[][][][][ ياليت تفيدوني .. كم سعره في السوق ][][][][]

[ALRAYYAN]

السلام عليكم

vx_r
2004
اسود
قاطع 72000 كم
استعمالي الخاص .. مالك اول
ضمان عبدالغني 5 سنوات عداد مفتوح
المواصفات

قير اتوماتيك ـ فتحه ـ جلد بيج ـ دف لوك ـ ونش ـ DVD

الموتر كل تشييكاته في الوكاله ابتداء من 1000 كم وكل 5000 كم ادخله الشركه وكله مسجل في دفتر الضمان


الموتر مجدده بنفسي في الشركه تجديد كامل 2007 مكلفني 18 الف ريال
بس مو اي تجديد .. اتحدى اي واحد يكشف انه مجدد الا اذا شاف الطبلون لأن 2007 طبلونه زينون


الموتر ماجاه صبغ ابد .. شد شركته يعني : الموتر ورده
الموتر مطلوب لشركة عبدالغني 75 الف ريال والقسط الشهري معقول 2500 ريال

السؤال وياليت يفيدني من له خبره في سوق السيارات
لو بغيت ابيعه كاش .. بكم ممكن يروح ؟
ولو بغيت فيه مبلغ والشراي يتحمل الباقي .. كم اطلب فيه ؟

وشكرا للجميع

[مزيون الدوحه]

اعتقد تقريبا بين 40 الف و 45 الف لازم يزيدك
لاكن شوف المعارض قبل احسن لك
وان شاء الله يجيب لك اكثر ولاتتسرع
لان الحين وقته ومرغوب

وتحياتي لك
:ok:

[الجهه مجهولة]

اذا الموتر اللي كان في توقيعك

ترا ماشاء الله عليه الموتر حلو وعليه رزة واحسبه 2007

واتوقع مثل ماقال اخوي مزيون الدوحه من الـ 40 الى 43 الف زياده

اذا كان الشراي راغب الموتر

وموفق خير ان شاء الله

[ALRAYYAN]

هذا الموتر

http://www.7wy.com/uploads/794895bf36.jpg (http://www.7wy.com)

http://www.7wy.com/uploads/08d2c1b0a7.jpg (http://www.7wy.com)

[almalki2]

ماشاء الله عليك وعلى الموتر والله يوفقك لو كان ابيض كنت فكرت فيه لاكن باسأل ربعي اذا خاطرهم فيه.

[][ الوحيد ][]

بوناصر بصغر لك الصور

وبطرشهم عالخاص

حطهم هني عشان يكون اوضح لهم

[ame32480]

مشالله يالريان .. خوش مووتر .. خصوصا انه اسود ..

انشالله تبيعه بسععر حلوو ويرضيك ..

تحياتي

[][ الوحيد ][]

شيك الخاص يالريااان :)

والله يوفقك

[كنترول]

كم طالب في الموتر

[البهتري]

كم طالب في السيارة

[الكاسر007]

اخوي الريان طرش سعرك على الخاص

[الجوكر90]

اخوي الرقم للبيع
والله يوفقك فالبيعه

[شقردي]

اخوي الرياني طرش سعرك على الخاص معليك امر

[مضارب بدرهم]

السلام عليكم
اخوي الريان اخبارك الصراحه الموتر نظيف (ورده) ويستاهل ولونه حلو
لكن بقوللك على شي الكراسي المخمل مرغوب فيها بشكل ماتصوره اذا لقيتلك حد ابدل معاك بدل
وعرضه فاي معرض صدقني يروح في نفس الوقت
لان مواصفاته حلوووووووووه وماشاء الله عليه
والله يوفقك في بيعته بالسعر الي في بالك

[ALRAYYAN]

اعتقد تقريبا بين 40 الف و 45 الف لازم يزيدك
لاكن شوف المعارض قبل احسن لك
وان شاء الله يجيب لك اكثر ولاتتسرع
لان الحين وقته ومرغوب

وتحياتي لك
:ok:

ماشاء الله عليك .. فعلا اكثر من شخص عطاني فيه 40 الف ويتحمل الباقي لكن مابعت ولا بابيعه بهالسعر لأن الموتر نظيف جداً غير انه مجدد ومكلف عليه بصراحه

الله لايهينك وماقصرت يالغالي ومو مستعجل على بيعته ماعليك

[ALRAYYAN]

اذا الموتر اللي كان في توقيعك

ترا ماشاء الله عليه الموتر حلو وعليه رزة واحسبه 2007

واتوقع مثل ماقال اخوي مزيون الدوحه من الـ 40 الى 43 الف زياده

اذا كان الشراي راغب الموتر

وموفق خير ان شاء الله

تسلم والله لايهينك اخوي .. مبين عليك خبره وراعي سوق ماشاء الله عليك

[ALRAYYAN]

