خدش في الرنق

[راعي ال x5 الاسود]

السلام عليكم ورحمة الله وبركاته
بصراحه توني ماخذ موتر ماصار له شهرين الا اشوف خدش بسيط في الرنق
فياجماعه الخير ابي حد يعرف مكان مختص في تعديل وتصليح مثل هاذي الخدوش
ويعطيكم الف عافيه

[عيسى]

بغيت اعرف رنجاتك اصليين وكاله
او من السوق الي ايون 19انش و21 انش
لأني أعرف محل اصلح حق المواتر الي امسوين حادث وينكسر عندهم الرنج او ينخدش يلحم فوقة ويسنفرة ويصبغة

[راعي ال x5 الاسود]

اخوي الرنق 20 انش من الوكالة

[عيسى]

اللي شفت عنده في المحل التجاريين
جرب اسأل المحل للأسف ماعندي رقمه وباوصفه لك
عند معرض X5 قبل لا توصله ابكم محل بتحصل جراج اصلح مرسدسات والمحل قبله
اصلح لاديترات وهو باب واحد وبتشوف جدامك ايعدل رنجات في المحل

[Mishaal]

اسكت يا راعي الاكس الاسود أنا رنجاتي كلها مشمخخخخه من قلب ... تقول راكب جبل وناط منه ..

يليت تشوف لو نفع معك تصليح الشمخ أودي موتري وأشوف لرنجاته الأربع صرفه ههههههههههه

[راعي ال x5 الاسود]

بيض الله وجهك يا عيسى وجزاك الله خير

[BURBERRY]

حتى الرنق الي عندي فيه شمخ

و رحت الوكاله قالو لي بنصلح الشمخ و نصبغ الرنق و لكن راح يكون فيه فرق باللون عن لون الرنقات الباقيه بنسبه بسيطه ..

و هونت و خليت الشمخ مثل ما هو ..

[الخطاب القطري]

يا رجال كل من عنده رنجات كبيره فيها شموخ .... وحتى لو صلحت الشمخ .... بيرد يتشمخ مره ثانيه ....

[تايد]

عند معرض X5 قبل لا توصله ابكم محل بتحصل جراج اصلح مرسدسات والمحل قبله
اصلح لاديترات وهو باب واحد وبتشوف جدامك ايعدل رنجات في المحل


اسمه محل (السلطان)

[Abu Abboud]

اخوي لاتحاتي كل المواتر الكشخه ولي رنقاتها كبار تتشمخ خبرك من الشوارع الزينه

انا اخبر واحد من الربع صلح الشمخ الي في رنق موتره عند زيب ارت بصراحه شفت شغله مضبوط ولا يبين

انه معدل مر عليهم وشيك عندهم وانشاءالله اني قدرت اساعدك

[راعي ال x5 الاسود]

بيض الله وجيهكم كلكم ولاهنتوا على الردود المعنوية والزينه