))
وبتقـولي من هـ المسلمين (( وسـام رزق + طـلال البلوشي + عادل لامي + عبداللـه كوني + ابراهيم ماجـد + ماجد محمد .... الـــخ ))
هـ المجموعـه ما أهلتك لتصفيات بكيــن عشان تأهلك لكأس العالــم ..

في هذي معك حق
لاعب كرة القدم عندنا يختلف عن لاعب كرة قدم في أوروبا وأمريكا الجنوبية