الوحيد الله لايهينك اخوي وماقصرت بس انا قاصد اكبر الصورة
عشان يكون اوضح للشباب ويفيدوني لين قررت ابيعه بكم اعرضه .. يسلمووووو ومانستغناش يافندم

[ALRAYYAN]

الجوكر 90 ــ سلامتك يالغالي الرقم مو للبيع

باقي الشباب اللي سألوا عن سعر الموتر .. اول ما اقرر ابيعه بحدد السعر المطلوب وبطرشه لكم

لأن بصراحه ناوي على الفي اكس ار الجديد 2008

الله لايهينكم ياشباب .. مافي مانع من ردود جديده من باقي الاعضاء

[ALRAYYAN]

السلام عليكم
اخوي الريان اخبارك الصراحه الموتر نظيف (ورده) ويستاهل ولونه حلو
لكن بقوللك على شي الكراسي المخمل مرغوب فيها بشكل ماتصوره اذا لقيتلك حد ابدل معاك بدل
وعرضه فاي معرض صدقني يروح في نفس الوقت
لان مواصفاته حلوووووووووه وماشاء الله عليه
والله يوفقك في بيعته بالسعر الي في بالك

مرحبتين اخوي مضارب

صحيح كلامك المخمل مرغوب لكن صدقني اللي يستعمل موتر جلد مايفكر في المخمل
لأنه يعطي فخامه للموتر غير طبيعيه وخصوصا اذا كان الموتر غامق والجلد بيج نفس موتري كشكل وايد احلى

وعموما كلها اذواق في النهايه

وانا متأكد لو اوقفه في اي معرض بيطير على طول وخصوصا ان الموتر عليه اقساط والناس يدورون الموتر
المطلوب وموتري وانا اعرفه لو طلع في الفحص في سفايف انا مستعد ابدلها له وفلوس الفحص علي

رحم الله والديك ولا خلا ولا عدم ياخوي

[الرائـد]

مرحبا الشيخ انا اشوف انك تبيعه كاش احسن وابرك لك وللمشتري وانت اعرض الموتر ان ملكيته حره واذا حصلت شراي بسعر يعجبك روح ادفع للشركة والباقي اخذه وحرر الموتر وفك عمرك (حتى لو بغيت 2008 تقدر تاخذ من الشركة هذا اقتراحي لك وبالنسبه لسعره الموتر حلو ماشاء الله بس الشرايين نوعين اذا كان شباب راح يقدر الموتر ويقدر التعديلات الي سويتها عليه (التجديد) ولكن اذا كان كبير بالسن بيشوف الموتر حاله حال اي موتر 2004 بس الي بيهمه النظافة واتمنى اني اكون أفدتك بشي ينفعك
مع تحياتي وبالوفيق ..

[طاش]

الله واعلم انه في احدود 110000الى 118000 وترى السوق طايح جدا بعد السيارات الجديده
واذا كنت بياع في واحد شراي جاد

[ALRAYYAN]

مرحبا الشيخ انا اشوف انك تبيعه كاش احسن وابرك لك وللمشتري وانت اعرض الموتر ان ملكيته حره واذا حصلت شراي بسعر يعجبك روح ادفع للشركة والباقي اخذه وحرر الموتر وفك عمرك (حتى لو بغيت 2008 تقدر تاخذ من الشركة هذا اقتراحي لك وبالنسبه لسعره الموتر حلو ماشاء الله بس الشرايين نوعين اذا كان شباب راح يقدر الموتر ويقدر التعديلات الي سويتها عليه (التجديد) ولكن اذا كان كبير بالسن بيشوف الموتر حاله حال اي موتر 2004 بس الي بيهمه النظافة واتمنى اني اكون أفدتك بشي ينفعك
مع تحياتي وبالوفيق ..

بارك الله فيك ياخوي .. وعز الله انك ماقصرت

كلامك صحيح لكن في كثير من الناس وخصوصا الشباب ماعندهم المبلغ كامل ويدورون الموتر المطلوب

عموما انا باخذ بنصيحتك ان شاء الله واول ماقرر ابيعه بعرضه بطريقتين .. اقساط وكاش

والله يوفقك الجميع اخوي

[ALRAYYAN]

الله واعلم انه في احدود 110000الى 118000 وترى السوق طايح جدا بعد السيارات الجديده
واذا كنت بياع في واحد شراي جاد

لا اخوي الموتر جايب لي اكثر حتى بدون ماعرضه للبيع .. واذا هذا حده في السوق بخليه للبيت ابرك

يعطيك العافيه يالشيخ وماقصرت